رواية ازمة ضمير الفصل الستون 60 - بقلم Rozaya1122

احداث جديده ازمة ضمير ..
للكاتبه روزايه ....
الجزء الاول .....

"ستشد عضدك باخيك"
الاخ هو ركن الروح....زواية الذاكرة مفصل الذكرى
هو ذاك الجبل الذي عندما تشتد مصائبي اسند نفسي عليه تلك كلماتي لمن كانوا ليـّۓ الاب والاخ والصديق والسند ثريا بين خمسة جبال...

كل جبل منهم اغدقني حنانا وعطفا
كانوا ليـّۓ اخوة وكنت لهم امآ
انا الثريااا انا تلك النجمة الساطعة بين خمسه
كواكب براقه..
اؤلئك الذين حفروا الصخر م̷ـــِْن اجلي
كي لٱ اجوع لٱ ابرد ولا ينقصني شيء
ليأتي ذلك الذي اخجل اطلق عليه اسم رجل
بل كان ذكر او شبه ذكر ليحطمني الى اشلاء...
ويجمعني اسودي لاعود لبوة لٱ يكسرها شيء...

اما انا غني عن التعريف انا الذي ضحيت بكل حياتي لاجلهم تضحياتي لٱ تعد ولكن يكفيني ان اراهم
حققوا احلامهم وصلوا لمبتغاهم ثم التفت لنفسي اكملت ما تركته وقعت بعشق شذرة رزقني •اللّـہ̣̥ ‏​‏​منـِْهـ♡̨̐ـِْا بثمرة واخذها مِڼـّي يكفيني تلك الذكرى التي سكنت قَلبـ♡ــيے. واحلامي...

حان دوري لاتكلم انا الذي كان كبريائي اكبر م̷ـــِْن حبي
انا الذي احرقتني حبيبتي بنيرانها واحرقتها بعزة نفسي
وبقيت وحيداااا. ارثي ذكرى عشق لم يكتمل
واغرقت نفسي بغربة لعلي انسى...

هل حان دوري بالحديث اذن انا  المتسرع  المرح المضحك وداخلي يبكي لعشق قتل قبل ان يولد
وعزفت عن الزواج ولكن قدر •اللّـہ̣̥ ان يفتح ابواب قَلبـ♡ــيے  لتدخله حورية تكمل نصف ديني...

اما نحن فكنا. نلعب لعبة القط والفأر
نتخاصم وتملأنا المشاكل ولكن كل ه̷̷َـَْـُذآ لم ينقص م̷ـــِْن حبنا ذرة واكملنا حياتنا سويا بكل صعابها...

يا الهي لقد نسيتموني الهذه الدرجة انا هادئ
لٱ يسمع ليـّۓ صوت كان ليـّۓ حلم ولكن لم يتحقق
بعد برهة وقعت في حب فتاة لطيفة كان القدر اقوى منا ف تفارقناا ثم عاد ليجمعناا سويااا لنتابع حياتنا بهدوئنا وعشقنا

هذه كانت حياة اسودي وحياتي معهم
ربينا انفسنا بانفسنا ذقنا طعم الفقر ومرارة الحرمان م̷ـــِْن الاهل ولكن كنا ك نياط القلب لبعضنا
أإأذأإأ تأذى احد منا تأذينا جميعااا
ادام •اللّـہ̣̥ اخوتنا ومحبتناااا
وجعلنا دائماا يداا واحدة...
......

ثريا.....
حاليآ عمري بالثلاثين اقل موقف اقل زلة خطأ اتذكر كلام فاروق ليالي طويله ظلمه مثل القبر هاي ايام الحزن
ليالي قصيره مثل لمح البصر هاي ليالي الفرح ..

بالفرح وبالحزن كلامه براسي موبس انه احنه الاخوه الخمسه ربينه على ايده علمنه الصح والخطأ كلنه كبرنه واعتمدنه على نفسنه بس مايوم وكعنه بمشكله او انكسر خاطر النه اذا مارجعنه ارتمينه بحضنه واحنه نسمع كلامه ونكوم من بين اديه واحنه نسنشق عطر طيب وطاقه ايجابيه عاليه..

وحده من الليالي واحنه مجموعين وناقصنه قيس بالغربه
جان شته والجو ثلج والصوبه النفطيه بالنص مخليهه وصينيه الاستكانات وقوري الجاي بصفنه وراسي على رجل الحجيه لان عندي صداع من الدوام...

وعمر بحضن فاروق ادهم جان اليوم نازل من الجيش وامنيه بصفه حامل بشهرهه وابنهه يلعب يمنه ... اوس هو وياقوت مرتجين على الحايط ويتهامسون ويضحكون ...

ايوب مصفط المخاد جوه راسه ومخلي رجل على رجل
ويلعب لعبته المفضله الحيه رغم احنه بسنه 2020 بس يلزم تليفون الحجيه اله يطفي شحن يله يعوفه...

ام ياقوت وامي لازمات السبحه وبس يستمعن
قليلات التدخل بالنقاش ... اما ام شذره مالهه نصيب
بالدنيا ماطولت وماتت قبل 6 اشهر وانتهى كلشي يخص شذره بس ظلت ذكراهه بگلوبنه وبگلب فاروق خاصه عمر نسخه منهه حته طريقه كلامه..

انفتحت مواضيع عامه انسولف عن فلان وفلان عن العادات السيئه كل مره يشتد النقاش بيناتهم ونرجع نحاول نهديهم ومرات تنتهي هاي الكعده باوامر فاروق يسكتهم خاصه ادهم وايوب الماعدهم نقاش بس يتعاركون...

هذا كلام فاروق احفظ كلمه كلمه ماانسه كلشي مجرد
مااراجع نفسي الكاهه ماخذتني لكلامه وهو ينعاد عليه
من احاول اصلح علاقتي باقربائنه اهل ابوي وخاصه بحكم عملي عماتي وخالاتي مرات التقي بيهم لان اغلبهم استقروا ببغداد وينتابني شعور الرحمه واكول ليش مانحسن علاقتنه بيهم ونرجع اهل ...

بس ارجع كلام فاروق من ناحيتهم ودائما يوصينه نكون حدين وياهم ومانترك گلوبنه تلين لان وراهه تجينه المشاكل من يكول لاتتوقعون من الصبار ينطينه ثمرة تفاح لازم نعرف اصل الاشياء وماضيهه حته ماننصدم بالمستقبل ...

كلامه المعتاد لايوب لان شلع كلوبنه مايقبل يتزوج كلما نفتح موضوع وياه وكال اريدهه على المرام بعدني مالگيتهه اريدهه ادگ هنا ويأشر على راسه ...

دائما يضحك فاروق على كلامه ويگوله  لازم تُأمن
ماكو وحده قبيحه ... اكو جميله!! واكو اجمل!!
واكو جميله حيل الى حد ماينوصف وتنحرف الكعده الى مغازله ويرد ادهم اااي بهاي صدك مثل امنيه جميله حيل ..

الحجيه.. وروح ابوي اذا عرس ايوب انزع هالثوب النيلي
والبس الاحمر مال البنوات واركص بنص النسوان
ايوب.. خرفيتي ؟!!

الحجيه..  مو وريت گلوبنه ماتعرس مو على ساعه اموت ومادحكت التدك براسك والله لادحكگ مسحول وماتندل دربك يا ابو الدروب..

ايوب.. ليش ماانسحل انسحل قبلي القاضي والعقيد
والطيار بقت عليه..

الحجيه.. حرام بس حجي ادحكنگ ذاك اليوم من اجن صديقات ثريا رجفت وفتحت باب الوره عبالك الصدر صارن رجليك يرعشن

ايوب.. تحجين صدك؟؟ انتي دحگتي صديقاتهه شلونهن كل الي اسالهه عليهه هاي من المنصور بنت فلان دكتور هاي بنت ابو البرلمان الحرامي وتريدين ايوب يبقه بي حيل موزين مشيت واني بطولي...

ادهم ... شجاك يول صاير بس تشتم الريحه تسلهم
اتزوج وخلصنه ..

ايوب.. غير ادحك وحده اطلع نسوانكم كسر خوما اخلي امنيه تغلبهه هسه عوفوكم مني لازم انزوج ثريا قالقتني هاي الفتره..

فاروق.. شاگيتلك؟؟
ايوب.. لا هي ماتشكي بس من انه ملاحظهه من تسمع وحده انخطبت بيبان الكاونتر والمواعين تصيح الغوث كولي جذب
يولي ؟!

ثريا.. فاروووق صيح بي انت ماتستحي صرت دكتوره شكبر اسمي وانت ماتقدرني ...
ايوب.. طبج طوب فوك ماحاير بيج وافكر واريد ازوجج
عوفي سوالف اووي ولااا على جهه اذا تقدملج واحد زين تقبلين؟؟

ثريا.. منوو؟؟ وشيشتغل ؟ وشكد عمره؟
ايوب.. يابه من احجي اطلع موخوش عجل منو صاح فاروووق وهسه تسألين عن مؤهلاته ؟؟

ثريا... ضميت عيوني باديه احس اشتعلت نار بنص اخوتي
ادهم... فد طايح الحظ انت ولاترهملك جاره اصلا اذا خطبنه الك نغش البنيه من نكعد نمدح بيك ..

ايوب.. على الاقل مادكيت دكات ناقصه ماشي جنب الحيط لا حبيت ولا غدرت الله يرحم هذيج الايام من جنك طلي اثول هسه صحيت..

الحجيه.. يبووو عليه دخيلك ربي دلينه ببنت الحلال التخلصنه من ايوب لازم اخوتك بالسره مدكلي شتريد منهم
ايوب.. شحجيت لان ذكرته بتاريخه العريق تاريخ الحكومه مالتنه الخايس..

فاروق.. الصبر ياربي يول ايوب اذا ماقررت تزوج ماتحس غير مكربسك بوحده واليوم العقد ...
ايوب.. احب التكربس كربسني تسوي فضل ماجاي اختار شسوي صديقات ثريا كلهن حلوات واريدهن كلهن..

ثريا.. مدنگه العب باصابيعي وهو والحجيه مداهر لحدماطفه التليفون شحن شمره وكعد ربع وكال نرجع لسالفتنه ثريا تريدين تزوجين شابه ومن حقج ؟؟

فاروق.. منو العريس احجي واحنه نقنعهه؟؟
ايوب.. ابن عم ولد وياي بالدوام استاذ بالجامعه مخلص ماجستير عربي وخوش انسان وبيت وحدهه ومامتزوج
جان ملتهي بالدراسه واعرفهم عائله زينه ..

الحجيه.. اذا زينه خلي يتفضل شكو بيهه هي تريد واحد واصل وخوش انسان بعد ليش تماطل بيهه؟؟
ايوب ...والله احجي الصراحه هاي ايجابياته اما سلبياته هو ماعنده نقطه موخوش بس شكله اكبر من عمره وخاف تمدلي السانهه ثريا وتصيح تريد تخلص مني ...

فاروق.. مالك علاقه بيهه اسأل علي اذا خوش ناس خلي تشوفه وتقرر
ثريا... فاروق مااريد اتزوج
فاروق.. ماكو ماتريدين محد يفيدج استقري مو اول وحده اطلگت شويه فكري بعقلج واحنه وياج موضدج...

الحجيه.. ليش ماتريدين شو جنج ورد وسمعتج وصيتج واكو دكاتره رادوج ليش هيج متسودنه علينه

ثريا.. جده شفتي كل الدكاتره التحجين عنهم متزوجين يعني اروح اخذلي واحد متزوج واهجم بيته مااكدر موبيدي مثل مااقبل وحده تهجم بيوت اخواني هم مااقبلهه على نفسي

انه مدلله هسه واحسن من ميه وحده عدهه رجل اخوتي يسوون الدنيا وهاي اللمه لو خلوهه بكفه والزواج وعائله وجهال بكفه اختار اخوتي يمهم ادللت ويمهم انام مرتاحه لادكليلي الراح اخذه يدللني مثل اخوتي ...

الحجيه.. بس اخوتج مادايمين باجر عكبه تروح الدنيا باهلهه  والله قدر عليهم منو الج لا عندج ابو ولاعمام ولاخوال

ثريا... من عمري على عمرهم عندي خمسه مو واحد راسي على راسهم اولادي هم اولادي اني مااريد اتزوج لان ماالكه مثل دلالهم شمدريني الراح اخذه مايطلع موخوش

فاروق.. بس مايصير نعمم اكو الزين واكو الموزين انشوفه ونسأل علي ترى زواجج السابق اختيارج جان وماردنه نكسر بخاطرج رغم اهله خوش ناس بس هو موخوش ادمي

ثريا... عوفكم مني من اريد اتزوج اني اجي واكلكم هسه
لازم يتزوج ايوب مايظل هيج
الحجيه.. اكو وحده اعرفهه بالشارع الثاني بتهه مثل الگمر كلت توالم ايوب خلينه انروح انشوفهه

ايوب.. شتشوفن؟!!!!! انه اختار وعود ادزكم مال انتن تختارن حطنهه على صفحه ماظل شي بس خلوني لاتفتحون الموضوع

ادهم.. يعني اكو وحده ابالك؟؟
ايوب.. ااي
الكل... منووووووووووو؟!

ايوب.. ياستار شبيكم صحتوا خليتوني ارجف
اوس.. يول ايوب لا تشاقه ؟؟ صدك اكو وحده
ادهم.. جذاب هذا ....

فاروق.. الرجال من يحب ويظل طاوي على نفسه ووره سنين  اختار وحب من جديد فراح يكون هذا الحب الحقيقي والعوض  لان كدر ينسه الاول يعني الاول راح يكون عابر وانتهه

ايوب.. صار 4 اشهر  هي ابالي بس شويه عليهه نقاط لازم انعدلهن بس اذا اريد اتزوج فأختارهه هي

ثريا.. ادنيت علي اريد اعرف منو صاح بيه لاتحاولين
اوس.. شتتهامسون تعرفيهه انتي؟؟
ثريا... اريده يكولي منو يله استعجل ايوب حته نخطبهه
ايوب..انه راح اطلع شويه واجي وهذا الخطاب شگله ثريا
متقبل؟؟

ثريا... هزيت راسي بأي وطلع ظلينه على لمتنه اجت عيني على امي اذا الحايط حجه هي حجت تعلمنه من ناخذ رأي لازم الحجيه هي ماناخذ رأيهه مانحجي وياهه بخصوصيات  تكعد تاكل ويانه وتكوم لغرفتهه واي حديث ماكو بيناتنه ...

مو كاعده كدامي بس اعتبر نفسي يتيمه وموبس اني كلنه  هيج اذا احتاجينه شي نركض للحجيه وهي من المنسيين  او بالاحرى گلوبنه حامله حقد وماكاعد انسامحهه ....

دحكت للساعه ب12 عمر نايم على رجل ابو كمت من مكاني شلت الصينيه ادهم وامنيه صعدوا لغرفتهم اوس ماكمل الكعده ويانه لان ورا دوام وينام من وقت رتبت المطبخ اخوتي رغم كبرهم بس الكلاص مال المي اذا شربوا يخلو على السنك الماعون مايرجعو افتر وراهم لحدما رجليه تنهلك...

طلع فاروق شايل عمر على صدره ماشاء الله حبيبي طويل وكبران بس ضعيف لان يتحرك هوايه ويوميه جاي لابو بسالفه جديده يوم رياضه يوم يريد تايكوندا وكله ابو حاضر وتدلل...

كلهه نامت امي والحجيه بغرفه وحدهن واني رحت لغرفتي  ايوب ماراجع بعده مددت بفراشي اتصفح بتليفوني سمعت الباب انفتح بسرعه غطيت راسي اعرف راح يطلعلي شغله من جوه الكاع اندك باب غرفتي وانفتح وهو يكول ثرياا لاتسوين روحج نايمه كومي اكوي قميصي

مارديت علي بالسويج يزرف بالبطانيه ويصيح كومي ثريااثرياا  ثريااا !!!

تنرفزت من اللح مالته رفعت الغطه وصحت شلون مااخلص منك اكو واحد يطلب كوي ب12 بليل..

ايوب.. موو عندي دوام وهسه دحكته يله هسه اسويلج واهس اغنيلج وانتي اكوي
ثريا.. كمت امري لله رحت لغرفته طلعت القميص وكمت اكوي وهو  كام يصلي ضحكت على اساس يغني بس جذاب دائما هيج وقت ادحكه يصلي ...

كملت كوي وعلگت القميص ورحت لغرفتي بالي فارغ حلو شعور الانسان يكون مرتاح مايفكر هذا هيج وذاك هيج مايفكر اليوم فلان ليش ماخابرني وليش ماسأل وليش حجه هيج شعور خفيف ومريح من يومك يمشي بالعمل وانت خالي من كل تفكير وشعور ويجي الليل تنام براحه...

ثاني يوم اروح ويه فاروق يوصلني للمستشفى وعموري نوصله لمدرسته جنت امشي بالعلاجات اوقع على حصه اليوم  ودك تليفوني ادهم فتحت خط كال امنيه عدهه ولاده راح اجيبهه للمستشفى ...

كمت من غرفتي دورت الطبيبه مالتهه امنيه من النوع الجبان ماتقبل اتجيب طبيعي رغم هذا طفلهه الثالث واله عمليه  وحته الطبيبه تقنع بيهه لان حالتهه مال طبيعي وهي تصيح اخلي ابطني ومااجيب طبيعي واخر شي تحولهه على الخاص

صارت بينه خوفه من كل وحده من نسوان اخوتي من تصير عدهه ولاده بسبب الصار لشذره بحيث اله بالخاص واحسن طبيبه وكلنه نوكف على راسهه وره كل ولاده لوحده نذبح ذبيحه نوزعهه واحنه نتذكر شذره واسمهه عليهه شلون  راحت بسرعه من اهمال الطبيبه...

دخلت للعمليات وادهم كاعد ينتظر اوس وياه مسانده الحجيه لازمه السبحه وتسبح ياربي طلع امينه سالمه وفرحنه بيهه  عيونه بالساعه انخاف لا يمر الوقت وماتكعد مثل شذره فاروق ...

طلعت الطبيبه تضحك كالت ثريا اجاج ابن اخ دبدوب
الحمدلله على سلامتهه وين زوجهه وضحكت كالت
مرتك خبصتنه بالافاقه تصيح ادهم احبك

ابتسم ادهم واني الفرحه ماواسعتني اجانه ولد زادت عائلتنه اسد ...اولاد اخوتي قطعه من روحي دخلت لغرفه الافاقه  بعدهه موحيل منتبهه بس لازكه الكلمه بحلكهه ادهم احبك

حولوهه لغرفه خاصه انملت الغرفه من اخوتي سوالف وضحك وكلساع وكالهه اوس... ادهم احبك
امنيه.. انه وين احجي هيج؟؟
اوس.. هسه احنه مجذبين هاي ثريا شاهده

امنيه.. ديله غير ماادري بروحي وليش مااحبه غير هذا ادهم نسيتوا السواه
اوس..لا منو ينسه وين راح ايوب ويذكره بتاريخه

ثريا.. ادهم يفرك بشعره ومبتسم واوس يتشاقه انفتح الباب ايوب جايب امي وياه وكال رجلي حكتني حجيتوا عليه مووو؟؟

الحجيه.. على اساس ماسمعتنه
ايوب..وين اسمعج بس رجلي من تحكني ماتجذب
التفت على امنيه وكالهه الحمدلله على السلامه
امنيه.. الله يسلمك يوم انشوف جهالك...

الحجيه.. ادعيله ابنيتي انتي هسه والده بلكي الله يهدي
راسه شيب وهو لسه مالكه التدك براسه

اوس..دعوفي ياجده والله لاكيهه وهسه يفاجأنه ويكول
روحوا اخطبولي
الحجيه.. الله يسمع منك
اوس.. انه سمعته يتفق ويه فاروق والظاهر اهلهه شويه معاندين..

الحجيه.. صدك يول ايوب ؟؟
ايوب.. وانت من سمعتنه شكو تحجي كبر لهالوجه والله لومااكبر مني عرفت شسوي بيك
اوس..انجب اكبر منك واطيح حظك وهسه امنعك ماتزوج.

ايوب.. ماتلصم يمنعني !!
الحجيه.. شبيك مغثوث معناتهه حجي اخيك صدك؟؟
ايوب.. اي صدك ماينطي ابوهه لان اصلنه مو بغداد وهو ابوهه غثه مدري شلون اتحمله وهذا دحكي المسموم الكدامج اوس جايين يسألون عليه موصين صديق اوس

وكايلهم والله اخوي مشكلجي ويدور طلايب ولو اسوون علي كشف تلكونه بطنه مزرفه ومشارك بالمظاهرات ومطلعني داعم  حته للاحتلال ومشارك بغزو الكويت بين قوسين مطلعني من الكلجيه..

الحجيه.. صدك اوس يمه لو هذا المدهور يتشاقه انه مااعرفه يتشاقه لو صدك؟؟
اوس.. والله ماادري بي علمود الخطوبه هو صديقي بالمختبر انفتح موضوع وكال ايوب شلونه احسه مومثلكم وحجيتله الحقيقيه

الحجيه.. ليش ياجده هذا اخيك شلون اتذمه
اوس.. والله ماذميته بس سألني اسئله وجاوبته شمدريني نيته يستفسر وهسه شدعوه على ابوهه
ايوب.. اذا اخوي كايله كلب ابن كلب بعد شلون ينطي بنته

الحجيه.. امشونه للبيت وانطيني صورتهه وانه اقرالك تصير لولا امشي هسه فاروق يحلهه عود نتبره من اوس نكلهم هذا ابن مرت ابو وحجه علي يكرهه..

اوس..تبريتي مني.
الحجيه.. اتبره من عشيرتك علمود ابو سمره واللزم الامر انه اروح لابوهه شنو بس هو عنده بنت تلكاهه نايمه على كلبه ومن شاف وليدنه كام يتعزز...

ثريا.. انه ظليت يم امنيه والبقيه راحوا ادهم بليل رجع للبيت ثاني يوم طلعنه صحتهه زينه الطفل سموو محمد وذبحنه ذبيحه وزعناهه على سلامتهه...

بهاي الايام انخبصنه بموضوع ايوب لان ابوهه قافل يكول ماانطيهه الهم اصلهم موبغداد بوقتهه ايوب ساكت بس مبين ياكل بروحه ومن خلالهه اكتشفت ايوب مو مجرد زواج تقليدي اخويه حابهه وغرگان

جنت بالمطبخ المغرب واسمعه هو والحجيه خابصين الغرفه وهي خربانه ضحك رحت ادحكهم بيدي الخاشوكه اسوي عشه لكيتهم  كاعدين والحجيه لازمه تليفون ايوب وتقرب بصوره البنيه

الحجيه.. يول ثريا شفتي هاي المختارهه ابو سمره تور ور يايمه بسلا تكسر امينه
ايوب..شو جيبي كمتي تتغزلين وانه ابوي يرگص بگبره
الحجيه... انطيني ياملعون خليني اصفن عليهه واحجيلك

ثريا..ركضت للمطبخ طفيت الطاوه ونزعت الصدريه ورجعت كعدت بصفه ارتجيت على رجله والحجيه صافنه بصورتهه جان دكول هاي تصير واشوفهه بصفنه تكعد
مو ويانه هاي عرمه وكحه بس حنينه وكريمه بس تصير وحياتك حلوه مثل حياة اوس ..

ايوب..جيبي كافي واخذ التليفون ضمه بجيبه وكال هي مال عرمه صدك عرمه بس ينرادلهه تكتيك هسه حاجيني ابوهه قافل يكول هذا الازرك ماانطي...

الحجيه..عوفهه وره اخوك بس اصبر شبيك يول سنين تصيح مااريد اتزوج هسه تكمز شجاك اثگل ابو سميره
كتلك تصير اخذهه من جديتك ...

ثريا.. عفتهم يسولفون وكمت الامانه لله البنيه حلوه بس متحرره مو مثل طبعنه احنه لبسنه طويل ومانلبس بنطرون وعلى الخصر هي لبسهه راقي ومكياج اخر حبه
وساعه اكول هذا ايوب المايعجبه العجب تارك كل السلبيات ويوميه داز ناس على اهلهه اتمنيتهه تصير
حته اشوف اخويه فرحان..

مر اسبوع وفاروق داز ناس على عمامهه وصاير حجي وعمهه كايل مالكم علاقه بابوهه هو متمسك بيهه وحيل
مدللهه تعالو وان شاء الله الكم ...

اتفقنه انروح نخطبهه رحت انه والحجيه وامي وامنيه
جان هو بالدوام ووصلنه اوس احنه ماخذين موعد لان عمهه جان الوسيط اول مادخلنه امهه انسانه فقيره ومبينه من اهل الله رحبوا بينه واحنه عينه على الباب انريد اندحكهه...

شويه واجت قدمتلنه عصير عفنه امهه اتسولف واحنه صافنين عليهه جمالهه عادي وتختلف عن الصوره يمكن لان ممخليه مكياج بس عجبتنه حجت الحجيه وهي تمدح بايوب ابو الهمه ابو الوكفات اخو اخيته وامنيه كلساع تكرصني لان كال موتروحن دكولن مشكلجي...

طلعنه منهم واحنه ننتظر جواب منهم رجعنه حجينه اله وهو ساكت والحجيه كلساع وكالتله لابسه هيج وكالت هيج وهو يصيح اقهريني بعد اقهريني....

واسبوع يمر ويجي الثاني وماكو جواب وايوب ساكت وفاروق يكول اصبروا جنه نتغده يوم جمعه ودك تليفون فاروق عمهه المتصل وكاله البنيه الكم خير البر عاجله..

ذاك اليوم الضحك الي ضحكناه مايتكرر ايوب كمز من الاكل ويصيح هسه تكومن تروحن يول خلي انكمل الاكل
عدل بدل جان غدانه ب3 متاخر وماخلانه انكمل وكمنه انبدل ويصيح شتطلب صمن حلوكجن وكولن اااي...

وصلنه لبيتهم وهالمره راحت ويانه ام ياقوت اتفقنه على المهر ماطلبوا هم بس احنه حجينه وكالوا هاهي
ابوهه صعب ومقنعي ماراضي من گلبه بس المهم صارت
فرحتنه جبيره بيومهه

وره يومين راحت المشيه وهناك عاقدلهم الشيخ احنه مارحنه لان كالت اسوي حفله وره ايام سوت حفله
وعزمتنه وجانن عماتي يمنه ورحنه هجوم عليهم
موانه ثريا طلعتهه من ماعونهه ارگص مثل الخبله
ممصدكه ايوب راح يتزوج...

ومن هذا اليوم غط ايوب بغرفته نصيحه على الغده صاح بعدين يمعود تعال تعشه يصيح بعدين والحجيه تصيح
هذا الولد مفجوع والبنيه اضرب منهه مايطلع لازك بالغرفه ...

هنااا جنه كاعدين نحدد العرس كال مااتزوج اذا مايجي قيس وقيس يكول انتظروني راح يرتب وضعه ويجي
الفرحه فرحتين اشوف حبيبي الحنين العاش بالغربه بسبب گلبه المارضه يسامح...

ياقوت... امنيه شبيج ضايجه
امنيه.. بيه وجع سوده بوجهه التاخذلهه ضابط طكت روخي ياناس بس العندي هيج عنده معجبات ووين يعرفنه تعالن فهمني وين

ياقوت.. عبالي شو شبيج دكومي وبطلي غيره سمعتكم اليوم تتعاركون وطلع ضايج هو ينزل اسبوع تتلگي بالمشاكل ..

امنيه..شوفي تليفونه كلساع طن طن اشعارات يتغزلن
ووحده دكله اروح فدوه لهالوجه وهو يكول مااعرفهه
وتاهت عليه خاف يصدمني ويجيبهه فوك راسي
عنده سوابق قبل ...

ثريا...وهيج مشت حياتنه خاصه امنيه الوحيده التعاني من ادهم لان نسوانه جثيره يحلف ماعنده شي هن يدخلله خاص ويوميه نازله تشكي لفاروق ووراهه ادحك ادهم يبوس بيهه مكانهم للمعتاد المطبخ وهي تتعزز...

فاروق مستقل حته مانعرف بشنو يفكر بس حياته بس شغل وعمر مايشاركنه شي ياخذ همومنه بس ماينطينه
همه وهذا المتعودين علي...

احنه من زمان مشترين البيت البصفنه بيت قديم من خطب ايوب هديناه للكاع واخذنه من حديقتنه وبنوا بيوت اثنين واحد لاوس وواحد لايوب صار ايوب بالنص وعلى كل بيت باب نهايته ابيتنه الجبير بس ادهم ماطلع لان عسكري ومايكدر يعوفهه وحدهه ...

بيوم منهن جنت اشوف تلفزيون وانفتح الباب التفتت اشوفه عمر كعد يمي وكال عمه اريد احجي وياج
بسته من خده وكتله كول ياروح عمتك

عمر..عمه بابا يمكن راح يتزوج
ثريا.. استغربت من كلامه كتله شمدريك ؟؟
عمر.. انه ادري عمه مااريد يتزوج خاف تاخذه مني
وانه ماعندي ام ..

ثريا.. محد ياخذه منك انت روحه انت ابن الغاليه
وانت اسدنه ماتبقه وحدك انه وين رحت عمري الك
تروحلك فدوه ثريا ...

دحكت الدمعه تلالي بعينه ومااعرف منين سامع هالكلام
ولا اكدر اسأل فاروق مانحصل منه جواب بس مستحيل يتزوج فاروق لسه تارك ملابس شذره بالكنتور لسه مكياجهه على الميز وعبالك غرفه عروس...

مرات ادخل للغرفه الكاه فاتح الكنتور وصافن بس مايبين على نفسه موبهاي السهوله يتزوج بس عمر متاكد
ومبين حزين طلع عموري واني رحت للحجيه احجيلهه
هزت راسهه كالت ادري ادري...

ثريا.. منو هاي؟؟ وشلون اقتنع
الحجيه.. ماادري بس كالي راح اتزوج وبليل يجتمع بيكم ويحجيلكم علمي علمكم ماادري..

ثريا.. مصدومه من الخبر رغم شكد جنه نحاول يقتنع بس لان الخبر فجأه انصدمنه بليل كاعدين ونتتظر يحجي وعمر زعلان علي حته ماكعد بحضنه..

شويه وكال ادري بيكم سمعتوا عمر كال الكم والحجيه
واكيد عدكم تساؤلات بس خلوهه بعدين تعرفون السبب
بس اريد تتعاملون وياهه بأصلكم وتربيتكم الربيتكم بيهه
مااريد ادحكون نفسكم اعلى مقام منهه بس هذا الي اريده منكم...

حجه هيج وكام باوعت لايوب سر فاروق عند ايوب
رفعلي حاجبه وكال بطلي اسأله كمتي تحوصين
وراح تخليني اكتهن كلهن

ثريا... ههههههه بداعه سمر
ايوب.. لامزاعلهه....
ثريا.. ايوب احجي لخاطري انه ثريا عزيزتكم
ايوب.. شوف اللواگه حجي مااحجي ادهم يدري خلي يحجي

ادهم.. منين ادري انه اخر من يعلم اليوم اجيت وتلكيتوني امنيه تعد من جهه وثريا من جهه
لو ظال هناك احسن..

الحجيه.. شو خلونه من هاي السالفه هو يحجيلنه انتن ابو سميره شو ماجبت محروستك اتزورنه ونتعرف عليهه
مو هيج العادات..

ايوب.. ابوهه مايقبل من اروح الهم يكعد يگابلني ويحجيلي عن نور المالكي ويعددلي بانجازاته
ويكول اريد انتخبه وانه حسيت نفسي مندس شلون بالمظاهرات اصيح كلا للمالكي وابو مرتي مالكي اصلي
باب اول...

ادهم... ابوهه صعب مبين ماراغبك
ايوب.. يتخبل مني يفتحلي الباب ويضرب ركن يمنه وذاك لليوم كلت اريد اصير بدون احساس والزك منا لمن ينعس وينام ...

شو مدد على التخم ونام وعينك عينك ماكام وايست وكمت وكلما تصير ضحكه كح من يمه عود اذاني
يمكم طلعهه سم مو خطوبه...

ثريا..خابرتهه كالت ايوب متخبل من بابا
ايوب.. صدقه لابوهه دايس ابطني. كلساع وكالتلي بابا
حباب وهو ماخله درب مامشاه وياي
وهسه بالجديد يكلهه ممنوع يزورج بليل
لان البيت من الشيطان ماادري شراسم عليه براسه...

ادهم...مثل صديقك ابراهيم ؟؟
ايوب..ابراهيم طردوا طلعله من الباب طرده كاله اذل اجيت منا للعرس اكسر رجليك وليوم العرس يله وصلهم
حته من نوصل شارعهم يگلي فر فر لايشوفنه...

وهسه متزوجين ولو بنص الليل يدك ابوهه ابراهيم
ينگلب سحير الليل ويركض سمعا وطاعه مره زعلهه
لو ابتله على عمره خلاه يركض والعشه خباز...

الحجيه.. يدرون بيكم مكسرين يخافون على بناتهم
ايوب..جدي ابو ابوي جان يكول نختلي بالبستان بالخطوبه وهسه بالحريه وابوهه ياخذ قيلوله يمنه
يقنعني ابوهه بخطوبته جان يتعبد ...

الحجيه.. اصبر تجي يمك واخلص من ابوهه
ايوب.. تكدر تحجي على ابوهه تمرعد وتذب بابا بابا
كلشي ولا بابا وخاف دكله ويطردني مثل ابراهيم

امنيه.. كلهه فتره خطوبتهه حلوه بس اني شتذكر
وشخلي؟؟
ايوب..اتذكري ادهم طلي اثول نايم يم اسماء ساحلته
سحل وانتي مخلصتهه نوح الحمام اذكرج لوبعد

ادهم..عاد لاتخبث انفتح الموضوع اليوم للصبح تنوح يم
راسي
امنيه... قابل جذب اخذت سنتين من عمري شلون سامحتك ؟؟
ادهم..ابوس راسج اسكتي هذا ايوب وحق الله اذا ماسكتت مابيدي شي اسوي بس اخلي ابوهه يطردك طردة ابراهيم...

ثريا.. بين الضحك والسوالف دك تليفون امنيه كالت هاي نيران فتحت خط وهي تسلم عليهه ووجه امنيه مايتفسر
وهي دكلهه يضربج؟؟ وانتي ساكته ؟؟باجر
يجيج فاروق شكالوله تايهتله...

بنفس اللحظه الي امنيه تحجي ويه نيران دك تليفوني
قيس كمت للغرفه احاجي الحب الحقيقي والعشق ماراح يختفي بيوم وتبقه الگلوب سواجي...

اول جمله اله وهو يكول ثريااا نيران بيهه شي
كلبي مامرتاح صار ايام وعبالك اليوم تفارگنه!!!

.
.
.
للحكايه بقيه ....... احبكم