رواية بحر الانتقام الفصل السابع 7 - بقلم Lamiaa Ahmed

🔥🔥استعدوا لخطف الأنفاس 🔥🔥

مساءا عاد جاسر الي القصر...

جاسر مقبلا يد والدته ______ عامله اي

حوريه ______بخير الحمدلله

جاسر بزعل _______ انا مش قادر انسي أن اللي حصلك دا بسببي مكنش لازم اقولك بالطريقه دي

حوريه _______ مش بسببك يا جاسر نصيبي كدا يا حبيبي متحملش نفسك زنب حاجه كانت هتحصل حتي لو قولتلي بطريقه ووقت غير دا كانت الصدمه هتكون هي هي دي صدمه عمري اللي راح كله

جاسر _______مش عايزك تزعلي نفسك مفيش حد يستاهل

حوريه ______ خلاص معتقدش في حاجه تكسر وتزعل الست اكتر من كدا ..

جاسر ______ هو انتي مكنتيش حاسه خالص

حوريه _______ لا خالص يا جاسر مكنش في حاجه تخليني اشك فيه يحرج يروح الشغل ويرجع زيك كدا
يسافر مؤتمرات يومين ويرجع وأوقات كان بياخدني معاه

جاسر _______ خلاص انسي ... امال وتين فين

حوريه _______ طلعت فوق  ....صحيح البنت جات

جاسر _______ بنت مين

حوريه _______ اختك

جاسر ببرود ________امممم متقوليش زفت اختك دي اسمها عليا

حوريه _______ عليا عليا تعرف في مره قالي نفسي اسمي عليا بس كان في فتره الخطوبه ..

جاسر _______ متفكريش في حاجه ،،،هي فين

حوريه _______ في اوضه الضيوف واسمع دي بنت مش كويسه و مغروره

جاسر بغضب _______ عملت اي كلمتك

حوريه _______ متقدرش انا حوريه .... هي اتكلمت مع وتين بطريقه مش كويسه بس انا مسكتش زعقتلها وعرفتها تحترم نفسها

جاسر غامزا______ انتي ميتخافش عليك يا حور

حوريه ________ ههههه اطلع غير هدومك علي ما العشا يجهز وهات وتين معاك

جاسر _______ ماشي

وقف وصعد إلي الاعلي مسرعا ليراها بات يتوق كثيرا ليراها ...

دخل بهدوء ليعلم ماذا تفعل تسلل علي أطراف أصابعه وجدها تنام فوق الفراش علي بطنها وقدميها تلوح خلفها كالاطفال في الهواء ...

وبيدها تمسك كتاب ...

جاسر من خلفها اقترب منها وعلي حين غفله
؛- بتعملي اي

وتين بخضه ______ عاااا خضيتني

جاسر _______ بتعملي اي

وتين ______ بقرا كتاب

جاسر ______ جبتيه منين دا

وتين بتوتر ______ هو بص انا بص

جاسر ______ اممم باصص جمعي

وتين ______ انا قولت لماما حوريه وقالتلي عادي ادخل مكتبك

جاسر ________ امممم ودخلتي يا ستي

وتين _______ اه هو انت قرات كل الكتب دي

جاسر _______ لا مش كلها مش فاضي اقرا اصلا

تحرك واقفا  نزع سترته وحل ازرار قميصه .... لتتلون خديها بالاحمرار من الخجل والكسوف ..

وتين بخجل _______ انا هنزل تحت

اقترب جاسر منها وسحبها من يدها لترتطم بصدره العريض .. تخشبت مكانها .. قربها إليه أكثر ..

جاسر ______: مش هتستنيني

وتين بخجل وتوتر ______ علشان ت ت تبقي براحتك

علي حين غره كان يحتضن شفتيها بخاصته يرتوي من رحيق شفتيها يعتصر خصرها بيده يقربها إليه .. رجع بها الي الخلف للتتسطح فوق الفراش وجثي هو فوقها ترك اثر شفتيها اخيرا لينتقل الي عنقها يوزع قبلاته برقه ..أما هي
فكانت متصنمه لا يخرج منها اي صوت ودموع متحجره تتلئلئ بعينيها علي وشك السقوط .....

هنا خبط الباب وكانت أحدي الخادمات

&&& جاسر بيه العشا جاهز

جاسر بأنفاس متسارعه _______ طيب ...... غيري هدومك وطلعيلي لبسي علي ما اخد شاور

اومئت وتين وتحركت بخجل يعصف بها الي غرفه الملابس .....

خرج جاسر وهو يضع منشفه فوق خصره عاري الصدر.....

وتين وعينيها في الأرض مغمضه  ناولته الملابس ... كان يأخذها منها باستمتاع لرؤيه خجلها هكذا ....

كانت ترتدي فستان رقيق منزلي ابيض اللون ... 

وقف ينثر عطره ويمشط خصلاته الكثيفه ...

جاسر ______ يلا  علشان شكله الليل طويل

تحركت خلفه ومازال الخجل مصاحب لها حتي أن خديها مازالوا باللون الاحمر ...

حوريه ________ اتأخرت ليه مش قولتلك بسرعه

جاسر ________ حصل خير ثم التفتت الي التي تحتل مقعدها ببرود .... اهلا

عليا _______ اهلا جاسر

جلست وتين بجوار حوريه في صمت ...

جاسر _________ بعد العشا عايزك في المكتب

عليا________ تمام

.......
تحرك جاسر الي مكتبه وخلفه عليا ..

حوريه ______ ربنا يستر

وتين _______ ليه ممكن يحصل حاجه

حوريه ______ لو اتعاملت مع جاسر بالطريقه دي مش بعيد يقتلها جوه

وتين بخوف _______ هو ممكن يعمل كدا حقيقي

حوريه _______ يا بت بهزر هو هيزعقلها ويبرقلها بعنيه

وتين ________ اممم انا مشوفتش جاسر وهو بيبرق

حوريه _______ اجري كدا ادخلي المكتب دلوقتي وانتي هتاخدي واحده بروقه تخليك تعيطي

وتين ________ وعلي اي خليني قاعده مكاني

حوريه يخبث______ جاسر قالك اي لما شاف كتابه معاكي

وتين بخجل لتذكرها ما حدث _______ مقاليش حاجه

حوريه _______ ومال وشك قلب الوان ليه كدا

وتين ______ هااا اصلي عطشانه

حوريه _______ ههههههههه روحي اشربي وهاتيلي انا كمان

وتين _______ من عيوني

،،،،.....

عليا ________ انا عايزه ورثي وحقي في القصر دا

جاسر _______ ومين قالك أن ليك حق في القصر

عليا _______ تقصد لي

جاسر ________ ورثك هتاخديه زيي ما الوصيه مكتوبه والشرع ما بيقول لكن مش قبل ما اعرف هتوديه فين

عليا _______ والله حاجه متخصكش ورثي وانا حره فيه

جاسر ببرود ________ امممم ويا تري بقي حره مع الواد الصايع اللي انتي ماشيه معاه واللي اصلا باعتك مخصوص من امريكا لهنا علشان الفلوس

عليا بتوتر _______ حياتي وملكش دخل بيها

جاسر _______ تمام هتقعدي هنا في القصر معززه مكرمه اهلا وسهلا مش عايزه تقعدي هتقعدي برضو غصب عنك ورثك هتاخديه بس لما انا أقرر

عليا _______ هرفع عليك قضيه

جاسر بصحه استهزاء عاليه _______ هههههههه هو انا منعتك من ورثك انا قولت لما انا أقرر بمزاجي وبعدين في ظرف باسمك مقفول ..والوصيه قالت لازم افتحه قدامك

امال انا عرفت انك موجوده اصلا ازي ... أخرج الظرف من خزنته وفتحه أمامها ...
والذي كان محتواه عدم تسليم جاسر الميراث لها الي حين يتأكد من حسن نيتها وذلك بعد عام من مكوثها معه في القصر  ..وإذا كانت ستتزوج .فحسن اختيار الزوج من مهام جاسر ... الاعتناء بها من قبل جاسر .وكلمات واضحه بخط يد والدهم " عليا امانه في رقبتك يا جاسر"

أما عليا
فكان يخبرها عن حبه لها وأنه كان يحاول تعويضها عن بعده عنها كثيرا طالبا منها العفو والسماح والدعاء له ..
كما اوصاها بالسماع لجاسر واعتباره بدلا من والدها وأنه بعلم مصلحتها ... كما اوصاها بحسن معامله حوريه مخبرا إياها كم هي طيبه القلب حنونه ...
وختم كلماته " اسمعي كلام جاسر هو امانك"

جاسر بغضب من هذه الوصيه الجديده التي تعلقت في رقبته _______ اديك قراتي يبقي تسمعي الكلام بقي واتفشلي علي اوضتك خلص الكلام

أما عليا فقد أدمعت عينيها من كلام والدها ونظرت إلي جاسر بنظره مختلفه هذه المره ثم وقفت قائله
:_ فين اوضتي

نادي علي أحدي العاملات واخبرها عن مكان غرفتها لتذهب معها صاعده الي غرفتها .....

..
حوريه بهمس لوتين ______ يعني طلعت سليمه ومسمعناش صوت خناق

وتين بخفوت ______ انتي كنتي عايزاها تطلع مش سليمه

حوريه _______ بصراحه اه مش طايقه اشوفها

وتين ______ بس حرام هي زنبها اي

حوريه ______ مزنبهاش حاجه بس مش عارفه بس يا بت يا وتين سؤال محيرني اوي

وتين بفضول ________ اي

حوريه _________ امها فين عايزه اشوفها ..اشوف اي اللي عجب حامد فيها عني اي المميز اللي فيها يخليه يسيبني ويرحلها

وتين _______ علي فكره انتي جميله اوي وطيبه اوي واحسن حد في العالم اقولك حاجه كنت سمعتها قبل كدا من حد في البلد

حوريه بابتسامه _______ قولي

وتين _______ لما حد بياكل حلويات كتير ويزهق منها بيدور علي الحادق وحجات تانيه غير الحلو المسكر يا عسل انتي

حوريه بضحكه رنانه مرتفعه صدي صوتها في ارجاء القصر وصلت إلي جاسر في مكتبه ._______ ههههههههههههههه انتي مش ممكن هههههههههه

وتين بابتسامه _______ ايوه كدا اضحكي وفكيها محدش واخد منها حاجه

حوريه ________ والله انتي جتيلي نجده ..

جاسر _______ مسمعتش ضحكتك من زمان اوي

حوريه ________ البركه في وتين ،،عملت اي معاها

جاسر _______ متشغليش بالك بحاجه كله تمام

حوريه _______ هي امها فين

جاسر _______ ماتت

حوريه _______ امتي

جاسر ________ مش عارف بس هي امها ماتت واصلا كانت في مدرسه داخليه مشدده حتي الجامعه ولما خلصت قعدت سنه وبعدين أنا اتوصلت بيها

حوريه ________ ليه كان خايف اعرف علشان كدا مخبيها عموما مبقتش تفرق

جاسر _________ ايوه انا عايز الكلمتين دول متهتميش

حوريه ________ الحمد لله علي كل حال الوجع بقي بيقل من دراعي

جاسر _________ الحمد لله

🥀🥀🥀

لينا _______ يلا نخرج الاول مينفعش نتكلم هنا ولا انت معاك شغل

حمزه _______ لا يا ستي معنديش شغل يلا بينا نخرج

لينا _______ حيث كدا سيب الطلعه دي عليا

حمزه _______ انا بين اديك يا ستي

لينا ______" هههههههه اوعدك مش هتندم

حمزه ______ اي دا يخربيتك تعرفي الاماكن دي منين

وصلت به لينا الي منطقه شعبيه علي البحر لبيع الأسماك المشويه ...

لينا ________ هأكلك اكله سمك مشوي محصلتش

حمزه _______' اااه الريحه بس تجنن

تناولوا الطعام في سعاده وضحك ... انتهو من الطعام ليقفولةعلي ضفاف النهر يتناولون مشروب حمص الشام

لينا _______ مش هتحكيلي بقي

حمزه بشرود متذكرا الماضي ________ كان عندي تسع سنين صحيت من النوم كانت عندي سخونه جامده وطول الليل امي كانت سهرانه

معايا للكمدات والصبح كنت خفيت بس هي مردتش تخليني اروح المدرسه اليوم دا كان يوم كئيب بكل معني
‏
‏ الكلمه ..اخويا الكبير كان عنده مشكله في المدرسه وكان لازم ماما أو بابا يروحوا معاه وقتها بابا رفض كان عنده
‏
‏ شغل مكنش في حد غير ماما ... بابا خدهم معاه يوصلهم المدرسه ... وقتها ماما سابتني في البيت ووعدتني مش
‏
‏ هتتاخر ... ومن وقتها مرجعتش واتاخرت اوي .... قالها مع نزول دمعه حزينه من عينيه ... مسحها سريعا ولكن لينا رأتها حزنت كثيرا عليه ولكن فضولها تضاعف كثيرا ..

لينا _______ ربنا يرحمهم لاكن هما ماتو ازاي

حمزه _______ حادث سير للاسف ماتو التلاته وسابوني لوحدي

لينا _______ وانت كملت ازاي

حمزه ________ قعدت يومين مستنيهم يدخلوا من الباب كنت بفضل بالساعات مستني علي امل يرجعو ... لغايه ما

الباب خبط وياريتني ما فتحت ..كانت الشرطه خدوني معاهم علشان اتعرف علي عيلتي في اليومين دول كانو
‏
‏ مستنين اي حاجه بلاغ عن اخفاء أو اي حد من اهلنا ..
دخلت المشرحه لاول مره وانا عندي تسع سنين ومستحيل انسي اليوم دا مهما حصل لدرجه ان قعدت سنين مبنامش من الكابوس دا ... اول حد شوفته كان اخويا ..

⚡فلاش باك ⚡

حمزه ببرائه_______ دا مروان اخويا هو نايم هنا ليه

&&&& معلش يا حبيبي سيبه نايم وتعالي شوف الباقي

حمزه ______' انتي دخلتيه في الصندوق ليه هو دا سرير جديد

&&& ايوه

حمزه _______ دا بابا هو كمان نايم ليه طب هما مش هيصحوا بقي انا مستنيهم بقالي كتير ..طب هي ماما نايمه هي كمان

&&&& هي دي

حمزه بسعاده طفل لرؤيه والدته ______ ايوه هي ماما بس متخلاهاش تنام انا عايز اصحيها انا عايزها معلش يا طنط خليها تصحي ..

&&&& ما ينفعش يا حبيبي

حمزه ______ لا ينفع ماما اصحي يا ماما انتي اتاخرتي اوي انتي قولتي مش هتتاخري انا مخاصمك يلا اصحي بقي صالحيني وهاتيلي عصير وانا هصالحك يا مامااااا

هي مش راضيه تصحي ليه يا طنط هي زعلانه مني انا اسف يا ماما اصحي بقي

بدأ حمزه في البكاء وتوجه الي والده ... بابا اصحي هو انت كمان زعلان مني بس انا معملتش حاجه غلط تصحو بقي انا وحشتكم اوي ... طب حتي مروان انت كمان اصحي نلعب... يا مروان.... انتي قفلتي عليه ليه طلعيه تاني دا مروان اخويا ...

لا سبيهم معايا متدخلهومش جوه دا سرير وحش خليهم يصحوا دلوقتي عااااا ااااه يا ماماااااا يا بااااباااا اصحوا بقي حمزه زعلان

&&& يلا يا حمزه معلش يا حبيبي هما في مكان احسن دلوقتي

حمزه _______ طب وديني معاهم نيميني زيهم هو في سرير تاني فاضي انام فيه

&&&& بعد الشر يا ابني تعالي معايا انا هفهمك بس انت لازم تكون راجل

حمزه _______ انا بطل شجاع ماما دائما تقولي كدا

&&&& انت هتبقي احسن بطل يا حمزه تعالي يا ابني افهمك ..

⚡باك ⚡

لينا وهي تبكي علي ما استمعت إليه وكذلك حمزه الذي اخفي دموعه تحت صلابه وجهه وابتسامته  كما كان يفعل طول حياته ...

حمزه _______ اسف يا لينا خليتك تعيطي

لينا _______ انا انا اللي اسفه فكرتك بالماضي

حمزه ________: انا منستش علشان تفكريني

لينا _______ وبعدين كان  ليك قرايب تروح عندهم

حمزه _______ لا ...الشرطه بحثت عن اي قريب ليا بس رفضوا ياخدوني ويتحملو مسؤوليتي

لينا ________ امال روحت فين وازاي بقيت دكتور

حمزه _______ روحت ملجئ للأيتام ...أما بقي ازاي بقيت دكتور دي حكايه تانيه ..

لينا _______ حمزه انت مريت بحاجات صعبه اوي صعب علي طفل كان في عمرك يتقبلها أو يفهمها ...

حمزه ________ انا كنت بطل شجاع زيي ماما كانت دايما تقولهالي ..

لينا ______ فعلا انت بطل ... كمل

حمزه _______ لا مش انهارده علشان عندي شغل حقيقي بجد شغلي الاصلي

لينا _______ ازاي مش فاهمه

حمزه _______ انا المفروض الشيفت الخاص بيا ابدا دلوقتي بس انا باجي المستشفي من اول ما اصحي واشتغل واساعد الناس واساعد اصحابي لو محتاجين في شغلهم كدا كدا انا فاضي موريش حاجه

لينا ______ ماشي يلا نكمل بكرا

حمزه ______ أن شاء الله نكمل بكرا

لينا ______' بس انت لازم تكملي ازاي بقيت دكتور والملجي بيخرجك علي سن 18 سنه ولا انت في حد اتبناك وانت صغير ولا اي بالظبط

حمزه بابتسامه _______ مش هقولك غير بكرا هسيبك متشوقه تسمعي الباقي من حكايتي

لينا ______ انت لغز كبير اوي يا حمزه وفعلا زيي ما مامتك الله يرحمها قالت انت بطل شجاع

اوصلها حمزه الي منزلها ثم توجه إلي المشفي من جديد ليواصل عمله .....

🥀🥀

كان جاسر يجلس كعادته ينهي أعماله ووتين تحلي فوق الفراش تجاهد افتح عينيها خشيه من أن يطلب منها شي
او يتعصب عليها ..... فهو منذ أن جاءه اتصال من أحد ما وهو غاضب ويتكلم مع العديد من الأشخاص بغضب

حتي انها كلما أغمضت عينيها تفتحها فزعه من صوته العالي الغاضب ....

كان من حين لآخر ينظر لها ...

جاسر _______ نامي

وتين _______ انام قبلك يعني م

جاسر _______ قولتلك اتزفتي نامي

ما هي إلا ثواني وكانت تنام والغطاء فوق راسها .... وتذهب بعدها في نوم عميق....

جاسر بغضب في الهاتف ________حسابكم معايا كبير اوي ..علشان غلطه زيي دي تحصل ..مش عايز اسمع صوتكم ..البضاعه لازم توصل بكرا تتصرفوا مفهوم

قالها واغلق الهاتف وجلس ما يقارب ساعه حتي جاءه اتصال غير من مزاجه المتعكر ...

:-لو كل حاجه مكنتش رجعت مكانها كان عقابكم كبير اوي ..تجبولي الشخص دا وتحطوه في مخزن لما افضاله ومحدش يلمسه ... 

اغلق الهاتف اخيرا وتحرك الي السرير ليتسطح بتعب وإرهاق .مستسلما لغمامه النوم .....

.........

صباح اليوم التالي ...

استيقظت وتين وجدت جاسر يقيدها بقدمه وزراعه ...

وتين بغضب طفولي _______ يعني السرير طويل عريض طمعان كمان في الحته اللي نايمه فيها .

حاولت إزاحته ولكن لم تستطيع ........ انت تقيل اوي اف

جاسر بصوت أجش _______ بطلي حركه زيي العيال

وتين بخفوت _______ عايزه اقوم

جاسر ________ لا

نظرت إليه وجدته مغمض العينين وجهه قريب منها حتي أن أنفاسه تلفح جانب وجها...

نظرت إلي رموشه الكثيفه وخصلاته المتمرده فوق جبينه ....

جاسر _______ حلو مش كدا

انتبهت أنه مستيقظ وعينيه تناظرها بهدوء

وتين بخجل ______ انا بس عايزه اقوم

جاسر ________ ايوه ليه مالك متسربعه علي القومان ليه

وتين ________ علشان علشان ماما حوريه لوحدها

جاسر _______ يا سلام

وتين _______ اممم

جاسر _______ كذابه باين في عنيك

وتين بعيون متسعه_______ مكتوب وتين كذابه

جاسر ________ اه حتي بصي قربي انا اقرأ عنيك حلو

وتين ببرائه ______  لا انا صح كذابه

ابتسم عليها بخفوت وسرعان ما كان يطل عليها بجسده العضلي محاصرا إياها تحت جسده ويديه تستند بجانب رأسها .... توترت من وضعيته وصدره العاري ....

امال برأسه حتي اختلطت أنفاسهم وارتطمت شفتيه بخاصتها يقبلها بنهم وقوه ... أما هي بتخشبت مكانها وتذكرت الذي حدث بينهم من قبل كلما يقترب منها هكذا تشعر أن روحها تختنق ...

ترك اثر شفتيها لتلتقط أنفاسها ... ليعود تقبيلها من جديد بعمق ونهم يمتص رحيق شفتيها ويده امتدت لازاله منامتها وفك ازرارها ... لتنحدر قبلاته في اتجاه آخر نحو عنقها الابيض المرمري..يضع علامات ملكيته عليها ...

لياخذها الي عالمه الخاص ،،......

🔥🔥🔥🔥

خلص الفصل 🔥

رئيكم في

حمزه وحكايته....؟

وتين وجاسر وعلاقتهم ...؟

متنسوش التصويت ⭐ اضغطوا علي النجمه أسفل الفصل 👇

ومتابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️

حمزه 👇

بقلمي ❤️ لمياء احمد ❤️