رواية بنت الشيطان الفصل الخامس والثلاثون 35 - بقلم رحمة نبيل

يلا واحد كبير اهو عشان نفرفش شويه 😂 😂 😂
يارب يعجبكم يا حلويات 💋💋💋🌚
صلوا على الحبيب المصطفى صلى الله عليه وسلم

وصلت عده سيارات لمنزل كبير يتكون من عده غرف يطل علي البحر نزل الأطفال منها وهم يركضون ويهللون
نور وهي تزفر بملل / يارب مخلفه قرود
سمر وهي تتحدث يتذمر / مش عيالك بس يا ختي عيالنا كلنا ماعدا عيال المحظوظة بنت المحظوظة دي
نظروا جميعا لساره
ساره وهي تخمس في وجههم /يا ستير يارب مش كفايه عيالكم علينا عايزين اية من عيالي
تحدث سراج للنساء الذين يقفون علي جنب / احنا هنروح نشتري الحجات اللي هتلزمنا الأسبوعين دول خلوا بالكم من البيت وروقوه بقي كويس
سمر / ايوه يا خويا روحوا اتفسحوا انتم واحنا نندب في شغل البيت ده
ضحك سراج عليها وغمز لها بمشاكسه ثم ارتدي نظارته واتجه لسياره مازن الذي انطلق
ذهب مالك لنور وابتسم بحنان لها / هتحتاجي حاجه
نور ببسمه / هات شوكولاته معاك وشيبسي
ضحك مالك عليها وقبل خدها بسرعه عندما وجد الجميع ملتهين في أنفسهم / تمام يا قلبي
ثم ذهب تبعه محمد و عمر واسد
نظرت النساء لبعضهم
جميله بمصريه ركيكه / نبدأ ننظف
سمر بسخريه / ننظف اسمها ننضف يا ماما
جميله بتذمر فدائما ما تتشاكس هي و سمر / مغلطش في البخاري يا ختي
سمر وهي تضربها علي كتفها بمزاح / لا باشا بتتطوري
ضحكت جنه عليهم
نور وهي تنظر لاولاد الذين يلعبون في الحديقه وصرخت بصوت عالي / اسطا عبده
عبدالرحمن وهو يرد عليها / نعمين يا اخت نور
نور / معلش يا كبير لو هزعجك خلي بالك من اخواتك اشطا
عبدالرحمن / ماشي
نور / اشطا يبشه منتحرمش
يلا يا جماعه نبدأ تنضيف البيت ده عشان نخلص قبل ما الرجاله تخلص
ذهبت النساء وابدلت ثيابها لثياب للعمل ارتدت سمر عباءة قديمه وربطت علي شعرها طرحه بطريقه مضحكه وربطت العباءة علي وسطها ومسكت المنفضه وأخذت تزيل السجاد وتأخذه للخارج لتنفضه
ونور ترتدي بنطال واسع وتيشرت واسع وتربط شعرها للخلف وتمسك ما يسمي بالمهبه وتنظف الجدران وجميله وجنة يكنسون وساره تزيل الأشياء من الارضيه لتمهد لهم الطريق للتنظيف
سمر وهي تمسك ظهرها بالم / اه ياما ظهري انكسر
نور بضحكه صاخبة / معلشي يا أبلتي تلاقيه من الرقص ولا حاجه ههههههههههه
سمر/ اضحكي اضحكي ياختي
جنه بضحك / رقص ايه يا سمر انتي اتجهتي للانحراف ولا ايه
سمر / انا اصلا منحرفه بس كنت مستنيه اللي يوجهني ههههههههه
نور/ بضحك انا اقولك يا جنة
ثم حكت لهم حكايه سمر وبناتها
ضحكت البنات بصخب
ساره /يخربيتك من حق سراج يولع فيكي والله
سمر / ياختي مش بعلم البنات واهو بتسلي
جميله بضحك /اسكتي ده انا بنشل والله ده انتي جوزك عاقل امال انا أسد يا ختي
نور بضحك / احكي احكي
جميله بضحكة صاخبة / في مره كنت معديه من قدام اوضه العيال ولقيت أسد معاهم وبيقولوا

Flash back

أسد / لا لا يا حجه سما مش عاجبني ادائك ضعيف جدا
سما ذات السبع اعوم / يوووه يا بابا اعمل ايه اتدربت كتير علي الدور
أسد / مش مقنع خالص احنا عايزين ماما توافق تخلينا نروح دريم بارك وهي مش بترضي عشان الاصابات اللي بتحصل في الألعاب هناك دورنا احنا ايه بقي اننا نقنعها بكام دمعه كدة وكام دور مؤثرين
نظر لابنه صاحب الثمانيه أعوام / يلا يا خالد وريني انت كده
خالد / احم احم ماما لو سمحت ممكن نروح الملاهي احنا أطفال برضو يا ماما لينا احلام نفسنا نحققها ومن ضمن الأحلام دي اننا زي اي طفل نلعب ونفرح ونتنطط ليه انتي عايزه تحرمينا طفولتنا ليه يا ماما مش بنصعب عليكي يا ماما ليه كده ليه
أسد وهو يصفق ويمسح دمعه وهميه / الله يا بني انت لمست قلبي انت اللي هتغني يا منعم
ثم نظر لابنته / شوفتي يا حجه سما شوفتي الإبداع يلا وريني كده
سما بتفكير / بابي هو مش ماما تركيه ليه منحولوش نقنعها بالتركي هتبقي لفته جميله
أسد برفض / تؤتؤتو مش حلو خالص ابدا صدقيني المصري بيليق اوي في جو الشحاته
يعني مثلا تقوليها بالتركي (ارجوكي ماما نريد الذهاب للملاهي) ولا تقولي بالمصري ( احيات عيالك ياشيخه لتحني علي امنا وتودينا نتمرجح)
ها اي لغه حستيها لمستك كدة
سما / الصراحه المصري حلو لغه عميقه مست شغاف قلبي واقتنعت خلايا عقلي و..
أسد / ياختي بس بس بس انتي متقعديش مع امك تاني بقي انا بحاول اعلمكم لغه بلدكم الاصيله واقولك يا باشا ويا زميل وقعدة واحده مع امك تقلبك الأصمعي
سما / مين الأصمعي دة يا دادي
أسد بقرف / دادي الأصمعي ده يا روح دادي كان أديب عربي قديما معروف المهم سيبنا من الأصمعي دلوقتي وسمعي النص بتاعك
سما وهي تنظر له وتحرك شفتها مثل الأطفال / احيات عيالك ياشيخه ودينا الملاهي عايزين نعيش طفولتنا بالله عليكي ياما
أسد وهو يصفق/ الله الله عليكي ياست هو ده يا فنانه
سما بفخر / بس خدت بالك يا دادي وانا بقول اما
أسد بغمزه ظ بتتعلمي بسرعه يابت
ثم نظر لهم / اشطا اسمعوني كويس عايز دموع وشحتفه في الكلام عايز كأن ريهام سعيد بتعمل حلقه معاكم عايز دموع وتأثيرات اشطا
الاولاد/ اشطا ياباشا

Back

ضحكت نور بشده علي أسد واطفاله / يا نهاري ده هو الشرق ومالك الغرب طب احكيلكم انا اللي حصل اخر مره
Flash back

عبدالرحمن / فهمتي هتعملي اية ولا هتودينا في داهيه زي كل مره
دانه بغيظ / انا برضو دي ماما
عبدالرحمن / عندك حق ماما دايما هي اللي بتبوظ الخطط بتاعتنا المهم نفذي التعليمات بدقه فهمتي
دانه وهي ترمي شعرها للخلف / عيب عليك يا كبير
عبدالرحمن / اشطا يلا ابدأي
اخذ الطفلان يتسحبان علي أطراف اصابعهم وهم ينظرون حولهم خوفا ان يراهم مالك اتجهوا لغرفه والدهم واشار عبدالرحمن لدانه لتبدأ دورها
هبطت دانه للمطبخ لتشغل نور التي كانت تحاول أن تطبخ فمازالت تتعلم
دخلت دانه المطبخ وجدت والدتها تخلع المريول وتضعه علي الرخامة وتخرج من المطبخ نظرت لها برعب وركض لتوقفها
/ ماما
نظرت لها نور بتعجب / نعم يا دانه
دانه هو تنظر لاعلي حيث عبدالرحمن / اصل اصل اه اصل بطني بتوجعني اوي اة يا بطني اه بتوجعني اوي يا ماما ركضت نور لها واسندتها حتي وصلت للاريكه وضعتها عليها / حبيبه ماما استني هنا عندي دوا حلو اوي فوق هروح اجيبه
دانه بسرعه / لا يا ماما اصل الوجع في بطني خف بس مره واحده حسيت بصداع ودوخه كده
نور بتعجب / دي اعراض حمل دي يا حبيبتي طب اصبري هطلع اجبلك دوا الصداع
دانه / برضو
نور بتعجب /نعم
دانه / يعني حضرتك مسمعتيش عن الطب البديل ابشر لمونه اشرب مايه بسكر اغلي قرفه اديني ينسون كله فوق فوق فوق
نور بجهل / يعني اي مش فاهمه عايزه ايه دلوقت
نظرت دانه للاعلي وجدت عبدالرحمن يشير لها أن المهمه نجحت / مش عايزه حاجه يا ماما خلاص يلا باي
نور وهي تنظر لها وهي تركض للاعلي / اه يابنت الهبلة
ثم اتجهت نور لغرفتها هي ومالك لتجهز نفسها قبل عوده مالك
فجأه سمعت صوت طلق ناري صرخت نور وركضت لخزانتها وبحثت عن سلاحها ظنا ان احد يهجم عليهم ولكن لم تجده فتحت عينها باتساع ظ اه يا ولاد الوسخه بتلهيني عشان تاخدوا السلاح ركضت نور للغرفة وجدت دانه تمسك السلاح وهي تنظر لعبدالرحمن /بينضرب كده
صرخت نور / لالالالا
أطلقت دانه رصاصه من المسدس تجاه نور بالخطا فتحت نور عينها بصدمه ولكن فجأه وجدت نفسها في الأرض ومالك فوقها ضربت الرصاصه في الفاظه خلفها فكسرتها واتجهت للخارج واصطدمت في النجفه الرئيسيه فحكمتها كليا سقطت النجفه ركض الجميع إليها ووقفوا علي السلم وهم يشاهدون سقطت النجفه علي الشاشه وتناثر الزجاج في كل مكان نظرت نور للمنزل بصدمه ثم استدارت للأطفال / اه يا ولاد كوم شكاير اليهود انتم ايه يخربيتكم
استدار مالك بكل هدوء / الشاشه دي لسه متغيره من اسبوعين والنجفه دي من ايام جدي والتحفه اللي انكسرت في اوضتكم دي عارفين مكلفه كام غير امكم اللي كانت هتموت لولا اني لحقتها وربكم ستر
اخذ نفسه وتحدث بهدوء يسبق العاصفه / دلوقتي عايز اعرف ايه اللي وصل المسدس ليكم
نظر الطفلان لبعضهم البعض ثم اشتروا لنور / ماما
نور وهي تنظر لهم باعين مفتوحه / انا انا اة ياولاد ال........

Back

ضحك الجميع
ساره ظ يخربيتك يا نور انتي عيالك اي ده لا بجد حاجه صعبه الله يعينك عليهم دة مالك بيصرف فلوسه علي اصلاح البيت علي كده
نور بضحك / مالك شويه كمان هيرميني انا وعيالي في الشارع والله علي اللي بيحصل فيه ساعات بيصعب عليا والله
جميله بضحك / لا ده انا أسد بالعيال ملايكه جنب عيالك
جنه بضحك / طب وانا كمان هحكيلكم عن عمر ونرمين و مراد وخالد
Flash back

كان الأطفال الثلاثه يقفون بجانب بعضهم بالترتيب فنبدأ بالكبير خالد ثم نرمين ثم الصغير واخر العنقود مراد
عمر وهو يتحرك ذهابا وايابا أمامهم / دلوقتي ومن غير اي نقاش عايز اعرف مين اللي اكل الجبنه
نظر له الأطفال في بلاهه
جنة وهي تضرب علي جبهتها / الرحمه من عندك يارب
عمر وهو ينظر لهم / اه اسف اندمجت شوية احم مين اللي اخد ورق المشروع اللي انا شغال عليه بقالي تالت اسابيع واللي من حظ ابوكم الأسود انه ملوش ولا نسخه
نظر الأطفال له نظره كلها براءه بعيون القطه
عمر / والله لو شفتكم بتقطعوا في شراينكم دلوقت ماهعتقكم
ثم قال وهو يمثل البكاء / هنطرد بسببكم يا كلاب سراج هيعملني شوارما يرضيكم ابوكم يتعمل شوارما
نظر له الأطفال بخوف
ذهب لخالد / خالود حبيب بابا العاقل فين الورق يا حبيبي ها
نظر له خالد ببراءه / صدقني يا والدي لم امس اي شئ كم مكتب حضرتكم المبجل
عمر / لا بص مش ناقص غير تقولي ولد خسيس وأمان ياربي امان جو سرايا عابدين مش بيمشي معايا فلخص كده وهاتها علي بلاطة
خالد / مش معايا احاج
عمر/ ايوه كده ارجع لاصلك الوسخ
ثم تحرك لنرمين ابنته المدللة / نيرو حبيبه بابي تعرفيش فين الورق يا اخت نيرو
نرمين بدلع معتاده عليه / لا يابابتي معرفش
عمر /نرمين انا بخاطب روح الكلبوبه اللي جواكي ابوس ايدك هتكدر
نرمين نظرة للسقف وهي تحاول الا تنظر له
نظر لها عمر بغيظ / اه يا كلبه
ثم تحرك للصغير ذو الثلاث أعوام الذي يقف وكل فتره يقع فلم يعتاد الوقوف بشكل صحيح بعد / مراد حبيب بابا شفت الورق بتاعي
مراد بضحك / بابا
عمر / اه بابا اللي هيتنفخ
مراد / بابا ان مغتي خنيتكص
عمر / صادق يا مراد مصدقك يا حبيبي
ثم وقف ونظر لهم / الظاهر مش بتيجوا بالحسني
ثم ذهب لاحدي الكنبات وأخرج عصا كبيره وضرب بها علي الارض
وتحدث بصوت رمضان ابوالعلمين / يمين بالله اما طلع الورق خلال خمس دقايق لكون ماددكم علي رجليكم
ثم صرخ/ حالا
ركض الأطفال من أمامه ثواني وعادوا بالورق أخذه منهم عمر بغضب / اه ياولاد ال.........
نظر له الأطفال ثم أخذوا ينسحبون ببطئ للخلف حتي وصلوا للغرفه واغلقوا الباب جيدا
فتح عمر الورق ونظر فيه بصدمه من الرسومات الموجوده به ثم صرخ / خااااااااللد نرمييييييين.

Back
سمر / يخربيتكم هموت هههههههههههه
ساره / طب اقولكم انا علي موقف يكاد يكون نادر في بيتنا اسمعوا مره..........

يتبع..................

رأيكم مستنياه 💋💋💋🔥👐👐🌚🌚🌚