رواية بائعة الخضروات الفصل الثالث والثلاثون 33 - بقلم زهراء العراقيه

نايمة علياء ويمه جومانة نايمه على الاريكه ..
دخل قصي .....
صفن عليه .... طلعت غامضه هاي البنت حيل شنو مخبية وراء هذا سكوتك .... دائما شارده ومن تصفن تعابيره وجه تحمل الف قصة وقصه بداخله .....
صحت شافته كاعد يمه ويباوع اله بتمعن ...
:- اني زينه ا اشوكت ارجع للعراق
:- اشوكت ما اتريدين
:- باجر
:- باجر ....
:- صدك
:- عليا
:- هاا
:- أسف ......
:- واني مسامحتك.... 
:- ما طلبت السماح اني استحق منك الاحتقار
:- واني مسامحتك مدامك راح تخليني اروح
للعراق
:- اني بعدتك عنه وحرمتك منه سنوات ! وتعفين عني بهل سهوله
:- مدامك حسيت بالندم خلاص اهم شي بالاخير راح اروح اله
:- لهلدرجه اتحبي
غمضت اعيونه وكالت بتمني
:- ياريت  انت هم اتحاول تحبه
:' حبيته وحبيت حبك اله و ..
باوع اله ...و دار وجهة عليه بأطراف اصابيعه ..  باوع لعيونهة ......بعيونه الذابلة
:-وحبيتك

قالها بصوت اجش مبحوح .
العمق ونظراته الصادقه خلتها توصل لقلبه.    حست بوجع براسه وغمضت اعيونه بألم
:' انت بخير ؟
:- اتركني لوحدي قصي
:-عليا
:- ارجوك....
:- اني طالع .... ارتاحي عليا ....
ضل قصي دوم وياهه ابد ما تركه الا ان طلعت من المشفى هي مكان بيه كسور مجرد رضوض بسيطه حتى راسه مكان أتاذى لو لا وجودة حجرة ...

كانت بغرفته ....
جومانة: - هههههه يا ويلي انا كل ما البيك يشوفني بدوا يأتلني
:-هههههه لج انت شنو سويتي
:- شو اعمل كنت مغلولة منو وخايفه اعليكي
:-لا تخافي على علوش
:- بس كتر خيرك لولاك لكنت انا وجوزي هلا بالشارع
:- ههههه راد يطردك بس اني اترجيته شو اعمل بعد اتورطت وحبيت وحده جدبه هههه

دخلت نسمة وبيده باقة ورد.حلوة حيل
علياء:- الله اكيد هاي من قصي
حطته وطلعت
جومانة:- شوووو هاد ياسيدي بتعرفي البيك طلع يحبك.اكتير

:- اشلون عرفتي بالله
:- لك انت ما شفتي اديش كان مرعوب وخايف اعليكي الصراحه اول مرة بشوف دمعة قصي بيك لما رئدتي (رقدتي)بالمشفى
:- هو كاله الي واني  صدكته حسيته صادق وياي
:- وانت شوكان ردك
:-ماعرفت اكول شي انت اتعرفين وضعي
............
سحبت ورده من الباقه  وشمته بعمق هاي اول مرة تنهدي اله باقه ورد ......
اندكت بابه
علياء:- منو
:- انا
حطت شاله على راسه
وباوعت للباب
:- ادخل ....
قصي:- كيف الحلوة   اليوم
:-انا بخير طول ما انت على وعدك
حط مستمسكاته على الميز
قصي:- همام سافر البارحه للعراق ليشتري الك بيت في بغداد
:- لا لا قصي ماريد منك شي
:- لا عليا كيف تردين اعوفج هيك.
:- لا ما متعوده اخذ شي هيج
:-هيج اشلون يعني
:- يعني هيج بدون مقابل
كعد على طرف السرير
:-طيب اعطيني المقابل
ابتسم اله بلطف من شافه دارت وجهه للناحيه الثانيه ...
:- ههههههههه عليا
:- ماريد شي قصي
:- تقبلي اتصيري مرتي ..

شهقت جومانة ووكعت الصينية من ايده من دخلت وسمعت عرض قصي لعلياء

علياء باوعت اله بعيون مفتوحه على وسعه ما مصدكه منو هذا الي يعرض عليه الزواج قصييييي معقوله هي كدرت اتغير تفكيره هالدرجة ........

قصي :-فكري عليا ولا تتاخري عليا لانك لو وافقتي راح تتغير خطة رجوعك ...

طلع قصي
علياء ما جاوبته من لحظته وحسمته لان اصلا ما مصدكه الي كاله ....
جومانه:- شو رح تعملي يا بنت
:-ما اعرف
:- ازا ائلتي الو راح تخسريه اف يبعتلي الحمى على حزك لما البيك يوئع في غرامك ويطلبك للجواز تكوني انت مربوطه بهادة يحيى
:- يحيى ..
:- شو بكي عم اتئوليها هيك.وانت وجك مورد.هاد باعك وحتى مارد على جوابك
:- بس هو رجلي وطبعا ما اكدر ازوج عليه
:- اوف الئقه اتعئدت
:- لا تعقدت ولا شي ... اخذيني لقصي
:-شو
:-اوه راح توكف متنحره هاي اكوم اني بنفسي احسن
:- تعي لشوف اخرتا معك ....
دخلت عليه لغرفة مكتبه من غير ما تطرق الباب ...
:- قصي لازم نحجي
:- تحت امرك انا بأي وقت
:- احم
جومانه عافتهم وراحت
:-شو يا ست عليا راح تبقى جومانه مرافقتك مثل ظلك.
:- يزعجك بشي
:-اكيد
:-انا بغار اعليكي حتى من هي
واشر على الاسورة الي لابسته بيده
:-هي جمب شريانك  احسدها لانها قريبه عليكي واتلامس جلدك ويدك الي مثل عود.البان
دنكت عليا راسه بأنحراج وخجل الصراحه اول مرة تسمع غزل هيج!!!!!!!
:- بتعرفي عليا انا اعشق خجلك العذري هاد
بلعت ريكه بخجل اكثر
:- انت الي مثلك انقرضوا منذه قرون ....
:- قصي انا
:' انت من النوادر الي عايشه بهذا القرن وعلى وشك الانقراض ... مزيج
مزيج من العروبة ... انوثه مختلطه بدم شرقي حامي بغيره عراقيه اصيلة انت رجعتي لي وطنيتي وانتمائي
علياء:- قصي اني..
:- انت عشتار
:-عشتار!!!!
:-عشتار هي إلهة الجنس والحب والجمال والتضحية
:-هههههههههه اعتقد راح خدودك تنفجر احمرار من الخجل...كولي شنو الموضوع
شنو اتكول وهو بكلامه قبل اشويه صعب كلشي ...
علياء:- ممكن تكعد
:- تعي
كعدو
:- قصي انت شنو تعرف عني حتى تعرض عليه الزواج غير اني مطلقه يتيمه
:- وهذا يكفي..  انا ما يهمني الماضي عليا قدر ما يهمني انك.ما مرتبطه بيه .. يهمني حاضرك ومستقبلك وياي ...
:-عليا ليش ساكته
:- ققصي
:-قصي
:- اني .. اني
عرف من ربكته وتلعثمه هي اتريد.اتكول شي وتكشف اله عن اول اسراره الي يكاد.يموت من الفضول الي غير متشبع لمعرفه عنها كلشي لكن ضاهر هسه يمه بوجه هادئ وما حاس بأي شي
:- قصي اني ماكدر ازوجك
:- ليش
:- ما اكدر اكون زوجه الك واني راح ارجع للعراق بس اتعافى اكثر اعتذر منك بس مكدر وكامت
:- اوكفي عليا اذا لانك خايفه اخذك من وطنك وابعدك عنه بعد الزواج لا تخافي حكون معك وين ما تردين ...!!!

:-شنو الي غيرك فجاءة
:-ما اعرف اني نفسي ما اعرف شنو جرالي بس لما وصلتي للموت حسيت روحي رح تفارقني معك...وكانك اخر فرصه الي لاستعيد أدميتي

...
اتقرب امامه وكاله بصوته الاسر الجذاب حتى من يتكلم عادي كانه يغني بيه ويسحر من حوله
:- انت رجعتيني عبدالله الي عمره 20 سنه بعده في بلده عم يلعب ويه ربعه طوبه بضواحي بغداد
ابعدت اديه الي رادت اتلامس اديهة
:-عبدالله اني  مزوجه ....
ابتسم
:- اههههه  لا تمزحي
:- ما اشاقه اني مزوجه قصي ما احل الك
:- لا
:-اي
:- لاااا انت اكذبين عليا
:- والله اني مزوجه
:- واللهي عم تكذبي حتى اتبعديني عنك
:-قصي صدكني
:- كيف مزوجه وانت وانت
اهنا يحجي بحركه وبغضب ووجه صار احمر ....
:- كيف كيف ها
:- هاي الحقيقه  قصي
حط اصبعه على راسه واشر
:- كذااااابه قولي انك ما ترديني وروحي بس لا تكذبي عليا
:- اني مو جذابه اصدك ما صدك مشكلتك اني مزوجه وشارده من زوجي بعد
:- اشلوووووون هاااا وانت لساكي بنت لساكي باكر هااااا
ارتعدت من صاح بوجه هيج ...
ورجعت للخلف انصدمت بالباب قبل لا اتفتحه وتشرد عنه .....
بعد.ساعات من التفكير ... دز احد الخدامات اتصيحه اله بالحديقة
نزلت وهي خايفه حيل من مواجهته
شافته واكف امام المسبح ويدخن
دار وجه عليه ورمى السكارا  وظغط عليه بحذائه
:- اي عليا احكي الي شي منطقي  شو كنت مخطوبه .. شو قصتك وليش هربتي
علياء:- راح احجي الك كل شي
:- بس قبل لا تكولين اي شي ثقي سؤالي هسه مو على مود اعرف ماضيك لا على مود اخلصك منه وبس ....
:-واني راح احجي الك عن كل شي ....

.......
كان كاعد. ويباوع لبت انمار وبنت وحده من خواته الثانيات ينضفن بيته ابتسم من شاف بت انمار اذكر اخته البارحه شنو كالت اله

قبل يوم

انمار:- صدكني خوش مرة مجربه
:- انمار هاي انت المتعلمه هيج اتفكرين
:-اي شسوي انت ماكو طريقه ما دورت بيه على مرتك
:- ها وما بقت غير اروح لدجاله تقرة كفوف وتاخذ اثار هههههههه انمار ضحكتني
.......
ضحك بصوت ولفت انتباه بنات خواته
بنت انمار:- ههههه ليش تضحك خالو بس لا عليه
:-هههههه لا عيون خالو على امج ..
بت اخته الثانيه:- لا عليج لانج غبيه
:-ولي اني الغبيه مصادقتني وحده من السويد
:-انجبي هي عراقيه وراحوا سياحه للسويد شهر ورجعوا سويتيه سويديه
ضحك على مشادتهن الكلاميه
:-صدك خالو انت عندك صديق عايش بسوريا
:- ههههه لا اني لا سوريا ولا سويد رجل على كدي مو مثلكم هههههه
:-لعد خالو منو هذا الي دزلك الرساله
:-يارساله
:-اذكر من ازمان استلمنا اني وحمودي رساله واحنه انعزل بالبيت
:- لعد شو اني مادري
:-حمودي ما انطاهه الك
:- وين حطيتوهه ومنو المرسل
:-ماعرف شوفه انت ..
راح يدور عليه ..
خابر اخته على التلفون الارضي وانتطته حمودي
كال اله مادري نسيت يمكن بمجر المعرض ماعرف ...
راح يدور بيه
مجرمعرض الاستقبال يحيى اصلا ما يفتحه

باوع شاف بيه ضرف ....
قرة المرسل
:-من جومانه منو جومانة ؟؟
فتح الرساله على السريع ....
:-------((بسم الله الرحمن الرحيم .
غابت شمسك عن سمائي يا حبيبي، فأصبح الكون كلّه ظلامٌ دامس، أصبح الكون كلّه من دون أيّ ألوان، وملامح، وأصوات، لم يعد سوى صدى صوتك يرنّ في أذني، لم أعد أرى سوى صورة وجهك الحبيب، لم أعد أتذكّر إلّا صورة وجهك، ونظرات عينيك عند الوداع. بعد الفراق أصبح كلّ شيءٍ بطيئاً، أصبحت الدّقائق والسّاعات حارقةً،.... قيل أحدهم أن اردت قبل معشوقك يرق عليك أطرأ عليه ذكرياتك معه ... واختر منها كان هو في اسعد.حالاته معك ...وانا اخترت لك ذكرى لا أنساها ..حين كنت اناجي المطر على حافه الحويزة .. وانت تسحبني من يدي وانزلقت على الارض واحتظنتك طينة الارض بدلا مني وتركت فيك اثر اوساخها .... اعتقدت انك. غضبت مني لكنك ضحكت بصوت عال دخل قلبي وروحي قبل مسامعي بالله عليك تذكر مني كل طيب ... وثق فيي ان لم افعل في الماضي ما يعرك و يدنس شرفك .... حافظت على نفسي من أجل من اكون معه ومن اجل نفسي ...........
طوة الورقه .. منفعل بعده كمل قرائة وهو كل جزء فيه يرجف ويلهث ما مصدك لكه ضالته واخيررراااااااا.....
........
راح لبيت اهله وسأل عن امه ... 
ام انور :- هلا هلا بحياوي نظر عيني
:- يمه اريد اسألج سؤال واحلفج بغلاوتي عندج اجاوبيني .

ابو انور:- صارت بيه السالفه حلف
:- يمه علياء بعد ما طلعت من بيتي . رجعت اله مرة ثانيه ...
:- ها شنو ما فهمت يمه مو كلنا ماتت
:-عليج الله يمه جاوبيني
اجت لو لا
باوعت لرجله وارتبكت
:-يمه برحمه ابوج جاوبي
:- يمه عوفني بهمي كلنا الك ماتت ضال مثل الطفل  ماترضى اصدك
:-اذا ما كلتي يمه راح اكتل نفسي وراههه صدكي يمه
الاب :- كافي عاد انت اتخبلت جنك
:- والله يمه واخليك بحسرتك
:- اي اجت ورادت اتشوفك وانه طردته

ابتسم بألم يحيى من تأكد من صحة الكلام الي بالرساله واتأكد هسه الرساله صدك مبعوثه من علياااااء هو شك لا احد ناصب عليه لان الكلام الي بيه يفوق فكر وتعبير علياء بس هسه تأكد من صحته ..... ما كدر ينام بيومه ...
وحتى قصي هم ما كدر ينام وهو يفكر    بقصة علياء...
ثاني يوم الصبح راح يحيى يريد يطلع جواز اله ..

شافه كاعده على طاولة الافطار بس متاكل ...
:-عليا انا معك
باوعت للخلف
:- اي معك اذا انت ترديني ... وتردين اتعيشين معي
:-اشلون
:-سحب كرسي وكعد يمه
:- مستعد اعمل المستحيل حطلقك منه وارجعلك كرامتك ... واتعيشي بوسط اهلك مرفوعه الراس
:- قصي اني  اني ما استاهل منك هذا كله
:- لا بتستاهلي
:- قصي اني ....... اني ... ما ..احبك
وطت صوته حيل من كالته لو لا قربه منه مكان سمعه .... غمض اعيونه وهو يحاول يجرع مرارة وقساوة هالكلمه رغم احساسه بهذا الشي لكن من الصعب اتكوله هيج كدامه ..

:-ماريد استغلك واشغلك بيه ..قصي خلني ارجع حتى لو انقتل بس احسن الي
اريد اشوف اهلي اني تعبت
:- وانا حضل جنبك حتى لو انت ما بادلتيني شي...راح اسوي شي والاول مرة ما اخذ مقابل
:-وليش
:-لاني احبك
......
اتاخر جواز يحيى الا طلع يومين ...
بهاذي اليومين نزل همام للعمار .. وسعى حتى يشتري البيت الي طلبته علياء .... واظطر غره الناس الي بيه بسعر خيالي حتى فرغوا اله البيت بوقت سريع  وقياسي جدا وجنوا على السعر طار عقلهم ...
طلع فيزة وتمت امورة وبعد اربعه ايام انطلق يحيى لسوريا ...... كاتب العنوان الي بالرساله بورقه صغيره وحاطه بجيبه وكل اشويه يباوع بيه ... نزل من الطيارة للمطار ..  نفس المطار الي جانت كاعده بيه بالانتظار علياء ولابسه منظار هي وجومانه وزوجه .. زوجه الي يشتغل بالحمايه تبع قصي بيك ووياه هم اثنين ضخمين راح يسافرون ويه علياء اما هو هي طلبت منه لا يضهر!!!!!
شال جنطته الصغيره يحيى وفااات من جنب صاله الانتظار... 
علياء كانت اتباوع بوجوه الناس مودعه هذا البلد العريق  .....
جومانه:-عليا شوفي شو هاي الفنانه حلوة اكتير بالفستان الازرء
باللحظه الي فاااات بيه يحيى من يمه دنكت على المجله اشوف ويه جمانه ..
بس حطت اديه على كلبه لان رجف حيل وازدادت نبضاته ماتدري ليش رادوه شعور ...غريب
رفعت راسه وباوعت شمال ويمين شافت......