رواية بحر الانتقام الفصل الرابع 4 - بقلم Lamiaa Ahmed

🔥🔥استعدوا للحماس 🔥🔥+ فصل كبير 🥰

صباحا وتحديدا يوم العرس ..

وتين _______ كفايه بقي نا تعبت

حوريه _______ ههههههههه معلش خلاص اخر ماسك

وتين _______ يعني اروح اغسل وشي بقي

حوريه _______ هههههههه روحي اغسلي ويلا تنامي لسه الفرح هيبدا الساعه 7 بليل نامي وانا هصحيك علي اربعه تلبسي وتجهزي

وتين ________ حاضر

حوريه _______ وانا هشوف جاسر فين من امبارح مشفتوش

ابتسمت وتين بحزن ودخلت الي المرحاض ..فهي لم تراه ابدا حتي الآن ولا تعلم لماذا لم يراها ....

حوريه _______ الو ايوه يا جاسر انت فين مبتردش عليا ليه من امبارح

جاسر _______ نايم في البيت

حوريه _______ طيب كويس الحمد لله انا افكر روحت الشغل

جاسر _______ لا مروحتش

حوريه _______ مكنتش بترد عليا ليه

جاسر ببرود _______ كان عندي شغل

حوريه _______ شغل ؟ حتي الساعه 3 الفجر

جاسر ببرود _______: يا امي انتي عايزه اي دلوقتي

حوريه _______ كمل نوم يا جاسر كمل ولما تصحي تفطر وتجهز وتشوف التجهيزات ماشيه تمام ولا لا وتاجي الاوتيل  تشوف عروستك انت مشفتهاش لدلوقتي فاهم يعني اي

جاسر _______ طيب حاجه تانيه

حوريه _______ لا

اغلق الهاتف وأكمل نومه ببرود .... ولكن العديد من الأشياء تدور في خاطره ،،....

🥀🥀

لينا _______ شوف نايم ازاي

ناهد ________ هههه زيي الطفل الصغير

لينا ______ يا سلام بقي الواحد يصحي علي الوش الحلو دا ههههههههه

ناهد _______ استغفر الله العظيم يا بت اتكسفي شويه

لينا ________ هههههههه انا عملت حاجه

ناهد _______ انا هصحيه تلفونه مش مبطل رن وهو ولا هنا

لينا _______ما  تسبيه نايم مزعلك في اي

ناهد _______ لينااا اتلمي

لينا _______ طيب اتلميت انا غلطانه أن بهزر معاك

اقتربت ناهد من حمزه الذي يفترش الاريكه بجسده مغمض العينين يضع كف يده أسفل رأسه بهدوء يشبه الاطفال في نومهم ....

ناهد _______ دكتور حمزه حمزه يا دكتور

حمزه بخضه وعدم استيعاب______ اي مين حصل اي اي

ناهد _______ بسم الله دا انا

حمزه باستغراب ومازال غير واعي _______ انتي مين

ناهد _______ انا ناهد والده لينا

حمزه _______ لينا مين

ناهد ________ يا ابني فوق وركز قوم اغسل وشك الاول

أما لينا كانت تضحك عليه كثيرا .....

حمزه بابتسامه _________ صباح الخير

ناهد ________ صباح النور اي اول مره اشوف حد يصحي فاقد الزاكره

حمزه ________ ههه اصل من زمان محدش صحاني

ناهد ________ ليه مراتك مش بتصحيك

حمزه ________ لا انا مش متجوز اصلا

ناهد ________ليه دا انت الف بنت تتمناك

حمزه _______ عادي ملقتش لسه شريكه حياتي

ناهد ________ ربنا يرزقك ببنت الحلال ...شوف بقي ست لينا ونقدر نخرج ولا لا

حمزه _______ حاضر

لينا ________ انت فاكر المهنه ولا لسه فاقد الزاكره ههه

حمزه ________ هههههههه لا افتكرت الدور عليكي انتي بقي تفتكري اللي حصل

لينا _______ ليه بس تفكرني باحزاني هههههه

حمزه ________ هههههه طيب يلا فتحي عينك خليني اكشف

لينا _______طيب واكشف بضمير ارواح ناس

حمزه _______ هههههههه يا طنط سكتي بنتك خليني اكشف

ناهد_________ اسكتي يا لينا خليه يكشف

لينا ________ ههههههههه ماشي

...

حمزه _______ الو معالي الباشا محمود بيه

محمود________انت فين

حمزه ________ انا اه انا نايم

محمود ______ تعالي مكتبي حالا

حمزه ________ هو حد شكالك مني

محمود _______ تعالي يا دكتور مكتبي وانا عارف انك في المستشفي

حمزه _________ دايما قافشني كدا جاي حاضر
. الوداع يا جماعه شكلها اخر يوم ليا هنا اهيئ اهئ

ناهد ________ ليه بس بعد الشر

حمزه _______ مدير المستشفي عايزني وطلع عارف مكاني وانا اللي كنت مستخبي هنا ومفكر محدش يعرف

ناهد _______ ههههه معلش المره الجايه استخبي كويس

حمزه _______ انا حبيتكم والله علشان كدا بصوا لو اتأخرت اكتر من عشر دقائق اقتحموا المكتب ولا اقولكم بلغو بوليس النجده

لينا _______ هههههههههه كلنا معاك متقلقش تتوكل علي الله بس

حمزه ________هههههههه  دعواتكم بقي

...........

محمود ________ اهلا يا دكتور اهلا

حمزه ________ اهلا وسهلا بيك والله

محمود _______ انت فاكر المستشفي دي اي

حمزه باستغراب ________ مستشفي انتم ناووين تغيرو نشاطها ولا اي

محمود ________ حمزه اتعدل

حمزه _______'' انا عملت حاجه جايبني علي ملئ وشي من غير ما افطر حتي زمانها الوليه سوسن جابت الفطار وكلته لوحدها ..

محمود ________ بتلعب في المستشفي يا استاذ

حمزه ببرائه مصطنعه_______ انااا اناااا محصلش

محمود ________ انا شايفك بنفسي

حمزه _______ بجد شوفتني وانا بجري ومحمد معرفش يقفشني

محمود ________ استغفر الله العظيم يا ابني اعقل بقي اعقل

حمزه _________ حاضر هههههههه اروح امشي بقي

محمود _______ هو مش قولتلي هوعدي علي خديجه امبارح

حمزه ________ اه بس كنت مستخبي من ابنك محمد

محمود ________ يا رب الصبر امشي يا حمزه امشي شوف هتعمل اي وابعتلي محمد

حمزه ________ حاضر سلام

محمود ________ سلام وربنا يهديك يا حمزه انت ومحمد ابني يارب

🥀🥀بقلمي ❤️ لمياء احمد ❤️

مساءا ...

أما عن وتين التي تلبسُ فُستانها الأبيض فلا كلام يصفُ جمالها، ..تجلس تنتظر مصيرها واليوم ستزف الي شخص لا تعرفه . ستنتقل الي حياه جديده لا تعرفها ......

حوريه _______ ها خلصتو..... ما شاء الله جميله اوي يا حبيبتي جاسر هيتجنن بيك

وتين بالم ______ وهو فين جاسر دا

حوريه ________ هتصل عليه علشان نتحرك

علي الجانب الآخر كان يقف ينظر إلي صوره أبيه التي تزين البهو في القصر ....

جاسر _______ ليه ليه تعمل كدا طول عمرك بتجبرني علي حجات انا مش عايزها طول عمرك لازم جاسر يكون بجبروت حامد المحمدي لازم الابن يطلع ل ابوه خليتني قاسي وبارد ومبهتمش بحد خليتني مليش أصحاب ..

الكل كان يخاف يقرب مني ورغم كل دا ورغم كل اللي كنت بتعمله معايا اللي انا مش عايز افتكروا دلوقتي ...
حتي بعد ما مُت برضو أجبرتني علي حجات انا مش عايزها وآخرها اتجوز واحده معرفهاش ولا شوفتها ..

لا تسكت علي كدا لا اتفاجي بصدمه عمري ما اتخيل انك تعملها ..

قاطع حديثه مع صوره والده رنين هاتفه .. 

جاسر ببرود وعاد الي عادته _______ الو

حوريه _______ انت فين يا جاسر مجتش ليه لدلوقتي

جاسر ________ جاي مسافه الطريق

حوريه _______ طيب متتاخرش

جاسر _______ ماشي تمام سلام ....

...

أما وتين كانت تقف تنظر إلي الأسفل من خلال النافذه بطلتها الاميريه ...✨فستان وتين 👇

وصل بسيارته الفارهه والحرس خلفه في هيئه تخطف الأنفاس كانت وتين تراقب كل هذا من الاعلي ولفت انتباهها هذا الموكب الذي يشبه موكب حضور رئيس

دخلت الي الداخل عندما نادت حوريه عليها ....

حوريه ________ نزلي الطرحه يا وتين جاسر جه وطالع

توترت لا إراديا أمسكت فستانها بقبضتها في توتر بالغ ...

حوريه _______ اهدي يا حبيبتي اهدي متخافيش

..
لو كان بيده ما كان ليفعل كل هذا ولكنه مجبر وخاصه ان وسائل الإعلام تتناول عناوين هذا الزفاف الاسطوري لاحد اكبر رجال الأعمال وسلسله متعدده من الشركات ....

طرق علي الباب لتفتح حوريه وعبارات السعاده تملئ وجهها وتنبع من عينيها ....

احتضنت جاسر بحب وسعاده ______ الف مبروك يا حبيبي مش مصدقه أن عشت وحضرت فرحك يا جاسر

جاسر مقبلا رأسها ______ ربنا يديك طوله العمر يا امي

حوريه _______ ادخل لعروستك

دخل جاسر وحوريه بجواره الي الداخل وقف أمام وتين يتطلع إليها كثيرا لتلك الملاك الواقف أمامه بفستانها الابيض ...

حوريه _______ ارفع الطرحه وشوف عروستك يا جاسر

فعل كما أخبرته والدته ليندهش أكثر من جمالها الهادي وبرائتها الواضحه علي معالم وجهها ...

رفعت عينيها بخجل لتتطلع الي الواقف أمامها لم تكن تتوقع أن يكون هكذا توقعت أن يكون رجل كبير او ما شابه ولكن الذي أمامها رجل وسيم ملامحه جذابه

طلته خاطفه يغلف الغموض ملامحه .... .. انتبهت الي يدها الذي امسك بها لتسري فشعريره علي طول جسدها
من لمسته المفاجأه ....

...
وصل الجميع بسياراتهم الي مكان الزفاف المليي برجال الأعمال والشخصيات الهامه ...

وايضا حضر أهل البلده التي كانت تعيش بها وتين ....

حضر المأزون لكتب الكتاب وتم الأمر وأصبحت وتين مكتوبه علي اسمه رسميا. ..

.....

انتهي الزفاف بعد ساعات طويله ... .وصل جاسر ووتين وحوريه الي القصر ...

حوريه ________ نورتي القصر يا وتين انهارده بقينا زياده شخص جديد ..

ابتسمت وتين بخجل واومئت بشكر لا تقوي علي الحديث

حوريه _______ يلا يا جاسر خد مراتك واطلعوا جناحكم

جاسر _______ معايا حاجه مهمه

تركها ودخل الي مكتبه ....

حوريه _______ احم تعالي يا حبيبتي اطلعك جناحكم

تحركت خلفها ومازالت تنظر الي القصر بانبهار واندهاش
وصلت إلي جناح تطلعت إليه بفاه مفتوحه من جماله ورقيهُ .....

حوريه تحاول أن تداري علي موقف جاسر حتي لا تحزن وتين اكثر _______ اساعدك في خلع الفستان

وتين _______ ايوه مش هعرف

حوريه _______حاضر ... احم مش عارفه اقولك اي بس احم انتي عارفه بقي

وتين باستغراب _______ عارفه اي

حوريه _______ يعني انتي بقيتي متجوزه دلوقتي وعارفه الواجبات الزوجيه وكدا

وتين بخجل واومئت ____ ايوه

حوريه _______ مش هوصيك بقي جاسر طيب والله بس حياته كانت صعبه شويه علشان كدا تلاقيه قاسي بس هو طيب .. اسمعي كلامه وهو هيشيلك في عنيه

وتين _______ حاضر

حوريه _______ يلا تصبحي علي خير

وتين _______ وانتي من اهل الخير

....
أما جاسر فكان في المكتب وسالم شقيق وتين يجلس أمامه ...

جاسر ______ اتفضل الشيك ب مليون جنيه زيي ما اتفقنا

سالم _______ الف مبروك يا جاسر

جاسر ببرود _______ اتفضل بقي علشان هنام وانا عريس لازم انام بدري

سالم باحراج ______ اه طبعا تصبح على خير

خرج سالم من مكتبه وتبعه جاسر ..ومجرد أن فتح سالم باب القصر ليخرج تفاجأ بأهل القريه ...

التفت جاسر باستغراب وتحرك ليعلم ما الأمر ...

جاسر _______ في اي انتم مين

احد الرجال ________ احنا اهل قريه العروسه

جاسر ببرود ________ ايوه عايزين اي خلاص خلصنا
ثم التفت إلي الحرس الخاص بحمايه القصر :- ازاي تسمحولهم يدخلوا هنا

&& اسفين يا جاسر بيه بس نفكرك عارف

تحدث أحد الرجال _______ احنا عايزين شرفها يا بيه ونمشي

جاسر باستيعاب _______ انتو اكيد اتجننتو انتم مين اصلا علشان تقولوا الكلام دا اطلعوا بره بلاش جهل وتخلف

احد الرجال _______ مش عايزنا ناخد شرفها يبقي زيي ما بيقولوا عنها في البلد أنها لمؤاخذه مش تمام

سالم _______ اخرص انا اختي اشرف منك ومن البلد كلها

احد الرجال _______ امال ليه جوزتوها بعد الكلام اللي اعتقال باسبوع الا اذا كان فيها عيب والكلام حقيقه

جاسر بغضب وصوت جهوري رعبهم _______ اخرصو اخرصوا واطلعوا بره ..ولما تتكلموا عن حد من عيله المحمدي يبقي بأدب واحترام والا قسما بالله ما هيطلع عليه نهار مفهوووم

وتين سعيد المحمدي مرات جاسر حامد المحمدي خط احمر ....... قالها والتفت إلي الحرس الذي يصطف ما لا يقل عن 25 رجل منتظرين اشاره منه

:_ خرجوا الناس دي بره وان حد منهم قرب من باب البوابه الخارجيه للقصر خلصو عليه

ارتعب الجميع وهرولوا الي الخارح مسرعين .... وتبعهم سالم هو الآخر ومعه الشيك وعينيه تلمع بسعاده وطمع....

🥀
حوريه _______ ليه دافعت عنها

جاسر _______لانها بقت مكتوبه علي اسمي يعني سمعتي وسمعه الشريكات والعيله اهم

حوريه ______ وانت مصدق اللي قالوه

جاسر _______ تقدري تديني سبب مقنع غير اللي قالوه خلي اخوها يحبسها زيي ما شوفتي لا يبقي كلامهم صح

حوريه ______ انت مشوفتش حاجه علشان تقول صح ولا غلط متحكمش علي حد من كلام الناس ... انت لسه ما تعاملتش معاها صدقني دي طيبه وبريئه جدا

جاسر ببرود _______ من يومين قدرتي تحددي دا كله وبعدين متقلقيش انا هتأكد بنفسي من كلامهم دلوقتي

حوريه _______ قصدك اي جاسر اسمع انا بحذرك اياك تأذيها

جاسر _______ هاكل منها حته يعني

حوريه _______ براحه عليها البنت لسه صغيره

جاسر. _______ ولما هي صغيره بتجبريني انتي وحامد بيه اتجوزها ليه

حوريه ________ جاسر

جاسر _________ بلا جاسر بلا زفت انا طالع اتزفت انام

حوريه أمسكت يده _______ علشان خاطري عاملها بهدوء والله غلبانه انت لما تقعد معاها هتشوف دا

جاسر ________ حاضر حاجه تانيه علشان الهانم

حوريه بخجل_______استني عليها شويه يعني  مش لازم انهارده انت فاهم

جاسر ________ والكلام اللي الناس بتقوله اتاكد ازاي انا وبعدين دا حقي والفلوس اللي لسه دافعها

حوريه _______فلوس انت بتفكر ازاي فلوس اي دا من حقها اصلا ....والكلام دا انا بقولك بالنيابه عنها محصلش ..

جاسر ______ مش هخلص من الحوار دا

حوريه ________ اوعدني تسببها يومين بس تتعود علي القصر والحياه الجديده

جاسر _______ ماشي بس انتي بتجبريني علي حجات كتيره اوي خليكي عارفه

حوريه _______ حقك عليا حط نفسك مكاني يا جاسر انا ام ام ولو بنتي مكانها مش هتمني ليها كدا

جاسر ______ خلاص يا امي.. وانتي ارتاحي بقالك اسبوع في إرهاق

حوريه _______ مكنتش هتعب ليك يا ضي عيني هتعب لمين دا انا مليش غيرك في الدنيا

جاسر مقبلا يدها _______ ربنا ييديك طوله العمر

.....

صعد جاسر الي جناحه بعد أن أوصل والدته الي جناحها
..دخل وجد الاضواء مغلقه الا من شعاع خافت بجوار الاريكه ليراها تجلس هناك في توتر بمنامتها الصغيره

لا تليق ابدا بليله زفاف ،،،وقفت سريعا عندما لمحته يناظرها بهدوء ...

تركها ودخل الي غرفه الملابس ليستبدل ملابسه بأخري مريحه ... خرج عاري الصدر ويحمل في يده الملابس التي سيرتديها ودخل الي المرحاض لينعم ب شاور هادئ ....

وتين بخجل _____ طب انا هعمل اي دلوقتي انام ولا لا ولا انام فين استني لما هو يقولي صح ايوه استني يقولي. انام فين ..

خرج يرتدي تيشرت قطني وبنطال مصاحب له ..نظر لها بطرف عينيه... وتسطح فوق الفراش باريحيه وهدوء

وتين كانت تحاول التكلم ولكن لا يخرج صوت من فمها حاولت مره ومره ثم تحدثت اخيرا _____ احم لو سمحت انا هنام فين

جاسر ببرود _______ ازاي يعني مش فاهم

وتين بتوتر ________ يعني هنام هنا ولا في مكان تاني

جاسر ببرود متجاهلا _______ أطفئ النور ومش عايز اسمع صوتك .. .

ثم وضع يده فوق عينيه وانتظمت أنفاسه ويذهب في نوم عميق ....

أما وتين ___ ايوه مقاليش انام فين خلاص انا هنام بقي جنبيه ولو اتكلم أقوله انت مقولتليش تنام فين

ثم تحركت ونامت علي طرف الفراش حتي لا تقلقه لتتنهد براحه فهي لاول مره تمام في فراش مريح كهذا استسلمت لسحابه النوم لتسقط هي الأخري في نوم عميق ....

🥀🥀🥀🥀
وفي صباح اليوم التالي ...

حوريه _________ تمام كدا هاتي العصير

&& حاضر يا مدام

صعدت حوريه إلي جناح جاسر ....في نفس الوقت .

استيقظ جاسر نظر بجواره وجدها تنام وتففتح فمها فتحه صغيره تشبه الاطفال بوجهها الطفولي تشبه الملاك ...ورموشها الطويله ...وانفها الصغير .. حقا تشبه الملاك.....

فاق من تأمله بها علي صوت الباب .. وقف وهو يدلك شعره بنعاس ...

جاسر بصوت متحشرج من أثر النوم ______ صباح الخير يا امي

حوريه _______ صباح النور والهنا يا عريس يلا صحي مراتك وانزاوا افطروا معايا

جاسر ______ ادخلي صحيها

حوريه ________ لا ميصحش يلا بسرعه متتاخروش

وتحركت مغادره إلي الأسفل مره اخري أما جاسر دخل الي جناحه مره اخري ...

جاسر ببرود ومد يده يهز وتين كي تستيقظ _____ انتي اصحي انتي يا هانم اصحي

وتين بخضه ______ ايوه ايوه

جاسر ______ انتي فاكره نفسك جايه تنامي هنا

وتين _______ اسفه اسفه اعمل اي

جاسر _______ قومي حضريلي الحمام

وتين _______ حاضر

تحركت مهروله ومازال اثر النعاس يلاحقها دخلت المرحاض وخرجت مره اخري

وتين _______ يعني اي احضر الحمام ؟

جاسر باستهزاء ________ اه صح معلش نسيت  اكيد متعرفيش حاطه زيي كدا

وتين ________ انت ممكن تعرفني

جاسر _______ انا فاضيلك وبعدين انتي مين سمحلك تنامي جنبي

وتين بتوتر ________ اسفه بس انت مقولتليش انام فين

جاسر _______ تنامي في اي نيله ....اوعي من وشي كتك القرف

ودخل الي الحمام صافعا الباب خلفه بقوه .ارتجفت علي أثره ....

تحركت الي غرفه الملابس أخرجت فستان بسيط تذكرت انها اشترته منذ ما يقارب خمس سنوات حتي أنه لم يعد في مقاسها تنهدت بحزن وأخذت تبحث في ملابسها الصغيره . عن شي مناسب ترتديه ...

لتعثر علي فستان بسيط ولكن استحالت ألوانه من كثره الغسيل ولكن تحسم أمرها وترتديه .....

خرجت من غرفه الملابس في نفس توقيت خروج جاسر من الجناح ...

تنهدت براحه ودخلت الي المرحاض تؤدي روتينها ......

نزلت درجات السلم العاليه بشكل مبهر بخوف وتوتر فهذا يومها الأول في هذا القصر الذي تقسم بداخلها أنه بمساحه قريتها بأكملها .....

حوريه بابتسامه بشوشه _______ صباح الخير علي اجمل عروسه

وتين بخجل _______ صباح النور

حوريه ______ تعالي اقعدي هنا افطري مع جاسر

جاسر _______ تقعد هنا فين

حوريه بحزم ______ اي مراتك مكانها جنبك

وتين ______ انا اسفه مش

حوريه _______ اقعدي واسكتي

لتجلس سريعا ولكنها متوتره وخائفه من نظراته إليها التي لو كانت رصاص لقتلتها .....

🥀🥀🥀🥀🥀

حمزه _________ والله مش عايزكم تمشو كنتو مليين وقتي

ناهد _______ يعني احنا علاقتنا انتهت علي كدا لا طبعا يشهد ربنا اني اعتبرتك ابني

حمزه ________ ليا الشرف والله يا طنط

ناهد _______ دا ورقه بعنوانا ورقمي ابقي تعالي زورنا

حمزه _______ حاضر .....يلا سلام يا زقرده

لينا بتزمر _______ يووه بقي اصبر عليا لما أشيل الجبس دا

حمزه ________ ههههههههههه لو طولتيني الاول

لينا بابتسامه_______ أن شاء الله اشوفك تاني

حمزه _______ أن شاء الله ولو توهتي دوري عليا هتلاقيني مستخبي في اي مكان هههههههه

لينا ________ ههههههههه اوك

وقف يتبعهم بنظراته إلي أن اختفوا من امامه ... ليعود الي داخل المشفي مجددا ولكن بعض الحزن مرسوم علي وجهه ...

حمزه _______ مفيش غيرك يا حمزه بيفضل كل اللي بتحبهم بيمشوا وتفضل انت مش عارف هتمشي انت كمان امتي بس ياريت يكون قريب علشان تعبت ...

....؟...؟....؟....

دخل مكتبه بهدوء ولكن سمع صوت خافت يخرج من أسفل مكتبه اتجه إليه بخطوات بطيئه وحزره ولكن لم يجد شئ ... ولكن التفت سريعا عندما اغلق الباب فجاه بمفرده ...وافتتح الشباك علي مسرعيه ...

حمزه بخوف وتوتر ________ بسم الله الرحمن الرحيم بسم الله اعوز بالله من الشيطان الرجيم مين هنا مين

سمع صوت مرعب يصدح في الإرجاء

حمزه بخوف _______ يا يارب

تحرك سريعا الي الباب ولكنه وجده اغلق بالمفتاح ......لا لا لا ....

حمزه وهو علي وشك البكاء ______ عليكم الامان انتو في حالكم وانا في حالي بس سبوني اطلع من هنا

ارتفع الصوت من جديد كأنه صوت صفير مصاحب ب خواء

بدأ حمزه في قراه المعوزتين وبعض سور القران والاستعاذه بالله

وفجاه اغلق الشباك من جديد لينتفض حمزه في موضعه والتفت إلي مكتبه الذي بدأ يتحرك

حمزه بخوف وهو يكاد يدمع _______ يااااارب

ولكن خرج محمد من خلف المكتب وهو يضحك علي حمزه ...

نظر له باندهاش والان استوعب أن هذا كان مقلب من محمد ..فتح الباب ودخلت نهي خطيبة محمد قائله ______ كدا خدنا حقنا يا ميدو

محمد وهو مازال غارق في نوبه من الضحك علي حمزه الذي جلس أرضا واضعا يده علي رأسه باستسلام ...

:_ هههههههههههه  تعيش وتاخد غيرها يا حمزة هههههههه من افعالكم صلت عليكم

وقف حمزه _وغادر مكتبه بصمت دون أن يتفوه بحرف واحد بل غادر المشفي بأكملها دون الرد علي نداء محمد

محمد _______ دا شكله زعل يا نهي

نهي ________ اه هو المقلب كان تقيل ؟ بس انا علي ما جبت المفتاح بس

محمد ________ لما يرجع ويهدي هتكلم معاه يلا مش هتروحي

:_ اه يلا اتأخرت

،،،،،،،،

أما حمزه دخل الي شقته بصمت وارتمي فوق فراشه ودمعه حزينه فرت من عينيه ليس حزنا من رفيقه فهو يعلم أنه يرد له ما فعله به عديد المرات وكان الأمر يصعب كثيرا عن هذا ولكن هذا الموقف ذكره بالمااضي .....

تذكر كيف كان يجلس بمفرده شتاءا يستمع إلي اصوات البرق والرعد والامطار تضرب في السماء تذكر نداءه الكثير ل والديه تذكر وتذكر وتذكر ..العديد والعديد والعديد .... 

لم يشعر بنفسه سوي وهو يغرق في نوم عميق .....

🥀🥀🥀🥀
حوريه _______ تيجي نخرج يا وتين

وتين _______ هنروح فين

حوريه _______ في الجنينه شويه وتتفرجي عليها

وتين بابتسامه _______ ماشي

...
أما جاسر كان في مكتبه يتحدث في الهاتف بغموض  وشرود ودخان السجائر ملئ الغرفه

جاسر ______ بلغه بعد 3 ايام .... تمام. .مش عايز اي غلطه ...تمام

اغلق الهاتف ونظر الي والدته ووتين الجالسين في الحديقه ويتحدثون ....

رفع الهاتف مجددا .....

جاسر _______ الو جاسر حامد المحمدي معاك

&&&& ازيك

جاسر ببرود _______ طيارتك بعد اسبوع وتوصلي القصر

&&&& لو انا بسبب مشكله ممكن افضل مكاني

جاسر ببرود _______ دا مكانك ....مش في بلاد بره وانتي بنت

&&&& تمام شكرا

جاسر _______ سلام

قالها واغلق الهاتف ... .... ...

ورفعه مجددا ليجري اتصال اخر ...

جاسر ______ ها وصلت لاي

&&& الكلام مظبوط ..وشخص اسمه مصطفي اكدلي علاقته بيها بعد ما عطيته قرشين أما كلام اللي داير في البلد مش عارف صح ولا لا بس مفيش غير مصطفي اللي أكد علاقته وحبهم ...

جاسر وفتيل الغضب يشتعل بعينيه_______ تمام

اغلق الهاتف وهو ينفث الدخان من فمه وعينيه مشتعله بغضب ...وينظر إليها من خلف الزجاج متوعدا لها ......

🔥🔥🔥🔥🔥

خلص الفصل🔥

فصل كبير ❤️☺️يعني تفاعل كبير 🔥

توقعاتكم للأحداث :_

- جاسر هيعمل اي مع وتين ؟

- مين اللي طيارتها هتوصل بعد اسبوع ؟

- حمزه الغاز كتير حواليه هنعرفها واحده واحده مع الاحداث .....

متنسوش التصويت ⭐⭐🌟🌟
ومتابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️