في اليوم التالي
سالي
گعدت الصبح حسيت روحي مختنگة گمت شفته نايم على التخم عرفت ليش ثاري صدمات البارحة اثرن على اليوم رحت فتحت جنتي وطلعت فستان ابيض مال عرايس بالعافيه علية دخلت للحمام وگفت گدام المراية باوعت على نفسي من فوگ ليجوة
سالي: هه اخ اخ والله ياسالي الكل چان يحسدج على جمالج وكلها چانت اتگول هنياله رجلج ههه تعالوا وشوفوا رجلي حتى مطايقني اي ياسالي الى وين يريد يوصل حضج الفگر اووووووووف
سبحت ولبست ملابسي طلعت من الحمام لگيته گاعد ينتضرني اخلص طلعت من طلعت رفع راسة ونزلة وگام دخل للحمام حتى مگال صباح الخير شكلي حتعب وياا هواي وگفت گدام المراية مشطت شعري ورتبته مخليت مكياج لان مااحبة ومااعرف اخلي كنت دالف شالي وهو طلع من الحمام لفيت شالي وخلصت خليت عطر وأخذت جنطتي وگعدت اتاني وگف گدام المرايه رتب شعرة ورتب ملابسه وخلة عطر شكلة كلش هيبة خلص ودار علية
علي: احم مثل مگتلج البارحة لازم نصرف كأي زوجين
ااا قبل مانسه احم كحو اذا گالوا على نيشان العرس گوليلهم نسيتة بالفندق
سالي مفهمت قصدة ونزلت رأسي: اي
علي: يله خل ننزل
سالي نزلنا جوة طلعنا برة اتلگانه أستاذ إياد بوجهة المرح
إياد: هلا والله هلا بالعرسان شلونك ضلع
علي:هلا بيك تمام الحمدلله
إياد: شلونج سالي
سالي: اهلا استاذ
إياد : ههههه لازم البارحة گضتيوها استاذ وباباتي
علي: احم يله
إياد: اي يله الكل متانيكم
علي: يلا امشي
سالي: صعدنا بالسيارة واستاذ إياد شغل اغنيية عروستنا كلش اندمجت وياه شعلوها بيوم العرس اباوع من الجام مال السيارة ومندمجة وية الأغنية ومااحس الا طفت المسجل
إياد: يله خلصت الكروة نزلوا
علي: هههه متجوز يله سالي وصلنا
سالي: نزلنا من السيارة طبعا البيت اول مرة اشوفة اني دخلنا ذبحوا جوة رجلي خروف هاي عادات وصوت الهلاهل والچكليت دخل علي گدامي ومنو ايبوس ابوس ورى لان مااعرف أحد گعدنا اشوي هوسات ورگص من الصبح وبعدين صعدوونا فوگ شوي ويجيبون الريوگ طبعا الريوگ من أهل العروس بس اكيد ابوية غلس وهمة سووها دخلت الغرفة ضليت واگفة مثل الثولة اباوع على الجمال غرفتي شلون اول ما واحد يدخل صالة وبعدين الغرفة دخلت فاكة حلگي على الاثاث والغرفة
سعاد: يمه ارتاحوا اشوية واجيبلكم الريوگ
علي: ماشي
سالي: اني حدخل ابدل
علي: اي وشتردين ابدلج
نزلت راسي ودخلت استهضمت حيل من فشلني اني من النوع الحساس بكل شي اخذ على نفسي وازعل بدلت لبست سيت نوم ابيض بس مستور خفت من علي خاف ايگوم يحجي
طق طق
علي: اتفضل
سعاد : هاا يمة چبت الريوك
علي: يمة ليش انتي صعدتي وتعبتي نفسج
سعاد: اذا بعرس علاوي مااتعب لعد اشوكت اتعب
علي: اسوالفج اسوالف
سعاد: هههه حبيبتي سالي اشوي ارتاحيت وعلى التسعة حضري نفسج حتى اتنزلين جوة علمود الخطار
سالي: انشاللة خالة
سعاد: يله اروح أخذوا راحتكم
علي: يله تعاي انتي البارحة مااتعشتي
سالي: اجيت
گعدت ويا واتريگنا خلص هوة اشو گام وقفل الباب. اني غصيت وگلبي راد يوگف
علي: حنام على التخم وانتي على الچرباية.
سالي: لا استاذ نام على الچرباية واني انام على التخم
علي: شگلولج علية زوج انام على چرباية ومرتي على تخم
سالي: لاااا بس
علي: لا اضلين اتبسبسين وبعد من احجي متناقشيني
سالي: ماشي استاذ
علي: عود مااوصيج من ننزل گولي استاذ وصخمي وجهي راح نام
سالي: اوووف هسة اشحجينا خل اگوم والله اني هم نعسانة
گمت نمت وقتت الموبايل الساعة ب٨ونص ورحت نمت
الوقت الساعة الثامنة والنصف صباحا
گعدت على صوت المنبه بسرعة سديته خاف يگعد علي ويسولي اطلابة گمت رحت للحمام غسلت وجهي وطلعت طلعت ثوب طويل وحلو ومستور لان الزلم طابة طالعة لبسته وخليت مكياج خفيف ولبست الحجاب وشوي دگت الباب طلعت شفت اختة وياها ابنيه اجو عليه نزلت ليجوة والكل ايهلهل گعدت بالهول وكلساع ناس طابة وناس طالعة
شيماء خالت على الكبيرة
يمة فدوووة الله شهل جمال
سالي: شكرا خالة من ذوقج
شيماء: هنياله لعلي احسدة عليج اني مرة وهيج لعد هوة اشلون
سالي في نفسها:والله لو تدرين
سالي: شكرا خالة تسلمين
رسل الخالة الصغيرة
لعد علاوي وين
سالي؛ نايم خالة
رسل : اي والله حقة هم الله يساعدة من البارحة واليوم
الجميع: هههههههه
شيماء : والله حقة همزين خلاه تنزل
الجميع: هههههه
سالي في نفسها: والله اااليدري يدري
فجأة نزل علي وهستوة گاعد وعيونة مورمة وشعرة كفشة بس ايجنن عبالك طالع من الحمام
علي: حبيبتي موبايلج ايدك من ذيج الساع
سالي: هاا اي نسيته اسفة
علي: عن اذنكم اريد اخذ عروستي منكم
شيماء: اي حبيبي هم يلة تشبع اخذها
الجميع: هههههههه عزززة
علي: يلا حبي امشي
سالي بثول: اي
بالغرفة
علي: شنو هل هلثول يعني نايم وانتي نزلتي اخذي موبايلج لو الا ازعاج يعني
سالي: والله ما ادري نسيته مااجة على بالي
علي: ديلة شوفي منو هذا كلسع ايدگ ومااريد اي ازعاج بعد موبايل لو غير افتهمتي
سالي: ماشي
فتحت الموبايل ١٥مكالمة من درة ورسائل كومة
درة بالرسائل
هلووو بالعروس صباحية مباركة
الووو ولج ليش مجاوبين اليوم اجيج العصر امي متگدر مريضة باي
سالي: اي همزين راح تجي مشتاقتلها
علي: منووو يابطران الساعة ب١١
سالي: صديقتي
علي: خو مافلتي حجي جوة منا منا
سالي: لا ااا
علي: خوش
علي: اني نازل جوة
سالي: ماشي اني هم
علي: وين وين انتي مشوفين جوة كلة ولد طالعة طابة وبعدين شنو هذا لبسج المخصر
سالي: مابي شي هو اني اشتريته على هيج يوم
علي: ماكو نزلة جوة بدلي وگعدي احنا وهذا اللبس مااريدة بعد ميعجبني
نزلت وضايج من شفته لابسة مخصر حيل ضجت مااعرف ليش جوز لان صارت مرتي
سامر: هلا بالعريس سوو درب للعريس خلي يلعب جولة طم طح
علي: بدينا وية رحمة الله
حسام: بالعافية والخير بالرفاه والبنين
علي: تسلم
العمام والخوال
بالعافيه والخير علاوي
علي: الله يخليكم تسلمون
على جهة علي واياد
إياد : اگلك هم حجيت وية البنيه على الوضوع
علي: ياموضوع
إياد: شبيك زواج على ورق
علي: لا
إياد: ليش
علي: لان هية زوجتي شرعا وقانونا
إياد: هااا اشلون
علي: يعني اشرحلك
إياد: لك لا يعني شرعا شرعا
علي:اي لان مالكو داعي لهيج سوالف هسة هي مرتي
إياد: اي هذا الحجي لعد بالعافيه
علي: الله يعافيك
الرابعة عصرا
الباب: طق طق
سالي: منوو
درة : اااااني
سالي بخنگة : درة
درة: اووف كورس
راحت سالي وحضنت درة وتشهگ بالبچي
درة : يااا اسم الله اشبيج
سالي: ولج خيتي اهى. اهئ
___________________________________
وجان يخلص البارت توقعاتكم للبارت الجاي
البارت اهداء للجميع
حبكم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!