رواية بعد منتصف الليل الفصل السبعون 70 - بقلم غير معروف

مساء العافية

الفصل الرابع ..الجزء الـ. (2)
#حرير.... #دحام...#بعد_منتصف_الليل
اتركي الجمال اللي بوجهج
ماذيحني غير انك قصيرة .. ول فديت

#بـقلمـي .. #نـشوى #السلـطان..

حرير.. نمت من وكت كعدت.. شبعانة نووم وعطشانة ..
شلت الجهاز دحكت عالساعه ستة  وربع.. كمت الحيلي

نزلت جوة .. طبيت للمطبخ شربت ماي.. سمعت صوت بالطرمة... خفت منو جاي هالحززة بقيت جامدة بمكاني

فهد... طلعت الجهاز اريد ادك على خالتي حتى تفتحلي الباب.. دكيت على سحر... بقى يدك ماكو رد .. اهوو

هاي وينهم واني مستعجل.. ورايه طريق.. تقربت على باب المطبخ.. دكيته.. يولو... وينكم... خالتي.. هاي شنون بلوة
كلها نايمة...

سحر... كعدت اريد الحك اجاوب مالحكت التلفون عالشحن..

حرير،.. هذا صوت فهد هاي شجابه هالحزة ياستار..
خليت على راسي الشال... تقريت عالباب.. اي خويه
دقيقه خل افتحة...

فهد.. ادري موته خمو موتة ادك عالمبايل محد يفتحة

حرير.. فتحت الباب.. والله على نيتي نزلت..

فهد شنونج خيتي...

حرير... الله يسلمك بس خير اكو شي شو هاالحزة جاي..

فهد..   ماكو شي لا يضل بالج اريد احدر على عالبغداد.. وخالتي مدري شتريد ادز ويايه...

سحر.. طلعت وبيدي التلفون.. شلت الوصفه وطلعت
سمعت صوت فهد يحجي بالمطبخ.. عبالي ويا امي
طبيت شفت حرير هي وياه واكفين ويضحكون.. احم احم

حرير.. صديت ورايه سحر...

فهد... تعاي وين الوصفه مو تأخرت.. شكد اتصلت ليش ماكو رد

سحر.. جنت نايمة شمدريني..شلت الوصفة خليته بيده

حرير.. عفته تفهم بي عالعلاج وطلعت صعدت الغرفتي

فتحت الباب على كيفي.. ودخلت سديت الباب ورايه

ذبيت الشال وتقربت يم دحام.. تمددت يمة .. حظنته

بقيت صافنه بيني وبين نفسي.. افكر شوكت يصير عدنا

طفل حتى افرح دحام وعمتي.. ماصدك يجي هاليوم

دحام.. رفعت راسي.. همست حبيبي..

حرير..ها حبيبي شنو كعدتك...

دحام.. سمعت الباب انفتح وين جنتي..

حرير.. نزلت عطشانه شربت ماي وصعدت..

دحام..، سحبتها عليه خليته على ايدي ونمت..

حرير.. جان الجوو بارد تلفلفت وياه ونمنه .. كعدت الصبح
مالكيته.. كمت لبست ونزلت... نزلت عالدرج سمعت صوت دحام ديخابر... طبيت دلحمام غسلت وجهي وطلعت
تلكتني سحر...

سحر... شو متأخرة اليوم بالنوم

حرير.. مادري ولا حسيت على نفسي.. محد كعدني
طبيت امشي للمطبخ،، شفت عمتي واكفه تمضف بالخظورات.. دحكت من الجام دحام بره يخابر

ام دحام.. هلا حرورة.. اليووم نمتي جثير مو عوايدج

حرير.. والله ماعرف دحام نزل وماكعدني

سحر.. طبعا.. مايكعدج شافج غاركة بالنوم اذا اني كعدت الفجر لكيتج دك سوالف ويا فهد😒

حرير.. صديت عليها... شنو دك سوالف اني نزلت على نيتي اريد اشرب ماي وهو دك الباب

ام دحام.. يولي ذكرتيني انطيتي الوصفه..

سحر.. اي انطيتها يمه... عفتهم وطبيت

حرير.. اوووف ولا تجوز من سوالفها كوه تريد تسويه عليه
سالفه هم زين ماسمعه دحام.. طلعت بره .. وكفت يمه يخابر.. مخبوص.. عفتة وطبيت جوه بديت اكمل بالشغل
وست سحر جوه بالغرفه..،

ام دحام.. اكول يمة والله اني واهسي يمكم اكول ليش ماصار عدكم شي

حرير.. عمة قصدج عالطفل..

ام دحام.. اي يمة والله بطيتو شو ماكو شي

حرير.. والله عمه ماعرف هو بيد الله نصبر والله كريم

ام دحام.. ونعم بالله .. يمه ام فهد تعرف سيد ينطي دوه عرب للحمل ليش مانروح عليه

حرير.. لا عمه ماروح ماحب هيج اماكن خليه على الله

ام دحام.. يايمة شخسرانين خل نروح ونشوف

حرير.. لوكتها عمه خل اشوف دحام شيكول

ام دحام.. هو وينه غير لو نكدر نحاجي كبل يخابر وملتهي

حرير... اي مخبوص بالشغل اني اكوم اتحضر كلي انروح على امي...

ام دحام . الله وياج يمةً سلميلي على امج

حرير... يوصل عمه .. كمت طبيت للغرفه بدلت وكملت ..

نزلت لكيت دحام واكف بالباب هو ومحمد...

تمشيت وطلعت عالباب... السلام عليكم

محمد.. وعليكم السلام هلا خيتي..

حرير.. اني كملت ماعندي شي...

محمد.. لازم طالعين..

دحام.. اي رايحين على عمتي...

محمد.. اها اي خوش مرلي العصر من ترجع...

دحام.. خوش بس لا تنسى حضر الاركيله..

محمد.. هههه محضرة ياب بس تعال انت ..

حرير.. صعد دحام بالسياره .. اني فتحت الباب وصعدت

دحام... ها نمشي لو عندج شي..

حرير.. اكول مكافي تدخين النوب اركيله

دحام.. وشبيها الاركيله يبعد العرب كلها... شطالعه اليوم

حرير... موزينه كلها اضرار اتركها.. بداعتي..

دحام.. لعيون الغوالي.. ترخص نص العشيرة مو النوب اركيله

حرير.. هااا خاف بس حجي....

دحام.. هههههه تدرين دحام كلمتو وحده... ماتصير اثنين

حرير... صديت عليه... دحكت بعيونه... وهو يسوق
بقيت صافنه عليه... دك التلفون يخابر واني ادحك عليه من فوك لجوووة .. عشگت كل تفاصيله..

دحام... سديت التلفون..صديت عليها.. يولو شبيج ادحكين

حرير... مممم صافنه عليك...

دحام،.. وليش صافنه...

حرير... ياحلووووك بعيني...

دحام... .. انتي تريدين افر السيارة وارجع شنون فهميني

حرير... يااا وين ترجع... 🙈

دحام.. سوالفج هذني... مايخلن براسي عقل.. وينها امج
اريد اشوف منين جابتج وبلتني بيج.. احتروك اهلي

حرير... هههههه وهم اهلك خطيه شعليهم

دحام.. ولج انزلي لا تره والله هسه افرها وارجع للبيت الشوگ اللي بيه ماينوصف.. اخ شمسويه بيه

حرير.. فتحت باب السيارة .. ورجعت صديت عليه همست بصوت.. حبيبي..

دحام.. عيونه... وروحة..

حرير.. اذا صدك تحبني لا تفكر تعوفني بيوم او يتغير حبك اللي .. لان اني تعبت جثير بحياتي مامستعدة اتعب من جديد حبك هذا خلاني احية من جديد..

دحام.، وعيونج هذني ماعوفج ولج مجلب بيج بثنين ادية لا تخافين مال اعوفج انسيها.. يول حبج هذا كل يوم يكبر

حرير... أموت عليك والله...

دحام.. امشي يولو اليوم شلون تريدني اتخبل رسمي

حرير.. ههههههه اعشگ خبالك.. والله نزلت اركض وسديت الباب ورايه واني اضحك

دحام.. اكفي يولي تعاي هين منو مخبل ولج  .. نزلت وراهه قفلت السيارة.. اخ منج صغيره وماخذه عقلي بدلعها تمشيت وصلت للطرمة.. صحت ياللي هين وينكم

ام حرير.. هذا منو وياج دحام... ولج صيحيله

حرير.. اي ويايه .. ليش اكدر بدونه ..

ام حرير.. صيحيله خل يفوت.. تعال يمه اتفضل ماكو غريب

حرير.. طلعت لباب الهول تخوصرت .، واني بداخلي ميته ضحك كوة كاتمة الضحكة تعال فوت كلها طالعه بس امي

دحام.. اموت على امج الجابتج ..

حرير.. هههههه خرب اشششش استحي من امي

دحام.. مشيت عليه.. حضنتها وطبيت اني وياهه..

ام حرير.. هلا يمه زارتنا البركة..

دحام.. عمتي كبل السلام وكبل كلشي بنتج هاي بلوة

حرير.. صديت عليه خليت ايدي على حلكة .. اششش خرب

دحام.. ههههه يول خل احجي ...

ام حرير.. ههههه ياحلاتكم والله ربي يسعدكم

دحام.. والله ماحلو غير هالحلوه .. شوفيها عمتي.. شمسويه بية .. اخذت مني گلبي وكلشي...  اموت عليه

حرير.. اسم الله على عمرك .. لاتكول هيج

دحام... اكول.. اني اروح شوكت امرلج...

ام حرير.. بعد وكت..

دحام.. والله عمتي عندي شغل ومالي مجاال اروح واذا تريدين باتي باجر ارجع.. يله مع السلامة... عفتهم وطلعت

حرير.. انصدمت من كال هيج.. شنو ابات .. عدلت الحجاب وطلعت وراه

ام حرير.. ها وين رايده انتي...

حرير.. اكفي يمة هسه اجي.. طلعت وراه هو صعد بالسياره ... شايل اوراق بيده يعدل بيهم.. اممم اكول

دحام.. ها حبيبي محتاجة مصرف شي كولي

حرير.. شنو باجريله تجيني

دحام .. اذا مشتاكة الامج خليها بعد باجر..

حرير... ياااا صارت هيج.. يعني خوش عجل

دحام.. شنو شبيج حبيبي..

حرير.. وين تروح وتعوفني ها شنون تكدر تنام بدوني

دحام.. انتي صدكتي عههههه اشاقيج اريد اشوف شتكولين..

حرير.. مممممم شوكت تجي وشنو سمعتك  بالتلفون تكول تريد تروح باجر البغداد..

دحام بعد مادري يمكن باحر اروح ماطول و ارجع

حرير.. ماشي حبيبي تعال المغرب اخذني ا

دحام... ماشي حبيبي فوتي جوه لا تضلين هين واكفه

حرير... طبيت للبيت وهو راح بقيت اني وامي كاعدين للعصر وجتي خالتي ومرت خالي كعدنا سولفنا ولا حسيت

بالوقت جثير مشتاكة الامي والخالتي .. بقت فروحة صار شكد مو شايفتها گلبي نار عليه.. جة عليه دحام .. اخذني

وطلعنا بالسيارة  طبينا من فرع اهلي... صرت استرجع ذكرياتي.. شفت الساحة ومكان التريلة .. هين جنت اكف

من يروح ابو جراح للسفر هين جنت انتظرة اوف گلبي عصرني والله.. سحبت نفس عميق.. فتحت جان السياره وصديت عالشارع

دحام.. شبيج حبيبي شو ضايجة خمو بيها شي امج

حرير.. لا بس شفت بيت اهلي تذكرت ايامي الراحت واني هين

دحام.. تريدين تنزلين نسلم عليهم.. هسه

حرير.. علواه والله مشتاكة الابويه والخواتي الصغار

دحام.. واني شو محد مشتاكلي..

حرير.. ابتسمت من كال هيج.. اوف والله اشتاكلك كل لحضه ولا مدي تروح حتى الشغلك وتعوفني

دحام.. تدرين لو مو وصلنا باب بيت اهلج... جان

حرير.. اي جان شنوو هههه

دحام.. انزلي.. لا تلومني من اكول احتركو اهلي..
من احتركت عشيرتج كلها... على هاللسان وهالحسن ول ياب اني شلون بيه

حرير..، هههه راح ننزل مو هم تححي شي جدامهم

دحام... ههههه االا عيب من عمي مو راهمة

حرير.. نزلنا.. دكيت الباب..محد فتحة فتحته ودخلت
لكيت خواتي الصغار كاعدات يباوعن عالكارتوون

طبيت عالغرفه مالتي سهام كاعده وتمشت.. سلمت عليه

سهام.. هلووو شدعوه عيني... عاش من شافج كمت عليه وبوستها

حرير.. شلونكم .. شو ماكو احد...

سهام.. لا بالربعه كاعدين.. منو جابج

حرير.. دحام جابني واكفلي بالطرمة.. طلعت على ابويه للربعه.. سلمت عليهم

حدهن.. شو ماكلتي راح اجي اكفي وين. رايده

حرير.. دقيقه.. فتحت باب الربعه.. تعال فوت ماكو احد

دحام.. عمي هين..

ابو عبير... هلا والله .. تعال.. بعد عمك  فوت

دحام.. بسم الله... دخلت للربعه.. السلام عليكم

حدهن.. هلا بدحام  شلونك يمة ..

دحام.. يسلمج الله بخير الحمدلله...

حرير.. واكف.. بالباب .. يحاجي.. واني عيني علية ..
يربي يوم عن يوم يحلة بعيني.. يحجي واني صافنه عليه

سهام.. هيييي يمعوده.. صدك جذب.. شبيج وين صافنه

حرير.. شبيج سهام .. غير منتبه عليهم...

سهام.. عليهم لو علية... شبيج عيني تره مايطير

حرير.. ههههه لا مايطير.. هالطير.. ادري حتى لو يطير مصيرة يرجع العشة.. ضحكت ومشيت رحت على خواتي

الصغار بوستهم... عفت دحام ابوية بالربعه  ادري بيه تريد تضوجني عرفت شلون اضوجها

حدهن.. وينج ماتبين ماتكولين عندي اهل

حرير.. والله خاله ماشفت اهل سألو عليه بيوم حتى اني اسأل.. من تزوجت اليوم محد منكم جة عليه

حدهن.. شعدنا وياج بس تدرين مشاغل الحياة

حرير... لا عادي تعودت.. يله اروح اني

حدهن.. شو مستعجلة تعشو هين مو وكت طلعه

حرير.. لا واصل عشاكم خاله الف عافيه دحام تعبان ويريد يرجع يرتاح

سهام.. عوفيهم يمة .. ماتشوفين واكف الها دينتضرها

حرير.. سلمت على ابوية وطلعنا.. وصلنا للبيت صعدت الغرفتي اريد اغير ملابسي ..

دحام.. حبيب كبل كلشي حضريلي الحمام ..

حرير.. كلشي حاضر اذا تريد فوت اسبح

دحام.. اكفي وين رايحة...

حرير.. رايحة اصب عشى ويا عمتي اساعده بالشغل

دحام.. وهيج تروحين.. تعالي ماتنزلين هيج

حرير.. حبيبي ماكو احد غريب بس احنا خل اروح اساعدهم اتاخرت..  بعدين اغيرها والله عفته ونزلت اركض عالسريع

دحام.. يولي.. تعالي... شلت المنشفه ونزلت وراهه مالكيتها عالدرج.. طبيت للمطبخ شفته واكفه هي وامي عالطباخ..دحكت ماكو احد.. اخذت المنشفه طبيت للحمام اسبح...

سحر.. شنو مامتعشين يم اهلج 😏 اكو واحد يطلع بغير عشى هالحزة

حرير.. استغفر الله ماتكدر اذا ماتنغز بالحجي.. لا عيني ماتعشينا لان دحام تعبان وراد نرجع للبيت

سحر.. ممممم اي مو اكول وكت عشى معقوله امج ماجلبت بيج

ام دحام.. اشش سدي حلكج.. لا تسولفين هيج سوالف خفة هالوجهه هذا.. ماتحجين حجايه بيها خير

سحر.. اكول يمة شبيج اني شنو الكلته

ام دحام.. ولج اسكتي لا تخليني انفتح عليج

حرير.. عفتهم يحجون رحت طلعت خبز.. وحضرت المواعين

وكفت بالممرر دحكت باب الحمام مقفول.. دحام ديغسل
وكفت يم الباب.. صحت دحام كملت لو بعد

دحام.. جاي حبيبي كملت..

حرير.. عجل راح اصب عشى..

سحر.، ليش لا حبيبي عشتوو شنون حظوظ عفتهم وطبيت للغرفه..

حرير.. تعشينا وكملنا وسحر بغرفتها مدري شتسوي

صار الليل صعدنا للغرفه اني ودحام.. تمددت بالفراش يمه هو يكلب بالمبايل واني نايمه على ذارعو

دحام.. اكول حبيبي باجر اطلع البغداد عندي شغل اذا كملت ارجع واذا مالحكت ابات

حرير.. صدك تبات لا عفيه تعوفني وحدي اضوج

دحام.. احاول ارجع حبيبي

حرير.. اذا مارجعت اروح البيت ابو قاسم مشتاكة العمتي هناك ابات يمها

دحام.. ماشي حبيبي .. عوفينا من هالحجي مشتاك وكلبي نار حضنتها

حرير.. لا تخلي بالي واتسوق سريع عليك ابداعتي على كيفك ..

دحام.. صار حبيبي.. تدللين لاتخافين عليه بزون بسبع ارواح ..،

حرير... اسم الله على جدامك وعمرك..

سحر.. شهاب نام وعافني ضوجة خابرت على سهام

حرير.. كعدت الصبح.. ولا ادري بنفسي نايمه.. ودحام ماكو .. كمت عالسريع .. لبست الروب الجو بارد..

فتحت البردة دحكت عالطرمة من فوك سيارة دحام ماكو
والجو مغيم... يااا معقوله راح وماكعدني.. فتحت الباب

ونزلت اركض.. لكيت عمتي بالهول دتصلي.. طبيت للمطبخ ماكو احد.. رجعن للهول.. عمتي كملت صلاة

ام دحام.. ها يمه عليمن ادورين دحام راح الله وياه

حرير.. يااا ليش ماكعدني... الساعه شكد هسه

ام دحام.. الساعه 9 كبل ساعتين  طلع.. واني للحزة ماصليت خذتني النومة

حرير.. ولا حسيت بي والله غير يكعدني 😔

ام دحام.. تحضري خابرت فهد بعد ساعه يجي ياخذنا للسيد يقرالج وينطيج دوه،.

حرير..لا عمه ماروح خاف دحام مايقبل ..

ام دحام ماعليج خليه عليه كتلج تحضري مدام فهد ماعنده شي..

حرير.. خليها عاد للعصر عندي شغل..

ام دحام.. عجل فهد هم عنده شغل كال وره الضهر اجيكم

حرير.. ماشي خل اروح اخابر دحام اشوفه وينه صعدت الغرفتي.. شلت التلفون وخابرت

دحام... الو 

حرير.. حبيبي وين انته

دحام.. وصلت بغداد عيوني بعدين اخابرك

حرير.. شبيك سويتني زلمة هههههه

دحام.. يول كتلك روح يمي جماعه بعدين

حرير.، اموت على غيرتك هاي ههههه.، سديت التفون ونزلت للحمام غسلت الملابس.. وطلعت اشرهم..

سحر.. يمة اكو ريوك لو لا

ام دحام.. اكو ليش ماكو.. روحي تريكي

سحر.. شنو اسمعكم تكولون دحام ابغداد

ام دحام اي راح اخيج احنا وره الغده نطلع للسيد تروحين ويانه

سحر.. لا اوو ماروح ياسيد يمه شوديني .. اكول ويامن تروحون

ام دحام.. فهد راح يودينا..

سحر.. ليش لا ست حرير.. شريد كلشي يجرالها حتى فهد مدللها

ام دحام.. ولج اذا حجيتي هالحجي النوب لا تلومين الا نفسج.. شنو انتي حيه عكرب بس تلدغين عليمن طالعه هيج مادري

حرير.. شلت السلة طبيت للمطبخ مدري شيحجون من شافوني سكتو..، ماحجيت شي طبيت للحمام خليت السله

وصعدت الغرفتي.. خابرت على فرح.. سولفنا وضحكنا صار االعصر اتصل على دحام مايرد خايفه اروح ودحام

يزعل النوب عمتي شيقنعها... لبست ونزلت لكيت عمتي متحضره واكفه بالباب..

ام دحام.. يله وين صرتي..

حرير،. عمه والله اخاف دحام مايقبل واليوم مطر والجو مدري شنونه خل نأجلها

ام دحام.. ماعليج امشي فهد كيل عنده شغل مو زين حصلنا..

حرير.. اريد ارجع بس مستحيه من عمتي.. طلعت واني متردده وخايفه.. لا تصيرلي مشكله.. سلمت وصعدنا

سحر.. طلعت من غرفتي شفت حرير طلعت هي وامي
كعدت بالهول اتفرج مسلسل..

دحام.. كملت الشغل من وكت.. وطلعت على ديرتي .، كلت اسويها مفاجأة الحرير بس بعدين اتذكرت لا اكيد بالهم يمي خل اخابر

حرير.، طبينا للسيد مكان الباب كله حنة وستاير خضر
ونسوان طابة وطالعه.. الحايط مدكوك كله دفوف.. مكان ماشايفته كبل.. جة سراية واني خايفه..  خلت جنطتي يم خالتي وكعدت  يم السيد خله على راسي العوجيه واني مصدوعه مدري شبيه خايفة نا مرتاحة افكر بدحام وبالمكان ابد مارتاحة

السيد.. راح اقرالج ابد لا تحجين شي الا اكمل ماشي بنتي

حرير.. هزيت راسي اي..

دحام.. شلت التلفون وخابرت..

ام دحام.. سمعت التفون يدك شلت الجنطة وطلعت برة
لكيت فهد يم السياره واكف...

فهد.. ها خاله كملتي نمشي..

ام دحام،،!هذا التلفون يدك على حرير مدري منو طلبها
ماعرف افتحة جاوب انته..

حرير.. سمعت التلفون يدك عمتي اخذت الجنطة وطلعت
عرفت هذا دحام كلبي ماع خفت بس اريد اخحي اخاف من السيد اريده بس يكمل

فهد.. هذا دحام.. الوووو

دحام.. الووو منوو

فهد.. اني فهد خويه..

دحام.. وخرن التلفون من اذني عبالي متوهم بالاسم انتبهت لا هذا رقم حرير.. اكوول شنو حرير وينها ليش التلفون يمك........؟؟؟؟؟؟؟؟

يتبع.. اعتذر عن التأخير اني كلش تعبانه ومريضه
والله حتى مفكرة اترك الكتابة لان ضروفي صعبه وانتو حسيتكم مليتو يعني مرات افكر بعد انتهاء حرير اترك الكتابة.. باجر اذا صبحت زينه انزل الجزء اكرر اعتذاري

اوقات ممتعه.. توقعاتكم.. ها اتذكرت تره ماركزت على الاخطأ غلسو بداعتي..،