الفصل 1

رواية بعيدا عن الجميع من الفصل الاول للاخير كنت ماشي بليل وفجأه لقيت حاجه 150 سنتي ماسكه في آخر الجاكيت بتاعي بصيت لتحت عشان اشوفها..! -في ايه! انتي مين ؟ = انت مروح؟ -الساعه 12 بليل اكيد مروح انتي بتعملي اية هنا فى وقت زي دا!!!؟ = انا جميلة و و ..انا تايهه -تايهه اية دلوقتي! = هو بيبقي في معاد للتوهان ؟ بصتلها بتعجب: طيب اقدر اساعدك ؟ = خدني معاك عشان خايفه مش عارفه اروح فين.. رديت بدهشه و بستغراب: اخدك معايا !

اخدك فين = خدني بيتك مش انت مروح بيتك؟؟ -انتي شكلك ابن ناس ؟ انتي كويسة ولا في اية؟ = يعني اية ؟ ، مانا مينفعش اقعد في الشارع صح؟ الشارع مش حلو لازم اروح بيت.. -انتي شكلك زي ما تكوني اول مره تنزلي الشارع في حياتك اتفاجئت: انت عرفت منين اني اول مره انزل الشارع ! انت ساحر ولا ... انت تبع الاشرار؟ -اشرار مين؟ انتي بتقولي اية = انا خلاص هشوف حد تاني يخدني روح انت وقفت قدامها بسرعه ومسكت طرف الجاكيت بتاعها

عشان تقف: اهدي اهدي واستني هو انتي هتروحي مع اي حد وخلاص! رفعت كتافها ببراءه: ايوه انا خايفه وهخاف وانا هنا لوحدي لازم حد يساعدني -طب تعالي معايا لما اشوف هقدر ارجعك مكانك ازاي او اساعدك ب اية مسكت في آخر الجاكيت بتاعي تاني ورفعت راسها وبصتلي: عشان متوهش مني ابتسمت باستغراب: مش هاروح في حته متخافيش هاتي ايدك "مدت ليها ايديها ليا لاحظت انها صغيرة اوي مقارنه بايدي ومسكتها زي الطفلة ومشينا.."

************************************** -ادخلي تعالي متخافيش = هو انت لوحدك فالبيت دا ، دا كبير اوي! ضحك: مش لوحدي لا معايا شغالين و قاطعته واحده وهي بتبص لجميلة: زين مين دي؟؟ -ادخلي تعالي متخافيش = هو انت لوحدك في البيت دا -لا معايا شغالين و قاطعته واحده: زين؟؟ =بصي يا -جميلة.. اسمي جميلة. =اقعدي هناك لحد ما اجيلك ماشي ؟ -ماشي. = ماترد يابني فهمني مين دي ومن امته بتدخل حد هنا؟

-بصي يا داده انا مش عارف حاجه انا لقتها لوحدها وباين علي لبسها وكلامها انها بنت ناس بس بتقول انها تايهه وبعدين شكلها اول مره تنزل شارع انا خوفت حد يعملها حاجه فا جبتها = ياحول الله وهي متعرفش فين اهلها يعني؟ -مش عارف شكلها متعرفش حاجه خالص! = شوف اية حكايتها ولو تقدر تساعدها ساعدها يحبيبي بس خلي بالك برضو " رجعتلها ولقتها بتستكشف القصر بعيونها وكأنها اول مره تشوف مكان زي دا"

-قوليلي بقي فين اهلك او اقدر اوصلك بيتك ازاي؟ = بيتي؟ -ايوا = انا معرفش اي حد مش فاكره! -مش فاكره!؟ لقيتها هربت من نظراتي بعيونها وقعدت تفرك فى ايديها -طبب ممكن تهدي لازم تحكيلي عشان اقدر اساعدك!؟ = هو .. انا .. هوو .. بص أ انا كنت في مكان وكنت ... كنت محبـ. ـوسة بس كانوا بيعاملوني كويس بس مش بخرج حتي معرفش انا فين انا بس مشيت وفضلت ماشية لحد ما الوقت اتأخر واليل جه وفي اشرار .. انت مش شرير صح؟

ابتسمت لبرائتها: يعني يمكن ابقي طيب شوية = يعني هتخليني ؟ -هو انتي كدا هربتي من مكانك صح؟ رجعت تبص لتحت: ايوا -طب مكنش ليكي اهل؟ أو كنتي مع مين هناك وهربتي ليه؟؟ = معرفش انا عمري ما خرجت من المكان الي كنت فيه وهربت كدا مع نفسي وعمرهم ما قالو ان ليا اهل -طب كنتي بتعملي اية في المكان دا؟ = كنت قاعده وبس ومعايا صحبتي ندي وداده امينه وعمو عادل -كويس اوي واية كمان؟ = بس -عندك كام سنه مثلا؟ = عندي 18 ضحك: بس شكلك اصغر

= ازاي ما علينا دلوقتي انتى الى كنتى معاهم دول اهلك بقا -لاء هما كانوا مخليني عندهم وانا كنت عايزه اخرج عشان ادور على اهلي الى بجد = طيب مشيتي لي بعد الفتره دي كلها ؟ -مانا بقولك عشان ادور على بابا و ماما الى بجد = يعني عندك اب و ام -ايوا اكيد كلنا عندنا بابا و ماما بس انا معرفش ليه سابوني وعايزة اللقيهم = واشمعنه قررتي تدوري عليهم دلوقتي وتخرجي

-لاني سمعت انهم عايشين داده امينه قالت كدا لعمو عادل و كمان انا خلاص بقيت كبيرة انا عندي 18 سنه يعني اقدر اخرج قبل كدا مكنش ينفع عشان كنت صغيره " زين حاول يهاودها لأن من الواضح انها على الابيض خالص ! -بس انتي مينفعش تقعدي مع اي حد و خلاص -انا عارفة عشان فى اشرار في الدنيا بس برضو في ناس كويسة وهتساعدني زيك كدا صح؟ = انا هحاول اساعدك بس اديني اي معلومات عنهم طب "بصت للارض بياس شديد" -معرفش اي حاجه خالص

= عمرك ما شوفتيهم -لاء = متقلقيش هحاول القيهم " جت الداده و جميلة بصتلها " اتكلمت بكل تلقائيه: ازيك يا تيتة.؟ استغربت من تلقائيتها وابتسمت: كويسة انتي بخير يا حببتي؟ -ايوا زين خلاص هيساعدني هو طيب واكيد انتي كمان = يعني عرفت فين اهلها يا زين -لاء بس هحاول اللقيهم واشوف هعمل ايه -هو انا ممكن انام انا تعبانه اوي = اكيد يا حببتي تعالي اوديكي اوضة تنامي فيها -خلي بالك عليها يا داده

"لقيت الداده بتضحك وبصتلي بصة انا فهمتها كويس! >>>>>>>>>>>>>>>>>>>>>>>>>>>>>>>>>>>> _هاه حلوة الاوضة دي ؟ مرتاحه؟ = دي جميلة خالص شكرا اوي انا همشي اول ما اللقي بابا و ماما مش هضايقكو خالص حقيقي -يا حببتي ارتاحي دلوقتي و ان شاء الله زين يقدر يلاقيهم ولحد ما يحصل ده زي بيتك بالظبط = شكرا يا تيته "ابتسمت وسابتها وخرجت" " اما جميلة فا حطت راسها على المخده وغرقت فالنوم بكل سلام .." >>>>>>>>>>>>>>>>>>>>>>>>>>>>>>>>>>

-خد هنا تعالي يا ولا = اي مين انا؟ _قولي بقي كدا اية الحكاية ؟ = حكاية اية -دا انا مربياك على ايدي انت مش بتدخل اي حد القصر هنا وكمان دي غريبه = يعني مساعدهاش الله! انا غلطان؟ -لا فيك الخير ياحبيبي بس برضو الحكاية دي غريبه = هي غريبه بس انا زي ما قولتلك مقدرتش اسيبها! حسيت انها مسؤلة مني انا في الوقت الى طلبت مساعدتي فيه! -طيب يا زين بس اياك تبصللها بقولك اهو انا فهماك = جرا أية يا داده دا انا طيب حتي.!

ضحكت: وهي شبه الاطفال سبحان الله شكلا وطريقه لكن اهلها هيعرفوها ازاي؟ = بصي انا هنزل اعلان و احط صورتها او مش عارف هجرب أ " النور قطع وهما بيتكلموا و زين شاف اتنين داخلين من ورا الازاز بتاع القصر وسمع سريخ جميلة فجأه.. " _زييييييييييييين _زيييييين !!!! " زين طلع من معاه مسدس ودخل الداده في اوضه وقفل عليها وطلع عند جميلة جري " "لقتها قاعده ف ركن في الاوضة وخايفه" -جميلة؟؟؟ جميلة انتي كويسة ؟!

جريت على حضني ومسكت فيا واتكلمت وهي بتتنفس بسرعه وخايفه: في اشرار هنا شوفتهم من الشباك وهما داخلين وشكلهم يخوف والدنيا ضلمت فجأه وسمعت الصوت الغريب ده "فضلت ماسكه فيا جامد فا حاولت اهديها" -اهدي متخافيش انتي معايا اهدي بصي ادخلي جوه الدولاب دا لحد ما امشيهم اتفقنا؟ = ماشي خلي بالك دول أشرار !! -متخافيش.

دخلتها الدولاب وقفلت عليها ونزلت في الضلمه وكلمت الحرس بس محدش فيهم بيرد لمحت واحد منهم عند مكتبي وصْربته في رجله ولما وقع جريت خدت منه المسدس الي معاه بس مخدتش بالي من التاني الي هجم عليا ووقعني على الترابيزة بس لحقته وصْربته هو كمان بالرصـ. اص في رجله.. >>>>>>>>>>>>>>>>>>>>>>>>>>>>>>>>>> -خلاص يا حببتي مفيش حاجه = هو زين هيحصله حاجه ، هو راح فين؟

-لاء ان شاء الله شوية وهيجي هوا بيسلم الناس دي للبوليس عشان متعملش كدا مع حد تاني = هما الناس كلهم وحشين كدا يا تيته!!؟ -مش كلهم في ناس كويسة بس الاكيد ان مفيش اجمل منك انتي يا حببتي = وانتي كمان و زين برضو.. "زين دخل القصر وجميلة اول ما جه راحت ناحيته" -انت اتعورت؟ ابتسملها: متخافيش دا خدش صغنن خالص مش واجعني حتي -الاشرار راحوا؟ = ايوا خلاص -طمني يا زين حصل اية = كانوا حراميه يا داده اعترفوا على كل حاجه

واتسـ. ـجنوا بس حاسس انهم تبع حد مش عارف ليه -متبقاش موسوس يا زين انت ملكش اعداء ولا اذيت حد اكيد مجرد حراميه و المهم اننا بخير = عندك حق يلا بقي يا جميلة روحي نامي انتي -لاء يازين انا خايفه النور يقطع عليا تاني وانا لوحدي زين نزل شوية لمستواها: متخافيش لو قطع هاجي بسرعه زي ما عملت و مش هيحصل حاجه -هتيجي بسرعه بسرعه جدا؟ زين ضحك: جدا -ماشي Bonne nuit يا زين زين بصلها بستغراب: ايه ؟ قولتي ايه؟ = ايه؟

بقولك Bonne nuit تصبح على خير يعني زين ضحك ببلاهه: وانتي من اهله! جميلة طلعت والداده بصتله بستغراب: في اية يا زين = دي قالتلي Bonne nuit بالفرنش وامبارح وهي معايا فالعربيه وجاين على هنا قالت كام جمله برضو فرنش يعني كان عندي حق هي بنت ناس -هتفرق ف ايه = هتفرق اكيد.. انا عايز اعرف كانت عايشة مع مين وحبسوها ليه طول عمرها كدا وعملوا اي خلاها تكون متعرفش اي حاجه ف اي حاجه زي الاطفال؟؟

-يحبيبي البراءه الي فيها دي من جواها انما الناس دي بقي لو مكنوش وحشين يمكن ربوها عادي وخافوا يخرجوها لوحدها مثلا مش عارفه = مش عارف برضو محدش بيعمل كدا دي بتقول اول مره تنزل شارع وعندها 18 سنه -طيب انت هتعمل اية؟ = انا هانزل صورتها على موقع مفقودين او ادور على معلومه تساعدني اللقي اهلها -ربنا معاك يحبيبي "طلعت اوضتي بس قبل ما ادخل روحت اوضة جميلة وكانت نايمه بكل سلام وشكلها لطيف"

-اههه شبه الملايكه حتي وانتي نايمه معرفش اشمعنه انا الي جيتي في طريقي بس عايز اكمل معاكي للاخر ومش عايز اسيبك! >>>>>>>>>>>>>>>>>>>>>>>>>>>>>>>>>>>> ||تاني يوم| الصبح || -يا داده جميلة صحيت؟ = لاء نايمه صحيها لحد ما اعملكوا فطار -طيب " خبطت كتير عليها و خوفت اخبط جامد تصحي مفزوعه فتحت الباب براحه " ولقتها نايمه بعمق و بطريقة مضحكه عدلت شعرها وطبطبت على كتفها: جميلة يا جميلة قومي بصوت نايم: هممم؟ -قومي يلا كفايه نوم

= لا لسه -لا كفايه = لا لسه -لسه ايه يبنتي قومي = ليه -هناكل! -مين هياكل معايا؟ = انا -هاجي اهو -طب قومي بقي = حاضر -برافو شاطره " اتعدلت وشعرها الطويل كان كله على وشها وشكلها كان غير مرتب بالمره عدلتلها شعرها وهي بصالي ومبتسمه زي الطفله يارب صبرني ونبي..! = يلا ننزل -ماشي -Bonjour. يا داده الداده بصتلي فا ضحكت: بتقولك صباح الخير الداده ابتسمتلها: علي عيونك ياقمر جميلة بتعجب: انا قمر!؟

بصتلها بنص عين: ايوا فعلا قمر يا جميلة -اتلم يا زين = ليه يا تيته سبيه دا قال حاجه لطيفه زين ضحك بصوته كله: بتقولك سبيه اهو انا براءه كده -دا خبيث يا حببتي دا = لا زين حلو -جميلة محدش حلو هنا غيرك -يا واد اتلم يا واد = خلاص. "بعد ما فطرنا جبتلها لبس جديد وكانت فرحانه بيه جدا ودا شيء فرحني انا كمان" -يلا بينا بقي ننزل "بصتلي بصه غريبه" _هنخرج الشارع! -ايوا متخافيش انتي معايا = هنعمل اية هنلعب؟

-لا بصي هنروح نصورك صورة حلوة كدا عشان يمكن حد يعرفك اية رأيك؟ = ايوا فكره حلوة اوي كدا بابا وماما هيلاقوني صح -ايوا صح = طيب يلا بسرعه! "نزلنا انا وهي وركبنا العربية وطول الطريق وهي بتتفرج على الشوارع بانبهار ودهشه" -ده برا طلع جميل اوي!! = يعني اه -بس في ناس كتير جدا ! هما كلهم اشرار؟ = تؤ مين قال؟ -دايما كانوا بيقولولي مينفعش اخرج لان الناس وحشين زي الي جم امبارح كدا = يعني كنتي محبوسه عشان كدا؟

هزت راسها: وكمان عشان كنت صغيرة دلوقتي كبرت = اممممم طيب استنيني هنا ثواني. نزلت من العربيه ودخلت السوبر ماركت اجبلها شوكلاتة وحاجات تتسلي فيهم فكرت ان دا ممكن يبسطها شوية جبتهم وخرجت واول ما بصيت على العربية وملقتهاش الحاجه وقعت من ايدي وفضلت ادور عليها بعيني وانا واقف لكن مش شايفها!!!! ****************************** -جميلة !!!!! انتي كنتي فين؟؟ = انا كنت بصتلها بلهفه وانا

بتأكد ان مفهاش اي حاجه: انا قولتلك خليكي في العربيه!! انتي عارفه قعدت ادور عليكي ازاي = يا زين sorry مكنش قصدي! بس انا كويسة _سوري اي بس!! افرض كان حصلك حاجه ولا توهتي = خلاص متزعلش انا بخير _طب ادخلي يجميله العربية ادخلي دخلت العربيه وبصتلي ببراءه: مالك هو انت زعلت؟ "لسه هتكلم لقيت صوت نونوه" _أية ده؟ = اه مانا نزلت اخد القطه دي _ليه!! = لقتها لوحدها اكيد تاهت زي فا قولت اخدها _يعني نزلتي عشان كدا؟

"هزت راسها بهدوء وانا كنت بحاول اهدا" = في أية مالك يا زين؟ انا كنت جمبك وراه العربيه ورجعت ملقتكش حطيتها واستنيتك تيجي _يا جميلة انتي متعرفيش حاجه هنا افرض توهتي مني هعمل أية ساعتها؟ رفعت كتافها: هتدور عليا! "ضحكت غصب عني بسبب البساطه الي بتتكلم بيها" -انتي بجد هتموتيني بالسهوله الى بتتكلمي بيها ابتسمت: و ممكن كمان انا طلب من حد يساعدني واللقيك بسهوله برضو "ابتسمتي اختفت وحسيت بأحساس مريحنيش"

_جميلة مينفعش تطلبي مساعده من اي حد ولا ينفع تدي لحد الأمان خالص وتثقي فيه ماشي! = مش فاهمه؟ _بصي مش كل الناس كويسة يعني = عارفه _يبقي مينفعش تتكلمي مع اي حد صح ممكن ياذيكي! هزت راسها بتفهم: ايوا صح _يبقي أية؟ تفضلي معايا ومتبعديش ابدًا لحد ما اساعدك واطمن عليكي ابتسمتلي: حاضر "روحنا انا وهي عشان تتصور وخلصت وكنا هنمشي" _زين زين "يارب واحده زين كمان ومش همسك نفسي" بصتلها: ايوا يا جميلة _اتصور معايا = اصل..

_يلا عشان خاطري عشان تبقي ذكري حلوة! رديت بمنتهي الاستسلام: حاضر "اتصورت جمبها صورتين وفرحت جدا وهي كمان فرحت اوي ولما سالتها مرضتش تقولي السبب روحنا انا وهي البيت وكانت مرهقه اوي انسه فرهوده." _انا عايزه انام مش قادره خالص = الله انتي لحقتي يا جميلة _الي يشوف كدا يا داده يقول شقيتها = ملكش دعوه يا ولا _تيته مش هتصدقي! = أية؟ _جبت قطه صغننه جميلة ولونها orange = هي فين

_زين قالي هتروح للدكتور الاول عشان يكشف عليها وبعدين هتيجي تقعد معانا هي اكيد تايهه من مامتها زي لقيت داده فاطمه بتضحك بصتلها برفعه حاجب -بتضحكي افتكرتك هتعترضي؟! = ابدا جميلة براحتها _الله الله!! بقي كدا ، يا بختك ياست جميلة مكنتش راضيه تخليني أجيب كلب = كفاية انت _داده مش قدامها خلاص "قعدت تضحك وانا سرحان في ضحكتها.." _انا جعانه جدا = ياروحي غيري هدومك وليكي اكله حلوة عندي بحماس: أية أية = مكرونه بشاميل

_لحمه ولا فراخ!!! = فراخ " لقتها قامت باست داده فاطمه بفرحه" _جرا اية هو انا شفاف = واد يا زين بطل لماضه _انتي عامله ليها مكرونه وهي ادتك بوسه وانا اي طيشا! = عايز بوسه؟ _لا يا جميلة عيب ردت بضحك: كنت هديهاله عالهوا يا تيته " داده فاطمه قعدت تضحك وانا باصص لجميلة بتوعد" -ماشي متشكرين اطلعي غيري يختي لاء بصتلها بعصبيه مصطنعه: بنت عيب اسمعي الكلام ردت عليا بأستهزاء: تؤ تؤ مش هسمع هتعمل أيه يعني

_الله انتي بتعندي معايا ولا اي هزت راسها وهي بتستفزني _انا بحذرك يا جميله = مش بخاف هاهاهاها "قومت ولسه هجري أمسكها سرخت و جريت زي الصرصار على أوضتها وانا مبتسم والابتسامه رايحه لحد وداني.." *********************************** صلي على محمد || بعد يومين || _يا عم = ايوا ياباشا _بتقولي باشا ايوا دا إحنا بقينا جامدين خمني جبتلك أية طيب = شوكلاته؟ ضحكت: مش اكل يا جميلة = مش عارفه أية

" خرجت بمنتهي السعاده ودخلت بالقطه اول ما شافتها ابتسمت بفرحه كبيره أوي " _مش مصدقه دي بقت جميلة خالص وبقت نضيفه كدا خلاص هتقعد معايا = ايوا ياستي بقت بتاعتك رسمي _شكرا يا زين انت لطيف خالص بجد "قلبي الصغير لا يحتمل والله." = هتسميها اي بقي _مش عارفه أية رايك كوكي ؟ = اهااا نسيت اقولك _أية! = هو ولد مش بنت _بجد ؟ = اها _هسميه زوزو شبه زين حلو؟ = حلو زيك

"بصتلي بصه طويلة وانا كنت مركز مع عينيها الي كل مره ببصلهم بيخطفوني من اول وجديد.! -زين هااي؟ = جميلة انا بحبك = ما انا كمان بحبك -لا بس انا مش قصدي كدا اقصد ... بصتلي بأنتباه: قول " خت ثواني مع مخي بحاول افكر انوه مينفعش ودي كانت لحظه قولت فيها الي انا حاسه لكن مينفعش استغلها ابدا وهي نيتها مش زي!! -مفيش ولا حاجه = اممممم زين احنا صحاب صح ؟ -اكيد = يعني هتفضل فاكرني وهنشوف بعض صح؟ -مش هقدر انساكي كدا كدا

>>>>>>>>>>>>>>>>>>>>>>>>>>>>>>>>>> استغفرالله " عدا تلت ايام بحاول فيهم ابعد على قد ما اقدر لحد ما في يوم بليل وانا قاعد لوحدي في البلاكونه لقتها جايه" -جميلة اية مصحيكي لدوقتي!؟ "بصتلي بغضب ممذوج بزعل وكان واضح جدا.." -هو انا زعلتك يازين؟ = لا خالص؟ -مش بتكلمني ليه امال؟ = عشان.... أ.. -لو زعلتك قولي وهصالحك و ممكن اعتذر انت مبقتش تحبني ولا عاوزاني صح؟ -ليه بتقولي كدا

= ليه بقالك شوية و شوية مش بتكلمني ولا بنلعب سوا ليه؟ ممكن اعرف -مشغول لكن اول ما افضي علطول هنلعب = لاء انت مش عاوزاني خالص الاول كنت بتكلمني كتير "وقفت وبصيت في عيونها الي زعلانين بسببي ومبقتش عارف اقول اية " -لا بيتهيألك صدقيني انا هنام بقي عشان هصحي بدري تصبحي على خير.. "مش فاهم ليه قولتلها كدا بس انا مكنتش قادر استحمل وكل ما احاول ابعد ببقي مش قادر ولا كان هيهون عليا زعلها فا هربت!

"سمعت صوت الفجر بيأذن وانا كنت رايح في النوم لاني بقالي يومين منمتش كويس" "ومعاه سمعت صوتها الرقيق خالص وهي بتقولي انا اسفه" || تاني يوم الصبح || -زين انت صحيت؟ = اه -صحي جميله بقي لحسن بقالها كتير نايمه = طب ما تصحيها انتي -اية هو ده روح يا ولا هاتها خلينا نفطر "مش طالبه اشوفها وهي نايمه خالص" -حاضر يا داده خبطت عالباب ومرضتش ادخل: جميلة انزلي عشان نفطر ماشي.... جميله ؟؟؟ يا جميييله؟ " فتحت الباب وملقتهاش فى الاوضه!

"فجأه حسيت ان دماغي تقلت ومخي وقف قعدت ابص فى الاوضه بتركيز وانا مش مصدق خبط على الحمام بقوه مكنتش موجوده كنت خارج من الاوضه بسرعه جدا لحد ما لمحت ورقه على سريرها فتحتها بطريقه عشوائية وبسرعه" " انا خلاص همشي يا زين هتوحشني اوي متخفش انا هلاقي حد تاني يساعدني انت ساعدتني كتير اوي بس مكنش قصدي ازعلك خالص ومعرفش ليه مبقتش عاوزني بس sorry بجد " >>>>>>>>>>>>>>>>>>>>>>>>>>>>>>>>>>> -زين اللحقني يا زين! = جميلة!!؟؟؟

انتي فين! -مش عارفه انا "وفجأه صوتها اتقطع ورد عليه واحد" = ايوه -انت مين ! = اعتقد انها تخصك ولا اية ؟؟ زين بزعيق: رد عليا انت مين !!!!! = قابلني بكره في .......... وتجيب معاك ورق المناقصه واظن انك عارف بتكلم عن ايه بالظبط سلام. -استني ! الو ! الووو ! "رمي الموبايل على الارض وفضل يتنفس بعصبيه" -في اية يا زين؟؟ انت قولت جميلة = جميلة اتحْطفت يا داده !!! حطت ايدها على صدرها بحْضه: يمصيبتي!!!

اتحْطفت ازاي مين الى حْطفها !!!! ده انا سيباها ف اوضتها امبارح " زين مكنش سامع غير صوتها وهي خايفه وبتقوله يلحقها وحاسس انوه بيموت ببطء بسبب شعور العجز الى متملك منه" قال بخيبه امل: كل دا بسببي ! -مش وقته انت لازم بلغ البوليس يا زين سامعني؟ = الي جه يسرقني في الفيلا ياداده كان عايز ورق لي علاقه بالشغل في الشركه قولتلك يا داده اكيد حد مزقوق عليا انا كنت حاسس -ودا ورق مهم!؟

راسه وهوا كانت طاقته خلصت: مهم وانا معرفش مين عمل كده مش عارف طبطبت علي كتفه: اهدا اهدا اكيد هتبقي كويسة احنا لازم نبلغ -لاء انا هروحلهم بالورق = لاء يا زين ! افرض عملوا فيك حاجه! -هما مش عاوزيني! وبعدين مش هسبها تضر بسببي !! " زين فضل طول الليل صاحي ومستني المعاد الي هيقابله فيه وراح على شركته قبل المعاد بشوية " -بقولك يا عماد = ايوا -فين ورق المناقصه الى مفروض هندخلها = موجود فى خزنه الشركه

اداله المفتاح: طب امسك هاته = ايوا بس العقد هنمضيه بكره فى الاجتماع وبعدين هندخل ال قاطعه: تؤ تؤ اللغي كل دا كل حاجه تتلغي = نعم ؟ زين انت بتهزر؟ -لاء مش بهزر ومتعارضنيش يا عماد = في شرط جزائي نص مليون جنيه!!؟؟؟ -قولت كلامي يتنفذ !!!!! = تمام ********************************** صلي على محمد "جه وقت التسليم و زين كان رايح لحد ما جاتله مكالمه" -الو = ايوه مين -زين ؟ = ايوا مين معايا -اوعي تروح تسلم الورق = نعم!

مين بيتكلم ؟؟ انتي تبعهم -انا معايا جميلة = انتي مين مش فاهم حاجه ! -خليك مكانك انا هاجيلك الشركه " زين فضل واقف قدام الشركه لحد ما لقي بنت جميلة جدا وصلت وبصتله " -تعالي معايا -فين جميلة ؟؟ = لازم نتكلم -نتكلم اية فاضل نص ساعه لازم اروح اللحقها! = الي حْطف جميلة يبقي كريم الصواف رئيس الشركة منافسه ليك وعايز الورق عشان ياخد المناقصه و ه قاطعها: وانا مش مهم عندي كل دا انا عايز جميلة

= مش هيديهالك كان هياخد الورق ويهرب وجميلة دلوقتي على يخت من بتوعه في ...... -انتي بتقولي ايه !!! انا لازم اروحلها حالا !!! = اهدا هنتصرف سوا!! -وانتي مين اصلا اية مصلحتك فكل دا!! وعرفتي دا منين ؟ = انا ابقي ساره.. حبيببته -نعم؟

= كريم مريض بالشغل ومريض بأي حاجه حوليه وعاوزها لي عشان كده عايز ورق المناقصه بأي تمن و اتخانق جامد مع الصواف و قاله انوه هياخدها يعني هياخدها وهيعمل اي حاجه تخليه ياخدها فا بعتلك ناس تدور فالفيلا و فضل مراقبك و عرف ان جميلة تخصك حْطفها و كان مفروض هيرجعهالك لكن.. زين جميلة لو فضلت معاه هيدمرها زي ما دمرني " زين كل كلمه بيسمعها كلنت بتجننه زياده " -انا هشرب من د* مه

= اسمعني انا بحبه و بحاول اغيره و ابوظله كل عملياته من غير ما يعرف.. كريم مكنش كده لكن ابوه السبب بص ركز معايا انا اتكلمت معاها و عرفت منها حكايتها كلها عرفت انك رحمتها من الشارع فا هي فعلا مهمه عندك؟ -اكيد تهمني ! وانا هعرف ارجعها علفكره بأي تمن برضو!! المناقصه متهمنيش وكنت رايح اديله الورق

= و انا مش ضدك هساعدك انت هتروح دلوقتي وهتلاقي حراسه على اليخت انا هحاول اشغلهم بعيد لما اوصل بعدك وانت تجبها بسرعه هتكون في اليخت جوه فى اوضه تخرجوا وخد معاك مسدس احتياطي انا طلبي الوحيد انك متعملش حاجه لكريم ارجوك.. ده طلبي الوحيد وانا اضمنلك سلامتها -لما انقذها وتبقي معايا وقتها نتكلم! = تمام يلا بينا

" زين سمع كلامها فعلا وراح عند اليخت وفضل مستني لحد ما وصلت واتكملت مع الاتنين الى واقفين وخدتهم على جمب زين فضل ماشي بهدوء جدا لحد ما دخل ولقي اوضه مقفوله فتحها وكانت جميله نايمه بتعب و باين عليها اثار العياط و الخوف -جميلة! جميلة قومي = زين -هوش وطي صوتك انا معاكي خلاص متخافيش

" حسيت ان قلبي رجع يدق تاني اول ما اطمنت عليها فكيتها وهي بتعيط معرفتش اعمل اي كنت بحاول اطمنها لحد ما قربت ليا فا خدتها فحضني وطبطبت عليها " -اهدي هنخرج سوا انا جيت عشانك ومش هسيبك مسكت فيا جامد وهي بتعيط: انا اسفه مكنتش اعرف ان كل دا هيحصل انا -شششش اهدي احنا دلوقتي لازم نمشي بسرعه متفكريش في اي حاجه احنا هنخرج وكله هيبقي تمام

" مسكت ايديها وخلتها ورايا ومشينا واحده واحده لحد ما افتكرت المسدس الي في جمبي الى اخدته من ساره وطلعته لكن خرجنا من غير ما اي حد يشوفنا " -ساره ؟؟!! = جميلة كويسة؟ -كويسة بس نايمه في العربيه = دلوقتي لازم تعمل زي ما اتفقنا انا اوعدك اني انوه مش هيقرب لها تاني -مش هقدر اعمل كده اضمن منين !! يمكن يعملها تاني ده لازم يتسجن = هي مش سليمه معاك! -هو انا استني لما يحصل لها حاجه؟ = انا اضمنلك هو مش هيبقي فاضي لها اصلا

-مش فاهم.. = انا من كام يوم بس قدرت امسك ورق مهم يخص ابوه و كنت عامله حسابي اني هـ..ـهرب انا وهو وبكدا الصواف يسيبنا في حالنا.. لكنه برضو عرف يسيطر عليه في موضوع المناقصه فا قولت استني شوية لحد ما يخدها ويهدا قالي عالي هيعمله انوه هيسرقك و ياخد جميلة مكنتش مهتمه مش هكدب عليك بس لما شوفت جميلة كنت ساعتها راجعه من عنده ومتخانقين جامد بسبب اني تعبت!

وقتها كانت في اوضتها وشافتني قولتلها بتبصي على ايه فا بدأت تتكلم معايا وتقولي مزعلش و بمنتهي السهوله حسيت اني بكلم طفلة في منتهي البرائه وحبيتها.. قررت اساعدها فضلت تحكيلي عنك وعرفتك وجبت رقمك عشان تنقذها كانت واثقه انك هتلحقها.. نصيحه مني متسبهاش ابدا هي متعلقة بيك و من ناحيه كريم.. فا هعرفه ان الورق معايا وهقنعه نسافر صدقني وهيبعد عن اي حاجه في مصر ضحك وبصلها بسخريه: الحب غريب.. ضحكت: هو غريب فعلا.. بس مش انت

الى تقول كده بصلها بتعجب: ليه؟ -مش عارفه.. يمكن لو شوفت خوفك عليها تفهم.. بس عموما انا احساسي مش بيخيب وهتفهم بعدين.. انا هرجع عشان ميلاحظش غيابي.. باي >>>>>>>>>>>>>>>>>>>>>>>>>>>>>>>>>>> " روحت الفيلا بعد ما ساره مشيت وكانت جميلة تعبانه فا شلتها وهي شبه نايمه طلعتها اوضتها " " شديت كرسي حطيته قدامها وقعدت كانت ماسكه ف ايدي بتلقائية وهي نايمه وانا فضلت اطبطب عليها بهدوء عشان تقوم "

قربت واتكلمت بهدوء: جميلة انتي كويسة؟ -زين.. = انا جمبك " فتحت عينيها بتركيز وبعدين مسكت ايدها بوجع مكان رباط الحبل " بدأت عيونها تدمع: انا كنت هموت واحد شرير خدني عنده و.. -ششش اهدي انتي في امان معايا كل حاجه تمام اهدي = انا خايفه..انا مسكت ايدها الى كانت بتترعش وضمتها ليا وفضلت اطبطب عليها: انسي اي حاجه حصلت خليكي عارفه اني معاكي و بس ومتفكريش تبعدي تاني ابدًا ماشي؟

" فضلت مقربها ليا عشان اقدر اطمنها اي حد مكانها ممكن كان يقدر يتخطي لكن هي لاء هي عمرها ما اتحطت فمواقف زي دي واكيد هيأثر عليها وهتبقي خايفه عشان كدا عمري ما هقدر اسيبها " -جميلة؟ = ايوا -بقيتي كويسة هديتي شوية؟ = اها شوية -طب انتي ليه مشيتي = عشان مكنتي عاوزني -مين بس العبيط الى قال كدا = انا -كنتي مفروض تتكلمي معايا ! يا جميلة لو كان حصلك حاجه مكنتش هقدر استحمل بجد صدقيني

= بس انا لازم اشوف حتة اقعد فيها برضو انت مبقتش عاوزاني صح؟ رديت بسرعه و بدون تفكير: جميلة انا بحبك والمره دي بحبك يعني عاوزك معايا علطول يعني هنتجوز فاهمه حاجه؟