رواية اسرني كيدها الفصل العشرون 20 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتفاعل استمتعو ♥️

-شلونج هسه
-مثل العراق
-وشبي العراق
-حزين بس حلو متاذي بس قوي

________________
جمان

وضلت يمي آخر بنية بوستني وهمست باذني : لا تفرحين ما راح يدوم

استغربت شنو قصدها رديت بنفس نبرتها مستخيل اسكت : حبي مو انتي الي تقررين يدوم لو لا تمام
وخرت من يمي ولوت حلكها وطلعو لزمتي ضحكتي استغفرك ربي

وكفت ع الكامرة اشوف من يطلعون طلعو زلم شكثرهم يمة اشو نسوان قليل وطلعو النسوان راحو بسيارات كلهم

دخلت للحمام غسلت وجهي طلعت بدلت هدومي وسويت شعري جذيلة (ضفيرة) و تمددت كعدت حجيت لطيبة كلشي صار باركتلي وطمنتني كالت: مبين يحبج يولي لا تخافين

جمان : والله مدري طيبة ليهسه ممستوعبة احس كلشي صار بسرعة وبلمح البصر جنت اكول لو انخطبت يكون بموافقتي وبتجهزاتي وحماسي بس اشو هاي السالفة بيومين صرت مرته كلشي ممستوعبة وانوب هاي الي كتلج عليها أخير شي قلقتني خاف مناويلي ع خير

طيبة : حبي جمانة وعسى ان تكرهو شيئاََ وهوا خيراََ لكم يعني لا تخافين واطمئني وهاي البنية اكيد مضغوطة منج وتريد تخوفج لا تهتمين واذا هوا صدك مناوي ع خير اكيد راح ينكشف

جمان : الله كريم
صاحولي ع عشة كمت اكلت شوية ورجعت اشو ما الي خلك اكعد ويا احد طلعت ملابس للكلية لان الصبح اكعد ممصحصحة ومحاضراتي ونمت ع جربايتي وبموبايلي بايدي شوي وفاتو البنات يمي وضلو يحجون انا مو يمهم وكامت جوان تلم هدوم جهالها الي طالعة

زهراء :ليش جاي تلمين هدومكم ما راح تضلون؟

زينب : والله مدري عندي دوام وما يقبلون اجازة الا بديل

هاجر : لا حرامات شنو هل جية

زينب : راح احجي ويا واحد وياية بالدوام يروح عندي هاليومين

زهراء : يلا بلكي تلكين احد لان متسوة تروحين وعرسي الثلاثاء

زينب : هوا هم هيج
ضلو يحجون الا ان نامو انا ما لازمة الموبايل بس ما اكدر انام هيج انا يوميا ما اكدر انام الا بعد تفكير وصفنات لساعات يلا انام

ثاني يوم الصبح تحضرت وكملت كلشي ورحت ع الكلية
لزمتني طيبة تبوس من الصبح

جمان : يولي غير افتهم شبيج حلمانة بيج شنو

طيبة : طاح حظج غير فرحانة عمود راح تتزوجين واخلص منج

جمان : عاد هوا شلون زواج

طيبة : عادي بعدين تتعودين لا تضوجين جمانة

جمان : طيبة والله من شي يصير وانني متريدي هسه حيل تكرهي

طيبة : توكلي ع ربج عمري

جمان : هوا شعندي غير ربي

طيبة : هسه شوفيني صور البارحة

جمان : انا ما اخذت كلها بموبايل زهراء عود ادزها الج بس اكو كم وحدة لايدينا حاطتها حالة هسه اطلعها لج
طلعتها وشافتها

طيبة : تخبل الصور اكلج انا حبيت ايده ويمكن اذا شفت الشكل وحلو اخذه منج

جمان : هههههه اخذي

طيبة : ولج شو لا غيرة لا صخام دفوتي
شوي وكالت : صححييحح ما كلتيلي ما عنده اخو؟ حتى اذا عجبني اصير سلفتج

جمان ضحكت : طاح حظج تؤامه متزوج ومو داري بالدنيا واكو واحد اصغر من اسر ايات كالت بنفس الكلية مالتج بس انا ما شايفة شكله

طيبة : عزاا اريد اشوفه كامت تتفلفت

جمان : طاح حظج يولي فضحتينا كتلج ما اعرفه
شوي ودخلنا محاضرة من خلصناها كالت طيبة: انتبهت من جاي تكتبين شو ملابسة حلقة

جمان : ها مو ضجت منها من اريد انام وذبيتها ونسيتها

طيبة : لا لبسيها حتى يعرفون انخطبتي

جمان : ماكو داعي شنو اذيع بالجامع

طيبة : اكو داعي معليج
خلصت الدوام عادي وكريم شفته بس ما حجينا شي
طلعت للخط صعدت وصل البنات وبعدين مشى يوصلني

عبدالله : تعالي جمان كعدي كدام يمي

جمان استغربت منه : لا ما اريد

عبدالله : تعالي شبيج بس احجي وياج

جمان : انتَ شبيك يلا وصلني للبيت

عبدالله : جمان الصراحة انا معجب بيج باجر لا تروحين للدوام وخلي نروح ع مطعم نكعد نحجي سوية

جمان : كل عقلك تحجي انتَ تريد اوعدك انا اخطبت وانا بمكان اختك استحي ع نفسك

عبدالله صاح :لا مو اختي وهذاك ميفيج اتركيه وضلي وياية

جمان : شدتخربط انتَ وكف السيارة ونزلني ، متتت من الخوف ومن صوته كلت هذا شبي يريدني اواعده هاي عود ابن خالتي ولازم يخاف علية بس اكيد يطلع مثل خاله قليل شرف صرت اتذكر المواقف وحيل خفت
ما قبل يوكف فتحت الباب وهوا يمشي وكف بسرعة

نزلت وكبل لزمت الموبايل اخابر احمد هوا نزل ويكلي تعالي صعدي العالم تدحك

جمان : ترا هسه اصرخ والم عليك العالم امشي وخر
ما قبل بس مثلت اريد اصيح راح الجبان يركض ع السيارة
خابرت احمد كتله تعال اخذني عبدالله عطلت سيارته بنص الطريق

احمد : ولج انا هسه بالشغل شيطلعني اتاخر جمانة

جمانة جتني البجية : لعد شلون احمد

احمد : خابري ع قاسم (اخوهم) شوفيه

جمانة : قاسم روحه بخشمه هسه تعرفه ما يجي
احمد : خابري وشوفي

خابرت ع قاسم وكتله كال : انا ما اكدر اطلع من الدوام ما يجيج خطيبج الشفية ياخذج

جمان : قاسم شبيك حتى رقمه ما عندي وليش هوا يجي ما تجي انتَ

قاسم : خابري وخلي يجي يلا
سد الخط جتني البجية بنص الشارع والناس تمشي وتدحك علية نزلت دمعتي رجعت خابرت احمد : ما يقبل يكول خابري اسر الشفية خلي يجيج

احمد : دحك ع العار ولج عمري جمانة راح اطلع بس انا بعيد واتاخر شلون تنتضريني؟

جمان : لاوالله انا خايفة وحدي بالشارع فدوة احمد استعجل

احمد : غير تفهميني ليش وحدج بالشارع

جمان : ها مو بنص الطريق وعطلت السيارة هوا عافني وراح ع مصلح

احمد : لا يا عار شلون يعوفج جمان شوفي ماكو غير اسر يجي عليج

جمان : ذبوني واحد ع واحد وانا وحدي بالشارع يلا خابر هل اسر ترا متت من الخوف الناس تمشي وتدحك عبالهم بية شي

احمد : يلا راح احجي وياه والله هوا اكرب انا كتلج اجي بس اتاخر

جمان : بس يلا بسرعة

سده وسويت نفسي اتمشى حتى محد يدحك صدك توترت ومسحت دموعي عليش خايفة عادي مصار شي بس من انعاد علية موقف خالي اتحطمت

دقايق ووكفت سيارة يمي

_______________________
اسر

بعد خطبتنا انا وجمان وكلشي تمام حيل ارتاحيت هاهية الي
بالدوام بعدني وخابر علية أحمد كال سايق جمان عطلانة بيه السيارة وانا مكدر اطلع من الدوام تكدر تروح انتَ؟

اسر : ي هسه اروح الها وين هية

احمد : كالت طلعت من الكلية بشارع *******

اسر فتحت عيني بس لا وحدها هناك شموصلها : تمام حبيبي سديته وكمت بسرعة اخذت مفتاح السيارة

كلت للمدير راح اطلع صار عندي شي كال اطلع اساساََ مضل شي ع انتهاء الدوام
طلعت بسرعة ومشيت بالسيارة مو حيل بعيد الشارع عن المستشفى

وصلت للشارع خففت السرعة حتى اشوفها وين شفت وحدة ناطية ظهرها وتمشي وصلت يمها رفعت راسها شفت عيونها حمرة كلت : تعالي ركبي يلا

هية اجت تمشي شوي شوي وركبت مشيت وانتبهت لازمة محاضراتها حيلل بايدها كلت : شلونج

جمان : الحمدلله

اسر : شبيها عيونج حمر

جمان : لا مو حمر بس هية شوي توجعني من الشمس

اسر اعرف ما توجعها وماكو شمس بس ردت شوي شوي احجي وياها : شنو هذا سايقكم عطلانة سيارته؟

جمان : ها اي عطلت بالطريق وهوا راح ع مصلح

اسر : زين شلون عافج وحدج؟!

جمان : لا اكو بنات وياية بس وصلهم قبل ما تعطل السيارة

اسر : زين هذا السايق كرايبكم؟

جمان : اي ابن خالتي

اسر : شلون يعوفج جمان شسوالج؟

جمان رفعت راسي له بتفاجئ : شسوا يعني شبيك

اسر : ترا هاي العيون الحمرا والخوف وانتي بالطريق وحدج مو صحيحة احجيلي حتى اعرف منج

جمان : لا شبيك شحجي

اسر : متأكدة

جمان ما كدرت اضم اكثر احس عرف واذا اجذب يعرف نزلت راسي

اسر : عادي احجي جمانتي شصار

جمان انتبهت كال جمانتي انوب صاررت فراشات ببطني

اسر : ما ناوية تحجين

جمان : شسمة بس كال انا معجب بيج

اسر درت وجهي الها وفتحت عيوني : شنوووو ما يعرف انخطبتييي ؟

جمان كلبي وكع ببطني : ها بلا يعرف

اسر : عجل شون يكول هيج

جمان جريت نفس وحجيت سريع : هوا ذب كل البنات وبقيت انا كال تعالي يمي ما قبلت كال انا معجب بيج وخلي باجر لا تروحين للدوام ونلتقي كتله انا هسه مخطوبة وعيب عليك هل حجي وكال عوفي ما يفيدج وانا كتلها شنو ما يفيديني شدخلك نزلني ما قبل انا فتحت الباب وكف ونزلت نزل وراية يصيح ويكول تعالي ما قبلت وبس كلت راح أصيح خاف وراح بسرعة وانا خابرت احمد وخابرك وهاهية اخذت نفس

اسر صحت : غير أهلج صخامج يحطوج بخط امين وزين شنو هذا الهتلي هسه لو مسويلج شي ال** خلي يصبرلي

جمان : هسه اهلي شدخلهم

اسر : ما دخلهم انا لحالي حجيت جمان لا تخافين هاهية يمي

جمان ضليت ساكتة وصلني للبيت ردت انزل باس خدي جمدت بمكاني كال : لا تخافين بعد ومن باجر تحضري انا اجي اخذج واوصلج وبالرجعة وحتى ايات وياج لان انا اوصلها ترا واذا تاخر دوامي اخوي وياج بالكلية ورجعي وياه وانا احجي ويا ابوج تمام

جمان : هزيت راسي ونزلت بسرعة للبيت بدون ما احجي وية دخلت بغرفتي بدلت وما انطيت لنفسي مجال افكر بالي صارت نمت ومر اليوم عادي بليل كاعدين أحمد كال لابوية : يابة تدري اليوم واكفين انا وأسر بالشارع شفته ورحت احجي وياه اشو ما اشوف الا عبدالله ابن خالتي اجا بس شفته مشكوكة وخده بي جروح كتله شبيك كال ما بية شي هاي هيج بس ردت اكلك انا بعد ما لية خلك التزم وخط وهاي وسيارتي اصلا مدري شبيها وانا عندي دوام ف دور لجمان غير خط...................

يتبع..........