استاذي_زوجي الفصل السادس والعشرون 26 - بقلم 𝓑𝓝𝓘𝓝

من رجعت شفت شي يلمع اتقربت على الميز طلعت الحلقة مالتها غمضت اعيوني بحسرة گعدت بالگاع وافر بالحلقة

علي: ولك علي شسويت شوف عصبيتك وشكك وين وصلك ااااخ من الوكت لو يرجع چان ماحبيت ابد وما ظلمت بت الناس وياي لك ضيعت حب حياتي سالي أطهر وانقى حب بالوجود دخيلك يا الهي اريدها ربي روحي معلگة بيها لاتحرمني منها يالله زين اشلون اذا مارجعت لااااا لااااا شنو مترجع بكيفها اني رجلها ارجعها لو اخر يوم بحياتي

گمت اخذت كلابيتها حضنتها ونمت على ريحتها تمت من التعب بعد ما حسيت الا الاذان المغرب ايأذن احس جسمي مكسر اباوع للغرفة الضوة خافت والغرفة وحشة احس روحي مختنگ گمت اتوضيت وصليت نزلت جوة صنطة طبعا گاعدين يتعشون محد صاحني لان محد يحجي وياي سلمت محد رد گعدت اكل احس اعيون اتباوع علية واتخنزر رفعت وجهي كلها نزلت اعيونها

علي: شكووو گاعدين بفاتحة لو كاتلي احد وما ادري وهيج اتباوعون هااا😟

سعاد: شووف ولك باجر اذا مارجعت سالي متلوم الانفسك

علي: اي مو اني زعطوط هيج تحجين وياي

سعاد: اي لان بس الزعاطيط ايسون الي سويته
S
علي 😠😠😠😠😠 الصبر ياصاحب الصبر .

كلهم گاموا من السفرة بس اني ضليت عصبت وگمت صعدت لغرفتي عبالك مهجورة بدلت بسرعة وطلعت بالسيارة

سالي
من دخل علي اتهسترت گلت اكيد راح يغتصبني مرة ثانية فقدت هو ضل ايهدي بية بس اني خايفة منة صرت اخاف من خيالة من اجت خالة امنت ضلت اتصيح علية هو طلع برة ضلت خالة اتهدي بية نالين جابتلي مي شربتني ضليت ابجي اشوي هديت وعيت على نفسي رأسن گمت لبست عباتي وشالي اريد اطلع وخالة لزمتني

سعاد: يمة وين رايحة

سالي: اريد اروووح لاهلي مااريد اضل بعد علي مجرم اهئ مااريدة بعد

سعاد: يمة صلي على محمد كل رجال ومرتة هيج اصير مشاكل بينهم اصبري يمة انتي من اول عركة وحجاية ترحين لاهلج

سالي: اهى خالة الي بيني وبين علي اكبر من عركة وحجاية خالة بعد هاهية وصلت حدها اني بعد مااگدر

سعاد: شنو صار وياكم حتى واصلة للشيطان الرجيم

سالي: خل هوة يحجي اني رايحة وگلولة لايجي وايتعب نفسة الي بينة انتهى وهاي حلقتي

نزعتها خليتها على الميز نالين ضلت تحجي وياي واتهدي بية ونور عيني بس اني چنت مثل الطرشة بس اريد اطلع قبل لايجي طلعت أجرت تكسي وانطيتة العنوان وصلني الطريق كولة ابجي نزلت بالگوة ذرة عافية مابية نزلت دگيت الباب طلعلي رزاق باوع علية خنس گتلة حاسب التكسي دخلت للبيت بعد ماسيطرت على نفسي وگعت بالگاع وبعدها مااحسيت على شي فتحت اعيوني اهلي واكفين فوگ راسي وعباس ايشمنني عطر من شفتة فزيت فرحت حيل من شفتة حضنتة سلم علية من سألوني اشبيج رأيت گمت ابجي مااگدر تحجي أبوية اكلي اشبيج من وياج رجلج رزاق ايگلي اشبيج جاية زعلانة وكلها تحجي فوگ راسي دخت بعدين هديت اشوي وحجيتلهم بس ماگتلهم على الغلط والاعتداء رزاق اتخبل ضل ايصيح وايگول الا أسويها ويا عشاير لشوي اندگت الباب راح رزاق بعد مارجع سمعنا صوت الصباح طلع عباس وراهم وابوية ضل بالشارع من سمعت بعلي رجليه ماحملني بعدين دخلوا ورزاق مدمة خولة اتخبلت ركضت جابتلة الإسعافات وعباس داوا أبوية ضل يتوعد بعلي ورزاق بعد الضرب گال مترجعيلة واذا رجعتي اكتلج وخلي ياخذج جثة اني گتلهم اني هم بعد مااريدة وما اريد ارجع صبولي اكل اكلت عبالك مشايفة هدى اتصب وترجع ليورة

هدى: اشبيج متگليلي عبالك مماكلة اسنين ترة انتي متاكلين هلگد

سالي: لا بس جوعانة يعني من البارحة مماكلة 😶

اكلت وخلصت جسمي بالگوة امشي كلة يوجعني رحت بغرفة هدى ضليت ابجي ياترى شنو تاليها نمت من التعب بعدين گعدتني هدى العصرية سبحت واطنتني اهدومي بدلت طلعت للصالة شفت الكل گاعدين ياستار أبوية گلي تعاي خل نفتهم السالفة الصبح بس تبچين تعاي گعدي خل تعرف شنحجي وية الرجال گعدت حجيت السالفة كلها عبالك گاعدة بفلم رعب رزاق يضرب على رحلة وايگول الا اخذ روحة أبوية صاير عصبي نار عباس عيونة حمر كون هسة أحد ايجيب علي ويمحوا من الوجود بس صدگ حسيت الي ظهر وسند گمت گاعدة بالغرفة ضايجة على حالي انفتحت الباب دخلت هدى

هدى: ها اشلونج

سالي: ههةاشلوني يعني اوووف استغفر الله

هدى: الله كريم ربج ايحلها

سالي: ونعم بالله اكلج صدگ شخبار ندى

هدى : والله البارحة خابرتها اتگول متعذبة ويا النهار كولة ضرب يضربني مسويني خدامة و اخو الجبير ايدافعلها ويتعارك ويا اتگول ابد ولا مرتاحة

سالي: اوووف شنو هاي ازلم مابهم ذرت خير

هدى: اكلج ترة رحلج مبين ابن اشيوخ مو طبعة همجي بس اكيد بينكم صاير شي وهيج هايج عليج

سالي: اووي عفية لجبين طارية

هدى :: على راح اروح اسوي عشة

سالي: اجي وياج

هدى: لااااا شيخلصني من رزاق ارتاحي

طلعت هدى وضليت افكر وافكر باجر اكيد علي يرجع خاف اصير مشاكل وعلي ميتحمل ولارزاق يارب دخيلك رحمتك اسوي اذن انحصرت حيل گمت ابجي احس نفسي مكتأبة اااخ باعلي اشسويت چان كلشي حلوو خربتة بلحضة اااخ يحضي اشوكت تنعدل بعدين دهن ونمت گعدت باوعت لهدى گاعدة على التليفون

سالي: بيش ساعة

هدى: ب١٠

سالي: شنوووووووووووووو شگد نمت غير اتگعديني

هدى: شسويلج گعدتج على العشة مقبلتي وخليتج نايمة

سالي: اي صاير نومي ثگيل وهواي انام

هدى: گومي اكلي ضميتلج عشة

سالي: اي والله جوعانة

رحت للمطبخ شعرت الضوة ابتسمت هدى صايرة معدلة طلعت الاكل حميتة وگعدت اكل شهگت شربت مي مدري رأسن اجت بالي علي گلت يمكن جوعان اوووف سالي الي سوا وبعدج اتفكرين بي خلصت الاكل گمت خسرت الإمامين ورجعت هدى نامت ضليت اتگلب بالفراش مالتي باوعت لأيدي شفت اجداد الحلقة

سالي في نفسها: ياترى شنو مصيرنا علي اني مااگدر ارجعلك بعد اخاف منك ومن كلشي ايخصك اذيتني جرحتني بكلامك هووواي اغتصبتني وإني مرتك ياترى كل هذا اگدر انسى وارجع لو اهلي ايخلوني ارجعلك بس لو سألني منو هذا چان جاوبتك ليش اتسرعت ليش حكمت بالغلط ولك والله احبك ومااگدر اخونك بنظرة اااخ ياعلي ياريتني ضليت خدامة يم خولة ولاعاندت اكمل دراستي ولا اندعمت بسيارتك ولاچنت انتة استاذي ولاچنت الطالبة المميزة عندك ولاقدمت البحث اول وحدة بس هذا كلة ياريت ضليت سهرانة حايرة مدري اداوم بعد ايخليني أبوية اووف هو شطيح حظي غير هل موضوع ضليت ل٤ صليت ونمت

علي
افتريت بالسيارة ماادري وين اروح ضليت افتر دخت رجعت للبيت
صعدت للغرفة ماگدرت وحشة بدلت وأخذت شرشف ومخدة ونزلت جوة نمت على التخم احسن من الغرفة احسها اتريد تخنگني ضلت افكر لازم الدوام باجر مااگدر اغيب لأن السنة هواي اجازات والمادة متأخر بيها وبلكت سالي تجي حتى نتفاهم واذا مااجتي أخذ امي واروح هيج احسن بعد تفكير نمت

اليوم التالي
گعدت الصبح چنت متأمل اشوفها بالكلية امي استغربت من اشافتني نايم بالهول صبحت عليها وصعدت بدلت وطلعت وحتى متريگت گبل للكلية عدلت غراضي رتبت اموري دخلت محاضرات واجة وقت محاضرة قسمهم اتأملت اشوفها احجي وياها اخليها اتسامحني دخلت ضليت ادور عليها بعيوني ماشفتها واستغربت اكثر درة وموجودة همين گلت اكيد عرفت الله اليستر بالگوة خلصت المحاضرة طلعت خلصت كل المحاضرات رجعت دخلت البييت شفت نالين ونور بالمطبخ

علي: وين امي

نور: بالغرفة اصلي

رحت لامي شفتها اتصلي ضليت واگف خلصت

علي: تقبل الله

سعاد: منا ومنكم صالح الاعمال

علي: ام علي بعدج زعلانة

سعاد: بعد شتريد ابوسك من راسك على السويتة عود هاي انتة ماخذها على حب لو مجبور چا شسويت

علي 😶حب هاااا اي يلة فيكيها ام علي ساعة عصبية متردين اترجعين چنتج

سعاد:😒😒 لعد مترجعها انتة

علي: مو هية اتحبج وماترفضلج طلب اذا اني اروح مراح تقبل اكيد

سعاد: حقها بس اني انقهر عليها مو عليك وراح اروح لخاطرها

علي: اي ميخالف فدوووة اروحلج ست الحبايب العصر انروح

سعاد: اي خوش درووح بدل وانزل اتغدة

علي: حاااضر طلع

سعاد: ههه والله ياعليوي اول مرة اشوف يترجة أحد شمسوية بي هل سالي بس يستاهل

علي
صعدت بدلت ونزلت اتغدينة اشوي فكو الجماعة لان راح ارجعها شربت چاي وصعدت لغرفتي ضليت گاعد مااجاني نووم

في بيت سالي

الباب طق طق

خليل : منووووو اهلاااا هلا عمو درة

درة : اشلونك عمووو خو منايمين

خليل: لا يانوم اتفضلي اتفضلي سااالي سااالي

سالي: هلا با هلووووووووو زارتنة البركة

درة: هلو يابذاتة يلي متسألين
الله
خليل،: يلة بوسة دخليها للغرفة وسولفوا وصيحي هدى اتصبلي چاي

سالي: صار تعاي

درة : ولج صدگ الي سمعته

سالي: اشسمعتي

درة: زعلانة بيت اهلج

سالي: منووووو كلج

درة: هيج صارت يعني منو گلي ليش ولج مو صديقتج اني مترديني اعرف

سالي: لج مو هيج والله بس السالفة معقدة وهمزين اجيتي اصلا اني البارحة أحيت مصار اهواي

درة : احجيلي بالتفصيل

سالي: حجيتلها كووووولشي

درة: شنوووووووووووووو ايا حقير ياعلي لج شنو هل حكي معقووولة همجي لهل درجة

سالي: اهئ اااخ يادرة لو شايفة اشلون ذلني وعذبني

درة: الله لاينطي ولج اني ادري بيج ثولة اذا رجعتيلة لهذا الحيوان لااعرفج ولااتعرفيني شنو عايشة بمذلة وياا من ورة ابوج وسوالفة والله هسة اطلع اتعارك ويااا

سالي : لا درة اهلي صايرين احسن وحتى رزاق اتعارك وية علي

درة: هوة اخوج شفالح بس بالعرايك اااخ ولج والله حرگ گلبي كون هسة يمي لا انعل سلفة سلفا عود صاير دكتور براسي كافي لتبچين والله ميستاهل دمعة من عينج

سالي: شسوي متعذبة ولج أحبة بس مااگدر اسامحة

درة: شووفي سالي انتي اختي جوز انتي اتحبي بس عذبي خل كرامتج فوگ كولشي لتخلين عاطفتج تغلبج صيري قوية وبينيلة انج مو بت شارع وعززي نفسج انتي الف من يتمناج نصيحتي الج الكرامة فوووگ كوولشي واذا ايحبج يتحمل

سالي: الله كريم عوفيني من هل سالفة اختنگ انتي اشلونج وية حسام عيالج

درة: اووف اني وحسام مثل عصافير الحب وية عمي وعمتي زينة ويحبوني واجبهم الا هل علة سمر اشگد اكرهااا ولج مطلعة رووحي كل حجاية اذبها اشكبرها شگد مكرووها

سالي: تولي معليج مادام رجلج زين وياج وبيت عمج عوفيها يومين وتزوج

درة: ييي ماگتلج جايها خطابة دكتور وهلة هلة وعسى عمي گال عود انرد خبر حسام ايگول جدر ولگة غطا شلون اثنين واحد اجمد من الخ

سالي: ثاري ادور زنگلة ومارضت بسامر صدگ وعسى أن تكرهوا شيء وهو خير لكم سامر لگة الاحسن والاحلى

درة: اي والله يلة اروح راح يجي حسام وهذا علي اني اعلمة

سالي: شعدج بعد وكت توج اجيتي

درة: لاا اذكرت جبتلج نسخ المحاضرات اقريهن وحاولي اداومين نهاية السنة قربت والدراسة صايرة صعبة

سالي: احاول

درة: يلة مع السلامه

سالي: الله وياج عود عيديها

الساعة٥عصرا

علي: يلة يمة وينج

سامر: عصت عوود اني احجي على مرتي من تعصى بالغرفة ثاري النسوان كلها هيج

سعاد: انجبو چنت ادور على عباتي انوير خافيتها يلة امشوا

رحنا لبيت سالي چانت عندي نوع من الفرح راح ارجع مرتي وكلشي يرجع طبيعي وصلنا دگينا الباب طلع ابوها بتوع بطرف عينة بس اتحملت دخلنا وگعدنا دخلت مرت ابوها وضيفونة

سعاد: والله خجلانين منكم على اسوايت ابنة بس هم يبقون رجال وامرأة وتأثير عل مشاكل ولو ابنة زودها بس ساعة غضب واحنة هسة ابيتكم ودايسين ابصاطكم واريد سالي ترجع سالي بنتي ومرت ابني

خليل: والله ام علي جيتج على عيني وراسي بس السوا علي علية ميسوي جاهل شنو بحبسها ٣ لا اكل ولا شرب هااا وين ضميرة راح لو ينتج اتقبليها تدخل ابيتج واطيح بنصا من ورة التعذيب وقلة الاكل

سعاد: لاا والله ولا ارضاها وحقكم شتگووولون بس احنة اكبر منهم وهم ازوجنة وانضربنة من رجال وحچاية من عمة وعرك بس اتحملنة وسالي بنية معدلة ورزنة والي صار صار

. علي: عمي حقك والله حجيك صحيح بس ساعة شك وغضب لو انتة بمكاني شنو سويت من تسمع مرتك اتغازل واحد ثاني وإني اعرف ماعدها علاقة قوية باخوها ومتحجي هيج نوع من الكلام وياك شنو اتريدني اسوي وإني اعتذر وإني غلط من ساسي لراسي

خليل: ام رزاق صبحي سالي وخل تجي واذا اتريد ترجع خل ترجع هذا رجلها وتتفاهم ويا

خولة: تعالي يمة رجلج اجة وابوج ايريدج

سالي: اهئ لاا فدوووة مااريد

خولة: ولج شنو متردين ابوح گال صحيها

سالي،: مااريد ارجع فددوة

خليل: ووووينكم

خولة : شفتي صاح يلة مسحي ادموعج وامشي

سالي: السلام عليكم

الجميع: وعليكم السلام

سعاد: هلااا خالة امواحح

خليل: تعاي بوية گعدي هذا رجلج اجة وايريدج اترجعين

سعاد: اي يمة الي صار كلة غلط وبساعة غضب

علي: سالي اني اسف واعتذر منج عن ذيج الايام وانتي مرتي واريدج صح اني غلطت وياج وإني اسف خلينا نرجع واعوضج عن كولشي انتي مرتي وإني واحبج💜

سامر: يلة ام حسين فضيها وارجعي البنات مشتاقيلج ارجعي لرجلج ولبيتج وبلا عل زعل وتنذكر ماتنعاد انتشالله

علي
بعد الكلام الي دار گلت اكيد حتوافق لا محال بس

خليل: ها بوية اشگلتي ليش تبچين

سالي: مااريد ارجع

الجميع😨😨

علي: ل ليش گتلج اعوضج ومتنعاد بلا عنادج سالي

سالي: اهئ اني مااريد ارجع الي صار كلة بالي كل يوم اشوفة مثل الكابوس علي اني صرت اخاف من خيالك اني متخوفة منك مااكدر ارجع واضل وياك بنفس البيت والغرفة علي گاعد اشوفك كابوس

سامر: ماشي سالي براحتج ضلي بيت اهلك ارتاحي كم يوم

علي بعصبية: شنوو بكيفها هية لا شو الا اترجعي شنوو

سعاد: مووو هيج يمة مو بعصبية خليها براحتها

سالي: خالة مو سالفة ارتاح ولا يوم ويومين اني مااريد ارجع واذا ايطلگني ايسوي فضل

علي: لااااا اكيد انتي اتخبلتي اككككيد😠 شنوووووووووووووو طلاگ شنو بعد ماارجع شوو في ياخنم طلاگ مااطلگ لو تموتين

سعاد: كافي علي موهيج شوفي سالي ضلي ابيت اهلج اسبوع ازمان بين ماتهدة النفوس عود بعدها القرار الج

علي: يمة شنوو اسبوع متگليلي يعني مو اعتذرت بعد شتريد

سعاد: كافي يمة موو هيج خل البنية ترتاح الي سويتة مو شوي ترى يلة احنة نستأذن

خليل: اهلا وسهلا بيكم باي وقت

في السيارة

سامر: علي اتخبلت خفف السرعة راح تنگلب السيارة

سعاد: ولك دهر فرگ راح يوگف گلبي هيج ايسوقون

علي وگفت السيارة وضليت اصيح

علي: يعني شنوووووووووووووو هاي مترجع إلا ترتاح الخاتون والابعد اسبوع هااا شنو طرطور اني يعني متاخذ احجاية من اگلها ترجع ماتقبل

سامر: اي ياخوية حقها يعني صدگ كابوس البنية رادت اتموت لو انت ماعارف الحقيقة چان ماتت

سعاد: لا مو هو علساس ميعرف تحجي ويا ميفيد الحجي يمة

بيت علي

الباب طق طق

نوور: منووو

اياد: اني اياد العفو بس علي سامر موجودين

نور: 😍😍😍 ااااا لا محد موجود والله

إياد: اهاا مشكورة

سامر: لك هذا مو إياد خاف جاي علينة

إياد: ها السلام عليكم هسة اجيت سألت گالوا ماكو اشلونج خالة

سعاد: هلا خالة شلونهم اهلك موازين ايرجعون

إياد: الحمدلله ههه عود من ازوج يجون

علي،: تعال ادخل

في الصالة

إياد: هااا اشبيك امبوزم ولو انتة هيج على طول

علي: مالي خلگك

إياد: اذكرت ترة الامتحانات بعدلها شهر شعجب متأخر بمحاضراتك

علي: إنشاءالله احاول اكمل يلة عن اذنكم ابدل

إياد: خشمك وياك ههههه لتضرب

علي: بطران

إياد: اشبي اخوك مطنگر چنة المكي مال جدي

سامر:: هههههه جديدة هاي بالباكيت لا ولك رحنة عامود انرجع مرتة وماقبلت

اياد: هاا والله حقها اصلا لو اني مرتة چان هيجت من ليلة العرس الحمدلله على كل حال اني خلقني رجال

سامر: لا انتة بعدك ولد احنة زلم

اياد: خليل لا اگوم بحذائي ابو حلگ صاير براسك خير من ازوجت اني اعلمك

سامر: اتريد مي بارد لو حااار

اياد: وإني عبالي اتگلي چاي لو عصير بس شگول مي بارد

سامر: تدلل باب الصالة : جيبوا لاياد مي حاار احمو على الطباخ وحطيلة معجون اشوي لا ايحب هذا العصير

اياد: طيح الله حظك فشلني گدام أهلة

علي
بعد گعدت إياد ويانة سوالف وضحك ومرت الايام وإني حالي حال بين اشتياقي وبين ندمي وبين الكوابيس الي تجي باحلامي ونضراتها البريئة وتوسلاتها لية حتى مااضرب واغتصب ولا اترووح من بالي هاي الفكرة مر الاسبوع وكأنة سنة اخذت عمي واياد وسامر وحسام وشيخ العشيرة وكم رجال عرف ورحنة لبيت سالي على امل اتوافق دخلنة سلمنة وشربنة چاي وحجة الشيخ

شيخ العشيرة: والله ابو رزاق مرة اجيناك نأخذ مرة وهل مرة هم اجينة ناخذ نفس المرة واتمنة متردنة وندري بعلي غلط وهذول مزوجين وهل سوالف اتصير وساعة غضب الإنسان يفقد مايعرف الصاحب من العدوو فياريت نرجعهم والم شملهم من جديد

خليل: والله ياشيخ جئتكم على عيني وراسي طبعا بالبداية مچنت قابل تردها لان الشافتة مو شوي بس بعدين گلت هاي حياتها هية وإني مدايملها بس اكو كلام وصار گدام اخوها طبعا ابني هم چان معاند ومايقبل بس هسة اتلين وهية حياتها اني البارحة جمعتهم كلهم وشهود عباس اخوها ورزاق موجودين گلتلها بوية باجر جاين الناس انطيني احجاية ولاتخافين تردين اترجعين محد ايمنعج حياتك انتي حرة وشغلة بينج وبين رجلج فتردين اترجعين وجوابها كان لاا

الحجاية ضلت اترن باذن علي

وهذا اخوانها اشهوود

علي: رحمة لهلك عمي يعني عفناها اسبوع گلنا ترتاح اشوي ليش شنو الي مخليها مصرة على هذا الكلام ليش متريد ترجع شنو هل اعناد سالفة وصارت بعد شنوووووووووووووو

فؤاد: لاتصيح خل نفتهم

اياد: اني عندي حل من بعد اذنكم مدام مزوجين والبنية بذمتة خل ايروح ايشوفها ويفتهم

شيخ العشيرة: صح لسانك ابني خوش حل

خليل: لعد تعال ويااي سالي سالي

سالي: هااا با.....😨😨ه هاااا

خليل: اخذي رجلج للغرفة اتفاهموا وفضوها وللتأخرون على الجماعة

علي
دخلت للغرفة هية ترجف طبگت الباب حيل

علي: تالي وياج يعني اعتذار واعتذرت شنو تردين يابنت الحلال احبببببج ومن غيرتي هيج سويت ولج والله احبجججج من زمان بس أكابر ارجعي ولتشلعين گلبي

سالي: والله علي من كل عقلك بكيفك تكتل وتغتصب وتسب ولازم مااگول شي ومن تشلع گلبي هم مااحجي شي ومن ايعحبك ارجع لازم ارجع وهم مااحجي شي علي اني إنسانة مو لعابة اتمشيها بكيفك اني إنسانة الي كرامة خاف اتشوف أبوية مرحب بيك ومعتبرها عركة متزوجين ترة هو ميعرف الحقيقة كاملة ميعرف انو بنتة اغتصبت من قبل رجلها وميعرف انو السب والغلط الي گلتة علية وعلى اهلي شكوو اتريدني ترجع مو بت شوارع اني هاا مو اختي اتنام وية ولد مو اخوية سكير مو اهلي سمعتهم مو زينة كل هذا واتريدني ارجع علي الي صار ذاك اليوم كسر كولشي حبي انتهى الك بذاك اليوم كلبي انكسر كرامتي انجرحت خربت كولشي علي ومراح تگدر اتصلح اي شي علي زواجنا چان غلطة وهاي الغلطة لازم تنتهي بيوم انتة چنت مجبور وإني انجبرت من البداية الزواج چان مو برغبتنة بس اتمنى انو ينتهي برغبتنا

علي بعصبية: لااااا زواجنة مو غلطة چان قدر وإني ماانجبرت لان اني علي محد يجبرني على شي لو مااريدج مقبلت ازوج من البداية سالفة الطلاگ مسيحيها من دماغج نهائي لو على فراش الموت وتردديني اطلگج مااطلگ انتي مرتي راح الخليج محبوسة بذمتي اخذي قرار اترجعين لو لا

سالي: لااااا

علي: باهي بعيني واحجي

سالي: لااااا

علي: ماسمعت

سالي: لااااا لااااا ماارجع لو تمووت سمعت لو اهلي بعد لااااا ماارجع

علي: اخر كلام

سالي: اخر كلام

علي: ماشي

طلعت دخلت للصالة كلهم باعوا گلتلهم يلة المرة اريد اتضل لبيت اهلها وصللهم الرد رجعنة بالسيارة طبعا چنت عصبي الى آخر حبة بس كاتمها محد نطق بحجاية لان كلها عرفت وصلت أقصى درجات العصبية ركبت السيارة وطرت للبيت اجة عمي واياد وحسام اني گعدت وعيوني تجدح جابولي مي لزمتي المي شربتة كلة طبعا هدوء صاير لان كلها خايفة من البركان الي ينفجر ضليت افر بالكلاص واضغط علية إلا أن انكسر بيدي كلها فزت صعدت فوگ رادوا ايلحگوني بس عمي گال عوفوا قفلت الباب شكوو شي گدامي كسرتة گمت اكسر بالغراض المرايات حطمتهن

سامر: على افتح الباب علللللللي لك شسوي

اياد: علي افتح شنو هل سوالف زعطوط

حسام: عللي اتخبلت شتكسر ولك باجر غصبا عليها ترجع

علي
گلبت الغرفة سويتها حطام گعدت بالگاع والدماية تري من أبدية لان كسرت بايدي ضليت على هل حال افككر گلت خليها بيت اهلها اشوكت مترجع ترجع اني اذيتها گمت لقيت أيدي ونزلت بس تعبان

سعاد: ووولك يمة اشبيك اشبيها ايدك

علي: مابيها شي الفها واطيب نور جيبي معقم وشاش

نور: اي. اتفضل

لقيت أيدي وعقمتها

فؤاد: اذا اتحبها شكووو هيج اتسوي استغفرالله يلة حسام گوم اتاخرنا

سامر: عمو وين ضلوا للعشة

فؤاد: لا عمي دايمة غير مرة انشاللة

علي: نور جيبي لي لحاف ومخدة اريد انام لحد ايگعدني
سعاد: يمة اتعشة بالاول

علي: زقنبوت اكل لحد ايگعدني

طلعوا لفيت راسي ونمت گلت بلكت يطلع حلم

مرت اسابيع رجعت علي القديم اقل احجاية انفجر وكون حاجتي توصل قبل مااحجي سالي ناقلات ترجع بحكم عقليتي اني رجال وماانذل لمرة خليها اشوكت متريد ترجع صرت اشرب چكاير أو بالأحرى صرت مدمن عليها أفرغ كل قهري بيها شهاب مسدودة بكلشي لليوم ممدوامة بالكلية مشتاقلها حيل بس كبريائي ميسمح اضل اتوسل رجعت علي القاسي رجعوا الطلاب ايحسبون الف احساب قسيت وياهم بالأسئلة وباقي اسبوع على امتحانات النهائية

سالي
من طلع علي من الغرفة طلعت روحي وياا ضليت ابجي بس يستاهل مرت الأسابيع طبعا اتواصل وية كل البيت ماعدا علي ودائما ايكولولي رجعي بس اغير الموضوع وهم ميظغطون علية طبعا رزاق رجع يسكر ويجب باليل يكتل هدى من دون سبب أبوية رجال چبير ميگدر ندافعلها اني وخولة واطيح بينة الكتلة عباس ديدري امراض الادمان قرر ياخذ رزاق لصديقة ويعالجة على حسابة مرت ايام رزاق بالمستشفى بس ايگول عباس گاعد يتحسن بس يتعذب لان متعوود ورة اسابيع رجع رزاق مثل الورد حتى شكللة متغير اهوواي صار يشتغل وقررت ادوام وهو يدفع مصاريفي وشايل البيت على راسة ونسيت اگول انو بعد تواصلي وية نور سمعت انو سمر انخطبت واتزوجت الدكتور الي چان متقدملها طبعا سامر راح وصارت عركة بينة وبين نالين بس گللها لان مااحبها واحبج رحت لان بت عمي من واجبي اوگف وية عمي بس رجعوا تصافوا من يوم الي اجة علي لبيتنة ايرجعي ولليوم اني مشايفتج بس نور احجيلي علية وشلون صاير ومتعذب وضعفان مرت الايام ورجعت للدوام واول مرة اشوفة اشلون وگف بنص الطلاب ايباوع علية من لمحني چان مثل الي ممصدگ وشفتة اشلون ضعفان ومبين علية الكبر واشوية امشيب متوقعتة هيج مرت الايام وامتحنا وخلصت السنة طلعت ناجحة وبمعدل جيد جدا ودرة جيد

في جهة أخرى

نور: اااوف شنو هاي متنة من الشمس والامتحان چان صعب وراح ابچي وين الخرا السايق

نالين: ولج كافي ثولتيني شگد حجيتي اووف فوگ ضيم الامتحان انتي بالعافية على رجلي الي امتحن وخلص وطلع ناجح وإني امداية اووف

اياد: خرررب الا ايسدووون اليوم هذا الشارع والله مستعجل شيوديني لذاك الطريق اووف

من رحت على طريق المدرسة لمحت اثنين بنات واكفات بالحر مشيت على كيف ركزت عرفتها اخت علي شايفها

اياد: السلام عليكم

نور ونالين: وعليكم السلام

اياد: خوو ماكو شي ليش واكفين بالحر

نور: لا ماكو شي بس منتصرين الخط اتأخر

اياد: اي لعد اتفضلوا اوصلكم

نور: لاتسلم هسة يجي ابو الخط

اياد: لا والله ميصير انتو اهلي اصعدوا

نور
ضليت مصدوومة يمة حبي ايريد ايوصلنة صعدنا وياا وضليت مفهية بس اباوع علية نالين كليه اتنزني بس مهتميت نزلنا وچان واگف سامر على اليوم بالچفچير استغرب بس من شرحلة اياد اشوي فك

اياد
اختهم اشگد حلووة وناعمة ونازكة بس انتبهت بس اتباوع علية بس يمكن متوهم رحت بشغلة بس حاولت اطلعها من بالي ضلت لأزمة وصلت للبيت طلعت غراض من ورة السيارة شفت شي يلمض شلتة شفتة تليفون شلتة مو الي ولا شايفة عد صدقاني طلعتة وياي صعدت سبحت وبدلت اباوع على التليفون كڤرة بناتي فتحتة بي رمز والخلفية مكتوب نورة گلت معقولة نالتها صار عندي فضول افتح الرمز كتبت اسمها مصار كتبت كل العائلة ماكو ردت اكون طاح بالگاع افتحة الكڤر شلتة اريد اخلي الكڤر شفت مكتوب اكتابة مو كلش اصغيرة اياد بالانگليزي💜💜 كتبتة الرمز انفتح انصدمت گلت اكيد مو اني الفضول كتلني نسيت العيب والحرام دخلت على الصور گلت اذا صور خاصة اطلع من دخلت طلع البوم مكتوب my love دخلت عليه واشووف صوووري😨😨😨😨مستحيل شنوووووووووووووو هاي شفتهن كلهن ساحبتهن من الفيس والانستگرام سديتة وضليت افكر معقولة اتحبني يعني اليوم صدگ جانت اتباوع علية خالي شنو اذا البنية اتحبني ليش ما اخلص وتزوج راح ادخل لل٣٠ اشو بنت ناس وعالم واخواتها اصدقائي والنعم منهم خل اودي الموبايل باجر والله كريم

في بيت علي

نورة: اهئ مو بايلي اريدة خاف ضاع

سامر: صمي حلگج دووختيني الگا والله الگا بس لتهذين

علي: يعني الثول وين وصل اگلك بلة شوف خاف بسيارة اياد من وصلهم

سامر: لا خاف عيب عود باجر اگلة انتي الياخذج أمة داعية علية والله اتجيبلة الجلطة من الثول شگد فاهية

سعاد: شبيكم اكلتوا البنية يعني ميصير واحد ينسة حرام جوز دايخة شمس وامتحانات

سامر: سمعت انو ممجاوبة اليوم ست نور

نور: هاااا لا ااااا لا مجاوبة مجاوبة

سعاد: نوير اني اعلمها اذا ماجابت معدل بس الله يدري شسوي بيها

نور: الروح اقرة احسن لان كلكم انجمعتوا عليه وهاي نالين اني اعلمها

علي: فرشيلي قبل لترحين

سامر: عوود ليش متنام بغرفتك

علي: شعليك انام وين ماريد عسى مابغرفتك

سامر: لااااا عيب خصوصيات اكلك متزوج زواج مؤقت بين متسألين ترجع

سعاد: طيح الله حظك باع اشلون ايخليها ابالة

علي: هو اني بوحدة ماخالص ادور ازوج هية هاية

سعاد: يمة دعووف الجگاير والله موزبن على صحتك

علي: يمة صحتي راحت من راحت سالي

سعاد: ولك والله ترجع اشبيك هية هم اتحبك واتحن وترجع شوف صحتك اشلون شوف نفسك يايمة

علي: لتعبين نفسج ميفيد وياي تصبحون على خير

ومرت الايام الايام اياد رجع الموبايل بعد ما ضلت نور بالى ميگدر ايطلعن ومتردد يحجي وية علي بالموضوع بس استجمعت قوتي ورحتلهم للمطعم

المطعم

السلام عليكم

الجميع: وعليكم السلام

سامر: اگول اليوم المطعم مظلم اااقصد منوور

علي: اهلا وسهلا شلونك

اياد: الحمدلله على الله انتو شلونكم صحتكم الوالدة

علي: من الله بخير

بعد مرور ساعة

سامر: اياد اتريد تحجي شي لان صار ساعة اتحوص

اياد: هووو اي اكو موضوع

علي: خير

اياد: شوف علي عندي موضوع وياكم وخايف منك انتة بالذات

سامر: هسة غير يحجي

أياد: شووفي اني اريد ازوج وتدري امي اتريد على اختياري وإني مو تصغير واريد استقر يعني مااطول عليك اريد اختك على سنة الله ورسوله

😨😨😨😨😨😨

سامر: شتحجي فهمنة

علي: ترة انتة چبير ونور يلة عمرها ١٩ وبعدها مداخلة

اياد: ترة مو كلشي بالعمر هياتة انتة اخذت سالي وهية طالبتك واصغر منك

علي: اي بس

اياد،: لا علي لتجاوب هسة فكروا وردولي خبر وترة اي شي ميأثر على صداقتنة مع السلامه

سامر: فاجأني

علي: صدمني

سامر: علي شتگول

علي،: ماادري بس شي غريب اياد ونور مايصير

سامر: ترة اياد صاحبنة وانعرفة كلش زين صح ايباوع على البنات بس هيج تسلية شباب بس انتة اتعرفة بالسيدات يوگف وحتى بافراحنة واگفلنة وگفة

علي: والله اياد والنعم نرجع للبيت والله كريم

بعد الشغل والتعب والازدحام بالمطعم رجعنة للبيت غسلت وبدلت وصليت

سامر بهمس: شووف راح ازحزح نور ونالين وانت فاتح امي بالموضوع

سامر: اااحبيبتي باجر اريد اطلع اكويلي اهدومي

نالين: تدلل

سامر: نور روحي وياها ساعديها

نور: اني شكوو

علي بخزرة : گومي

نور بنفسها: والله إذ ا ماطلع عندهم شي ويردون ايزحزحوني بس بسيطة

علي: يمة اكلج موضوع اليوم صار

سعاد: خير

علي: اليوم اجة اياد حجالنة موضوع انصدمنة صراحة

سعاد: شكوو

علي: اياد ايريد يخطب نور

😨😨😨😨شنو

سامر: اي فگلنة انگلج ونأخذ رائيج والله يمة اياد خووش ولد والنعم
سعاد: خووش ولد مؤدب سمعت زينة ماختلفنة بس نور ماازوجها هسة الاتتخرج يلة وتلزم شهادة

سامر: ترة اياد مو يگدر ايعيشة واستاذ جامعي بعد شكو الشهادة

سعاد: الله يرحمك يابوية چان ايگلي الشهادة والوظيفة اسلاح ومازوجني الا لمن اتعينت من مات ابوكم بيش عيشتكم مو من الوظيفة

علي: يمة هيئة هوة وين التعين بالعراق هو اني اتعينت بطلعات الروح

سعاد: اي هسة هم تتعين بطلعات الروح خل ايشوفلة مرة غير نور طاولة مالة نصيب

سامر: يمة ترة اياد ميتعوض

سعاد: يمة لتلحون نور ماازوجها الا تتخرج

بينما دار هذا الكلام هناك اذن حشرية اسمها ولكن كان سوء تصرف لان ماسمعت لايسر وتحطمت أحلامها وانكسر قلبها 💔

نور: اهئ لا ماما اشسويت لااااا مااريد ادرس انعل ابو الدراسة اريد اياد اريدة اهئ الله يأخذني والله اذا اتزوج غيري انتحر والله

مر يومان على هذا الكلام
مكالمه هاتفيه

علي: السلام عليكم شلونك اياد

اياد: اهلا وسهلا هلا علاوي

علي: اگلك بخصوص الموضوع الى حجيت بي

اياد: اي بشر

علي: شوف اياد انتة اخوي وصاحبي والنعم منك اخلاق وكرم ومرجلة بس ياخوي كلشي قسمة ونصيب وانتة مالك نصيب عدنة البنية صغيرة والوالدة اتريدها تتخرج

اياد: هاا صدگ كلشي قسمة ونصيب وحقكم البنية بتكم

علي: اتمنى الي صار ميأثر علية

اياد: لااااا شتحجي انتة اني من البداية گتلك هيج شغلات متكامل صداقة عمر

علي: والنعم

اياد: حبيبي علاوي يلة مع السلامه

علي: الله وياك

ماامصير هذان الاثنان هل سيكون إحدى ضحايا القدر ام القدر يخبئ اجمل ام يرزق اجمل ام سيكون هناك أشخاص دخلاء على حياتهم

نور
من ذاك اليوم وإني متحطمة لااكلتي أكلة ولانومتي نوومة صرت صامتة ولا ذيج نور تضحك الهوى دائما امي تسألني اشبيج مريضة اگولها مالية شي وصلت على هل واليوم امتانين النتائج على النت

نور: يمة راح اموت

نالين: بطني گامت توجعني يمة الأسئلة صعبة يارب حتى لو خمسين أقبل ميخالف المهم ناجحة

سامر: حتى ازين راسج صفر غير اذاا ممطلعة معدل

علي: اااي طلعن النتائج

نالين ونور: يمةةةةةةة😭😭😭😭😭

علي: هذا حرف النون نبأ نمارق نجاة اي نالين

نالين 😨

علي: خالي شنوووووووووووووو ههه ناجحة مبروك والمعدل ٨٠

نالين: اللفففففففففف الحمدلله يارب

علي: ست نور جواد اممم ناجحة مبروك والمعدل ٧١

نور: لااااا علي لتشاقة اهئ اريد ٩٠ اريد اخل طب بس هذا الأمل بقى
علي: خالي اشبيج ياامل بعدين مو زين غير احد يتمنى الخمسين صلي على محمد

سعاد: هسة ديلا يايمة هاي كوة كليات روحي بيهن

علي: احسن شي اتقدمون اداب انگليزي معدلكم مقبول وادخلوا اثنينكم

سامر: اي صح وبهاي المناسبة راح اخذ مرتي لاهلها هم اشوفهم وهم نتونس منووووو يجي الي يجي يرفع ايدة

سعاد: ولابية حيل سفرات مفاصلي مااگدر

علي؛ واكيد اني مااروح

نور: ولا اني

سامر: يمة مصخنة البنية ولج انتي اتبعينةة علمود طلعة

نور: مالي نفس

سامر: بكيفكم الي يريد يجي اهلا وسهلا والميريد بكيفةة حتى خاف اتگولون اخذ بس مرتة

بعد مرور شهرين😨

علي وسالي

علي
صلينا على حالنا سالي معندة متوقعتها هيج ابد شالعة گلبي متمرمرعليها ومشتاقلها وكل احبها واشتاقلها اكثر صرت جلد وتضم من ورة ضيمها وحتى شيلات طلعن براسي الچگاير ادمنت علية كل يومين اشتري باكيت كل الي يشوفني ايگلي معقولة الحب هيج ايسوي وكلها گلبها مكسور علية إلا هية

سالي
علي اوووووي ياعلي صح مارجعتلة لهسة بس مجنني گاعد أكابر علية كلها اتگول متغير وضعفان وحالة حال بس گلبي مدري ليش هيج مسحت علية يمكن سبب الخوف والرهبة الي سواها الي اشتاقلة هواي من اشتريت تلفون موبايلي كلة بس صور آلة كلها اتلومني لان ماارجعلة بس مو بيدي مرة رحنة لحديقة بابا نؤاس گلت لنور يمكن كلة تدبيرها

.
ماادري الصدفة جمعتنا لو تخطيط من نور سلمنة على بعض بس ماسلمت على علي شفتة اشلون متغير ومبين علية الكبر ولاچان ايخبل عبالك شاب بداية العشرين حسيت گلبي حن صلينا انسولف والولد يحجون گمت اشرب اشتري مي ماشوف الى واحد وراي

علي: اشلونج

سالي: ااااا زينة

علي: حلوة عليج العباية شعجب لبستي

سالي: شكرا هذا الشي ميخصك

علي: هه شلون ميخصني وإني كلج اتخصيني بكل تفاصيلج

سالي: هسة شتريد

علي: مناوية اترجعين

سالي: رجعنا لنفس الموضوع لا علي مناوية عود من أنوي اگلك

علي: مكافاج عقاب ٣شهور حرام عليج واذا الله ايسامح ويغفر انتي بشر متسامحين متوقعت عندج كل هل قساوة بگلبج

سالي: والله للوكت علمني والبشر هم علمني اصير مثل الحجر گاعد احس راح تجي نهاية هذي القصة

علي: انتي الي تقريرين شنو نهايتها

سالي: لا القدر هو الي ايقررها عن اذنك

أما عن سامر ونالين

سامر
من ازوجت نالين لليوم مشفت منها غير الحب والحنية يمكن مچنت راح اعيشها هيج لحضات وية سمر الله عوضني بشي احلى نالين صارت قطعة من رووحي وايد مااحب اشوفها زعلانة هي مرتي وحبيبتي وكل دنيتي

نالين
اني چنت أحبة قبل لااتزوج وهسة عشقتة صح سامر يشاقة ويضحك بس هم عصبي واذا زعل ايضل أسبوع ميحجي وياي وإني ميهون علية وعلى لذلك ماازعلة وهو حبي الأولي والاخير

أما أياد ونور

اياد
من ارفضت من اهل نور اشوي شلت بگلبي على صحباني گلت اشبية اني خوي ايقنعون امهم بس من سافرت لاهلي غيرت جوة اتحسنت وضعيتي رجعت أمانة القديمة وسالفتنة وضحكتنة بس گمت احبها لنور وراح اتانيها من تتخرج واتزوجها لان هسة الي اني وبس گمت اعشق تفاصيلها احبهااا💜

نور
بعدين على حالي مرات اگول لو امي موافقة چان هسة اني واياد متزوجين اووف حالي حال بس كلشي مااگول غير الله يكتبني من نصيبة

أما عن سمر

سمر
طبعا من اتزوجت ماارتاحيت سراج زوجي كلش جامد وبارد وبالگوة يحجي لو يضحك وحتى بعلاقتنة الزوجية بارد حيل عبالك مجبور ضليت ويا شهرين بعدها متحملت زعلت بيت اهلي وخلاني يمهم محد اجة والكلف نفسة وصارت مشاكل واطلگت ومتندمة حيل لان رفضت ابن عمي

أما عن ندى

ندى
من ازوجت فلاح هو انجبر معشيت ويا يوم حلو على العلم انو اني ويا چنة صدگ عشاق وحتى من اسوي ويا علاقة كلش رومانسيبس من ازوجتة كلة ضرب وعنف بعلاقتنة وحبلت منة ومن الضرب سقت الطفل فد يوم گاعدين اجانة خبر بأن فلاح سوى حادث مالحگوا للمستشفى ومات مااتأثرت علية بالعكس كيفن لان خلصت منة ومن اجرامة بس لان عائلتة عشائر وعادات وتقاليد زوجوني لاخو الاكبر منة طبعا ضجت لان اخلص من سجن يطلعي سجن اكبر المهم ازوجت منتهى بس چان شي مثل الخيال صدگ من ازوجتة حسيت نفسي عروس منتهى عاقل وفاهم وهادء كلشي بي حلو وشكلة رجولي مو مثل الزعطوط الي چنت كاتلة نفسي علية الله يرحمة عشت وية اجمل لحضات وايام وهو كلش رومانسي بس هم يغار وغيرتة قاتلة وهسة شاكة بنفسي حامل.

حسام ودرة

حسام
عشت وية درة احلى ايام صح ماعشنا قصة حب بس هسة عايش مثل العشاق وكلش احبها واعشقها بس هية عصبية مرات اتصيح بوجهي وإني مااتحمل ونتعارك بس منبقة زعلالين هواي

درة
حسام حبيبي كلش أحبة متحملت رغم اني عصبية ومتهمين بس سمر مرات اتضوجني وعمي وعمة كولش زنين ويا وحامل صارلي شهر

هدى وعباس
بينهم نضرات يمكن تولد حب جديد

علي: خالي شنو الوضع كلش متأزم بالموصل

سامر: اااي خطية الله يحمي اهل الحشد الله يوفقهم والله مضحين بعيالهم واولادهم وايقاتلون علمود البلد

سعاد: الله يحميهم وايصبر گلب كل ام شهيد ولايضوگ الله هل لوعة لام

علي: اميين

ليلا

علي: ولك علي بدال ماگاعد بالبيت لا الشغلة لا عملة لا مرة روح خل الوطن يستفاد شو سالي چنها ملابسها امل واتريد تطلگ خل اصير أرملة ولا مطلگة حتى افيد الوطن واحمي عرضي وعرض الوطن

اليوم االتالي

نور: اليوم يجون بيت عمو

علي: اشوكت

نور: العصر

علي: خوش همزين انجمعتوا عندي وياكم موضوع

سامر: شكوو

علي: بعدين تعرف يلة سفرة دايمة

عصراً

بعد ماانجمعوا الكل وسلام وكلام دخل علي والكل چان الفضول كاتلهم شنو الموضوع

سعاد: يمة شخير الموضوع

علي: كل خير انشالله طبعا اني بس حبيت ابلغكم بالموضوع ورجاءا لحد يعترض طبعا الوضع كلش ميطمن ومحتاجين متطوعين بالحشد واني اطوعت سجلت وباجر اطلع وية جماعة من بغداد اكو من المنطقة واكو من غير مناطق

الجميع😨😨😨😨😨😨😨😨

علي: سبب هذا القرار اني ماعندي شي شو مرتي ماتقبل ترجع احسن ما ضال افرفر بغداد اروح افيد وطني وامي سامر وموجود وعمي ميقصر اني مو اول واحد ولا اخر واحد يتطوع وهنيالي اذا الله يرزقني الشهادة ليش يمة تبچين

سعاد: تدري بروحك شتحجي انتة رايح للموت برجليك

علي:يمة يايمة بالعكس رفعي راسج الله الحافظ

ليلاً

علي: يمة حظرتي الجنطة

سعاد: اي يمة اي

علي: انوير اذا سمعت بيج گايلة لسالي على روحتي متلومين الا نفسج وانطيني رقمها الجديد

نور: شتسوي بي

علي: مو اني ماخذ منج رقم صاحبتي غير مرتي اطيني وحلگج اتخيطي متحجين احجاية

نور: اكتب : ٠٧٧.........

سعاد: شلون بية يعليوي ولك شحطها بالك

علي: ااخ يايمة ارضي علية الله الي كاتبة ايصير

اليوم التالي

علي
قبل لا اطلع دخلت الرقم دخلت للفايبر شفتها كاتبة ام حسين💝
كتبتلها رسالة

ان لم ترجعي وطال الغياب وان لم اسأل عنك فلا تقولي قد نسى فاعلمي يابنت حواء اني احبتك قبل ان تخلقي وعندما خلقتي وعندما رأيتك وستبقين في بالي الى اخر انفاسي الى ان ياخذ الله الامانة اعلم ان قلبي من حديداً صنع وانتي ماملينت الحديد اسميتكِ احبتك الى اخر حبة من الرمالِ ماذا فعلتي بي يا ماذا اسميكِ عندما كنتُ اكره الاناث اجل اكره الاناث لكنني احببت ملاكاً
على الارض يمشي ( كتابتي💕)

By. Banen33354

ودزيتلها صورة

________________________________________________________

نهاية البارت

ماذا ستكون نهاية كل من علي وسالي هل سيجمعهم القدر مرة ثانية ام تكون هذه نهاية حبهم

ماذا عن حب عاشقان حالمان نور واياد هل ستكون له عروسة ولها عريس وهل سينتظر كل السنين ليجتمع بفتاة الاحلام

ادري ضايجين مني لان اتأخرت والله اني اكثر منكم بس بالگوة دبرت موبايل وداانشر اعذروني 💕

مأجورين بمصاب سيد الشهداء ابا عبدلله عظم الله اجورنا واجوركم

عجباً لك يا شهر محـرمْ !! رغمْ أنك مليء بالمْصائب والدمْوع وآلأحٌزآن إلا أننا متلهفين لعودتك !
وأيَ شخصَ يشِتاقْ للحزنْ ، يا بشَر ! إنه آلعشقْ آلحُـسيني💙😽 .

.