تحميل رواية «اربعه ارهاب» PDF

شنوو

قتلت باوعت بعينها ها حتعوفيني

ليث شدتحجي

مثل مسمعنتبي

ليث سلم نفسك

ماراح اسلم نفسي اموت وماارجع للسجناصعدي سحيتها من رلسها جريتها للسياره

ويين ليث ارمي عليك والله

بس ترمي ارمي عالبنيه وتروح هالبريئه المسوول اانت عنها وتموت بسببك صحت بعلو صوتي جانو شرطه ثنين مبين دازتهم المفرزه بقيت اجر بجواهر من راسها وهمست باذنها لنعوفيني

ماعوفكباوعت بعينه لتخاف ماعوفك

ارتاحيت كلش بهالنضره جريتها من باب السايق العالم طلعت تتفرج عليه جريت جراهر صارت بحضني

خرب خرب بله هاي وضعيه خوش حجه

هه لج اني بيا حال كعدي بالصدر همست دير بالج تحجين ومثلي الخوف

ماشي ماشي

بقيت موجه سلاحي عليها شخطت السياره رجعتها شفتهم صعدؤ لسياراتهم يلحكوني بكل سرعتي طلعت وبفروع العرصات اللي حافضها زغويله زغويله شفت باب بيت مفتوحه بيت لهالبيت اعرفه بي مره جبيره بالعمر متسكع وولدها مسافرين يجوها بالسنه حسنه وعدها فليبينيه طبييت للبيت ونزلت ركض سديت الباب بقيت اباوع من فتحه الباب وهاي تنك ورايه بيتمن هاذ ليث ليث

اوكفيييي اششش شفت الشرطه طلعت منها الفرع انتضرت عشر دقايق وردعت فتحت الباب وطلعت وباقصى سرعتي بقيت امشي وصلت لسريع البياع ----- نزلي جواهر اخذي تكسي وروحي لاهلج

ماانزل وين جتروح وكلشي محجيت

جواهر مو وكتج راح انلزم من وراج

ليش كتلته

تنهدت باوعت بعينها تحرش بميمو وبس دفعته ووكع على حافه كاع حاده ومات ارتاحيتي خلت ايدها على حلكها صافنه

روحي الله يخليج لتخافين لزمت التلفون مالتها خابرت اكرم يجوز مراقبين فوني شو عايفين الارهاب ولا حكيني ابرت اكرم الو اكرم لتوصل لبيتكم

ليش شكو يمعود

الشرطه تلحكني وانت جنت ويايه صار الخايفين منه

لا بربك خرب زين زين انت وين

اني بسريع البياع

باوع اطلع كبلك للطارميه اني اخذ تكسي واجيك

شعدك بالطارميه يول

عدي ناس هناك زين تعال اكولك منو كال ممراقبين ارقام سيارتنا بالحاسبه بابا هسه انشرت بالسيطرات

عزه بعيني مفكرت بهالشي حنزل اخذ تكسي انت هم اخذ تكسي باوع تلفون جواهر حيبقى عدي

اي ادكلك عليه دكلي على هالرقم مو باسمي

كلش زين باوعت لجواهر حاخذه

اخذني وياك دمعت عيني

وين صدك تحجين

حباب ليث اخاف غليك والله اموت اا سلمت نفسك

لج بابا اموت وماسلم نفسي عالشفته هناك

اوعدني متسلم روحك

وعد نزلت من السياره فتحت الجكمجه طلعت الفلوس باوعت بعينها يلهة حبيبي نزلي اخذي تكسي اجيت من يم بابها فتحت الباب شيبيج جواهر ماعدي وكت وكفت تكسيين كتله لحي العامل والثاني للطارميه مقبل بقيت كم تكسي يله قبل وكل هذ١ا جواهر تنتضر مراحت لحد ماقبل التكسي يروح باوعتلها اني رايح دمعت عينها دير بالك على روحوانتي هم اتخابر وياج من غير رقم

انتضر مكالمتكفي امان الله

االله ويالج صعدت التكسي واتواصل وي اكرم لحد مالتقينابالطارميه وانجمعنا بفد تكسي طببني جوه فروع كلها اشجار وزرع لحد موصلنا منطقه بيهاعلو وبعدين تنزل مثل النزله ترابه وبصفحتها ساكيه بيها مي رفيعه مشينا شويه ليجوه بعد واكرم يدلي ابو التكسي مبين من المنطقه لحد مابين الشط وكف اباوع وره الشط البرج مال الجزيره اكرم هاي وين جايبني

مالك دخل تعال

طببني بستان وببطن البستان بيت جبير وتنور الطين اول شي بي تخبل المنطقهالخضار وريحه اشجار البرتقال والمي ريحته تخبل كيفت حسيت روحي طالع سفره

تعال فوت ليث

بيتمن هذا

بيت ولد صديقي ساعدته بالمطار

ها طلعلنا ولد عشريني سلم ورحب كعدنا بمثل كعده ديوانيه تصير تمددت حسيت روحي تعبت من التوتر اكلت وراها اخذت فون جوجو وخابرتها ردت بخوف ولهفه

حبيبي بشرني

لتخافين فتحي فديو وشوفيني جتى ترتاحين فتحت الكام وشافتني ارتاحت

جواهر- هسه شون شحنسوي

محد اجه عليج

لا ميعرفوني منو اصلا

خوش هسه حدز عمر اشوف شون عرفو لان الوصللهم الحجي اكيد شافني ومن شافني اكيد شاف ريم بهالحاله

صح حجايتك

روحي حبيبي خل اخابر اهلي هسه متخبلين سديته منها اتصلت بوالدي طمنته امي كالعاده ارتفع سكرها وام اكرم رادت تتخبل الا شوي هي وريم اتصلنل بعمر وضبط امورنا راح للمركز وكال راصديك بالكامره والتصوير دخلو بكامرات المركز العامه مال بغداد والحاسبه عرفتك لان عدك سجل هناك ههه مو صرت صاحب سوابق اوف الله ---زين عموري التصوير كامل شافو من تحرش بميمو عل الاقل عدي اثبات

عمر- حبيبي المحامي باجر طالع وحيسوي قضيه كامله لتخاف ابنه المشتكي بس اخو عربي خوش رجال يتفاهم بس هذا الزعطوط كام يزاكط ههه

ها يله الله يسهل

اي عيني يكلك كله منطقه بساتين طالعين سفاري حضراتكم

يابه وروحه لغيث كل حياتي ممرتاح هالراحه تعال شوف الهدوء تصور حتى اكرم كمت اشوفه هيفا وهبي من الاسترخااء

اضررررب

هههه خل تخلص السالفه واجيب اهلي فد اسبوع اااه ربي استغفر الله ------- عده يومين وعرفت المحامي ساحب كل التصوير وعرفت انه اليوم ياخذون ميمو يحققون وياها

اكرم- خرب خرب شكو يحققون وياها كوه نست شون ولمك شون

حبيبي ابويه وياها لتخاف بس ياخذون افادتها وترجع

الله لاينطيه ولا يرحمه ولك والله هسه تتدمر نفسيتها

بس نرجع انشائ الله عود نجيبها هنا وتتحسن النفسيه----- ببقيتنا هنا كلش دارونا اطلع الفجر افتر وي الفلح الهوا يخبل صوت النوارس الفجر عالمي يرد الروح

دتسمعين جواهر

شنو هاي

هاي صوت النوارس حبيبي كون يكمي وتشوفين المنضر اسراب تنزل وتطير

الله تنهدت انت مرتاح

كلش مناقصني بس انتي

وبت عمك ام الجنسيه

انتي من تقفلين للبليس تسطري

اي اني هيج باوع من هسه داكولك تره اني مستحيل اقبل وداكولكياها بس تسافر انسى وحده اسمها جواهر ولو يصبوك ذهب ماريدك بعد

جواهر اني مفي تره من ذاك الاسبوع سالفه شهر وراجعلج ليش تاذيني

اللامااااذيك روح الله وياك وهاهي انساني مع السلامه ليث سديته وكالعاده قفلته ونمت بس ابجي

خرب ادكلها مترد عفتها بقيت اباوع عالمي رجعت نمت طبيت لكيت العينتين يسلطن وي ميمو ديغنون هههه ها ولكم هلو عمو شونج حبيبي

ميمو- هلاو عمو حبيبي انت شونك

اكرم- باعي ميمو اكولها كدام عمج حبيبي بس مالتي

لا عمو حبي الاول

ها هيج صارت باوعت بعينها ونصت دارت الكامره

ولك لتخجلها خرب معليج بي عمو يله حروح انام باجر اريدج قويه

لتخاف عمو تربيتك اني

عفيه يالسبعه ----- عده اليوم بصعوبه المحامي طلع التصوير واعتبرو دفاع عن الشرف وبرئوني بقت اخر جلسه الضابط خوش ولد د علينا المحامي وكال باجر الجلسه وتره احنا رابحيها لتخاف ارتاحيت وبدلنا ونزلنا لبغداد اني واكرم طبينا المركز وراسن كلبجونا عادي متهمين

الضابط-ها انتتو اكرم وليث

ليث- حاجيني الي اني القاتل

الضابط- ادري عيني ادري ليش لاانهزمت

لان شفت الضيم عدكم شبقه

مممم استاذ ليث الحكم الك بس هاي جلسه لاهل المجني عليه واهلك هاي حتى ينعرف الجاني والسبب والمجني عليه مامعناه انت بريء بس في سبيل اهل المقتول يعرفون انه انقتل لان تدنى على عرض غيره وهو سكران وباجر عكبه متصير ثارات فاهمني مو

اي سيدي فاهم تنهدت مرتاح

بقت شغله وحده اخو المجني غليه يريد يحاجيك شوف هو تنازل عن القضيه ةبس ابنه من النوع عراك وشايف روحه رجال وخابص عمامه وجايبهم من العرب الضاهر اصلهم عشيره جبيره المهم راد يحاجيك تريد تحاجي لو تاجلها للمحاكمه

تنهدت باوعت لاكرم اي خلي يجي عادي اشوف شعده

خوش دخله للرجال ابو الغكال بالباب واكف

السلام عليكم

ليث- اهلا

انه محمد من اهالي القاسم انه اخو المقتول

مد ايده يسلم وكفت خجلت من هيبته وعليككمم السلام العفو ----- رجال يطلع ب٣٧ من عمره شكله حلو وطويل ودشداشه سوده وغتره سوده جان وجهه كلش تعبان--- كعدت وكعد كدامي

من رخصه الضابظ والملازم انه اخو وهاي التنازل تنازلت ووقعته بس ردت من رجاء اخوي المقتول عده ٤ بنات حديثات واحنه ماخذيهم يمننه بالعرب بالقاسم واخوي جان مدمرنا بحيث طردنا من كاعنا بسبب مصايبه الصراحه اكولها كل يوم سكران دزينا لبغداد خلصنا بس هالبنات اذا انعرف انه ابوهم مات سكران ومتحارش ببنيه محد يعتب بابنا واحنا يلبسنا العار

المطلوب مني شنو

انه كل الاريده من رجاء اخوي انه نتستر انه المحاكمه تكون سريه ولان اذا المحروسه بتكم بالمحاكمه كالت كيت وكيت وشافو العشيره التصوير انه حتى من القاسم اطلع مااكدر ابقه بيها وانه رابي وي خوالي صارلي ٣٩٠ سنه فان تكدر تنفذلي الاريده انه كلش ممنون

تنهدت باوعت لاكرم وللمحامي وللضابط هاهي ماعدي اشكال بناته منالهن ذنب

مشكور منك ومن شيمتك والوالد كالها عن لسانك انك ماراح تردني

اسف عمي واللله حرجتنسي بس موقصدي اقتله

عمي العرض عزيز لو صايره بجيراني مو ببت اخوي اقتل نص عشيره المتحرش وانه شفت بعيني الله شاهد علي اسال الملازم جان كاعد حتى عكال راسي ذبيته فشله فشله واحنا ولد عشيره لا عتب عالماتربى وماعده اصل وفصل بس شكولن استغفرالله ربي واتوب اليه

جواهر

ها عيني

حبيبي تعاي يمي من الصبح مشفتج

هسه جيت

مر اسبوع على زواجنا وكل مااتقرب منها احس اول مره نفس اللهفه البيه نفس نضرات عيونها التسطر جواهر انتي احلى شي صار بحياتي

واني مجنت اتوقع الله حيجازيني بيك وباهلك

اهلي ديضوجوج

لا حبيبي محد مضوجني

ليش متحجيلي

شحجي

جواهر خلود دتحجيلي كلشي

نصيت واسي رفع راسي بايده باوع بعيني هيج تحبيني

ممتوقع منج هلكد تصبرين وابد متبينيلي

والله احبهم وبالذات امك ولتخاف الا اخليهم يحبوني لان اني محتاجتهن اكثر منك

شون يعني

هيج كمت من يمه اتهرب من عيونه

جواهر كعدي داحاجيج

ها عيني شنو

شون تحتاجيهم اكثر مني وليش هلكد مجابه بامي

فتحت عيني باوعتله اني مجلبه

جواهر اني منتبه علبج من جننا بالعلاقه انتي هواي تردين تحجي بيها

لا ماكو هيج شي

اني مو ارنب تره

حشاك نصيت راسي اني احبك واحب اللي يحبك

هه ابتسمت من كلبي احبج والله احبج ويكلولي ليش تحبها

منو يكولك صفنت بوجهه

هيج

احجي

اهلي مجانوًموافقين من وره مينا مجانو يردون اخذج ووالدي كللي بت عمك اولى بيك ميدري بالبيناتنا اني ومينا والاتفاق

ها فهمت هسه ليش يضوجون مني باوعتله بمكر بس الا اخليهم يحبوني

ماريد ياذوج بحجايه وحده

ميكدرون حبيبي بستها من راسه جرني على جسمه

حبيني بعد

اكثر من هالشي

ماريد احد ياخذ منج حنان بس اني

مو ذوله اهلك

حتى لو جانو جهالي حبيني بس اني

ههه ميخالف

جوجو تعاي دننام

اوك بس اسبح واجيك

اجي وياج

لا عفيه

بعدج تخجلين مني كلتها بتوسل

باوعتله انقهرت عليه لا مااخجل تعال بس توك طالع من الحمام

بس اتفرج

نصيت راسي وفتت بصعوبه نزعت بالضوه وبصعوبه سبحت جنت اسمع تنهيدته وعيونه التذبل وي كل قطعه اذبها وعضه شفافه تشجعني اغري واونسه كملت حمام مخلاني انشف واخذني لحنانه وحضنه دااعيش ايام بالخيال حنيته وعطفه وتفهمه وحنان خلود رغم قسوه امه وابوه ونضراتهم بس اني ماراح اعوفهم حبقه وراهم لحد ميحبوني كل حجايه وكالت ابني احلى منج مادري ششاف منج واني ابتسم لو تكول زركه ايدج وجسمج خطيه ابني جان يحبم بوحده ثلج وشكره هالشي جان يوجع كلبي ومن اصفن اكول هو اللي اختارني وهو اللي طلبني وعاف السفر لخاطري عدت ايام وبقيت اتقرب لخاله مكيه اسمها امه مكيه وهي تنفر مني وخلود نضرات عينها تكولي تحملي وابد ماجيبله سيره لليث جنت محتاج لحنان امه اكثر منه ردت احس ولو شويه بحنانها هالفتره والدي تمرض كمت اروح دائما لاهلي خفت عليه لان وراه عائله والدي اكبر من مرته ب20سنه

خاله حروح لبيت ابويه

يوميه الخميس رحتي

ليش خاله تردين ابقى يمج ذبيت عباتي ابتسمت كعدت يمها ترديني ابقى يمج

لا بس اضوج جنايني طابات طالعات

خاله بعيني تومريني التردي يصير

اني شون وياج متكوليلي ليش هلكد تتلوكين ماكله عقل ليث بلواكتج متاكل عدي

ابتسمتلها وهي ترزل بيه

شبيك تتمضحكين

مابيه همست بابتسامه كل رزاله منها تذكرني بامي وبكل كلمه منها اتذكرها واتذكر شكد تعبت من راحت وشكد تاذيت

كومي من يمي يله ولي فوتي لغرفتج

اي خاله فايته همست مبتسمه كمت افوت صار بوجهي ليث جان خاتل وره الحايط سمع كلشي من شافني ابتسم نصه راسه خجلان مني --- شجابك

مرحت

ليش

داشوف امي شدسوي بغيابي

مكيه- ها يمه مرحت وي ابوك

ليث- بقيت صافن عليها يمه ليش هيج دتسوين وي جواهر

جواهر- مدتسوي شي انت معليك بسوالف النسوان

جواهرفوتي لغرفتنا اريد اتفاهم وياها

مافوت شغله بيني وبينها انت متدخل

داكولج فوتي

مافوت

بقيت اباوع بعينها خازرها شنو انتي ليش هيج تخلين نفسج ممحيه الشخصيه

معليك انت دمعت عيني

انتي مو طبيعيه تره

اي اني هيج يله شتريد

موصوجج صوج اليدافعلج

ماريد تدافع اعرف شون اتصرف

عفتها وطبيت للغرفه

خاله ضلت صافنه عليه متعرف شنو البيه ميعرفون الحرمان العشته شنو من الشي ميعرفون شاريد

مكيه- يمه اني اعتذر منج اذيتج بالحجي

لا يمه اني مااتاذه منج خليها ببالج شتسوين بيه اني مااتاذه منج انتي بمثابه امي وجنت انتضر الزواج حتى اعوض امي الفقدتها

مكيه- سوده عليه دمعت عيني موقصدي شي من اجرحج والله

ادري هاله كل ام تريد احسن وحده لابنها ومثل ميتماناها بس شنسوي هذي قسمته ههه بس والله خاله هو الختارني

ادري يمه كلب الدنيا هنا عليج ويكول مااتزوج ولا المس غيرها

فدوه لكلبه باوعت لباب غرفتي الطب هو بيها من رخصتج خاله خروح اصالحه

روحي امي روحي

طبيت للغرفه شفته كلعد بالزويه يكلب بالفون مباوعلي تقربت منه بسته من خده ابتسم باوعلي انتي غريبه

لا مو غريبه اني محرومه حنان وردته اعوضه بامك

باوعت بعينها هواي اساله براسي اريد جواب عليها هواي علامات استفهام ليش هيج

ليث تدري اني مشبعت من امي سنتين هي ببيت جدو بالحله ومطلكها بابا وبقيت بيت جدي محرومه منها وراها رجعت ضلت سنتين مريضه وراها راحت كل ماشوف مره اذكرها تدري من جتي من بيت جدو متعرفنا

- شنو الصار بامج

طلكها بابا اثر مشكله جبيره واخذوها اهلها وعافونا اني وبابا ونور يم بيت جدو انلعب بينا طوبه هناك صرنا خدم ورجعها بابا وره سنتين كوه اهلها قبلو ينطوها لان مريضه ودارتها بابا بس جانت متعرفنا بقيت سنتين مريضه وماتت متت بحسرتها انحرمت منها بعد مراهقتي اي مره اشوفها وي بنتها بالشارع اتحسر اي ولد يحاجي امه اريد اكون بمكانه لتلومني

مالومج ونيالي عليج جريتها لحضني حضنتها قوي ليش مكتيلي عمري ليش

مو كلشي ينحجي حبيبي

لالا كلشي كلشي

اوك منا وهيج

حبيبي حروح لاكرم تجين ميمو يمكن حامل لتحجين لامها شي

صدك خليت ايدي على حلكي فدوه لاالله

شتسوي يله حروح اشوفها وارجع

اجي وياك تذبني بيت اهلي بالي يم ابويه

ماشي

لبست وطلعت وياه بست خاله من راسها هاله كلبي يم ابويه اشوفه وارجع مااتاخر

روحي يمه الله وياج

شكرا طلعت وياه رحت لبابا جان فعلا تعبان نور جايه من اربيل علموده ولليل والدي سلمها حسيت نفسي كبرت اكثر رغم حقدي عليه وعدم تعلقي بي بس حيل تاذيت راحت مرت ابويه وامير لاهلها بكربلا تدمرت لفراكه حبيبي ليث معافني ابد حالتي تدهورت تاخر بالعاده الشهريه واحلل ماكو حمل وبيوم من الايام طلعنا نتعشى بره اني وليث وًِميمو واكرم تعشينا وتونست كلش ورجعنا من طبينا لفرعنا جان فارغ لان ساعه ب11

شفت ولد ملثم رمى على سيارتنا 3 طلقات اني اختنك صوتي من الصدمه ليث جان توه موكف السياره كمت اصبح ىاخيرا طلع صوتي ومااعرف ليش ليث ملزمني خايف عليه من اندار الكاه غارك بدمه مقدار الالم والصدمه ماحملتها اغمى عليه وحسيت نفسي بالبيت ويمي خلود تبجي صفنت دقايق يله رجعتلي الذاكره والموقف شنو وين ليث خلود جاوبي جانت كاعده عللقنفه هزيتها بقوه اتوسل بيها لج خلود الله يخليج مدااصدك خلود متجاوبني جانت بس تبجي ماةو احد بالبيت غيرها واني اريد اوكف مااكدر ماريد احجي الالم الحسيته لان مينكتب----

ليث تصوب بسدالحمد لله ممات الطلقه جايه براسه شطح بس العذاب كله هو كان بكومه غيبوبه الدكتور التابع حالته كال ميتحمل سفر في حين عمي كلب الدنيا يريد يسفره خايف عليه هنا اني كرهت نفسي كله من ورايه لو مخليته يسافر معانى هالمعاناه ومتصوب الولد لزمو طلع ابن السكران اللي تحرش بريم ايام مرت عليه صعبه حيل عمي كام بس يتحربط وعمتي يصعد السكر كمت اداريهم وعفت الدوام وكلبالي ودعائي كان لحبيبي اذا فقدته مالي عيشه بهالدنيا بعد طولت غيبوبته اسبوع وهو عالاجهزه ميت سريريا هالكلمه دموت كياني بس كلي امل وثقه بربي مراح يتركني بدت عدي دوخه تصير الام بالراس خلود لحت عليه اروح دكتور ورحت طلعت حامل مفرحت ردت افرحه واسوف الفرحه بعينه مر شهر وليث مغادرنا بالغيبوبه ميخلوني افوت بس والده ووالدته والده كان حاقد عليه بس ميحجي من عرف بيه حامل اني حامل بشهرين ونص اباوع لليث من وره الجام عذاب اريد اشتم عطره انام بحضنه اشعر بامانه ياربي دخيلك اخذني بمكانه السفر موذي اله مرت ايام صعبه حيل خلوني بحسرته لحد مااكرم بالبوگه خلاني ادخل واشوفه لزمت ايده وبست باطنها واخذتها وخليتها على بطني حبيبي ابو غيث كوم لتضل نايم لخاطر غيث ليث لتعوفني بعدني كلشي مشفت منك لتاذيني اشهك واحاجي طلعت منه وعدل للنجف زرت امي وبعدها توجهت للامير مالي غير الله وغير الرسول واله رجعت بليل رزلني عمي لان طلعت حضنته وابجي واكوله كله من ورايه بجه لبجايه وعمتي تبرد بيه بيومها منمت ضليت اندب الرسول واناجي ربي وره 3 ايام افاق ليث بس عيونه فاتحها لا نطق لا يعرفنا الدكتور كال حاله طبيعيه راسن فيزوله ويفرو السويد اكرم كان ويا واسمع عمي يتصل ويتفق وي اخو عم ليث مفكرت باي شي بس يتعافى جانت عيونه تراقب واحد واحد بينا يحاجو ومن عيونه مبين ميعرف اي احد ويرجع ينام هاي جانت اخر مره اشوفه بيها وره يومين سفرو للسويد وخلوله غرفه خاصه حسب مسمعت حسيت روحي اكثر وحده بعيده عنه من صارت عينه بعيني ومعرفني حسيت بالم بكلبي محسيت بي بس من ماما عافتني كمت اتصل باكرم ويحجي التقدم الصار عده جان جدا بسيط والده سافرله وبقينا احنا اني وريم وعمتي واخو عمتي متزوج هو ومرته يمنا مكدر عمي على مصاريفنا وي مصاريف علاجه وميكدر يرع يقدم لجوء الا بعد 4سنين من كسر اللجوء السابق وره شهر بس مو كلشي يتذكر رجعت الذاكره ببطا شديد تذكر اكرم وعمر ووالده ووالدته متذكرني ابد

اكرم تكدر تفتح كام

اي هسه بس انتي لنحجين لان الدكتور كال ميصير تذكرو راسن هو شوي شوي واذا متذكر نساعده

ماشي مااحجي دمعت عيني فتح الكام شفته كاعد يتمشى بس مشيته مو متزنه ويا بنيه دتساعده حلوه جانت شگره جان وياها مبتسم ابتسمت لابتسامته مشتاقه لضحكته

شفتي

اي

تدللي ام غيث

تسلم اكرم

بعد شتريدين

اكرم بس سوال هاي منو اليمه

هاي اامينا بت عمه خطيه تدرين ماكو احد هنا والمستشفى تخنك فهي جتي شو تغير مزاجه

بقيت اباوع شون ساند ايده على كتفها هذا مكاني اني مرته وحبيبته وام ابنه --- زين اكرم تذكرها سالته مخنوكه خنك

ااي تذكرها تنهدت ام غيث خويه اتصور السالفه نفسيه ليث دينسى بس الجزء التاذى بي بحياته من انسجن ضلم ومن قتل وهو ماقاتل احد ومن صارت الضربه

اي ومن تعرف عليه وحبني وتزوجني هم نساها

لا خويه لتكولين هيج انطي صبر كلها ترجعله انتي ام ابنه

اشكرك اكرم ديربالك عليه فدوه

بعيوني اخلي ليضل بالج

طلعت لعمتي كمت مااكدر انام الا بحضنها واذا مطلعت هي تجيني للغرفه تعلقت بيه وتعلقت بيها كمت اصيحها يوم مثل مجان يسميها ليث ومن اكعد الصبح احضنها واشم ريجته بيها تصبرني واصبرها مرت الايام وكمت كل يوم اكرم يفتح كام اشوفه يسولف ويا ويضحك ويغلط عليه واني اضحك لضحكته ومن يحجي اغمض عيني عدلت مشيته وجنت على طول اشوف مينا بت عمه ويا يضحك ويسولف وياها كمت اناذه وتجيني ايام الليل ةله ابجي لان يتذكرها وميتذكرني مر سبوعين هو هناك وسمعت من عمي انه عقد على بت عمه هنا حسيت انه راح من ايدي خلص اخذ الجنسيه السويديه بمجرد زواجه منها ابجي بخنيك والم واكل بروحي نحل جسمي صرت بس اوكع لان مااكدر اكل الطفل بده يتحرك

اكرم شونه اليوم

اليوم زين بس اختنك من المستشفى جواهر تره العقد البينهم اسمي تره

اعرف همست بالم

وين عقد

ولج هنا ميصير يطلع هو على غفله تصير مضاعفات دماغه يخربط موزين

زين ميرجع بعد كلتها وشهكت ابجي

لا بابا انتو يسحبكم بس خليكًوم بالسلامه ويتذكر كلشي ويسحبكم اصلا اذا تولدين هنا احسن راسن يسجلو سويدي

ممم الله كريم خلي يتذكر اول

الله كريم جواهر انتي ويا باصعب ايام لتعوفي هسه

مااكدر اعوفه اصبر ويا لحد مااموت

عفيه عليج ىالله نياله عليج

شكرا اكرم دااتعبك

لا يابه تدللين بس ديربالج على غيوثي

انشاء الله --- مرت ايام ثانيه وكمت من احاجي اكرم يكلي بس يبجي بليل مخنوك خنك كمل شهر هو بغربه السويد حسب ماكال اكرم كامو يطلعو بره المستشفى ويرجع الصبح مراجعه وفحص واشعه دوريه وين يبات بيت عمه طبعا اني نار وتاكل بيه اكل

اكرم وين ينام

يمي والله ولج شون هسه احجي حجايه شكبرها هو بي حيل

عليك الله اكرم تشوفه يحبها لمينا والله ابقى ويا الله حلاه اربعه

جواهر ميعرف غيرها هنا وتبقى بت عمه

يعني يحبها

لح لا والله صديقي واعرفه

خايفه

لتخافين تنهدت خليها على الله

والنعم بالله --- شسوي مالي غير الدعاء انحرمت منه عصب عني وعنه انسجن الولد الضربه واجه عمه تعذر وفشلان

مرت ايام وكل ماحاجي اكرم يكولي بس يلجي يريد يرجع محمد احو وعلي ابن غيث يمه ويشاقون ويا وهو يصيح ارجع لبغداد معقول تذكرني معقوله حس بيه باشتياقي اله حس بطفله اللي ببطني وره كم يوم خابرت اكرم كال راح نجي كلنا اني ويا ومينا وعمه مااعرف افرح لو ابجي كيفت من كل كلبي رحت سويت وجهي وكمت اكل كومه اريد ترجع خدودي لان يحبها امه تضحك عليه ووالده صار احسن تحضرت اله من كلشي بس ردت اشوفه اكرم كال ننطي الخبر شوي شوي بيوم الاربعاء ساعه 3بليل دخلو بغداد وصلو لبيتنا 3ونص وخمسه دخل اكرم الجنط واحس روحي طايره لازمه بطني واباىع عالباب دخل مبتسم صار بوجهه ابوه حضنه يبجي ويباوع بوجهه ويرجع يحضنه ركضت امه وخلود عليهم حضنو ويبجون اني مبنجه احساس مريب من تحس نفسك غريب بنص اعز ناس الك فوتو للبيت وفاتت بت عمه وعمه باوعولي ودارو وجههم هو جان باقي حاضن ريم اكثر بنيه متعلق بيها وكفت بالزاويه احس ماريده يسوفني اخاف من احساس ميعرفني يمكن حموت وصار الحفت منه

منو هاي

اكرم- تعال هسه ارتاح تقربت منها بستها من راسها جانت ملامحها تصعب هاليهودي وليث عاكد حاجبه صافن عليه ودار وجهه على مينا --- مينا بس جيبيلي المخده

اي حياتي هسه خلود وين مخاديدكم

هناك باوعت لجواهر مستقره الدمعه بعينها تباوعله بنضره عذاب جريتها اني واكرم وريم وخاله للغرفه كامت تشهك وتبجي بقهر بجتنا عليها تاذت هواي هالبنيه مرت يومين جواهر بالفراش مصخنه وليث احسن من سال عليها كناله كرايب عمي من بعيد وهي كامت متكدر حتى تمشي من الصخونه وره اسبوع جواهر طابت كامت تخاف تشوفه اكرم قرر يحاجي ليث لان مينا دتتقرب منه ومنعرف السبب

اكرم- ليث شونك هسه

مينا- اكرم مووكتك

رجاءا لتتدخلين اني مستشار الدكتور وكلي براحتك بعد

ليث- شكو ليش اكو شي ضاميه عليه

اكرم- ليث حبيبي انت سنتين من حياتك ناسيها

ليث- كعدت عدل حيييل سنتين هواي يويل سناسي ذكرني

تنهدت

مينا- اكرم هاي شبيك نترت بيه

انتي شبيج وخري لتتدخلين لازم يرجع لحياته

ليث- غير ياكل نعل ويحجي

اكرم- دقيقه ليث جواهر جواهر

جواهر- ننعم همست

تعاي داحاجيج

تقربت من الهول اللي جان ينام ويكعد بي اكثر من غرفته وبصف الخول الاستقبالاللي تنام بيها مينا وابوها

ها اكرم

تعاي كعدي شويه مينا

اي كمت باوعت لجواهر شحالها

خويه انت هالسنتين

ليث- باوعت للبنيه كاعده منصيه راسها بصفي ومخليه ايدها الاثنين بحضنها تحرك باضافرها توتر

اكرم- خويه انت هالسنتين تزوجت

ليث- المن تزوجت باوعت للبنيه رفعت عينها باوعتلي مبرطمه وعركانه وحالتها حاله

المن احجي

اكرم - اقدملك جواهر مرتك وام ابنك اللي ببطنها

ليث- هاي مرتي انصدمت زين ومينا شنو

اكرم- مينا مردت تتزوجها نصيت راسي شحجي اكول تحب واحد وانفقت وياها اذا هي مينا لطشتله صار عزيز وغالي عسه

كمل باوعت لمينا لعد مو عقدنا

اي عقدتو علمود الجنسيه انت حبيت هاي البنيه جواهر متتذكر شي

لا ابد ابد ابد لزمت راسي حتخبل اني متزوج هاي ولك حتى مو مواصفات العروس اللي ببالي اخر شي اندكره انه خطبت مينا ودااروح اسافرلها ويصير الزواج وكفت خليت ايدي على راسي شكلع تحجي

اكرم - اهدا ليث اهدا

ولك شهدا النوب تكولي حامل ولك حتخبل مستحيل مو مرتي هاي مااعرفها

جواهر- باوعت بعينه هزيت راسي زين زين هاهي بس لتصير عصبي موزين عليك

انتي شعليج مني وخري عني عمر طلعني تره حكتلها لنفسي

عمر- امشي اخذته وطلعت اباوعله يلوب اخذ باكيتي يباوع بعيني يريد اجوبه

عمر احجي شي تره حنجلط

كل الكالوه صح هاي مرتك الوكفت بوجه اهلك علمودها كلبت الدني كلب حبتك وحبيتها حب مصاير

شون مدااتذكر كمت اضرب على راسي

لك لتضرب ابن ال--- هسه اشوفلك شي يجوز يخليك تتذكر اخذته لبيتي وطلعتله تصوير عرسه اللي اني صورته بيدي ضل صافن عليه وعالتلفزيون خابرني اكرم كلي انطي علاجه موجود بجيب سترته خل يرتاح وبالفعل اخذ العلاج ونام بقيت صافن بحالته شكد مر بمصايب وهاي انشاء الله الخاتمه

اكرم- عمي شسوي البنيه حتموت وبعدين من ترجعله الذاكره تره يطيح حضي ويلومني

مينا- مترجعله

اكرم- الدكتور كال احتمال ترجع واحتمال لا انتي شنو تحجين عنه هاي مرته اشرت على جواهر الجانت منصيه تكسر الخاطر

مينا- اني هم مرته وتهمني صحته وكفت اي توتر مااقبل بي بعد ومرته هل تروح لاهلها اني كوه كوه شفته وكف على حيله محد جان هناك يمه غيري وغير ليث اني الوكفت وياه

اكرم- حبيبتي اذا تردين فلوس انطيج بس غير لنتي بت عمه الله يچرم

- لتصنف اكرم ليث رجلي ومااقبل احد ياذي باوعتلها اذا تحبي انسحبي من حياته

جواهر- وكفت فتت لغرفتي ضوضاء وفوضى وتعب وارهاق اريد ارجع لحياتي شورطني بالحب من ساعه السوده الفتا بيها بفرع المخبل والله هاي حوبته طبت امه عليه تهديني وراها خلود واكرم حضنت خاله وواعدتها اصبر ومن يرجع احاول مااطلع ابد

اكرم - خوش فكره بس انطيني وكت اريد اشوف هاي شنو سالفتها

جواهر- والله هو كللي متفقين اني وياها بس اخذ الجنسيه ونفترق لان تحب واحد

اني هم اعرف هالشي

بيت عمر

هاليوثي شىن صرت

عمر تعال اكعد يمي

جيتك ها حبيبي

باوع احجيلي كلشي

شحجيلك من ابدي خل ابديلك مو دكو اسمك 4ارهاب وهزمناك من تلمطار وراها خليناك بيت جد اكرم بحي العامل وراها جتك هاي البنيه جواهر وكلتلك مخبل يريد يضربني ىطلعت علمودها من البيت ولبستك عبايه هههه وراها رجعت شكرتك بجدر دولمه وراها صارت بينكم علاقه

ليث- عمر اني ماخذها لبت عمي تدري لو لا

عمر- شنوووو ماكو هيج كلاو

ليث- هاي من ضمن الناسيهن اني

عمر- ومن كلك بله مينا بابا هاي كذابه ختولي هاي غيرك مسويها وطافر وجاي تذبها براسك اكول هسه حبتك

شون

لك بابا انت وياها متفقين زواجكم بس يصير تاخذ الجنسيه ويصير الطلاك لان هي عدها واحد وانت مو دزاينك

صدك تحجي

والله بابا روح اسال اكرم ولحك على مريتك يول

ولك محبيتها ابد شون تزوجتها لهاي

لا بربك اطلعلك الفلم اشوفك شون ذبيت لحم بالعرس

يمعود ماريد عبالك داشوف اخويه التوم تنهدت وديني لاهلي

كوم خرب غيرتك شكيت حلوكنا من مشكله لمشكله انعل ابوك يابو حتى اليعاشرك

رحمه الله والديك هههه وصلنا للبيت اسءله كومه براسي فراغ جبير وكومه علامات استفهام طبيت للبيت كاعد والدي بالحولي وي عمي وخلود وريم من طبيت وكفو كلهن -- شكو

ها شونك

مبيه شي تنهدت باوعت لامي يىم جوعان

اي يمه بعيني

صبت امي واكلت -- لعد مينا ماكو

خلود- راحت للسوك محتاجه كم شغله

وو هاي وينها

بالغرفه صوتك لتسمع

مكلت شي اني

ميخالف خطيه

ماشي باوعت لابويه يابه اني ماسافر بعد اختنكت هناك وحسيت نفسي ضايع هنا لكيت روحي

شنووو ماتبقى هنا تعبت اني يوميه راكضه المشتكل عليك

يابه الله يخليك

ماكو

زين هسه خل اشوف تاليها

اكرم- باجر طالعين للطارميه

ليث-شعدنا

ام غيث- للطارميه شكو

اكرم- ابتسمت اوديك لمكان اذكرك كلشي بي باوعت لميمو بستها بالهوا ابتسمت ونصت فديت اليخجل

ام غيث- اي والله اني هم اريد ارتاح ياريت لو كلنا نروح

اكرم- اي خاله شكو بيها خاله خلود تحضرين الغراض نبقى هناك فد 4ايام

خلود- شكو منها ريم كامت تكمز لج يمه لتكمزين خاف شايله

جواهر - بقيت بغرفتي متت جوع وقهر خابرني ماجد ونور فتحت كام وضلينا نسولف مبينتلهم بس نور حست بيه واني لغمطت السالفه لليل متت جوع انتضرت لل2 بليل صارت صنطه كمت فتت للمطبخ فتحت الفرن لانخلود تدري بيه اجوع تخلي بالفرن الاكل لعته وكعدت اكل سمعت خطوات متجهه للمطبخ جمدت بمكاني

ليث- ادور عالشاحن بليل تلفوني خلص شحنه طبيت المطبخ صارت بوجهي ها اللي اسمها جواهر بقيت اباوعلها باوعتلي ونصت تنهدت جريت الكرسي وكعدت كدامها --- اسمج جواهر

اي همست منصيه

شون تعرفت عليج جواهر خليت رجل على رجل وورثت جكاره

بقيت اباوعله ابتسمت يباوعلي احس يريد كذبه حتى يكول هالشي مصاير الله يساعده ويساعدني مديتقبل الواقع --- صارت بينا علاقه طيته التاريخ والوكت وحجيتله كلشي جنت احجي ومنصيه واسي مدااتحمل نضرات الاستغراب بعيونه

اي كملي

وصارت بيناتنا وسايل ومكالمات

ها زين عدج اي شي رساله هاي

كلهن محتفضه بيها

وين

بالفون بغرفتتا

اكدر اشوفها

اي تعال لحكني للغرفه بقه يباوع عالغرفه ليش منغيرين الغرفه هاي نفسها اتذكرها

اي صح اني حبيتها كلش تنهدت

تقربت يم الكانتير غراضي وهدومي مرتبه اكثر من قبل باوعتلها مدااكدر اتذكر

على كيفك اخذ وكتك همست باوعتله بتعب وهو هم تعبان

وين الرسايل

طيته تلفوني وبقه يكلب باوع بعيني

مسميتني تاج الرجال

اي

ليش عكدت حاجبي

تنهدت هيج احسك

جريت حسره  تعبت --- كلشي مدااتذكر اسف ردت اطلع لزمتني من ايدي باوعت بعينها شبيج

مابيه شي بس متحس بلمستي متذكرك بشي

شنو احجيلي اي شي بلكن اتذكر اريد اتذكر تعبت دكيت على راسي

لزمت ايده من جنت بالسجن زرتك وي رجل اختي ولاول مره لزمت ايدي لاول مره احس بحبك قبلها جننا اصدقاء وراها حسينا غير شي احاسيس ومشاعر حلوه

تنهدت باوعتلها نزل الحجاب من راسها شعرها تمري كلش حلو يلمع وناعم وسرح وطويل مديت ايدي تلمسته غمضت عينها تقربت نامت على كتفي استغربت حيل ومدااكدر اتحمل تعبت ومااعرف المن اصدك بت عمي الصارلهل شهرين ويايه معافتني دقيقه وتكولي انت متقرب ويايه لو اهلي وهالغريبه عني بقيتها دقايق باستني من ركبتي فعلل بديت اتاثر كرجل وصار شهرين اثر الضربه فاقد احساس الرجوله

ليث

همم

مشتاقتلك حموت اريد انام بحضنك صار شهرين تعبانه بغيابك

تنهدت حاير مااعرف شسوي

تعال نام بفراشك

باوعت للفراش وباوعتلها خاف مينا تضوج

فتحت عيني بهالشهرين اقتربت منها برطمت

لا لان مريض بس بداخلي اشرت على صدري ماكومشاعر الها

يعني متريدني اذا تريد اروح لاهلي

اني مااعرف شسوي كعدت عالطابوريه الجانت يم ميز التواليت ضربت بايدي على فخذي زين تكدرين تروحين هالفتره من نرجع من الطارميه اني ارتاح وانتي ترتاحين

اي اوك تدلل يعني مراح ترجع للسويد

لا اختنك مدااكدر احس نفسي بسجن

زين وعمك

تنهدت باوعت بعينها تغار عليه ادري بيها --- اني مينا اكو شي غلط صاير لريد افتهم واتاكد اذا صح اللي ببالي ماخليها تروح لو ارجع وياها

شنو اللي ببالك

مااكدر احجي درت وجهي باوعت عالحايط صوره عرسنا بضحكه عفويه اني وياها رجعت باوعت بعينها معقوله اللحضات اللي مفروض تكون احلى لحضات حياتي ممتذكرها

اني المهم عدي رجعتلي

ميهم طيني مجال هزيت راسي اترخص دفعتها من كتفي بلطف بقت تباوع بعيني احس تكولي ابقى تركت الغرفه خنكتني الغرفه خنك صار اسبوعين هي بيها واريد انام بغرفتي مااكدر تالي اختنك من افوت الله كريم واتذكر كلشي تنهدت نمت عالقنفه بالهول بقيت اتكلب مكدرت انام للصبح اجه اكرم سحلني سحل لك كووووم السياره جبتها خل نطلع

لك عوفني انام ساعه

ولك نام بالسياره دكوم عاد

اي كمت الله لا سلطك على احد كمت راسي مكفوش طلعت من الهول صارت بوجهي جواهر ابتسمتلي باوعت على شعري

هاي شنوو

عدلته اضحك ونصيت وكفت كدام المغسله عدلته ومشطت اباوعلها بالمرايه طلعت من الغرفه اليوم مزاجها يختلف عن بقيه الايام ابتسامتها ووجهه غير شي معقوله لان حجيت وياها حجايتين البارحه مينا حضرت هدومها هي وعمي يجون ويانه هاليومين ابنعدت عنها صرت بشك اصدقائي مافد يوم كذبو عليه ليش تكول تقربت منها بعد عدي هواي استفهامات ببالي شوي شوي مااربك روحي بيها خلو الغراض بالسياره وطلعنا مينا كعدت بصفي وجواهر كعدت بصف امي كدامي خليت راسي عالجامه ونمت

جواهر- بقينا نمشي نايم كدامي وبصفه مينا تباوعلي بحقد وتدير وجهه لزمت ايده غافي هو عالجامه طلعت خاولي صغير خليته جوه راسه الجامه جانت حاره مال شمس خفت على راسه فز باوعلي صافن عينه حمره

شكو

بس خلي واسك عالخاولي موزين عليك

تنهدت شكرا خليته بقيت اباوعلها تباوع بعيني عيونها حلوه وصافيه كلش وسووده كلش حلوه بقيت اباوع بعينها جريت ايدي من مينا الغافيه على كتفي ونمت

جواهر- ذبت بنضرته باوعلي لحد ماغفى وصلنا الطارميه مكان خضار يخبل والبيت هم جبير ونضيف خلينا غراضنا

اكرم- ها ليلو هالمكان مذكرك بشي

شون طبيعه حلوه لا متذكرت شي ليش اني جاي هنا قبل

اي جاي وتخبلت بالذات على هالصفحه اكو زاويه تفصل بين الشط والبستان مكان كلش حلو وهادىء وكفته بيها وعفته ضل يباوع

ليث- صدك عبالك شايف هالمكان كبل صارت براسي مثل الصور بالم رهيب كعدت بالكع اثره اصيح اجه ركض عليه اكرم

شبيك

راسي اكرم اخ

كعدت يكه تذكرت شي

مثل الصور من اتذكرها احس راسي ديتشكك

اي ياالله

ضليت كاعد باوعتله عوفني هنا وحدي شويه رجيت راسي عالحايط البصفي ورايه البستان وكدامي نزله وراها الشط انتبهت البرج مال الجزيره رجعت الصور رجع الالم غمضت عيني وراها راح بقيت اتفرج عالمي

وراها رجعت للبيت كلشي اشوفه عبالك شايفه قبل تغدينا وطلعو للبستان بقت جواهر بس نايمه كالت مااكدر اطلع طبيت للغرفه باوعتلها شعرها نازل للكع بقيت اباوع عليها سمارها ينحب شويه وطلعت اني هم عفيت اكو مثل الديوانيه داالعب بشعر المخده رجعت تذكرت نفسي لازم بيدي فون داادك ناعم وي بنيه تذكرت روحي جنت كلش فرحان غمضت عيني قوي نمت وره شوي سمعت صوتهم طبو من شافوني نايم سكتو كملت نومتي للمغرب كمت مسطور سطر طلعت شفت اكرم وريمه ديحضرون تكه وجوانح يتبلها

شدسوي

داحضر العشا باوعت لريم حبيبي عاجبه مشاوي بستها من راسها

وين مينا

بره يم المي هي وابوها

ها باوعتلها اشرتلها جتي يمي ضلينا نتمشى ونسولف ---

مينا سولفيلي من رجعت لبغدادشسويتي مسويتي

شسويت بقيت انتضرك

ليش قبلتي بيه

بابا كالي ووافقت وانت هم متتعيب

ربم اني تذكرت كلشي

شتذكرت باوعتله

نضرتها الخايفه تبين كذبها

تذكرت انج كتيلي اني احب واحد واتفقنا كلمن بطريقه وره مااخذ الجنسيه

ااني صح كلت هيج بس جنت زعطوطه وبعدين حبيتك من رحت واول مرجعت صار بيناتنا علاقه

زين اني شون اسوي هيج واخذج

مااعرف مسيطرت على نفسك جنت شارب

وانتي شون قبلتي

اححبك

مينا تره راسي افتر ممقتنع

براحتك ردت اكوم من يمه خاف انفضح--- اني حبيبي غدر بيه ونطيته روحي وحادثه ليث نوعا ما انقاذ الي كيفتلها وردت اخلص من مصيبتي عن طريقه---

لليل سوينا مشاوي

جواهر- امي كعدتني المغرب بلمسات ناعمه وتقره على بطني وراسي ياالله شكد حبيتها كمت سبحت وطلعت لبست حجابي صار بوجهي ابو ليث ابتسملي شونج ام غيث

الحمد لله عمو

وين وصلنا

باجر ادخل بالخامس

مبقه شي

اي عمو

يله فرحينا صار هواي مفرحانين

اذا الله كتب

عفته وفتت تكحلت وتعطرت طلعت من الغرفه فتت وياهم للمطبخ ميمو واكرم وخلود ديحضرون وكفت سويت الزلاطه وياهم اكرم يصنف وميمو وخلو ىد يضحكون واني بالي بغير مكان مشفت ليث ولا مينا رفعت راسي شفتهم سوه يم المي جانت دتحجي ويا ويسمعها ويهز براسه نيالها يعرفها ويتذكرها

اكرم- جوجو هاي البصل شيشي شبيج حتبجين

مابيه شي

باوعت لليث

عوفي على غفله يتذكر كلشي

شكله مراح يتذكر

لج لا تذكر كم شغله شوي شوي عليه لتخافين يتذكر

الله يسهل طلعنا تعشينا ضلت مينا يمه كلسا يباوعلي ويدير وجههه تعبت كلش غيره وشوق

كملنا عشه واكرم وخلو حايرين بينا اني وريم لان حوامل كومه اكلنا والجو يخبل نسمه المي بليل تخبل ومنا البستان لملمنا غراض العشا ونضفنا ومينا كلشي متسوي حايره بشورتها والبدي وشعرها واضافرها كملنا شغل لل1 نامو كلهم اني ضليت اتكلب نمت هواي طلعت كعدت يم الشط بس منزلت بقيت ليفوك بين البستان والشط الضوه موجود والنسمه وصوت المي يخبل بقيت اتصفن ارتاحت نفسيتي--/ شدتسوين بهاليل خاف يطلعلج حيوان

فزيت خرعتني

سلامتج كلتها ببرود باوعت بعينها كعد بعد متر عني يباوع عالشط الصوت يخبل

اي الفجر تسمع السنونو  انت سمعتنيا من جنت هنا واني حاجيتك بالفون

صدك باوعت بعينها

والله تنهدت

باوعت لبطنها بدت تبين بس شكلها مو قانوني عبالك متعوجه مديت ايدي على بطنها هاي شبيها

الطفل ديتحرك من خله ايده حس بحركه فتح عينه بقه مخليها والطفل يتحرك صفن سبحان الله كاله ودمعت عينه

حلو الاحساس مو

اي نيالج

هسه يطلع وتشبع منه

الله كريم بقيت اباوع بعيونها عيونج صافيه

نصيت راسي ابتسم

جواهر بعدج مشتاقه للحنان

هزيت راسي اي

تريدين تنامين على كتفي

كيفك بس ليش تريدني انام

لا مو اريدج تنامين مااعرف شحسيت من خليت ايدي على بطنج حسيتج شي راجع الي اشرت على روحي

اني هيج

انشاء الله اتذكر كلشي تنهدت درت وجهي تقربت مني ونامت على كتفي حسيت براحه غريبه خليت ايدي عليها وخليت ايدي الثانيه قربتها لحضني باوعت بعينها تقربت من وجهه

جواهر- اباوع على ملامحه هاي عيونه حبيبتي قربت شفتي منه ضل جامد بمكانه يباوعلي مستغرب تقربت اكثر غمضت عيني بقه بمكانه صافن شداسوي ضليت افتح عيني اشوفه وارجع اسدها اتقرب اكثر وصلت لشفتها امتزج نفسنا بسته برقه ردته يتواصل ويايه جان جامد ونفسه اضطرب قربني لشفافه وباسني برقه شويه وابتعد وكف باوعلي مستغرب حسيت جسمه يرجف

شبيك

هز راسه ماكو شي

تعال اكعد

ماريد همست

شدتحس

احساس جديد تنهدت باوعلي عاكد حاجبه

جريته من ايده برقه جان ضايع ردت احسسه بامان كعد جان يتصرف بطوعي بس خايف من صار بصفي بسته من ركبته عمض عينه رجه واسه عالحجر الوراه

جواهر شدتسوين بيه

اششش لتفكر بشي عيش غير دنيا

اخاف

لتخاف اني مرتك وام ابنك

هزيت راسي بقيت مغمض وهي تبوس بركبتي ذبت بحركاتها دخت جانت رقيقه لدرجه الفراشه خدرت بيدها ابتعدت فتحت عيني بصعوبه باوعتلها

اخاف احد يشوفنا

احمم لعد وين نروح

ابتسمت تريدني

ها مااعرف والله ماادري تنهدت بقيت اباوع بعينها حسيت روحي طاير

اني حسيت رجعت لحضني

ابتسمت شكدرجنتي تحبيني

كومه تنهدت والدي توفى وانت صرتلي كل حياتي

وامج

امي متوفبه قبل 3 سنين

ممم الله يرحمهم بقيت اباوع بعينها مدااشبع وهسه

شنوهسه

شسوي

تنهدت علمتك الصلاه

اعرف اصلي وماكاطعها

زين تتذكر منو علمك

صفنت هزيت راسي لا ومفكرت بهالشي قبل

اني علمتك

زين تتذكر محلى هالسممرى

شنو اغنيه عادل اموت علبها

غنيناهل سوه دويتو

هزيت راسي مبتسم شكلنا عايشين لحضات حلوه

ههههه احلى حب وصداقه

تعاي

شنو وين

تعاي هنا اشرت على صدري

تقربت بفرح حضنني قوي وخله ايده على بطني

شوكت يجي

4شهور ههه

ليش تضحكين

ماادري مشتاقتلك بسته من صدره باوعلي عضلي شفه اشرت على شفته هاي الحركه جنت دائما تسويها

شوكت اسويها عكدت حاجبي

ماريد احجي

احجي اريد اتذكر ابتسمت

من فتت لاحمام نزعت هدومي وانت تتفرج عليه من اغسل كلما اندار اشوفك عاض شفتك

مدااتذكر جسمج تسارع نفسي ودكات كلبي باوعت لبدايه صدرها ركبتها

يعني شتريد مني باوعتله بمكر

لا هيج مو قصدي شي همست بلعت ريك حسيت روحي دااستعجل بده الجو يضوي وفعلا السنونو كامت تنزل للمي باوعتلها ابتسم يله نفوت

وين للبيت

اي لعدوين

اوك يله تمشينا لزمت ايده ساعده انسند بيها لان بطني تخل توازني لزم كف ايدي مبتسم اندعيلي اتذكر كلشي

هاي الحجايه هم سامعتها هواي

شطلعت هاي

والله شبيك من اتهموك وانهزمت دائما حنت تكولها الي

ماشي ابتسمت فتنا للبيت جانت ب5فاتت للغرفه وبقيت اباوعلها من تمشي كلسا تلتفت تباوعلي صفح احس تصيحني بعيونها كعدت عالقنفه المقاببيل باب غرفتها اتكلب وكلسا اتذكر كلامها مااعرف شيصير بيه متحملت كمت رحتلها فتحت الباب على كيفي جانت لابسه كيمونه فوك الركبه فانيلا فتحت عينها من طبيت ضلت تباوعلي واني اباوعلها مااعرف شكول

اشوتله عالجربايه تعال تنام

تنهدت درت وجهي عالباب اخجل خاف اهلي يكعدون وبين اثارتي ورغبتي بيها وباغرائها تقربت يم السرير كعدت جانت متمدده كعدت ارتجت بالتاج ومددت رجلها -- شبيك ليث

مااعرف شبيه نصيت راسي

تعال نام يمي

لا

كيفك

نامي انتي اغطيج واطلع

ماشي نزلت للفراش غطاني يباوع بعيني حاير الله يعينك على بلواك بقه مخلي ايده على بطني ويباوع بعيني

والله تعبت ليش مدااذكرج

اصبر

هوسه هوسه راسي متروس هوسه

اصبر على كيفك وي روحك

تنهدت وانتي شنو ذنبج

اني شبيه مرتاحه مدام انت تشم الهوا

واذا عفت كلشي وسافرت

صفنت بوجهه ليش

اني متجنس سويدي

هذا هم بلدك

صح بس اني هناك لازم ارجع شكد مااضل هنا والدي بعد اللي صار ميبقيني وكلنا راح نروح

واني شنو

مااعرف وكفت لزمت ايدي دمعت عينها حتعوفني

مااعرف والله مااعرف خربطه عفتها وطلعت رحت نمت

ضليت كاعده الضاهر حياتي ويا انتهت اهله يردون بت عمهم اله والنوبه جاه هاي السالفه حتاخذه وتروح وهو هم ميتذكر مني شي عليش باقيه بعد اخاف ياخذ ابني مني يارب عليك اتوكل ماعدي غيرك نمت وكعدت الصبح لكيت مينا دتحجي ويا همس يباوعلها بمكر احس ممصدك بيها عفتهم والنار تاكل بيه صبو الريوك واني وي خلود وميمو اكرم ميخليها تسوي شي كلسا حاضنها اباوعلهم وابتسم

ليث- شفتها تباوع لاكرم وميمو اللي لحد هسه منتذكر زواجهم تباوعهم وتبتسم

تقربت منها همست شبيج تباوعيلهم

يخبلون الله يحفضهم

ممم تنهدت باوعتلها تذكرت الصار ببينا البارحه عود اريد احاجيج

ماشي

مو هسه بليل

باوعتله ونصيت ميهم

كعدنا تريكنا وكملنا سبحو بالمي الولد واني وخلود كعدنا على صفحه مينا ضلت تشاقى وياه مااكدراباوعلهم هو يضحك من كلبه وياها ليش اكذب على روحي باوعت لخلود

باجر اروح لبيت نور

وين

ماجد يجيني

لج ليش تعوفيلها الجو

خلود باعي وياها شون مرتاح

جنت اشوف الراحه الحقيقيه مرتاحهاوياج انتي

وهسه مديتذكرني والبارحه كللي روحي خلود لتكذبين عليه انتو حتروحون كلكم

لا مااكذب اي كلنا حنسافر عمي كال وانتي هم ويانا

رين ومينا

مينا تبقىً مرته بس انتي ام ابنه يعني كطليقج حيطلكج محكمه ويبقيج سيد حتى هناك ميصير اشكالات فاهمتني لان ممنوع 2

ها بس اني ماروح

شون

اي ماروح اجيب وابقي ابني يمي ماروح وياكم

لتعمين على روحج

لج بابا ماروح الولد مرايدني الوش مجلبه بي

ليث-راحت مينا احس ارتاحيت من ثقل اريد ارتاح تعبت اريد حتى جواهر تختفي لو اتذكر كلشي يمكن تتغير وجهه نضري اجتي اخته ثاني يوم

جواهر- من شفت نور مااعرف شصار بيه ماجد حضني وضليت ابحي علوشي فدوه لكلبه كبران حبيبي حضرت هدومي دااروح وياهم وكالو سبوع اللاخ يله نرجع ويبقىن شهرين من دااطلع الغراض من الغرفهف كدامي التفت على المطبخ خاف احد يشوفه

ليث- لتروحين

انت كتلي

بطلت لتروحين ابقي هنا

ليش شعدي

جواهر الطفل اخاف عليه من الطريق

اريد اروح وياهم

مااقبل وتطلعين تكوليلها ماروح

ماشي نصيت راسي وفتت كتلها كالت براحتج لليل ضليت كاعده

جواهر- بقيت اتفرج تلفزيون لليل وياهم عمي نام وخلود فاتت خالتي جتي كعدت يمي شوي وفاتت بكد متعلقت بيها تعلقت بيه كمت اغفي بالهول تمددت هو جان متمدد بالصاله حسيت بي طب للهول بقيت مغمضه عيني

ليث- كعدت كدامها اباوعلها من نايمه عبالك بدويه جره عينها وخشمها القلم ورسمه شفتفها وحاجبها فتحت عينها باوعتلي كامت دتفوت للغرفه

جواهر

ها باوعتله ببرود

بلعت ريك حتنامين

اي ليش

هيج روحي فاتت وبقيت كاعد بالهول شويه وطبيت وراها عدي رغبه بيها واحس عدي مره ليش اباوع غيرها وابقه بحاجه فتت للغرفه شفتها متمدده تكلب بالتلفون

ويامن تحجين

هيج

شو جريت التلفون شفت محادثاتنا باوعت بعينها مدمعه ومبرطمه

اني اتمنى اتذكر

ماكو داعي اختاريت حياتك انت

شون ياحياه تقصدين

يعني اختاريت التريد تكضي حياتك وياها

ها قصدج مينا

اي طبعا

تدرين اني محبيتها بس يعني كمراه حلوه وتجذب وتونس

اي بعد شكو

ماتاثر بلمستها بكد متاثرت بلمستج وهمساتج

هممم باوعته باستصغار

والله شبيج

حتى انت منصدك نفسك اللي دتحلف

تقربت منها هواي دتتمادين

حقي جريت الجرجف لزمه لتتغطين

ليش بله

لان تنهدت باوعت لرجلها ونعومتها اريد انام يمج

متنام

موكيفج فراشي وغرفتي

اعوفلكياها خضره لعد دااكوم لزمني دمار صحت اخخ

شبيج صحت بقلق

مبيه شي وخر

تقربت منها بستها من راسها اذيتج هواي بس مو بيدي تعبان اكثر منج

محد تعب كدي

اي حقج باوعت بعينها متوسل حضنتها ممحتاجه لحناني مثل بالبستان

لا همست باوعت بعينها ذابت تلمست شعرها وفليته من كماشته وبقيت اتلمس طول ضهرها شعرج يخبل

سكتت ذايبه جرني للفراش تمددت ونام يمي حسيته خله وجهه بركبتي وايده على بطني ارتاحت اعصابي بقربه ونمت كعدت الصبح امي طبت شافتنه ضحكت وطلعت ليث ليث

هممم

كوم عيب امي شتكول

امج لو امي

امي

لا امي

معليه مو بس امك

تقربت منها فاتح تك عين بستها من ركبتها امي لو امج

دغدغتها امج لو امي

ههههههه امك والله امك ههههه

عبالي بقيت اباوع بعينها بستها من راسها جواهر اني دااحاول ساعديني

اوك بس لو وحدي لو اني انسحب

ماشي تنهدت بس اشوف الصح من الغلط

شنو شكو

مااكدر احجي دك تلفوني محمد

الو حبيبي حمودي

هلو ليث شون صوت

زين كلش انت شونك علاوي

رينين باوع عمو وصل هو ومينا

اكولك ردت احجي وياك تنهدت طلعت من غرفتها طبيت لغرفه امي محمد مينا عدها شي بالسويد

ليش يعني قبلك

اي

اي وانت تعرف هاي شبيك مو كدامي كلتلك اني احب واحد والولد اعرفه سويدي واصله مصري

ها زين اني من جنت اجي يمكم نبات وحدنا فد غرفه

لا ابد تبات ويايه وي علي

متاكد

داكولك ابد

زين هالولد شنوعلاقتها بي

والله عسلس يتزوجون وره متنطيك الجنسيه بس مصر من علكت بيها طفر وكلها مااكدر اهلي محتاجيني

ها فهمت وشصار بيها

يووو نامت مستشفى وتهذي باسمه وتكول حقير غدر بيه

هيج الحجي لعد شون رجعت تحبني

هي من جيت متصوب كالتلي اني حبيته وراح اقبل ارتبط بي كتلها يابه متزوج كالت الله حلله اوبعه

لا بلله احنا هم مستغربين اني وعلي صراحه بس مغلسين علمود حالتك خويه

ماشي خويه ماشي روح الله وياك

شوكت تجي

بعد بعد خلي جواهر تدخل ب9واجي حتى يصير جنسيته سويدي

خوش حجي يله مع السلامه

هلو حبيبي سلم على اهلي

سديته بقيت صافن يعني كلام عمر واكرم 90بالميه صح تريد تعكلني بس شسوي بت عمي شسويلها يعني املخ روحي هم ممتاكد

مرت كم يوم وبعد مدخلت لغرفه جواهر كلشي بيه ضايع وحاير صعبه من تنسى شي تحس العالم كلها تكذب عليك واتصلت مينا

الو

هلو مينا

شونك حبيبي

الحمد لله شونج شونه عمي

ماشي الحمد لله

اي شكو ماكو

ماكو شي تنهدت

مينا اني متقربت منج

شنو منو متقرب حبيبي انت ناسي واني ممهتمه لنسيانك بس احنا قبل الخطوبه جيتني جنت شارب حتى وكتلي لازم تكون رسميه خطوبتنا

مينا اني تنهدت صارحيني بت عمي حتى علي جان واكف

حبيبي احنا كلنا هيج كدامهم بس بيناتنا علاقه

ليش كلما هيج

لان مجنت تريد يحسون

هذا شون حجي مخربط

امي شافتنا بوقتها واحنا خربطنا السالفه عليهم

تره حتخبل اني ماضم شي على الولد وكايللهم ثنينهم كالو

حبيبي مو كلشي يمحجي زين حدزلك صوره وشوف

ماشي

دزتلي صوره الي نايم بدون فانيله ومتغطي بجرجف ابيض بغرفتها بالسويد خليت ايدي على حلكي صفنت اريد انذكر مااكدر شنو السالفه شو اتذكر شغلات وانسى غير شغلات

الو ها مينا حبيبي كم يوم واجي نتزوج ونسوي عرس وارجع من تصير بنهايه ال8 بس تدخل بال9واجيج نتزوج واسف شكيت بيج

لا حبيبي عادي مو بيدك واني قابله بزواج ثاني اذا تعدل

طلعت لامي وكتلها اني راح اروح للسويد اتزوج واخذ خلود وابويه تبقين انتي وي جواهر

جواهر- بالحمام وسمعت كلشي كمت الطم طلعت من الحمام كبل لغرفتي جنت بنهايه ال6بعد يومين وادخل السابع كمت الوب روحي مفرفحه مااعرف شسوي ماروح للسويد ماروح دخل للغرفه

ليث- جواهر

ها

شبيج وجعا

احجي شترررريد

شبيج تصيحين تقربت منها بعصبيه جريتها من ايدها

اني ماروح روح اخذ بت عمك

باعي يبت الناس اني بت عمي ماخذها مااكدر اعوفها

شنووو شوكت من رحت تتعالج

لا قبلها ومااتذكر

لك هاي كذابه

لا مو كذابه دزت صوره فتحت الفون وشوفتها

كامت تلطم وتدفع بيه وتصيح فقدت الزم ايدها ترفس لج الطفللللل

عوفنيييي

شعوف ابني حتكتلي

عوفني لا اكتلها لروحي

باعي لج تسكتين وترضخين كان بها متسكتين اطلكج واخذ اللي ببطنج

برطمت دمعت عيني اخذه وماروح وياك

ضليت صافن عليها تعوفين ابنج

كلشي ماريد منك الله لا ردك روح

ماشي طلعت من الغرفه بقيت صافنه كضيت النهار ارجف ىابجي لافادت خلود لا امي مكيه لا ريم لا اكرم اللي خار شسوه بيه مسكتت لحد ب2 بليل سمعته فات للبيت دك فيزه خلود نايمه يمي طلعتله احس نار بصدري تسعر باوعت بعينه

ليث- شبيج

مابيه شي

شدعوه هلكد باجيه تره حالي امر من حالج

متحملت بعد رحت عليه كمت اضرب بصدره ليش هيج مدااتحمل تذكر تذكر الله يخليك

شسوي يعنيييي احرك روحي فهميني

بقيت صافنه عليه ابجي بقهر حسيت بشي ينزل نصيت راسي اشوف مي باوعت لليث ليث الحكلي مضل بيه حيل وقوه ضعف جسمي اخر شي شفته حافه الكاونتر اللي انوكعت براسي واسمع صدى ليث يصيح يوووم خلود وهاهي

حسيت خلود يم راسي وامي ونور وماجد يبتسمون

هاي شنو

حمد الله عسلامتج اجه غيوثي

بعدني ممكمله السابع وسنو شون حبت قيصريه

اي اي هو حالته تعبانه بس الدكتور كال ماكو شي انشاء الله بالحاضنه انتي بالسابع سبيعي الولد مثل محمد ابني

ههه وينه

يمهم بالخاضنه وليث يمه لتخافين عليه

لعد مسافر

لالا اجلها تنهدت

اكرم- ام غيوثي الذهب حمد الله عسلامتج خويه

شكرا

جواهر- تقربت مني نور وماجد لزم ايدي مبتسم جوجو علىش يريد يشوفج

وينه جموت واشوفه

هياته

خبيبي كبران

هسه ابنج هم هيج يكير

جواهر- ردت بس اشوف ليث وفرحته وره ساعه طلعو ونور بقت يمي تداريني طلعت راحت للكافتريا

ليث- طبيت جنت كلش فشلان منها باوعتلها مبتسم نصيت

حمد الله عسلامتج

شكرا

تنهدت اسف

راحت بعد شون شوكت تسافر

فد اسبوعين مدااشبع من غيوث

ههه الله يخليه الك ويخليك اله

اشكرج باوعت بعينها