رواية بعد منتصف الليل الفصل السادس 6 - بقلم غير معروف

الرابع.... 

#بعد_منتصف_الليل

واسترها عن أعين الرجال .. إن المُحبّ لمن أحب غيور ..

بقلمي #نشــــوى_السٌــلطاني ...❤️

حرير،.. تتقصد تضوجتي...

ابو جراح.. ههههه لا اله الاالله ولج بابا شبيج انتي...

حرير.... شبية يعني اسأل نفسك تتقصد تضوجني.. عفتو مشيت..

ابو جراح.. اكفي... وين رايحة..

حرير.. انداريت عليه .. لازم عندك اوامر اخرى

ابو جراح.. ول ياااب  اني اخاف عليج افهمي هالشي ولا تحسبيها اوامر،،

حرير.. تخاف عليه من شنووو ...!

💬ابو جراح.. من كلشي حتى من نفسي اخاف عليج ماريد احد يمسج بحجاية ولا اريد احد
يشوفج... اتمنى تفهمين كلامي وتبطلين عناد
اخ شوكت خشمج هذا ينزل ماييقى عاالي

روحي لا تبقين جدامي ولفي حجابج زين
وفووتي جوة الجو بااارد

💬حرير.. ماكو احد غريب شبيك يعني عوزك
اتكولي تبوشي...

💬ابو جراح.. والله ياريت.. ول ياااب عيونج
هذني يسبن عرب بحالها ..

💬حرير... ابتسمت...  شبيهم عيوني  🙈

💬ابو جراح.. موحلوووات لا تنغرين علينا
من غير شي اللسانج شطوووولو

💬حرير.. عادي الجمال جمال الروح..

💬ابو جراح... صفنت عليها وبگلبي كلت..
ريتني بعد هالروح..

💬حرير..ساكت ليش.. ضوجتك بكلامي جثير حجيت  اعرف واخرتك.. يلة اروح اني..

💬ابو جراح.. اكفي.. شوكت تروحين للبيت

💬حرير.. بعد مااكمل دراسة ليش،،؟

💬ابو جراح.. لا تطلعين وحدج اني اوصلج

💬حرير..  لا ماحاجة قريب  وبعدين ويايه سهام

💬ابو جراح.. كتلج اني اووووصلج لا تعاندين 
وينو عمي... ملتهي وعايفج على حل شعرج

💬حرير... يمةةة شبيك تصيح افتهمت... شمسوية اني !!!!

💬ابو جراح... يلة فوتي جوه اني طالع ماريد وحدة تطلع برة..

💬حرير.... والله افتهممممممت بس روح..

💬ابو جراح...  ههههه هينة ولج.. تگضبج ايدي بعدين طلعت وسديت الباب وراية..

💬حرير.. شفتو طلع رديت للبيت .. تلكتني فرح
اخذتها ودخلت للغرفة..

💬سهاام.. عيني ست حرير.. شمطلعج برة والج ساعة واكفة يم ابو جراح.. شعدكم..؟

💬حرير.. اششش شهالكلام .. ابو جراح ابن عمي
موغريب لاتكولين شعدكم.. كبل بديتي تشكين

💬فرح.. سهام حبيبي احنا هين عدنا ابن العم مثل الاخو يعني هو موغريب وابو جراح يخاف عليه موطفل حتى تخافين على حرير منه..

سهام.. اكلتوني وشربتوني..، شكلت اني هاي
لو سهام اللي واكفه وياااه جان انجحة عليه

💬حرير..مو ينحجي شحدو اللي يمسج بحجاية بس انتي غريبة على ابن عمي مومثلي.. المهم سدو السالفة.. هو اصلا راح يخطب..

سهام.. المن يخطططب😍

💬حرير.. كعدت عالجرباية وصرت العب بضفيرتي ماعرف المن ماكال بس كال اريد اخطب.. 

💬فرح... اي اكيد اخت دحام.. هي تريدو من زمان

💬حريرر.. بدون وعي من كالت تحبو كمت الحيلي شنوو فرح صدك تحجين...؟

💬فرح.. اي والله شبيج تحبه من زماان.. اعتقد
راح يخطبها..

💬سهام... لا متوهمه انتي ماتصوررر يخطبها

💬حرير..بقيت صافنا معقولة من حجة بالمطبخ
جان يقصدها.. اي اكيد هي عجل منو😒
بقيت صنة توديني وصفنة تجيبني..

💬فرح.. حرير يعني  لو تكفين يم ابو جراح
لوو تصفنين.. خلي نكمل عااد... االدنيه
غرربت.. شبيجن..

💬حرير... كعدنا ندرس .. وكل شوي صورة ابو جراح تجي كباال عيني.. وارجع اركز بالدراسة

شبية اليوووم،، موطبيعية اني  لازم اشيلو من بالي.. كملنا الدراسة.. وصارت الدنية مغرب لازم

نرجع عالبيت بس شلون ابو جراح ماجة خاف
اطلع واترزل

💬فرح... بنات اليوم باتو عدناااا شتكولون😍

💬سهام ... ياريت....😍😍

حرير... لاااا باجر دوام شسالفه نسيتو المدرسة.. لا هسه نروح،.

💬سهام.. باجر مانداوم قابل راح تنكلب الدنية

حرير... لا لا كلت نروح وهم  اريد امر 
البيت عمي اللي يومين مورايحة عليهم

فرح.،، اي قفلتهااا. بعد ..

حرير.. يله خلي نطلع سهام.... اخذت سهام وطلعت تلكانب عمي بالهول .. سلمنا عليه

وطلعنا كلي امل راح يجي  ابو جراح يوصلنا
بس ماجة اي طبعا هسه ملتهي ويا الحب اكيد

يله فروحة نلتقي بااجر بوستة ومشيت طلعت

للطرمة وسهام بقت جوة جاية وراية.. انتضرت
شوي وهم ماجة.. اخذت سهام وطلعنا..

الدنية ليل صارت تمشيت بيتنا براس الفرع

وكفت السهام وهي راحت تمشى للبيت كلت
اسلم على بيت عمي فواز هسه اكيد زعلان عليه

ام سهام.. وينجن تأخرتن وينها حرير.. شو ماكو وياج تعالي فووتي..

💬 سهام يمة سيارتمن برة.. منو هين..؟؟

ام سهام.. نصي صوووتج وفوتي سلمي وگعدي هين بيت ام جاسم جايين خطابة...

سهام.... شنووووو عليمن خطابة...

💬 حرير... الشارع اضلم... گوة امشي خايفة
امشي واتلفت ( اندار) وراية الشارع فارغ..

كمت اركض ركض بدون مااندار من الخووف..
شورطني وطلعت وحدي😨😨

💬ابو جراح...  ماكدرت اطلع من وكت بقيت اتعشى يم محمد . تعشيت وطلعت بدون

مااشرب چاي بقى بالي يم حرير..
هسة ضلت تنتضرني اوصلهم... ومشيت...

الجووو بارد وغيم والشوارع فارغة  طلعت
بالديرة.. اختصرت الطريق حتى اوصل

من وكت فتت بفرع عمامي.. انتهت بنت جايه
من بعيد تمشي سريع ومخبووصة... بقيت واكف

هذي عبالم حررير معقولة طلعت اني نبهت عليها
ماتطلع وبعدين وحدهاا شنوووون!!!!!!

حرير.. اسمع صوت چلاب تنبح بصوا عالي
يعني قريب مني يمةة بسم الله .. امشي
واقرأ ايات وسادة اذاني...

ابو جراح بقيت واكف لحد ماصارات جدامي
كضبتها من ذراعهاا..

💬حرير.. واني امشي صار جدامي ابو جراح

شعوررر مايتفسر .. فرح سعادة خوووف طمأنينة راحة... ماعرف اووصف شعوري بذيج
الحزة.. مومصدكة جنت جثير خايفة الشوارع
ضلمة حسيت بالأمان من شفتو..

ابو جراح.... شطلع ول يااااااب انتي ماتسمعين
كلام.. ليش راسج يابس اني موكلت لا تطلعين

شنون طلعتي وحدج والدنيةةةةةةةة ليل

💬حرير...  هم زين جيت خفففت الشوارع ضلمة اريد اروح بيت عمي فواز..

💬 ابو جراح... اني شكتلج گبل مااطلع ماكتلج لا تطلين اني اوصلج.. ولج الي يشوفج
هالحزة طالعه شيگول عليج.. اسمعي اكلج

واللي خلقج ان شفتتتتتتتتتج  طالعه وحدج رجلج اكسرها وكلامي مررة ثانيييييييية تسمعي
وتنفذي.. امشي جدامي يلة.. حسابج بعدين

💬حرير...شبيك تصيح عليه اني انتضرتك انت
ماجيت موذبني بعد لاتصيح بوجهي..

ابو جراح... اذا ابقى للصبح ماجي ماتطلعين
اكول اشوف انتي ام الراهي ماصيح بوجهج

ولج هسة اذا اذبحج منو يكلي ليييييييشششش
انتي ماتفهميييييييين مليار مرة كتلج اسمعي كلاميييييي كااافي عنااااااد انتي شنو من بشر

💬 حرير.. شفتو يصيح عليه من خوفي اختنگت وعيوني صارت تصب دموع من حالها

مابينت نفسي هزيت راسي اااي ومشيت وياه
هو يمشي جدامي  واني امشي وراه..
عيوني مغورگة دموووع .. رجعنا نمشي لبيت
اهلي مارحت لبييت عمي

ابو.جراح... حسيت نفسي قسيت عليها بالكلام
وصيحت عليه بس احسن بلكي تتعلم وتبطل عناد .. اكول وينها سهام ليش وحدج.. ؟؟

حرير.. يحاجيني مارديت عليه بقيت ساكته
مدنجة راسي وامشي..

ابو حراح.. وكفت ونداريت عليه.. حسيتها زعلانة مني.. كضبت ايدها.. حرير.. انتي ليش

ماتفهمين عليه اني اخاف عليج من الهوى
تعرفين شنو من الهوى ول يااااب والله ماريد

بشر من الدنيا كلها يلمحج ولو اتطاوعيني حتى
المدرسة ماخليج تروحين بعد.. 

💬حرير.. مالك حق تصيح عليه هيج وترفع ايدك حسيت تريد تضربني.. تخاف علي

ميخالف  بس موهيج اني كبرررت مو حرير الصغيرة  لا اعرف كلشي.. لا شفت نفسك عندك حبيبة عبالك كل الدنية مثلك يتمعشگووون .. وخر
من جدامي خلي اروح...

💬ابو جراح... ولـ. اكفي ياحبيبة هاي ياعشگ يولو .....؟

حرير... اسأل نفسك اني مادري...

💬ابو جراح.. ماتدرين.. عجل شنون حجيتي هالحجي...

💬حرير.. كلها تكول انت تحب اخت. دحاااام
المهم هالشي مايعنيني.. اريد اروح من رخصتك

💬ابو جراح.. اكفي هين عيب هاالحجي بنات العالم لحد يجيب سريتهن.. البنت ماعندي
شي وياهه لانحجين هالحجي افتهمتي

💬حرير.. واااضح كلش.. من دفاعك علية ماعندك شي هسه اني شعلي تحب تكره هالشي يخصك مايخصني..

💬ابو جراح... تعالي هين... گضبتها من ايدها.. تغارين علية.. احجي.. ولج اني ماكو

بكلبي بس وحدة سلبت گلبي وعقلي وكلشي.. يادحام هذا ولج ماكو بالگلب.. بس وحدة وگلبي الها بس ماتعرف تحافظ عليه ااااخ

حرير.. واني شعلي تحجيلي بالعافية عليها
هالحب..عفتوو واكف وطلعت امشي سويت نفسي مامهتمة..

ابو جراح... اكفي وين رايحة...؟ شو ردينااا

حرير.. رايحة للبيت مايخصك...

ابو جراح... يعني ماتخافين..

حرير... من شنو اخااااف...!

ابو جراح ... ههههه ول هاي موبنت عجل تاليها تخبلني ولو هي خبلتني ماخلت عليه شي
تمشيت وراهه ماريد اعوفها وحدها

حرير.. بقيت امشي بثقة ماهمني شي
بهالحجي.. شفت جلب مربوط يم باب وينبح

ويريد ينحل( ينفتح)  الحبل من قوتوو.. رجعت اركض علو ابو جراح.. كضبتو حيييييل وراسي
صار بين ادية.. احاجي وارجف... 

ابو جراح... حضنتها حييل وضميتها جوة سترتي گصيرة وضاعت يمي حضنتها واني اضحك... ماكتلج لاتروحين وحدج الديرة مليانة
جلاب وحتى ذياااب..

💬حرير.. رفعت واسي دحجت عليه... لااااا
صدك تحجي ذيااااب هين...

💬ابو جراح.. عجل شنوو ماتدرين.. يكولون
من يومين ذيب عابر علينا من يم النهر

💬حرير... ضميت راسي جوووة ذراعة..
وحضامي يطگن من الخوف والبرد..ابو جرااح

💬 ابو جراح... عيونه..؟

حرير.. وصلني البيت ولي يسلمك..😢

يتبع...... احااااول قدر الامكان اكتب بارت اضافي .. لا تنسون تقييمكم للبيج