_أزاي يعني ي رحمة متقوليش إن خالتي عملت العملية ؟
_خالتك !
بصلي بإستغراب وقلق_مالك ي رحمة إنتي تعبانة؟!
منك لله ي رحمة يعني إزاي تنسي تفصيلة مهمه زي دي بس
طب اقولة أيه دلوقتي ؟
_معلش والله مفكرتش بسبب التوتر وكدا
إبتسم_ولا يهمك أنا هدخل أشوفها
دخل وأنا قعدت مكاني
ي ربي عليكي طب فهمت أنه المفروض أبن خالتي طب إسمه أيه طيب؟ طب ساكن فين ؟ ولا حتي بيشتغل أية ؟
ناصحة بس تقولي
"إسمعي ي أمورة تقوليلي علي كل تفتوفة أد كدا لحسن أنا بتلخم وممكن ابوظ كل حاجة "
ناصحه بس تزعق فيا وفرحانة بصوتها
_إنتي بتكلمي نفسك ؟
بصتله بسرعة لقيته مقعد أمي علي الكرسي بتاعها
_ها لا أبدا يلا نروح
_تسلم ي حبيبي علي كدا روح ي محمد ي بني شوف مصالحك
حلو اوي أسمه محمد والله إنتي بركة ي ست الكل
_لا يا خالتي والله ابدا لازم اروحك الأول
وصلنا لحد البيت ودخلنا أم رحمة تنام شوية
_أعملك حاجة تشربها ي محمد ؟
ضحك جامد _من أمتي الأدب دا ي ست رحمة
_يعني انا غلطانة ؟
_لا أنا الي غلطان
حاولت أتقمص شخصية رحمة شوية _طب يلا ورينا عرض أيديك
ضحك جامد_عرض أيه ي عنيا هي أسمها عرض أيديك؟!
بصتله وأنا مش فاهمه..هي بتتقال غير كدا ؟
_أه
_اه ! أسمها عرض كتافك إنتي باين نسيتي الكتالوج ولا أيه ؟
_أحم..إظاهر كدا يلا بقي إتفضل
_ماشي سلام وابقي رني عليا لو إحتجتي حاجة
_طيب
مشي وأنا وقفت بضحك ...لحظة هرن عليه إزاي ؟!!
......
فضل باصصلي شوية وعيونه دمعت شاور علي كرسي جنبه _تعالي جنبي ي بنت الغالي
قعدت بقلق _إزيك ي جدو
_بقيت بخير لما شوفتك ي عيون جدك
عيوني دمعت إحساس حلو بس مسروق_تسلم
_هي فين بنت الغالي؟
دخل راجل في أوائل الخمسينات ببطئ ولؤم
نظراته كلها خبث..مش محتاجة سؤال دا عمها أو عمي !
وقفت ببطئ مماثل _موجودة ي أونكل
_رجعتي إمتي ي حور؟
_إبتسمت بخبث _من عشر أيام ي اونكل
_اممممم ومجتيش علي البيت ليه علطول؟
_كنت بمهد نفسي لمصر الأول وبتفرج علي البلد وبعدين جيت.
_لا نورتي ي حبيبتي معتز وفرح هيفرحوا اوي لما يشفوكي ..لبني..لبننننننننننني
جات ست كبيرة يمكن اكبر منه _ايوا ي عاصم بيه
_ودي الهانم اوضتها
_حاضر تعالي ي بنتي
_عاوز حاجة ي جدو؟
_تسلمي ي عيون جدك إترتاحي إنتي شوية
_حاضر
طلعت وفضلت أتفرج علي الأوضة..
وبعدين في سي عاصم دا بدأها علي المكشوف ليه كدا
نظراته كلها خبث ومكر مش لايق عليه جو الطيبة
الباب إتفتح مرة واحدة ولقيت بنت نطت جوا حضني
_حور وحشتييييييني أوي أوي
معرفتش اعمل ايه غير إني ضمتها
_أزيك ي حور
_أحم..الحمدلله
دققت في تفاصيل وشها وعرفتها علطول..دي فرح بنت عاصم نفس ملامح الطيبة الي حستها لما شفت صورتها
_إنتي خلاص هتستقري في مصر مش كدا ؟
_ااه تقدري تقولي كدا
_طيب اشطا علفكرة أنا مفتقداكي جدا ومش أنا لوحدي ي عم
_مين تاني ؟
إبتسمت بخبث_مش عارفه برضو..معتز
_معتز !!
ي تري ي فرح إنتي معاهم ولا هما بيضحكوا عليكي كمان !
....
_رحمة هتنزلي الشغل النهاردة ؟
_ايوا ي ماما
_طب محمد جاي ياخد حاجات نسيها إمبارح هنا خلية يوصلك ويطلع علي المستشفي
لقيت نفسي فرحت فرحة غريبة_محمد جاي !
أحم قصدي حاضر ي ماما
ضحكت _لا داحنا قلبنا إبتدا يميل اهو
وشي أحمر من الكسفة _طب..طب أنا هلبس بسرعة بقي
شوية ولقيته داخل وبيسلم علي ماما وقاعد مستني أخلص
علي صوته من برا_مش يلا ي ست رحمة ورايا مستشفي
أية !! هو دكتور كمان طب دانا هنفخك ي فجر
لبست فستان بسيط ازرق وترحه بيضا وخجل غريب مسيطر عليا في أيه ي حور أول مرة تتكلمي مع ولد !!
_يلا
بصلي شوية وبعدين إستغفر وحط وشه في الأرض
_أيه الي إنتي لابساه دا ؟
إستغربت من تصرفه_لابسه أيه ؟ فستان عادي
_أحم..أصلك يعني علطول بتلبسي بناطيل واسعة وقمصان طويلة فاستغربت بس
إبتسمت وافتكرت شكل رحمة ..فعلا شكلها مسترجل جدا
انا اه هاخد مكانها بس مش للدرجة اكون راجل زييها
_أصلي زهقت وكدا وقولت تغيير
لقيته بيبرطم بصوت واطي _ياريتك مازهقتي
_بتقول حاجة ؟
_لا أبدا يلا
_يلا
فات يومين وغراب البرك اوبس اقصدك أونكل عاصم
بيحوم حواليا وعمال يحكيلي قصص واشعار عن سبع البرومبا أبنه..أو البشمهندس معتز المهدي
زي ماحور فهمتني المفروض إبين إني بلعت الطعم ووقعت في غرامه علشان محدش يشك واعرف أشتغل بمزاج
_مصرة برضو ي بنتي تنزلي الشغل؟
_طبعا ي جدو اومال انا جاية ألعب..وبعدين أنا كنت بشتغل من زمان برا مصر والإستثمار مش صعب
هتعلم بسرعة
_طب إدربي إسبوع مع معتز وعقبال مامكتبك يخلص
وتشتغلي كفرد من أفراد المؤسسه
اتكلمت برقة _تمام بس هو معتز راجع إمتي ي تري؟
عاصم بصلي بخبث وكمل فطاره وإبتسامة رضا علي وشه
_النهاردة ي حبيبتي راجع علي المجموعة علطول
هتكوني رئيسة أعماله علشان تتعلمي اكتر كفترة مؤقته
_ي بابا هي هتتسبط اوي من الشغل مع معتز هو كان بيحبها ..قصدي بيعزرها من وهي صغيرة
_اه ي اونكل ماهو نفس الحب..قصدي المعزة برضو
ليه ي حور بتلبسي كدا انا كان مالي ي ربي ومال جوا
الهوانم دا بس
بصيت علي الجزمة الي كعبها ٧ سم
طب هلبسها إزاي دي ي ربي؟
دا أنا مش هكمل خطوتين وهقع علي وشي زي الهبلة
لا لا طز بقي ماله الكوتشي
لبست جيبة وبلوزة وعليهم بليزر وترحة..والكوتشي
بصيت في المراية..ي نهار اسود !!!!
مين القمر دي ..يالهوي عليا قمر أية دا خمسه عليا
والله شكلي أنثوي اهو منك الله ي محمد
قال أية"إنتي شبه واحد صاحبي ي رحمة "
فضلت ادور حوالين نفسي وانا فرحانة بشكلي
نزلت وروحت الشركة..قعدت علي مكتب السكرتيرة أو مديرة أعمال البيه مش فارقه..لبست نضارتي
وركزت اوي في الورق
_إعمليلي قهوة وهاتيها علي مكتبي بسرعة
كنت هقع من علي الكرسي بسبب نبرة صوته..مين دا اصلا !! إزاي يدخل يزعق فيا كدا ويدخل المكتب بتاع..لحظة دا معتز ؟!!
دخلت مكتبه بسرعة بعد ماخبطت لقيت شاب قاعد لابس بدلة من غير الجاكت بتاعها وبيراجع ورق قدامه بهدوء!
اومال مين الي زعق برا دا ؟!!
رفع رأسه بسرعة بعد ٥ دقائق من الصمت _فين القهوة ؟
ربعت إيديا _قهوة أيه؟
_قهوتي
_طب مادام قهوتك أنا مالي بيها !
بصلي وأتكلم بهدوء_إنتي سكرتيرتي
_تؤ تؤ غلطان انا مش سكرتيرة أنا حور المهدي
قام وقف ومشي ببطئ لحد ماوقف قدامي _حور !
_ حور هانم ي حيوان
........
_يلا خلي بالك من نفسك
_ماشي وانت كمان
رجع بسرعة وبصلي جامد _مالك ي رحمة متغيرة ليه كدا ؟
......
طينتها ي رحمة هو دا الي همثل أني هقع في غرامه
من أول مقابلة تهزئيه كدا..ايه لسانك مبرد
فضلت افكر مع نفسي إزاي أصلح الموقف الهباب دا !!
الباب خبطت ودادا لبني دخلت وقفت قدامي وربعت ايديها بهدوء
_من غير لف ولا دوران كدا تقوليلي إنتي مين بالظبط وحور فين ؟!
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!