رواية بت روحي الفصل الخامس 5 - بقلم hour writer 🐆

#بت روحي
#حور حيدر
بعد طلعت من المدرسه صادفت يوسف ..
كلي نور خل نحجي شوي عندي موضوع وياج كتله وخر مني لالم الناس عليك شويه بعد...

كال والله الموضوع ايهمج ...

عفته ومشيت مدرت اله بال...
بس ساره وجهه ميتفسر خافت ازيد مني... انتبهت شنو الشي الي خلاها هيج تخاف ..
بس كلت حرام سوء الضن مشينا اني وياها...
لاكيت حسين جاي من بعيد يمشي  ...
رحنه بسرعه اله بس شكله ضايج كلش..
حسين : يله امشن بسرعه..

كتله ..بابا صاير شي وياك شكلك موطبيعي حجيلي

ضل ساكت...طول الطريق محجه شي..
وصلنه بيتنه محد بي يصفر استغربت شكو اليوم ..

كتله بابا وينهم اشو محد بلبيت ..
حسين :بدلن بسرعه اريد اروح وترحن وياي..
نور : وين نروح ..
حسين : معليج روحي بدلي وتعاي بسرعه..
بدلنه وجينه رحنه لخوالي ...عرفت صاير شي لان ناس هوايه يمهم...
نور واني اباوع لبابا حسين :بابا منو مات ماحجه ..

حسين: نزلن خل اعبرجن من الباب لخلفي منا صايره هوسه..
نور: منو مات بابا احجي شبيك كول ..

حسين:مرت خالج  توفت اليوم ...الصبح

من كالي والله بساعتها نتابني حساس من الخوف والحزن ما اعرف  شون اوصفه شخص يضحك ويسولف وياك وبلحضه يروح صعبه كلش...

نزلت بس كوه مسيطره على  جسمي  احس راح اوكع من طولي...
تلكتني جنه تبجي ووجها احمر شصاير بيها تكلي شفتي شلون ماتت امي واني بعدني  مشبعانه من حضنها...

كسرت قلبي ابجيها...

ضلينه يمها اني وساره ايام الفاتحه كلها...
حسين اخذلنه اجازه اربع ايام خلصت الفاتحه..
ورجعنه للبيت بيهه باجر جمعه بس سبحت ونمت لادراسه ولاشي من تعب ...

اوف خلصت العطله ولا حسينه بيها جان الحزن مرافكنه ...

وداومنه اني وساره نفس كل يوم لاكيت يوسف وعيونه بيهن نار وشرار ....
اول موصلت  للمدرسه جان يوسف  يلزمني من ايدي حيل..

يوسف: اوكفي وين جنتي هل ايام ها وليش مجاوبين من اتصل ....
هو كلي هيج انصدمت  شون رقمي عنده ..
بس ماكو رقم غريب اتصل عليه ابد  شنو يحجي هذه ..
جريت ايدي   منه وعطت بي من الفشاير الزينه ...
صاكط سرسري ومتستحي ... شعبالك اني وحده ماعندي اخلاق تحاجيني هيج وتلزم ايدي ...
والله العظيم اكل لحسين اخلي يدميك ...
حجيت هوايه حجي بلاوعي ماشفت بعيوني..
احس اريد اذبحه اخر كلامي ..
كتله راح اروح وانته وبابا تتفاهمون..

هوه رجع لزم ايدي قوي كلي..
اني مااستحي مو انتي كلتيلي احبك ...وصارلج اسنين...
على علاقه وياي...
وحته صورج عدي.. شنو صار هسه ها وكطعتي علاقتي بيج صايرلج اشهر وماعرف ليش نسيتي سهرنه ليل كله ومخابراتج وحجيج وياي شنو نور احجي شبيج ..

ليش عفتيني موحبيتج اني...

صاح حيل احجي ماضل صبر اني بهاي اللحضه الي كاعد
يحجي بيهه احس واحد وكهربني مدا افهم شي ...

  كتله وجن واحد ذاب علي مي بارد انثولت...
صوري شنو، حب شنو مخابرات شنو اني ممسويه شي هيج وموخلاقي ادز صوري ...
صاخ  بيه احجي نور لتخبليني ...

كتله اني هيج ممسويه مو..

كال شو انتي وحده ثانيه هسه شجاج نور اني حبيبج ..

نشف دمي كتله ...

اني عمري ماحجيت وياك ايجوز صدك حبيتك بس اني مامكلمتك ولو اخر نفس ماكلمك بحياتي...
ماسوي هيج شي اني تربات حسين ماغلط هيج غلط
وانزل راس بابا ...

خليت ومشيت من يمه واني بصدمه ساره اجتني تركض كالت تعاي معلمت الاحياء سئلت عليج واني خفت وين رحتي كل الحجي واني بالي كله صوري ومخابرات شنو...

ومنو هاي سوت بيه هيج  اكل لبابا شلون..

شويه كلت .. لا بابا ماكدر اكله اصير كارثه ..

ااني ارجعله وتفاهم ويا لازم اعرف منو هاي  الي جانت تسوي هيج ..

رجعت ركض وتركت ساره تصيح وراي صحت عليه يوسف ..

هوه راسن  التفت علي كال ...

رجعتي شنو الصار فهميني...

كتله والله اني ممكلمتك ولا دازتلك شي ..

كلي منو الدزت الصور وشنو الصار بضبط...
كتله انته كلي من شوكت بديت احاجيك او على اساس اني ..

احسن الصدمه بجهه صار الوان كلي قبل 5سنين انتي اتصلتي علي وكتيلي .. اني احبك واني اريدك وضلينه فتره طويله نتخابر...
وانتي شرطتي تكون  سر العلاقه وحته ما احاجيج بشارع ولااباوعلج بس على  التلفون ...

وره فتره تركتيني ورقمج نقفل اجيت بلطريق صادفتج بس وياج حسين...

ابمحرم تبعتكم بس مكدرت احجي وياج..
وبلزياره ردت احاجيج انتي ضليتي تحجين علي..
وره فتره اتصلتي وراضيتيني ودزيتيلي صورج ..
بس كلتي احذفهم...
واني الصدك محذفت شي ولهسه عندي وهسه قبل فتره تركتيني حاولت احاجيج بس انتي ماقبلتي اني متت قهر وشعور كلش صعب هيج اصير بيك...

كتله بلاوعي راويني الصور..
طلع تلفونه وجسمي يرجف راواني صور بس عساني لاشفت كومه صور ونص بله حجاب وكله بدلات حفلات يعني الصور بس بتلفوني شلون صارن عنده ماعرف ...

دموعي كامت تجري شلون ومنو هاي لتلعب بشرفي هيج وتنشر صوري ..
كتله عندك غير نسخه..

كال والله ماعندي هاي كلهم ...
كتله.  احذفهم كبالي ...حذفهم واني قلبي صاير نار

كتله.. اني مانزل لهيج مستوه رخيص بس راح اعرفه منو  وعليك بشهيد كربلاء لاتخلي اي صوره عندك حرام عليكم اسون بيه هيج...

خليت ورجعت للبيت وحدي ماينوصف احساسي..
راح  اتخبل  منو وليش هيج  اني مماذيه احد ..ليش صار بيه
هيج..
اووووف افكار هوايه ابالي وصلت لشارعنه شفت اخت يوسف ...
حاجتني ماعرف شنو لان مامركزه بشي...

غير منو لسوه هيج ...

دخلت لبيت كلمن بغرفته رحت لغرفه حسين ماموجود بلبيت ذبيت جنطي ونمت بفراشه...

تمنيته موجود اريد اشكيله وابجي بحضته  ماعندي غيره بلدنيا ...

بجيت هوايه لمن نمت  فزيت على ايد احسين على راسي باوعت بوجهه عصبي...
كال كعدي تعشي..
كتله ..شنوصار  الليل
كال ..اي  كومي غسلي وتعاي راح اسويلج عشه

راح حسين واني كمت غسلت اباوع بوجهي من البجي مدمور واحمر وعيوني رايحات... باوعت على الساعه ب١١ بليل..

شكد نمت ياربي من ال2 الضهر نايمه ...

دخل حسين كلي.. تعاي اكلي مالي خلك اكل اي شي وحسين صاير نار شلون راح احاجي..

كال شبيج تعاي اكلي...
اجيت كعدت يمه واني اباوع بلكل اذكرت الصور اوووف شلون هيج صار مانتبهت على دموعي شلون صبن ضاكت دنيا بعيني حسين ...

ميل لكل من يمي ونومني ع رجله..
كلي كافي لاتبجين هلكتيني...

اريد احجي شي احس الدنيا ضلمه بعيني ماعرفت اصار بيه

كعدت بلمستشفى وحسين يمي ومعلكيلي مغذي ...باوعت على حسين واكف ومدنك راسه ...

كلت بابا رفع راسه شافني  وابتسم بحنيه ..

كال ها شلون صرتي تقرب باس راسي ولزم ايدي ...

كتله اصار وشنو جيت هنا ...

كال مابيج شي بس ضغطج مرتفع  بس يخلص المغذي نرجع للبيت ماحجيت شي ...ساعه واجه الدكتور كال  اخذوها بس لازم ترجع على مود المفراس...

حسين كله انشاالله ...
شوي ورحنه للبيت كلهم تلكوني وتحمدولي  بسلامه وصعدني حسين لغرفته كال ..اليوم يمي تنامين
جنت رايدتها من الله نمت بفراشه...

شوي واجه يمي نام ورفع راسي لحضنه   ...

كال شلونج هسه كتله زينه كال متاكده ..
كتله اي..
كال ماتردين تحجين الصار...

كتله كلي لمفراس ليش اسوي ولازم ارجع اصاير...

كال ماصاير شي بس انتي دوم تشتكين من راسج وكتلهم سولج  تحاليل ...  وكال مابيها شي بس ضغط عليه وناخذله مفراس حته نتاكد ...

كتله ها كال اي هو هذه كل شي ...
وهسه ماتردين تحجين الصار بس اذا تعبين نامي وخليني انام ساعه هلكت وياج...