تحميل رواية بدايه حياه بقلم هاجر العفيفي pdf

: انتى مجنونه لسه بتحبيه بعد ماسابك يوم الفرح وهرب

قالها رائد بغضب وعصبيه

حياه بدموع : ايوه بحبه عشان انا مش مصدقه أن يعمل فيا كده اكيد فى حاجه غلط

رائد مسح على وشه بغضب وقال : لاء مفيش حاجه غلط هو طلع ند"ل وجبا"ن وبعتلك ورقة طلاقك يوم الفرح وسافر وهرب عايزه ايه تانى بقا

حياه قعدت على الكرسى وقالت بعدم استيعاب : ط طب ليه عمل فيا كده ازاى قدر يخلينى قدام الناس وحشه بالطريقه دى

رائد بضيق : حياه خلاص الموضوع خلص على كده ملهوش داعى الكلام ده

حياه بصراخ : لاء ليه داعى الكلام لازم اشوف حياتى معاك هتوصل لأيه انت كنت جاي الفرح ابن عمى وبس بقيت جوزى شوفت النصيب ايه بقا مفكرتش فيا مفكرتش فى نفسك حتى ؟؟

رائد بعصبيه : عايزانى كنت اعمل ايه اسيب عمى يحس بالكسره دى يوم فرح بنته الوحيده مقدرتش اشوف الراجل ال ربانى طول عمرى كده

حياه بسخريه : امممم لاء كتر خيرك والله طب تمام اللعبه وصلت لحد هنا وخلصت بقا احنا عارفين ال فيها ولا انت بتحبنى ولا أنا بحبك اصلا احنا هنعيش هى فتره قليله جدا لحد لما الناس تنسى وبعدين كله ينتهى

كلامها جرح كبريائه كراجل رد عليها بكل برود : وده المطلوب لأن طبعا بحب بنت ومستحيل احب غيرها الاوضه ال هتنامي فيها هناك تصبحى على خير

قال اخر كلامه ودخل الأوضه وقفلها بغضب

حياه حست انها زودتها معاه بس رجعت افتكرت لما قال إن بيحب بنت وقالت بزهق : كل واحد يشوف حياته احست

أنهت كلامها ودخلت الأوضه ورزعت الباب بتاع اوضتها هى الأخرى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا

فى أوضة رائد دخل قعد على السرير بغضب وهو بيفكر فى كلامها واتعصب جدا وفجأه جاتله رساله من رقم غريب وكان محتواها (متفرحش كتير عشان مش هتدوم الفرحه)

رائد اتصدم من الكلام وحط ايده عى شعره بحيره وقال : مين ده وعايز ايه

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

تانى يوم

صحيت حياه من النوم ودخلت المطبخ عشان كانت جعانه وشافت رائد واقف فى البلكونه شارد وبيفكر قالت بعدم اهتمام : ماله ده

دخلت كملت ال كانت بتعمله ومهتمتش

رائد دخل وقال : عايز أفطر

حياه بصتله ببرود وقالت : مش ملزمه أن اعملك اكل لأن مش خدامه

رائد بضيق : نعم وده ليه ان شاء الله اومال متجوزين ازاى

حياه بعصبيه : انت مبتفهمش بقولك مش بحبك وجوازنا مش حقيقي وملكش دعوه بيا خالص

رائد اتعصب من كلامها ومسك أيدها بغضب وقال : اوعى تكونى فاكره أن عشان ساكتلك أن مقدرش عليكى لاء فووقى كده واعرفى انتى بتكلمى مين انا المقدم رائد يعنى اكبر شنب فى مصر بيعمل ليا حساب مش هتيجى حتة عيله زيك وتكملنى كده

حياه بدموع : ايدى بتوجعنى

رائد ساب أيدها بعنف وقال : من النهارده انا ال بقولك مش عايز احس بوجودك فى الشقه دى لحد لما المده تخلص واطلقك واخلص بقا

قال كلامه وخرج من البيت ورزع الباب بغضب وهى انتفضت من الصوت هى عارفه انها زودتها معاه وهو راجل شرققى ميستحملش كلامها فضلت مكانها تعيط وقعدت طول الليل دخل وهو موصلش البيت قلقت وحست بالذنب حاولت تشوف رقمه بس مكانش معاها فضلت راحه جايه بحيره وقلق

حياه بقلق : ياترى أتأخر كده ليه

الباب خبط وهى جريت عليه بلهفه وفتحته على أمل أن يكون هو واتصدمت من ال شافته

حياه بصدمه : رائد !!!

رائد دخل وكان باين عليه التعب والارهاق وشعره نازل على وشه بعشوائيه قعد على الكرسى بتعب

حياه بقلق : ايه ال حصل واتأخرت كده ليه ؟؟

رائد بصلها بجمود وبرود وقال : وانتى مالك هيفرق معاكى اووى

حياه بتوتر : ا انا اسفه على طريقتى معاك الصبح بس انا

قاطعها رائد بسخريه : مفيش اسف انتى اصلا متفرقيش معايا وان كنت بعاملك حلو ده عشان انتى ملكيش ذنب فى ال حصل لكن انك تتعدى حدودك معايا ده مسمحش بيه ابد

حياه كانت ساكته مش عارفه ترد هو عنده حق فى كل كلمه قالها هى كانت قليلة الذوق جدا معاه

رائد بتنهيده : انا داخل انام

حياه بلهفه : احضر ليك العشا

رائد بسخريه : لاء مش عايز منك حاجه انتى مش ملزمه تعملى حاجه ليا ولا اي

قال كلامه ودخل الأوضه وقفلها

حياه بندم : انا فعلا زودتها معاه وهو عنده حق انا بكره لازم اعتذر بالأفعال مش الكلام لأن مش هيقبل كلامى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا

عند رائد كان قاعد على السرير ويفتكر ال حصل لما خرج من البيت وهو متعصب

وركب عربيته وطلع على المخزن

رائد بسخريه : نورت ياحيلتها

احمد بتعب من الضرب : انت عايز منى ايه انت مجنون خطفتنى من فرحى ومراتى

رائد بضحك : لاء ياخفيف مانت طلقتها

أحمد بصدمه : نعمممم ايه الكلام الاهبل ال بتقوله ده محصلش

رائد ضربه لكمه فى وشه : اخرررس يلا ال هقوله هتنفذه يا اما تقرا الفاتحه على روحك

احمد بغضب : انا بحب حياه والطلاق ده باطل وال عندك اعمله

رائد بغضب : يبقا انت ال اختارت

قال كلامه وضربه بغضب وعصبيه

رجع من تفكيره ومسح شعره وقال بتنهيده : نفسى تحبينى زى مابحبك ياحياه

🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

تانى يوم

يحى بدموع : البت دى حظها قليل علطول

كريمه : متقولش كده ياخويا

يحي بغضب : انتى تسكتى خالص مش كفاية ال ابنك عمله وهرب يوم الفرح وطلقها وكان هيفضحنى لولا ابن اخويا

كريمه بخوف : انا معرفش الواد ده عمل كده ازاى

يحي : اكيد انتى ليكي يد فى الموضوع انتى الجوازه مكانتش على هواكى من الاول

كريمه بزعل : كده ياحاج برضوا تقولى الكلام ده شكرا

يحي بتنهيده : اعذرينى ياكريمه بنتى كانت بتحب احمد اووى وهو خذلها حقي ازعل عليها وعلى حظها

كريمه : ربنا يهدي الحال

(كريمه تكون مرات ابوها وأحمد ابنها من راجل تانى وكان خاطب حياه وكان فرحهم)

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله

حياه بتوتر : ممكن نتكلم

رائد بهدوء : اتفضلى

حياه بحزن : انا عارفه ان كنت قليلة الذوق معاك اووى بس غصب عنى والله ال حصل ده كان أكبر كسره ليا احمد هو الوحيد ال فتحت ليه قلبى

رائد قبض على ايده بغضب مكتوم بس متكلمش

حياه كملت كلامها وقالت : واليوم ال المفروض يكون اجمل يوم لاى بنت بقا اسوء يوم ليا بعد ماهو هرب وكمان طلقنى طبيعى كنت انهار واتعب بس انا مش من النوع ده انا بحط زعلى فى عصبيتى ممكن انفعل على ال قدامى عشان ادارى حزنى

رائد ببرود : حصل خير

حياه بتوتر : اعملك الغدا بقا

رائد بابتسامه : لاء لما نيجى من بره

حياه باستغراب : هنروح فين ؟؟

رائد ببرود : هروح أخطب وطبعا محتاجك معايا بما انك زي اختى

حياه بصدمه : تخطب ؟؟؟

حياه بصدمه : هتخطب ؟؟

رائد ببرود : ايوه حقى أن اشوف حياتى ولا ايه رأيك

حياه بدموع محبوسه : بص انا عارفه ان مليش حق أن اقولك كده بس ياريت بس تأجل الموضوع ده ولو لمده قليله عشان الناس وكده

مكملتش كلامها ودموعها نزلت بغزاره غصب عنها

رائد مستحملش دموعها وقال بضيق : متعيطيش خلاص مش عايز اشوف دموعك دى

حياه مسحت دموعها وقالت : بجد يارائد يعنى مش هتروح

رائد طبطب عليها بحنان وقال : لاء مش هاروح

حياه بعدم استيعاب حضنته وهو اتصدم بس فرح اووى

حياه استوعبت ال حصل وبعدت عنه بخجل : انا انا

رائد بضحك : متخافيش انا زى جوزك برضوا

حياه اتحرجت منه وقامت وقالت : انا ه هحضر الاكل

رائد وقف قدامها ومسك أيدها وقال : حياه انا عايزك تعرفى أن ال عملتيه ده مش عيب ولا حرام احنا متجوزين وكمان ده امر واقع يعنى لازم نتقبل العيشه دي مع بعض وياريت نكون اصحاب الفتره ال هنكون فيها مع بعض

حياه اطمنت من كلامه وقالت بابتسامه : موافقه

رائد : طب يلا بقا نخرج مع بعض النهارده مش الصحاب بيخرجوا مع بعض برضوا

حياه بفرحه : حاضر خمس دقايق واكون جاهزه

ودخلت تجرى على جوه وهو ضحك على طفولتها

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا

الشخص : ده انت الباشا موصى عليك اووى

احمد بغضب : والله لما اطلع من هنا مش هرحمكم

الشخص بسخريه : ده لو طلعت اصلا

احمد بغضب : انتوا عايزين منى اييييه

الشخص : روحك وبطل رغى بقا كتير عشان صدعت منك

احمد كان بيبصله بغضب وسكت عشان ميتأذيش منه

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

حياه ورائد كانوا مبسوطين جدا راحوا الملاهى وراحوا النادى واتعشوا مع بعض وكان يوم جميل جدا بالنسبه ليهم ونسيوا كل المشاكل ال بتحصل ليهم وهو كان مبسوط جدا بقربها

حياه بسعاده : كان يوم جميل جدا يارائد مش عارفه اقولك انبسطت ازاى

رائد بابتسامه : وده المطلوب ان اشوفك مبسوطه وبس

حياه بتوتر من كلامه وقالت : شكر ليك بجد انا هدخل انام

رائد بخبث : امممم ايه رأيك نتفرج على فيلم رعب ونعمل فشار

حياه بفرحه : طبعا هدخل اغير هدومى واجيلك هوا

دخلت الاوضه وهو ابتسم وحب وقال بهمس : بحبك

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله

تانى يوم

رائد كان بيتكلم فى التلفون وبيقوله : خلى بالك منه متشيلش عينك من عليه عشان لو ظهر هيضيع كل ال أنا عملته

الشخص : ماهو مبيبطلش أسأله ياباشا

رائد : علمه الادب شويه كده وبعدين خليه لحد لما اسلمه بنفسي ظهوره هيكون غلط قدام الناس بالذات لو حياه عرفت سلام بقا انت دلوقتى

قفل معاه ولسه بيتلفت واتصدم لما شاف حياه واقفه وراه ودموعها نازله

رائد بتوتر : حياه انا

قاطعته حياه بصدمه ودموع : انت ال خطفت احمد يوم الفرح

حياه بصدمه : انت ال خطفت احمد يوم الفرح

رائد بتوتر : حياه افهمينى

حياه بدموع وصراخ : تفهمنى ايه ؟؟؟ يعنى انت كنت السبب فى كسرة فرحتى انت خليتنى اشك فيه وأكر"هه وهو بيحبنى انا بكر"هك يارائد بكر"هك

رائد بغضب من كلامها : كفايه كده بقا انا عملت كده عشان مصلحتك انتى مش فاهمه حاجه

حياه بسخريه ودموع : اهااا مصلحتى انت كداب يارائد

رائد اتجرح بسبب كلامها بس رد بثبات : أحمد تاجر مخدر"ات وانتى كنتى الوسيله الوحيده أن هو يهرب البضاعه فى فستانك وانتوا مسافرين شهر العسل

حياه رجعت لورا بصدمه : لاء لاء مش معقول

رائد ضحك بسخريه : هتقولى عليا كداب تانى مش مهم دلوقتى انا قولتلك الحقيقه وانتى صدقتينى براحتك مصدقتنيش برضوا براحتك انا ماشى وورقتك هتوصلك فى أقرب وقت انا كده عملت ال عليا معاكى سلام

قال كلامه وخرج من البيت بأكمله وحياه كانت واقفه ومش عارفه ترد مصدومه وندمانه أن هى قالت الكلام ده كله ليه

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا

رائد خرج من البيت وهو مخنوق بسبب كلامها واتهامها هو بيحبها جدا بل بيعشقها

وهى عمرها ماحست بيه ابدا دايما بيحاول يبعد عنها اى أذى وهى برضوا بتجرحه بكلامها قرر أن هيبعد عن طريقها نهائي

ركب عربيته وطلع على بيت صاحبه ودخل عنده البيت وقعد على الكنبه بتعب

يوسف : مالك ياصحبى انت مش عاجبني الفتره دى خالص

رائد اتنهد بتعب وقال : الظاهر كده أن هى مستحيل تشوفنى اصلا فى حياتها

يوسف : انت معترفتش ليها اصلا يارائد يبقا هى هتعرف ازاى انك بتحبها

رائد : يابنى انا قولت لازم اعمل معاها أفعال الحب مش بس كلام اهم حاجه الفعل هى لما عرفت أن خطفت احمد من غير حتى ماتفهمنى قالتلى أنا بكر"هك وكمان اتهمتنى بالكدب انا مستحملش أنها تشوفنى كده

يوسف : وانت ناوى تعمل ايه دلوقتي

رائد لتنهيده : لازم اخلص موضوع احمد انا هسلمه وهخلص القضيه بتاعته عشان ميأذيهاش ولا يتعرض ليها تانى وبعدين هطلب نقلى من هنا وهسافر وهطلقها المهم هبعد عنها الخطر الاول

يوسف بحزن على حال صديقه : ربنا يكتبلك الخير ياصحبى

رائد كان لسه هيتكلم قاطعه صوت تلفونه رد عليه : خير

الشخص : أحمد هرب ياباشا

رائد وقف بغضب وقال : ازاى ده حصل وانت كنت فين ياغبى انا جاي اشوف المصيبه ال هتحصل

يوسف بقلق : فى ايه يارائد

رائد وهو بياخد مفاتيحه ونازل : أحمد هرب

يوسف قفل الباب ونزل مع صديقه

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

حياه كانت فى الشقه بتبكى وهى بتفكر فى كل ال بيحصل ليها وكمان كانت قلقانه على رائد لأنها جرحته بكلامها وكمان الحزن الأكبر لما افتكرت أن هو هيطلقها

قاطعها من تفكيرها صوت جرس الباب قامت تجرى بسرعه تشوف رائد بس اتصدمت لما شافت أحمد واقف قدامها ووشه متبهدل ومضر"وب وبينهج

حياه بصدمه : أحمد !!!!

أحمد بتعب : يلا ياحياه مفيش وقت لازم نهرب دلوقتى

حياه رجعت لورا بخوف وقالت : انت مجنون لاء طبعا

احمد بغضب : مفيش وقت اخلصى رائد السبب فى كل ال احنا فيه لازم نهرب منه ونتجوز

حياه بخوف منه ودموع : لاء اطلع بره انا متجوزه مينفعش ال بتقوله ده

احمد عيونه اتحولت وقال بصدمه وغضب : متجوزه ازااااى

حياه بدموع : أحمد عشان خاطرى امشى انا مش عايزاك امشى

احمد اتعصب اكتر وطلع مسد"س من جيبه وقال بغضب : لو مجتيش معايا هق"تلك ياحياه

حياه برعشه ودموع : راااااائد

حياه برعشه ودموع : رااااائد

أحمد بغضب : اخرررسى انتى بتحبينى انا بس وهتمشى معايا دلوقتى

حياه بصراخ : لاء انا مش عايزاك ومش بحبك كنت فاكره أن بحبك بس انا بحب رائد وبس

أحمد اتجنن من كلامها ولسه هيمسك دراعها ويضربها كانت هى جريت على جوه ومسكت فازه فى أيدها وقال بدموع : ابعد عنى

أحمد بغضب : حيااااه لمى الشر وتعالى معايا عشان والله هنسى أن اعرفك اساسا وهق"تلك

حياه هزت راسها بعنف وقالت بدموع : اقت"لنى بس مش هاجى معاك يارااااائد الحقنى

قالت كلامها وهى دموعها بتزيد ومرعوبه من شكل احمد لانه غير مبشر بالخير

بس قطع كل حاجه لما رائد دخل من الباب بلهفه واول ما شاف احمد هجم عليه وضربه بغضب وطبعا احمد كان بيبادله الضرب بس أضعف لأن رائد اقوى منه بحكم شغله

حياه بفرحه ودموع : رائد

رائد زق احمد على الأرض ال فقد الوعى وبصله بقر*ف ولسه هيرفع عينه على حياه قامت جريت عليه واترمت فى حضنه وهى بتعيط بعنف

رائد ضمها بقلق وقال : عملك حاجه ياحياه طمنيني انتى كويسه

حياه رفعت عيونها ال كلها دموع وقالت : اتأخرت عليا ليه يارائد كان هيق"تلنى

قالت كلامها وهى شهقاتها كانت عاليه

رائد بلهفه : بعد الشر عليكى ياحياه متقوليش كده ده ....* وهياخد جزاته متخافيش وانا موجود

حياه حضنته اكتر وهى مازالت بتبكى رائد كان حزين على شكلها ومش عارف يعمل ايه

فى الوقت ده دخلت القوه واخده احمد ال فاق وبصلهم بكر*ه وغضب

حياه بخوف : رائد هو كده مش هيقدر يأذينى صح

رائد بابتسامه : لاء اطمنى هو أول ماهيتحكم عليه هيترحل بعيد وهيكون عليه حمايه مشدده

حياه بارتياح : الحمد لله

سكتت شويه وبعدين قالت بتوتر وندم : رائد انا اسفه

رائد اتنهد بحزن بس أظهر الجمود وهو بيقول : مفيش حاجه أنا همشى

حياه بخوف : هتروح فين متسبنيش

رائد ابتسم بخفه وبعدين افتكر كلامها وهى بتقوله أنها بتكر"هه الابتسامه اختفت

رائد بجمود : رايح الشغل عشان اقفل القضيه اقفلى على نفسك كويس ومتخافيش مش هتأخر

قال كلامه وخرج من البيت وهى دموعها نزلت بندم وقالت : غبيه غبيه ضيعتى كل حاجه لو مكنتش قولت كلامى الصبح كان زمانه معايا علطول وبيطمنى لكن هو كر"هنى دلوقتي بس لاء هحاول معاه انا مش عايزه اخسر رائد انا مش عايزه أتطلق منه

قالت اخر كلامها بإصرار

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا

كريمه بصدمه : يامصيبتى الواد اتحبس

يحي سخريه :على أساس مش انتى السبب

كريمه بصدمه : بتقول ايه يايحي

يحي بغضب : بقول الحقيقه انا مش عارف كنت مخدوع فيكي ازاى بقا بتستغلى بنتى عشان ابنك عايزين تدمروا حياتها

كريمه بتوتر : انت بتتكلم على ايه انا مش فاهمه حاجه

يحي بعصبيه : بتكلم عليكى على واحده زيك مصانتش العيش والملح بدل ماتشكرينى أن لميتك انتى وابنك من الشوارع لاء عايزين تدمروا بنتى الوحيده لولا ابن اخويا رائد كان زمان كل حاجه ضاعت

كريمه بحقد : هو رائد الزفت ال حبس ابنى منه لله حسبي الله ونعم الوكيل

يحي ضر"بها بقالك وقال بغضب : اخرسى مش كفايه شغاله مع ابنك فى تجارة المخد"رات انتى تستاهلى الحبس والرميه

كريمه : بخوف : ق قصدك ايه

البوليس دخل ومعاهم رائد ال اتكلم ببرود : قصده انك هتشرفى جمب ابنك خدها ياعسكرى

العسكرى أخدها فى وسط اعتراضها وهى بتقول : انا معملتش حاجه معملتش حاجه

يحي بحزن : انا متشكر اووى يابنى انا مش عارف اقولك ايه لولاك كنت خسرت بنتى

رائد بتنهيده طبطب على عمه وقال : متشكرنيش ياعمى انت تستاهل كل خير كفايه انك ربتنى وعلمتنى ووصلتنى فى ال انا فيه انا ال عايز اشكرك اووى

يحي حضنه بحب وقال : ربنا يحفظك يابنى ها بقا نويت تعمل ايه مع حياه

رائد بحزن : هطلقها

يحي بصدمه : ليه يابنى انت بتحبها!!!!

رائد : بس هى مبتحبنيش ومش مستعده تحبنى هى لازم تختار حياتها بعد كده من نفسها انا مش هقدر اغصبها على حاجه أنا همشى بقا عشان ورايا شغل عايز حاجه

يحي بحب : سلامتك يابنى

رائد مشى ويحي اتنهد بحزن وقال : ربنا يهديكي ياحياه يابنتى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

بعد مرور اسبوع حياه مكانتش بتشوف رائد خالص لأنه بيجي بعد لما بتنام وبيمشى قبل ماتصحى مكانتش عارفه تتكلم معاه خالص وكمان حزنت على تجاهله ليها رغم كده كان بيجيبلها كل حاجه هى بتحبها وبيحطها على السفره وهى لما بتقوم بتشوفها

فى يوم صحيت وقررت أنها تكلمه وتطلب منه يجي بدرى عشان هى عايزاه وكانت ناويه تدى لعلاقتهم فرصه وكانت هتعتذر على كل الكلام ال هى قالته فتحت تلفونها ورنت عليه كتير جدا بس تلفونه كان مقفول فتحت الواتس ولاقت رساله مكتوبه من رائد واتصدمت ودموعها نزلت

(عارف انك عمرك مافكرتى فيا حتى واحنا صغيرين كنتى دايما بتحاولى تبعدى عنى وتفضلى مع احمد ولما كبرتى برضوا قررتى تتجوزى احمد انا مكنتش فى حياتك كان نفسى لو تدينى حتى نسبة امل انك تكونى ليا بس انا اتأكدت أن مفيش فايده الحب مش بإيدنا بس كل ال عايزك تعرفيه أن بحبك اووى وهفضل احبك مستحيل اي بنت تانيه تاخد مكانك انا دلوقتى طلبت نقلى وفعلا اتنقلت فى شغلى هبعد خالص عن طريقك عشان تشوفى حياتك صح وصدقينى هطلقك بس مش دلوقتى عشان الناس شهر كمان وهطلقك سلام يا اجمل وأرق بنت عرفتها في حياتى)

حياه كانت دموعها نازله والتلفون وقع من أيدها وقالت بصوت عالى وشهقه : غبى انا بحبك والله العظيم بحبك

حياه دموعهأ نزلت وشهقاتها كانت عاليه وقالت : غبى انا بحبك والله العظيم بحبك

قامت بسرعه غيرت هدومها وهى بتعيط وخرجت ركبت تاكسى وطلعت على بيت والدها واول مافتحلها اترمت فى حضنه وعيطت بوجع

يحي بحزن : تعالى يابنتى ادخلى

دخلت مع والدها وقالت برجاء ودموع : بابا انت تعرف مكان رائد صح قولى عليه وانا هروحله واعتذرله ويرجع معايا هو قالى مش هسيبك وسابنى انا محتجاه اووى يابابا اووى

كانت بتتكلم بسرعه ودموع مغرقه وشها

يحي طبطب عليها بحزن : اهدى يابنتى اهدى ياحبيبتى رائد عمل ال يريحك هو قال لازم يبعد

حياه بغضب ودموع : بعده عنى مش هيريحنى انا حبيته اوووى والله انا كنت هقوله النهارده حقيقة مشاعرى بس هو مجاش خليه يجي بالله عليك يابابا وانا مش هزعله تانى

يحي : بس اناا معرفش طريقه والله ياحياه هو طلب ان لما يسافر محدش يعرف مكانه

حياه بصدمه ودموع : يعنى ايه يعني مش هشوفه تانى

يحي : لو ليكم نصيب مع بعض هتتقابلوا صدقيني يابنتي

حياه فضلت على حالتها تعيط لحد لما تعبت ونامت

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا

بعد مرور شهر

حياه كانت دايما فى اوضتها مكتئبه تقوم تصلى وتنام تانى وشها بقا باهت ودايما حزينه وندمانه على انها ضيعته منها وبرضوا زعلانه منه عشان مبيتواصلش معاها خالص ولا مره يطمن عليها

قاطعها من تفكيرها كالعاده صوت والده ال قال : رائد جاى النهارده ياحياه

حياه بصدمه وفرحه : بجد يابابا رائد جاى ط طب هو كلمك صح قالك أن وحشته اكيد جاي عشان نرجع لبعض

يحي بحزن على حالة بنته : بس رائد جاى عشان اجراءات الطلاق تتم ياحياه وهيسافر تانى

حياه بصدمه ودموع : طلاق !!!

يحي سكت بحزن

حياه مسحت دموعها بجمود وقالت : تمام وانا مستنياه

يحي بخوف : انتى كويسه يابنتى

حياه هزت راسها وهى تايهه ونفسها تصرخ من قلبها وتقول لاء بلاش تسيبنى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

فى المساء

رائد كان وصل وكانت حالته متقلش عن حياه ويمكن اكتر باين عليه الإرهاق والتعب وكمان جسمه نزل خالص بسبب الحزن

وصل وكان معاه المأذون ودخلوا فى الصالون وكانت عيونه فى الارض ونفسه يبكى بس مسك دموعه وبعد وقت خرجت حياه وكانت لابسه دريس اسود وخمار لاڤندر وبصتله بحزن وقعدت الجهه الاخرى

يحي بحزن : اتفضل ياشيخ ابدأ

المأذون : راجعوا نفسكم تانى الطلاق مش هزار فى وقت تفكروا وتراجعوا نفسكم

رائد وحياه رفعوا عيونهم وكانت نظره طويله بينهم كلها اشتياق وعتاب وحزن

المأذون : هتغيروا رأيكم صح

حياه وقفت وقالت بإصرار : انا مش هطلق مفيش طلاق هيتم

قالت كلامها وخرجت من البيت بسرعه تحت دهشه والدها ورائد ال اتصدم

يحي : ألحقها يابنى وشوفها

رائد قام بسرعه ونزل يجرى على السلم عشان يلحقها وفضل يدور عليها لمحها ماشيه بسرعه بعيد جرى عليها ومسك دراعها وقال : استنى قطعتى نفسى

حياه زقت ايده بدموع وصراخ : ابعد عنى يارائد انت انانى مفكرتش غير فى نفسك مفكرتش انا كنت عامله ازاى من غيرك ولا هكون عامله ازاى بعد لما نطلق انا بكر"هك

كانت بتقول كلامها وهى بتضرب فى صدره وكتفه وهى منهاره

هو اتصدم من كلامها بس ضمها بشده فى حضنه رغم اعتراضها وضربها ليه حاول يتملكها

رائد بحنان : اهدى ياحياه اهدى

حياه بدموع : عايز تطلقنى يارائد جاى بعد الغيبه دى كلها وتطلقنى انا كنت مستنيه اليوم ال هتيجي تاخدنى فيه ونسافر مش تطلقنى ليه تعمل كده لييييه

رائد بحزن : عملت كده عشانك وعشان راحتك عشان عارف انك مبتحبنيش

حياه ضربته على كتفه وقالت بحده : بحبك والله بحبك بس انت مدتنيش فرصه انا عارفه طول الوقت كان كلامي معاك زي الدبش بس انت عارف ان غصب عنى والله غصب عنى كنت خارجه من تجربه فاشله وكنت محتاجه فرصه واحده بس احمد كنت بوهم نفسى أن بحبه بس انا عرفت أن محبتش غيرك انت زمان لما انت سافرت وسبتنى كنت بموت من بعدك بس كنت عارفه أن حرام احبك وانت مش حلال ليا وقتها احمد عرض عليا الجواز وبما أن مرات ابويا معانا فى البيت أقنعت بابا وانا وافقت وانا متأكدة انك مش ليا وانك سافرت تشوف حياتك انا كنت ضحيه زى زيك يارائد والله

كانت بتقول كلامها وهى بتعيط فى حضنه وهو مصدوم من كلامها كله معقول كانت بتحبه من زمان زي مابيحبها بس هو كان معتقد انها مش بتحبه

رائد رفع وشها ليه وقال بحزن : حياه

حياه رفعت عيونها الحمره من العياط والحزن وقالت : هتسيبنى يارائد

رائد بفرحه وحب : انا مش عايز اسيبك ولا كنت ناوى اسيبك احنا هنكمل مع بعض حياتنا كلها تقبلى تعيشى معايا من جديد

حياه هزت راسها بفرحه ودموع : عايزه اكمل معاك يارائد انا بحبك

رائد ضمها بفرحه وسعاده واخير سمع منها أنها بتحبه دعوته فى كل صلاه استجابت

حياه بخجل خبطته فى كتفه وقالت : وحشتنى على فكره

رائد بضحك وحب : وانتى اكتر على فكره

حياه بزعل طفولى : لاء انت اكتر

رائد بحب وهو حضنها : انا مش متخيل انك معايا وبين ايديا وكمان هنبتدى من جديد انا حاسس ان اتولدت النهارده ياحياه

حياه بحب : وانا كمان حاسه ان لسه مراهقه وبتحب من جديد

رائد بغمزه ومشاكسه : تعالى بقا نروح نلغى المأذون ده ونسافر شهر العسل بدل مانتى قمر كده والناس بتبصلك

حياه نامت على كتفه وقالت بتنهيده وارتياح : مبسوطه انك رجعت ليا تانى

رائد بحب : هنبدا حياه جديده مع بعض ياحياتى كلها

حياه بابتسامه : وتكون بداية حياه

رائد بحب : بحبك♥️

حياه بمشاكسه : وانا كمان ياقرة عينى

ضحكوا الاتنين وبالفعل كملوا حياتهم فى سعاده وهنا♥️