رواية بنت الشيطان الفصل الثاني 2 - بقلم رحمة نبيل

••
"نسألك يا الله لطف القدّر، وحلاوة الأيام،
وسعادة الروح وراحة القلب..))"♥🌍
~"حفيدات عائشه..♥🌍))"~
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
开始吧
💋💋💋💋💋💋💋💋💋💋💋
في المدرسه
دخلت سمر للفصل ووضعت حقيبتها علي مكتبها ثم استدارت لتواجه الطلاب وقالت / بهدوء كده عايزه اعرف مين كريم اشرف؟؟
قام احد الفتية برفع يده بحماس شديد وهو يصرخ / انا يا ميس انا
سمر ببسمة متعجبه / فخور اوي ياكريم تعالي ياحبيبي
ذهب إليها الفتى بسرعة ولهفة كما لو كان ذاهبا للتكريم
سمر وهى تحاول الا تفقد اعصابها / عايزه اعرف ياكركر ياقلبي مين اقنعك ان الفرانكو هو الانجلش ياحبيبي
كريم بجهل لما تقوله / يعني ايه فلامنكو؟؟
تنفست سمر بعنف ثم قالت / كمان فلامنكو اتفضل يا استاذ كريم اسفه علي ازعاجك
ذهب كريم لمكانه
فجأه لمحت احد الأطفال وهو ينظر لصديقته / الاستاذ النحنوح خف تسبيل الله يكرمك ياحبيبي والبنوته الصغيره علي الحب لمي نفسك ياختي جاتكم البلي
طرق باب الفصل ودخل المدير
المدير ببسمة عملية / بقاطعكم ولا حاجه
نظرت سمر له بانتباه شديد وقالت / اتفضل يافندم ولا يهمك
دخل المدير واقترب اكثر من مكان وقوف سمر ثم نظر لها وقال بتقرير / انا بس كنت عايزه اشوف مستويات الأطفال في تحسن ولا لا
سمر بصوت منخفض وتذمر / هو انا لحقت اعمل حاجه ده انا مبقاليش هنا يومين
نظر لها المدير بتعجب / بتقولي حاجه يا استاذه سمر
سمر ببسمة غبية / احم لا يافندم ولا حاجه اتفضل يافندم
هز المدير رأسه ثم نظر للطلاب ببسمة وقال لهم / good morning
نظر له الطلاب ببلاهه وفتحوا افواههم وكأنه طرح عليهم إحدى العمليات الحسابية المعقده
اخفت سمر وجهها بخجل وهى تقول / احيه ياكسفتك ياحازم
فجأه وبدون مقدمات قام احد الطلاب وهو يرفع يده / انا عارف ياميس اجابه السؤال ده اجاوب
نظرت له سمر بتساؤل وقالت / سؤال؟!!! جاوب ياحبيبي
نهض الطفل وتحدث وهو ينظر امامه باستقامة كأنه يالو قسم ما / morning good
نظر له المدير ببلاهه قليلا ثم قال له ببسمة / نعم ياحبيبي قلت ايه معلش ما اخدتش بالي
الطفل بفخر وهو يكرر عليه حديثه / morning good
سمر بسرعه وهى تحاول مدراة ما يحدث / قصده good morning حضرتك، بس الولد ده عنده حول
الطفل باصرار وهو ينظر لها بتذمر /لا هي morning good على فكرة
مش احنا لما حد يقول السلام عليكم بنقول عليكم السلام
هو زيها بقي good morning نرد morning good
نظر لها المدير وكأنه يقول ماذا يحدث هنا
سمر وهى تهمس لنفسها /هو بيبص كده ليه مقتنعش ولا إيه ده انا ذات نفسي اقتنعت
ثم نظرت للمدير وحاولت تبرير موقفها وقالت / ياحضره المدير دي لسه تاني class ولسه مبدأناش حاجه خالص
المدير بحده وعدم تصديق لما رأى منذ قليل / بس مش لدرجه التحيه دي أساسيات يا استاذه ودول سنه سته ابتدائي
سمر وهى تنظر بحنق له ولصراخه / يافندم مش انا اللي كنت مسؤله عن الفصل انا لسه مسكاه قريب يعني ملحقتش اثبت نفسي
تنفس المدير ليهدأ وقال / تمام يا انسه سمر قريب جدا هعمل مرور تاني واشوف وصلتي معاهم لفين
ابتسمت له سمر لتخفي غيظها / بإذن الله يافندم تشرف حضرتك
خرج المدىر ليكمل باقي مروره و نظرت سمر للطلاب بشر وهمست لهم / روحوا الله يكسفكم طلعوا الكتاب الأبيض، اسود يا خويا انت وهو

في شركات حميد الشرقاوي
كان عمر يعمل علي احد المشروعات التي كلف لها وفي ذلك الوقت دخلت عليه احد زميلاته وكانت فتاه لطيفه جدا وتحبه ولكن هو يعتبرها شقيقته فقط
ابتسمت له صابرين وهى تحاول أن تلفت نظره إليها / صباح الخير ياباشمهندس
عمر وهو ينظر إليها سريعا / صباح النور ياصابرين اخبارك!!
صابرين ببسمة لطيفه / الحمدلله انت عامل ايه؟؟
نظر لها عمر ببسمه اخويه /الحمدلله بخير
تحدثت صابرين بعد صمت دام قليلا وقالت بخجل / احم اي رأيك تتغدي معايا انهارده يا بشمهندس
عمر وهو ينظر لها ويعرف بماتفكر ولكن لا يستطيع فعل ذلك / اسف بجد يا صابرين بس والله مشغول جدا ممكن مره تانيه بإذن الله
صابرين بخيبه امل كبيرة / تمام ولايهمك بعد اذنك
خرجت صابرين ونظر هو خلفها بحزن هو يعتبرها اخته فقط ولكن هي لاتنظر اليه هكذا دخل صديقه محمد ونظر لصابرين وهي تخرج
محمد وهو ينظر له بحزن / هي صابرين كانت هنا ليه
نظر عمر لصديقه بغموض وقال /كانت بتعزمني علي الغدا
نظر محمد بحزن له فقام عمر من مكتبه وذهب لصديقه / قلتلك يامحمد صارحها بحبك بدل مانت مش عارف ترسي علي بر كده
محمد بخوف وقلق من خسارة صداقتها / خايف ترفضني واخسر صداقتها ياعمر
ابتسم له عمر وقال بأمل / يبقي علي الاقل عرفت مشاعرها بدل مانت متعلق مش طايل سما ولا ارض
محمد بتفكير في الأمر / تفتكر
ربت عمر على كتفه وقال / توكل علي الله ياصاحبي

في المخزن نظرت نور في الغرفه التي وضعت فيها فوجدت أطفال صغيره يبدو انهم مخطوفين / اه ياجذم يعني مش سرقه بس لا واطفال كمان ومخدرات وبلاوي
ذهبت للأطفال وجدتهم يرتعشون من الخوف نظرت لهم بشفقه وخلعت العباءه التي ترتديها ووضعتها عليهم وبقت ببنطال قماش وتيشرت فقط وهمست بقلق على الأطفال / يارب عديها علي خير حتي عشان الأطفال دول وانا والله لما اخرج هتدرب علي حجات تنفعني بدل مانا نيله كده

في الخارج
الرجل الكبير وهو ينظر امامه بشر / لا ده انت عايز تتربي بقي
ثم نظر لرجاله وقال بأمر / هاتوه
ذهب احد الرجال ليحضره ولكن بمجرد ان رفع يده أمامه كان الشيطان يمسك يده ويضغط عليها بشده حتي سمعوا صوت تكسير عظامه نظر له الجميع بصدمه ثم هجموا عليه قام الشيطان ومسك الكرسي وضربه عليهم فتكسر علي جسدهم جاء أحدهم بسلاح قاصدا ان يصيبه به ولكن الشيطان مسك يده وقام بكسرها ورماه أرضا ومسك اخر من عنقه وخنقه ولكن تركه قبل أن تخرج روحه وقام بضربهم جميعا ثم ذهب للكبير ونظر له نظره مرعبه / انت عايز ايه خد كل حاجه وسيبني في حالي
نظر له الشيطان ببرود شديد وهمس بفحيح / مش بمد ايدي علي نسوان
كان كل هذا تحت أنظار نور التي كانت تنظر من النافذه عندما سمعت صراخ الرجال وجدت شخص يضرب الرجال بشده
نور بتشجيع كما لو كانت تشاهد مباراة / ايوه كسر عضمهم الكلاب دول
ثم صفقت بيدها وهى تصفر / ايوه ياجامد لا باشا باشا يعني مفيش كلام اه لو يعلمني اضرب زيه كده
ثم فكرت لثواني وقد اعجبتها هذه الفكره / وليه لا انا هقوله يعلمني

بعدما انتهي الشيطان منهم توجه الى الحجره التي توجد بها نور والأطفال وفتح الباب ركضت نور اليه بسرعة ولهفة وهى تقول / الله عليك يابني ده انت طحنتهم
نظر لها بتعجب من شكلها ومن وجودها هنا ولكنه تجاهلها وذهب للأطفال وتحدث لهم بحنان / كل واحد يروح لبيته يلا بسرعه
ركض الأطفال للخارج ماعدا ابن السيده سماسم حيث انه كان نائم حمله الشيطان وخرج فتبعته نور / انت بجد كنت فظيع انت عملت كده ازاي ها ها طب هو انت ممكن تعلمني اصل انا عايزه اتعلم ابقي زيك كده تفتكر هاخد وقت قد ايه اتعلم تفتكر هكون زيك كده انت مش بترد ليه
وقف الشيطان فجأة فاصطدمت به عندما وقف وقالت بوجع / اه خبطت في خرسانه ايه ضهرك ده
جائت السيده سماسم عندما رأته يحمل ابنها فاقتربت منه و أخذته وهي تبكي وتقبله / ربنا يخليك يابني يارب ويسعدك دايما ويرزقك ببنت الحلال اللي تسعدك يارب
نظرت لها نور ببسمه ثم نظرت لذلك العملاق بجانبها
تحدث ذلك الرجل بنبرة جامده / ولا يهمك
ثم تركها وذهب
نظرت له نور بتعجب لذهابه هكذا دون مقدمات وركضت خلفه بسرعة
نور وهى تركض خلفه وتتحدث ببسمة / انت بتتكلم اهو امال مش بترد عليا ليه ها
ركب سيارته وكان سينطلق ولكن اوقفته نور وهى تنظر له ببراءة وتقول /طب حتي وصلني في سكتك ممكن
ترقف ونظر أمامه ببرود فصعدت نور السيارة بسرعة قبل أن يتركها ويذهب وقالت / اعتبر دي موافقه شكرا جدا
وركبت بجانبه وهى تدعي الهدوء عم الصمت في السياره
بدأت نور تزيل تنكرها و أزالت لون وجهها بمنديل وازالت طقم الأسنان و الشعر المستعار
وكان الشيطان يتابعها بصدمه من كتله اللطافه أمامه
نور ببسمة لطيفة / نسيت اشكرك علي مساعدتي
انا نور وانت
لم يرد عليها
نور بملل من صمته ذاك / انت ساكت كده علي طول
ولكن هو لم معها الان هو مع هذه الملاك التي كانت رفيقه أحلامه منذ سنوات طويله نعم فهو منذ سنوات يحلم بفتاه مجهولة تؤرق نومه دائما والان هي امامه لذا لا تتوقعوا منه أن ينتبه لحديثها
نور باصرار كبير وفضول / مقولتليش اسمك ايه
قال الشيطان بدون النظر إليها بصوت اجش / شيطان
نظرت نور له بتعجب من الاسم / أعوذ بالله من الشيطان الرجيم، ليه يابني اسماء ربنا خلصت
وصل شيطان عند محطه باص واوقف سيارته وهو مازال ينظر امامه بينما نظرت له نور ببلاهه / ايه وقفت ليه
الشيطان ببرود وهو لا ينظر لها / انزلي
نور ببلاهة شديدة / بس بيتي مش هنا
تحدث الشيطان ببرود شديد / اركبي باص مش مشكلتي
نور وهي تهم بالنزول وتنفخ بضيق / ايه الوقاحه دي شخص معندهوش دم
لم تجدنور تهبط من السيارة حتى انطلق هو بسرعه نظرت نور لاثره بتعجب ثم أخرجت هاتفها واتصلت بعمر ليٱتي لاخذها ونظرت لاثر سيارته بحزن وهى تفكر في فرصتها التي ضاعت الان فهى تريد أن تتدرب علي يده ولكن فجأه ابتسمت باصرار لكى تجعله يدربها
ولكن كيف ستصل له!؟؟
جاء عمر في هذا الوقت واخذها ثم تحدث بمزاح ليغظيها /خلصتي بيع جرجير
نظرت له نور وضحكت بسماجة / هاهاها ظريف اوي
ضحك عمر ثم نظر لها بتعحب وقال / مالك كده مش طايقه حد
زفرت نور وهى تتذكر ما حدث / اسكت ياض ياعمر اما انا شفت حتت شاب ملهوش حل
عمر وهو يغمز لها بمشاكسة ظنا منها انها تمزح / هي السنارة غمزت ولا ايه
نور وهي تضربه بكتفه بحده / شوف الدماغ انا بتكلم في حاجه تانيه مش شكله خالص
تحدث عمر بتعجب لحديثها الغير مفهوم / حاجه ايه
نور وعر تشرد ببسمة / ضربه
تشنج عمر وقال بعدم فهم / ضربه؟؟؟
نور بانبهار وهى تقص عليه الأمر / اه ياعمر مشفوتش وهو بيضرب الاشرار كان عامل ازاي ولا بروده يخربيت كده ولا منظره تبص في عينه تحس بهيبه كده ونظرته مرعبه تخليك تتمني الموت
عمر بانبهار من حديثها / هو مين ده
تنهدت نور بيأس / معرفش حاجه وانا في المهمه كنت خلاص هروح بلاش، بس هو جه انقذ الكل
اه صحيح قاله اسمه الشيطان
أوقف عمر السياره بسرعه فارتد جسم نور للأمام وصرخت به بضيق / في ايه ياغبي هتموتني
عمر وهو ينظر لها برعب ويبتلع ريقه / قلتي مين!؟؟ الشيطان!!!
نور بتعجب من ملامحه ثم قالت بلهفة / اه الشيطان ان تعرفه
عمر وهو ينظر لها وكأنها برأسين / ازاي شوفتيه اساسا وازاي متعرفيش شيطان المخابرات
نور بتفكير / شوفته زي ماشيفاك دلوقت وايه شيطان المخابرات ده
تحدث عمر وهو يحاول ان يوضح لها الأمر /شيطان المخابرات ده حاجه كده زي الأساطير شخص اسمه لوحده كفيل يموتك بسمع انه مرعب جدا ومحدش عمره شاف شكله الحقيقي ده مشهور جدا يابنتي
نور / فعلا كان في لحيه وشنب كبار مغطين وشه غير انه لبس نضاره غطت ملامحه ومكانش باين حاجه بس هو خطير اوي كده
عمر وهو يكمل طريقه ويقص عليها كل ما يعرفه / خطير بس،ده مرعب بسمع عنه أساطير كتير والناس كلها عندها فضول تعرفه بس محدش يعرف شكله الحقيقي غير مدير اعماله بس
نور بفضول شديد / مين هو مدير اعماله
تحدث عمر دون أن ينتبه إلى تلك التي تستدرجه في الحديث / سراج النويري
نظرت له نور قليلا بتفكير ثم قالت / مش ده مدير شركه النويري للادويه
هز عمر رأسه بايجاب وقال / هو ده يعتبر البوابه للشيطان اي حد عايز يوصل حاجه ليه بتبقي عن طريقه هو
و الآن عرفت كيف ستصل له وكلام عمر لم يزدها سوي اصرار اكثر

عاد لمنزله ونزع التنكر ونظر لنفسه في المرأه بشرود وعدم تصديق لما شاهد منذ قليل / اكيد مش هي ازاي ابقي بشوف واحده في أحلامي وتطلع موجوده فعلا اكيد مش هي حتي لو هي مش هينفع أقرب منها انا حياتي مش هتستحمل اي علاقه انا حياتي لشغلي بس
اقنع نفسه بهذا وذهب ليستحم ويرتاح من عناء ما يلقاه

في الصعيد
كان يجلس مع رجلان في منطقه نائيه وهو يشرب الخمر
عثمان بحقد شديد / اه يامين يلايمني عليها
ضحك عليه احد أصدقائه والذي كان يجالسه / هههههه انت لساتك عم تنمر علي بت عمك
تحدث عثمان باصرار شديد / ومش هستريح غير لمن تكون مرتي
قال صديقه الاخر باستخفاف / البت دي راحت مصر غير انها ضابط هتبصلك كيف يعني
قال عثمان بحده وعنف / ليه مشبهش ياولد المركوب ولا ايه
حاول طه ان يهدأ عثمان / عوض مش جصده يا عثمان بس هو جصده انها اكيد شافت شباب هناك حلوين ومش هتبص للرجال حدانا اهنه
عثمان وقد اعماه تملكه المريض بنور / ولو نور ماهتكونش غير ليا حتى لو اضطريت اقتل عشان اوصلها

دخلت نور للمنزل هى وعمر وجدت سمر تجلس وتشاهد فيلم حزين وتبكي بشده وكأنها فقدت عزيز لها اقترب نور منها وقالت بتعجب / يابنت الهبله يا سمر مالك ياختي؟؟
سمر ببكاء شديد وهى تشير للتلفاز /شفتي يانور البطل ضحي عشان خاطر يسيب حبيبته تعيش بسلام كان ممكن يبطل خمره ويعيش معاها بسلام بس لا انتحر الحمار
نظرت نور للفيلم بملل وتحدثت / اشيقي تو هو انتي مش اتفرجتي عليه ميت مره
قالت سمر بتأثر وهى تمسح عيونها / بس حلو اوي بحب اتفرج عليه
خرج عمر من غرفته بعدما بدل ثيابه وقال / عملتي اكل ياسمر! ؟
نظرت له سمر بغضب / اكل ايه بقولك البطل انتحر
أجاب عمر عليها بغيظ / مايولع احنا هنطفح ايه
تحدثت سمر وهى تشيخ بيدها / معملتش اكل
زفر عمر وهو يحاول الهدوء / نعم ياختي معملتيش اكل ليه
نظرت له سمر بعدم فهم لسؤاله الغبى من وجهه نظرها / ايه جيت من المدرسه صححت الكتب وبتفرج علي الفيلم اقطع نفسي؟؟؟
تحدث عمر بسخرية لاذعة / لا معاذ الله نولع احنا حضرتك
حاولت نور تهدئة الأجواء / خلاص ياعمر هغير واجي اعملكم بطاطس
عمر بملل / بطاطس بطاطس معدتنا وجمعتنا منها
انا هنزل اجيب من السوبر ماركت لانشون وجبنه ومربي وهفوت علي الفرن اجيب فينو نمشي بيه اليوم
نور حتى تحاول تهدئة عمر من عصبيه / اشطا ياكبير وانا هعمل عصير برتقان واعمل فشار ونجيب فيلم رعب وننتقم من البت دى
ضحك عمر بشده على اقتراحها / اشطا يبشه.
وخرج ليحضر الطعام وهي دخلت لتبدل ثيابها وبقيت سمر تشاهد الفيلم دون أن تهتم لهم

دخل سراج للمنزل بكل هدوء وجد شيطان يجلس أمام التلفاز وهو شارد الذهن نظر له سراج بتعجب
وهو يقول / شيطان انتي يابني
نظر له شيطان بدهشه وقال /سراج انتي جيت امتي
سراج بتعجب لشروده / لسه جاي مالك سرحان في ايه.
قال له وهو يتنهد بتعب / ولا حاجه عادي مهمه كده جبت عشا معاك
سراج بعظم تصديق لحديثه / اه جبت امتي ربنا يتوب علينا من أكل بره ده بقولك ايه مش ناوي تتجوز كده وتجيب وحده تعمل حس في البيت بدل ما احنا بوزنا في بوز بعض كده
نظر له شيطان بسخرية وقال / تفتكر حياتي تسمحلي اني اتجوز
سراج وهو يتحدث ببساطة / ليه لا عادي
نظر له بشرود وقال وهو يبعد الفكرة من رأسه / انسي بقولك ايه يلا ناكل ونخرج عشان انا زهقان
سراج وهو يرفع حاجبه بعظم تصديق وسخرية / الشيطان عايز يخرج
نظر له بتذمر وقال / ايه مش بني آدم ولا ايه.
ضحك سراج وقال / لو عايز الصراحه ولا تمت للبني ادمين بصله
نظر له نظره مرعبه وقال / طب يلا روح جهز السفره بدل ماتترحم علي نفسك
سراج وهو يركض من أمامه برعب /هروح اجهز السفره حالا انت تأمر
نظر شيطان في اثره ثم شرد مجددا وتذكرها هي مقتحمه أحلامه ولكن سرعان ما ابعدها عن عقله

عاد عمر للمنزل وهو يحمل بعض الحقائب ولكن وجد الفتاتان تتشاجران
وضع عمر الأشياء علي السفره وركض لهم يحاول الفكاك بينهم ولكن كان الضرب الأكبر من نصيبه
عمر وهو يحاول جعل سمر تتوقف / اهدي يا سيد المعلمين بس هي قدك دي
سمر وهى تحاول الوصول لنور / ابدا والله اجبها من شعرها الوليه دي
نور وهى تختبئ خلف عمر / امسكها ياعمر دي بقت مسعوره
مد عمر يده بينهم وهو يقول / طب في ايه فهموني
سمر وهي ترفع في وجههم فستان يبدو أن جديد ولكن به بعض القطوع في أماكن مختلفة
نظر له عمر وهو يحاول تقييم الأمر / ماله ده
سمر بصراخ وهي تحاول امساك نور من شعرها / الاستاذه قطعتلي الفستان اللي مش لبسته غير مرتين عشان ترقع العبايه اللي اتنكرت بيها
نور وهى تحاول أقنعها بفعلتها / عشان اكمل الدور يا سوسو يعني اروح بعبايه كامله وعاديه كده المصداقية تضيع
سمر وهي تضربها ولكن تأتي الضربات في عمر / لا ازاي تقطعي الدريس الجديد بتاعي عشان نسبك الدور وفي الاخر فاشله برضو
نظرت لها نور بصدمه كٱنها قالت شئ لاتسمعه كل يوم / انا فاشله ياسمر؟؟
سمر باصرار / اه فاشله ايه زعلتي قال يعني مكنتيش تعرفي
نور نظرت لها بغضب وصرخت بها / فاشله في عينك ياسمر انا ضابطه محترفه
سمر بسخريه / ضابطه ياشيخه غوري انتي بتعرفي تضربي عيل صغير
نوى بتحدي ستندم عليه لاحقا / طب ايه رآيك اني في خلال تلات شهور هكون محترفه
سمر وهى تنظر لها بتحدي / وانا موافقة
نور بتحدي وبسمة وإصرار / هتشوفي
عمر متدخلا ليفض القتال /time out ياجماعه يلا نطفح عشان هموت من الجوع
نور وهي تذهب ناحيه الغرفه وتشيح بيدها / كلوا انتم بالهنا والشفا
نظرت ثمر لاثرها بدهشه وقالت / هي زعلت مني؟؟
عمر بتأنيب / الصراحه انتي زودتيها ياسمر مش كفايه كله شغال إحباط فيها نيجي احنا كمان نحبطها
نظرت سمر له بدموع خوف ان تكون احزنت قلب اختها
دخلت سمر لغرفتها هي ونور وجدتها مسطحه علي الفراش وتنظر للسقف بشرود كبير
سمر مقتربه منها وهى تهمس بخجل / نور انتي زعلتي مني عشان قلت عليكي فاشله
نور وهي تربت علي يدها بحب وحنان / لا عادي ياقلبي انا بتتقالي الكلمه دي اكتر من السلام عليكم وانتي عارفه اختك عمرها مابتحط حاجه في دماغها ابدا عشان اقدر اكمل.
عانقتها سمر بتشجيع / حبيبتي انتى مش فاشله ابدا كفايه قلبك الأبيض ده اللي زي الأطفال انتي جوهره يانور عيني
ابتسمت نور على اللقب التي تقوله دائما سمر لها / حبيبتي ربنا يديمكم ليا يارب
سمر للسنة وحنان كبير / امين يا قطتي يلا بقي نطلع ناكل والا زمان الواد عمر نهي علي السفره. نظرت لها نور بضحكه طب روحي الحقيه وانا هغسل ايدي واحصلكم
خرجت سمر وأكملت نور تفكيرها كيف ستستطيع خلال ثلاث شهور تعلم القتال
في البدايه هي كانت تأخذ امر الشيطان كتسليه لوقتها ومن باب الفضول ولكن الآن أصبح امر محقق يجب أن تبدٱ في خطتها سوف تجعل الشيطان يدربها بنفسه وهذا ماعزمت ان تنفذه في الصباح الباكر

في الصعيد كان يجلس كعادته مع طه وعوض
عثمان / يابووي البت نور مش راضية تخرج من نافوخي
طه بخبث شديد / هي تستحج الصراحه وهي كيف الجشطه
نظر له عوض بقرف هو يعرف طه دائما يطمع بكل شئ له ولا يبالي ان كانت تخص احد حتي صديقه المقرب هذا اذا اعتبرنا ان نور تخص عثمان
كل هذا وعثمان لايعي شئ بسبب الثماله جاءت اليه فتاه تعمل هناك وأخذت تغويه واطاع هو شيطانه وغادر معها لشقتها التي اشتراها له فقط بعيدا عن منزلهم وكل هذا وهو لا يعي ما يحدث

كان الشيطان يقوم بالتمارين في حجره تحتوي على أجهزة رياضية دخل عليه سراج وفي يده ظرف يوحي بمهمه جديده نظر له الشيطان نظرته المظلمه وجسده المعضل يلمع بسبب عرقه الذي يتساقط
سراج بجدية وتقرير / القائد بعت لك تفاصيل المهمه الجديده
نظر له شيطان بمعني ان يكمل
سراج ببسمة غامضة / جهز نفسك للذهاب لاسبانيا
نظر الشيطان أمامه بنظره توحي باستيقاظ الوحش داخله............

ياتري نور هتوصل للشيطان ولو وصلت هيوافق يدربها ولما يوافق حياتهم هتمشي ازاي بجنون وطفوله نور وبرود وشراسه الشيطان ♥️
كل ده هنعرفه في الفصول الجايه الروايه لسه في الأول ولسه الكبير جاي ورا 😉
دمتم سالمين
رحمه نبيل ❤️ ❤️ 美心
再见♥️♥️🤗🌷