رواية بنت شيوخ مو بنت شارع الفصل الخامس 5 - بقلم الحساب مغلق

حسن- اي دك تلفوني الو ها حبيبي شونك
الحمد لله اني والله بيت جدي وطالع اتسوك مااكدر انلاكه وياك اذا هاي باجر ليث وياك
ديله شتسوي بيه بعد فدوه لكلبك
روان- يجوز هاي بنيه بداخلي اوو باع اني
رزان- وصلنا المول وبدينا نتفرج عالملابس نشتري دخل حسن وروان وحنان وحيدر اشترو احذيه سمعت صوت اعرفه التفتت شفت اركان بقيت صافنه
اركان- انداريت صدفه شفتها بالمول يم محل ملابس صفنت خزرتها كمت من مكاني مشيت تجاهه هي ارتبكت رادت تروح
اوكفي رزان بس داحاجيج هاي شبيج وكفت التفتت عليه
رزان- شتريد بعد
اركان- وينج بعد تنهدت مداومتي ردت بس ردت اعتذ-- رزان وينج
حسن-!!!
قطبت حاجبي
حسن- اركان!! شنو شعدك وياها باوعت لرزان قاطب حاجبي تعرفي
رزان- ردت اوكع من طولي انفضحت باوعت لاركان بتوسل
اركان- ها هلو حسن اي طبعا تعرفني غير تشتغل عامله عدي جتي المصيبه الثانيه اني دخت شعدها وي حسن وشون   دخت روان- طلعت من المحل شفت اركان واكف وي رزان ركضت عليه شتريد من اختي حقير شتريد تسوي اكثر بعد
رزان- جريت روان كرصتها باوعت بعينها سكتت
روان- نسيت نفسي نسيت حسن اذا عرف المسويته يكول لامي وخوالي شيسوون بيه بس منين يعرف حسن
حسن- احدد يفهمني شصاير تره دخت منين تعرفون صديقي اركان
رزان- بلعت ريك واركان عيونه بعيوني نضراته نضرات حنان
اركان- تعالو تفضلوا بالكافتريا
حنان- اي حبابين اني هلكت
حيدر- تعاي كعدي
رزان - كعدنا كلنا وبديت احجي تنهدت اشتغلت بالمعمل عن طريق جواريننا واركان يعرفني من المعمل هاهي
حسن- باوعت لروان لعد ليش تهجمتي عليه وكمتي تصيحين تكوليله شتريد من اختي
رزان- تنهدت مو اركان طردني من الشغل
اركان- تحجي واباوع بعينها اريد اشبع منها قبل ليروحون شكد اشتاقيتلها بذيج الايام
حسن- ليش طردج
اركان- نصيت عبالي موخوش بنيه ومن رفضتني طردتها
حسن- مممم كرهت اركان هذوله بنات عمتي تتذكر مره كتلك عمتي طلعت من البيت وتزوجت التحبه واهلي تبرو منها
اركان- يحجي واباوع على ردان وارجع اباوعله اي اذكر
حسن- ممم رجعتنا الحمدلله وهذوله بناتها هاي حنان وهاي روان وهاي رزان خط احمر فهمت الياذيهم احركه
اركان- اني جدا اعتذر واتمنى تسامحوني
حسن- هزيت راسي ماشي روان تباوعله بحقد وكراهيه اكثر من رزان الدمعت عينها نضراته لرزان خبلتني صديقي واخويه واعرفه من يحب نضراته نضرات حب مو هيج
رزان- صافح حيدر وحسن باوعلي بتوسل  اركان- سامحوني عالبذر مني اترخص يابه عيونها موتتني كرايب حسن حسن خرب عمي شون حقترب منها بعد شووون بس الحمد لله لكيتها  بعدما تعبت من التفكير بيها
رزان- دمرتني نضراته احسه يحبني لا اني متوهمه وماعدي سوابق ثوله بهالسوالف
حسن- زونه زونه رزااان
رزان- ها ها نعم
الشاغل بالج يتهنى
محد شاغل بالي مسمعتك
حسن- ممم خوش يله بقه القرطاسيه كومو للمكتبه رجنا للمكتبه اشترينا كلشي من الابره للصاروخ وروانه بكلشي تاخذ رايي وتسمع كلامً اذا كتلها هالشي مغري او يجذب تخليني اختار طرت بيها رجعنا للبيت ويانا بيتزا لان عجب ست حنان واني مقبلت حيدر نزل كال اجيب ام مفر لحنونه خطيه وروان كالت اني هم عاجبني اما رزان جانت بغير عالم اخذت البيتزا العائليه ورجعنا
رزان- مكدرت اتعشى بس افكر بي والله عيونه تقهر جانت نضراته تتوسل بيه  مشت الايام داومنه وجتي المدارس داومنا كلنا جننا كلش مرتاحين روان كلش تقربت من حسن وتعلقت بي
حسن- روانه
ها عيني
يله تعاي تريكي سويتلج بيض
فدوه لليريكني باوعتله ابتسمت هو هم ضحك يله خبله داوصلكم عدي جامعه اليوم
رزان- اجتي المدارس جدو خلالي مدرسين للدروس الصعبه عليه التهيت لخشمي مكدرت افكر باي شي غير الدراسه مشت الايام
حسن- بديت احبها لروان عفويتها وطيبه كلبها خبالاتها وجراتها كلشي بيها احبه
روان- يعني لحد هسه ممعترفلي بحبه ليش طلعت من الغرفه جانت ساعه ب3بليل فتت للجمام وطلعت سمعت صوته يتمتم بالهول جان يقره
هلو
هلو روانه شعدج كاعده
انت شعدك كاعد تقره
مو طلع عدي امتحان وماادري بي ب12اكتشفت كعدت اقره
ها كملت دراسه
بقالي ها الصفحه رفعت راسي باوعتلها شنو تردين ابتسمت
ااريد شسمه تنهدت هيج عفته ودرت وجهي دااروح
حسن- روان
نعم
تعاي كعدي هنا اشرت عالقنفه بصفي
جيت
باوعت بعينها ابتسمت بحنان الدتحسين بي دااحس بي اني هم تره
شنوو نصيت كمت اروح لزمني من ايدي
كعدي بعدني ممكمل حجي
ها
اني هم احبج وحجيت وي جدو اخطبج وكلي نكمل السنه يله
ميصير هسه بس خطوبه
فتحت عيني كولها ابتسمت لعفويتها ممم تدللين ليش ممكن اعرف
اريد اخذ راحتي وياك
شون يعني قطبت حاجبي
يعني حجابي انزعه يعني تنهدت احضنك باوعتله دمعت عيني
ليش تكوليها وتردين تبجين ذبت من كالتها
صار هواي محاضنه بابا ومن شفتك كلت الله حيعوضني بي نصيت
حسن- دمعت عيني من صدك انعصر كلبي وكفت رادت تروح جريته على كيفي وحضنتها قوي كامت تتنفس بسرعه مثل الطفله مضيعه ابوها ولكته
حبيبتي انتي راح اكون ابوج وامج واخوج وحبيبج كلشي بحياتج حعوضج سنين الالم كلها بستها من راسها ورجعت حضنتها قوي كلبي حسيته حيطلع من صدري وهي تحضن بيه وتتنفس عطري
يله حبيبتي روحي نامي باجر احاجي عمتي
ابتسمت وفاتت
روان- اوف يمه ردت روحي هذا اليعوضني عن بابا ويستحق كلمه حبيبي الله ليحرمني منك مثل منحرمت من ابويه نمت مرتاحه
وثاني يوم رحنا للدوام
رزان- بعد مشفت اركان اخر مره قبل شهرين
اركان- كمت اخجل اتصل بحسن وره هالموقف التهيت بالمعمل وسوالفي التعبانه
حسن- دكيتله اول مره نفترق من 18سنه
الو ها اركان شنو مختفي وينك
اركان- لك هلو جبيبي حسون والله مشتاقلك عمي فشلان منك ابن الكلب من ذاك اليوم بالمول ادري خابر انت
حسن- والله ملتهي تطلع اليوم مشتاقلك
اركان- اي ليش مااطلع لعد ب6اجيك
حسن- ها لا شسمه اني اجيك
اركان- اوك عرفت ميريدني اقترب من بنات عمته بس لا يكوم يحب رزان اني شورطني شجابني ساعه السوده اني لفيتها من الشارع صدك داافكر هيج قررت اطلعها من بالي اني ابو البنات هيج افكر لا بابا اني اكبر منهالشي ومره ثاني قادني غروري وتكبري بعيد عن الحب
حسن- للعصر وره الجامعه رحت لاركان وطلعنا اني ويا وليث افترينا واركان مو على بعضه اركان اكثر من اخويه وقريب حيل عليه اعرف كل دماراته
اركان شبيك مو على بعضك
مبيه شي
مم مدام ليث راح اريد اكولك شي تره الخميس اخطب
شنووو كلبي راح بس لا رزان كلتها بداخلي   المن تخطب وحهي تغير وانفضحت
هاي شبيك بدل متفرح لاخوك
لا والله مستغرب اقلها كمل كليه
بابا اقترح هالاقتراح واني صراحه عاجبتني من  اول مشفتها تنهدت معالم وجه اركان تغيرت

بت عمتك همست
اي
رزان الجانت تشتغل بالمعمل
باوعتله بمكر وسكتت ردت اشوفه شيسوي بقيت ساكت
دحجي عاد
ليش تسال
مااعرف فضول هي كلش خوش بنيه فداشوف اخويه ويامن حيعيش  احجي وصوتي مخنوك
مممم لا اختها روان
ضحكت من كل كلبي مرتاح تنهدت عالخير حبيبي الله يتتمها عليك بداخلي صح جانت سهله من صادقتها بس عفويه  وعاقله محجت حجايه زايده ومطيعه بشكل مو طبيعي وعاقله وكومه توسلت بيها يله دزت صوره  فرحت لصاحبي بس نضراته ضلت تراقبني
اركان-!والله العضيم متاكد انه يحب رزان صديقي واعرفه بقيت اباوع عليه هو يضحك من كل كلبه كانه جان خايف وارتاح صارت ب11 رجعنا كلمن لبيته رجعني اركان بسيارته مقبل اخذ تكسي والسياره جدي ميقبل اطلع بيها وي جماعتي يخاف عليها وعليه فاطلع بسياره اركان واروحله بتكسي وصلني للباب بالصدفه
رزان- لحت عليه قرنفل صف بت عمي حسين اخت حيدوري اجي لبيتهم اخذت البنات ورحت تعرفت على امها تخبل مرت خالي وكلش حبابه وساعدتها جانت تسوي مقبلات واني خبيره بيهن كيفت على حنونه سوت كيكه
ام حيدر/ اني هيج بنات مشايفه جمال وادب وامهات بيوت وشطار عرفت رياحين تربيكم
رزان- مشكوره خاله كملنا عشه ورجعنا لبيت جدي حيدر وصلنا جان بعد 4بيوت ب11بليل وصلت بيت جدي طبكت بالباب سياره باوعت نفس سياره اركان هذا اركان يباوعلي بابتسامه نسه روحه
اركان- من شفتها نسيت وجود حسن بقيت اتامل ملامح وجهها اريد اشبع منها التفتت عليه تباوعلي بارتباك هي الثانيه نست حسن فزيت لصوت ضربه حسن لبنيد السياره
حسن- اركان يله روح الله وياك قطبت حاجبي اباوع لرزان
اركان/ هزيت واسي اي باوعت لرزان مره اخيره وطلعت
رزان- جسمي كله كام يرجف من شفته تذكرت من تقرب مني ومن عافني النضرات بالمعمل كلشي فتت للبيت كبل للحمام صفنت مدري شبيه حتى بجي بجيت هاي اني شبيه ليش هلكد متاثره بس والله هو هم يباوعلي نضرات توكعني من طولي اوف ربي اني شورطني
حسن- بليل بقيت افتر بالطرمه غسلت السياره طلع جدي حاجاني
جدي اريد نعجل بالخطوبه
لا ياب خليه من تنجح تبقالك فد سنه
جدي اني يجيني اجار ومرتاح الحمد لله شكو منتضر البنيه محتاجتني اريد اخذ راحتي وياها حجابها اسولف وياها متحرم عليه
اي ياب حقك يله الخميس خطوبه وعقد رياحين مكيفه وبيبيتك هم
اشكرك جدي تقربت بسته من راسه
كملت شغل وبقيت بالطرمه اغسل صارت ساعه ب2
روان- ردت اشوفه اليوم مشفته طلعت لكيته ديغسل بالطرمه اخذت الماسحه وكعدت انشف وراه
حسن- شكعدج ولج
روان- منمت باوعتله بحنان
حسن- ليش مو عدج دوام
روان- كملنا مسح عفت الماسحه حروح انام باي
حسن- زعلتي
روان- هزيت راسي لا
حسن- تقربت منها تنهدت شبيج لعد
روان- مبيه شي ردت اشوفك وشفتك
حسن- يومين بس وشوكت ميعجبني احضنج بعد
روان- ابتسمت ونصيت ورحت للغرفه ركض صفنت جنت خايفه من اركان يكوله كلشي خايفه منه لدرجه الرعب حبيته ىتعلقت بي ماريد اخسره
شون احجيله كلشي شسوي نمت بقلق وثاني يوم وصلنا للمدرسه اني وخواتي كالعاده سوالي ريوك بس اني خواتي مياكلون بس يشربون حليب
حسن- روانه تعاي تريكي
روان- اي عيني جيت طلعت تريكت وشربت الجاي
حسن- على كيفج تنجوين عضيت شفتي ليش مستعجله بعدها سبعه وربع
روان- عبالي تاخرت طبعا البيض يخبل شكرا
حسن- بالعافيه تنهدت
روان/ هاي اذا تزوجنا تبقى تسوي ريوك
حسن- وجبه الريوك عليه خليني ادللج بيها همست بس بقيه الوجبات شوفيلي شطارتج
روان- تدلل ههه كملت اكل غسلت وكبل للمدارس وي خواتي
حسن- اليوم عدي اوف بالجامعه  تحضرت للعقد اللي هو باجر اشتريت حلقات وختمت اسمي واسمها عليها جنت فرحان كلش واتخيل روحي مغركها بحناني بس خل اعقد رجعت للبيت وحجيت وي عمتي وجدي وبيبيتي رحبو بالسالفه انه حلقات نلبس وراها عقد نفس اليوم وره اسبوع الحفله تصير جوي البنات وحجت عمتي وي روانه كيفت
حنان- اي حيصير عدنا عرس الله
رزان/ حبيبي شايفه كل الخير
جدي- شاورت حسن بويه ليش متاخذ رزان احلى منها واكبر من روان
حسن- جدي اني من اول عاجبتني روان وهي هم مبادلتني رزان متعجبني
جدي- كيفك وليدي
حسن- جتي روانه ولبسنا الحلقات والهلاهل جننا طايرين من الفرح
روان- هذا احلى يوم بحياتي رغم اني تمنيت بابا ويايه
رزان- طلعت روان تخبل وراحو عقدو وسوينا عزيمه
روان- بالطريق للمحكمه لزم ايدي حسن باوعلي
حسن- روانه انتي هسه مرتي شرعا بعد بس قانونا اليوم اخذ راحتي بحضنج
روان- اي همست باوعتله وكلبي راد يوكف
حيدر- رحت بيت جدي وكت خطوبه روان وحسن
باوعت لحنونه لج ها
حنان- هلوو اكولك شنو اشتريت سكوتر
حيدر- لا ليش
حنان- شفت واحد ببيتكم
حيدر- هاي مال قرنفل
حنان- ها سكتت
حيدر- تردين اشتريلج
حنان- لا ماريد
حيدر- باوعتلها مبتسم طالعه حلوه وفاله شعرها طالعه اميره كلسا اجر بشعرها وتعيط وجدي يصيح بيه
حنان- راسي وجعني من وراك
حيدر- ماجره بعد مو هو يخبل
حنان- هههه
رزان- نضرات حسن لروان تحسسني بامان وطمانينه على اختي الحمد لله الله يعوضها عن ابونا
روان- رجعنا للبيت المغرب وطلعنا كلنا وي البنات  للمنصور تونسنا كلش ومن رجعنا كليتنا نمنا جننا هلكانين تعب نمت بسرعه وراحه مو طبيعيه كعدت ب3جانت ماما تصلي بالهول
ماما كاعده
ها ماما شبيج
ماما حطب بغرفه حسن اكعده عده امتحان عادي
اي طبي كعدي بس لتتاخرين ابتسمت ادري بيها تحبه
طبيت علكت الضوه اليم راسه تلمست خده ابتسم هو ومغمض
حسن- امشي بره دبسز
روان- اي ما انت رجلي بعدين كتلها لماما وقبلت
حسن- عزه بعينج لج اخجل من عمتي امشي ولي امشي
روان- ديله عيني شحنسويلك
حسن- خاف تغتصبيني ههههه يله روحي
روان- شكد غثيث دروح زعلت
حسن- لا تعاي جريتها حضنتها قوي ادري بيج طابه علمود هذا الشي
روان- اي صح هه
حسن- اوف يمه زعطوطه وخبلتني اني شون وياج تره حتموتيني بحبج بعدتها باوعت بعينها روان اني احبج تره واحلى شي بيج انج فتحتي عينج عليه واني اول حب بحياتج جنت اتمنى بنوته صغيره وحلوه واني اكون الاول بحياتها والحمد لله حققلي منايه
روان- من كللي هيج نصيت راسي هو اول حب بس شون اذا عرف صديقه اركان جان يحاجيني بالتلفون غلست وبقين بحضنه شوي وماما دكت الباب طلعت وبقه يقره رجعت نمت بقيت افكر بهالسالفه لحد مادخت وغفيت