رواية بعد منتصف الليل الفصل الرابع والستون 64 - بقلم غير معروف

االجوري .. ...❤️

. _والثلاثون

#بعد_منتصف_الليل .

ــــوى_السٌــلطان

كل شيء يحترق بالحرارة الا المشاعر تحترق بالبرودة ..... 💔

حرير... كعدت مثل المخبلة.. نايمه ودحام بصفي
واني لزاكة راسي على ايده... كمت الحيلي

وخرت.. صفنت اني وين... بعدين اتذكرت اني متزوجة البارحة عرسي... دحكت عالساعه ...

وحدة الا ربع.. عززززة شكد نمت مادري بنفسي.. صديت على دحام نايم... كمت اريد

انزل... سمعت صوت صيااح ..لبست حجابي فتحت باب الغرفه... وطلعت امشي على كيفي

اريد اميزززز صوت منو هذا.نزلت يم الدرج

طبيت للهول ماكو.. طبيت للمطبخ شفت شمة

واكفه باب المطبخ تصيح وعمتي تسكت بيها

رجعت.. اريد افوووت...

شمة... هلا هلا... كعدت الخانممممم اكفي

اكفي وين موليٌة...

حرير،،، صديت عليه ماحجيت شي وكفت يم الباب

ام دحام،.. اششش لا تتخبلين يولي روحي
انتي. اللي رديتي الطلاك محد جبرج

شمة... انتي ابقي دافعي الابنج. طبيت امشي

حرير... جت تمشي متجهه عليه.. رجعت امشي
وكفت يم الدرج...

شمة... كضبتهااا وين تيدين هااا مسويلج غرفه

فوووك.. عبالج اخليج تتهنيييين لا والله مااكون

اني شمة.. جريت شعرهاا بأيدي سحلتهااا

حرير... اااااخ وخررري عمةةة وينج

ام دحام... عزززة عليجن مات واليج .. وخرري
ولج شسوويتي... صحت.. يووولو دحااام
سحررر... تعالوو...

حرير... دفعتها.. وخررري مني انتي شبيج

تخبلتيييي عوفني .. شكو هاادة عليه انتي

اللي خربتي حياتج بيدج.. بلسانج الطويل

وجاية تتبردين بية.. يكفي اللي شفتو منج

فضحتيني بالعرب واني بريئةةة...

شمة... هههههه ضحكتيني والله امشي ام
الليالي اللي تطلعين ادورين على دحام كتلتي
روحج عليه حرتي شسويتي علمود ياخذج
ولج متلكيتي غيرره...

حرير... ولج انتي شنو من بشر ماعندج لا حظ ولا بخت شووووكت ركضت وراه.. بسسبج انتي

تقدملي .. واني وافقت ومو رايدة هالشي جبرتيني اوافق حتى اسد السوالف اللي سويتها

عليه حرررام عليج اني مااخذت دحام منج تريدي اخذي والله ماراح اكف بطريقج

ام دحام.. طلعت عالممرر وكفت عالدرج ماكدر اصعد صحت.. دحااااام الحك هين وينك

يول دحاااااام اكعدد... ولج حرير دحام نايم
لو كاعد...

شمة... اي ومكيفه يعني.. ولج يوومين ويكطچ على اهلج ولج هذا يرغب الشي ولمن يكون بيده يملة

ام دحام.. ركضت طبكت البوب خفت الناس تسمع صياحهن... شنون عيب يربي

وين الله ويومين ويكطج على اهلج.. نذر عليه
بس يكطـج اهلهل بنص الشارع دايحة ام الولد

حرير... احتررررمي نفسج تحملتج جثيررر
انتي اللي رفضتي ترجعين الدجام لو راجعه

جان جثير امور اتغيررت... وهسه جايه ادورين
مشاكل لمنج هيج ارجعي محد الو دخل بيج

شمة.. ماتحملت وهي واكفه جدامي هاجت اعصابي شلت الماعون وضربته براسها

دحام.. على صووت امي والهوسة حفزت الحيلي
حرير ماكوو وين راحت وشنو الصاير.. فتحت

الباب.. عياط امي وصيااح.. نزلت اركض طبيت المطبخ.. حرير كاعده بالكاع ولازمة راسها والدم

على عيونهااا... بقيت مبهوووت شنو السالفه صديت شمة بالطرمة تريد تطلع

ام دحام... يايمة بنتي.. شوو خل اشوف شسوتلج...

دحام .. عرفت هي وره السالفه... ركضت على حرير.. شبيج حبيبي منو هيج سوووه. صحت ولج شمةةةةةةة اكفيييييي

شمة.. طلعت اركض واتلفت ورايه برد گلبي من ضربتها خل عاد تتهنة بزواجة ام الولد.. طبيت بين الفرووع ورجعت اركض عالبيت...

دحام... كضبت راسها بأيدي.. صحت يمةةةة جيبي گطن...

حرير... اول ماضربتي حسيت بدوخة خفيفة ورجعت طبيعي.. رفعت راسي دحكت عليه كتلو مابيه شي جرح بسيط... نهضت نفسي اريد اكوم ...

دحام... هااك يمة شد راسها شلون بلوة هالشمة يمة خمو بيج شي...

حرير.. لا عمه ماكو شي والله.. اريد اكوم دحام مقابيلي صاير وايده على راسي..

دحام.. خليت الكطن هالجرح.. صحت يمةة شنو السالفه شصايررر هييين ليش محد كعدنييي شمة وينهااااا ليش خليتيها تروووح خل تكضبها ايدي...

حرير... شفته عصبي ويصيح خفت يروح عليه ويسوي شي حاولت اهدي الموقف رغم الجرح

حيل يحرگني... دحام والله مابيه شي عوفها
هي هم حقهااا لا تلومها...

دحام... انتي شنزززلج شوكت نزلتي موجنتي نايمة ...

حرير... مادري بيها والله كعدت على نيتي
نزلت شو لكيت شمة هين

سحر... هاي شكووو يمة شنو هااصياح الصار
ماخليتوني اناااام... طبيت للمطبخ لكيت حرير

ودحام بالكاع ومدري شيسويلهاا بشعرها
يمةةةة شكووو شبيها حريررر

ام دحام.. هدت مرت اخووج من الصباحيات سوت النا مشكله وراحت شوفي شسوت بحرير
ماشفت مثل عرامتها بكل عمري..

سحر... لازم يتعقم الجرررح... هاي شجرالها يمكن تخبلت

دحام.. كومي ويايه

حرير... وين...

دحام... خزرتهااا بعيني لولي كتلج كومي

حرير... هزيت راسي اي.. كمت الحيلي

دحام... اخذتها عالمغسله... غسلت وجهه ومكان الدم...

حرير... يمي وكفت قريب مني كاضب وجهي ويغسلي.. بقيت طول الوقت يغسلي واني مدنجة
اخجل ادحگ بعيوونه...

دحام.. نشفتلها وجهه بيدي .. اخذت الكطن والتعقيم وكدتها من ايدها وصعدنا فوووك...

حرير... طبينه كعدت عالجرباية... دحام صار جدامي... طلع الكطن وصار يعقم بالجرح
الجرح حيل صغير بس يحركني بقيت اتألم واني ساكته ماحجيت ...

دحام... يأذيج موو.. التعقيم قوي

حرير.. اي شوووية عادي ..

دحام... اااخ منج... اااخ

حرير... هااا شبيك...

دحام.. ماكو شي... كمت الحيلي ذبيت الفانيلة
لان اللي لابسه توصخت.. فتحت الكنتور ادور على ملابسي ماكو مادري وين امي مخليتهن

حرير.. شفتو ذب الفانيله استحيت دنجت وصديت غادي...

دحام.. وين ملابسي شنو السالفه ياكنتور
افتحة ملابسج بي..

حرير.. لا موهيين بالجررارت

دحام.. وانتي شبيج مستحية وصاده غادي
يمعووودة اني رجلج .. حاولي تشيلين هالحواجز اللي بينا.. اني وانتي وااااحد

حرير.. هااه لا مو مستحية عادي... كمت الحيلي طلعت الفانيله انطيتهياه واني مدنجة

دحام.. تقربت مني وبيدها الفانيله.. اخذتها الفانيله منها.. ايدها تررجف... ابتسمت الها

بمجرد ماتكون جدامي انسى كلشي.. ماكدر
امنع نفسي كلشي بية يريدهااا... رفعت راسها
بأيدي... يول دحگي بعيوني شبيج

حرير.. رفعت راسي... عليه.. واني ميتة خجل
مامتعودة اشوفه هيج...

دحام..بعدو الجرح يوجعج..

حرير.. لا مابيه شي...

دحام... لو صاير بيج شي ..

حرير.. لا سهلة.. بس هذا اللي جنت حايفه منة
تهجم زوجتك عليه كتلك رجعها واني وياهه نكون
صديقات يوم يومين نتعود..

دحام... ارجعهااا... عجل شكثر مايهمج امري
ماكو وحدة تكول الزوجها رجع حرمتك وتقبل اتكون الها ضرة... بس الظاهر حيييل انتي ماالة من وجودي بحياتج...

حرير... الااا والله موهيج بس اني اقصد جان كدرنا ننهي هالخلاف

دحام... موووووورحت ارجعها رغم كل اللي سوته .. وكالت اذا انت زلمة طلكني يازلمة يقبل
حرمته تهينه هالشكل ويرجعها وينسى.. وكلت ميخالف مقهورة حگها بس شفتيها ماتستاهل

حرير... اوووف والله مادري شنوون راح تخلص هااسوالف ...

دحام... للبست الفانيله.. امشي تعاي انتي كلشي مااكلتي..،

حرير... ننزل يعني...

دحام... ها هم تستحين من اهلي..

حرير... مااستحي من احد كد مااستحي منك

دحام... صديت عليها و حضنتهااا من خصرها
بووستهاا...

حرير... بقيت مرتجيه عالحايط.. اريد ادفعه. خفت يرجع يزعل.. بقيت جامدة بمكاني

دحام... بمجرد ماشفته استسلمت بقيت مستمر،. رغم حيل مشتاك الها وكلبي نار عليه
بس بنفس الوقت اريدها تتعود وتنسى الماضي ونبده من جديد... مابيه بعد اصبر على دلعها

حرير... دنجت راسي...

دحام... شبيج...، ضجتي...

حرير... مو كلت ننزل...

دحام... جوعانة...

حرير... لا...

دحام.... قفلت الباب... شلتهااا...

حرير... دحااااام....

دحام.... ولاااااا كلام... كافي شلعتي گلبي

حرير... بس انت وعدتني...

دحام.... والتالي ويااااج الى متى ابقى انتظرر

حرير.. مااادري🙈

دحام... وتالي ويا هالخجل....

حرير... خلي ننزل

دحام... استغفررر الله...نزلتها عالجربايه ومشيت..

حرير.... هاااا زعلت...

دحام.... امشي لا تسولفين شعلتي گلبي بهذاا برووودج...

حرير... دحاااام دقيقه اووكف...

دحام... ماتحملت نزلت وعفتهااا...

حرير.... ياربي والله مرمرتة راح يتخبل شنون بيه انييي كمت ونزلت وراه... نزلت طبيت للمطبخ وهو بالهوول

ام دحام.. شنونه راسج هسه

حرير.. عمه كلشي مابيه سهلة جرح صغير

ام دحام.. اكول يمة شنو سالفه دحام شو كالب وجهه نزل يصيح مدري شبي

حرير... صفنت مادري شجاوبها... كتله لا عمه بس ضاج يمكن بسبب شمة

ام دحام .. اووف نغصت عليه فرحتوو

حرير... تحجي على شمة وماتدري اني شسويت بي 😔 طبيت للهول لكيته شايل المبايل مدري منو ديحجي وياه ويباركله كعدت قريب من عنده ...

ام دحام... جبت الغده وخليته جدامهم،،

حرير... لا عمه ليش ماكتيلي اني اصب

ام دحام.. ماكووو فرق بنتي يله اكلي

دحام.. سديت الخط...

حرير... كمت غسلت ...

دحام.. كمت وراهه اريد اغسل...

حرير... اغسل وادحك عليه بالمرايه خازني وضايج... ماحجيت وياه نشفت ايدي ورحت

كعدت ... تغدينا وكملنا... جو الربع كعدو يمه بالربعه... اني صعدت الغرفتي سبحت وتعطرت ولبست كلابيه كريمي... بديت امشط بشعري

دحام... راحو الربع صعدت الغرفتي اريد البس دشداشتي واطلع.. فتحت الباب وطبيت

حرير... كمت اليحيلي اول مافت للغرفه

دحام.. اكعدي كملي ماراح اكلج اطمأني

حرير... الا بس معبالي انت

دحام... لبست الدشداشه وطلعت بقيت لليل
اني ومحمد افتر مارجعت للبيت اريد النهار يخلص ماريد ارجع واذل نفسي يمها يكفي اللي شفته من عدها بعد لازم اخليها على راحتها مصيرها تلييين وتحن ...

ام دحام... يمة اطلبي وينه شو ماكووو ادري عريس اكعد اهجع بيتك وين راح

حرير.. لا عمه جوز ويا محمد سمعتة يحجي وياه بالمبايل

ام دحام.. اتاخر الوكت يايمه وحتى عشى ماتعشى دخابري..

سحر.. شبيج جافلة من عنده متخابري صدك جذب

حرير..، مارديت عليها شلت التلفون دكيت عليه
لحد مافصل مارد

ام دحام... هااا شو مايرد والله ضل بالي

سحر... مممم خل اجرب اني... شلت المبايل واتصلت عليه،..

دحام... عبالي هي شفتو رقم سحر... رديت
الووو

سحر... خليت ايدي عالسماعه هااا شو رد عليه

حرير... شفتها تحاول تضوجني ماحجيت اي شي

سحر.. خويه وينك امي بالة يمك

دحام... موجودددد وين اريد اولي اني اجي بعد لحد يخابررر

حرير... هاا شكلج

سحر.. شووو ضايج يصيح عليه ايكول لحد يخابر

ام دحام... اي ضاج من سوالف شمة

سحر... حريرر شبي دحاااام...

حرير.. شنو شبي شمدريني اني

سحر... حرير دحام النهار كله ضااايج

حرير... واني شعليه... اني اروح انام عفتها وصعدت بقيت اكلب بالمبايل... الساعه ١١

وماجة ياربي وين راااح كل شوي اكوم ادحك من الجام عالشارع ماكو... ياربي اني

شادسوي لازم اضغط على نفسي راح يصير بي شي وتطلع من وجهي اتذكرت شنون تخبل

من شاف شمة ضربتني وشنون داراني كمت الحيلي فتحت الكنتور طلعت قميص النوم

صفنت لا خل ارجعه.. كعدت عالجربايه ياربي
خليني اتعووود وانسى اني بعد بديت حياة

جديدة حتى لو ماجنت احبه لازم احاول وياه
حرام عليه هذا هم حقه.. شلت قميص نوم ابيض

طويل لبسته فتحت شعري خليت مكياج لبست الروب فوكاه وكعدت اكلب بالجهاز.. دزيتله رساله
دحام وينك ليش اتأخرت اريد انام اخاف وحدي

دحام.. قريب الرساله.. واني كبال البيت صرت مارديت عليه طفيت السيارة ونزلت.. البيت هدوء
كلها نايمه والضوية طافية شربت ماي وصعدت

حرير.. سمعت صوت خطواته عالدرج ... خليت الحاف عليه وبقيت بمكاني ماتحركت

دحام.. فتحت الباب شغلت الضوة .. بدون مااباوع عليها.. ذبيت دشداشتي.'..
طفيت الضوة وتمددت بقيت اكلب بالجهاز بدون
مااندار عليها..

حرير... بقيت جامدة بمكاني شنون راح احجي وياه النوب گلبي يدك الف خايفه ومستحية يبوو
ياربي قويني .. همست بصوت ناصي دحام

دحام.. نعم حرير...

حرير... ليش اتاخرت

دحام.. ليش يهمج امري

حرير...عمتي خافت عليك

دحام...ههههه عمتج ... اي جنت ويا الربع

حرير.. دحام زعلان مني...

دحام.. لا حرير...

حرير... عجل صد عليه...

دحام... حرير... نامي خل انخمدددد تره البيه مايتسولف ولا ينحجي مابيه بعد اتحمل عنادج

حرير... مو كلت احب عناااادج

دحام... اموت عليج كلـج مو بس عنادج انتي هين مكانج يسار صدري ماجنت اعرف هالكد

الحب حلو رغم عذابه بس اله نكهه خااصه بس انتي اااااخ انتي ول يااااب تعبتيني ومابيه بعد

اتحمل اكثر يولي اني بشر عجل مرتي يمي اللي روحي معلكة بيها وانتضر هالحضه بفارغ الصبر .. وتالي .... هذا التاااالي

حرير... انقهرت لمن كال هيج بدون مااجاوبة تقربت عليه... نمت على ايده وغطيت حتى راسي

دحام... هااااا...؟

حرير... اريد انام يمك اخاف...

دحام.. حضنتهاااا حييييل... يول ياااب شكثرر. مشتاك الج.. يولي من اشتعلووو اهلج على

هالخلقة... هالجمال بيدي وتريدين تمنعيني بديت ابوس بيها من كل مكاااان بلهفةةةة وشوووووك وحب...

حرير... 🙈🙈🙈 بقيت بين اديه ماحجيت شي ماعرف شنو احساسي خووووف وقلق وشعور مامفهووووم...

دحام...، تقربت منها اكثر.... بديت ابوس بيها
وهي مااقومتني...

حرير... بقيت وياه .. ماريد بعد ابتعد وتصير مشاكل بسببي هذا هو اللي راده واني مامنعتة

استسلمت بين احضانة رغم ما اعرف اذا اني بديت احبه او اشفق عليه....؟

يتبع..... عيب كافي عااد 🙈 احتمال باجر الاخير اذا كدرت اكتب جزئين واختمهاا