رواية بت روحي الفصل السابع 7 - بقلم hour writer 🐆

صارت الحفله ...بس بعدني ويه ساره مو مثل قبل
لأّنِ كولش ضايجه منهم وره فتره حاجاني يونس...
كال نور والله احبج واني نجبرت على ساره...

كتله... واني ماريدك حته لو مجنت مخطوب الساره

مرت ايام وجنت اني وجنه بت خالي وحلا رايحين للسوك اول ماطلعنه شفت يوسف...
كلت لا بعد ماكدر امشي خطوه لان رجفت ايدي ورجلي متت وكلبي يركع ركع وماكدر اشيل نضري عنه هوه كبل اول مشافني ...
تقرب وحاجاني ..كلي والله اريدج وراح اخطبج
عفته ومشيت واني دم ماضل بيه مرن يومين..
وضلن بس عشر ايام المحرم...
اووووف خلص الوقت اجه حسين حاجاني كلي تعرفين يوسف خطبج مني واني مارفضت بس كتله اتكمل دراسه اذا صدك تحبه تنتضر تخلص وتجي تخطب وانتي بكيفج ...كتله اني صح حبيته بس يا بابا هوه نذل وعنده علاقه بصديقتي وعافه وجان واعدها بلزواج ماضلت نفس بي نزل من عيني...

حسين... بكيفج اصلا اني ماريد تزوجين شخص هيج اريدج تزوجين شخص ملتزم مثلج يعني موتاخذيلج واحد ايصلي بلشهر مره سدي  الموضوع...
خلي يولي منا لمن تخلصين دراسه الله كريم...

لتهينه بشهر عاشور ورحنه للزياره اني وحسين ودائما
اشوف يوسف وكلي راح انتضرج تخلصين دراسه بس اني اجاهله ماعرف ليش كلبي لاعب منه...
مشت الايام واني وحسين روح بروح اذا ساعه ماشفني ايجن ولا اني...

كاضينه سوالف وضحك وغلب الاحيان ايسولفلي على المستقبل ويكلي ايجوز ايصير وياج هيج امور بهل شكل حليهم يعني خله عقلي عقل شايب شايف كلشي فتهمت منه انو الحياة ما ادوملي  ويجي يوم ونروح الدارنه الحقيقي...

علمني ابني بيتي بلاخره موبلدنيا كل همه جان خاف عنده ذنوب وبغفله عنهم علمني ادين ومشاني بطريق اهل البيت(ع)...

جان يكلي خاف تخسرين شي اتاكدي انو ربج ادره بمصلحتج واكيد يريد الخير الج...
ولشي الموزين ايبعده عنج واكيد ربي يختبرج بعز ناسج حته ايشوف صبرج شكد وأيمانج بي...

اتاكدي انو رب العالمين ايريدنه من عباده الصالحين ...
حلفني بغلاته ما يوم امشي بشي حرام وكلي صبري على  بلائج اكيد اكو فرج بعده...

من رحنه لكربلاء للربعينيه دائما  يمي هوه تنام الزوار ويجي يمي انضل كاعدين بره نباوع للنجوم...

احله كعده عدنه هاي انضل للصبح حسين اخر ايام تخربك كيانه صار يجي يمي ولموت ميوكع من السانه خوفني من كلامه يكعد يمي ويگلي بت روحي لاموت شيصير بيج ...

اني اسمعه هيج يحجي دموعي تكوم تصب واتعارك وياه
وكله لتحجي هيج ومن تموت اموت وياك...

ضحك علي گلي شبيج وياي اني لاموت انتي ماتموتين وراي بس تعيشين بدنيا ميته يعني الموت ارحم بكل الاحوال اريدج قويه وصبرين وتاكدي هذه يومي مثل ما اختبار الج ولصبرج....

وتاكدي حته لو اموت موجود بدعائج وبصلاتج الميت من اذكرينه بلفاتحه يجي طيفه الج مايحتاج بس رحمه من العدل اني صافنه بوجه شلون يحجي  وعبالك باجر ايموت احس بكلامه بي شي بس اجذب على روحي...

كتله ليش تحجي هيج تريد تقهرني مو تعرف ما اكدر بلياك..
منو الي غيرك ..
كال ..شبيج كلحنه انموت
كتله صح بس شي غريب بيك هاي الايام بابا بيك شي

كال ...والله مابيني شي وصدك يوسف لاتزوجين تخسرين وتندمين...

كتله.. التريده ايصير
كال.. وصدك بعد شي خاف اموت اريدج توكفين بلدفن ووبكلشي حته من  ينزلوني بلتراب وصبري على كلشي انتي جبل ومحد يهدج وبالج على بالج تخلين دموعج ايشوفهن احد...
ابجي براحتج بس وحدج مو كبال شخص يشمتون ماريدج ضعيفه ويكولون انذلت خلاف حسين تعالي دوم وشكي كلشي يم كبري وشكي ربج هوه الج بعد ماموت...

بس هوه كلامه كله واني عايشه برعب ليش يحجي هيج كتله ليش تحجي هيج ضليت ابجي بشكل هستيري كليي وكف والله من الخوف ...

شبكني حيل  وكلي ابجي براحتج تتعذبين بدنيا بس بلاخره راحت بالج ...
كلي يله كومي نامي موخذاج الواهس باجر وراج كعده من الصبح يله وخري ضحكت عليه ومشيت انام...

جنه كالت شعدج نايمه ساعه بعد واياذن...
كتلها  بس شوي انام وكعديني...

درت وجهي واني افكر بكلام حسين شبي شصاير وياه مرن يومين حسين عبالك يريد ايعوفني ايوصيني ويباوع بيه ويكلي ...
انتي روحي بلدنيه ادعي الله يحميج من كل شر ولاتنقهرين على بشر خانج يم ريج جزاه...

اخر يوم ويا كضا كله يمي نفتر ورحنه لبيت عمي بتنه عدهم وماقبل انام يم البنات...
كلي تعاي نامي بحضني  يمي صدك شبكته ونمت اليل واني افكر بتصرفاته رجعنه للموكب وكضينه اليوم عادي بليل تعشو الزوار وضلينه كاعدين بره انسولف اجه عمي وقصي يمنه جابو كراسي وكعدو يمنه ....

حسين صافن بوجهي اجذب على روحي واكول ماكو شي كلبي مقبوض واحس بخنك والله اصعب يوم مر بحياتي ..خابر واحد من اصدقائه وكله روح للنجف انزور باوع بوجهي..
كتله  شبيك صافن لهل درجه حلوه اني ضحك وكلي تخبل بت روحي باسني على راسي....
وشبكني حيل احسنه مثل ليودع والله العضيم وكلي مثل ماوصيج لاخر يوم بعمرج اريد ايكولون هاي بت حسين اريد اشيلين اسمي ويكولون هاي رباها ماضاع ربه بيهه اذكري كلامي كلش زين والتفت على عمي وقصي...

كلهم نور امانه عدكم ماريد بشر يجبرها على شي ولا اياذيها... قصي ضحك كله خير حسين رايح للجبهة
باوعلي وكلي جيبي تلفونج جبته ونطيته اله رسل الصور من تلفونه لتلفوني...
كلي شوفي حلوات باوعت الصوره توهن كاصهن قبل كم ساعه كتله حلوات باباتي..
كال خليهم ذكرى...
كتله.. اهوووو ماتبطل هل حجي الماصخ …ضحك كلي يله اروح ازور بلكت ارتاح طلع ب 12بليل وعمي عارض اول شي نوبه راح ضليت كاعده ماجاني نوم خوف بداخلي صارت بلثنتين الفجر اكو خبصه بره ...

طلعت شفت قصي..
كتله شكو !!شصاير...
كال ووجها مگلوب ميتفسر .. بدلي وامشي ويانه
مشينه اني وقصي وعمي وابنه الثاني..
كتله عمي شصار ..
صعدنه بلسياره جان عمي يكولي ماكو شي ايخوف ابوج مسوي حادث بسيط وهسه بلمستشفى وكال جيبوها وياكم ضليت على خنستي كلت مات وهمه ايجذبون علي...

بس صرت اقنع بروحي انو مامات وكلامهم صح...
مثل الطفل يسكت بكلمه امك تجي ...
ما اوصف الاحساس البي اني صعبه وعلي صعبه وصلنه سئلنه على حسين...

كال بوجهي وبكل سهوله بساعيته مات..
ثلث احرف دمرن حياتي كتله اتاكد فدوه...
كال  تكدرون شوفو ردت بس اشوفه توسلت بيهم تالي خلوني ادخل شفته اكول لعمي جذب نايم مامات شكله نايم ماعندي كل طاقه بس الدموع اصب ردت اصرخ ربي الخلكني بس ماكدرت ربط كلشي بيه اذكر سوالفه طوله ضحكته ماصدك بين ايدي ميت ووووف بسته وعاتبته...
كتله اطاك كلبك تعوفني واني شلون وين انطي لوجه خلافك شوي طلعونه ماقبل نبقه يمه هوايه لين حادث سياره وتحقيقات ورادو ايشرحونه اني تخبلت توسلت بعمي لايشرحونه قنعوهم ماشرحو ...
وكالو يكملون شغلهم واجرائات حته ناخذه اندفنه كلت العمي اريد وياه اروح كال عادي روحي هسه وي قصي للبيت سبحي لين لزمتي خاف....

تردين بعدين تلزمينه كتله حلف مايطلع من المستشفى اله اني وياه حلفلي واني بسرعه رحنه سبحت وصليت والبيت كله محد يدري لاساره ولاعمتي كلولي شبيج ماحجيت خوفي لايدفنون واني مويمه طلعت بسرعه قصي خذاني للمستشفى بعدهم ضلينه شوي كشف الوكت جابو التابوت خلو بي ماينوصف صعبه ماحسيت غير اني اني نتهيت ابوي كل اهلي هوه وماتو اهلي ...
خذو للمغيسل غسلو خلصو تغسيل جفنو بس عمي خلاني ادخل اشوفه قبل لايغطون وجهه كلي عمي لاصريخ ولابواجي توادعي وياه بهدو تره حرام دخلت شفته والله شكله نايم بسته بس دموعي ماسيطرت عليهن ختنكت...

…………
صباح الورد...

صدكو واني دا اكتب الكم ...احس روحي مختنكه. احس اعرفه وشايفته..
ودموعي موگفت من بديت البارت...
ما اكدر اگول غير ..الله يرحمك. حسين ويغمد روحك الجنه
رجائا من الكل تترحمله