الفصل العاشر .....
ملك بقلق : تمام ياسيف ... حعمل كده ...
سيف بفرحة : روحى بقى لاختك ياملك ....... عشان متتاخريش عليها ومتشكش فى حاجة .... حستناكى النهاردة .... على ميعادنا ....
ملك بخوف : ماشى ياسيف حمشى ... ومشت ملك وهيه خايفة وقلقانة جداااا من اللى حتعمله ده ...... وراحت لاختها ماسة ....
ماسة باستغراب : مالك ياملك شكلك مش مبسوط ..... سيف زعلك فى حاجة ؟؟
ملك بقلق : لا ابدا مزعلنيش بالعكس ....... انا كنت مبسوطة وانا معاه ....... بس مبقتش حبه البيت عند مرات بابا ونفسيتى تعبت ومش عاوزة اروح هناك ....
ماسة : معلش ياملك ...... احنا مش قدامنا حل تانى حنعمل ايه وحنروح فين يعنى ...... واديكى شوفتى جوز امك طلع مش كويس ازااى .....
ملك بوجع : فعلاا ياماسة معاكى حق برده .... وروحوا البنات على البيت عند سهر ..... وملك بتفكر تعمل مشكلة ازاى مع مرات ابوها ؟؟
واول مادخلت ماسة وملك البيت ..... راحت ملك لسهر وقالتلها بزعيق : عملتى الاكل ياسهر ولا لسة احسن انا ميتة من الجوع ....
سهر بغيظ : اكل ؟؟ لا لسة معملتش الاكل ...... وبعدين انا بعمل الاكل وبخلصه على ميعاد ابوكى لما ييجى مش دلوقتى ..... لو جعانة بقى تعالى ساعدينى ......
ملك بغضب : ايه الطريقة اللى انتى بتكلمينى بيها دى ؟؟ انتى فاكرة نفسك مين ؟؟ انتى هنا مش عايشة مع بابا بس ........ احنا كمان لينا ميعاد بنيجى فيه من الكلية والمفروض الاكل يبقى جاهز .....
ماسة بغضب : ملك ...... فيه ايه مااالك ؟؟ انتى عاوزة تعملى مشكلة ؟؟ ساعديها وخلاص ماانتى قبل كده ساعدتيها ايه المشكلة يعنى وانا حعمل معاكى ...... عدى اليوم ياملك .....
ملك بغضب : لا بقى مش حعدى حاجة ..... وبعدين احنا عند ماما كنا بنيجى بنلاقى الاكل جاهز مش لسة بنقعد نعمله ......
سهر بغضب : وانا قولتلك قبل كده ياملك انا هنا مش زى ماما ....
ملك : اه طبعاا ..... بيت امى احسن من هنا بكتيرررر .....
ماسة بخوف : ايه معنى كلامك ده ياملك ؟؟ قصدك ايه ؟؟ مش مرتحالك ....
ملك بثقة : قصدى انى رايحة عند ماما ياماسة ...... ومش حعقد هنا ....
ماسة مصدومة : انتى بتقولى ايه ياملك ؟؟ مينفعش تروحى عند ماما ....
ملك بعصبية : لا ياماسة ينفع انا مينفعش اعد هنا .... ودخلت ملك على اوضتها بسرعة عشان تلم هدومها ......
دخلت وراها ماسة بسرعة وقالت بغضب : اهدى شوية ياملك وفكرى كويس انتى ليه مكبرة الموضوع كده .... انتى عارفة انتى بتعملى ايه ؟؟؟
ملك بعصبية : اه ياماسة عارفة انا بعمل ايه كويس ..... حروح اعيش مع ماما ومليش علاقة بجوزها ..... وخليكى انتى هنا انا عارفة انك مينفعش تروحى عند ماما تانى ......
ماسة بوجع : انا مش عاوزة اسيبك ياملك ...... انتى ليه بتبعدى المسافات بينا كده .... طب استنى بابا لما ييجى ....
ملك : عشان تعبت ياماسة ومش قدرة استحمل اكتر من كده .......... انتى مستنية جاسر يقابل بابا ومشكلتك تتحل لكن انا لا ....... ومش حقدر استحمل العيشة هنا .....
ماسة بعصبية : انتى مش حتنزلى من هنا ياملك ..... احنا مينفعش نسيب بعض .....
ملك بغضب : لا حنزل ياماسة ..... دى حياتى وانا حرة فيها .....
ماسة بوجع : تبقى قطعتى كل حاجة بينا ياملك بطريقتك دى ....
بصتلها ملك ودمعت من كلامها .... ولمت حاجتها ونزلت من البيت معيطة ...... ومسالتش فى كلام اختها ......
سمعت سهر الحوار اللى دار بين ماسة وملك كله ..... وفرحت لما ملك لمت هدومها ونزلت من البيت ...... وراحت بصه لماسة بفرح وشماتة فيهم ودخلت على اوضتها .....
نزلت ملك واتصلت بسيف علطوووول وهيه بتعيط .....
ملك بوجع : الووو ايوه ياسيف .... انا نزلت من البيت وعملت زى ماقولتلى ....
سيف بفرحة : حبيبتى ياملك ..... دقايق وحكون عندك .....
ملك معيطة : ماشى ياسيف ..... مستنياك .....
ووصل سيف لملك واخدها وراح على بيته علطوول وهيه بتعيط ...... دخلت ملك البيت ومعاها شنطة هدومها لقيت البيت قديم شوية ومش نظيف ......
بصلها سيف بفرحة وقال : معلش البيت مش على اد مقامك ده مؤقت بس .... بس لما انتى تعيشى فيه حيبقى جنة .... صح ياملك ....
ملك بخوف : انا خايفة ياسيف ...
سيف : متخافيش ياملك ..... احنا حنكتب ورقة عرفى عشان تطمنى وحتبقى الورقة معاكى ....... بطلى عياط بقى .....
ملك بقلق : ماشى ياسيف ...
وفى آخر اليوم .... وصل سليم البيت ودخل اوضة البنات عشان يطمن عليهم لقى ماسة لوحدها وبتعيط ......
بصلها سليم بقلق وقال : حصل ايه ياماسة .... فين اختك ؟؟
ماسة بوجع : ملك زعقت مع سهر جامد ولمت هدومها وراحت عند ماما .....
سليم مصدوم : ازاى تعمل كده ؟؟ ليه خلتيها تنزل ؟؟ مستنتنيش ليه لما اجى ..... انا مش قولتلكوا اللى يزعلكم قولولى .....
ماسة بضيق : انا قولتلها كده يابابا ... بس هيه اللى صممت تنزل برده ....
سليم بوجع : وحتعيش ازااااى مع جوز امك ؟؟ انتوا عندى اغلى حاجة فى الدنيا ...... انا ممكن اطلق سهر عشانكوا ..... انتوا ليه مش عاوزين تفهموا ده ؟؟؟
وبعدين رفع سليم صوته جامد بغضب وقال : سهرررر .... ياسهرررر .....
جت سهر بسرعة على صوت سليم وقالت بخوف : فيه ايه ياسليم ؟؟
سليم بغضب : زعلتى ملك ليه ؟؟ وخلتيها تسيب البيت .....
سهر بخوف : انا مزعلتهاش فى حاجة ياسليم ...... هيه اللى اتقمصت ومشت لوحدها .....
سليم بغضب : ماشى ياسهر ... بصى بقى ..... ملك حترجع البيت تانى يا سهر ولو زعلتى اى حد من بناتى تانى حتبقى طالق طالق ياسهر فهمتى .....
سهر بعصبية : ماشى ياسليم .... ومشت سهر بسرعة على اوضتها .....
وراح بص سليم لماسة تانى وقال : كلمتى ملك واطمنتى عليها انها وصلت البيت عند امك ولا لسة .....
ماسة بقلق : لا يابابا مكلمتهاش ..... حكلمها دلوقتى حاضر .....
سليم : كلميها ياماسة اطمنى عليها .... وانا بكره حكلمها وحرجعها البيت تانى وتكون هديت شوية برده .....
وطلع سليم بره الاوضة ....... وراحت متصلة ماسة باختها ملك علطووول .......
ماسة بقلق : الووو ايوه ياملك .... وصلتى عند ماما ولا لسة ؟؟
ملك : ايوه ياماسة وصلت .... اطمنى انا بخير .....
ماسة : ماشى ياملك ... وخلى بالك من نفسك ..... وابقى طمنينى عليكى ....
ملك : حاضر ياماسة ....... ونهت ملك المكالمة مع اختها ......
سيف بفرح : برافواااا عليكى ياملك .... اختك مشكتش فى اى حاجة ....
ملك بخوف : اه ... بس انا خايفة برده ياسيف ....
قرب سيف منها شوية وقال : خايفة وانا معاكى ياملك ؟؟؟ متخافيش من حاجة يا حبيبتى وانسيهم شوية وفكى بقى .... انتى مع حبيبك وافردى التكشيرة دى وورينى الضحكة الحلوة بقى ......
ملك بخوف : حاضر ياسيف .....
وتانى يوم وبعد ماسليم راح على شغله وماسة نزلت كليتها ...... اتصلت سهر بسيف علطوووول ......
سهر متلهفة : الوووو ايوه ياسيف ..... عرفت اللى حصل ؟؟
سيف بخباثة : ايه اللى حصل ياسهر ؟؟؟
سهر : ملك ياسيف .... شديت معاها فى الكلام جامد امبارح ..... اتقمصت ولمت هدومها وراحت عند امها فريدة وسابت البيت ..... جت من عند ربنا ياسيف .... هيه ملك مقلتلكش ولا ايه ؟؟؟
ضحك سيف ضحكة عالية وقال : ملك عندى فى البيت ياسهر من امبارح ....
سهر مصدومة : انت بتقول ايه ياسيف ؟؟؟ بتعمل ايه عندك فى البيت ؟؟
سيف بثقة : بقولك عندى فى البيت من امبارح ياسهر ..... افهميها انتى بقى ومرحتش عند امها اصلا .......
انا مش قولتلك حشوفلك طريقة وحخلصك من البنات دى ..... ادينى خلصتك من واحدة ..... كل اللى حصل ده كان بتخطيط منى ياسهر ....
سهر مصدومة : انت مجنون ياسيف .... انا مقولتلكش اعمل كده .... حرام عليك البنت ايه ذنبها ؟؟؟
سيف : انا فيه طار بايت بينى وبين سليم ..... سليم لازم يخسر اغلى حاجة عنده ..... وذنبها انها بنته .....
.
.
.
.
.
.
.
.
.
تاااااااااااااابع ...........................
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!