رواية بائعة الخضروات الفصل الثامن والعشرون 28 - بقلم زهراء العراقيه

..
الساعة الثانية ضهرا ...

رجع من الشركة  قصي هو ومدير اعماله وصديق عمره همام ... الي جاب الحجيه وعلياء من العراق ....
دخل ينام ليستعيد نشاطه لسهره ليلة اليوم ..

علياء شافت الحجيه نامت انتهزت الفرصه وطلعت من الجناح ...
ضلت تفتر بالقصر
مممم لحد الان ما شفته كله هذا القصر اشكبره معقوله هذا المزعج ابو عين زايغه مسوي هذا العز كله ....
شافت جومانة لازمه ريشه التنظيف راحت اله وهي مبتسمه
:-مممم الحاجة الكبيرة محزرتك من التجول هون
:- والله مليت شن1و اسوين
:-هاا
:- شو عم تعملي
:- هههههههه بجنني بالسوري بدي ادخل اندف اوضة الموسيقى تبع قصي بيك
:'اهاااا شنهو هاي الغرفه خل اشوووفه
:-ممم مع انو ما بحب حدا يدخلا لكن مراح اكسر بخاطرك ...
دخلت علياء
:- هاي شنهي الالات كله لقصي بيك
:- ايوا كلا
:-زين هاي شنهو
:- هاي غيتار
:- مممم وهذا
:'عود
:- كمان
:- اشلون تشتغل هاي الشغلات
اشرت على البوق
:-وهذا هم مثل الغيتار ننفخ عليه يطلع صوت؟

:- هههههههه هيدي الآلآت الوترية و الي تصدر الصوت عن طريق اهتزاز الأوتار الموجودة على الآلة متل  العود والغيتار.
اما البوق من الالات الهوائية الي يصدر صوتا  عن طريق النفخ فيها
:-اها ممممممممم وهاي شنوا
دارت وجه عليا من سمعت صوت شي انكسر
:-اه انكسر الابجورا اااه انا شو عملت ياربي ياللله هتئلع من هون
:- شنهو يخلعوج اهدومج لان كسرتي تحفة يمعوده كولي يالله
:- للا لا البيك هئلعني من هون لانها  زهرية اسرية شو اعمل بحالي
:-عاا والله ما يستحي هذا ينزعج اهدومج العفطي
:' لك اسكتي يا ... هيطردني
:- هااا شوفي احنه المه وانذبه بره لا من شاف ولا من دره

: شو عم يصير هون

جمدن اثنينهن من سمعن صوت البيك
جومانه اصفرت وهي اتباوع لحطام الزهرية
علياء :- يارب استر
:- كيف عملتي هيك جومانه هاي انت
:- لا موش هي انه ؟؟؟؟
:- انت لكان
جومانة ماعرفت شنو اتكول من علياء استرت عليه
:- بدك اتئلعني العني
:- لا والله ...
:-جومانه اطلعي  وسكري الباب
:' بس يا بيك والله ان
:- ائتلك اطلعي ..

وهو انظارة متوجه على علياء

الي اتباوع اله بصمود مستعار ..

طلعت جومانه ...راح وراهه قفل الباب وهو يرجع على القفل ثلاث فقلات مع كل صوت قفله علياء تبلع ريكه ...
ضربت على وجه بخفه :-يمه يمه هذا اشراح يسوي ياربي راح اعمله على روحي ...
التفت عليه
هي هم استعانت بقوة مستعاره لانه من داخل ترجف اوصاله رجف ...
:- كل واحد اهنا من يخطأ يمي لازم يدفع الثمن
:- اي اي اندفعه اشكد يعني اتلاف ادفعه واخلص
:- هههههههه هاي القطعة انتيكه قديمه
هي تدري ثمنه باهظ بس حبت تستغبي بلكت يعطف على فطرته ويعوفه...
صارت الاجواء موترة ...
علياء اوف هذا نظراته ليش هيج احسه يشوفني عريانه هسه غير ينزل عينه
:- انت شنو اتريد انه حاضره
ابتسم بأنتصار ...
:- مثل شنو انت اكدرين اسوين
علياء اشوفه يحجي عراقي زين هههههههه
بالحقيقه هو كوة لازم نفسه وما يكسر لان 15 سنة كفيلة بأن يتعود.لسانه على لهجة اخرى....
:-ماكلتي الي اشلون اخذ حقي منج
:-مثل ماتحب
ضحك قصي على ثقته بنفسه ماتدري بعد.اشوية هى راح اتنام على فراشه كما خلقها ربه
:- لعد.تعاي ورايه لدفعين الثمن ....وغمز اله بحقاره
:- شنهو ليش اجي بوراك انه مستعده ادفع ثمنه واشتغل اهنا بالبيت واسد حقه .....
:- راح تقضين عمرج كله لعد هههههههههههه
ضحكته حقيره بشكل
:- اي عادي بس اعيش بشرف
:- شرف !!!
:-شرف شنهي مااتعرفه؟
:-اندكت الباب عليهم
:-قصي بيك انا بعتزر انا الي كسرتا واللهي انا مو هي
اهنا هو جان ينظر لهاي الي السانه استحق العقاب واكثر
:-اوف اعترفت اضاهر تدري بيك شنهو غايتك
الله ما ينسى عبدة دربالكم على الفقرة ترة احنه مالنا غير رب العالمين هو قوتنا بهاي الدنيا اذا جرتوا اعلينا مراح اتخلصون من جوره عليكم
عم السكوت بينهم هو مارد عليه .... وهي ضلت ساكته الى أن فاضه بيه الصبر ...
:- شنهو مراح اطلع منا
راح كعد على البيانو وشمر المفتاح خلفه
شالت المفتاح وطلعت ....
دخلت جومانة
:- روحي جومانه كان لازم تعترفي بغلطك من الاول
:- اسفة يابيك
:- روحي هالمرة سماح ومرة تانيه لا تدخلي هون ..
:-حاضر
......   ......
قصي الاحسن اني اتركه بحاله اصلا هي مو نوعي المفضل ...  ما أجمل المرأة  التي تمتزج أنوثة بكلامه  وتصرفاته  ورقته مو هاي تخلو من ما ذكر ....    ....... .....
......
ساعات الليل صعبة عليه حييل  تتمنى ولو ليوم يزورهه النوم من غير ما اتزورهه ذكرياته مع اهله .... حبيبي وحيد اشلون صاير كشخه ..  لو مهجه صارت مرة مزوجه اوف ...  يحيى ليش ضليت صافن عليه عرفتني لو حسيت بيه  نامت وسط حنينه للأهل ...

جان كاعد بوحده حاط صورته اكباله .. وحط ايده جوة اعيونه وايد فوق اعيونه كأنه يقارنه بالمرة الي شافه قبل فتره
سهير:- حبي شنو هاي ليش هليام بس اتباوع بصورهه كافي يحيى ترة بدة تستنزف صبري وتعرفني من اجن يايحيى شنو اسوي
كام كانه ما سمعه وراح نام ......
بلغ الاهل قصي عنده  جلسة صحفية ..لا احد يدخل عليه ....
والبيت دخل انذار ..... طلع قصي بأبهى طلة ينتظر ضيوفه ......

........ 
:- يمة انه مليت رجعيني للعراق ماريدن اضل اهنا هم غربه وهم سجن
:- هيج ضجتي منا
:- لا يمة والله على مودج صابر اهنا
... .........

اوف اوف ضلت علياء تروح وتجي بالغرفه .. تاليه شافت ام جعفر ملتهية تقرأء كالت خل اروح يم جومانة هي الوحيده الي اطلعني من الضوجه ...

جلس قصي امام مجموعه من الصحفين وكل واحد بيهم يوجه اله سؤال وهو يجاوب

احد الصحفيات:- قصي انت قدمت اخر البوم الي صورته في فرنسا في عندك ببالك عمل اخر

:- الاعمال لا تنتهي مدام هذا يدق
واشر على صدره
علياء جلست  على السلم  هو صاير ضهره عليه مايشوفه والصحافه هم ما انتبهو لوجوده ..
اي عيني اشلون حباب ومحترم اهنا

:- قصي طبعا جمهورك لو حق يعرف ان كنت داخل علاقة حب حقيقية ام لا

:- حقيقتا لا لكن الحب لا يخلوه من قلبي
اكيد يجي اليوم الي اقدمه لمن تستحق

علياء:مثلك عاويه هههههه

:- في اكثير من الاغاني التي تضمر احترام للمرأة  هل يوجد مرآة محدده  مقصوده ام  ماذا؟

:- لا لكن المرأة  تستحق منا الاحترام وذكر من صفاتها الانوثية التي وهبها الله لها
وانا كرجل يجب ان احترم المرأة  واقدسها

هو كال هيج وعلياء ضحكت بصوته العايق السوقي وصفكت بديه .. دار وجه شافه كاعده على الدرج وتتمضحك لان اذكرت نظراته المزعجه والغير محترمه لو شنو كان يريد بغرفة الموسيقى  منه ولانها حسته متناقض طكت من الضحك
 
بلعت الضحكه وكامت شردت لفوك
اول ما رادت تكمل الدرج شافت الحجيه من فوك اتباوع اله هي وكرسيه
:- تعالي ورايه
....
ترزلت من الحجيه وكالت اله بالختام اني حاولت احميج منه لكن انت ما صبرتي من ننتقل للبيت الي يشتريه قيس .  مراح اتخلصين منه ابد ترة .........

ياربي ليش الكل يخوفه منه حتى جومانه اترعبه منه وكايله اله ماكو مرة تخلص منه من غير ما يحظه بعلاقة وياهه ........
اعتذر قصي من الصحافه وكمل وياهم الجلسة ----
خلصت الجلسه كام عدل جاكيته ودكمه وصعد لفوك دخل جناح امه ..
الحجيه:-ها عبدالله رايد شي

ما اتكلم شي وعينه على غرفه علياء

علياء من سمعت بيه اهنا رجفت اوصاله لبست شاله ووكفت بمكانه فتح الباب عليه وضل يباوع اله ...هالمرة نظرات غضب مو شهوة

:- ليش كنت تتسمعين علينا
:' ها انه انه
الحجيه اجت وراه بكرسيه

:- يمه ليش اهنا انت
:-اجيت أسأل  بت حضرتك ليش احرجتني امام الصحافه..
:- ليش كنت اتضحكين
:-هيج ماكو شي
:- اطلع منا عبدالله لا اغضب عليك
طلع لكنه اتوعد لهاي المزعجه .....الحشريه ...

نايم بغرفته ووحده دخلت تمشي على اطراف رجليه فتح اعيونه وفتح الأضويه
:- ليش جايه اهنا.
روعة  :-شو يا بيك  خلص ما عاد بدكياني وخلعت روبه ضلت بثوب النوم .الخليع
ما كدر يكول لا ...مو من طبعه .... وسحبه لحظنه ..... روعه تعمل خدامه عنده ....
........
طلع الصبح  وجلس بره ... لاحظه طالة من شرفته ... شيلته تتطاير على وجه الهوى  كان عالي حيل ولان هاوي العواصف
جالس بوسطه ...
علياء:- شنهو عبالي اهنا ماكو عجات .. يا ويلي شيلتي
طارت طرحته من على راسه ونزل شعره الاسود على وجه الشيله اتعلكت بعمود اناره ..
 
وعلياء يا شيلتي راح تنمزك ....ما لاحظت بيك القصر ضل مبهور بشعره الي يطايره
دارت وجه وشاف قصي كيف الهوى نام على خلفيته كانه مثل قصي صفيق وهاوي الجمال خله ثوبه هم يلزك على جسمه دافعه للامام
شعره جوة خصره طبعا لان رجع طول بهاي السنين .. 
قصي:- اعذريني يمه انت حاطه حوريه من بلاد النهرين    وانا العبد لا احرم نفسي من جنات الدنيا ونعيمه قبل لا تسعر فيا نار جهنم الابدية .......!!!!.

............................
علياء   حست اكو شخص يمه  ويلعب بخصلات شعرهه .....
كعدت مفزوعه من نومه
  :-يايمه هاي شنو شفته  ... فتحت الضوه هاي انه احلم    ... ياربي هاي شنهو انه احلم دوم برجلي يحيى هذا شنهو العطل احلم بيه يبوووو  والله خفت شفته كاعد فوك راسي شنهو هذا يمه لا يكون جني على هيئت قصي بيك ....
اتعجبت من سليمه طلبت منه تطبخ اكلات عراقيه ... ههمه كانو متحكمين من ناحيه الطبخ ... بعدين عرفت اوامر البيك ياكل من اديه هي هم ماقصرت وطبخت اله .وهي عادي صارت تكعد تاكل وياهم ماهو شافه بعد .. 

علياء كانت تتضايق من الخصومات بين الحجيه وسناء كيف راح يكعد ببيت صغير سوة
......
اتعجبت علياء حييل واستغربت من تغيير قصي وياهه اشو صار اكثر احترام اله ويعامله برسميه .... وابد عينه ما تنحط عليه

ترى هذا فخ من فخوخك يا قصي .

وعاشت هم بقلق نفسي من طلب قيس معلومات عنه حتى يجيب اوراقه  من مدرسته على مود موضوع الدراسه...... بس الحمدالله  جابوا معارفهم كل الي يلزم من غير ما ينبش ماضيهه

ويوم عن يوم يزداد قصي لطف وياهه
الام فرحت حيل من تعامله لعلياء بلكت دخلت قلبه هالمرة ويستقر على ايده ....
الحجيه:- علياء الاستاذ في انتظارك
:-يوه ليش من هسه
:-اي حتى تستعدي للعام الدراسي الجديد
:- اي اي نازله ...
راحت ويه جومانه .... شافته من قفاه كاعد .....
جومانه:- استاز هيسم هي الست عليا
:- اهلين ست عليا
علياء الانبهار  و التعجب باين بنظراته ....يالله معقوله ؟؟؟؟؟؟ ضلت تغزوه بنظراته وسط استغراب جومانه ....
علياء عافتهم ومشت تبجي لغرفته
هيثم:-فيه شي
:' انا هروح شوفا
.......
جومانة:-شوبكي عليا ليش هيك هربتي
:- يشبه حيل حيل
:-هو مين
:- رجلي
:-شو جوزك مو عساس انتي مطلئة
:- اي اي انت روحي اني اشويه وانزله ....
........
نزلت بس بصعوبة اتقبلته الان الشبه الي بينه وبين يحيى قوي وهذا الي ما خلاهه اتركز وياه بالدرس الاول  ......
........ 
واستمر قصي بلطفة وكرمه معاهه احسن كادر تدريسي كل يوم يجي ..... بيوم صاحوا اله .. بالليل الساعه  9 نزلت علياء وهم لافه شيلته شافت الحجيه كاعده مع وحده .....
الحجيه :'هاي عليا
:- اهلين عليا
:- هاي الانسة رحمة معلمة الاتكيت
:'- هاا؟ شنو يعني هذا
:- يعني راح اتعيد صياغة سلوكك وحركاتك وطريقه تعاملك وكلامك واكلك ولبسك وكل شي
:- يا ليش عودك انه اشبيه
:- هش بلا نقاش حتى اتصيرين للاحسن
الانسة رحمة عراقية وراح تفهمك.واتفهميه انشالله
اقتربت من الحجيه وهمس:-يمة هاي هم تاخذ افلوس
:-احم اي اي
:- منهو يدفع كل هاي المصاريف يخاله
:- ما عليج
:- عبدالله مو انه كاعده اعله كلبه عله مو كافي المدرسين
:- اني وعبدالله واحد اعتبريه مني
.علت نبرة صوته الحجية
:-يلا اعوفكم  تاخذون راحتكم ........
:- اهلا علياء اريدك تعتبريني اخت الك
.....  ......  .................................
وكفت علياء كدام المراية
:- احم من واحد يسوي الي معروف
اكول وبهاي الطريقه
:- شكرا الك وابتسم هيج ... واعيوني هم تبتسم خرب هسه اعيوني اشلون اضحكه ...
............. 
تمشي علياء مثل الطفل ابو 10 اشهر   اتريد توكع من الكعب لا بعد ما كفاهه رحمه حطت كتب فوك راسه .... 

....... طلعت رحمه وعليا اتوصله صادفن البيك
خلع نظارته وباوع من فوك لجوة لرحمه ...
:- اه استاذ قصي اهلا وسهلا شرفني واسعدني لقائك
لاحظت علياء كيف غيرت رحمة بنبرة صوته وصارت اكثر رقة ...
بس هذا هم نظراته مزعجه لرحمة ....
عافتهم وراحت ...
قصي اول ما لاحظ الحلقه بأيده اليسرة
:- حازم (احد الحرس )
وصل الانسة ..... وعافه وراح .. هذا هو عبدالله من ضمن مبادئه لا ينظر  لمرأة مرتبطة ....
كعدوا  على الاكل ..... لاحظ تغير كبير في سلوك علياء ابتسم هو ويأكل ...جيد الغزاله بدت تتروض وراح يجهزه بيده بس لازم تستوي على نار هادئ
بعد شهر
...... بيوم
طلب قصي من قيس يأخذ امه للعلاج الطبيعي هو مرته .....
بس راحوا طلب من جومانه اترافق اولاد قيس للملاهي ...
استغربت سليمه من طلب منهم يفرغون البيت ويرحون وما يرجعون الا في الليل ..!!!
غادر طاقم الخدم ومابقى غير  هو وعلياء فوك  و الحرس بره ..
........
جانت تقره باجر عده امتحان عند الاستاذ هيثم
سمعت طرق بابه ...
علياء :- ادخلي جومانة .... وكعدت تكتب
قصي:- احم
علياء يااا قصي بيك كامت حطت شي على راسه ... ووكفت وره الباب فتحته اشويه منه
:- كيفك اقصد اشلونك علياء
:- اني بخير الحمدالله رايد شي حضرتك....؟
:- الصراحه اشعر بالملل الفضيع
واريد.اعزف اذا ما بيه ثقل عليج تتسمعين ألحاني
:-ها اني ؟؟
:- نعم لان مثل ما انت شايفه محد يتواجد اهنا غيرك
:- شنو؟ اقصد
ابعدت الخوفه عنه وما بينته
:- اي ليش لا اسمع الك ... اتفضل
لا انت اتفضلي امامي
سدت الباب ومشت كدامه وهو راهه
ياربي اني ليش خايفه اف هسه هذا يمشي  ورايه اكيد نظراته المزعجه متركزه على جسمي ..
اتفضلي ..واشر اله تكعد على الكرسي المقابل وهو جلس على البيانو...
بد يعزف وهي تسمع كان اللحن حلووو حيل ...
من خلص اخذه الحماس وصفقت اله

علياء:-هههههههه اشويه اتحمست بس انت خوش تعزف
:'- شكرا ...
:- ممم يلا اني اروح ادرس
:- تعالي عازمك على عصير ..
:- ها مو ان
:- اتخجليني
:- لا يلا
:-اروح اسوي بأديه الك واجي
:-شنوو انت اتسوي
:-اي لان محد ماكووو
:-اني اسوي
:-ههههههه لا تخافين مراح احط بيه منوم
وغمز اله بخفه وراح ....
راحت وراه
ضحكت بسره من شافت صاحب هذا القصر الفخم.والشركات والنجم المشهور  يسوي اله عصير
حطت ايده على حلكه وتضحك بايعه الخضورات واحد.من اغنى الرجال يخدمه
:-هههههههههه
التفت عليه باستفسار عن سبب ضحكته
:- انه هههههه اسفه ههههههههههههههههه خلت وطلعت من المطبخ ...
هو اه هاي راح اسقط اسير بضحكته ... ليش دائما تضحك عليه هههههههههه ...........
كعد مستغرب يحيى مكالمة سهير المطوله لا وبعد اخذت التلفون للغرفه وسدته ... هو صارله مده غافل عن تصرفاته وملتهي بالبحث عن زوجته الثانيه الي ابد ما صدك  خبر موته ...
راح للاستقبال .. شال سماعة التلفون ...

و اعيونه رادت تطلع من مكانه من الي يسمعه