رواية بحر الانتقام الفصل الثاني 2 - بقلم Lamiaa Ahmed

🔥ممنوع نقل الروايه أو اقتباسها في اي مكان 🔥

...

وصل بخطواته الغاضبه وملامح وجهه بارده فقط عينيه التي أظلمت بغضب ورعبا  ..

$$$ اهلا جاسر باشا نورت المستشفي

جاسر ببرود ظاهري _______ بلغوني أن الشغل ماشي تمام قولت لازم احضر بنفسي علشان اكافئك

$$$بتوتر ظاهر ___ شرف كبير يا باشا ..ال الشغل ماشي تمام جدا حتي معاليك ممكن تاخد لمحه من الورق

ضحك جاسر ساخرا ______ الورق قولتلي اممم ما انا متاكد من الورق قبل ما اجي والا مكنتش جيت ولا اي رايك

$$$ اللي تشوفه

جاسر _______ الا قولي المستشفي شغاله ولا لا أصل بفكر اقفلها

$$$:شغاله طبعا احنا حتي كل الغرف مليانه وكل يوم ما يقل عن 5 أو 7 عمليات

جاسر مصطنعا الدهشه _______ بجد لا فعلا الشغل ماشي تمام بس انا جاتلي اخبار كدا شكلها كدا غلط

$$$ بشك ___ اخبار اي

جاسر تحرك من مقعده قد سئم من تلك الحرب الكلاميه وبرزت عروق يديه اثر قبضته القويه فوق يديه ..

اقبض فوق عنقه بعنف وقسوه،، تراجع للخلف ملتصقا بالحائط ومازال جاسر يقبض فوق عنقه ،،،

جاسر بفحيح بجانب أذنه ______ تعرف عقاب اللي بيستغفلني اي ومش بس كدا لا دا كمان بيسرقني وبيكدب

لم يستطع الواقف أمامه أن يتحدث من شده اختناقه ،،،وجهه أصبح احمر من شده الضغط فوق عنقه عينيه جحزت بشده من كلماته ،،يشعر بالاختناق التام

تركه جاسر بعنف ليسقط أرضا لاهثا يبحث عن أنفاسه التي غادرت جسده ..

جاسر امال برأسه وهمس بفحيح ______ مكانك تحت رجلي دا مكانك الصح لكن انت عضيت الايد اللي اتمدتلك

انا فاهم كويس اوي انت بتعمل اي بتحاول تخرب المستشفي علشان تعمل واحده خاصه بيك وبعملياتك المشبوهه ...

انا عارف كويس اوي العمليات اللي انت بتعملها وبتستغل اسم المستشفي...

امسكه مجددا من ياقته _______ مين معاك بتتعامل لحساب مين انطق

&&& ل ل ح ساب لحساب مافيا الاعضاء

جاسر تركه بعنف ليسقط أرضا .... امسك هاتفه واتصل برجاله ______ اطلعوه خدوه وارموه في اي مخزن لما افضاله

- مين بيساعدك في المستشفي
- ‏
$$$دكتور **** و****** و******

جاسر _____'__ يا ولاد الكلب

ما هي إلا خمس دقائق وكان يسحب أمام المشفي بأكملها ذليل ..

جاسر بصوت جهوري _______ كل الدكاتره اللي في المخروبه دي تجيلي

هرول الجميع برعب وسرعه واصطفوا أمامه كل من يعمل في المشفي كان الممر ممتلئ بالأشخاص من أطباء وممرضين وعاملين ...

جاسر _______ كل الموجود هنا مرفود مش عايز حد هنا نهائي ...

غادر الجميع وهم يتهامسون عن السبب ولكن لا احد يستطيع التحدث. ....

رفع هاتفه ________ طاقم طبي متخصص وأطباء اعلي مستوي يوصلوا المستشفي بتاعتي حالا خلال ساعه  ... وتعمل اعلان عن توظيف ممرضين وعاملين ودكاتره في كل تخصص .....

ما هي الي ساعتين وامتلئت المستشفي من جديد بالاطباء .... وصل مراد أيضا في ذلك الوقت

وأخذوا زوجته لعمل بعض التحاليل وتجهيزها لإجراء العمليه ....

مراد _______ مش عارف اشكرك ازاي يا جاسر

جاسر _______ انت لفت انتباهي لحجات كانت بتحصل من ورايا يا مراد وصلت لتجاره الاعضاء وعمليات مشبوهه .....

مراد بصدمه _______ هنا في المستشفي

جاسر _______ ايوه بس انا غيرت الطاقم كله دلوقتي

مراد بدهشه ______ ولحقت في ساعتين

نظر له باستخفاف واكتفي بالصمت .....

🥀🥀
رمشت باهدابها ببطئ وعادت إغلاقها وفتحها حتي تعتاد علي الضوء ...

حمزه ______ سمعاني يا انسه لينا

لينا بالم _______ امممم

حمزه _______ حاسه باي

لينا بالم _______ ص ص صداع

حمزه _______ اسمك اي

لينا _______ ل لينا

حمزه _______ تقدري تقوليلي عندك اخوات اهلك مين وعايشين

لينا ببطئ  ______ لا معنديش اخوات بابا محمد وأمي ناهد

حمزه ________ طيب يا انسه لينا اخر سؤال اي اللي حصلك

لينا _______ حصلي اي

حمزه _______ سبب الحادث

لينا بالم _______ مش فاكره ..انا فين ماما وبابا فين

حمزه ________ موجودين بس نطمن عليك الاول

قالها وهو يضع لها مغذي بيدها ..وقام بإجراء فحص لها ..........حمدالله علي سلامتك

محمد _______ خير يا دكتور فاقت

حمزه _______ الحمد الله اقدر اقول عدت مرحله الخطر بس للاسف هي مش فاكره اي اللي حصلها يعني حصلها فقدان زاكره مؤقت للحادث والأحداث الاخيره

ناهد _______ مش مهم المهم بنتي عايشه الحمد لله الف حمد وشكر ليك يارب

حمزه _______ هو فعلا عمتها اللي جابتها ولا كانت بتدعي

محمد ______ ايوه اختي وجوزها

حمزه ______ تمام بتاسف لو بتدخل بس انا شاكك أن هنا اللي السبب في اللي الانسه لينا فيه

محمد _______ والله يا دكتور انا مش عارف اقول اي بس هما هيعملوا كدا فيها ليه وبعدين دي اختي مش ممكن تاذيني

حمزه ______ أن شاء الله الانسه لينا هتفتكر ونعرف بعد ازنكم وتقدروا تدخلوا بس بلاش مجاهده في الكلام ربع ساعه بس

ناهد بلهفه ام  _______ ماشي يا ابني ماشي ...

.......

قام بتسليم الشيفت الخاص به وغادر الي شقته دخل بهدوء وصوت صرير الباب صدح في الإرجاء ليدل علي عدم فتحه لمده طويله .... ا اضواء الشقه المظلمه ..ارتمي بجسده علي الاريكه التي قابلته بصمت وضع يده فوق عينيه بتعب وتنهد بحزن ... 
ليبدأ حديثه مع نفسه أو ضميره

-وبعدين يا حمزه هتفضل في الوحده دي كتير ،،

- يعني هعمل اي ،انا طول عمري عايش وحيد اي اللي حصل وجد ..

- ‏محستش بالغيره من أهل المرضي

- ‏غيره ... اغير من حاجه مستحيل أنها تحصلي ..اغير وانا عارف ان مهما عملت مستحيل اقدر احققها ... هل لو غيرت اقدر ارجع امي وابويا واخويا لا يبقي اغير من حاجه مستحيل تحصل ليه ..

- ‏يعني انت راضي عن حياتك

- ‏راضي الحمد لله ...

- ‏والحزن اللي في عنيك ؟

- ‏الحزن اللي في عنيا ملوش نهايه عمري كله قضيته في حزن وعمري اللي جاي ،،افرح ليه ولمين وعلشان اي نام وارتاح وسيبني ارتاح بقيت بحس اني مجنون وانا بتكلم مع نفسي بس يرجع اقول علي الاقل حد اتكلم معاه ...

اغمض عينيه بالم وحزن غلف ملامحه وعينيه ليذهب الي نوم عميق مرهق ....

🥀🥀🥀

سالم _______ وتين

نظرت إليه بتوتر لا ترتاح لنبرته وحديثه معها __ نعم

سالم ______ امك وابوك زاوروني امبارح وانا نايم

نظرت إليه بالم وقهر وحزن _____ بيفكروك بالامانه

اومي لها وشرد بعينيه الي يوم امس كانت والدته تبكي بقهر وحزنا وغاضبه منه وكذالك والده كان ينظر له بعيون غاضبه بشده وفقط يردد له " الامانه "الامانه "جعلته يستيقظ فزعا ...

وتين ______ كنت عايزه اقولك أن انا عايزه اكمل تعليمي

انتبه له ______ بتقولي اي

وتين بتوتر ______ ا اكمل تعليمي

سالم ______ تعليم اي مش دخلتك المدرسه وخليتك تكملي واديك خدتي الثانويه

وتين بخوف وتوتر _______ عايزه ادخل الجامعه

سالم باستهزاء______" جامعه اي انتي شكلك بتحلمي احمدي ربنا أن خليتك تكملي لغايه كدا قال جامعه قال

وتين ______ طب خليني اروح الامتحانات بس

سالم _______ لا امتحانات ولا غيره لما تبقي تتجوزي
جوزك اللي يوافق تكملي تعليمك أو لا

وتين بدموع ________ بس انا مش عايزه اتجوز عايزه اكمل تعليمي

سالم بغضب امسك يدها بقسوه _______ متخلنيش امد ايدي عليك

وتين ببكاء ______ خلاص خلاص

سالم _______ مصطفي طلب ايدك للجواز

وتين نظرت له بدموع_______بس انا مش موافقه

سالم بغضب _______ ليه مش هو دا اللي كنتي واقفه في الزرع تحبو بعض وتكلميه

وتين بدموع ______ لا والله ما بحبه ولا وقفت معاه هو هو اللي كل ما يشوفني بيمشي ورايا ويتكلم معايا

سالم _______ يعني اي

وتين _______ مفيش بيني وبينه حاجه ولا بحبه ومش هتجوزه

سالم بغضب _______ زينب مسكتك وانتي معاه

وتين _______انا كنت قاعده هناك زيي كل يوم وهو اللي جه يتكلم معايا وانا كنت لسه همشيه وزينب جات من غير ما تفهم حاجه

سالم _______ ماشي ..يلا غوري شوفي بتعملي اي

وتين ______ حاضر يعني مش هتخليني اتجوزه

سالم ________ لا

وتين _______ شكرا  شكرا

كانت تقف تستمع لهم خلسه لكل حديثهم ،،لتشتعل  غضبا وحقدا لتغير سالم معاملته  من وتين ___ ماشي يا سالم انت و وتين ..انا لازم اخلص منها وبطريقتي ....

🥀🥀
مراد _______ هنا اتاخرو ليه في العملية

جاسر ببرود ______ علشان هما مش بيشيلو المراره دول بيشيلو قلب

مراد بخوف ______ بس اتاخروا بقالهم ٦ ساعات

جاسر _______ هيطلعوا دلوقتي اسكت بقي خليني اعرف انام ..

مراد ______ انت ممكن تروح

لم يرد عليه بل اكتفي بالصمت وإغلاق عينيه لا يعرف لما مازال متواجد معه الي الان ...

مراد ______ طب اخر سؤال معلش وارجع كمل نوم

جاسر _______ مش هخلص انا في الليله دي

مراد_______ بنتي راحت فين

جاسر ببرود _______ كلتها ،،هتكون فين يعني بعتها القصر عند امي

مر أد _______ ماشي

جلس بخوف وتوتر علي المقعد بينما جاسر كان يحتل الاريكه الوثيره بجسده مغمض العينين......

.... غادر بعد أن اطمئن مراد علي زوجته ونجاح العمليه وانتقالها الي غرفه مجهزه باحدث التقنيات للعنايه المركزه.....

مضي يومين واستفاقت زوجته وبدأت تتحسن ....

مراد ______ الو يا جاسر انت ازاي تدفع حساب المستشفي

جاسر ________ حساب اي انا مدفعتش حاجه

مراد _______ امال قالولي تحت في الحسابات الحساب مدفوع ليه

جاسر ________ اه مدفوع فيها حاجه

مراد _______ اه انا اللي هدفع انت مش ملزوم انك تعمل كدا

جاسر ________ هي المستشفي دي بتاع مين

مراد _______ انت طبعا

جاسر _______ طيب وانا طلبت اليوم دا يكون مجاني للكل يعني أنا مدفعتش حاجه يا مراد كل اللي كان في المستشفي اليوم دا اتعالج مجانا

مراد ________ لا يا جاسر انا مش هقبل ابدا

جاسر _______ خلاص شوف مين هيرجعلك بنتك بقي

مراد _______ جاسر انت كدا بتضغط عليا

جاسر_______ انتتهي الكلام يا مراد

مراد_______ طيب بنتي مامتها عايزه تشوفها

جاسر _______ ماشي هكلم حد يجيبهالك

مراد_______ ماشي يا صاحبي ...

........

مضي اسبوع علي الأحداث لم يذهب جاسر الي القصر ولم يري والدته مطلقا .....

حوريه كانت حزينه عليه كثيرا ومنه حتي انها امتنعت عن تناول الطعام واكتفت بالبكاء حزنا ....

فما كان من الخدم إلا أن يبلغوا جاسر ...

جاسر ببرود وصوته الرزين $______ الو

$$$ الو يا جاسر بيه انا كنت يبلغ حضرتك أن حوريه هانم مانعه الاكل بقالها 3 ايام وصحتها بقت في النازل خالص وانهارده الصبح أغمي عليها

جاسر بغضب _______ ومحدش بلغني ليه من بدري

قالها واغلق الهاتف وغادر من مكتبه بغضب وسرعه وأثناء مغادرته هاتف طبيب وأبلغه بحاله والدته ....

جاسر وهو ممسك يد والدته ______ ليه يا امي تعملي كدا ليه

حوريه بوهن وتعب _______ ج جاسر

جاسر _______ اي يا امي انا هنا

دلف الطبيب في هذه اللحظه وبدأ بفحصها وعمل اللازم ك تركيب مغذي لها لكي تسترد عافيتها ... وبعد أن استفاقت قليلا

جاسر _______ لازم تأكلي

التفت حوريه برأسها للجهه الأخري رافضه الكلام معه

جاسر ______ علشان خاطري يا ماما كلي دا انا هاكلك بايدي

لم تسمع له ولكن عبارتها المنسابه كانت تعبر عن كلام كثير .....

جاسر بالم علي والدته فكم يحبها كثيرا ____ خلاص يا امي انا موافق على الوصيه وهنفذها

نظرت إليه بشك.....

جاسر ________ مش واثقه في كلامي ؟ هكلم أهلها وهتجوزها اسبوع واحد وهتلاقيها هنا مكتوبه علي اسمي

بس انتي توعديني تهتمي باكلك وصحتك

حوريه _______ ماشي يا جاسر يلا اكلني ولا رجعت في كلامك

جاسر ________ حاضر يا ست الكل

وبدت يطعمها بحنان اختفي منه لفتره طويله ....

جاسر ممازحا وهو يتحسس وجهه_______ بس انتي ايدك تقيله اوي يا حوريه

ضحكت حوريه بمشاغبه________ هههههه جرب متسمعش كلامي بعد كدا ...وانت جربت اهو

جاسر _______ لا وعلي اي الطيب احسن

قالها وقبل يدها ،،،كان خائف بشده من فكره ضياعها منه الفكره نفسها متعبه وبشده .. لا يوجد له أحد غيرها هي فقط هي فقط منبع الحنان له لم تقسو عليه يوما بل كانت هي المهون الحزين عليه من بطش والده له ..

حوريه _______ كفايه يا جاسر الحمد لله شبعت

جاسر _______ ماشي .. ارتاحي يا امي شويه

حوريه وهي تغمض عينيها بتعب ______ كلم ابن عمك وقوله

جاسر _______ حاضر

دثرها في فراشها جيدا وخرج من غرفتها متوجها إلي غرفته وقد عاد إليه غضبه وشياطينه. ....

جاسر بوعيد ________ وحياه امي لتشوفي ايام سودا معايا ولخايك تندمي علي اليوم اللي اتولدتي فيه ...

🥀🥀🥀

اختلف الحال كثيرا لدي وتين اشتدت قسوه وأوامر زوجه أخيها لها ..لا تمتلك غير الشكوي الي الله بعيون تفيض الما وقهرا وحزنا ...

ولكن كل ذلك لم يحزنها بقدر حزنها علي الشائعات التي انتشرت عنها في أرجاء القريه وعن شرفها الذي يتحدثون عنه كالعلكه في أفواههم ..،

الجميع أصبح يتحدث عن علاقتها بشباب القريه لم يكتفوا بشخص واحد يا عددو الأشخاص ... أطلقوا عليها الكثير من الصفات السيئه السمعه ...

بعد أن انتهزت زينب مغادره سالم بعد الهاتف الذي جائه ذاهبا الي القاهره ..خرجت الي الخارج كعادتها تتحدث مع نساء القريه وعلمت ما يدور ..لتاتي إليها وهي تتوعدها بالكثير والكثير عن غضب سالم ...

لا تعلم ماذا سيكون رد أخيها ولكنها خائفه وبشده ،،فكان للتو جسدها اختفت منه اثار الضرب ...ولكن هذه المره لم يكتفي علي الضرب هي متاكده من ذلك يخبرها قلبها ...

هل سيقتلها ام ماذا سيفعل .....الكثير من الاحتمالات تدور في ذهنها ولكن في النهايه هي هالكه .........

🔥🔥🔥🔥

خلص الفصل 🔥

توقعاتكم للأحداث ؟

واي حكايه حمزه ؟

واي هيحصل تاني ل وتين. ؟

ويا ترا مين اللي جاسر هيتجوزها ؟

فين التفاعل والحماس احنا لسه في الفصل الثالث يلا بسرعه تشجيع كبير وتصويت ⭐⭐🌟🌟

ومتابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️

بحر الانتقام ❤️