رواية بائعة الخضروات الفصل الحادي والثلاثون 31 - بقلم زهراء العراقيه

عام 2000 ميلادي .
       ☆☆☆

كان جالس عند ابنه بلكت يكدر يأثر عليه هالمرة ويسمع كلامه تعبه حيل هو الوحيد الي بين اخوته ما مستقر بحياته

ابو انور:- ابني الله يرضى عليك راح اكوله للمرة الثانيه اذا تزوج بت عمتك وترضيني تسعد نفسك وتسعدنا واذا  كلت لا
صدكني هاي المرة صدك راح اغضب عليك
ابتسم يحيى
:- ذكرتني قبل 5 سنوات هم طلبت مني نفس الطلب ونفس الكلام كلته الي .. بس هالمرة انت اذا
انت اذا اتريد راحتي عوفني على وضعي اني مرتاح  بويه

:-ترتاح هيج من غير زواج من غير اولاد

:' انت بس ادعي الي الكاهه وانشالله احقق الك مطلبك
:- الاموات ماترجع

سكت يحيى ودار وجه مايريد يسمع أي شي كل الي حوله يستنكرون انتظاره اله

:- لك فكر بعقلك اذا عايشه ليش مااجت  ليش لك هي تربايه ايدي وماتكدر على بعد.اخوته الله اليعلم وين دفنوهه الي قتلوهه الله وحده بس

:- بويه هسه عوفنا من موضوع علياء .. بت عمتي طفله واني غير ملائم اله
:- البنيه كبرت
:-ههههههه اشوكت اذكر كانت اتصيحني عمو
:-ههههههه هي هاي البنات مثل الوردة بيوم وليله تلكاهه مزهرة .  انت بس كول اي
:- لا بويه
:- وراح اضل كل يوم والثاني ماخذ اجازه  من العمل و ادور عليه
:- يجي يوم والكاهه
:- راح اعوفك اتفكر بموضوع الزواج وصدكني من تزوج راح تنسى .. 
طلع الاب من بيت ابنه وماكو جديد والحديث وياهه مجاب نتيجه ..... لو مخلي سهير على ذمته لكان افضل على الاقل بلكت يشوف ذريته قبل مماته
................  
دخل لبيته كالعاده مسطول من كثرة الكحول .... ....
وكف امام جناحه .... 
دك على بابه .......
قصي:- افتحي هيييي افتحي
حك.راسه ومسح اعيونه
:- يعني اشلون اوف خلع سترته ورماه على الارض امام غرفته وانبطح  وسوة سترته مخده  وغفى ..... 
..
نسمة:'--- جومانه  ههههههههه تعي تعي شوفي الي شفتوا
:-شو شفتي ؟ع بكرا الصبح
:-لك شفت شوفه بدحك البيك العاشق الولهان نايم على الارض في العراء
كانت تحكي بطريقه مسرحيه ساخره
جومانة:- شوووو
وراحت .. صدك شافت قصي بيك نايم امام باب جناح علياء
نسمه وكفت وره جومانه وكالت
:-شفتي ههههه والله شكلو بزعل امتى بدا تحن اعليه

سليمه:- شو عم تعملوا هون انت ووياهه
سكتت اول ما شافت البيك نايم .... 
:- كل وحده اتروح بتشوف شغلا
راحن
سليمه :-قصي بيك.يا بيك اصحى شو نيمك هون ........
كعد قصي مسح وجه بكفه وباوع يمنى وويسره ما يدري ابنفسه من نام البارحه اهنا ... 
قام وراح لغرفته ..... من غير ما ينطق ... 
اه علياء قادتني للجنون حتى من ابين ما مهتم اله واسكر حتى انسى قساوته ونارهه بسكري تروح اله اقدامي مجبرة .....
كعدت من نومه العميق اضاهر احاسيسه ماتت بحيث مهما صرخوا يمه وهي نايمه ما تصحى ...
لبست وتعطرت ونزلت شافته كاعد  على الطاووله الطويله والكبيره جدا ..  قابلته بجلسته ..  وكعدت تشرب شاي بحليب من غير ما اتوجه اله اي نظرة ....
جومانة:-ست علياء السواء جاهز
:- كايمه حبي
واخيرا وجهت اله كلمه: - اقساط الجامعه بكرا الدفع
كالته بتمنن وراحت
اه حتى من تطلب منه شي هي صاحبة الفضل عليه شنو من جبروت عده الي خلته ينفذ اله كل مطالبه وهو المنون من غير مقابل ......!

طلعت من البيت نزلت من السيارة من وصلت لكليته ... 
اه هي الشي الوحيد الي استجد السنه عليه
من دخلت كلية السياحة والفنادق
حست بتغير واشوية السجن صار اكثر رفاهيه عليه ....
تعرفت على بعض الزميلات والزملاء  لكن بوجود حماية اله كانت اتحس بتقيد لانها تعتبرهم مراقبين و جاواسيس لقصي ولي نعمتهم عليه ...

رجعت للبيت ... شافت تحفية (زهريه)
ابتسمت واتعمدت تكسره واتروح لمعرفته بقصي وحبه للانتيكه .......

جومانة:- عسى اليوم ارتحتي .
علياء :- هههههه مافي راحه جومانه اني احس نفسي مدفونه بالحياة
:- لا تئولي هيك الا ما تفرج
:'- تفرج؟؟؟  بالله عليك كم مرة حاولت لحد الان اشرد وفشلت كم .ها ..
ماكو طريقه ما سويته ومانجحت كلتي  الي اروح للسفارة العراقيه ابلغ على سرقه جوازي و اوراقي ههههههه قبل لا اوصل الهم جماعه البيك سحلوني لهنا مثل الذبيحه .
كلتي الي اطلبي مساعده قيس هههه ماكدر يسوي اي شي 
شنو اسوي ها مليت واضاهر ما مكتوب الي ارجع للعراق
:- لا تيأسي
:- لا جومانه اني قربت انسى وطني الاصلي اضاهر حموت اهنا ....
:- لو بعرف ليش البيك يعمل معك هيك كنت ارتحت ليش حاجزك بهي الطريئة ؟؟؟!!!!!

...........

سمعت طرق على بابه
علياء:- جاي أقرأ لحد يدخل

قصي:- الا تحن صاحبة الفخامة على المعبود الاسير ... وتفك اسره وعبوديته بنظرة عابرة؟

ركضت علياء على الباب قفلته وانسدنت عليه

:- روح يا بيك لا تحاول تدخل لا والله اشمر روحي من البلكونه

:- لو ردت أتجرأ عليك.لكنت هلا بوسط غرفتك؟
انا بس بدي اشوفك
:- واني ما طايقه اشوفك روح منا لا والله انفذ تهديدي وانت تعرفني ....
سمعت صوت خطواته وهي يغادر ....  تنفست بأريحيه ..
يعرفه مجنونه وتعمله بدون تردد حتى بس لا تخضع اله .... اخر لحظه شاف جنونه بيه هي من حاول يلمس ايده وبالفعل لمسه وقبله رغما عنه . هي عقابا فيه ركضت للملحق وغرقت نفسه بالگاز ورادت تشعل بنفسه بالنار لمجرد لمس ايده!!!!!

جنونه ورفضه اله ما كان الا يزيده تعلق ونجذاب اله  من غير ما تدري  ...... !

ازدادت تجبر من صارت تطلب الاكل لغرفته ..
وتطلع قبل لا يصحى لدوامه

.....
كان بأنتظاره ... على وجبة الغداء رغم كثرة مشغاله لكنه يجي ضهرا حتى بس تتسنى الفرصه بشوفته وهي تاكل امامه لكنه هاليام ما تنزل .... ولا تحترم مواعيد الوجبات
... كانت كاعده بالبلكونة . وتاكل ساندووويش .
سمعت صوت الباب وهو ينفتح بعنف ..  عرفت منو  القادم ...

علياء :- بلكي كنت اغير ملابس اشلون تدخل عليه هيج
:- لا تختبرين صبري ... ترة والله لأخليج خدامه اهنا ...
:- والله ياريت خدامه ... عاد خداماتك عدهم حريتهم بعد انتهاء ساعات العمل ...
:- بكفي استفزاز عليا .. 
:- هو منو المستفز هااا انت الي محتكرني بقصرك ترة
:-ههه مووانت الي كنت ارايده هيج
:- اني؟؟ اصلا كلشي ماريد منك
:- لا كلشي ردتي مني لكن من غير مقابل ما يصح يا عليا مابيصير كلشي هون ينعمل لالك بمكانه مقابل ...
:-  يعني بمكان هاي الاشويه الدولارات  الي انت تصرفه مزاجك و اني  هم ما طلبته منك اتريد تستعبدني ؟واني الي كنت اظن انك...
:-اني شنو مثلا ها...
احبج!!!!!
هههههههههه هههههههههه ههههههههههه ههههههههههه
لا يا علياء اتوقعتج اذكى اني لا يمكن اقع بحب اي وحده اني اعشق مزاجي وبس وانت دخلتي ..
علياء:- تضحك ساخر. يعني اني الي اتمنى حبك..انت ...
:-بكفي عليا بلا مناهدة وخلينا انكون واضحين
انت بدك العز والغنى واتكملي دراستك
ضلت ساكته تنتظره يكمل لوين يريد يوصل
:-وانا بدياكي اتكوني ملكي ...
:-الله يلعنك انت وافلوسك ماريد منك غير تعتقني لوجه الله اتركني اروح لبلدي كلشي ماريد لا عز ولا جاهك ولا حتى الشهادة يكفيني اموت اهناك ...
ابتسم ولا كانه يسمعه
:- قصي كافي كافي ليش احسك ترتاح بعذابي
اتقربت منه ولزمته من ياقته(ياخته قميصه)

:- عوووفني بحالي عوووفني عوووفني
دخل همام
:- قصي انت شنو لك ما اشوفه منهارة اطلع اطلع
:- همام كوله يعوفني بحالي كوله كلشي ماريد منه بس ارجع للعراق كله يرجعني للعماره كله
...
سحبه وطلعه لمكتبه ..
....
همام:-بالله عليك يا رجل  شنو دسوي ليش هيج اتعذبه واتعذب نفسك وياهه

:-تستاهل خل تنصهر بناره اشويه
:- لك انت مجنون  ليش اكرهة بيك
:-ماعرف
:- اني اعرف انت واحد مغرور جدا ما اتريد تعترف لنفسك غارق بحبه
:-ههههه لا اكيد
:-كل الي اسويه يدل على هيج . 
:- غلطان
:-عوفهه اتروح
:- ما اكدر
:- شوف انت حتى ما تكدر اتواجه نفسك بسبب كمية الغرور والتكبر الي عندك ... اتحبه بس مع الاسف اتريد اجرب علاقه وياهه وتتأكد حب لو تحدي للحصول عليه بسبب احساسك بالرفض . 
:- نص الي قلته صح ونص خطأ جائز اريد اثبت لنفسي مافي حدا بيترك كل هالمغريات ومافي حدا بيرفض قصي ...
لكن حب لا
:- البنت تعبت منك اتركها قصي ولا تخسر نفسك قبل ما تخسرها ...
.............  ....   

:-شنو يريد مني
جومانه:-ما بعرف عليا بس ئال شي مهم
:- رايحه اله ...بلكت قرر يعوفني بحالي

.......
:- خير قصي شكو شنو موضوعك
:- اتفضلي
اشار اله تكعد.كدام مكتبه ...
:-شنو رايك نعقد هدنه
:-هف شنو بالله
:-نحط اتفاق بينا
:- اي
:- ترجعي للعراق .   بثروة لا بأس بها ...
مجرد ذكر الحبيب امامه بدة الدم يجري بعروقه بغزارة ...لكن هالحنين واللهفه راحت من اتذكرت منو ذكره امامه .  اكيد المقابل اغلى من وطنه عليه .  !!!
علياء:- اي كمل
:- اي لكن قبل ما ترجعي لبلدك
:-وبلدك ... وابتسمت بستخفاف عليه
:- قبل ماترجعي لبلدك او بلدنا . حتضلي هون السنة الدراسية كلا من تخلص اتروحي
:- والمقابل اعتقد لهسه ماذكرته
:- المقابل انت بتعرفي .. كام من امامه وكعد ابصفه ..
:- بتشيلي هالطرحه من على راسك وتبعديها واتشيلي كل الحواجز الي بينا وتفتحي لي قلبك ..
كامت من يمه منفعله
:- ماريد منك شي شكرا ..
مجرد الزن بأذنه يزعجه ...
........
جومانه:- بكفي عليا لا تبكي بكفي يا البي
:-ماكو فايده ماكو .. اني مراح ارتاح ابد .
:-الا ما يجي الفرج
:-اشوكت عمري 30 سنة وابد ما شفت بيهم الراحه ... لك اني تعبت
:- زين ليش ما اتوافئي
:- شنووو هاي انت هيج اتكولين
:- لا لا تفهميني غلط ائصد اتخلي يكتب عليك وبالوئت المحدد يطلئك هيك احسن     ..  
:-مسحت ادموعه مااكدر ما اكدر استقبله كزوج لاني
:- لأنك شوو
سكتت عليا بحيرة وقلق من  ان اتكول اله لو لا
:- راح احكيلك قصتي جومانة بس امانه لا تحجين لأحد
:- اطمني انا اعتبرك متل اختي ...
:-واني هم ...
بعد ما سردت اله قصته من طقطق الى السلام عليكم ...
:- شو هيي انت ئصتك معئدا اكتير
:-حظي العاثر
:- طيب ليش ما تئولي للبيك انك مجوزة هيك رح يتركك بحالك انا لما دخلت لهل القصر ما اتئرب مني لاني مجوزة
:- شنوو اني ما يتعامل وياي مثل النسوان الي يعرفهم مو بعيد كتلني وما يصدكني هم
:- طب انت ليه ما اجربي تكتبي لجوزك ما يمكن انت فاهمه غلط
:-اكتب ليحيى
:-اي
:-والله انت يمكن فاهمه غلط وليش امو ما سمحت الك لتشوفي
:- مو كتلج
:- لا ما دخل مخي لو كان بدو يئتلك احسن الها رح تخلص منك للابد ويطلع منا ابنا بقضيه شرف
بس خلتك تهربي لأنا خايفه منك لا ترجعي لالو
:-والله فريتي الي مخي
:- انت ليش ما رحتي لاخواتك كنتي فهمتي الئصة كلا
:-جنت خايفه ومرعوبة ما عرفت اصرف
:-هلا اسمعي كلامي يا عليا واكتبي لجوزج وانا رح اوصلها للبريد وبنشوف
:- ماعرف
وضلت جومانه اتقرأ براسه حتى تكتب لزوجه رساله ....الى ان وافقت لكن مكان عده ذاك التفائل مثل جومانة ....
الساعه 11 ليلا كعدت تكتب علياء
:- بسم الله الرحمن الرحيم .......

.......................
الصبح راحت للمطبخ
..علياء :- جومانة  وينك حبي
:- انا هون طلعت من خلف اله
:-اه وين كنتي
:-ازئي الزريعات
:-هاج
:-اه الجواب
دخلت سليمة
:-شو عم تعملي هون يا خانم بدك شي
:-لا هيج وراحت عليا
سليمه
:-شو مخبيه ورا ضهرك
جومانه:- ولا شي
:- ولا شي طيب .. شوفي يا بنت ازا لعبتي بديلك هالمرة هيئلعك البيك برة القصر والله لو ما هاي الي اسما عليا متعلئة فيكي لكان رماكي لبرة من زمان .  انا بعرف انت ورة كل هريبات عليا  وانك الي بيخطط الها لكن بسيطه ...

طلعت بحجه تتسوق للثلاجه .   وهي راحت حتى اتسلم الرساله للبريد الدولي على امل يكون معها حق واساعد عليا بالرجوع لوطنه ...
مر شهر شهرين ولا جووواب مع انو تم تسليم الرساله ...
جومانه من غير ما تحس برسالته هاي حطمت علياء لانها زرعت الها امل برجوعه ليحيى وبنت امال بتخلص من وضعه الكسيف هذا .. لكن بسبب التجاهل اتحطمت امال علياء وانفتحت جروحه من جديد .. 

علياء:- كافي جومانه انت تضحكين عليه حتى اطلع من حالتي بس لا راح اكدر اطلع منه ولا راح ارتاح الا ارضي غرور هذا المزعج ...
واني تعبتتتتتت حيييييل
..................... ..
حاولت جومانه تمنعه وتقنعه لكنه كانت محطمه ويأسه جدا .
خابرت قصي وهو بالعمل
علياء:- بلا سلام ولا مقدمات اني الليله تحت امرك وراح اجيك برجلي بسس الليله باجر اترجعني للعراق  موافق لو لا
قصي ما بين متعجب وما مصدك :-موافق هرجعك واعملك ما وعدتك ...
سدت  الخط ..
وراح للبيت
مكان مرتاح ولا فرحان مثل ما متوقع هاي اجه اليوم الي منتظره سنوات لكن على قدر ما انتظرة كان مختنق وحاس الدنيا ضيقة ياريته ما اتصلت .... 
في الليل
.....
عليا بعد ما لبست وتعدلت
باوعت لنفسه بالمراية
:- بس ليلة وحده عليا اتحملي اعتبري نفسك مريض وصل للموت وباجر يصحى من مرضه .. 
عادي علياء احسن ما اضل طول عمري انتظر
اروح باجر .. وعندي مال يغنيني عن احد.ومحد يكدر يتعرض الي واني هيج قويه .. طلعت من جناحه ..... شافت جومانه اتباوع اله بعتب .. وراحت عنه .... 
هاي اول خسارة .جومانه
ضلت تمشي بالممر على اقل من مهله  بخطوات مخذولة ......

... وقنعت نفسه هي ليلة وتخلص....!!!!!!