الفصل الخامس عشر

رواية اسير الاحلام الجزء الخامس عشر 15 بقلم جمال المصري اسير الاحلامرواية اسير الاحلام الحلقة الخامسة عشر سارومان .. انتو بتحلموا يا قائد اركون انا الملك الوحيد هنا انا ملك جنوربث والممالك السته ببدفعو الجزيه يعني تحت سلطتي انا مش حد تاني ونصيحه ليك تعالى وانضم ليا وانا هخليك قائد الجيش يا اركون

اركون .. انت هتنسي نفسك يا سارومان انت مجرد خادم خان الامير سنان و تمردت واستولت علي الحكم اما انا القائد العظيم اركون قائد جيش سيف النور المقدس وتحت امري جيوش الممالك السبع الفرق بينا كبير انا ولائي وطاعتي للملك العظيم سنان ابن الملوك وعمري ما هكون تابع لشخص زيك سارومان .. بيغضب وبيسحب سيفه وبينزل عن العرش وبيتقدم نحو اركون اركون .. بيتقدم نحو سارومان

جنثار .. بيقرب من سارومان وبصوت واطى مولاي اركون قائد الجيش المقدس وجاي بصفته رسول ولا يجوز قتل الرسول وإلا هتلعنك الارض والسماء وكمان في حالة قتل الرسول ملوك مملكة الخلود بيدخله سارومان .. بلغ رسالتك بدون زياده او نقص

اركون .. من الملك سنان إلي الخاين سارومان ليس امامك وقت اما الحرب او الاستسلام و في النهايه لن يكون لك نصيب من النصر فالنصر حليف العظماء فستسلم وركع وطلب العفو والسماح وإلا سادفن جثتك في الممالك السبع وساقضي علي عائلتك التي افسدت في الارض والتي تختبئ في الجبال مع الفارين من حرب مملكة التسع سيوف والاستسلام هو خلاصك الوحيد الملك سنان ابن الملك برمان ابن الملك نعمان سارومان .. اذن هي الحرب ايها القائد

حارس بوابة القصر .. بيدخل مولاي جه رسول عن الممالك السته سارومان .. ادخله رسول الممالك السته .. بيدخل وبيوقف جنب القائد اركون سيدي قائد الجيوش تحياتي اركون .. تحياتي ايها الرسول

رسول الممالك السته .. بيبص للملك سارومان وبيطلع رساله وبيفتحها من الامراء الممالك السته الي سارومان عديم النسب من الان ليس بيننا كلام وليس امامك خيرا إلا الاستسلام للملك سنان ملك الممالك السبع العظام وإلا سنخوض حرب ستكون انت الخاسر الوحيد ونختم بولائنا للملك العظيم الملك سنان سارومان .. بعصبيه انصرف وبيبص لاركون انتو يعني اتحدو مع الممالك الست اسمع وانقل رسالتي لسنان

اركون .. تقدم الزم حدك يا سارومان اسمه الملك العظيم سنان سارومان .. بيحاول يمتص غضبه بلغ الملك ان الحرب هي من تحدد من المنتصر وانا جاهز ووقتها مش هرحمك يا اركون اركون .. بيمشي من قدامه بدون ما يسمع باقي كلامه سارومان .. بينزل من العرش و يقرب من جنثار انا هتجنن ازاي سنان عرف مكان عائلتي من سنين انا مخبيهم مع جيش مملكة التسع سيوف وكنت مستني اليوم اللي الخطر ينتهي وسيطر علي السبع ممالك عشان اجيبهم القصر

جنثار .. حتي انا ما كنتش اعرف سارومان .. الوحيد الي كان يعرف هو جهور معقول يكون اتكلم قبل ما يقتله جنثار .. المهم احنا لازم نجيبهم بسرعه في القصر عشان القصر هيكون هو المكان الوحيد الامن سارومان .. ما فيش داعي جيش مملكة التسع سيوف اتحرك فعلآ وهما معاه وبعد موت جهور انا هقود الجيش بنفسي وانت هتكون مسئول عن القصر في غيابي جنثار .. الامر لمولاي الملك سارومان وبيخرج وبيبعت رساله للملك.سنان

سنان .. بيقرب من جاسر وبيطبطب علي كتفه جاسر .. بيبصله وبيمسح دموعه يلا بينا يا سنان ده وقت الانتقام اركون .. بيظهر وبيركع تمت المهمه يا مولاي

سنان .. بيشوف طائر اللهيب وبياخد الرساله وبيبص لقائد جنود النور ايها القائد خد جنودك وقضي علي جيش مملكة التسع سيوف وفرد سيطرتك علي مملكة التسع سيوف جه الوقت انها تبقى تحت حكمي وعائلة سارومان هتكون معاهم لو استسلمت هاتهم ولو رفضوا الاستسلام اقتلوهم هما جاين من الشمال قابلوهم عند جبال الاساطير وبعد السيطره علي المملكه سيب جزء من الجيش هناك لحفظ الامن وتعالي علي ساحة القتال

قائد جنود النور .. الامر لمولاي العظيم سنان وبيتحرك هو والجيش سنان .. اركون اركون .. امر مولاي سنان .. ابعت امر للامير تاج يهاجم الحدود عشان يقضي علي وحوش الجحيم اركون .. بيقاطعه بس يا مولاي مستحيل الامير تاج يقدر ينتصر عليهم لوحده سنان .. لسا ما كملتش كلامى يا اركون اركون .. اسف يا مولاي الملك

سنان .. هتبعت جزء من جيشك تهاجمهم من الداخل وبكده هنشتتهم وهيكون النصر لينا وفي الوقت ده هنكون احنا في ساحة المعركه وبعد القضاء علي وحوش الجحيم القوات كلها هتنضم لينا ووقتها هنمحي جيش سارومان من الوجود يلا مفيش وقت اركون .. امر مولاي وبيرسل الرساله وبيرسل جزء من الجيش وبيحط عليهم قائد وبيرسلهم لمهاجمة وحوش الجحيم

تاج .. بتوصله الرساله وبعد ما بيقرها بيبص للامراء والجيش وهو علي فرسه جه الامر هنهاجم الحدود بكل قوتنا عشان نقضي علي وحوش الجحيم والملك سنان هيرسل وحده هتهاجم من الداخل يلا تقدمه وبيتحرك ناحيت الحدود والامراء والجيش كله وراه قائد جنود النور بيوصل جبال الاساطير وبينتظر وصول جيش مملكة التسع سيوف قائد جيش مملكة التسع سيوف .. بيتفاجأ بوجود جيش اللملك سنان امامه ويصرخ احمو عائلة الملك سارومان ويتقدم الهجوم

قائد جنود النور .. وبيكون هو في مواجهة جيش مملكة السيوف التسعه بجزء من الجيش عشان يخدع جيش مملكة السيوف التسعه وباقي الجيش جزء بيستعد للدعم وجزء علي الجبل بيستخدم الاسهم وبيبدا القتال وارض المعركه بتكون عباره عن نار وبتنهال الاسهم علي جيش مملكة السيوف التسعه وكرات النار بتنزل عليهم من اعلى الجبل تاج .. بيهاجم الحدود بكل قوته قائد وحوش الجحيم .. بيضحك انتو جيته لموتكم

..وهنا بتظهر الفرقه الي بعتها اركون من جيش سيف النور المقدس وبتهاجم من الداخل وبيجي جندي من وحوش الجحيم وبيبلغ قائدهم ان فيه هجوم من الداخل جيش سيف النور المقدس من اقوي المحاربين في هذا العصر ضحكة القائد تحولت لخوف وفزع في وحوش الجحيم قاتلوا بكل قوتكم وفتحو الجحيم خلي تنانين النار تطلع وتحرقهم وفي وقت قليل السماء كلها بقيت عباره عن نار من تنانين الجحيم سنان .. بيوصل ساحة المعركه وبيكون قدامه سارومان بجيشه

سارومان .. بيتقدم لوحده سنان .. بيتقدم هو كمان سارومان .. انا هتجنن ازاي انت لسا عايش وانا قتلتك بايدي سنان .. عشان نهايتك هتكون علي ايدي يا عبد يا حقير سارومان .. انا الملك سارومان واليوم هتكون نهايتك سنان .. الحرب هي الي هتحدد مين الي هتكون نهايته وبيسحب سيفه سارومان .. بيسحب سيفه هجوم وبيبداء القتال حرب طاحنه بيتحرك جيش سنان وجيش سارومان وبيكون قتال شرس لم يشهد هذه العصر قتال مثله فهو قتال للبقاء او الفناء …..