رواية اسرني كيدها الفصل الثاني والعشرون 22 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتفاعل استمتعو ♥️

- يترڪونک لـ وقت فرٱغهُم ،
- يرجعون يسألونک ؟ ليش تغيرت

____________________
جمان

من ردت اسد الباب شفت أسر جاي باتجاه بيتنا
قبل ما اسد الباب لزمه ودخل وطابك حواجبه : منو هذا الي جنتي وياه ع الباب

جمان : هذا اخو صديقتي بس جنت اكله خلي تجي باجر وكال اشوف وفتت

اسر : لج شوفي شعرج طالع من فوك شلون تطلعين ع الباب هيجج

جمان لزمت الحجاب من فوك : اسر شبيك كلشي ما طالع وانا بس حجاية ودخلت وهوا مثل اخوية من احنا صغار جيران هناك

اسر : لجج واذا مثل اخوج تطلعين و وجهج مكياج

جمان : اسر اصلا هاي اول مرة اطلع ع الباب

اسر : ورجاءا خلي تكون اخر مرة ترا الشارع كله ولد، وصاح، ويدحكونن عليجج جاي تفهمين

جمان : بعد ما اطلع كافي لزمتني محاسبة من هسه بعد ما صرت يمك وهيج

اسر : جمان مجاي احاسب بس سئلتج منو هاذ وكتلج لا تطلعين ع الباب بعد ما اعتقد بيها شي ومن حقي اسئل

جمان : لا ابد ما بيها

اسر استغفرت واخدت نفس : صيحي امي وكوليها يكول يلا

جمان : اسر ع كيفك بعد وكت العالم كلها بعدها جوا

اسر : لا هاهيي

جمان : بس شوي وارجع ايات بعد ما شافت شي بس هدي شبيك

اسر : يلا نص ساعة واجي
طلع وسديت الباب وانا كلبي وكع ببطني عيونه تجدح ويصيح شعرج طالع والولد تدحك بعد لا تطلعين ع الباب هاي هسه اسميها غيرة عصبية لو شنو بالضبط هزيت ايدي

فتت و ذبيت العباية ماما سئلتني وين جنتي شو تاخرتي كتلها ودعت طيبة واجا اسر ع أهله كتله بعد وكت خليهم
جانو حاطين زهراء وهما حواليها ويركصون وكفت وياهم وبعدين خلصنا الحفلة صارت فقرات حيل حلوة واي واحد يروح ننطيه من التوزيعات مال حفلة للسوينها حيل ترتيب

صارت وب ١١ وشوي راحو صديقات زهراء من طلعو اسر اجا أحمد صاح هذا اسر خلي يطلعون اهله طلعو وايات لازمة بايدي طلعت وياها ع الحديقة
ايات : راح تصير أجواء حلوة من يباتون يمكم الكرايب ولمة

كتلها: تبقين تباتين يمي وهم بنات عمي هنا نتونس شتكولين

ايات : يي امانة جمانة كولي لأسر بلكي يقبل والله هناك ضوجة وحدي

جمان :لا ما اطلع انتي كوليله

ايات : امانة جمان بلكي يقبل منج هسه انا مراح يقبل

جمان : صبري البس عباتي واجي

ايات : يا عباية ولج غير رجلج

جمان : لا استحي حيل خلع

ايات : بشرفج جمان اوكفي وراية واحجي من تروحين تلبسين هسه تطولين ويصيح علية

دحكت فساتني للركبة من كدام ومن ورا طويل وع الكتف ماكو شي بس ع الايد هيج شي لونه اسود والي ع الايد ماروني

جمان ما يصيح يولي دخلت ركض ع الديوان جبت الشال الي من طلعت ويا طيبة وذبيته بالديوان وطلعت كتلها : شفتي ما طولت حطيته ع كتفي وغطيت صدري ومشيت وياها ام اسر واكفة ع الباب كالت : يلا ولج ايات وين صرتي

ايات : هياتني جانت جمان تحجي وياية

ام اسر : يلا امشي اسر صار ساعة ينتضر

جمان : خالة خلي ايات تبات يمي

ام اسر : ياا شعدها

جمان : يمي خالة راح تصير لمة اكيد تضوج وحدها

ام اسر : والله انا معلية لا تورطوني وياكم احجو ويا اسر هوا ابوها

ايات : شكتلج جمان يلا احجي وياه

جمان : مااا

ايات: امانة ولج

جمان : اففففف كلها من وراج يلا ماشي

فتحت الباب شوي حتى اصيحله خزرني ودفع راسي وفات كال : يول مو ملابسة حجاب شلون تطلعين هيج

جمان : بس ردت اصيحلك

اسر : حجيج مال هدوء ما من وراه خير احجي بسرعة اريد اروح

جمان : شسمه اريد ايات تبات يمي

اسر : لا عليش

جمان : هاي شبيك اسر خلي تتونس وياية بنات عمي وهاي كلهم ضلو

اسر : عرفت حجيج الي بهدوء ما من وراه خير وبعدين لا ماكو يضل بالي عليها

جمان : دقبل

اسر : والله اذا رايدتها يمج خلي نتزوج هلفترة وتعالي انتي يمها

جمان صفنت عليه شلون كلب الموضوع ع الزواج كلت بضوجة : هاهية قفل؟

اسر : اي هاهية حدرو يلا

مشو للباب اشو اشوف اسر رجع بسرعة عليه وفاتح عيونه يمة وكع كلبي رجع ليورة : شبيك اليوم مخرعني متكلي

اسر : وج هاي كاصة شعرج

جمان : يا شعر

اسر : شنو يا شعر غير شعرج

جمان : ها هاي اليوم كصيت، عكدت حاجبي وكتله وانتة شمدريك بشعري شطوله

اسر : لج بيوم المشية شفته واصل لي ظهرج

جمان : بس جنت لابسة حجاب

اسر : عاد هوا جان شلون حجاب يالمستحية طالع شعرج من ورا

جمان : وانتة ليش تدحك على شعري

اسر : عجل شلون انا ادحك كل تفاصيلج جماني ورجع خشن صوته: لاتغيرييننن الموضوع

جمان : يعني هسه شلون اني ما احبه طويل

اسر : بعد ممنوع تكصي

جمان : لعددد ششلونن ما احبه طويل غير شعري لو شعرك

اسر : يولي متكليلي اشو انتي نص حجيج بغدادي

جمان : عوفني وروح هسه طلعتلك السولف دشوف اهلك واكفين يدحكون مستغربين شبيك رجعت

اسر رفع حاجبه : يلا مع السلامة ما تداومين باجر مو

جمان : لا
تقرب يمهم وطلعو كال : فوتي انا اسد الباب وراية

دخلت اول شي سويته ردت لبست تراكسود ارتاح بي غسلت وجهي رفعت شعري فوك طلعت شفت رغد جاي تكنس الديوان ولامين كلشي وانا ميتة تعب كتلهم حفوت انام كالو صبري راح نفرش بالديوان احنا وبنات عمو ونام
جمان : يلا لعد
كملت وفرشو وتمددو وكعدو يحجون انا شوي اندمجت وياهم بعدين نمت

الصبح فزيت على اصواتهم البيت كايم كاعد وبس انا نايمة بالديوان كمت زهراء هية وزينب مبدلين
جمان : ها وين

ام جمان : راح يروحون للصالون انتي مو تريدين تروحين وكضي بدلي وروحي

جمان : يييي شلون ما اروح ركضت غسلت وجهي و لبست بنطرون وسترة طويل وحطيت الشال بأقل من دقيقة وطلعت الهم اجى زوج زهراء اخذنا

وصلنا للصالون جانت عدها هم عروس كملتها وبعدبن بلشت بزهراء ووحدة ثانية بلشت بزينب وانا بس اصور وكاعدة انتضرهم يخلصون خابرتني هاجر كالت ها كملتو
جمان : لا ولج بعد

هاجر : يلا تمام بس ردت إسئل

خلصت زينب لأن بس مكياج كالت تعالي رحت يمها كتلها اساس ما اريد يحسس وجهي بس عيوني كالت ماشي

بلشت بعيوني وانا كل شوي اكللها خففي خلصت عيوني َحمرة وحواجب وهاي وخلصتني كلشي مثل ما انا ردت وخفيف حتى رموش ما حطيت

كملت زهراء اخدت الها صور وخابر رجلها كال انا برا يلا طلعو

طلعنا جان اشوف اسر واكف برا ومبين ضايج البنات كالو انتي روحي وياه واحنا هنا

راحو صعدو واسر كال : جمان بسرعة صعدي بالسيارة ......

يتبع.......