الفصل العاشر

رواية اسير الاحلام الجزء العاشر 10 بقلم جمال المصري اسير الاحلامرواية اسير الاحلام الحلقة العاشرة سنان .. بيموت وقبل ما يفقد وعيه بعت رساله مع طائر النار لي اركون امريتا .. قامت من النوم مفزوعه وصرختها زلزلت القصر لمي .. بتدخل جري مولاتي حصل ايه امريتا .. سنان يا لمي في خطر لمي .. ده اكيد كابوس يا مولاتي

امريتا .. لا انا قلبي حاسس ان سنان في خطر ولازم اوصله وبتقوم وبتوقف قدام المرايا السحريه يا مرايتي عايزه اشوف الامير سنان .. لكن المرايا بتظهر صوره سوده وبتفضل امريتا تكرر الامر لكن من غير اي فايده وبتتعصب وبتكسر المرايا .. لمي .. مولاتي اهدي اكيد الامير في مكان سحري امريتا .. لا انا لازم اوصله باي تمن يا لمي انا هروح الكهف اللي مستخبي فيه هو واركون لمي .. وانا هاجي معاكي يا مولاتي وبيختفه وبيظهره في الكهف

اركون .. بيقوم وبيركع تحياتي لمولاتي الاميره امريتا امريتا .. يا قائد اركون الامير سنان فين اركون .. الامير سنان راح وراء سارومان عشان يعرف مكان السيف امريتا .. بتقول ايه وازاي تسيبه لوحده يا قائد الجيش اركون .. دي اوامر الامير سنان يا مولاتي ولا استطيع غير السمع والطاعه امريتا .. احنا لازم نوصله بسرعه يا اركون انا حاسه انه في خطر سارومان .. بيرجع القصر جنثار بلغنى باخبار المتمردين من الممالك السبعه

جنثار .. ما تقلقش يا مولاي انا سيطرت علي الوضع وقضيت علي كل المتمردين والمملكه في امان سارومان .. ضحك ضحكه هزت القصر وانا اخيرآ قضيت علي سنان جنثار .. وشه اتغير ومش عارف يتكلم جهور .. قدرت توصله يا مولاي الملك سارومان سارومان .. هو الي وصلي وما كنش يعرف انه بيقرب من نهايته جهور .. هو فين دلوقت

سارومان .. في المكان الي كان عايز يوصله وجنب سيف النور المقدس الي خلاص اصبح ما لوش اى لازمه بعد موت اخر وريث له واستعد يا جهور عشان جه الوقت عشان نهاجم الممالك السبعه جهور .. الامر لي مولاي الملك سارومان ..وانت يا كبير الحكماء ليك مكافئه كبيره مني لانهاء التمرد جنثار .. انا مكافئتي هي رضاك يا مولاي سارومان .. الكل يقدر يرجع مهمته جنثار .. بيختفي وبيظهر في الكهف قدام امريتا واركون امريتا .. جنثار تعرف سنان فين

جنثار .. بيركع والدموع في عنيه ومش قادر يرفع وشه امريتا .. جنثار اتكلم حصل ايه للامير سنان جنثار .. انا عملت حيله عشان سارومان يرجع القصر بسرعه والامير يقدر ياخد السيف واخلي جنود المعبد المقدس يهاجموا الحدود علي اساس الممالك السبعه اتمردت وهاجمت مملكة جنوريث لكن للاسف كان سارومان اكتشف امر الامير سنان وقدر ينهي حياته امريتا .. انت بتقول ايه يا كبير السحره

جنثار .. الامير سنان هو اخر وريث للسيف المقدس وبموته هتستمر اللعنه الآلاف السنين امريتا .. وهي بتبكي خلاص وصلنا للنهايه وبتسحب الخنجر بتاعها وان بعدك يا اميري مستحيل اعيش لمي .. بتركع قدام امريتا مولاتي ارجوكي تمسكي بالحياه امريتا .. لمي خلاص دي نهايتنا كلنا أنا و سنان هنتلاقي في العالم الاخر .. وفاجئه بيظهر طائر النار وبيقول الرساله وبيطلب منهم وه عشان يوصلهم للامير سنان ..

امريتا .. بتحط الخنجر في غمده وبتتحرك ومعاها جنثار ولمي واركون وبيوصله لسنان جنثار .. بيقرب بسرعه منه عشان يشوفه عايش ولا لا وبيبص للاميره امريتا للاسف يا مولاتي مولاي الامير سنان مات ونور السيف المقدس انطفي يعني خلاص كل حاجه ادمرت

امريتا .. بتقرب منه ببطئ وبتنزل علي الارض وبتحضنه وبتصرخ سنننننننننننننننننننننننننان انا مش هموت غير لما انتقم لموتك ونهايتك يا سارومان هتكون علي ايدي ولحد ده ما يحصل هتفضل عندي في القصر وبتبص لي اركون وجنثار ولمي يلا هناخد الامير علي القصر وفي لمح البصر بيختفي من الكهف وبيظهره في سرداب القصر

قائد جنود النور .. اول ما بيشوف الامير ميت قدامه بيركع علي الارض وكل الجنود بيركعو زيه وبيسحب الخنجر وبيحطه علي رقبته والجنود بيعمله زيه وبيصرخ لا حياه بعد موت الامير ووريث سيف النور المقدس اركون .. بيقرب بسرعه وبياخد الخنجر منه يا قائد جنود النور ما فيش موت قبل ما ننتقم للامير سنان القائد .. بيوقف وبيقرب من الاميره امريتا الامر للاميره امريتا صاحبة الختم والامر امريتا .. خليكم جاهزين لازم ننتقم للامير سنان

القائد .. احنا جاهزين وفي انتظار امرك يا مولاتي الاميره امريتا .. بتدخل الغرفه الي فيها جثمان الامير سنان وبتحط جثمان جاسر جنبه الكل يخرج وبيخرج الجميع وبينتظر خارج الغرفه وبتفضل الاميره امريتا مع سنان والدموع نازله من عنيها وهي بتبص للامير سنان وقلبها بيشتعل بنار الانتقام وبتمد ايدها وبتمسك خنجر النور الي مغروز في قلب الامير سنان وبتنزعه من جسمه وبتاخد الدم من علي الخنجر وبتقسم بالانتقام

جهور .. بيدخل قاعة الحكم مولاي الجيش جاهز للتحرك سارومان .. ما تستعجلش يا جهور يمكن الامراء يستسلمه لما يعرفوا ان وريث سيف النور المقدس مات ووقتها هيسلموا الممالك بدون قتال جهور .. تحت امرك يا مولاي سارومان .. هتاخد جنودك وتجيب جثمان سنان من كهف السيف وتعلقه في الساحه عشان يكون عبره وبعد كده تبعت رسايل للامراء السته وامرهم بالاستسلام وإلا ممالكهم وشعبهم هيهلك

سارومان .. وانشر خبر موت الامير سنان في الممالك السبعه وطلب من جواسيسنا يشوفه ايه رد فعل الشعب جهور .. الامر امرك يا مولاي وبيختفي امريتا .. بتمسح دموعها وبتخرج من الغرفه وهي ماسكه خنجر النور في ايدها وبتبص لجنثار انا عايزه ادخل القصر يا كبير السحره جنثار .. الامر لمولاتي الاميره خلاص كل شئ انتهى وكلنا هنتحد عشان نقضي علي سارومان لمي .. وانا معاكي يا مولاتي الاميره اركون .. وانا كمان تحت امرك

قائد جنود النور .. وانا وجنودي معاكي امريتا .. احنا هنهاجم القصر من كل مكان وفي الوقت ده جنثار هيدخلني القصر وانا هقتل سارومان وبكده نبقا انتقامنا للامير سنان قائد وحوش الجحيم .. بيتفقد القتله اللي هاجموا الحدود وبيختفي وبيظهر في القصر سارومان .. سبت حماية الحدود ورجعت ليه قائد وحوش الجحيم الي هاجمه الحدود من جوه مملكة جنوريث ومن جنود معبد النور المقدس سارومان .. انت بتقول ايه يعني جنود معبد النور المقدس لسا موجودين

قائد وحوش الجحيم للاسف ايوه وعشان كده قبل ما تفكر تهاجم الممالك المجاوره لازم الاول تنظف مملكة جنوريث من اتباع الامير سنان سارومان .. بعد موت سنان ما بقاش في خطر منهم قائد ..بالعكس بعد موته اتباعه بقو اخطر بكتير يا سارومان ونار الانتقام هتحرق الاخضر واليابس ولازم تقضي علي التمرد الداخلي الاول قبل ما تتحرك ضد الممالك سارومان .. جهور جهور .. بيدخل القاعه مولاي

سارومان .. نظم هجوم شامل علي كل مقرات حماة معبد النور المقدس واعلن ان اي واحد هيتستر علي اي من اتباع الامير المقتول سنان هيموت هو واهله كلهم في الجحيم المنسي ومش عايز اي حد من اتباع سنان عايش وبحث عن اركون وتاكد اذا كان عايش او مات وابعت فرقه من الجيش تحاصر قصر الاميره امريتا واجمع السحره عشان يكسره الدرع السحري اللي حوالين قصرها عايز وانا هناك اكون شايف كل حاجه بتحصل في القصر ده جهور .. امرك مطاع يا مولاي الملك

سارومان .. يا قائد وحوش الجحيم تقدر ترجع لمهمتك امريتا .. بتتحرك من السرداب والكل وراها وفجاءه الرعد بيضرب في السماء والبرق بينور المملكه والقصر بيتزلزل لدرجة أن الكل بيوقع علي الارض وبينزل نور من السماء للارض …..