بحر الانتقام الفصل الثاني والعشرون 22 - بقلم Lamiaa Ahmed

فصل كبير جدا ومليان احداث ☺️ عايزه تصويت حااااار 🔥🔥🔥🔥والناس اللي بتابع بصمت اتفاعلو مش هتخسرو حاجه والله 🤗

❤️❤️

عليا _______ هو جاسر فين

حوريه ________ راحة زياره لسالم ابن عمك تعبان هو ووتين

عليا ______ سالم دا يبقي اخ وتين

حوريه _______ ايوه محتاجه حاجه ولا اي

عليا ______ اصل قالي هروح معاه الشغل

حوريه _______ يبقي بكرا أن شاء الله

عليا ________ ماشي
🥀🥀🥀

فتحت الباب لتشهق بصدمه..وعدم تصديق ..أهذا الذي يتسطح فوق فراشه أخيها سالم .. تكاد تتعرف علي ملامحه ....أصبح ضعيفا هشا شاحبا.... يشبه الهيكل .أصبح شبه انسان ....

اقتربت بخطوات بطيئه وعينيها متسعه تتلئلئ الدموع بها ...

وتين بدموع ______ س سالم

اغمض عينيه بوهن ضعيف _____ وتين

اقتربت جلست بجواره أمسكت يده , نظر لها بدوره بأسف

سالم _______ عامله اي انتي كويسه مبسوطه في حياتك

وتين _______ انا كويسه .اي اللي حصلك،، ليه كدا

سالم بتعب _______ مخلص حق يا وتين ...اسمعيني علشان خلاص مبقاش في وقت ..انا مستنيك من وقت طويل .

وتين _______ متتعبش نفسك بس وارتاح

سالم _______ ششش اسمعي ..انا اسف علي كل حاجه منعتك منها اسف علي حياتك اللي كانت في عذاب بسببي

اسف في كل مره مديت ايدي عليك ..واسف اني ظلمتك طول الوقت ومكنتش بسمعلك ...انا ظلمتك كتير اوي سامحيني ..سامحيني أن بعتك وجوزتك غصب عنك سامحيني يا وتين انا خلاص هروح للي خلقني ..ربنا خدلك حقك مني وانا عايش ولسه لما اموت ...

وتين ببكاء ______ كفايه متتكلمش انا مسمحاك ..وبشكرك انك أجبرتني اني اتجوز جاسر .بقيت بروح الجامعه يا سالم وكل اللي نفسي فيه بلاقيه انا لازم اشكرك علي حياتي اللي انا عايشها بسعاده بسببك. انا مبسوطه وسعيده معاه وعمري ما تخيلت اني هعيش حياتي كدا .....متتكلمش ارتاح ...

سالم وضع يده فوق بطنها ______ ربنا يقومك بالسلامه ..ثم نظر إلي جاسر الذي يقف بصمت يتابع ما يحدث وحديثهم __ وتين امانه معاك ،هي طيبه وغلبانه وبترضي بالقليل حافظ عليها دي هديه من ربنا ليك

جاسر ______ من غير ما تقول وتين مراتي وام اولادي

وتين _______ انت لازم تروح لدكتور سالم

تحركت عينيه في الاتجاه الآخر وكانت مفتوحه دون أي رمش ....

وتين _______ سالم سالم مالك انت كويس بصلي

اقترب جاسر ليري ما الأمر امسك يدها يستشعر النبض لم يجد أي نبض ليعلم أن روحه غادرت جسده

وتين ببكاء لادراكها للأمر _______ هو كويس صح يا جاسر قولي

جاسر _______ وحدي الله يا وتين
اغمض عيني سالم بيده لتعلم وتين ما حدث لم تستطع أن تسيطر علي صراخها وبكائها علي شقيقها ... صرخت وازداد نحيبها وشهقاتها تنادي أخيها ،،احتضنها جاسر محاولا تهدئتها من نوبه انهيارها ...

دخلت زينب علي صوتهم وتعلم أنه توفي لتستغل الوضع لصالحها بخططتها الخبيثه صارخه ________ قتلتوه قتلتو جوزي الحقوني يا ناااااس قتلو جوزي يا ناااس

نظر جاسر لها بصدمه من هذه المراه ومن خبثها أخبرته وتين عن مكرها. وافتعالها للمشاكل وتنسبها لها دائما لم يكن يتوقع أن تصل بها الحقاره الي ذلك ....

ازداد نحيب وتين عندما استمعت لكلام زينب ولكنها لن تصمت لها مثلما تفعل كل مره وقفت صارخه بها.

وتين صارخه ببكاء_______ اخرصي بقي كفايه حقاره لغايه كدا انتي عايزه مني اي تاني عايزه اااااااي

زينب لم تقف تسمع لها بل خرجت الي الشارع تصرخ تنادي الناس ..

جاسر والغضب تصاعد الي عينيه ... ولكن تجمع الناس سريعا ينظرون ماذا يحدث .. دخل الحرس سريعا كنوع من الحمايه ..

زينب _______ اتفرج يا أهل البلد جايين عاملين عصابه علينا واتشطروا علينا وقتلو جوزي الراجل اللي حيلتنا

جاسر بغضب _______ اخرصي يا ست انتي اي اللي بتقوليه دا ..انتي عايزه اي بالظبط

هجمت وتين عليها تجزبها من شعرها بقوه مخرجه الغل الذي بداخلها والحزن علي أخيها ... حاول جاسر السيطره علي وتين خوفا عليها وعلي أطفالهم من الممكن أن تدفعها أو تضربها تلك الملعونه ... احتضن وتين وأبعدها عنها ..

في حين وقفت تود الهجوم علي وتين الي أن جاسر امسك يدها بقسوه وثناها خلف ظهرها وهمس بفحيح سمعته وتين _______ اقسم بالله أن لمستي شعره منها لقتلك..ثانيا بقي لمي الشو اللي عملتيه دا والا هخلي الحرس يخفوك محدش يعرفلك طريق واللي بمزاجي هيام برضو

ابتلعت ريقها بخوف واومئت سريعا. ...

زينب ______ معلش يا ناس بس اني من الصدمه معرفتش بقول اي ... الله يرحمه كان غالي اهي اهئ اهي

شعرت وتين بالدوار أمسكت بجاسر بقوه ليلتقطها سريعا بين يديه ... حملها بخوف عليها خرج من الغرفه التي بها ودخل غرفه مجاوره وضعها علي السرير وقبل رأسها __ راجع دلوقتي

خرج للحرس الخاص به وأمرهم بتجهيز سالم للدفن واقامه العزاء في خارج المنزل ..وإحضار طبيبه في اسرع وقت وقبل كل شئ...

.....

ما هي إلا ساعتين وانتهي كل شي والدفن أيضا بحضور جاسر ولكن وتين قامت الطبيبه باعطائها مهدء ولا تدري بأحد وخارج الغرفه يقف حارس لحمايتها ....

عاد جاسر بعد الدفن والعزاء واجب عليه فهو ابن عمه ..انتهي اليوم ليقرر العوده .. دخل الي وتين حملها واستقل سيارته وخلفه الحرس تاركين خلفهم الجميع ...

...

عليا _______ اتاخرو جدا

حوريه ______ ايوه فعلا غريبه انا قلقانه مش عارفه ليه اصلا

عليا ______ أن شاء الله خير

قاطع حديثهم دخول جاسر وهو يحمل وتين ...انتفضت حوريه وعليا مهرولين نحوهم

جاسر ______ هطلعها فوق واقولكم كل حاجه

صعدة خلفه لم يتركوه .... وضعها فوق فراشهم براحه .. أزال حزائها وحرر ازرار ملابسها لتكون أكثر راحه

حوريه ______ هجيب حاجه مريحه تلبسها افضل

توجهت الي غرفه الملابس أحضرت منامه قطنيه فضفاضه للغايه كانت احضرتها وتين لتناسب حملها يصل طولها الي ركبتيها.....

قبل جاسر جبينها ودثرها بالغطاء جيدا ...

حوريه ______ اي اللي حصل نامت في الطريق ولا اي

جاسر _______ لا هي حالها انهيار والدكتوره عطتها مهدئ ومن وقتها وهي نايمه كدا

حوريه شاهقه ______ انهيار ليه اي اللي حصل هناك

جاسر ______ بعد ما روحنا واتكلمت مع اخوها للاسف مات وهي لسه بتتكلم معاه

حوريه بصدمه _______ مات لا حول ولا قوه الا بالله
اوعي تكون سيبتهم يا جاسر

جاسر _____ودا كلام يا امي انا اهتميت بكل حاجه أمور الدفن والعزاء لغايه ما الناس اللي بتعزي مشيت جبت وتين وجيت

حوريه _______ البقاء لله وحده .. حبيبتي يا بنتي

جاسر _______ الحيوانه مراته بقي واللي عملتو تصوري يا ماما اتهمتنا أننا قتلناه

حوريه ______ لا احكيلي بقي

🥀🥀🥀

حمزه ______ علشان خاطري

محمود ______ والاتفاق مع الناس

حمزه _______ نتفق تاني كدا كتير عليا

محمود ______ انت عايز اتجوز ليه

حمزه ببلاهه _______ هو اي اللي ليه هما بيتجوزو ليه

محمود _______ يأسسو اسره يبنوا مستقبل جديد

حمزه _______ ايوه انا عايز أسس اسره ومستقبل

محمود_______ امممم افكر

حمزه _______ يا بابا انت حبيبي وافق بقي

محمود _______ انا لو عليا موافق اهلها اي موقفهم

حمزه _______ ما انت تقنعهم

محمود ______ هستفاد اي

حمزه _______ ابنك حبيبك يتجوز وياسس اسره

محمود ______ يا سلام

حمزه ______ واجيبلك احفاد ابسط بقي ياعم

محمود _______ هههههههههههه مش لما تتجوز الاول

حمزه _______ ههههههههه اعتبار ما سيكون

خديجه _______ كلم حماه يا محمود خلي الواد يفرح

حمزه _______ ايدك ابوسها يا ست الكل

خديجه ______ هههههه اي خدمه

حمزه ______ انا ليا الا انتي يا ديجا

محمود _______ هتتلم ولا ارجع في كلامي

حمزه _______ لا خلاص امشي يا ماما متقعديش جنبي

خديجه _______" بقي كدا طيب انا ممكن افركش الجوازه واتبع اسلوب الحموات

حمزه _______ لا وعلي اي الطيب احسن .. انا احترت معاكم اعمل اي

محمود وخديجه ضحكو بشده عليه هههههههههههههههه

محمود ________ خلاص بس متعيطش انا هجوزك الشهر الجاي

حمزه بحماس وفرحه _______ بجد

محمود _______ بجد

حمزه _______ كلام رجاله

محمود _______ كلام رجاله روح يلا علي المستشفي بقي عندك شفت بليل

حمزه _______ ماشي سلام عليكم بكرا الصبح هستني ترد عليا

محمود ______ ماشي يا حمزه

🥀🥀

حوريه ________ حسبي الله ونعم الوكيل.ربنا يرحمه ويغفر له

جاسر ______ امين ..انا طالع انام تعبان جدا

حوريه _______ اطلع يا حبيبي تصبح على خير

جاسر _______ وانتي من اهل الخير

......

صعد جاسر وجلس بجوار وتين مسد شعرها بحنان وفي تلك اللحظه بدأت وتين باستعاده وعيها برفق ...

رمشت باهدابها قليلا ...

جاسر _______ وتين

وتين _______ اممم ... اااه

جاسر _______ مالك حاسه باي

اعتدلت جالسه _______ حصل اي هو في اي

سرعان ما تذكرت الأحداث التي مرت نظرت حولها وجدت أنها في جناحهم استغربت كثيرا هل من الممكن أن يكون ذلك كابوسا ...نظرت لجاسر لعله يعطيها تفسير ..

جاسر _______ البقاء لله

كلمه قالها جعلها تدرك أنه الواقع الأليم ...لتبدأ بالبكاء وارتفعت شهقاتها ... احتضنها ليواسيها ..

جاسر _______ ششش خلاص كفايه عياط مش عايز اشوف دموعك

مسح دموعها بحنان جعلها تهدئ من بكائها وفقك شهقاتها تصدر منها ...

وتين ________ مبقاش ليا حد من اهلي خلاص

جاسر _______ بس يا هبله امال انا اي وماما وعليا اي مش ولاد عمك اصلا من الأساس

اومئت وتين وشددت علي احتضانه ...

جاسر ______ وبعدين انا جوزك يعني بالنسبالك كل دنيتك

ابتسمت عليه واغمضت عينيها مره اخري باستسلام لنوم عميق وتبعها جاسر متنهدا بتعب _____ .

🥀🥀
مضي اسبوع علي الأحداث تعايشت وتين وتقبلت الأمر الواقع لوفاه شقيقها.....

استيقظت وتين مساءا وجدت أنها تنام فوق صدر جاسر بحنان

وتين ______ جاسر جاسر جااااااسر يخربيت نومك التقيل...... هزته برفق مربطه فوق وجنته __ جاسر جاسوري .يا جوجتي يا جاسر اف بقي

جاسر بنعاس ______ امممم

وتين ______ اصحي

جاسر. ______ عايزه اي يا وتين عايز انام

وتين _______ قوم اقعد معايا

جاسر ______ نامي الصبح اقعد معاك

وتين _______ لا دلوقتي

استدار معطيا ظهره لها دون التحدث ...

وتين ارتفعت قليلا واقتربت منه _____ يا جاسر قوم ... يا جوجو اقعد معايا شويه

جاسر _______ عارفه أن منمتيش هقوم اديك الحقنه
اللي انتي مرضتيش تاخديها وبدلتيها ببرشام

جلست وتين بتزمر ______ خلاص هسكت

جاسر وهو يعود للنوم من جديد ______ شاطره

تحركت مغادره الفراش متجهه الي الشرفه فتحت الباب لتلفحها نسمات الهواء العليله يبدو أن الشتاء اقتربت من الدخول ...

أحضرت لوحاتها وبدأت في التخطيط قررت رسم أخيها معتمده علي زاكرتها ووعدت نفسها أن ترسم ابيها ووالدتها أيضا فهي مازالت تتذكر ملامحهم .....

.... بدأت خيوط الصباح تعلن بدايتها لتتثائب بنعاس تركت اللوحه ودخلت مره اخري مغلقه الشرفه ...

تدثرت داخل زراعي جاسر الدافئه تستمد الدفئ منه ....

🥀🥀🥀🥀🥀

حمزه _______ ايوه يا لينا صباح الخير يا حبيبتي

لينا بخجل _______ صباح النور بابا وافق علي طلب انكل محمود

حمزه _______ بجد يعني الفرح بعد شهر من دلوقتي

لينا _______ ايوه

حمزه ___'"__' لا دا انا ازغرط والنبي لوغرط لولولولي

لينا ________ هههههههههه طيب سلام بقي شوف شغلك

حمزه _______ شغل مين متيجي نخرج

لينا _______ علي فكره ماما زعلانه منك علشان مردتش تاجي علي العشا امبارح

حمزه ______' يا لينا كان عندي شغل والله

لينا _______ لا هي زعلانه علشان انت برضو رفضت المره اللي قبلها انت ليه مش بتحب تيجي البيت عندنا

حمزه ______ عادي والله مش كدا الموضوع

لينا _______ امال الموضوع اي

حمزه _______ تؤ انسي بقي يا لينا

لينا _______ ماشي يا حمزه سلام

حمزه _______ متزعليش بقي وتقلبي نكد مع الأخبار دي

لينا _______ قصدك اي انا نكديه

حمزه _______ انتي ست البنات بونبونايه قلبي

لينا بخجل _______ اضحك عليا بكلامك انت

حمزه _______ انا بقول الحقيقه يا قلب حمزه

لينا _______ طب سلام يا قلب لينا

أغلقت الهاتف سريعا ..بعد جملتها ...

ضحك حمزه بسعاده ....

محمد _______ اي يا ابو ضحكه جنان عامل اي

حمزه _______ الحمدلله في افضل حال

محمد _______ تعرف انا مبسوط اوي بخطوبتك دي عارف ليه

حمزه _______ ليه

محمد _______ لسبب واحد انك بطلت تعمل مقالب فيا .

حمزه _______ ههههههههه طب تعالي كدا بس في المرايا هنا

نظر محمد في المرايا وجد وجهه ملون باللون الاسود

محمد _______ يا نهارك اسود معايا اي دا

حمزه _______ دا علي ما افتكر كدا كان لون اسود

محمد _____" دا انت مش هتفلت من ايدي انهارده

حمزه ______ اهدي بس عيب انت بقيت متجوز دلوقتي

محمد _______ ولا اي حاجه هتشفعلك اقف مكانك يا جبان

حمزه ______ انا مش جبان ..الجري نص الجدعنه

قالها وهرول هاربا وخلفه محمد يجري خلفه كعادتهم ....

🥀🥀🥀🥀

استيقظت وتين وتمطعت بكسل ..نظرت حولها لم تجد جاسر ... يبدو أنها تأخرت في الاستيقاظ ... ابدلت ملابسها ونزلت الي الاسفل ...

وتين _______ صباح الخير

جاسر ________ صباح النور يعني صحيتي بدري

وتين ________ بجد انا افكر كدا متأخر

جاسر _______ تعالي افطري

حوريه _______ عامله اي يا توتا

وتين ________ الحمدلله

عليا _______انا جاهزه

جاسر _______ طيب افطري بقي محسساني رايحه مدرسه

وتين _______ انا بفكر اروح الجامعه انهارده

جاسر _______ بجد يا اخيرا هههههههه

وتين _______ هههههههه هو شهر وشويه بس اللي مروحتش

جاسر ________ قليل خليك كمان شويه ... احمدي ربنا أنه علشاني مجالكش جواب فصل

وتين _______ ودا ينفع برضو بقي جوزي جاسر المحمدي وانفصل عيب في حقك علي فكره

جاسر _______ هههههههه لا معاكي حق

حوريه ________ أنا كنت هقولك حاجه بس نسيت

جاسر ________ اي

حوريه ______ ما انا نسيت هقولك ازاي لما افتكر بقي

جاسر _______ ماشي خلصتي يا عليا همشي

عليا ________ ايوه انا جاهزه

جاسر _______ طيب يلا بينا

غادر عليا وجاسر .... وبقي حوريه ووتين

حوريه ______ بت يا وتين اقولك علي حاجه

وتين ______ قولي

حوريه ________ عيد ميلاد جاسر انهارده

وتين _______ اي دا بجد مقولتيش ليه كنا قولناله كل سنه وانت طيب

حوريه _______ ما انا كنت هقع بلساني وعملت نفسي ناسيه هههههههه

وتين _______ ليه

حوريه ________ علشان نحتفل بيه نجهز كيك ونزين المكان وجو حلو كدا

وتين بحماس ________ الله يلا نعمل كدا

حوريه ________ شويه كدا خلصي أكلك ونبدا

وتين ______ اوك

،،،،،،_____ ،،،

بعد الطعام بدأت حوريه ووتين اعداد انواع من الكيك .. ولم تكف وتين عن أكل الصوص والشيكولاتة تحت تزمر حوريه ....

وتين وهي تتزوق الشيكولاته ______ اممم جميله

حوريه _______ العلبه اهي كدا كخ متاكليش من فوق الكيكه

وتين ______ هههههههه اسف

حوريه ______ يلا روحي البسي فستان حلو

وتين _______ فستان مين يا حسره عليا هو في حاجه داخله فيا اصلا

حوريه ________ هههههههههه روحي دوري يمكن يدخل

وتين ______ ماشي

بحثت في ملابسها كثيرا إلي أن وجدت فستان من اللون الابيض ..______ الله دا كان فين دا من بدري

ارتدته وكان يناسبها جيدا

وضعت القليل من الروج الهادي وتركت لشعرها العنان بعد أن مشطته______ زيي القمر يا وتين

خبطت حوريه عليها سمحت لها وتين بالدخول ...

حوريه _______: جميله ما شاء الله لقيتي فستان اهو

وتين_______ ايوه كان مستخبي هههههههه

حوريه _______؛طيب خدي ورد اهو واعملي جو رومانسي هنا

وتين _______ ليه يعني مش احنا هنحتفل مع بعض تحت

حوريه _______ بعد ما يطلع هنا احتفلوا تاني مع بعض بطريقتك الخاصه امسكي

وتين _______ حاضر

زينت جناحها بطريقه رومانسيه رائعه بالورود الحمراء والبيضاء ... انخفضت الاضاءه وتوجهت الي الاسفل فموعد اقتراب جاسر اقترب بشده ....

حوريه _______ خلصتي

وتين _______ ايوه

حوريه _______ طيب بصي احنا هنتغدا الاول وبعدين وندخله الصالون وهناك طبعا المفاجاه ..

وتين ______ ماشي بس انا مجبتش هديه

حوريه _______ يا نهار ابيض ولا انا

وتين ______ ههههههههه نعمل اي

حوريه _______مش عارفه انا هطلب اونلاين

وتين ______ ماشي طب هنشتري اي برضو

حوريه ______ انا هشتري ساعه هو بيحب الساعات جدا

وتين _______ وانا اشتري اي

حوريه _______ اي رئيك في برفيوم مميز

وتين _______ حلو اوي واي تاني

حوريه ________ وممكن تشتري مثلا قمصان غير البيضه والسودا اللي عنده

وتين _______ تصدقي فكرتيني لبسه كله عباره عن ابيض واسود لا نشتري بسرعه قبل ما ياجي

طلبت حوريه الهدايا واوصت علي تغليفها وسرعه الارسال خلال نصف ساعه ... ثم هاتفت عليا لتخبرها أن تشتري هي الأخري هديه دون اخبار جاسر ..

وتين _______ انتي عارفه يا ماما بفكر اعمل اي

حوريه _______ اي

وتين _______ بفكر اقول لجاسر علي مشاعري اتجاهه

حوريه ______ اعملي كدا هيفرح اوي ..ابني مشفش فرح في حياته كتير منه لله اللي كان السبب عارفه أن في حياتي معملتش عيد ميلاد أو احتفال صغير كدا لجاسر
اول مره اعمله

وتين ______للدرجه دي

حوريه ______ امممم واكتر

وصلت الهدايا ولكن تأخر جاسر ... مرت ساعه واخري عادت عليا واخبرتهم بما أحضرت

وتين _______ امال جاسر اتاخر ليه

عليا _______ في اجتماع بيحضره بس انا قولتله همشي علشان تعبت وروحت جبت الهديه وجيت

حوريه ______ شاطره جبتي اي

عليا _______ جبت روابط عنق وبرفيوم

حوريه ______ جميل

وتين مسرعه _______ جاسر جه

حوريه _______ يلا نروح للسفره بسرعه علشان ياجي علي هناك

__ .... ___

جاسر _______ ازيكم عاملين اي

حوريه ووتين وعليا _______ كويسين الحمدلله

جاسر _______ طيب هغير واجيلكم

وتين مسرعه ______ لا اتغدا الاول علشان انا جعانه

عليا _______ اه وانا كمان

جاسر باستغراب ______ ما تأكلو وانا اكل بعدين

حوريه _______ اقعد يا جاسر مستنيينك من بدري

جلس جاسر _______ مش مرتاح ليكم _ لا متفكروش علشان انا الرجل الوحيد بينكم هتتفقو عليا

حوريه _______ هههههههه احنا عملنا حاجه عايزينك تاكل

وتين وهي تضع قطعه لحم امامه______ خد يا جاسر كل دي جميله

جاسر بغمزه مشاكسه ______والله انتي اللي جميله بفستانك الحلو دا

وتين بخجل ______ عجبك

جاسر _______ طبعا بس الروج خفيف ليه هيتمسح بسرعه

وتين بخجل عندما أدركت مقصده _____ هههههه هحطلك التقيل حاضر

جاسر ______ ايوه كدا علشان ابوس بضمير

حوريه _______ اتلمو انتم الاتنين سامعينكم

جاسر ______ سامعين انا كنت بقول اي

حوريه ______ بتتكلم بصوت عالي اصلا

جاسر بمزاح ______ يا ادي الفضايح ههههههههه

.....___. ...

حوريه ______' لا استني متطلعش دلوقتي عايزاك في موضوع

جاسر ______ يا ماما هخلع هدومي وجاي

حوريه _______ لا مش الموضوع مهم يا وتين

وتين ______ ايوه مهم للغايه القسوي

حوريه ______ عليا هاتي اللي قولنا عليه من المطبخ

عليا ______ طياره

جاسر ________ اقسم بالله عارف ان وراكم مصيبه مش مرتاحلكم طب سبوني انا همشي لوحدي

كانت وتين تمسك زراعه الأيمن وحوريه الأيسر ساحبينه الي مكان الذي خصصوه للاحتفال ...

تفاجئ جاسر _______ اي دا في اي فرح مين اقصد لمين الحجات دي

حوريه ووتين ________ كل سنه وانت طيب

دخلت عليا وهي تحمل الكيك المضاءه بالشموع وعليها رقم 26 .. اي عيد ميلاده السادس والعشرون ..وخلفها أحدي الخادمات تحمل كعكه اخري مزينه

جاسر بتفاجئ وفرحه _______ اي دا هو انا عيد ميلادي انهارده

حوريه وهي تقبل وجنته ______ زيي انهارده حياتي نورت بيك يا روح قلبي كل سنه وانت طيب

جاسر وهي يحتضنها ______ وانتي طيبه يا ست الكل

وتين _______ وانا وانا

احتضنته وتين هي الأخري مهنئه إياه ... وكذلك عليا ..

جاسر _______ احلي عيد ميلاد في حياتي بوجودكم معايا

حوريه _______ اتمني امنيه وطفي الشمع

جاسر اغمض عينيه واطفئ الشموع وابتسامه سعيده مرسومه فوق وجهه ...

وتين _______ يلا ناكل كيك بقي

ضحك الجميع علي وتين ...

حوريه ________كلي انتي جننتيني انهارده

وتين _______ هههههههه احفادك يا تيتا اللي عايزين

حوريه ________ دا انا عنيا وكل ما املك لاحفادي

جاسر _______ كنت عارف انكم مخبيين حاجه

عليا ________ هديتي كل سنه وانت طيب

جاسر ______ وانتي طيبه يا لولا

حوريه _______ وهديتي انا كمان

وتين _______وانا هديتي فوق

جاسر _______ هههههههههه ربنا يخليكم ليا ..

أكلو الكيك وظلوا سويا يضحكون بسعاده فيوجو عائلي لذيذ ....

حوريه________ يلا اطلع غير لبسك وارتاح شويه

جاسر _______ ماشي

صعد جاسر ومعه وتين ... ولكنها قبل أن يفتح الباب ...

وتين ______ استني

أخرجت شريط اسود وقامت بربطه حول أعين جاسر

جاسر _______ في مفاجاه تاني

وتين _______ ايوه بس استني مش دلوقتي هات ايدك

أمسكت يده ودخلت وهو لا يري _____ اوعي نقع

وتين _______ امشي معايا بس

أوصلته الي بابا المرحاض _______ خد شاور وغير

جاسر _______ هي دي المفاجاه

وتين ______ لا بعد ما تطلع قالتها وأغلقت الباب عليه.

تنهد وأخذ شاور هادئ وجد ملابس له موضوعه ليرتديها وخرج وهو يخفف شعره

تفاجئ بالجناح المزين بالورود الحمراء والبيضاء ونور خفيف مضاء ...

جاسر ______ وتين انتي فين

وقفت أمامه والخجل يعتريها ______ انت عامل اي

جاسر ضحك بشده عل جملتها ______ انتي عايزه تقولي حاجه هههههههههه

وتين بتزمر _______ بطل ضحك يا جاسر

جاسر _______ حاضر خلاص قولي عايزه اي واي الجو الحلو دا والورد انا محدش زيي انهارده

وتين ______ هديتي

فتحها جاسر وأعجب بها كثيرا _______ بس انا مبحبش الالوان دي

وتين _______ هتحبها ماله يعني ازرق وكحلي وجملي الوان مفهاش حاجه

جاسر _______ ماشي يا ستي هديه مقبوله ..

وتين ________ اممم حلو الورد

جاسر ______ جميل اي حاجه منك جميله يا وتين

وتين _______ كنت عايزه اقولك حاجه .

جاسر _______ دا اللي عايز أوصله قولي

وتين _______ عايزه اقولك أن انا عايزه اقولك

امسك يدها بحثها علي الحديث ،،،،،

:_ انا جاسر

جاسر _______ هههههههه انتي جاسر ازاي

وتين بخجل وكسوف _______ هههههههه اسمعني

جاسر _______ سامع اهو

وتين _______ كنت عايزه اقولك أن انا في الاول كنت مش طايقاك وكنت بخاف منك كنت بخاف الانتقام يعميك وتاذيني ..

أنصت لها بتركيز تام لتتابع ..

:_ انا عمري ما اتخيلت اني هعيش في العز والحياه دي ومكنتش اتصور انك كدا يعني اقصد أن سالم لما جوزني غصب عني كنت مفكره أن راجل كبير غني يمكن انا من سن أحفاده وقتها كل حاجه ماتت بالنسبالي استسلمت لموتي بالبطيئ لكن اتفاجات لما شوفتك وانك كدا

بدأت خيوط الامل تنفتح قدامي من جديد ..ويوم عن يوم عن يوم انت بدأت تتغير للاحسن والافضل ..جاسر انا عمري ما كنت سعيده قد ما انا سعيده وانا معاك .. انت كتير عليا اوي يا جاسر كتير اوي

جاسر ______متقوليش كدا انا اللي مستحقكيش انتي هديه من ربنا ليا بعد سنين عذاب عشتها في الجنه دي

وتين _______ خليني اكمل علشان خاطري ..... متتخيلش فرحتي اني شايله حته منك.جوايا كانت ازاي حسيت اني كدا بوفي شويه من الحياه اللي انت قدمتهالي .. جاسر انا بحبك اوي كل يوم بحبك اكتر من اليوم اللي قبله جاسر انا مقدرش اعيش من غيرك انت حياتي. دنيتي انت عمري اللي جاي ...

جاسر وتفاجئ من اعترافها لتدمع عينيه تأثيرا ___ انا اللي استحاله هبعد عنك وانا اللي لو قعدت عمري كله مش هكون جدير بيك انتي غيرتي حياتي يا وتيني انتي غيرتي جاسر المحمدي بجبروته وظلمه وقسوته ...

انا مش قادر اسامح نفسي علي قسوتي معاكي وعلي اني في يوم من الايام سببتلك الخوف والرعب اللي كان بيبقي في عنيك كل ما اقربلك ..بس مع اني كنت بشوف دا وبحس بيه مكنتش بقدر ابعد عنك غصب عني بقربلك
‏
‏لسه حاسس بالذنب حاسس اني وسخ وندل واني اجبرتك علي حياتي وعلي حاجه زيي كدا انا اسف يا وتين انا صحيح اعتذرتلك قبل كدا بس وقتها مكنتش قادر اتكلم باستفاضه واعبرلك عن شعوري ..انا اسف سامحيني

وتين بدموع _____ كفايه يا جاسر

جاسر. ______ لا مش كفايه خلاص آن الأوان اني اقولك كل حاجه مخبيها جوه قلبي... انا حبيتك من اول يوم دخلتي فيه جناحي حبيت برائتك وخجلك
طيبتك وتلقائيتك يا ويتن انا بحبك ..عوضتيني عن وحدتي مليتي حياتي ولسه باولادنا.
مش عارف اقول كلام حلو ورومانسي بس بجد انا بحبك

وتين بعياط من الفرحه ارتمت تحتضنه بحب وسعاده بالغه ..._____ وانا بحبك

جاسر _______ مبحبش اشوف دموعك يا وتيني

وتين ______ ليه دائما تقولي وتيني

جاسر ______ الوتين شريان في القلب ولما اقولك يا وتيني يعني يا شريان قلبي

وتين بهزار _______ جالي صداع من الرومانسيه

جاسر بضحكه عاليه ______ ههههههههههه يا لمضه

وتين ______ ههههههههه مش مصدقه اللي انا فيه

جاسر _______ يا سلام لازم اثبتلك بقي

وتين _____ ماشي يلا ننزل نتمشي شويه

جاسر ______ لا مش عايز إثبات من دا

وتين ______ لا هو كدا بجد محتاجه اتمشي شويه الدكتوره قالتلي لما احس بتحجر في بطني اوي اني مش مرتاحه اتمشي

جاسر ______ ماشي وانتي حاسه باي

وتين ______ مش مرتاحه وانهارده متحركوش خالص حتي انا قلقانه بس محبتش اقلقك

جاسر ______ تحبي نروح المستشفي

وتين ______:لا نتمشي شويه

جاسر ______ ماشي يلا بينا

وتين _______ يلا

جاسر ______ خدي يا ماما تعالي البسي جاكت فوق الفستان

وتين ______ ليه كدا حلو

جاسر ______ خلاص مش هنمش

وتين ______ لا خلاص هلبس ...... حلو كدا

جاسر ______ حلو يلا هاتي ايدك في أيدي

وتين بغناء _____ هات ايدك تحضن ايدي شوف حبك جوا وريدي

جاسر _______ لا كدا كتير عليا انهارده يا ناس هموت من الفرحه

وتين ______ بعد الشر عليك يا حبيبي

جاسر بوله______ قوليها كدا تاني

وتين بخجل ______ يا حبيبي

اقترب جاسر منها واختطف قبله من شفتيها ...كانو يقفون في الممر بالقرب من السلم .. يقربها إليه ويلتهم شفتيها بحب ورومانسيه معبرا عن حبه وعشقه لها ...

قاطعهم حوريه التي حمحمت بصوتها لتجذب انتباههم ..

فصل القبله ناظرا الي والدته بقليل من الحرج ...اي

حوريه ______ اي ياخويا في جناحكم الكلام دا عيب في بنت انسه في القصر

جاسر باحراج______ لا دا احنا نازلين نتمشي

حوريه _______ طيب وانا داخله انام

جاسر ______ تصبحي علي خير

حوريه ______ وانت من اهل الخير

🥀🥀🥀

خلص الفصل ❤️

اتمني يكون نال اعجابكم ❤️

متنسوش التصويت ⭐ اضغطوا علي النجمه أسفل الفصل ⭐

ومتابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️