رواية استاذي_زوجي الفصل الخامس 5 - بقلم 𝓑𝓝𝓘𝓝♥️✨

في اليوم التالي شروق الشمس وززقت العصافير لتعلن عن بدايه يوم جميل ؟ام سيء كالايام السابقة؟لنرى

علي
قمت من الفراش وانا لم انم البارحه ابدا كنت افكر واقرر واخذت قراري قمت دخلت الى الحمام استحممت وغيرت ملابسي ونزلت لاسفل لاتناول الفطور عندما كنت اريد النزول صادف سامر
سامر: صباح الخير
علي: صباح النور
سامر: اگول هذا اياد خابرني ايگول شنو قرر
علي: هو اني دااريد اگولك خابرة خلي يجي
سامر: هاا يعني قررت اي زين شقررت فكرت زين يله احجي
علي بحده: يجي اياد وتعرف
سامر: اي ماشي اعصابك
نزلت لاسفل ودخل سامر لغرفته
في غرفة سامر
سامر: هاا ولك
اياد: ولكاكه بعينك شگد قليل ادب
سامر: خليت الادب الك ابو البنات
اياد: لا والله لعد انته شنو ابو الدرازن مال بنات
سامر: هسه لضل تحجي وتعصبي
اياد: دير بالك ليطگلك عرگ
سامر: هسة الغي لو شلون
اياد: اتفضل اكل خر.
سامر: لواكل خر. جا گلتك
اياد: هسه انته شتريد داك
سامر: علي ايگول خل يجي بسرعة
اياد: صدووك علمود السالفة مال البارحه
سامر: ماادري وغلق الهاتف
اياد: الوو الوو الوو سدة ابن النع##. استغفر ادور ابو ابو صديقي وميهون عليه بس لو انسان ادمي ماجاب واحد مثل سام
في الاسفل
علي: صباح الخير
سعاد: صباح النور هلا يمه
علي: هلا بيج ام علي
سعاد: شنو هاي امي ليش هيج وجهك تعبان شنو مريض مصخن گلي اشبيك
علي: على كيفج يمه ماكو شي بس اشويه البارحه سهرت على مود الشغل وبس
سعاد: اي ياامي الشغل طاير اووف منك اذا اشويه اجوز من الشغل باجر عگبه اشلون من تزوج
علي: الله كريم منا لوكتهة
سعاد: اووف يايمة اشوكت افرح بيك واشوف جهالك قبل ما اموت
علي: عمرج طويل يمه انشالله اشوفيهم وازوجهيم على ايديج ام علاوي
سعاد: اي شوكت يايمه اشوكت
علي: مو گتلج الله كريم هسه اريگ لو شلون
سامر: Good moring My Family ( صباح الخير عائلتي )
نور: ههههه Good moring
سامر:بارك الله بيج (My sister)( اختي) بس انتي اتفمين بالاصول
علي ايباوع صفح : صباح الخير شو اليوم گالب على الانگليزي
سامر: شسوي گلت اسوي براسكم خير
علي: ليش اشبينه اح..... قطع نقاشهم الذي اراد أن يتحول لمصيبه صوت اياد يقول
اياد: صباح الخير
الجميع: صباح النور
نور في نفسها : صدقة لهل صوت يالله كون كل يوم اصبح بوجهك قطع شرودها
سعاد: تعال ابني حماتك اتحبك تعال اتريك
اياد: لا خاله تسلمين والله متريگ وجاي
علي: ماشي لعد خل نصعد فوگ
اياد: يله
سامر:لحضة اني ممتريگ خل تريك ونصعد
علي: عادي اتريگ ماكو داعي لوجود الزعاطيط وذهبوا
سامر: لا يمعودين اوكفو اخذ صحن الزيتون واراد أن يذهب
سعاد: يمة شكو شصاير
سامر: ماكو شي يمه شغل وصعد يركض
دخل الغرفه ورائاهم جالسين
سامر: هااا متانيني يله اتگدرون تبدون
علي: سامر شوف اذا اضل هيج واتنرفزني فاطلع من هسه
اياد: سامر لا جديات اسكوت خل نفتهم
سامر: ماشي سكتت
اياد: اي علي گول شقررت
علي: طبعا البارحه كوله منايمه بس افكر طبعا اني مااگدر ادمر حياتي ومستقبلي علمود ابنيه ضرب سامر صحن الزيتون بالمكتب وقال
سامر: والله عرفتك مراح اسوي شي انت واحد اناني
علي ضرب يده بقوة على المكتب وبعصبيه قال : سامر اگعد بعدني ممكمل كلامي
سامر: شتكمل هيه مبينه انته واحد اناني ومتتنازل ابد
علي بعصبيه: سامر اطلع بره
اياد: ياجماعه اهدو شنو السالفة ميصير هيج سامر اگعد سااامر جلس سامر
اياد: اي علي كمل
علي: بس ماادري احس هاي البنيه تستاهل وراح ازوجه
اياد بفرحة: اي هذا الحجي الي ينسمع عفيه علي كبرت بعيني فوگ ماانت چبير سامر: هه شعجب
علي: استغفر الله
اياد: عوفة علي
علي: هاا طبعا الزواج راح ايكون بس على الورق يعني كلشي ماكو
اياد: ميخالف ومااعتقد البنيه اتعارض
سامر: زين وامي شلون راح اتگلله
اياد: علي اني اگول لتگلله الحقيقة هي تريد تفرح بيك لتخرب فرحته لتگول اله ولاتخلوها احس انو الزواج هذا غصب بين انو كلشي بأرادتك
علي: ماشي
خرج اياد وسامر وعلي ذهب ليفاتح امه بالموضوع
سامر كان يمشي ولم يحس الا واحد ضربه على رأسه بقوة : ااااااااااااااخ لك اشبيك انت
اياد: اي حتى مرة ثانية من احجي وياك متسد الموبايل بوجهي حيوان
سامر: والله ما كو غيرك اهنا حيوان وانت شنو حتى اضل احجي وياك مقامي ميسمحلي
اياد: طبعا مقامك انت النعال ميسمحلك تحجي وية الاكبر منك وذهب
سامر: شووف قصفني ابن الاوادم اني اعلمه
_____________________________
ذهب علي لامه
علي: طق طق
سعاد: اتفضل
علي: ها يمه عدج شي
سعاد: لايمه تعال ماكو شي اهم منك
علي: ماشي
جلس على الكرسي وجلست امه على السرير مقابله
علي: يمه ارد احجي وياج بموضوع مهم
سعاد: اي يمه احجي كلي اذن صاغية
حك مؤخرة رأسه برجوليةة: شوفي ام علي انتي دائما تلحين علية بموضوع الزواج واتگولين اشوكت يجي اليوم الي تزوج واشوفك عريس واشوف جهالك
سعاد:اي يمه بحسره
علي: ام علي اجة هذا اليوم
طبعا سعاد من الصدمه معرفت شيسوي تبچي تفرح واخيرا حلمه اتحقق وابنه الي مايحب النسوان ومايطيقهن قنع يزوج ويأسس عائلة
سعاد: كلللللللللللللللللووووووووووششششششششش (٥)
سعاد: دخيلك ياربي واخيرا حققت حلمي وراح اتفرحني دخيلك ياللهي لا تحرم احد طعم الفرحة
يمه گلي منيه ها ي هسه اروح اخطبه الك
علي: اصبري يمه موهسه خل افاتح عمي بالموضوع
سعاد: يمه والله من الفرحة ماضل عندي صبر اريد اعرف منو هاي الي خلتك تقتنع وتزوج
علي في سره: اااااااه يمه لوتدرين حتى البنيه مالي نفس بيه
سعاد:لعد يمه خابر اليوم عمك خلي باليل
علي: انشالله
سعاد: علي
علي: ها يمه
سعاد: الله يفرحك طول عمرك على هاي الفرحة
علي ضحك بخفة وحض امه: انشالله دوومج فرحانه ام علي
خرج علي من الغرفة وذهب لغرفته واتصل بعمه
علي: السلام عليكم شلونك عمي
فؤاد: هلا بعلي وعليكم السلام عاش من سمع صوتك
علي: هلا وصوتك العايش
فؤاد: اشلونكم صحتكم امك اشلونها اخونك
علي: والله كلة تمام
فؤاد: انشالله دووم
علي: عمي خابرتك لأن عندي وياك مضوع مهم وبلكت اذا تگدر تجي اليوم
فؤاد: انشالله خير هو على اساس اليوم كلنه نجي
علي: اهلا وسهلا بيكم بأي وقت
فؤاد: لعد ماشي اليوم نجي ونحجي انشالله
علي: انشالله يلا مع السلامه سلمنه
فؤاد: الله يسلمك
_____________________________
في اليل
جاء فؤاد عائلته والكل مجتمع على مائدة الطعم طبعا كان هناك اياد ايضا وتتعالى صوت ضحكاتهم على كلام ونكت وطرائف سامر وكانت هذه السفره لاتخلو من نظرات عاشقة كل من ينظر. لعاشقه ولكن هناك من يعلم ومن لايعلم والى الان امرهم مجهول بعد مدة انهو طعامهم وقامت النساء بحمل السفره
علي: عمي تعال نگعد بالصالة احسن
فؤاد: ماشي
ذهبوا وجلسو في الاستقبال
فؤاد: اي ابني شنو موضوعك
علي: ووالله ياعمي اني نويت ازوج
فؤاد بصدمه وفرحة: اي عمي بيه الخير منيه هاي البنيه
علي: البنيه طالبه عندي بالكليه واني انعجبت بيه ( گام ايألف)
فؤاد: انشالله الله ايقدم الي بيه الخير تستاهل علاوي
علي: بس عمي همه اشويه حالتهم اشويه مو هالگد
فؤاد: ابني احنه من شوكت اندور ماديات اذا البنيه زينه واهله سمعتهم طيبه ليش لعد
علي: خوش لعد عمو اني اريد كلشي بسرعه يعني بين الخطوبه والعرس اربعة ايام علمود التجهيزات
فؤاد: عمو ليش الاستعجال اتعرف عليه بالاول انطي مجال تتفاهمون هو احلى شي فترة الخطوبه
علي: لا عمي مايحتاج اتعرف ماعندي هيج سوالف خلي كلشي يخلص بسرعه
فؤاد: ماشي الي يريحك
اجتمعوا الجميع في الاستقبال
نورهان: على الخير علاوي واخيرا اقتنعت
علي: اشكرج خاله شنسوي كلشي نصيب
حسام: شكوو شنو السالفة
سامر: ههه ماتدري العزيز قرر يزوج
حسام: ههههههه وادور گلبت على علي هههه ولا وتريد ازوجه ههه
سامر: هاي اشبيك ماامصدك
حسام: طبعا كلامك مو منطقي
اياد: الله واكبر عليك علي شمسوي بالناس حتى هيج مصدگ
حسام: ها اشبيك انت هم اتخبلت
اياد: لك اشبيك عي راح يزوج
حسام بصدمة : شنووووووووووو😲
سامر: اي والله
حسام: لك علي هذول يحجون صدگ
علي: اي اشبيك
حسام:يعني تزوج ابنيه
سامر: هههه لا خطبناله ولد
الجميع: ههههههه
حسام: يعني علي انت راح تزوج وقاط وحفله وعروس
علي: نعم
حسام: كللللللللللللللوووووووششششش
فؤاد: لك شنو هاي
حسام: شسوي بويه والله فرحت حتى من ازوجت مافرحتلك هيج
سامر واياد:ههههههه ههه
فؤاد: هسه علي ابني انروح باجر اني وياك واياد
سامر وحسام: واحنا
اياد: لا ماكن للزعاطيط
فؤاد: عفيه ردت احجي وانت سبقتني
اياد: تدلل
فؤاد: اي روح نحجي ويه ابوهة حتى اذا وافق اندز امك وخالتك ام حسام
علي: انشالله عمي ايصير خير
فؤاد: خوش لعد يله احنه نترخص
علي: وين عمي گاعدين
فؤاد: لا ابني اتأخرنه يله ام حسام صيحي سمر
سمر: اجيت
فؤاد: يله مع السلامه
علي: الله وياكم
أوصلو فؤاد وعائلته الى الباب وودعوهم ورجعوا للداخل
اياد: علي اريد اگولك شغلة مدام امك مو هنا
علي: خير شكو
اياد: شوف طبعا اني رحت سألت على عائلته بس
علي:. بس شنو
اياد: العائله مو زينه يعني ابوه بخيل واخوه سكير وسرسري والي عرفته مرت ابوه وكحة وخواته همين يعني سمعتهم من خوش
علي: شنوو هاي
سامر: اي وشنو يعني هو مزوجها لو مزوج عائلتها مادام البنيه ما معيوبه كلش كافي
اياد: حتى ايكون عندة علم
علي وضع يديه على رأسه : اوووف كلساع سالفة شكل
اياد: يلا هانت مبقة شي يلا اني اترخص اتأخر الوكت
سامر: همزين حسيت
اياد: اظل طول عمرك حيوان
سامر: اشكرك
اياد: ولو تدلل
علي: كافي للتعاركون
اياد: يله مع السلامه
علي: الله وياك
سامر: بعد مو تجي دوختنه
اياد: عابت. وذهب
في اليوم التالي اشرقت الشمس معلنه عن يوم جديد
ذهب علي وعمه واياد الى اب سالي
فؤاد: السلام عليك حضرتك ابو سالي
خليل: اي نعم اتفضل
فؤاد: والله جاين انريد نحجي وياك بموضوع مهم
خليل: خير اتفضل
فؤاد: اهنا المكان مو مناسب خل اروح بهذيج الگهوة
خليل: يله ...... ذهبوا
فؤاد : والله احنا اليوم اتمنا ماتردنا
خليل: اي اتفضل
فؤاد: احنه اليوم جاين نطلب ايد بتكم لابنه
خليل: شنووو
فؤاد: اي والله ابو رزاق جاين نطلبه على سنة الله ورسوله واذا وافقت حتى انجيب النسوان ننتفق
خليل: ااا ماعرف شگول خل اسأل البنيه واشوف
خليل: زين انت شتشغل
علي: استاذ جامعي وقت فراغي اساعد عمي بالشركه
خليل عرف هو نفس الي نامت وياه بته بذاك اليوم وراح يزوج حتى يسكت الناس خليل ماراد يفتح ذاك الموضوع
خليل: افكر وادزلكم خبر
فؤاد: على راحتك وهذا رقمي من اتقرر خابرني
خليل: انشالله
رجع خليل للبيت اتغده وكمل وراح لغرفته
خولة: اشبيك بشنو اتفكر
خليل: اليوم اجو خطابه
خوله فرحت عبله على وحدة من بناته : على منووو
خليل: على سالي
خولة عبست: منووو
خليل: الاستاذ مالته
خولة: هذا الي....
خليل: اي نفسه
خولة: وانت شتگول
خليل: اگول خل اطيه ونستر على نفسنا ومبينين ناس شباعة
خولة: اگلك عندي فكره
خليل: شنوو
خولة: خلينه ننطيه ونطلب منهم مهر چبير ونضرب عصفورين بحجر واحد هم نخلص منه وناخذ ابداله فلوس
خليل: هااا
خولة: شنو الهاا مايراد اله تفكير
خليل: اي ماشي ( عابت هيج ابو ايتاجر ببته)
ذهب خليل لغرفة سالي فتح الباب
خليل: شوفي اليوم اجو عليج خطابه هو نفسه الي گضيتي ويا ليله واني اطيتج استر الفضيحة الي سويتيه النة
سالي: بس باب.....
خليل: بدون نقاش خلص الموضوع. وخرج
سالي: جلست على فراشي وبكيت الى الان ابي لم يصدقني
سالي معقوله استاذ علي اجة خطبني مستحيل ياربي اشلون ابويه انطاني إله شلون راح اگدر ازوجة اني واعيش ويا
وفجأ انفتح الباب
درة: هلووووووو
سالي: هلا تعاي اجيتي بوكتج
درة: خير شكو ياستار
سالي: لج اليوم اجه خطابه عليه وابويه اطاني
درة: صدك شنو منو شوكت
سالي: استاذ علي
درة فاتحة عيونه وحلگه : شنوووووووووووووووووووو😲😲
سالي: اي ولج اني هم متفاجئة
درة: استاذ علي ماغيرة
سالي: اي
درة: بس اشلون
سالي: ماادري هسه دخل ابويه وگال
در: وابوج وافق
سالي: اااه اي ايگول نستر الفضيحة
درة : لج هذا ابوج شگد استغفر الله
سالي: شسوي ولج شلون راح ازوجه واني اهئ اهئ
درة: والله ماادري شلون انشالله خير لو ما رجال ادمي وابن اصول مااجة وطلب ايدج
سالي: شلون راح اگدر اعيش ويا
دره : اتعشين حبيبتي وتتأقلمين ويا بس گولي انشالله
سالي: انشالله
_______________
خليل: مرحبه اني ابو رزاق
فؤاد : اهلا وسهلا
خليل: والله فكرنا بالموضوع والبنيه وافقت ونتشرف بيكم فؤاد: هاا الحمدلله انشالله خير لعد احنه نجيكم مشيه زلم وبعدين النسوان
خليل: خوش اتشرفونا
فؤاد: خوش مع السلامه
خليل: الله وياك
........
فؤاد: ها علي اشلونك
علي: هلا عمي
فؤاد: اگلك اليوم خابرني ابو البنيه وموافقين باجر نروح
علي: ماشي
____________*__________
في بيت علي
سعاد: هااا يمه بشر
علي: اي يمه وافقو وباجر انروح
سعاد: شايف كل الخير حبيبي وييتممه عليك بالخير
علي: انشالله
..............
غرفة علي
نور: طق طق
علي: اتفضل
نور: هلا بالعريس هلا باخوية هلا بروحتى شايف كل الخير انشالله يوم اشوف جهالك
علي: ههه ياستار شبسرعة
نور: ههه شسوي خيالي واسع واخيرااا علاوي الي عنده عقدة من النسون راح يتزوج واخيرا اي همزين حتي ايصير عندي احد احجي ويا اتونس يمه فديتك اي من زمان وفرحنه
علي: اهم شي تتونسين
نور: اگول علي
علي: هااا
نور: اگلك هيه حلوووة
علي: يعني
نور: زين اوصفلي ياها
علي: طويله حيل تقريبا180 وشعرها كفشه وسميه وزنه 100 وشويه سمره وعيونها اصغار وخشمه چبير والشفايف منفوخات بس طبيعي ومن أمشي ينشلع الحذاء مالته والعبايه اسحسل وراهه
نور: عيييع هاي شنو جايه من غير كوكب
علي: لا حلوه
نور: لك شنو حلوة من الوصف طلعت اتخرع
علي هههههه
نور : واحنه صابرين عليك وبعدين اجبينه وحده احجام خاصة
علي: بعد شسوي القلب ومايهوى
نور: هذا گلب لو مجمع مال سكراب يله تصبح على خير اوووف ياخويه ياحظك
علي: وانت من اهل الخير خرجت
علي: ههه خبله
في اليوم التالي الساعة 4:30عصرا
علي وعمه واياد وسامر وحسام الى بيت العروس مشايه ومجموعة من الرجال القرابة
خليل: اهلا وسهلا اتفضلوا
فؤاد: زاد فضلك
جلسوا وشربوا للماء
فؤاد: ابو رزاق تعرف احنه ليش جايك جاين نطلب ايد بتكم لابنه علي على سنة الله ورسوله
خليل: احنه نتشرف بيكم والبنيه صارت بتكم
فؤاد: لعدخلينه نتفق على الحاضر والغائب
خليل: خلونا نتفق الحاضر 20 والغيب30
الرجال صدموا فؤاد باوع على علي علي هز راسه بمعنى موافق
فؤاد: لعد على خير انشالله اتفقنا
شيخ العشيرة: خلونا نقرة فاتحة العباس على نيه التوفيق
قروا الفاتحة وخلصوا وشربو العصير وتبادلو الحديث ثم استأذنو وخرجوا
رجعوا للبيت استقبلتهم ام علي
سعاد: كللللللللللللللوووووووششششش وطش چكليت بالعافيه شايف كل الخير وباسته
نورهان: بالعافيه
نور : على الخير علوششش
سمر : شايف كل الخير
علي: شكرا تسلمون
فؤاد: ام علي باجر روحي اانت وام حسام حتى تتفقون
سعاد: انشالله
______________
درة: بالعافيه حب شايفة كل الخير
سالي: والله يعافيج يوم الج
درة: انشالله اشبيج گالبه وجهج
سالي: اوووف لعد شسوي
درة: اضحك سولفي ارگصي من عابت وجهج ايطير النعمه
سالي: اگولح درة باجر يجون اهله واني معندي شي حلو اذا مصير زحمه ااذا عدج نفنوف حلووو
درة: عابت اي والله شنو زحمه شنو هذا الحجي عبالك اني غريبه عيوني الج اذا تردين
سالي: سالمه اعيونج حبيبتي
درة: شوفي باجر اجيب نفنوف حلووو عندي واجي امكيجيج خوش
سالي: ماشي
_____________________
في اليوم التالي( تسريع الاحداث) الساعة 4:00
نور : ماااامااا عيوني اخذيني وياج
سامر: ميصير الزعاطيط يرحون حبيبتي
نور: انت معليك عابت ماااما فدووه اخذيني وياج خل اشوف العروس
سعاد: وين ماخذتج وياي مو عيب شنو احنه جاي نلعب
سامر: ههههههه حيل
نور،؛: عابت هل شكولات وبلت
سعاد: يله ام حسام
نورهان: يله
ذهبوا الى بيت العروس وصلو بعد ربع ساعه تفاجأو بالبيت قديم جدا ومن الداخل ايضا البيت تعبان جدا دخلو وسلمو وجلسوا يتكلمون
سعاد: اي لعد وين العروس خل انشوفها
خولة: اي عيني هسه تعاي سالي جيبي العصير
دخلت سالي وبيدها العصير سسعاد ونورهان انصدموا هل فعلا هذه بشر ام ملاك الجمال
سعاد: الله صل على محمد وال محمد شنو هل جمال والحسن صدقة واني اگول الولد ليش هيج مستعجل والله حقة
احمرت خدود سالي من الخجل
سعاد: تعاي اگعدي يمي
جلست بجانبها
سعاد: شنو اسمج
سالي: سالي
سعاد: عاشت الاسامي اسم على مسمى اي عيني ام رزاق عگب باجر انشالله الخطبه وره اسبوع العرس والله الولد مستعجل وتباوع على سالي. سالي رادت اتموت من الخجل
خلصوا الكلام واتفقوا وراحوا راحت سالي لغرفته
درة: لج شفتي امه مشالت عينه عليج
سالي: صدگ هيج طالعة حلوه
درة: عين النبي اتحرسج اتخبلين لعد بالعرس شطلعين
سالي: هههه شكرا
درة: اوووي خجلت __
___________&&&&&
نور ،: هايمه شلونه العروس
سعاد: يمه دخيل الله وين لگاه هاي البنيه
نور في نفسه: ييي اكيد محلوه اووف شمالك علي ماعدك ذووق
صعدت نور لغرفتها تى علي
علي: ها يمه اجيتو
سعاد: يمه گلي وين لگيته
علي: هاا يمه معجبتج
سعاد: لك شنو معجبتي والله. هسه غرفت ليش مستعجل يمه جمال وحسن ونزاكه وطول ورشاقه وشعر وعيون يمه دير بالك عليه اني مره ماشلت عيني عليه
علي: اي يمه اهم شي عجبتج وصعد لغرفته
___________
في اليوم التالي ذهبت سعاد وسالي ودره ليشتروا المهر
اشتروا الذهب

طبعا هذا اطقم هديه ام علي لزوجه ابنه
اشتروا فساتين طبعا اكثر من واحد بعد هاي مرت علاوي اشتروا مكياج اشتروا سيت العقد وارجعوا
درة : اوووي هلكنه
سالي: اني رجليه گمت مااحس بيهن
درة: لج سوس شفتي اشگد اشترتلج اهدووم انگله كافي اتگول هو احنه شنو اشترينه
سالي: ااي مبينه حبابه
درة: كون هوة هم يطلع هيج
سالي: كووووون
درة: ام السوس شنو معناوياتج لباجر شنو شعورج وانتي راح تزوجين استاذج وايصير رجلج
سالي: استاذي زوجي
درة: هههههه حلوة
سالي: والله خايفه خايف يطلع مجبور عليه وبس ايريد اسكت الناس وماگاعد اگدر اتخيل اشلون الاستاذ علي نفسه الي مااگدر اوگف واحجي ويا راح ايصير رجلي
درة: هههههه سالي شلون راح تزوجين وبغرفة وحدة وينام يمج وكذا 😉
سالي: ياحيوانه عابت اني بشنو وهيه بشنو
درة: اااه سالي خطيه لتخلين شي بنفسه ابد البسي واتأنقي ها هو اتلبسين دشداشه لا كله 18+
سالي: انتي ليش متنجبين ها حيوانه شنو هذا الكلام أمشي ولي
درة: خنشوف ياسالي شوي روحج شريفة وكلشي متعرفين ومن اجيج ثاني يوم گوليلي حامل انشوف
سالي: ننننننننننننننن خفت وبلت
درة: ههههههه
_________________***_____********_________________
نور ها ماما شنو اشتريتوا
سعاد: اشكال
نور : اگولج ماما هيه حلوووة
سعاد: اتجن.............
علي:هايمه اشلونج
سعاد: هلا يمه
علي: كفتج الفلوس
سالي: اي يمه كفت وزادت همين اگلك
علي: هااا
سعاد: شنو راح اجيب الها هديه
علي: مال شنو هديه
سعاد: مال العقد
علي: وشمدرني اني
سعاد : لازم اجيب شي تستفاد منه
علي اذكر ان هي ماعده موبايل : اجيب موبايل
سعاد: خوش لعد
علي: انطي فلوس لسامر واگله ايجيب
سعاد: لعد ليش انت متروووح
علي: عندي شغل مافضي لهيج شغلات وذهب
سعاد: اوووف. شلون بي هذا ولاچنه راح يزوج اشگد بارد
اجه سامر يمشي ويصوفر
سامر: السلام عليكم
نور: شنو هل احترام النازل فجأة
سامر: اجاوزج باخلاقي
نور: صدگ ليش انت عندك اخلاق
سامر: ههههههاي
سعاد: كافي صطرتوا راسي سامر روح اخذ من اخوك فلوس
سامر: خير شكو
سعاد: تاخذ منه فلوس حتى اتجيب لخطيبته موبايل
سامر: لعد ميروح هو مگرم
سعاد: انجب وبدون كلام اتروح هسه اجيب وتجي
سامر: تدللين انتي وچنتج ام علي
سعاد: هههههه دروح. وذهب
نور : ايكيف على هيج اسوالف
سعاد: انت هسه اشلون ارگعج بالمزهريه تتحارشين بيه وبعدين تتبكبكين اتگولين كتلني
نور: هو اني شسوي اذبين اللوم عليه اوووووف ( احنا دائما مظلومين)
___________*
ذهب سامر واشترى الموبايل لون وردي بناتي ووضع عليه گڤر وشاشه لا صقة وخط وانترنيت ورجع
الكل مجتمع بغرفة الجلوس
سامر: السلام عليكم
الجميع: وعليكم السلام
سامر: وهذا الموبايل لمرت اخويه العجيجة
نور: هههههه ليش عجيجه
سامر: على معزت اخويه العجيج
نور: ههههههه شنو نوعيته
سامر: ايفون 6 شوف اخي العجيج هذا الموبايل خليت بي خط وگڤر وشاشة لاصقة وانترنيييييييييت لمده اسبوع اني فكرت گلت هذا اخويه ايظل كل يؤم معبي رصيد ليش مااخلي وانترنيت وللصبح دگ سوالف
علي يباوع صفح
نور: والله سامر ذوقك حلو
سامر: اووه معلومة قديمه
نور: گبر
_________________
في اليوم التالي يوم العقد الساعة 3:30
سامر: يلا يمعوودين اتأخرنا
علي حتى بيوم الخطوبة مالته گاعد على اللابتوب يشتغل
سامر: انت راح تجلطني اكو واحد اليوم يخطب گاعد يشتغل
علي: معليك انت
اياد: سلام
سامر وعلي: وعليكم السلام
اياد: هلا بالعريس اشطالع اليوم
علي: هلا
سامر: شوفه گاعد يشتغل
اياد: اي يجوز طگن
سامر: ههههههه
سامر: خايبات. يله فضنه
سعاد: وجع اشبيك خبصتنه
سامر: ديلا اتأخرنا
فؤاد: السلام عليكم
علي بسرعه سد اللابتوب
علي: هلاعمي
حسام: هلا بالعريس اشطالع ع
علي: تسلم
فؤاد: يلا ياجماعه اتأخرنا شنو معازمين احد
نورهان: وين ايعزمون مشفت بيتهم شگدوته
سعاد: بعد على العرس نعزم
فؤاد: خوش يله امشو
انقسموا علي واهله بالسياره مالته وحسام واهله بسيارتهم وسامر واياد بسياره اياد
وصلوا البيت نزلوا وجان جماعتهم متانيهم بيت العروس دخلت ام علي وگامت اتهلل طبعا نور كاتله رووحة اتريد اشوف العروس
نور: ماما لعد وين العروس
سعاد: جوز بعده بالصالون
وره دقائق سمعنا صوت هلاهل گلت اكيد اجت العروس وفعلا اجت گعدوه على القنفة وبالگوه خشبات مدگدگيهن رفعوا عنه الچادر
الجميع😲😲😲😨😨😨
البعض:😒😒
نور: يالله هاي شنووووو.
سمر: لج هاي معقولة بشر شنو هل جمال
نور: ولجةاني ممصدگه شگد حلوووة
سعاد اتقربت من سالي : الله صل على محمد وال محمد الله يحفظج حبيبتي اتخبلين
سالي: شكرا خاله
نور : شوفي صديقته هم اشگد حلو بس م. احلى من العروس
سمر: اي حلوه وناعمه
سمر: نونه فستانج حلوووو
نور: شكرا حبي وانت همين
رقصوا وغنوا وطبعا المكيااج بلگوة واگف من الحر جماعة العروس المكياج صار خبطه بس مال سالي ودره والباقي لا مقاوم لأن اصلي ودره گاعدة وتهفي لسالي اتخاف على المكياج يخرب
سالي: لج دره حموت
درة: ولج اني بالگوة واكفة
سالي: اوووف مكياج خرب
درة: لا بعدة مقام
........
نور: ماما انطبخنه شنو السالفة
سعاد: اي شسوي لعد
نورهان: ام علي خل ايعقدون ويدخل علي ايلبسه ويطلع والله ماتنا حر
سعاد: خل اروح اشوف
سعاد دگت على سامر وگلتله يجي
سامر: شكو يمه
سعاد: يلا متفضوه خل ايعقدون ويدخل اخوك ايلبس العروس حتى نطلع راح انموت من الحر
سامر: ماشي هسه احجي ويه عمي
سعاد: بسرعه وليدي
......
سامر: عمو يله حل يعقد الشيخ
فؤاد: اي يله شيخنا خل نعقدلهم
الشيخ يله
......
درة: سالي يله گومي لبسي الفستان الابيض حيجي الشيخ يعقد
سالي: يله
راحت دره اتبدل للعروس ولبست فستان ابيض حسب تقالديهم لازم تلبس شي ابيض من تعقد

الكل گام ايهلل من طلعت من الغرفة
سعاد: تعاي بنتي اوكفي وره الباب شوفي يمه الشيخ راح اسألج على المهر وكذا متگولين نعم الى ايصيرن خمسه ماشي على اصحاب الكساء
سالي: ماشي
وكفت وره الباب اجة الشيخ سأله هل تقبلين الزواج بعلي مازن بمهر 20مليون دينار عراقي وغايب قدره30مليون دينار عراقي عاده اربع مرات وماكو جواب علي اتوتر گال بس لا متقبل واتفشلنه والكل اتفاجأوا عاده خامس مره گالت: نعم وانت وكيلي
سمعو صوت الهلاههل فرحوا
درة: بالعافيه حبيبتي
سالي: الله يعافيج
سعاد: بالعافيه يمه
سالي: الله يعافيج خاله
نورهان: مبروك بنتي
سالي: الله يبارك بيج خاله
سمر ونور : مبرووك
سالي: الله ايبارك بيكم
درة: يله سالي گومي غيري
سالي: ماشي

گعدت والكل امتاني العريس شوكت يجي دخل علي برجوليه ورسميه وهيبه والعطر يفعفع الكل خلت عينه عليه وحسدت سالي عليه طبعا سالي گلبه راد يطلع يعني شعور ايخوف جان أستاذ مابيناتهم الا السلام وهسه صار كلشي بيه إله طبعا علي مارفع عينه ابد مشاله على احد ولاحتى على سالي تعالت صوت الهلاههل والتصفيق وبعدين لبسوا الحلقات وبعدين جابوا الذهب ولبسه قطعة قطعة وبعدين قطعوا الكيك واحد وكل الخ وشربوا العصير قدم علي الموبايل لسالي هديه وهيه همين انطته ساعة هديه ولبسته اله
بعدين خلص علي وطلع ووره اشوي طلعوا اهل العريس وشوي اشوي الناس راحت ضلت درة يم سالي اساعده
درة: لج اشگد فشله شعجب ماحطيتوا مبرده على الاقل
سالي: شسوي اني اگدر احجية ويه ابويه وهاي مرته كلشي متقبل
درة: اااف خطيه اهل العريس ماعن ما متعلمات هيج حر
سالي: هههههه
درة: الله ايهنيج مبينه خوش عائلة امه حبابه وتموت عليج
سالي: اي والله حبابه اگلج اني شنو محلوة اليوم
درة: ولج شنو محلوة اصلا اني مگدرت اشيل عيني عليج
سالي: لعد هو شو ابد مرفع عينه عليه
درة: يعني ايجوز هوةه خجول
سالي: ماادري يمكن
درة: خل اروح اعمل الهوسه
سالي: خل اجي وياج
درة: وين تجين انتي عروس
سالي: والله اتعبين وخوله وبناته لو يموتن ميساعدنج خل اجي وياج
درة: تعاي
___________
سعاد: صلوات على محمد اتخبل اليوم طالعة اتجنن
نور: علي انت اشلون تنصب عليه واتگول موحلوه اصلا شنو من جمال وين لگيتها
سامر: شنو لهل درجه حلوووة
نور:اكثر من ماتصور
علي: يله تصبحون على خير
نور: يمه منك على ابدالك خاطبه هيج جمال اروح اگابله للصبح
علي: بطرانين
سامر: والله بس انت بطران
_________
تسريع الاحداث
طبعا مر ٤ ايام وام علي ملتهيه ويا سالي بتحضير النيشان وكلشي هيه وياه وحتى ملابس النوم كووووومه اشترت اشياء الي هيه جانت تحلم بيه كله غالي وماركات واشياء اتجنن واشترت المكياج بانواعة يعني نيشان وكذا وباجر العرسسس
سعاد: حبيبتي باجر منو ياخذج للصالون
سالي: خاله درة اتروح وياي
سعاد: ها خوش لعد اكولج سالي
سالي: ها خاله
سعاد: علي هم ايخابرج
سالي بارتياك:التي يخابرني كل يوم
سعاد: خوش ريحتيني
طبعا جذب علي من انخطبوا لليوم مخابره ابد
رجعت سالي للبيت اول شي راحت لبيت دره لا ن قريب ودت غراضه يمهم لا ن تدري اذا تاخذن للبيت تاخذهن خوله وبناته
رجعت سالي ولزمته خوله بالشغل مال الوداعيه ونضفتله البيت كله خلصت وجانت كلش تعبانه طبت للحمام اخذت دوش وطلعت غيرت ملابسه خابرت عليه درة
درة: هلا بعروسته اشونج
سالي: هلو تعبانه
درة: شكو اشبيج
سالي: لج بس اجيت منج لزمتني خلتني انظف البيت كله
درة: اوووي سوده عليه يلا هانت ماظل شي بس اليوم وباجر اتخلصين
سالي: اي واااااخيييرا دره تعاي باجر من وكت حتى اروح للصالون من وكت
درة: تدللين حبي
________
في بيت علي طبعا علي اليوم جاب تفارقه مالته ونصبه بالغرفة
سعاد: كللللللللللللللوووووووششششش يمه اتخبل
نور: الله علي اتجنننننننننن
سامر: اي والله حلوه
علي: اي هاي وصيت عليه من تركيا
سعاد: اتجنننننننننن شايف كل الخير
علي: تسلمين

في اليوم التالي
ذهبت سالي ودره للصالون وبييت علي محبوصين الكل مجتمع اجني خوات ام علي وصاير نقلاب خبصه وهوسه
تسريع الاحداث الساعة 3:00
سعاد : يلا ماخلصتن
نور: لايمه خلصنه
سعاد: لازم اروح قبل الكل القاعة
سامر: يمه يمه وينج
سعاد: اهنا تعال
سامر: يلا يمعودات ماخلصتن لبخ
سعاد: معليك إنته اخوك وين
سامر: راح اجيب سالي وصديقته من الصالون
سعاد: يلا لعد لنتأخر
خرجوا الجميع من البيت وركبو السيارات متجهين الى القاعة
________
درة: يله سالي حطي الچادر الاستاذ وصل حنروح
سالي: ماشي
دخل علي واخذ سالي ماباوع اله وصعده السياره ركب وچان الصمت سيد الموقف بعدين وصلوا القاعة نزلوا وراحو على غرفة الانتضارةختى ياخذون الصور وبعدين ايسوه البوم اخذوا الصور وبعدين المشرفه گالت يله تعالو ادخلو دخلو للقاعة على اغنيه عروستنه ماكو مثلها وچان صوت الهلاههل والتصفيق قوي وجان ديكور حلوو والكوشه همين بعدين گعد علي يم سالي اشويه وطلع حتى يبدون حنه العريس بالقاعة الثانيه الكل طبعا گرايب العريس مصدومين حيل ومن جمال سالي ونزاكنه وبدلته ضايف جمال سالي غيرت بدلته البيضا ولبست حمرة مال حنه

طبعا نور وبنات خالته ذبن لحم ودره همين بعد صديقته الروح بالروح گموا سالي رگصوا بس مقبلت لا تستحي وحنوا العروس
حفله العريس
طبعا اصدقاء علي ذبوا لحم وسامر واياد وحسام وسامر ابد موگف من الرگص طبعا علي حنا عمة خلصت الحفلات وصار وكت الزفة
طلع علي للقاعة الب بيه سالي حتى ياخذة الزفة متانيه بره
سعاد: عيني لبسوا حجاباتكم حيدخل العريس
خل علي للقاعة لبسوا سالي الچادر لزم أيده وطلعوا والكل ايهلهل دخل للسيارة طبعا سالي حيل خايفة من هل ليله زفوهم احلى زفة وسامر مطلع رأسه من الجامه وذب لحم ددوهم للفندق نزلوا العرسان وصعدت ام دره وسعاد للغرفة وياهم وصلوهو وبدلو الحلقات ونزلوا سالي وعلي ضلوا وحدهم بالغرفة سالي متوتره
___________
ام درة ( فاطمه) : يمه صلوات على النبي اليوم طالعة اتخبل
درة: اي فدوووة لگلبه هيه بلا كلشي حلووة الا هسه عرسه
فاطمه: البوم يتتم عليه اليله بخير
درة: ماااما اني خايفة عليه شلون بيه هاي كلشي متعرف
فاطمه: شنوووو ليش محد علمه
درة: لا
فاطمه: لعد هاي خوله معلمته
درة: اي كلش اتعلمه هيه اتموت منه
فاطمه: ليش گلتيلي
درة: وين إني لحگت مشفتيني مخبوصه وياه
فاطمه: انتي اضلين طول عمرج ثوله اني باجر اروح واشوفه
درة: ماشي

________

علي: گومي غيري ملابسج وتعاي اتعشي
سالي: ماشي
علي غير ملابسه وضل منتظره طلعت سالي من الحمام علي شال رأسه وباوع عليه وانصدم
علي: هااااااا شنوووو😨

اليوم هو يوم جميل بالنسبه للبعض لكن ماذا عن سالي وعلي هل سيقضون ليلتهم الاولى كما يقضيها اي عرسان ؟ وهل سالي تحررت من سجن خوله واصبحت حرة لا احد يتحكم بحياتها ام ماذا ؟

____________🌸🌸🌸🌸🌸______________🌸🌸🌸🌸🌸_____________🌸🌸🌸🌸🌸______________🌸🌸🌸🌸🌸___________

هلووووووو اشلونكم كبداتي 💕💕💕💕
لهنا ويخلص البارت حراامات معرفنا شصار ويه سالي يله ميخالف على البارت الجديد يله خل انشوف توقعاتكم للبارت الجديد
هاااا بنات شلونه البارت مو طويل شوفي اني دائما عند كلمتي بددون تكبر😆 بنات اتفاعلوا وانطوني ارائكم شراح ايصير بعدين وبليز قيموا البارت من 10

هذا البارت اهداء للجميع
وخاصة Zhraa17

تحياتي باي

اسفة على الاخطاء الاملائيه