تحميل رواية بعيدا عن ال بقلم سلسبيل احمد pdf

" لقتها ابتسمت ومكنتش متوقع انها تعمل كدا وتفهم "

- دا انتي موافقه بقي !

= انا كمان بحبك اوي!!! بس انا لسه صغيره المفروض لما اكون قد عمو عادل مثلا يعني و طنط هدي اتجوز زيهم حد بحبه.. هما كانوا بيحبوا بعض برضو.

زين ضحك: طب هستناكي تكبري وبعدين قولتي بتحبيني يعني؟

"هزت راسها"

ايوا عشان انقذتني انت سوبر زين..!

غمزلها: يعني بتحبيني زي ما بحبك مش صحاب ها ؟

= ايوه..

مسكت ايديها وبوستها بفرحه: يبقي متبعديش عني تاني عشان عمري ما هسيبك يا جميلة فاهمه؟

= حاضر

__________________________

اللهم صلي وسلم وبارك على سيدنا محمد

" بعد ما الامور كلها اترتبت ومشينا خطوة خطوة وعلمتها حاجات كتير وخرجنا عشان تتكلم وتشوف ناس وتعرف ان في الحلو و الوحش فات ست شهور وجميلة بقي عندها 19 سنه معرفتش اصبر اكتر من كده.. اتجوزنا عملنا فرح كبير جدا مكنش في شخص واحد موجود محسدنيش لاني اتجوزت اجمل واحده في العالم وكنت مدرك كويس اني بتعامل مع طفله مهما حاولت اعلمها عشان تبقي زينا كده عادي.. لكن على اي حال كنت بحبها و كانت الحياة هاديه معانا لحد ما فى يوم.... "

- يا ست جميلة

= ايواااا

- والله وبقيتي تزعقي كمان

= اتعلمت منك

- اتقي الله انا بزعق؟

↚

= اه وانت بتتفرج على الماتش

غمزتلها و ضحكت: ايوا يا مركز

= المهم قول عشان جعانه خالص

- لا لا ناكل الاول

= لا قول

- كنت هقولك تيجي نسافر ونتفسح؟

= هاه اكيد!!!

- اتفقنا هاتي بوسة

= لاء

- لا هتديني

باستني على الهوا فا قلبت وشي: جرا اية يا جميلة؟

= هو كدا يا زين

- الباب بيخبط

= هيييييه اكيد الاكل هفتح

- لا استني هفتح انا

روحت افتح الباب ولقيت واحد شكله مرتب.. لابس بدلة وباين انوه حد تقيل

- ايوه مين حضرتك

= جميلة موجوده؟

- جميلة ؟ انت تعرفها؟

= ايوا

بارتباك: طب اتفضل..

" دخل وانا حاسس ان نبضات قلبي بقت سريعة"

- جميلة اطلعي فوق

= ليه

- عشان هنتكلم فى شغل

= طيب

" رجعتله فا قعد وبصلي بستغراب"

- معلش انا مش عايز افاجئها باي حاجه انت من اهلها ولا انت تعرفها منين ؟

= هي جميلة قاعده عندك بصفتك اية؟

- انا جوزها

= نعم ؟

- زي ما سمعت

= وتعرف اهلها عشان تتجوزها؟

- لا معرفش و مش مهم المهم عندي هي

= لا لازم تعرف كويس الي عندك دي بنت مين واهلها يقدروا يعملوا فيك اية وخصوصًا بعد ما اتجوزتها كدا

- مش فاهم حضرتك وبعدين احنا اتجوزنا برضاها اكيد مش غاصبها

= دي تبقي ليلي اسر المهدي ولو متعرفش مين عيله المهدي ابقي دور

" حسيت ان دماغي وقفت لثواني ومكنتش مستوعب اي كلام بيقوله !"

- انت! بتقول ايه!

= الي سمعته ، واتعرفنا عليها من الصور الي نزلتها وعاوزين نعمل تحاليل DNA عشان نتأكد وانا المحامي بتاعهم.

اتكلمت بسرعه: ايوا بس جميلة كانت مع ناس قبلي ومخرجتش للشارع لمده 18 سنه عارف دا اثر عليها ازاي؟؟ جميله محدش بيعرف يتعامل معاها زي وانا مش هقدر اصدمها بالي قولته دا خصوصا ان على حد علمي ان اسر المهدي عمل حادثه هو ومراته ده خبر كل الناس تعرفه يعني هي كدا ابوها وامها ميتين ..! دي كانت بتدور عليهم !!! احنا مينفعش نقولها كل ده

= تمام وانت ملكش علاقه بالموضوع مهمتك خلصت لحد هنا والدها والدتها ماتو وهي لازم ترجع لباقي عيلتها واحنا نقدر نتصرف معاها بطريقتنا وانت ابعد نهائي

زعقت جامد: انا مش هسبها لوحدها ! جميلة مراتي

- زين في اية ليه بتزعق؟؟

= جميلة اطلعي دلوقتي

- لاء هو انت زعلان ؟ عمو ده زعلك؟

بصلها بخبث: ازيك.

= حضرتك مين ؟

- تعالي اقعدي نتعرف

"مسحت على وشي بعصبيه وكنت مخنوق لحد ما قعدت جمبي ومسكت ايدي وبصتلي وهي بتحاول تطمني وكنت بهدي تلقائي عشان هي بس جمبي وايدها لمسه ايدي.."

- ياتري اقولك جميلة ولا ليلي

بصتله بنفاذ صبر وهي بصتله بهدوء: انا اسمي جميلة

- لا اسمك ليلي اسر المهدي مش عايزه تعرفي مين اهلك؟؟

بصتلي وعيونها بتلمع وردت عليه: ليلي؟ و ... هو حضرتك تعرف هما فين؟

- ايوا

= زين! يعني بابا وماما موجودين هشوفهم!!

- لاء هو

" مسكت ايديها جامد وهي مكنتش فاهمه وبتبصلي "

- هما دلوقتي فى مكان احسن من هنا.. يا جميلة

= يعني هقدر هشوفهم يا زين!

مقدرتش استحمل اكتر من كدا:

- حضرتك ممكن تمشي وانا هاجيلك اديني عنوانك انا هرتب كل حاجه واجيلك خلاص؟ ، جميلة خليكي هنا ثواني

خته عند الباب بعيد عنها: في حاجات كتير محتاجين نفهمها وهي اكتر واحده لازم تفهم عشان تقدر تعدي دا وترضي تعمل التحاليل خلينا نتفاهم بهدوء!!! عشان خاطرها هي ممكن!!

= تمام هاجي بكره ونعمل التحاليل.

" مشي وسابلي الكارت بتاعه روحت لقتها متعصبه وباين عليها الزعل "

- ليه كدا يا زين ليه؟؟؟

= ليه اية!

- ليه بتمشيه انا عايزه بابا وماما !!!

= جميلة اهدي

- لا

قربت وحضنتها: اهدي هفهمك كل حاجه خلاص؟

قعدتها قدامي: مش انتي بتحبي ربنا؟

= اكيد

- طيب تزعلي لو خد منك حاجه

= حاجه اية

↚

- اي حاجه

= لاء انا اعرف ان اي حاجه مع ربنا بتكون كويسه صح

- صح برافو عليكي يعني لو قولتلك مثلا انه ربنا اخد منك حد

= خده خالص يعني مات؟

- ايوا

= لاء مش عارفه.. هزعل اكيد!!

- ازاي بقي دا كدا ربنا بيحبه عشان يخده عنده فالجنه!

"فضلت بصالي وهي منتبها"

- لو طلعتي انت ليلي اسر المهدي يبقي باباكي ومامتك دلوقتي عند ربنا في الجنه يا جميلة..

= ايه؟؟ ماتو

" هزيت ليها راسي لان شكلها خلاني مش قادر اتكلم وختها في حضني"

= زين لاء! اكيد مش هما اكيد انا مش ليلي دي انا جميلة!!! زين انا مش ليلي !!!

- طيب اهدي.. ارجوكي عشان خاطري

" فضلت تعيط لحد هديت ونامت وانا بتعرض لنفس الشعور تاني ومش قادر اساعدها "

*************************************

- بقت كويسة يا زين؟

= عمرها ما هتبقي كويسه يا داده ولا حتي انا

- زين الوضع اختلف دلوقتي اهلها ظهروا!

= يعني اي؟

- احنا مش عاوزين مشاكل يحبيبي خصوصا انهم طلعوا معروفين كدا

= لسه متأكدناش يا داده وبعدين لازم اعرف ازاي سابوها كدا ليه يحصل فيها كل دا

- يمكن تاهت منهم!

= تاهت ايه بس وهي عيله المهدي كلها مش هتعرف ترجعها!! هما مش شوية!

- معاك حق يابني

= داده انا هنزل شوية ولو حصل اي حاجه كلميني

___________________________

نزلت وكنت فى طريقي للشركه واول ما وصلت لقيت ادهم صاحبي واقف بره

- زين كويس كنت بكلمك

= معلش مختش بالي في اي

- فى واحد فوق عايزك

= هو انت بتطلع اي حد الشركه؟

- متخفش يا زين اكيد مش اي حد انا سألت وطلع واحد كدا من الارياف ومعرفش ليه مصمم يشوفك بس امان يعني متقلقش

= ودا عايزاني في اية! انا مش فايق

- اطلع شوفه مش هيمشي غير لما يقابلك

= طيب

________________________

- ايوا يا استاذ انت عاوزاني؟

= انت زين؟

- ايوا انت مين

= انا جايلك عشان ليلي اقصد.. جميلة

- جميلة و ليلي؟

= جميلة دا الاسم الي هي تعرفه في المكان الي كانت فيه

- مش معقول انت تعرف كل دا ازاي ؟؟

= عشان انا الى كنت معاها انا وامي كل الفتره دي وبعدين مشيت

بصتله بغل: ايه !!! انتو الى حبستوها 18 سنه بعيد عن أهلها لحد ما ماتو!!

= مش اهلها!

- يعني اية

= ام جميلة ماتت اول ما اتولدت وبعدها ابوها اتجوز واحده تانيه ومكنتش قابلة جميلة ولا بتحبها ولما تمت سبع سنين ساعتها مراته التانيه خلفت واول ما جابت ولد كانت عاوزاه ياخد كل و يورث المهدي

كانت الغيره عمياها وانا ابويا كان شغال في الفيلا في يوم اتفقت معاه مرات اسر بيه انه ياخد ليلي ويقتلها وساعتها مقدرش يقولها لاء لانها للأسف... كانت كاسره عينه و خدها فعلا وكل السنين دي فاكرين ان البنت اتحْطفت او ماتت وابويا كان مقعدها معانا كل الفتره دي في بيتنا الي في البلد عشان مقدرش يآذيها

- انا مش قادر استوعب كل دا!! وهما عرفوا شكلها منين دي كانت سبع سنين ودلوقتي عندها 18 !

= عشان ملامحها متغيرتش كأنها لسه طفله..

بصتله بشك: وازاي اتربت في الارياف و بتتكلم لغات؟ وازاي اصلا صرفتوا عليها و بقت تتكلم كده؟

- استاذ عادل و مراته هدي عايشين معانا في كوخ وسط الارض و الزرع و الشجر من قبل ما ليلي تيجي وهما كانو قاعدين بره وبعدين رجعوا و هي كانت طول الوقت معاهم و بتتعلم منهم علموها كل حاجه كأنها كانت في مدرسه بالظبط.. مكنتش تعرف غير الكوخ بتاعهم ده و اوقات كانت بتيجي الدوار بتاعنا

لكن عمرنا .. عمرنا مخرجنها ومكنش عندنا اجابه على اسئلتها الكتير

غير ان الشارع مش حلو او حْطر عشان مكناش هنقدر نخرجها ونخاطر بحايتها لحد ما كبرت وفجأه مشيت ومن كام يوم ابويا عرف شكلها من الصور برضو لما شافها في الفيلا وعرف انهم هيبعتوا حد ليك ويخدوها هوا سمعهم بيتكلموا ومش عارفين ممكن يعملوا فيها اية او يعملوا فينا احنا اية لو عرفوا الي عملناه وانها كانت معانا كل الفترة دي!

- و هو حد يعرف موضوع القتـ. ل دا غير الست الي كانت عايزه تقـ. تلها!؟

= لاء معتقدتش!

- ودلوقتي ابوها والي عايزة تقتلها ماتو في الحدثه بقالهم اكتر من سنه ونص اعتقد كدا مفيش خطر عليها او عليكوا؟؟ لأن الست دي ما*تت خلاص ليه معرفتوهاش الحقيقه!

= ابويا خاف.. خاف من عيلتها و خاف من كل حاجه ده سر مش هين! جميلة مكنش ليها بطاقه ولا بأسمها ولا بأسم ليلي في حاجات كتير كانت صعب تتصلح!

- هو مين من عيلتها موجود حاليا؟؟

= مفيش غير الراجل الى جالك هو الواصي علي الحاجه و في اخوها من نفس الاب بس كده.

- يعني الراجل ده مش هيضرها مش كدا واكيد أخوها برضو مش هيضرها!

= ايوا بس هو انت كده ناوي هتسبها تروحلهم!!! افرض محدش حبها ولا تقبل وجودها؟؟

زين بصله: ......

↚

- ايوا بس انت هتسبها؟!

= اكيد مش هسبها انا بقول كدا عشان اتأكد ان مفيش حْطر عليها ومش عايزها تعرف كل دا عاوزها تعرف بس مين امها بلاش خالص تعرف ان مرات ابوها كانت عايزها تقـ. تلها ولا كل الحورات دي جميلة مش هتستحملها

" موبايلي رن وكانت الداده قولت اكيد جميلة حصلها حاجه! "

= انا لازم امشي دلوقتي سبلي عنوانك ورقم تلفونك ومتقلقش عليها

"نزلت ركبت العربيه وفي خلال دقايق كنت في الفيلا"

- هي فين حصل حاجه؟

= لا يحبيبي دي هاديه خالص وطلبت تشوفك

- طيب انا هدخلها

>>>>>>>>>>>>>>>>>>>>>>>>>>>>>>>>>

صلي على محمد

- جميله؟ حببتي انتي كويسة؟

" هزتلي راسها وبعدين اتحركت من مكانها و فضت ليا مكان فا طلعت على السرير جمبها و اخدتها في حضني وطبطبت عليها ولقتها بتستخبي في حضني.. "

- متزعليش انا معاكي ومش هسيبك مهما حصل!

= زين انا خايفه... انا عندي احساس ان هما... و اني خلاص كده مش هحلق اشوفهم ابدا!

- لا يا جميلة احنا لسه هنعمل التحاليل و نتأكد وايا كانت النتيجه مش عاوزك تزعلي ربنا مش بيعمل حاجه وحشه ابدًا..

" فضلت في حضني لحد ما نامت و اطمنت عليها بعدين اتحركت وفضلت اعمل اتصالات كتير بحاول اوصل بيهاا لمعلومات عن كل الى بيحصل مؤخراً.. منمتش طول اليل وبفكر ف ردة فعلها لما تعرف انها ليلي.. مش جميلة!

صحيت بدري و روحنا فعلا نعمل تحليل الـDNA واستعجلنا النتيجة و خلاص بقت عارفه انها ليلي مش جميلة فضلت هاديه ومش بتتكلم وانا محبتش اضغط عليها طلعنا العربية و فضلت ساكته فا حطيت ايدي على الدركسيون عشان اتحرك لكن هي مسكتها وبصتلي "

= انا عايزه ازورهم.. عاوزة اروح عند ماما و بابا

- دلوقتي؟

= ايوا

- بس دلوقتي الدنيا قربت تليل وانا خايف قلقان عليكي مكنتش متوقع ردة فعلك دي

= متقلقش و انت هتكون معايا انا عايزه اروحلهم دلوقتي..ممكن؟

- حاضر بس احنا منعرفش المكان

= هنسأل عمو الي جالك ده

- طيب حاضر ثواني

" اتحركنا فعلا انا وهي بعد ما كلمته وعرفت مدفونين فين كانت طول الطريق سرحانه كنت واخدها فى حضني لاني عاوزها تحس اني جمبها"

- جميله قبل ما نروح كنت عاوز اقولك حاجه مامتك ماتت اول ما والدتك والي قصْيتي معاها خمس سنين وانتي صغيره تبقي مرات بابكي واحنا دلوقتي هنروح لمامتك ماشي ؟

" هزت راسها بتفهم غريب وسكتت "

"وصلنا فا مسكت ايديها ودخلنا واحده واحده فضلت واقفه لثواني وانا مش عايز اتكلم عشان مترتبكش"

- ماما ازيك؟ وحشتيني اوي.. انا اسفه بقي اني مجتش بدري كل دا معرفش انتي سبتيني بسرعه ليه بس انا بحبك جدا وكان نفسي اشوفك اوي انتي و بابا انا عارفه اني هشوفك في الجنه زين قالي انك هناك ، ايوا صح نسيت اقولك يا ماما ان زين الي ساعدني انا كنت خايفه ولوحدي في الشارع وهوا خدني معاه و دلوقتي اتجوزنا عشان انا حبيته اوي

بصتلي ومسكت ايدي وانا حاولت امسك دموعي واهدا: انا بحبه اوي يا ماما واكيد انتي هتحبيه

=وانا بحبك جدا يا جميلة

"فضلت دقايق واقفه طبطبت على كتفها ومشينا حسيت انها ارتاحت شويه وصلنا الفيلا وبعدين طلعنا سوا"

- كل ما تحبي تروحي في اي وقت انا هوديكى

= شكرا يا زين

- شكرا اية ؟ انتي يا جميلة كل حاجه بالنسبالي اقرب حد ليا وصحبتي و مراتي وبنتي و كل حاجه!

"ابتسمتلي وحضنتي جامد"

= انا مش معايا اي حد دلوقتي غيرك بس انت كفايه

انا مبسوطه اني عرفتك وعايزه افضل هنا معاك

انت و داده فاطمه..

"طلعتها من حضني وبصيت في عيونها الي كل مره اشوفهم يغرقوني ومسكت ايديها وبوستها برقه "

- انا الي مبسوط عشان جيتي حياتي انا حسيت اني كنت في الضلمه.. وحياتي نورت اول ما ظهرتي يا جميلة ومش هسمح لحد يخدك مني كدا كدا

******************************

" اليوم عدا من غير أحداث تانيه عشان الأحداث كلها كانت تاني يوم الصبح لما المحامي جالنا مره تانيه الى كان مصمم ياخدها اول مره! و روحنا معاه الفيلا بتاعت ابوها والى مفروض فيها اخوها.. "

- ازيك يا ليلي؟

= انا اسمي جميلة!

- زي ما تحبي دلوقتي هيجي اخوكي..

" كنت مستني اشوفه واتفاجئت بيه وبشكله هو اصغر منها بسبع سنين عنده 11 سنه وكان باين انه مكسور جدا و وحيد! "

- انت بقي كريم؟

= ايوا وانتي مين؟

- جميلة اختك

= بجد؟؟

↚

- ايوا

"شوية ولقتها قربت حضنته وهوا بادلها الحضن دا وحسيت ساعتها ان جميلة هيكون ليها حد بيحبها بجد"

- ازيك يا استاذ كريم انا زين

" بص لجميلة وسلم عليا "

- دا يبقي جوزي يا كيمو

- يعني هتمشي معاه؟

= ايوه.. ؛ هوا انت هنا لوحدك

- تؤتؤ معايا تيته وساعات عمتو بتيجي

= طيب انا كمان هفضل اجي ونلعب سوا ونخرج كمان

- هوا انتي بتحبيني ؟

= اكيد ليه بتسأل حاجه زي كده؟!

- انا كنت فاكر انك ميـ. ـته! بابا وراني صورتك مره ، بس انا مبسوط اوي انك رجعتي وهيكون ليا اخت انا ممكن اجيلك كمان صح

انا رديت عليه وانا بقربه مني: بيت جميلة يبقي بيتك يعني تيجي تبات ان شالله تقعد شهر زي م انت عايز اتفقنا.؟!

ابتسملي: اتفقنا

" قعد جمب جميلة لحد مانزلت ست كبيره وشكلها بقي مكنش مبشر بالخير خالص "

- يا اهلا ب بنت اميرة

استوعبت جميلة ان دا اسم مامتها وقامت تسلم عليها بتلقائية: ازيك؟

ردت عليها ومناخرها فالسما: كويسة ، ياتري كنتي فين كل دا في ملجأ ولا فين

= كنت ف

قاطعتها ورديت عليها: كانت مع ناس ربوها لما تاهت

ضحكت بسخريه: تاهت ؟؟

- اها تاهت

= امم وانت تطلع مين

- جوزها

= والله كويس انك لاقيتي حد تتجوزيه

كالعاده جميلة مفهمتش وردت بساذجه: ايوا فعلا زين كويس اوي

- طيب فرصه سعيده اننا اتعرفنا عليكوا طبعا دا بيت جميلة بس هي دلوقتي هتقعد معايا

قومت وجميلة مستغربه تصرفي مسكت ايديها: باي يا كريم

= باي يا زين باي يا جميلة

- باي يا روحي هاجيلك تاني

= هستناكي يا جميلة

كنا خارجين لحد ما وقفنا الي اسمه عاصم والي يبقي

اخو مرات ابوها: حيلك حيلك لسه بدري

= اعتقد كلامي كان واضح جميلة مش هتقعد هنا

- انت حر بس اعتقد برضو ان في حسابات لازم نتكلم فيها

= حسابات اية؟

- شركه ابوها واملاكه هتقدم تنازل عنهم

= ايه!

- زي ما سمعت افتكر انها مش هتقدر تدير اي حاجه تبع الشغل وانت طبعا فاهم ليه ؟؟

- زين يعني اية الكلام دا هو يقصد ايه

= استني يا جميلة، انت عايزها تقدم تنازل عن حقها؟

- متخفش حقها محفوظ من الارباح طبعا بس الاداره هتفضل لينا وخلي بالك لو رفعنا دعوه هنكسبها مجرد ما اللجنه تشوفها وتشوف قد اية هي ساذجه نهي كلامه بابتسامه خبيثه

= انت بتتكلم ليه كأن ناقصها حاجه؟ دي بتفهم احسن من الي انت مشغلهم ومنك

- وانا مقلتش حاجه هي زي الفل عموما خد وقتك وفكر ولو عاوز نمشيها محاكم براحتك.!

" ختها ومشينا بسرعه لاني مستحملتش حرقه دم اكتر من كدا من الراجل المستفز ده ولا ام مرات ابوها!! "

- زين في اية شكلك زعلان؟

= نتكلم لما نروح

- طيب هوا عمل اية زعلك كدا

= انتي عرفتي عيلتك خلاص وطلعتي بنتهم وهوا عايزاك تتنازلي عن حقك يعني ميراثك من ابوكي

- يعني فلوس ؟

= اها

- طيب عادي

كتمت عصبيتي: يجميلة عادي اية؟ ، بصي خلاص لما نروح افهمك

- زيييين بص قدامك !!!!!

" وقفت العربيه مره واحده واتنفست بصعوبه مسكت ايدي ورفعت وشي ليها "

= اهدا يا زين انا معاك مش مهم اي حاجه تانيه

- انا خايف عليكي الناس دي مش مرتحلهم!!

= متخفش هيحصل اية يعني!

- ازاي و هما عاوزينك تتنازلي عن حقك

= مش فارق معايا انا موافقه

- مش عايزه ميراثك!

= انا مش عايزه حاجه.. مش عايزه غيرك انت و داده فاطمه و بس كده

" قربتها لحضني وانا بتأكد كل مره بضايق فيها ان مفيش غيرها بيريحني! "

- طيب انا قررت قرار حلو انتي عاوزة كريم مش كدا ؟

= عرفت منين!؟

- حسيت بيكي ، عيونك كانت بتلمع وانتي بتكلميه

= بصراحه اها حبيته وحساه وحيد زي هو اكيد ملوش ذنب ف اي حاجه

- انا هعرف اخده ونجيبه معانا مدام كدا كدا هنتنازل

= بجد!!!!!!!!

- عيب عليكي

= مش هتضايق من وجوده؟

- لا طبعا مش انتي هتبقي مبسوطه!؟

= اه

↚

- يبقي خلاص يجي معانا..

>>>>>>>>>>>>>>>>>>>>>>>>>>>>>>>>>>>>

"وطبعا عملتها خدمه قصاد خدمه وليلي اخدت كريم يعيش معانا قصاد انها اتنازلت عن كل حاجه وطبعا قبلوا

بكل سهولة و مكنش فارق معاهم الولد..! وجه كريم يعيش معانا و كنا عايشين فترة سعيده جدا وحتي الناس الى ربو جميلة روحنا ورجعت تسلم عليهم وتشكرهم.. و استمرت حياتنا في حب وهدوء.."

|| بعد مرور سنتين ||

= اية ؟؟؟

- اية !!

= انا عايز بوسه!

- زيييين ابعد عني كفايه ابنك

= منتي شيلاه وعماله تدلعي فيه وسايبه ابوه!

- ابوه مش محتاج دلع دا كبير

= جميلة بصي كدا على الصورة دي

- مالها

= صورة جوزنا دي المتعلقه

- اها

= هكسرها على دماغ الواد دا لو مهتمتيش بيا انا كمان

- انت بتغير من ابنك؟!

= اها بقي.!!

- اية دا كيمو حبيب قلبي تعالي

= كيمو اها دا كان يوم اسود يوم ما جبتلك كيمو كمان

- مش جبته عشاني؟

= للاسف!

- يبقي فدايا

= اكيد طبعا يا داداااااااااا

- بتزعق كدا لي يا واد

= خدي ابني مش دا ابني؟ خديه تاويه في اي حته

شلت الواد من ايد جميلة: زين الواد!!!

- جرا اية يا زين ما تسبيه مع جميلة

= لاء يا داده جميلة هتقعد معايا نقول كلام سر

"خلتها تخده وهوا وكريم فعلا وطلعوا بره"

- انت مجنون يا زين؟

= اه

- عايزه ياسين وكريم ! عيالي رجالتي !

= لاء

- زين بطل رخامه

= انا رجالتك برضو

- عاوزاهم معاك مليش دعوه

"قررت اللعب على مشاعرها بقي ومثلت حبتين"

= انا مخنوق

- اية دا يا زين مالك

" حطيت راسي ما بين ايديا فا تلقائي منها رفعت راسي ليها وهي بتبص في عيني "

= مالك يا زين؟

"مالك كمان وهنهار"

- زعلان عشان مبقتيش معايا خلاص

= ماهو لسه ياسين مكملش سنه وعايز اهتمام كتير

- منتي معاكي داده فاطمه مفيش ليا ساعه فاليوم حتي تساليني عملت اية اي حاجه

= خلاص حقك عليا متزعلش

حضنتها: نفسي اعرف ازعل منك

كشرت: هتقدر ؟

- مبقدرش بضعف يجدعان حد يشوف العيون دي ويزعل ؟

= طب خلاص اوعدك هنقعد سوا

"سندت راسي على رجلها فا ايدها سرحت في شعري"

- تعرفي اول يوم شوفتك حبيتك من اول جملة قولتيها زي الأطفال و فجأة بقيت مفروض اخدك معايا البيت وانا عمري ما دخلت فيه اي حد كلامك كان زي الاطفال و مسكت ايدك للجاكيت بتاعي كأنك بتستخبي

= كل ده ف اول مره بس؟

- وقعتيني من اول جملة يا جميلة والله وبالذات لما قولتلك هاتي ايدك طلعت صغننه و كتكوتة خالص مقارنه بأيدي كأني ماسك قطه..

= انا أول مره عرفت الحب كانت معاك ، كنت مرتاحه و مطمنه وانا جمبك و ده عمره ما حصلي مع اي حد

- وانا مش عايز حاجه من الدنيا غير انك تبقي مطمنه

تعرفي كانت صدفة غريبة انك توقفيني انا بالذات بحمد ربنا عليها كل يوم

= انا بجد بحبك اوي يا زين

بوست خدودها: وانا بموت فيكي يا حبي الغريب الى خدي لعالم تاني معاه..

- حبك الغريب و عالم تاني؟؟

= ماهو لما اقع في واحده غريبة اول مرة اشوفها يبقي ده اغرب حب ولما اكتشف معاكي حياة اجمل بكتير يبقي ده عالم تاني..

ضحكت: معاك حق غريبة فعلا بس أوعي تقع مره تانيه في حد غيري اياك!

- تؤتؤ مش هقع ابدا عشان مفيش زيك و لو في مش عاوز غيرك انتي الحب الاول والاخير..

النهايه.🥹🩷