رواية اسرني كيدها الفصل السادس 6 - بقلم الكاتبة ايات الـ سند

بقلم :ايات السند
السلام عليكم

لا تنسون التصويت وتفاعلكم الحلو استمتعو ♥️📌

"أمنيتي اصير امنيتك"
_______________

بعد مرور خمس سنوات....

اسر

طبعا جمانة خلت إثر بحياتي وحيل كبرت بعيني من ما وافقت تدزلي شي وجانت حيل صافية والمحادثات قريتوها وصدك أكبر من عمرها
واحس حبيتها وأريد اي طريقة اجتمع بيها بس ما اعرف حتى حساباتها غيرتهم

الي صار بهاي 5 سنين صار عمري 28 وحياتي عبارة عن دوامي واهلي الي مسؤول عنهم لان عمر مو هواي يهتم بس انا صرت بمكان الاب لايات الي صارت ثالث متوسط ووسام دخلته روضة وما مخليهم يحتاجون شي واحسان دخل كلية وهيج صارت حياتي واصلا حتى الحسابات سديتها بعد جمان

______________

جمان

الي صار بهاي السنوات عمري صار 19 ودخلت كلية علوم اساسي وهسه مرحلة ثانية دخلت قسم أحياء بعدني ع شخصيتي ما تغير شي وأسر حاولت انساه مرات يجي ع بالي بس ما اهتم ابدد وانساه لأن اكول مو ثقة واني بية خوف من كل الشباب لأن اكول تفكيرهم قذر ومن دخلت الكلية شفت هواية أشكال بس ما اختلطت بشباب بس اكو اثنين من شلتنا علاقتي بيهم سطحية عادية

طلع من الامتحان (نص السنة) لكيت طيبة صديقتي جاي تنتظرني

جمان : ها بشري شلونج بالامتحان

طيبة :نص ونص يمعودة تعالي خلي نروح للنادي ناكل جوعانة

جمان :يا ولج وتعب البارحة ساعات فاتحين مكالمة واشرلج المهمات من المحاظرات والترك وهسه تكوليلي نص ونص

طبية : يمعودة هسه امشي خلي ناكل

جمان :ترا انتي طول عمرج جوعانة مراح استغرب
مشينا للنادي لكينا شلتنا هناك

كريم (زميل جمان) بمزح : ها جمانة شلون الامتحان اكيد كلشي مجاوبة

جمان : ي اكيد شلون لعد ما اجاوب

مها (صديقتها) : فديت الي تكول لعد ي صاير تحجين مثلي (لان هية بغدادية)

جمان ضحكت وكعدت بين ما يجيني السايق

كريم : شلون يعني جمان راح تنتقلون وبعد ما نشوفج

جمان : لا قابل وين راح اروح راح اضل بكليتي

كريم : دا اتشاقة وياج ولج نفسية دضحكي

جمان ابتسمت شوي واجت بنية ويانة بالخط كالت اجا يلا تعالو كمنا انا وطيبة وسلمت عليهم وطلعنا للسيارة

وصلت البيت تلكتني امي

أم جمان : ها شلونج بالامتحان

جمان : زينة الحمدلله

ام جمان : يلا بدلي واكلي وكملي غراضج ترا عكب باجر نروح

جمان : تمام ماما بس مراح اخلصها اليوم عندي امتحان لازم اقرا

ام جمان : بس امشي
وكفت وتخصرت يعني بس تريديني امشي من يمج مو

ام جمان ضحكت : عوفي طباكاتج وروحي بدلي

صح ما كلت راح ننتقل ع غير بيت بنفس المنطقة مال أهل أسر واحس اكو نغزة بكلبي ما أريد اروح هناك
ودوامي راح أجرر غير خط ولازم من وكت حتى اوصل للجامعة

رحت غيرت ملابسي واكلت ورتاحيت شوي ع الموبايل وكمت لازم اكمل لم الغراض

جمان : ول غير تنطوني صناديك هاي بعد متكفي

زهراء : طبعا من كثر الهدوم الله يساعد الجنط

جمان : معليج انتي لا تتدخلين صحت ع ماما : تعالي شوفي زهراء تكلي عوفي نص هدومج

ام جمان : ولج زهراء دعوفيها

زهراء : ماما والله جذاب يول يا ادبسز صبري ع كيفج هسه اجيبلج

زهراء صار عمرها 24 تخرجت و انخطبت لواحد وياها بالكلية بس ننتقل تتزوج

لميت شوي تعبت وعفتها وبديت اقرا وكالعادة خايفة من الامتحان باجر اخر يوم واخلص

ثاني يوم

طلعت من الامتحان وانا فرحانة لأن مجاوبة ولأن آخر يوم

طيبة : واخيرا طلعتي يمعودة

جمان :يمة الحمدلله جاوبت وانتي

طيبة : والله نص ونص

جمان : دومج نص ونص اف منج، يلا اريد ارجع للبيت تعبانة

طيبة : لا عيناي اليوم ماكو طلعة خلي اشبع منج

جمان :دولي شتشبعين وين رايحة مكابلتج وراح اضل اجيج

طيبة : ما انا اريد يضل بيتكم كابل بيتنا خلي انتقل وياكم

جمان : ي يلا تعالي ازوجج احمد واخذج

طيبة : دوخري عن وجهي انتي واخوج ابو عيون الخضر

جمان بمزح : انجبي ما اسمحلج تحجين ع اخوية عود دا تقصفه تكول ابو عيون الخضر اصلا احمد احلا من ابو عيون الخضر

طيبة : اهو هسه ما اريد اجي وياكم امشي صتعبت من الوكفة خل نروح للنادي

جمان : يلا بس ترا ما اطول
دخلنا وشفنا صديقاتنا وكريم وصديقه كاعدين بميز انا جريت طيبة حتى نكعد وحدنا ونسولف هية جرتني اقوة تكول بس نسلم

وكفنا يمها سلمنا كالو كعدو كرصت طيبة كالت الهم لا جمان تريد تطلع
كريم كال : يالشلة راح اشتاق لكعداتنا

جمان مكدرت الزم نفسي كلت بمزح تمثيل : مراح تلحك تشتاق كلها اسبوعين
طيبة جرتني وطلعنا نتمشى لباب الجامعة
طيبة :خ** عليج حتى ما اكلت

جمان :امشي ببيتكم اكلي

طيبة : اف منج وبعدين ليش فشلتي كريم بالنادي

جمان : لا مفشلته شكلت قابل

طيبة :اممم هاهي مكلتي شي بس اكلج

جمان : ها كولي

طيبة :يمكن كريم يحب...

جمان قاطعتها : لا ماكو هية شي ترا بس أصدقاء وانا تعرفين لا تقرب منهم ولا اكعد وباهم هواية منين حبني

طيبة :مو شرط تكعدين وياهم حتى يحبج

حمان : لا يمعودة لا اريد يحبني ولا شي الجامعة مليانة بنات يخبلون خلي يروح يحب منهم

طيبة : اممم يلا امشي اجا الخط مالتنا
من صعدنا بالسيارة طيبة كالت عفية شلون بعد يعني احنا مو نفس الخط

جمان ضحكت : ميخالف عمري نتلقي بالكلية
وصلت للبيت دخلت وشفتهم انقلاب لأن باجر راح نطلع

جمان :يبو هاي عود جاية فرحانة راح اعطل شوية ارتاح منين طلعتو النا بسالفة النقل

ام جمان : غير ابوج تغير مكان دوامه (ابو جمان يداوم بالكهرباء)

زهراء : دنجبي وكرمينا بسكوتج وكملي هدومج الباقية

جمان : والله هسه جيت تعبانة كلشي ما اسوي انام شوي ومن اكعد اكمل

ام جمان : لا والله انتي من تنامين تضلين للمغرب فضينا وكملي وبليل نامي

جمان : اهئئ فهمنا ييمعودين
عزلت وكملت ولليل يلا نمت ميتة تعب

الصبح
زهراء : ولج عزا انتي تمبل مال نوم دكوميي

جمان :وللل شبيجج شتريدين من الصبح

ام جمان : يا ولج شتريد غير حتى نروح

جمان : ها تذكرت اهو اريد انام

ام جمان : والله راح اصيح ابوج عليج مضل وكت كومي

كمت ولبست وكلت لبابا راح اروح اسلم ع طيبة خابرت عليها كتلها طلعيلي برا اسلم عليج رحت ع بابهم وكفت هما كبال بيتنا شوي وفتحته شعرها منكوش وبهدوم النوم متت عليها ضحك حضنتها ودمعت تريد تبجي كتلها : اشششش ممنوع ماكو محسستني رايحة للموت
طيبة: اسم الله

جمان: لعد هاهية يلا باي حبي وانا كلما تريدين اجي عليج لو تعالي

طيبة : افف يلا تمام بوستها وطلعت

لكيت كل البيت مكملين وطلعنا طبعا البارحة بابا دز نص الغراض والباقي اخذناه ويانا

جمان : باي بيتنا راح اخلص منك

نص ساعة هيج وصلنا للمنطقة لا بأس بيها
وكفنا يم البيت ونزلنا

جمان : الله هذا بيتنا
جان البيت شوية كبير و حلو

دخلنا وبدأ الكرب والشغل والتعزيل
لليل دزينا ع عشة واكلنا ونمنا من التعب
و مر اسبوع و استقرينا

ندك الباب طلع اخوية وطب بايده صينية
ام جمان : ها منين

احمد : هذول بيت جيرانا بنهاية الشارع مو قريبين هم جابو هذا الغدة

ام جمان : هاي عمود منتقلين جديد جيبه يمة
أكلنا وكملنا العصر

ام جمان : ولك احمد كوم ودي المواعين للعالم

احمد : والله مبية بعدين عود اوديها

ام جمان :لا ولك عيب
جمان : عوفج منه كومي خل نروح اني وياج وهم نتعرف عليهم
، لأن جنا هناك متعودين عادي نروح ع جيرانا وعلاقتنا حلوة

ام جمان : يلا شنسوي إذا ميقبل يروح كومي لبسي

رحت اركض ولبست
جمان : احمد ولك ع الاقل كول ياهو البيت

أحمد : آخر بيت بالشارع امشو وبالنهاية تلكوه ع اليسار

هاجر :خرب بحظج جمانة تكيفين ع الدياحة

جمان ضحكت : عاد هم لو صحيح طلعة هية نرجع مواعين
طلعنا امشي ماما مبين هذاك هوا

دكينا الباب وطلع ولد يمكن ابنهم نزلت راسي بالبداية ما انتبهت عليه
بس شوي دكت عليه ولمحت انو هذا هوا يربي معقولة شهل صدفة !....

يتبععع............