رواية بتندمين يا بنت والسبب نظرتك هذى الفصل الحادي عشر 11 - بقلم غير معروف

البارت العـــاشر (11 ) ذكريات مؤلمة
*******
فجـــآه غمضت روضه عيونها وماتحس بعمرها غير انها ..
خـــارت كل قواها .. وكانت الارض اقرب لها ... وفقدت كل توازنها
وانفتح الروب وظهر شكل روضه من الداخل .. كان شكلها مرعب ...
مغطايه كلها بالدم .. وكانت موول مب ظاهر عليها انها تتألم ...
بسسرعه اخذ نايف روضه بين حضنه وطيراان نزل فيها على سيارته ...
وخذها للمستشفى ...
.
صحت روضه من ذكريـاتها وآخيرا رفعت رأسها تتحس ويـها .. حست انه الدموع مغطيه ويـها وايدينها ... وأكمام جلابيتها متروسه دموع ...
نشت روضه وسارت تغسل ويـها عسب لايين البنات ويطالعنها بـهالحال ..!
غسلت ويـها من مغسله المطبـخ .. صح انه دموعها انمسحت بس ويها كـان محمر وايد ..
وواضح من كل روضه انها مقطعه عمرها من الصيـاح ..
فجت بـاب الثلاجه ومدت ايدها تـأخذ مكبعات الثلج .. بدت تمسح ع ويـها ..
حولت نظرها ع سـاعتها ..كانت الساعه 3 بــ الضبـط ..
رووضه منفجعه : اوووووووف كـل هـ المده وآنآ ما حاسه بـ شئ ..
( بس و فـــجأه عــادت الذاكـــره بـ رووضه لوراء وهي مـاسكه باب الثلاجـه ..)
..
كـانت بـ سريرها الابيـض ..اللي كـان بالجنـاح الملكي الراهي جدا ..
ومن بين الاجهزه اللي موصلـه لها عسب تسـاعدها ع مواصله حيـاتها كـا اي شخص ..!
.
يـزوي بخوف : روضـه نحن لازم نـقولج ..!
روضه بكل تعب آلدنـيا .. وتطالع ع المغذي اللي موصل بـأيدها ..وبدون أهتمام قالت : شـو مستوي ( كانت تقولها وكـارهه حيـاتها ع انه شو مستوي بعد .. خليه يستوي ..)
يزوي بـخوف وفـ موقف لايحسد عليـه : عهود يـا روضـه ..عهود ..!
وبــخاطرها :لازم نقولها مهما كان هاي ربيعتها .. !
..
بســرعه البرق رفعت روضه عيـونها .. وبخوف مب طبيعي : بلاها ....(وصرخت بصوت اعلى ) : بلآآآآآآآآآآآآآها...هاه ..ارمســـي ..
يزوي بكل خوف الدنــيا : عهود ( وونزلت رأسها وبـ صوت متقطع ) عطــتج عمرهـا ..!
أول ما كملت جملتها .. وقتها روضه انتهت .. وتوقفت الدنيـا بـ عيونها ..!
.

هونتها ولكنها عيت تهون ..
لا قلت راح الهم .. الاقيه جدام..

فيني ألم ما مر في قلب مطعون ..
في حزنما مر في عيون آيتام..

عادل ولكن طحت في وقت مجنون ..
والاخوان مآهم بجمبي ولاحوليالآعمام

واللي ابي عونه من قده يبي العون .. 
ولا ودي ازيده على طعونه الام..

اصحاب انا والهم واحباب ونمون ..
لا ماهي صداقه يوم ذي عشره اعوام

والهمسجاني وانا فيه مسجون .. 
وان قام حظي طاح وان طاح ما قام

تقول ما انسان غيري فيهالكون ..
حطمت في همي انا كل الارقام

الحزن في عيني وفي جسمي مدفون ..
تتحقالاحزان وتخيب الاحلام ..
.
.
،
.
.
صـــــــرخت روضه صــــــــرخه زلزلت كـل ذره فـ المستشفـى :لآآآآآآآآآآآآآآآآآآآآآآآآآآآآآآآآآآآ
وفــجأه وبدون ســابق انذار .. بدت تصـدر الاجـهزه صوت مخيـف .. معلنه عن قدوم مـصيبه جديده .. معلنـه عن وفــاه جديده ..
معلنه عن قدوم هم كــبير قــادم ..!
كل الدكــاتره تجمعـوا .. وجسم روضـــه آلخفيف جدا .. لم يصدر أي حركـه توحي بـأنها ما زالت ع قيـد آلحيــاه ...
بدن البنــات يصرخن .. 
يزوي بنحيــب مخيـف : لااااااااااااا رووضه لآتموتي ...
حمدوه : رووضه لا تموتــي .. دخيلج لآآتسيرين ..!
يزوي من بين صوتتها اللي انبـح : آبــــــــــا امووت ويـــاج .. (وتصرخ بـ صوت آعلى )
آبــا اموووووت ويـــــاها ...
حمده : رووضه دخيلج لاتموتي .. والله مـــابزعلج عقب يوم ..بس لاتموتي ( وهي تهز جــثه رووضه ) روووضه ..رووضه ...لآآآآآآآآآآآ ياربي الا روضه الا رووضــه .. هي اصغر وحده فيـنا واكثرنا اللي تألمت .. ابا امووت بدالها .. لا يــاربيــه ..
( يين الممرضــات يركضـن بعد ما سمعن اصوات البنات وصيـاحهن وظهرهن بــرع )
.
,
.
ردت روضــه للوآقــع ورفعت نظــرها لــفوق .. 
تذكرت يوم صـحت من عقب غيـبوبـه دامت 3 آشــهر .. وســألتهم وين نــايف ..؟!
.
‘
حمده : مــا ندري .. بس اللي ندريـبه ..انـه ســافر ..
روضه بـتـعب :يعني يوم انـا كنت بــ المستشـفى و تركـني ..
يزوي: روضه لاتتعبين عمرج بـ التفـكير ..
روضه تصــرخ : شوو ما آتعب عمريـه .. تركني وانا بـأصعب آوقآتي ..وفوق كـل هـا صدق فيـه الشيـن .. وشـك بـ بنته إللي ربـاها ..
.
اليازيه + حمده = مــافاهمــات شئ ..
روضه بــألم : تركــني شــرات غيــره .. تركــني شرات ما عهود تركــتني ..
تركني شــرات غيــره ..وانــا بــ أصعب أوقـاتي .. تركـني وانا كنت بـين الحيـاه و الموت .. 
وفـجأه رفعت نظهرا لحمده واليـازيه .. ووبنظره تسـأول : منو وصـلني للمسـتشفى ..
يزوي: ماندري ..بس اللي ندريبه انه واحد فــاعل خير يي وعقـج فـ المستشفـى وســار ..
( تـأكدت شكوك روضه .. هــو محد غيره .. تذكر انـه هو اللي وصـلها للمـستشفـى ..)
قالت فـ خاطرها : عقيـتني ورخــصت فيـه يـا نـايف .. انا ما استـاهل منك كـل هـ النكران .. عقيتني وقـلت فـاعل خيـر ..وربـي مـا بسـامحك ..انا يا نـايف تـسوى فـيه جـيه وانا إللي قـلت .. بيوقـف ويـايـه .."
انت الوحـيد إللـي توقعت انـه من سـابع المسـتحيلات يسوي فـيه جيه ..!
لـكن خلاص آلـشك وشكيت فيـه .. وإللي يــاني منك يــكفــي ..!
.
،
.
صـحت روضه من ذكريـاتها ومن آلذكــرى اللي تذكرتـها ولااضـظراب إللي بـ داخلها .. بدت تجــسر كل إللي كــان بـ المطــبخ ..وتــفره بــكل مــكان .. 
.
ظـهرن البــنات من آلدآخل ع صـوت التجسيــر .. وبدن يدورن شو مسـوي بس الغريـب انه محد فـ المطبـخ وكـل شئ كـان بـ المطبخ مجسر .. عرفن انـه روضه سـوت جيـه وعقب ابتعدت لاتتهـور .. 
حمدوه بـكل ضيقه الدنيـا : شـكلها وايد تــعبانـه ..!
يزوي دمـعت عيـنها ع حـالن أختهن إللي تــخفي ولا تظـهر اي شئ ..
..
تــرين البــنات روضه حــوالي ســاعه بــس مـابينت ..
عقــبها تعبن الــبنات وحدرن يرقــدن ..
.
،
ع حــدود آلســاعه 4 بـ الضــبط ..
حدرت روضـه الجــناح وسـارت تتوضـى وعقبها صلــت وقرت لها .. الكم المعهـود من القرآن .. 
وعقب ســارت ترقد فـ الغنــفه عسب مــاتصــحى البنــات ..!
،
.
/
\
/
.
،
عــدآ هـ اليوم ع آبــــطالنــآ بـ وقت لئيــم جــدآ ..
ولـــكن معقــول روضـه بتنسـى كـل اللي صــار فيـها ..
حمدآن من جهه ..
منصور من جـهه ..
و نـايف من جهه ..
و أمهـا من جـهه ..
ويـــن مــاتسير تــطالع الــكل ضــدهـــا ...!
.
,
.
\
/ 
.
,
.
الســاعه 6 صبــاحــاً
.
,
فلــه نــايف ...!
.
كــان يـفكر بـ روضه من آلآمـس والرقــاد حتـى مـا لــمحه ولو للحـظـه ..!
نــايف : معقـول روضـه تسـامحني ..( ضـحك بسخريـه ) .. أنت إللي سويـته فيـها من وجهه نـظرها مسـحيل تسـامحك عليه .. آنت عقيتـها وحيـده بليـا أي عوون .. وهـي كـانت مريـضه ومنتهيـه .. شقايل طـاوعك قلبـك تسوى جـيه فـ بنتك .. شقــايل .. آآآآآآآ بــس ..
( ييت بـ بـاله ذكـرى مجرد انـها مرت لـ وهنـه ..رسمت فـ شفـاته الابـستامه ..)
.
قبـل 17 ســنه ..
ام ســالم وهـي ع السـرير الابـيض ..وابتـسامتها ع محـيها وترمس ولـدها اللي من توفه امهم وهو مـا لحظه فـارق " امـه " اللي هـي ام سالم ..
انولـد نـايف ولـكن ما حـالفه الحـظ انـه يتربـا بـأيد امـه .. لآنـها سلمت روحـها للـعالي .. وهي كـانت بـ المستشفى تخرجه لهـالدنيـا .. 
ام سـالم وترمس نـايف وابتسامتها بـ محيـها : حبيبي ما ودك تـحط البنت بـ حضنك ..
نـايف وبصوته الطفـولي اللي كان ما يتـجاوز بـ العمر غيـر 5 سـنين :هـيه هيـه ابــا ..
ييت ام الريــم وحطت البنت الصـغيره بـحضن نــايف ...
ونـايف كان من الوناسه يضحك ويـطالع ع خواته اللي كانً بـمثابه امهـات لـه ..
نـايف : الله صغيــره .. ( ويلس يطالع بـ عيونها وعقب قال ) ههههه عنونها صغيـره .. ( وبـسأول ) ليش عنونها صغيره .. وهيه بعد خشمها صغير .. ( وعقد حياته ) كلـها صغيره ..
ام الريم + ام سالم : ههههههههههههه 
نايف ابتسم مجرد انهن ضحكن : خلاث هاي بتستوي بنتي انــا .. انا بربيها .. سرات ما انتي تلبيني ..(وبـاسها ع خدها)
( يلسن ام الريم وام سالن يطالعن ع بعــض مستغربات مب جنه ياهل عمره 5 سنين بــس .. )
.
عقـبها هـ الذكرى رد نــايف للواقع وهو يقول : ربيتج ياروضه ..ربيتج من يوم انتي يـاهل .. مع صغر ســني بس كنت افهم ..اتذكر يوم اني اسحبج ورايـه وانا بـروحي مب قادر امشـي .. كان كل شي ويـايه انسبه بكل بسـاطه لج .. لحد ماكبرتي وبديتي تفهمين وماقدرتي تبعدين عنيه ولا 5 دقـايق .. بس العذال فرقوونا يا بعد روحي ..فرقونــا ..حسبي الله ونعم الوكيل فـ اللي كان السبب .. ويلومني ليش احبج وانتي بـطول هالسنين مابعدتي عنيه ولا ثـانيه ... ويلومونا ليش نحب بعض حب ما نولد شراته ..
لانج بـ المختصر انتـي روحيه وبــنتيه .. هيه ياروضه انتي بنتيه ..انا افتخر انه ويـايه بنتج شراتج .. وانا عمريه مايتـجاوز احين غير 22 سـنه ..
(وعقب تذكر يوم تركـها وسـافر .. وقال وهو يتحرق من الداخل ) : وربي يارووضه مب بـكيفي غصب عنيه ..وربي غصب هـ الشي فوق أرادتـي .. شـقايل رآح تفهميـن هـ الشي يا رووضه شــقايل ...!؟
\
/
\
/
\
/
فلــه بو حمدان ..
".. جــناح حمدان .."
.
.
نــش من آلرقــاد وســار خذلـه شوور .. وظهر من الحمام ( وانتوا بكرامه ) بـ الفوطه اللي كانت ملفوفـه ع جسـمه ..
أخذ لـه بنطلون جيـنز من كابين وعليـه تشيرت كــت آبيـض محدد ع جسـمه المتوسـط .. ظهر التشيرت عضلات ايدينه المتوسطـه .. 
ورش من عــطر ديــور [فهرنهايت] .. ومرر آنــامله بين خصلآت شــعره آلطــويل آلنآعم .. وودر شعره شــرات ماهو .. كــان شعره مبــلل ومسـرح بـ أهمال ..كــان شكله النهــائي عذآآآآآآآآآآآآآآآآآب بـ كل ماتعنيـه الكلمه ..
.
نزل تحت ومــر ع آلصـاله مع انــه كان متــأكد من خلوها .. لانه من مستحيـلات السـبع هله يــنشون بـ هالوقــت ..
.
ظهر الحديــقه وطــالع طــاقم البشــاكير كــامل ظــاهرين .. كاناو يالسين يرتبوون الفــطور بـ وحده من طــاولات الحديــقه .. 
مر حمدان من حذالهم وجرب صووب البـوفيه المحــطاي .. وأخذ لـه حبـه خيـار .. و أبتعد عنــهم ..
كانً البشــكارت مطيرات عيونهن عليــه .. منبـهرات من جـماله .. 
.
آبـتسم لهن حمدان .. لانـه كـان متــأكد انهن متـخققات علــيه ..
مشــى وسـار صــوب السوميــنق بوول .. إللي كانت وراء الـفلـه ..!
.
ظل ثــواني يطالع ع الفراغ اللي جدامه .. عقبـها رفع فونه ودق ع مدير أعمـاله " محــمد " ..
عقــب ثــوانـي .. 
حمدان بــفخــامه : مرحبـــا .,
محمد بــأحترام : مرحبـا الملاين شيخيه ..!
حمدان : شــحالك محمد ..؟
محمد : الحمدالله شيخيه يسرك الحال ومن صوبـك ..؟
حمدان يبـا يخلص هالروتيـن الغـبي ..ويـطالع ع الفراغ اللي جدامـه ..: تــمام .. تمــام ..هــآه محمد بــشر كيــف آلموضوع ..؟!
.
محمد : هيــه موضوع منــصور ..؟
حمدان بتــسأول : هــو أسمــه منصوور ..؟!
محمد : هيه اسمه منصور وعمره 18 ســنه ..
حمدان : اها ..
ويــكمل عقب ثوواني :اوك .. وشو بـعد عرفت لي عنــه ..؟
ممحمد : طوولي بـعمرك .. منصور ولد خـاله الانــسه .. بس ما كـان ظـاهر من قبل غيــر هـ السنه ..!
حمدان ما فهم شو بعد هاي ما ظاهر غير هـ السنه : لــيش ...؟
محمد :طوولي بـ عمرك لانه آلآنسـه ما ردت غير هـ السنه ..
حمدان : وبــعدين ويـاك محمد .. ارمس شرات النـاس .. وبدون ألــغاز ..
محمد يـكمل : البنت كــانت مســافره فرنــسا بـ الخارج للدراسـه .. بس ردت قـبل 4 أشهر تقــريبـا .. لانها خلــصت ..!
حمدان : آهــآ ,, وهـا إللي ما يتسمـى آحيـن لآزق فيـها لزقـه ..
محمد بــطاعه وما فاهم شيء : نعم شيخيه ..<يقول نعم وما فاهم شيء خخخخ
حمدان حس ع عمره انـه يرمس .. وهذا يســمعه : أوك محمد .. وافاني بالاخبـار .. 
محمد : فـ أمان الله الشيـخ ..
بند حمدان عن محمد .. وابتسم ابتسـامته المعتـاده : حــلو والله .. حلو دارسـه بـ الخارج .. ولآ بـعد بـ فرنسـا ..رآقيـه الاخـت ..هههههههههههه
( مرر أصــابعه الطويله بين خصلات شــعره .. ونش من آلــكرسي ..)
\
/
\
/
\
/
\
فله بو ســالم ..
.
"..جــناح روضــه .."
.
نشت روضـه من الرقـاد ..و هي تــطالع عمرها فـ الغنفه ..:آووووه انا شـ
و أسووي هــني ..؟!
( مسـكت رأســها بتعب .. لآنـها تحسه بـ ينفجـر , وتذكرت بالامس شو استـوى فيــها ..وتنهدت بـ ألم ) ..
.
نزلت ريولها للآرض .. وسارت حجرتـها وطالعت البــنات رآقــدت ..
حولت نظرها للســاعه اللى كانت ع الحــائط " الســاعه 6:09 "
و قـالت : يـاربيه يعني مـارقدت غـير سـاعتين ..يالله ..الله كريم ..
.
حدرت الحمام ( وانتـوا بـ كـرامـه ) وخذت لـها شور ..وظهرت بـ الروب .. وسـارت حـجره التبديل ..
روضـه بـخاطرها : خاطريـه ألبـس جينز .. بس مايستوي .. آووووف ..
خذت لـها مخووره فـخمه .. كانت عبـاره عن قـطعه كـامله أبيض ..وعليها ورود كــبار ليلكيـــه .. لبســتها وعقب خذت لها شيله صلاه قصــييره لونها ليلـكي ســـاده بدوون اي نقشــات ..
.
ســارت حذال المــرايه وخذت لـها قلوس خفيف مــايل للبنك .. وحطـت بلاشر بيـنك خفيف جداً .. وحطت حجل آسود وكــثرت مــنه .. لانها تموت بـ الجحل ..
لفــت شيلتها بــأهمال " مما زادها جمــال " وكانت يذلتها ( القـصه الامـاميه من الشعر ) ..ظــاهره شــوي .. رشت لها من عـطر " فلورا " قوتشــي ...وطالعت نفسـها بـ رضى فـ المرايـه ...
الليلكـــي والشيله الســاده الليلكيـه خلتها خبــال فـ خبـال ..
.
نزلت تحت بــ محد .. الكل كـان رآقد ..
ظهرت بــرع الـفله .. وأول مــا ظهرت طــاحت عيـنها فـي فـله " بو حمدان " وقــالت بـ خاطرها : لا يــكون هـ العله نــاش .. والله ما سرت من هـاك آلصوب .. بسير صـوب الخيــول ..أكيد انه ابويه ما غير مكـانهن ..
.
سارت أخر المزرعه ويــا اسطبل الخيــول ..لانه مسـتحيل حد يـكون هــناك ..
الكل يبتعد عن هـ المـكان بـ حكم انـه مقزز ..
بس روضـه تحب الـخيول ... والمــكان بـ العكس كـان واايد نظيـف ..!
قالت تتحلـطم :خــقاقين مـاشي احلى من هـ المكان .. اونه مقزز والله محد غيرهم المقزز .. يعلني بليـاهم <<خيبه شقايل كارهتنهم خخ
وفــــــــجأه ألتفتت بـ صدمه .. وسمعت صــوت تعرفهه وتـكرهه بـعد ..
أول ما التفتت لـقت بـ المزرعه اللي حذالهم مـــــزيوون بـ معنى الكلمه ,, ومب آي مزيوون ،، يــــذبح من حلاته .. 
عرفـته .. انـه محد غيره .. بسرعه بسرعه دخلــت الاســطبلات عسب مايشوفها ..
روضـه بـ خوف : آوووف الحمدالله .. زيــن لحقت .,,
(يلست تتذكـر شـلكه وهو يــرمس فـ الفون ) وكملت بـهمس : عنلاااااات هـاك الـشكل محلااااااااتـه .. الخــايس غرشووب ..يعلنـي بلآلآلآلآه ..اسميني ما اطيـجه هـاك الخقاق ..>>عاده ما مدح كلـه سب خخخخخخ
ويي ع بـالها فـكره انـه لو شــافها شو بيسوي فـيها , أكيـد بيسوي شئ جــايد ..
وقالت بـ خاطرها :لانه امس شردت وتركــته .. ولآ بعد حـركات هـاك الـخاين الثـاني كـانت وسـخه بـ معنى الكلمه .. ( تقصد منـصور ) ..
يعني آكيــد بـ ييلس يتخقق عليـه .. وبـ يقول انتي رآعيـه شبـاب .. وكملت بـ صوت وآحد فـرحان وعيونها مفجوجه : زيــن مـا طالعني خخخخ
.
فــجأه ماتسمع غيـر فونها يــصيح (يرن) بـ حركه سريـعه ييت تـطالع بـ ايدها وبـجيبها ماشي .. تبا تسكـته لا يفضـحها ويعرف حمدان انها موجوده ..
غريبـه ويــنه ولا يـــنسمع صيـاحه .. وين يــعني بيسير ...
فـــجأه من الزيــغه شهقت رووضه : هئئئئئئئئئئئئئئئئئئئئئئئئ ..
.
\
/
\
/
\
/
\
/
"..فلــــه بو حمدان .."
.
نـــشت ميره من آلرقــاد وهـي تـطالع الســاعه " 6:34 ص " : آوووووه بــعدها آحســن آرد آرقـد ..... ( وردت ميــره تـرقد ) ..
.
\
/
\
/
\
الفلــه العووده .. " فلـه بو ســالم "
.
ويــا آلشبـــاب ... بـ الضبـط .. ويــا منصور ..
فـتح منصور عيـونه بـ كسل وطــالع ع الــنور إللي تسلل من الــستـاير ..
منصور بـ خاطره : شــو آستوى .. 
( وعقب مـا تذكر ) كمـــل : لآ سلامتك .. مااستوى شيء .. بس ضربت روضـه وشـكيت فـيها .. (وكمــل بصوت ثــاني ) : بس والله كــل واحد بـ مكاني كــان بيسوي هـ الشئ ... بس يـامنصور الشــخص يمسـك اعصـابه .. ويـــسأل مب تفز و تضــرب وتشتم ..!
( رد رأســه بـ الوســاده ...لآنـه حتـى مب قـارد يحرك رأسـه من الصــداع ..)
.
,
.
\
/
\
/
\
.
,
.
ويــــا روآضــــي ...
.
فـــجأه من الزيــغه شهقت رووضه : هئئئئئئئئئئئئئئئئئئئئئئئئ ..
.
,
بــرع الاســطبلآت ..
.
,
حمــدان كان يـالس يتمــشى ويرمس فـ الفون ..
بنــد عن اللي كــان يـالس يرمسـه .. ويتت فـ باله روضـه ..
ضــحك مجرد انـه الفـكره ييت ييت ع بــاله ..
فتح قـــائمه الاسـماء ودق ع رقــم " الدلوعه " ومـا ثواني غير يسمـع انـه رقم روضـه سلـك .. وبدآ يدق .. بس آلــفـآجعه آلكــبرى .. انه مب بس فونـه اللي يصيــح ، يسـمع شيء يصيــح .. حول نــظره يــطالع شوو هــا اللي جيــه يصيــح ..
آقــترب من الســوار اللي كـان محوط بين مزرعتهم و مــزرعه بو ســالم .. وكــان هـ المكـان الوحيــد اللي مـا مســور بـ الطابوق وكان مــسور بـ شبك .. لانه محد يي هـ المكان غير البشـاكير والـعامليـن ..
كــان يــطالع بـكل مــكان فـي مزرعتهم بـس مــاآآآآآآآآآآآشي .. 
آقترب من الســور " الشـبك " والصــوت كل مـاله ويـقترب يـعلى الصـوت ...
بــدآ يدور بـ المزرعه اللي حذالهم .. وطــالع شيء أسـود عليـه فوشــي مرمـي بـ الارض ويصيــح ..طـالع ع فــونه بـس الخـط ويـاه انقطـع ..[ لايوجد رد ] ..وحول نــظره ع الفــون اللي بـ الارض هم حــى هو ســكت ...!
.
بســرعه و بـ حركه بديهيه منـه .. رد يــدق ع رقم " الدلوعه "
ومــا ثواني غير الــفون اللي ع الارض يــرن .. 
بـ هاللحــظه تـــأكدت شكـوكـه .. والابـــتسامه كــانت تعلـو فـ شفاهه ..
حمدان وبـ صوت اشبـه بـ الهمـس : يعني انتي هــني يـا بنت أحمد ..
( طــالع وبـ سرعه ع الســور " الشبـك " ومــد نظـــره ع طــول الســور ... وابتسـم آبـــتسامه كــلها خبـــث ..
.
,
.
دآخــل ويــا روضـه ..
كـــانت روضـه بـ تموت رعــب : مـنو هـ الغبـي اللي آحيـن دآق .. يعني ما لقـى غير آحيــن يدق ... آوووووووف .. شو هـ الحــال ..
( بس فــجأه سمعت آنــه الفون ســكت من الصيــاح ... ســارت عـند فــحته الاســطبل العوده .. وظهرت منــها نـص رأسها .. يلست تــطالع اذا حمدان بـعده موجود هــناك .. بس حمــدان آخـتـفى ..
قــالت بـ فرحه : اوووف الحمد الله .. 
ظهرت روضـه من الاسطبــل وبســرعه سـارت صــوب فــونها مكــان ما كـان مرمي ..
نزلــت للارض .. ومدت أيدهــا اليســار بـ تأخذه بـس قطـع عليها صوت هــامس من وراءهــا : مرحبـــــــــــــا الســـــــــــــــــــــاع والله ...
( روضــه فجت عيونها ع وســعهن وحسـت بـ عمرها آحيــن بتنجلب ع وراء من الخـــوف ..)
خــافت تــطالع ع وراء و تتــأكـد ويــكون اللي سمــعته مب خيــال ..
نشــت بـ طولها من ع الارض وألتفتت بـ بطئ شديد .. لمـا شـافته حست بـ عمرها بـ تصرخ من الزيــغه .. >>شو هـ الرعب والله حرام عليـه ..
حمدان ونظره كلــه ع روضـه يتفحصـها : صبــــاح الورد لـ آحـلى زفــته بـ هالمزرعه .. !
.
روضـه من طــالعت انـه محد غيــره هوو إللي جدامــها .. بــدت ترد ع وراء تبــــا تشــرد ..!
.
بـــس حمدان كــــان اسرع منـها وبــدا يجرب صوبــها .. وروضـه ترد ع وراء ..
حمدان بنــص عين ويعقد حيــاته : آفـــــــآ يــــآلـــحلـووه .. ليش وانا اشتـــقت لج .. مــاشي سلآم .. مــاشي بووســـه .. ولا حــضن شرات غيــريه .. ولاهم حلال وانــــا حرام يـالـ.... ( كــان يــبا يسب .. بس سـكت حس ع نفــسه ) ..!
روضـه كانت ترد ع وراء لانـه حمدان كل مـــاله ويجرب صوبها أكثــر ..
لحد مــا روضـه ضربت فـ الحائط مـال الاســطبل ..
لانـه الفـتحه العوده للآسـطبل اللي بـمثابه بــاب كانت مقــابله الفلـه وهـ الحـائط مقـابل الســور " الشبـك " .. 
وهـــي كـانت ترد ع هـــ الحائط إللي مــقابل " فلــه بو حمدان " 
روضــه وهي صــاكه فـ الحائط وتحس حمدان يمشــى صوبـها .. ومن الخوف تــصنمت مكــانها ..!
وصــل حمدان لـ روضـه وحط ايده اليمين ع الــحائط يعني اســتند عليه وحاصرها بـ ايده وجسمه اللي منعها انها تتحرك من ع الحـائط ..
وعيـونه بـ ويه روضـه يتفـحصها .. وبـ همس يذوب : يعني لازم يـا بنت أحمد كــل شئ ويــاج بـ القووه .. ماتيين بـ الطيب موووول ( وضـحك ضحكه ونزل عيونه بالارض وحرك رأسه بأسى ) ..
( روضـه كانت بس تسمع ضحكته وحركته اللي توه سواها .. قالت بـ خاطرها : يلعن بوووووووو هـ الضحكه .. احين بيتووقف قلـــبيه من حلاتـها وه بــــس ..)
كانت بـتموت من الـزيـغه اذا قلتلكم مــا يفصل بينهم غير 3 ســم مــا بتصدقوا ..
تــحس بأنفـــاسه الحاره بـ ويــها .. !
رفــع ايدهـا اليمين اللي كــانت مغــطايه بـ الجبس وبـدا يمسـح عليـها بـ أصبعه الابـهام .. وأصبعه السبــابه كانت تحت أيدها يعني مــاسك بـها ..!
.حمدان يـهمس ( متعمد يهمس عسب يــذوب روضـه ) : قـــولي لي منـو سـوى فيـج جيـه .. وصــدقيني بـ وديه لــ أقرب مقــبره .! ( وعيـونه كــانت مركـزه بـ ويه روضــه ).. 
.
روضـه بـ تموت من الخــوف .. ايــده وحده متـكي عليـها بـ الحائط والثـانيه مــاسك بـها أيدها .. وعيـونه تتفحص كـل ذره بـ ويه روضـه .. واذا اي شـخص يي شــو بـ يقول عنــها .. أكيـد أقــل شيء بـ يتسوى فـيها بـ تنجتل ..!
.
حمدان يهمـس : آرفــعي رأسج ..
رووضــه لهــني وبــــس لااا هاآآآآ الـظهر زودهــآ ..
.
صــوتها تحسه بـه من الخووف خلاص اختفــى .. بس شجعت عمرها وقـالت : يلا يــا روضـه انتـي قويــه ..
وقـلات بـ صوتها المبحــوح : عيــب إللي يــالس تسواه وربــي عيـــب ..!
.
( حمدان كــان بس يــطالع ع روضــه مب مصـدق هــي صج رمست .. رمستــني لآآآآآآ مــأ أصدق ...)
وقــال بـ خاطره : يــلعن شــكلج انتي وهـ الصوت شــقايل يـذبح ..
وكمــل بـ خاطره : لآآآآآآآآ يــا حمدان انت اقوى من انـه حـــثاله تهزك .. انت اقوى ..
.
,
.
من يــوم روضـه رمسـت وحمدان كـــان يــطالع ع روضـه .. وفـ ويهه منرسـم شبـح آبـتسامه ..

حمدان جــرب من روضــه أكثــر حتى انـها حســت انـه ضرب فـ صدرهــا .. وجرب رأســه حذال أذونــها وهمـــس وحاول يزيد من بـحه صوته لمــا يهمس : تــبين تعرفيــن معـــــــنــاة العــيب الحقـيقـي ...!.؟
.
خلاص روآضـــــي لــهني وبـــــس .. حست أنـها بـ تسويـها فـ عمرها من الخوف ..هههههههههه ...!
روضــه وبـ تموت من الخــوف .. وصرخـــت : وخـــر يآالحيــــــــوان ...!
مـــاتسمع غير آنــه حمدان يـضحك : ههههههههههههههه
وكمـــل وهو يرمس ببطـــئ ويحرك شـفايفه ببـطئ شديد ... وغمز لها : ميـــنون انــا أودر هـــ الشئ كله لـغيريـه .. ( وضحك بـ خبث ) : هههههههه
.
’
,
روضــــــــه خلااااااااص ع مــا اظن مب بس آحســاس انـها بتسويـها ألا سوتـها وخلــصت ..
ومن القــهر اللي فيــها والــخوف مب طبــيعي .. رفعت ايدينـها الثنـتيـن ودفــعت حمدان ع وراء بــ أخر قوتــها ..!
.
,
.
بس فــجأه طــاحت روضــه ع الارض وبــدت تضــغط ع أيدها المجسـوره .. تحس بـ الالـم يذبـحها .. وكانت تـحاولــي تخفــي الالــم .. و غمضت عيـونها ..
.
امــا عن حمـــدان صــج انه رد ع وراء يوم دفــعته .. بس تفــأجى لمـا طـالع روضـه ع الارض ومـتكوره ع نفــسها ..عرف سـاعتها انـها تعورت بـ ايدها ..
.
كــان خيــفان صج عليــها .. لايتسيوي فيها شيء .. 
كــان يبــا ينزل بــس حس وقتها انـه اذا نـزل يـسـألها ..بتقول ها كـل هالتخويــف وظهــر ولا شيء ..
.
،
يــعني بـ المختصر المفيــد ما تحرك من مــكانه ..!
.
روضــه وهي مكـــانها وومتكوره ع نفسـها وتقول فـ خاطرها : حشى حتـى ما ويـاه لبـاقه .. ما ســأل اذا انـا تعورت او لا ..الله واكـــبر شـقايل لــعين ..< متفيـجه لكـل شيء ..
.
نشــت من طيـحتها .. و اول ماوقـفت طــالعت حمدان يـطالع عليـها .. ولـمحت نظره فـ عيونه بــس ما فهمتــها ..!
آمــآ عن روضــه ..
فـ كان سبب هـ النظره فـ هو شكل روضــه ..
كان شعرها من جدام ظـــاهر .. وكان شعرها لما يظهر من جدام فـ يزيدها جمال فـوق جمالها الــصارخ ..
وعيــونهها إللي كانت تعــطي حمدان نظره قــويه .. كانت معـبايه بـ الجحل الاسـود الــغامج مررررررره ... وكـــان زايد من لون عيـونها العســلي الفاتح ..
.
حمدان مب قـادر يخوز عيونه عنــها .. كان شكلها وهــي مـاسكه ايدها اليمين بـ ايدها اليـسار .. وشـعرها إللي ع ويـها كانت فـ قمه بـ الروعه بنظره ..
.
حمدان بـ خاطره : يــلعن يومها شــقايل حلووووه ... اوووف شـ هالجمــال ,,, آووووووووووه آنـآ شو قــاعد اقووول .. 
.
ومشــى لحد روضــه إللي وقفت توهـــا .. وقـالها : يـ الحـلـوة ( وغـمز لها ) احسن لـج تسيريـن آحيــن لآ آتــهور و اسوي فــيج شيء ( وغمزلها ) ما تتمنينه..
.
,
.
مشت روضه شوي وعقب التفتت عليـه .. وهو كان يطالع على مكانها ..
قبل وين ماكانت قاعده ..
بس بسرعه التفت ولقاها تتطالع عليه وقالت وهي ترفع 
واحد من حيانها وتنزله بحركه تقهر : اكيد بتتهور لانه جمالي يخلي الواحد
غصب عنه يتهور ..
( ومشت بسرعه وهي ماسكه ايدها اليمين بـ أيدها اليسار )
كانت متعمده تسوي هـ الحركه عسب تراويه منو هي لانها مب حي الله وحده ..
وسوت هـ الحركه عسب اترد كرامتها وجبروتها ..
أما حمدان كان منصدم والتفت بسرعه يطالع .. بس كانت اسرع منه وشردت ..
( لانها لما عقت عليه هاك الرمسه التفت بسرعه على جدام وعقبها
بـ ثواني رد يطالع بس كان شارد بـ هالوقت .. )
ضحك وحرك راسه ..: عنبوج يـا الحثاله شقايل مغروره ..
بس ما ألومها ما طالعت توك كل هاك الجمال ..
عقب ضحك ومشى سيده .. وظهر من السور .. اللي هو فتح فيه فتحه
عسب يحدر المزرعه ..
.
,
.
روضه وبسرعه طيران على الفله وبتموت من الخوف ... وفوق
كل ها ايدها كانت تعصرها من الالم .. 
واول ماوصلت اللفله لقت ريال قاعد على الدري تبع الفله ..
وبسرعه عرفه منو هـ الشخص ..
اول ما عرفته طالعت عليه بنظرات كلها كره ومشت .. وماتسمعه
غير يقول : روضه ... رووضـــه .. رووضه دخيلج اسمعيني ..
لفت روضه وبقوه طالعت عليه وميلت راسها شوي وقالت بقهر : 
بـــــس كــــافي .. كــرهتنـي بـ عيشتــي ..
تدري شو يعنــي اكرهـــــــــك .. ( وميلت راسها وغمضت عيونها )
اكــــــــرهك .. اكــــــــرهك ...!
مشت وراء القصر وسارت حذال السومينق بول .. 
\
/
\
/
\
.
,
.
نشن البنات من الرقاد وكل وحده بدت تتعدل ....
حمدووه : ايــــــه يزوي شو رايج فيـه ..؟
يزوي : وااااو يا الصخله طرر .. فذمتيـــه طررررررر
( حمدوه كانت لابسه مخوره عليها اوراق كبار .. وحذال كل ورقه ورود صغار حمره .. كانت رووعه ، ولبست عليها شيله صلاه قصيره حمره ساده كامل .. وحطت مكياج صباحي خفيف جدا ...)
يزوي وهي ماسكه كندورتها جنها فستان وتدور فيها : وانــا طالعــي شقايل شكليه ..
صرخت عواش من الغيض : مـــــــــــاااااا حلووه
حمدووه : هههه لا تصدقينها ورربي تذبحين من الحلا حتى انا احس عمريه
ماحلووه ..
يزوي وتأشر على عواش : هاي بلاها جيه من صباح الله خير جيه تجذب << دخيلج يالثقه " تجذب" خخ
حمدوه : هههههه تقول اونها تبا ترقد ماشبعت رقاد ..
يزوي : انزين ما عاد اتقول انا ماحلوه ..<< لاحوول سوتها سالفه خخ
عواش وهي مغمضه عيونها : حللوه وربي حلووه ..
يزوي : توج حرمه يالصخله ..
نزلن البنات وظهرن برع لان اكيد الكل برع .. بس تفاجأن ان محد برع 
الا واحد قاعد على الدري .. ومحطي ايدينه فـ راسه ..
حمدوه وبـ همس : منو هاا ؟؟!
عواش بصدمه : هذا منصـــــــــــــور ..
يزوي : سيري طالعي اخووج ..
عواش : اوكي اوكي ..
سارت عواش تتطالع منصور وقالت له : منصور بلاك غلايه ..!
منصور : ........... " لا تعليق"
عواش : نصور بلاك الشيمه ارمس ..؟
منصور بعصبيه ورافع ايدينه على فوق : عواااااااااااااااش ... ودريني بحااالي 
عواش احترمت رغبه اخوها ..واشرت للبنات " على انه تبعني " ..!
يوم سوت عاش هـ الحركه سوت حمدوه من وراها خمسه على انه 
مالت عليج لا تقعدين تتأمرين علينا ..
يزوي وتسوي شرات حمدوه بأيدينها الثنتين هاااا ...
.
،
.
سارن البنات البنات وطالعن طاقم الخدم يرتبون الفطور على الطاوله العوده
يزوي وهي تسأل وحده من البشاكير : where is't (اين هي)
البشكاره : How ??? ( من )
حمدوه : روضــــــــه .. 
البشكاره : be said swimming boll ( بجانب بركه السباحه)
.
سارن البنات وين ماقالتلهن البشكاره .. واول ما طالعتهن رواضي 
ان البنات يايات صوبها نشت ورفعت ايدها وغنت ..:
مرحبـــا الســآع بنظر عيني .. وقلبي هلآ ..
البنـات : هههههه
يزوي : لاااا النفسيـــــــه اليووم اوك ..
سمعتها روضه وهمست عسب محد يسمعها وقالت : اي اوك الله يهداج
ما تتطالعينيه زاخه ايديه بموت واايد تعورني ...
عواش : ليش بلاج لا يكون طحتي عليها ...؟
روضه تتطنز : لا دفعتبها واحد من المعجبين ..
البنات صرخن ويا بعض : لااااااااا بدينــــــــاااااا خقه ..
روضه ماتت ضحك لان البنات يتوقعنها تتخقق شرات العاده 
روضه وهي تغمز لهن : واذا قلتلكن ان هـ المره مب خقه ..
وقسم قسمـــات اني ماجذب .. هااا لاحضن .. (رفعت ايديهنا بتهديد)
حلفت ...!
يزوي وتزخ ايد رواضي اليمين تبا تيلسها عسب تقولها السالفه بس 
مانتبهت انها تسحبها من الايد اللي متعوره فيها ..
روضه وهي تصرخ : ااااااااااي عورتيني يعلج النفااد .. مب كافي هااك اللي مايتسمى ..
حمدوه وهي تفج عيونها على وسعهن : لاااا تقولين لي السالفه فيها الفيصل !!!
عواش نشت وصرخت : انا من امس اسمعكن اتسولفن عن هذا اللي مايتسمى على قولت رواضي .. منو هـ الفيصل 
رواضي وهي تضرب عواش : ما من شئ محد بيقولج شي .. لا اصرخي اعلى اعلى يا الفضايح ..
البنات انفجرن من الضحك على عواش اللي هزئوها .. مب جنها اكبر من روضه ..
عواش وترفع عينها بخوف ورفعت ايدها للنص اونها تبا تهدد 
وبصوت خيفان يجتل من الضحك : لاحظي انا اكبر منج ..
رواضي وهي تصرخ : واخبل عنـي ..
يزوي : عواش احسن لج تنسحبين حفاظا على كرامتج .. ماتعرفين تهددين شرات خلق الله ..
حمدوه : ههههههههه
عواش دفعت روضه على وراء من جتفها اليسار : لا تضيعين السالفه 
وقوليلي شو استوى منو ها الفيصل ....؟
روضه تأشر بصبوعها السبابه على عواش وتتطالع على يزوي وحمدوه : اول مره
ترمس بهدوء ..
البنات : هيــــــــــــه والله ..
عواش : يلااا قوولي بسج ذل ...
روضه واونها اتعدل من يلستها : انزين انزين ..
البنات بقهر : قوووووووووووولي ..
روضه بالفرنسي : (d'accord) .< ..طيب ..>
قالتلهن عن السالفه كامل .. ويوم خلصت قالتلهن : وبـث ..
البنات كانً يطالعن عليها بصدمه ..
روضه : ايــــــه بلاكن مفهيات ..
حمدوه بصدمه : قوولي والله ..
عواش : روضه انتي متأكده 
يزوي وتأشر على روضه : ايه ايه لا تصدقنها ..
روضه عصب : انا من ساعه ارمس وعورني حلجي .. وففـ الاخير اتقولن اني اجذب .. صدق مافيكن ادب ..
البنات : ههههههه
يزوي: هدي اعصابج هدي ..
روضه : حتى ما عندكن اتكيت ولباقه .. ولا شي من هذولي كلهم ..
عواش + يزوي + حمده : ليــــــــــــش ..
روضه : حتى ما سألتني اذا سويتها فـ عمري ولا ..
البنات طاحن فـ الارض من الضحك .. خلاص منو يسكتهن ..
رواضي صج خبله ..
حمدوه : انزين انا بسألج بشري سويتيها ولا لا ..؟
روضه تضحك : بس قطيرات << بعدها تعترف خخخ
البنات انفجرن من الضحك ..
عواش بلقافه : انزين رواضي اوصفي لنا شكله ..
رواضي يوم قالت لها عواش اوصفي لنا شكله .. تنهدت بقوه وقالت :
آآآآآآآآه يا شكله .. ! 
البنات كلهن ويا بعض صرخن : لااااااا قوولي ..
روضه ميته من الوناسه لانها مسويه اكشن للبنات 
رواضه وهي حاضنه ويها بـ يدينها : شوصف .. وشو اقول .. آآآآآه بس 
لا تذكريني فـ الغرشوب ..
البنات : قوولي بسج يالنذله ذليتينا عااد ..
روضه : اوك اوك بقول .. اول شي عليه طول الله واكبر من طول ..
وجسمه شوي نحيف وعليه عضلات متوسطه .. 
البنات صرخن من الاكشن ..
وتكمل روضه : وعليه شعر نااعم لحد نص رقبته ..
ويهه ااه يا ويهه عليه خشم سله سيف ..
وعيونه يا بنات اسكتن .. عيونه زيتونيه .. وترا مب اسمراني لااا ابيضاني
وعلى فكره .. اسمه حمدان وبعد له اسم ثاني وهو الفيصـــل ..
( وعقدت حيانها ) بس ماعرف لا تسألني ليش ..!
ام البنات كلهن متخققات بيموتن 
عواش : اكيد حبيتيــه ..!؟
روضه ضحكت : ههههههه .. يعله مب راعي جمال عادي 
يعله ملك جمال العالم ما بييب راسيه .. اخر زمن احب قليلين الادب ..
حمدوه : اموووت انا ع المغرورين ..
يزوي : لكن والله على وصفج ايطيح الطير من السماء ..
رواضي بصدق : هو الجمال يلعن شكله غرشووب ..
لكن عليه لسان وسخ محد اييبـه .. حتى انا مسميتنه بو لسان وســخ ..
يزوي : عيل من هـ الدقيقه بيسري عليه نك ( وترفع صبوعها جنها ترسم على الهواء علامه تنصيص)
" بو لسان وصخ "
البنات ميتات من الضحك على يزوي ماتصدق على الله تلاقي حد
تحش فيه ..
حمدوه : لكن والله يا رواض هذا ينخاف منه شكله ما ناوي على خير ..
رواضي وترمس بجديه واضحه : عارفه وربي عارفه .. انه مستحيل ايودرني 
لكن شو اسوي ما باليد حيله .. خلنها على الله بس ..
.
وفجـــآه مايسمعن الا صوت واحد قاعد تحت الشير يسمع كل 
الرمسه اللي قالنها البنات وروضه ..
البنــات من الزيغه صــرخن مره وحده : لااااااااا مستحيــــل ..
.
،
_______________________.
منو هـ الشـخص اللي كـان تحت الشيـره ويسمع كل هـ الرمسه اللي قالنها البنـات وبالاخــص روضــه ..؟!
رآح اجاوبـكم فـ البارت اليـــاي بـ أذن الله ..!
.
بـ جيه نكون خلــصنـا البارت الحادي عشر ..
مع تمنيــاتي لكم بقراءه ممتـعه ..~ 😘😍😂