رواية بعد منتصف الليل الفصل الحادي والستون 61 - بقلم غير معروف

مساء   المحبة على قلوب الاحبـة .. 🌱...❤️

#التاسع   والعشروون  من الفصل الثاني

#حرير#بعد_منتصف_الليل  .

بقلمي #نشــــوى_السٌــلطان

دلووعتي كل الحلا فيهاا احترت
انا مدري شسميهاا  في حسنها
كأن البدر  ضاوي اخت الگمر محدن يساويها

حرير.. رفعت راسي وكمت الحيلي .. ادحك على نفسي ولا عبالك اني لا مستحيل غير شخص

سحر... طلعتيها حلوة عاشت ايدج

ام الصالون... والله هي حلوة بدون كلشي

حرير... شكرا كلش حلوو والله عجبني

فرح.. ولج خل يجي دحاااام ويشوف الكيييييك

حرير... بس جاوبو اسم دحام گلبي عصرني حسيت بخووف ورهبة وخجل .. شون راح انجمع اني وياه بمكان واحد.. رجعت كعدت بمكاني

سحر،. ترررة جاايين بالطريق ..

فرح.. عجل لمن الغراض خلوها بالجنطة

حرير... كعدت عالكرسي والبنات بقو يتعاملون ويا ام الصالوو واني صفنة توديني وصفنة تجيبني ..

فرح.. خابرت خالتج رشا جايه هي والبنات

حرير.. ياااا صدك ايي هم زين امي   خالتي رشا جتي...

دحام.. وصلنا للصالون نزلت اني وامي وشذى

سحر... دحكت من الجام شفت احمد ودحام وامي نزلو والسيارات وراهم .. صحت يولو
وصلووووا جة دحاااام

حرير... اول ماكالت وصلوا انتهيت جمدت بمكاني... اريد اكوم ماكدر اهجس جسمي ثلج

فرح... فتحت الباب...

ام دحام.... كللووووووش وينها عووستناا

ام فهد... بسم الله .. اللهم صل على محمد..

دحام،. بقيت واكف يم الباب فاتن امي وخالتي

فرح... يله حبيبتي كووومي

ام دحام..، صلوو على محمد يمة شحلات عروستناا

حرير... الكل يصفك ومخبوووص اني اهجس اذاني توووش مدري شبيها ... النوب جسمي باااارد مثلج ...

فرح... ها حريررر بيج شي

حرير.. هزززيت راسي لااا

ام دحام.. كدتها من ايدها اني وشذى وطلعنا عالباب..

دحام.. مندار داحجي ويا محمد .. صديت صارو ورايه ...

حرير... رفعت راسي .. دحكت دحام واكف جدامي .. ماكدرت اخلي عيني بعينه دنجت بسرعه ..

دحام.. مشيت عليها كبل ماشوف شكلها زين شلت البركع وغطيتها ..

ام دحام.. والله زين سويت الشارع مليان زلم

دحام.. همست بصوت ناصي ..نمشي

حرير.. اي

شذى... كلوووووش صفكن شبيجن.

دحام.. وصلت للسياره صعدتها لجدام كعدت اني وياهه وحدنا....

حرير.. مشة  هو والناس ورانا اني مارفعت راسي بقيت بس مدنجة

دحام... صديت عليها.. حبيبي .. شبيج شو ساكته

حرير.. لا مابيه شي ..

دحام... تدرين .. شكبر فرحتي... والله ماتوصف

حرير.. كالو جايه خالتي بس ماشفتها

دحام... اني وين وانتي وين..

حرير.. شنوو..

دحام... ماكو شي حبيبي

حرير.. اريد ارفع البركع كلشي مادشوف

دحام... لااااااا ابد ربعي كلهم ويايه مابقى شي راح نصل...

حرير.. ضوجني والله مادشوف

دحام.. وعيونج ماينرفع ... عوفي هسه

حرير.. اوووف ماارفعه

دحام... ههههه يولو والله ماريد بشر يلمح عيونج شتحجين انتي لو عليه اشيلج اخليج بنص گلبي وماخلي احد يشوفج

حرير.. خلص هاي هي بكيفك

دحام.. طبعا بكيفي عجل بكيفج انتي هسه مااالتي ملكي وحدي ..

حرير... لااا والله...

دحام... هههههه اموووت عليج والله

حرير .. صديت شفت فروحة مدري شتأشرلي

دحام.. دحكي العالم كلها فرحانه الفرحتي

حرير... اي داشوفهم..

دحام.. شغلت المسجل.. اغنية... طلعنا للبيت

حرير... طول الوقت ماحجيت شي بس اضحك على سوالف فرح .. تأشرلي من بعيد مدري عليمن هالمرة دتقلد هههه،،،

دحام،، تغديتي لو لا خاف جوعانه

حرير... البنات جابولي نسلتة وعصيرر

دحام... هههه اتغديتي نستلة يول انتي نستلة شنون تاكلين نستله

حرير.. اهلك راح يباتون بالبيت...؟

دحام،.. عوفي اهلي... بعدج على نفس خبالج يعني انتي كل عقلج اكون اني وياج ابيت واحد وتمنعيني منج..

حرير،،،  رفعن راسي عليه يعنييييي شنووو

دحام... يول يااال عجل حرمتي اللي احبها وماصدكت اخذتها وفزت بيها تمنعني منها ادري

صايررة دايرة.. يول والله وريتيني ووررر  حركتيني حررررررگ ااااخ منج

حرير... دحاااام احنا هسه بالطريق اجل السالفه...

دحام .. اي اي مأجليها لا تنخبصين اني ماريد شي اذا موو برضاتج

حرير... وصلنا المنطقة،. دخلت الفرع ادحك هذا بيت اهلي .. هين ربيت هين كبرررت هين گلبي

ربه وعاش على حب سعد..، وصلت جدام بيت عمي اااخ اهجس خنگة وعبرررة لازمتني ..

جنت اتمنى هين زفتي بهذا البيت.. اجي ولابسه فستاني الابيض ويتلاكني زين الرجال...بطوله

الحلوو والضحكة مرسومة على وجهه الله الله  ربيييي شكثر مشتاكة اشوفه احجيله اشكيله

االي بداخلي ..تمنيت اشووفه لو لحضه تمنيت انجمع وياااه

وتمنيت يااااما لكن الامنيات راحت وياه .. قدرنا اكبررر.. من عدنا غااب هو بكن حاظر وسط صدري مايغيب ... سحبت نفس عميييق قريتلو

الفاتحة.. واني صافنه انتبهت الكل نازل والركص والهوسة بالشارررع  دحام نزل فتحلي الباب. تلكني شذى وفروحة

فرح... يله جبيبتي... انزلي

ام دحام.. فوتي برجلج اليمين بنتي...

حرير... سميت بسم الله... جة دحام وكضب ايدي... رفعت راسي صديت عليه

دحام.. مبارك علينا يالعمرر انتي

فرح... ياعيني عالحب.. ههههه الله يهنيكم

حرير... طبيت اني وياه كعدوني بالربعه ...

كعد يمي دحام .. جوو الزلم كلها وكفو كبال الباب ادحك عليهم من الجام.. يركصون ويهوسون...ويغنون

ام دحام.. شيل البركع خطيه خليها تشووف ماكو احد غريب...

دحام.. لا الزلم جدامهااا موهسه

حرير،. تره اختنكت اريد ارفعه😒

ام دحام... والله الا تشيلوو ماكوو احد غريب

دحام...   اااخ منكم النسوان اذا تريدن شي صديت عليها شلت البركع

حرير..، رفعت راسي.. صارت عيوني بعيونه والكل عيونهم علينااا.. خجلت دنجت

دحام... ماشاءالله... ول ول يمة... دشوفين ابنج شحابلج...

ام دحام... ملكة والله يبعد امك الله يسعدكم

دحام.. ملكة وملكت گلبي... رفعت راسها بأيدي دحگي عليه...

حرير... رفعت راسي ودحكت بعيونه واني ميته خجل وخووووف مرتبكة اهجس روحي صخنت

دحام.. بستها من گصتهاا...

شذى... كلووووووش ... ولجن علن المسجل

ام دحام... طفنا تعاي ام فهد اليوم اريد ادبج دبج لحد يوكفني ..

دحام.. ههههه على كيفج يمة لا تكعين..، كمت الحيلي...

ام فهد.. وين راااايد

دحام.. هوسن بكيفجن اني اروح يم الزززلم
صديت على حرير... حبيبي.. اذا ردتي شي لا تستحين خابريني وين مبايلج

حرير.. موجود.. يم فرح...

دحام.. عجل اذا ردتي شي خابريني... عفتهم وطلعت...

محمد.... هيييان طلع العريس يول وينك

دحام.. هااا شبيكم هيان جيت تالي وياكم منو جان يدك عليه حولت الجهاز صامت

احمد.. ادري لزكت جوووه عمي لاحك على حرمتك ماراح اطيررر..

دحام.. يول هو غير لو شفتهت مثل العالم النسوان فوك راسي ماخلني اشوف دربي

محمد.. امشي برة الزلم ..

دحام... طلعت يم الزلم.... كعدت يمهم

احمد... خل نلعب جوبي وينهم الربع...

فرح... باب الحوش مفتوح اندحك عالزلم كلهم بره يلعبون جوبي جدام الباب. صحت يولي حرير كووومي شوفي دحام شلون يلعب جوبي

حرير... لا خليني كاعده ... ماحاجة

شذى... ياالله شحلوو يدبجون...

فرح.. دحكي هذااك حسن طلع يعرف يلعب جوبي مادري بي... 😍😍😍

شذى.. الناس بالناس وهي عينها على حسن

حرير.. صار المغرب صبو العشى للزلم والنسوان

ام دحام.. بنتي راح احيبلج عشى هين وانتي كاعده اكلي..

حرير... لاااا خاله ماريد والله

فرح.. شنو ماتريدين انتي كلشي موماكلة

حرير... فرررح والله مااكدر عوفيني

شذى.. يله بعدين هي وياه يتعشووون

سهام... دتكلكم ماريد عوفوهااا جلبتوو

فرح.. حبيتي شو ضايجة خية شبيج انتي منو يمج .... 😒 غير انخاف عليها خمو مثل غيرنا

حرير.. بنات صلوو عالنبي

سهام... شتقصدين...

شذى.. سدووو السالفه جة دحااام

ام فهد.... هلا هلا كلووووووش وخرررن سوو درب تعال بعد خالتك...

دحام.. وكفت يم الباب.. ول سحر نصي المسجل

حرير...رفعت راسي دحكت عليه

دحام.. اكلتي لووو لا

حرير.. اي اكلت

فرح.. جذذذب والله 😂😂 مااكلت مدري شبيها راح تمووت عبالك راح يعدموهاا

حرير... فرررررح😱

شذى.. عزززة عليج ههههه ولا تكعد راحة

دحام.. هههه لا حبيبي اكلي موزين عليج يمة وينج جيبولها عشى هسه

سحر.. مو جبنالهاا ماتريد..

دحام.. موبكيفهااا... تاكل هسه... يعني شنوون اليوم وياهه كلشي عدها لااا صديت عليها ابتسمتلها وطلعت

فرح.. هههههه العب دحام اليوم عرف حرير راح تشلع گلبو لجدام كال كلشي لا عدها

حرير.. بسيطططة فرح خل يفض العررس اني اعلممممج

فرح.. ههههههه خل يفظ وسهلة...

حرير... كل ما ادحك عالساعه اموت الف موته خايفه مدري شبيه معقولة راح ابقى هين والكل
رااح يروح ويعوفوني وحدي ...

محمد... يله فضوهااا عاد خل نزززف

احمد... ها دحام شتكووول..،

دحام... لا دقيقه خل اخابرهم ... اخذت التلفون ورحت غادي منهم... خابرت عليهاا

شذى... يولي فرح التلفوون بجنطتج ايدك

فرح.. ياااا اكيد هذا حسن.. فتحت الجنطة
لااا هذا دحام ديدك على حرير...

حرير... سمعت اسم دحااام عبالك اتكهربت

فرح.. الوووو هلا دحام..

دحام... وينها حرير...

فرح.. ولجن نصن المسجل مادسمع

دحام... انطيني حرير ونصن المسجل...

فرح.. نصيت المسجل وديت التلفون الحرير

حرير... شكوو شيريد ولج

فرح... دحجي شبيج قابل راح ياكلج

حرير... اخذت التفون منهاا الوووو

دحام... حبيبي... خل البنات يصعدوج فوك

حرير.. ليششش،،؟

دحام... ربي كلهم راح يطبون جووة يردون يسوولي هوسة..

حرير... وهسه شسوي اني..؟

دحام... اني هسه افهم امي.. المهم انتي اصعدي جدامي...

حرير.. يعني انت راح تجي ورايه..

دحام.... هههههه بالج امين لا تخافين ماراح اكلج الزلم وياي يولي افهميني

حرير... ممممم اي صار هسه

دحام.. ول فديت محبوبتي اني...

حرير... سديت الخط...

فرح.. هاااا شكووو اعتررفي شيريد

شذى... ههههه ولج عوفيهم

حرير... يولي اني وين وهاي وين اصبري خل يخلص العرس اني اعلمج

فرح.. لا تفريها علينا احجي شجنتو تسولفون
ادري لاحكين مابقى شي ويزفوكم تخبلتو خمو تخبلتووو 😜

حرير... يااااا دحكي هاي شتحجي....

ام دحام.. يلة بنوات صعدوها فوووك راح يطبون الزلم

سهام.. شنريد منهم خل يطبون غير سويه يصعدون...

فرح... لا عيني يخاف عليها ويغار مايقبل احد يشوفهاا😌

سهام... بكيفكم عينيييي شعلي اني

حرير.. صعدوني النسوان ... بهوسة وهلهولة
واني كل درجة اخطيها گلبي يدك الف دگة وصلت الغرفتي...

ام فهد.. اكفي .. فوتي من جوة القرأن ٣ مرات

حرير... خطيت ٣ مرات سميت بسم الله وطبيت الغرفتي...

فرح... شكد حلوووة الغرفه شهالترتيب

ام دحام... تستاهل الحلووة ماي العيون كون الله يسعدهم وحرير تجيبلي اصـبي يمله حياتي كبل مامووت

شذى.. عمرج طووويل خاله ان شاءالله ربي يفرحكم

ام فهد... يله جوو الزلم....

سهام.. يولي سحرر منو هذا الابس نيلي

سحر.. هذا فهدد ابن خالتي ليش

سهام.. عندج هيج ابن خاله واني مادري

سحر.. انزلي جووووي احمد وياهم خل اشوفه

حرير.. الكل نزل بقيت بس اني وشذى وخالتي

رشا.. حبيبتي.. خمو تريدين شي كبل ماانزل

حرير.. لا خاله سلميلي على امي

رشا.. اني انزل كبل مايجي دحام بوستها ونزلت

شذى.. حضنتها بوستهاا شايفه كل الخير حبيبتي والله فرحتلج عبالك اختي وتزوجت البيت راح يضلم بلياج..

حرير... والله انتي اختي وامي وكلشي ماانسى وكفتج ويايه حبيبتي

شذى.. يله حبيبتي ماوصيج لا تتخبلين على دحام تره موتي والله من يمي ضجت

حرير.. هههه اي الله كريم

طببوووني الزلم وكفت يم الدرج اكووول

مشكورين ماقصرتووو

محمد.. هاااا قصدك افلتوو لحد يبقى هههه

دحام... شي اكيد هذا يلة فارجووني

احمد.. ههههه اليوم كلنا باعنا بسيطة

ام دحام.. سمي بسم الله يمة لا تنسى

دحام... ههههه يمة خمو جاهل اني حتى تعلميني هسه ماعلينااا... فهدددد وينك

فهد.. كىوول ياطويل العمررر شتحتاج حاظر اني

دحام... كفوو والله ماتقصررر... بس اخذ الربع كلهم شلع قلع

سحر... وووووين

ام فهد... اي صدك يله امشووو خل نتركهم وحدهم خطيه

ام دحام.. قفل البوووب عليك يمة

دحام... ههههه صار يمة

ام دحام.. الاكل بالثلاجة خاف تجوعون والماي خليتلك فوك

دحام... اي اي يمة ادري والله

ام دحام... مع السلامة،....

دحام... الله وياكم.....🖐🏻

حرير... بقيت وحدي بالغرفه فتحت البرده دحكت من الجام السيارات كلها راحت.. شذى وفرح طلعن يمشن طبن للبيت ... مابقى احد سديت
البردة ورجعت كعدت عالجربايه...

دحام... قفلت البوب وصعدت عليهاا

حرير.   اتصنت صوت مشي اي صوت الدرجات جة صعد يمشي... خليت ايدي على صدري گلبي يريد يطلع من مكانوو ..، انفتح الباب
رفعت راسي...

دحام... طبيت للغرفه وطبكت الباب ورايه

حرير... بقيت مدنجة راسي ماحجيت شي

دحام.. فتحت الكنتور طلعت التعلاكة..خليتها عالجربايه... تقربت ثنيت رجلية وكعدت جدامها
رفعت راسها ... بهمس... حبيبي تريدين شي
احيبلج ليش ساكته

حرير... لا ماريد شي بس ملابسي وين

دحام... موجودات هينه ..

حرير... تريد تبدل انت...؟

دحام.. اي هسه ابدل ...

حرير.. عجل اني اطلع لما تبدل كمت الحيلي

دحام... كضبتها من ايدها.. يول وين رايحة

ليش مستحية مني...

حرير.. لا اخذ راحتك اني اكف بره

دحام.. راحتي هين جدام هالحسن هذا

حرير... دحاااام اني

دحام.. يول ريتج بعد عمرر دحام...ها حبيبي

حرير.. احنا شتفقناااا

دحام...  ههههه حبيبي يكولون حجي الليل يمحي  النهار

حرير... هاااااا تضحك عليه

حرير... ههههه ول اني محروك جد جدي يعني مرتي حلالي واحبها اموت على عيونها  يول ياب شنون يعني راح تبقين تتكلبين عليه مثل الدهر يول كافي راسج هذا شوكت يلين ...

حرير.. بس انت كتلي كلمة رجاال مني الي تريدي يجرالج..

دحام.. اي كلت وبعد اكول.. يول من احاجيج لا تصدين غادي .. تكلطي هين ودحكي بعيوني
اسمعي اني مستحيل اجي يمج اذا مو برضاتج
لان ماريد شي بالغصب فهمتيني

حرير.. هزيت راسي اي...

دحام.. كمت الحيلي فتحت الدكم اريد ابدل

حرير... شتسووووي

دحام... شبيييج دبل غيررر خمو انام هيج

حرير... اتنام هيج ليش تنام هييين

دحام.. عجل وين انام غرفتي غيررر

حرير... واني ويد انااام...

دحام.. انومج يمي على ذراعي...

حرير... شنوووو....

دحام.... هههههه ااااخ منج ومن راسج اليابس منين مااجيج تجيني بلوووة والله مو مرة

حرير.. صديت غادي شفتو كام يبدل...

دحام.. اضحك عليها شنون خجلانه مني ذبيت الدشداشه علكتها بقيت بالسروال والفانيله
اكووول اكلتي لو لا

حرير.. مااريدد..

دحام.. صدددي علي احاجيج شبيج

حرير.. صديت عليه كتلك ماريد.. انتبهت واكف يم المرايه وديمشط بس بالسروال والفانيلة

دحام... ادحك عليها بالمرايه وبداخلي ميت ضحك ...، اكول هاي البدله راح تبقين لابستهااا

حرير.. لا طبعا كمت الحيلي ... فتحت الكنتور

دحام... هاااه.  شتسوووين

حرير..طلعت كلابيه وسديت االكنتور .. اريد ابدل غيررر فتحت باب الغرفه وطلعت

دحام... اكفييي وين رايييحة... مشيت وورااهه

فتحت الباب وطلعت شفتها بالممر اتريد تنزل

ركضت عليها كضبتها من خصرررها

حرير... صديت عليه... بنضرة استغررراب

دحام... رفعتها حييييل وشلتهااا ....

يتبع...