رواية بتندمين يا بنت والسبب نظرتك هذى الفصل السادس عشر 16 - بقلم غير معروف

اهلين 💕 حبايبي اليوم كما وعدتكم يجيه وجايبه ويايه بارت 🆕 اتمنى ان ينال اعجابكم والكثير من الفوتات والكومنتات قراءة ممتعة للجميع
____________نبدأ
بتندمين يابنت والسبب نظرتج هذي
.
.
ويـــا روضــه ..
.
تنفســـت بـ تعب ... وقالت بـ خاطرها : خلاص يا روضـه هـا مكتوبج .. ليش بعد تتحسرين ...
.
استغفرت ربـها ..ومسكت الفون وطرشت مسـج لـزباله اللي وياها ع قولتها ..>>تقصد الفيـصل ..
.
كتبت بـ المسج
" وين آنـــت ..؟ "
كتبت له وين انت لانها كاره تكتب له اوكي احين بيي ...
قصدها تصرف سوى اي شي انا مااعرف شي فـ بيتكم ..
.
اول ما وصــله الرد ابتسم وقال : ااااااه يارووضه شقايل هـ الغروور بـ يذبحج ..
وطرشلها ..
" ميره احين بتتصرف وانتي تعالي ويـاها .. "
.
.
اول ما وصلـها الرد حست انها احين بتختنق ..
.
ما ثواني غير تيـها ميــره ومسكتها من أيدها بـ حركه تمثيليه وقالت بـ دلع : تعالي شووي ويايه بـراوويج شيء
.
طبعا محد انتبـه لـ ميره .. ولا لـ روضه ..
نشت روضـه وسارت ويـا العقربه ميـره .. اول مااختفن عـن الانظار سحبت روضـه ايدها بـ قووه ..
.
ودفــعتها بـ قووه ع اليــدار وقالت : لاتلمسيني يـ الووسخه..
.
( ميـره ما قالت شئ لانها اللي سوتـه فـ روضه مب شووي )
.
مشن لـحد ما ظهرن من الباب الخلـفي للبـيت وعقبها بـ ثواني اختفت ميـره ..
تنفســت روضه بـ تعب ..
ونزلت من الدري اللي تركتها بعد ماوصلتها لـه ..
.
نزلت من الدري للارض ولفت رأسها تدوره ..بـس ما لقـته ..التفت يمين وشمــال محد ..
بس فــجأه حست بـ ايد ع جتفها ..
حست بـ قلبها فـ الارض طـــاح .. وبسرعه البـــرق لفت تطالع منو هــا ..
اول ما طالعت اللي جدامها بسرعه بعدت بـ قرف منــه ..
الفــيصل بـ خبث : هههههههههههههههه
.
روضـه بخاطرها : اخر ضحكه ان شاء الله .. لاحوول شو هـ الرمسه استغفر الله ..
.
الفيصل ويقطع تفكيـر روضـه : بـ شو تفكر الحلوه ..
.
روضه غمضت عيونها بـ قهر تحس نفسها احين بـ تجتله .. ماتروم تتحمل اكثر عن جيـه ..
( كان متكي ع اليــدار ووحده من ريوله بـ الارض والثانيـه مرفوعه ع اليدار ويدينـه وراء جسمه اللي كان ع اليـدار ..) ..
كان يتفحص رووضه بكل مافيـها مايدري لييش خاطره مول ماتفـارجـه .. بس بـ داخله شعور يحسسه بـ كره اتجاهه لما يتذكر حركاتها ويـا الشباب ..
الفيصل وعيونه ع الارض وبـ حمق واضح : ليش تضربين ميـره ..؟!
روضه بـ قهر وبدون ماتحس قالت : لاانها وحده قليله ادب وماتربت زين ..
الفيصل حرج من رمسـتها ونزل ريله اللي كانت ع اليدار وجرب من روضـه وقال بـ حمق : اختيه متربيه غصب عنج يالوقحه .. ( وعقب ضحك ضحكه سخريـه ..) : احين منو اللي مب متربي اختيه ولا انتـي يـ الصايعه راعية الشباب ..
رووضه بـ قهر : انا اشرف منك ومن اختك الزباله يالزبـاله ..
( روضه بـ خاطرها : ياااااربيه انا شوو قلت .. حسبي الله ع بليسج يارووضه ماتحاسبين ع رمستج ) ..
(وعلى فكره اول مره روضـه تسب الفيصل ويه بـ ويه ) ..
.
جرب منها وعيونه يظهر منها الشر والحقد لحد ماترك مسـافه صغيره بينه وبينها .. ومسكها من ياقتها بـ قووه ورفـعها شوي عن الارض وبـ تهديد : منو الزباله هااااااه ... منووو ...اكيد انتي وحبيب قلبج يالحيووانه ..
.
روضه بـ حال يرثى له .. مسكها من ياقتها ومنعها من التنفس وبـ الغصب تحاول تتنفس ..لـكن كانت بـ داخلها قووه هي الي كانت تسـاعدها انها تصبر ..
روضــه بـ تموت ويـا دوب ترمس لانه خنقها : ودرني .. ودرنـــي .. وخر يالنذل وخر .. كــح كـــح ..وخر
الفييصل كان مايطالع شي جدامه .. اللي بس كان يطالعه وحده هانته وتستاهل العذاب بأي طريــقه .. : منو الزبــاله يالوسـخه .. ( وكان يحركها بـ قووه ويهزها وايدينه لا زالت ع ياقتها ورافع عبايتها ..)
.
ياه صوت هادي من وراء : الفيــصل اتركـها ..
الفيصـل ما كان بـ الدنيا مول كان كل همه يجسر رأس روضه .. ويمحي نظره الغرور والثقه اللي بـ عيوونها ..
جرب الريال صوبه وحط ايده ع جتف الفيصل وقال : فصول اتركها بتذبحها .. طالع شقايل استوت زرقه ..حسبي الله ع بليسك ودرها ...
.
الفيصل لا زال بـ عصبيته الي عمته وما يطالع ولايسمع شي : صدقيني بتندمين ورب الكعبه بتندمين .. وغير عن اي ندم ندمته وحده قبلج ..
انا اللي بـ جسر هـ الرأس وهـ النظره اللي عليــج ..
كانت روضه تطالعه بـ نظره كلها غروور وثــقه .. مع انها من الداخل بـ تموت من الرعب .. كانً عيونه يـخوفن بـ شكل وهو يطالعها بـ نظرات كره وحقد ..
.
جرب منه وحاول يبعده عنها لانها خلاص بـ تختنق : فصووول اصحى اصحى .. وطالع جدامك بتذبحها ..
وفــجأه ودون سابق انذار ودر الفيصل رووضه ودفعها بـ قووه ع وراء .. ومع جسم روضه النحيف .. طاحت ع الارض بـ قووه .. وهي تطالع عليه بـ نظره كره بـ حياته ما بيطالع شراتها ..
روضــه وهي بـ الارض ما وضحت انها منجسره او حرك فيها اي شعره حتى مارفعت ايدها عسب تتحس عنقها اللي حمر بس كانت تكح بـ قووه لانها كانت بـ تختنق ..
عبدالله يهمس لـ الفيصل: بتجتلها .. الناس مب جيه تتعامل..
( عبدالله هو ربيع الفيــصل واخو فـاطمه ..مب عبدالله بن راشـد )
الفيصل ولا زالت عيونه ع روضه المرميـه بـ الارض وبـ حقد : صدقيني مابتركج ورب الكعبه انج بتندمين يا بنت أحمد .. انا وراج والزمن طوويل
عبدالله بـ همس : تعال ويانا داخل وودرها ..
الفيصل بـ حقد : عبوود سير انت وانا بـ تبعك ..
عبدالله :بس .....
الفيصل قطع عليـه : عبدالله سير وانا بيي عقب ..
.
ســار عبدالله وهو ميت رعب لايجتلها ولايسوي فيها شيء..
.
نزل الفيـصل لمكات روضه ما مرميـه وقال بـ غرور : تتحرين عمرج اقووى منيه يارووضه .. ( ويأشر ع صدره) : انا الاقووى ..
روضه بـ كل غروور الدنيــا ضحكه .. ضحكه سخريه منه : ههههههههههه الريال مب بـ ضرب الحريم قووي الريال بـ معانيه قووي ويعتبر ريـال .. بس انت ( وهي تأشر بـ أشمئزاز عليـه ) بـ حركتك هاي مب ريــال فاهم .. (وطولها ) مب ريـــــــــــــال ..
الفيصل كان بـ يمووت من القهر .. مسك روضه من شيلتها وسحبها لـ صوب ويه وقال بـ خبث : صدقيني لو شي وقـت جان راويتج انا ريال ولا لا ..بس احين مايستووي .. عقب ان شاء الله بتتحاسبين ع هـ الكلمه ..
( ورماها ع الارض بـ قووه ... ومشـى بـ كل ثقه وغروور مودرنـها مكانها مصدومه من كلماته اللي عقها عليها وســار )
رووضه بعدم تصديق : شوو يقصــد هـ الحقيــر ...؟!
معقووووله يقصد ...... (استبعدت الفكره عن بـالها ونشت من طيحتها بـ تعب وسارت يلست بـ يلسه كراسي كانت موجوده حذالها .. لانها كان رأسها يدوور وبـ قووه ... ) .
.
وهي تقعد ع الكرسي مسكت ايدها اليمين المجسووره بـ تعب وقالت بـ خاطرها : ااااي ايديه تعوورني ..يعلك يا فصيلان ياربيه تتجسر ومايبجى فيك عظم صاحي يارب العالمين ... ااااخ اااخ تعووورني ..
وفــجأه ماتسمع غير فونها يصيــح ..
ودي ابكــي لين ما يبقى دمــــوع
ودي اشكي لين ما يبقى كـــــــلام
..
" الطفره " يتصل بـك ..
رفعت فونها وهي تطالع ع الشـاشه .. وتقول بـ صوت مسموع : لاحووول احين شوو يبون فيــه هـ الطفره .. اوووف .. اكيد هـ الهزاع الملقوف طالبني .. مابرد .. شوو مابتردي هيه عسب يسيروون لـ ابوويه ويقوله عن السالفه لا والله برد .. نسيتي شو هززاعووه الخبله قال .. اذا طنشتي مكالماتنا بخبر ابووج بـ كل شي .. وانا مافيه حق مزاعج ابوويه وتعصبيه ..
ومن همومٍ احرمت عيني المنـــام

انطفت في دنيتي كلالشمـــــــوع
والهنا ما يوم في دنيـــــــــاي دام
وهي تكمل : لا حوووول مابيسكت موول .. اوف برد وبسلم امري لله ..
ضغطت ع الخضره وقالت بـ تعب : ألوووو
..........: هههههههه ليش جيه ترمسينا .. نحن شو سوينا فيج ..يزاتنا نحبج ..
رووضه :دخيلكم مابا محبتكم .. محبتكم الناس تشرد عنها..
..
..
وفـ جهه جريبه من رووضه .. كان الفيصل لحد ساعته قاعد يطالع حركات روضه من اول ما ابتعد عنها ..
من يوم نشت من طيحتها .. وجربت من الكرسي ويلست .. ومسكت
ايدها بـ تعب .. لحد ما صاح فوونها وقتها قال بـ خاطره : عنبووها ..
فـ شخص يحطي هـ الاغنيه اللي تييب الهم .. وليش محطيه هـ الاغنية
بـ الذات ...معقوول يكون شي عوود بـ داخلها ..لا لا مســتحيل ..
بس هـ الاغنية محد يحطيها غير اللي صج كاره حياته .. اووه وانا شو ابا فيـها ..
.
قطع تفكيــره وهو يـطالع رووضه ترمس عمرها وهو يسمعها تقول ..
.
لاحووول احين شوو يبون فيــه هـ الطفره .. اوووف .. اكيد هـ الهزاع
الملقوف طالبني .. مابرد .. شوو مابتردي هيه عسب يسيروون لـ ابوويه
ويقوله عن السالفه لا والله برد .. نسيتي شو هززاعووه الخبله قال .. اذا
طنشتي مكالماتنا بخبر ابووج بـ كل شي .. وانا مافيه حق مزاعج ابوويه وتعصبيه ..
.
قال بـ خاطره : ههههههههههه اكيــد هاااا واحد من ربعها اليديدين .. حسبي الله ع بليسج وانا قاعد افكر فيج .. ماتستاهلين حد يفكر فيـج ..
لا الظاهر مسوويه بلووه عووده عسب جيه بترد عليه تخاف يسير لـ ابووها ..
قطع عليـه تفكيره صووت روضـه وهي ترد ع اللي داق ..:
رووضه: ألوووو .....دخيلكم مابا محبتكم .. محبتكم الناس تشرد عنها ...
.
.
ويــا رووضه
روضه : انزين لـيش داقين عليـه ..
الممرضـه : لانه الدكتور هزاع طالبج بــاجر ..
رووضه بـ صدمه : بااجر ..ماااروم ..بس ليــش طالبيني
الممرضـه : لانه طالعنا تحاليلج وتحاليلج ماتســـر
رووضه وهي تحط ايدها ع رأسه جنها وياها مصيــبه : لاحول متى ظهرن التحاليل .. ما قال الدكتور هزاع انها بتتأخر التحاليل لانها مطرشه لـ المانيـا ..
الممرضه : هيه بس وصلن .. خلاص ..
روضه: انزين شو لقيتو فـ التحاليل ..
الممرضه:ماادري ..تعالي وبيقوولج الدكتور هزاع ..
روضه : انزين اقوولج ترا دوايه خلص قولي حق دكتوركم..
الممرضه:هههههه دكتورنا هاه ..انزين انززين ...وهيه يقولج الدكتور هزاع اذا مايتي بـ يقول لـ ابووج عنج وعن مرضـج انه كل ماله ويتفاقم ..
رووضه بـ عصبيه وشر ظاهر : هيه هيه هددو ..(وهي ترفع ايدها فـ الهواء ) .. اسميكم طفره انزين ببي بـاجر .. وقولي حق الدكتور هزاع لايقول لـ ابوويه بـيي ..
الممرضه وهي تضحك : هههههههه انزين يلا مع السلامه ..
روضه : مع السلامه ..(وتنهدت بـ تعب) ..
( ع مااظن تذكرون منو الدكتور هزاع هو الدكتور الخاص لعايله بو سالم )
.
الفيــصل لا زال بـ صدمه : دكتور هزززاع .. وتحاليل من ألمانيــا ..وعلاجها خلص ..
رووضــــــــــــــــــــــــــــــــــــــــه مريـــــــــــــــضـــــــــه ..
معقوووووله رووضه مريــضه .. كل هـ القوه والجبرووت وهي مريــضه ..
لا اله الا الله .. صج انه الله يعطي شي ويــأخذ منك شي ..
عطاها الجمال والبيزات والشخصيه المثاليـه بس أخذ عنها اغلى شيء
بـ ها الكون " الصحــه "
بس ليش ماتبا حد يدري بـ موضوعها .. ( ضحك بـ خفه ) : عسب ماتتطالع
بـ عيوون الناس الشفقه .. ااخ ياروضه كل يوم اكتشف شي يديد فيــج ..هـ الغروور بـ يذبحها ..
مشــى بسرعه عسب يبتعد عن هـ المكان لانه مايبا يتفأجى بـ اي شي ثااني ..يكفي اللي عرفه ..
.
نشت رووضه من قعدتها وحدرت من الباب الجانبي وســارت متوجهه
الصـاله العوده وهي تمشى لقت جدامها ميــره .. مشت ميره ويـاها
بـ هدوء لحد ما وصلن لـ صاله ..
.
جربت روضـه من البنات وييت وقعدت بـ مكانها ..
يزووي: وين كنتي ..
روضه:هني ماسرت بعيد
حمدوه:بلاج روضه ..؟؟!
رووضه بـ نرفزه :بنات ودرني بـ حاليه ..
( سكتن البنات لانهن متأكدات انه شي مستوي فيها لو مابينجلب حالها جيـه ..)
.
.
/
\
بـ ميلس الريايل ..
من حدر عبدالله و لـحد احين وهو سرحان ..بس فجأه مايحس بـ غير ضربه خفيفه ع جتفه :بلاااااك ..؟؟!
عبدالله بـ تفكير : شفتها ..
........: منوو ..؟!
عبدالله : اللي تحدت الفيــصل ..
......: انزين مب اول مره ولا اخر مره نطالع البنات اللي يتحداهن الفيـصل .. طوول عمرنا عايشين ع ضرابات الفيـصل .. يعني مب يديده عليـنا ..
.
عبدالله بـ همس :مشكلتك مب فاهم السـالفه ..
......:انزين فهمنـي ..
عبدالله : هـ المره هـ البنت غير عن اي بنت .. اقوولك وانا ساير ادور الفيصل لقيته يتضارب وياها .. تخيل بنت منووو ..؟
........: بنت منووو ..؟
عبدالله بـ همس : بنت بو سالم المليالديري ..؟؟!
........ بصدمه قوويه : معقووووووله ....؟!
عبدالله : هيه .. لكن والله لو شفتها عليها جمال عنبووها .. ولا بعد كاشفه .. يعني صج هـ المره شكله ضبطت ويا الفيصــل ..
.......: وانا اقوول ليش طوولت ويـاه .. ولحد احين ماطلب مساعداتنا ..
عبدالله : شكلـــه ..... ( قطع عليهم الفيصـل وهو يحدر ويي قعد حذالهم )
الفيصل بـ ثقه : ووين البــاجي ..
عبدالله : حبيبنا الاوول يقوول مايقدر يي وياهم ضروف الاهل تعبانين ..
وحبيبنا الثــاني مســافر ايــطاليا لمده يووميــن ..
.
الفيـصل :اها .. وها متى بيكف منه هـ السفرات اللي مالها داعي
عبدالله : الله اعلــم ..
.
.
\
/
مرن ســاعتين كانت ع البعض ثجيلــه وع البعض الاخر خفيفه ..
عقبها كل واحد رد مكان ما ياااي ..
.
.
الســاعه 3:18 ص ..
نشت روضـه من الرقاد بـ تعب وااضح .. مدت ايدها ع الكومدينا عسب تأخذ قلاس الماي ..لانها تحتاي تشرب فـ الليل علاجهــا اذا تعبت ..
بس ما لقت قلاس المــاي ..
رووضه بـ صوتها المبحوح : الظاهر انجـي نست تحطي ماي..
.
نزلت ريولها من ع الشبريـه وسارت برع بـ صالتها وجربت من المطبخ التحضيري الصغير .. بس ما لقت مااي : ما من شي مابلقى وانا ويـايه مجاعه الصوومال " تقصد حمدووه ويزووي "
.
لبست جلابيه خفيفه وحطت شيلتها ع رأسها وطبعا نص شعرها من جدام ومن وراء ظاهر .. لانها متأكده محد تحت .. الساعه 3 منو بيكون تحت ..
.
نزلت المطبـخ وفجت الثلاجه وهي تصب قلاس مااي وعقبها يلست بـ الطاوله وفجت راحت ايدها عسب تأخذ الحبووب ..بلعتهم بـ تعب وهي تشرب مااي ..
حطت القلاس بـ الطاوله وعقبها حطت يبهتها فـ طاوله وهي تحس بـ جسمها كامل مجسر " وطبعا سببه الانيميا " ..
.
مــاتحس غير حد يحدر المطبخ عليــها وبسرعه رفعت رأسها بـ خووف .. اول ما طالعت اللي جدامها اول شي سوته مدت ايدها اليسار عسب تدخل شعرها اللي ظاهر ..
يي وسحب كرسي وقعد حذالها ..
هزاع : ليش ما راقده ..
بـ حركه سريعه سحبت جيس العلاج مالها عسب ماينتبه عليـه بس هو كان اسرع منها وانتبه للجيس وللحبوب اللي بـ الطاوله ..
هزاع : بلاج ..؟!
روضـه لحد احين حتى ما قالت كلمه وحده .. خاطرها تنش وتودره بس مب قادره تحس ريولها منشلات وطبـعا السبب مرضـها .. لانها اليوم واايد تعبت نفسـها .. وحملت نفسها فوق طاقتها
( ع فــكره ترا صج الانيــميا جيـه تتسوووي وما ابالغ فـ وصفها ..) ..
.
غمضــت عيونها .. اكثر شي تكره هـ اللحظه اللي تيها بعد ماتشرب
الحبووب جسمها يخمل فووق ماهوو متخمل .. عسب جيه ما قدرت تنش وتسير فووق ..
.
.
روضـه بـ صوتها المبحووح واللي واضح فيه نبره النووم : ليش انت مب راقد ..
هزاع ســكت بس يسمع صووتها .. صوتها فيه بحه حلووه وزاد عليـه بحه النوم ..
روضـه بـ بتعب وااضح : هزاع سير ارقـد ..
هزاع كان ســاكت وبـ خاطره قـال : محلاات اسميـه من لسـانها .. لاحوول شكلها خبلت فيك هاي ..
وكمل بـ صوت مسموع : ليش اسير ارقد ماتبيني اطالعج مثلاً ..
روضه انقهرت منه يعني افهم ياخي انا مب قادره انش واسير عنك ..نش انت واذلف ...
ضحك هزاع بـ صوت مسموع : ههههههههه
روضـه بـ خاطرها : لاحوول متفيجه لك انا تضحك.. اووووف عنلات هـ الويـه محلات هـ الضحكه ..
روضه بـ حقد : هزاع ماتفهم قلت لك ودرني بـ حالي ..اذا يي احد وطالعك ويايه فـ انصاص الليالي شوو بيقول ..
نش هزاع بـ هدووء وودرها ومشى بـ ثقته ومشيته المعهوده ..
روضـه بـ قهر :ها انا اللي بيذبحني .. طالع شقايل يمشي جنه " مراد " اووف بـس يـ القهر محلاتــه ..
.
اختفى عن عيونها .. واول ما طالعته سار ..نشت بـ تعب وهي تحست انها بطيح ريولها مب شالتنها ..سندت نفسها ع اليدار وهي تمشي ..
لحد ماظهرت من باب المطبـخ وهي لازالت محطيـه ايدينها ع اليـدار عسب يساعدها ..
( كان بـ هـاللحظه يتابعها بـ نظراته وهي تمشي بـ تعب ووهن وهي
مستنده ع اليـدار .. كان خاطره يسير يساعدها ..بس بـ اي حق يساعدها
..وهي ماتسمح لاي شخص يجرب صوبها .. )
.
وصلت لحد المصـعد واول ماانفتح لها ضغت ع رقم طابق جناحها وعقبها
قعدت فـ الارض لحد ما وصل ..
وصلت جناحها واخيــرا .. ورمت تفسها بـ قوه ع الشبريـه .. عقب هـ اللحظات ماحست بـ نفسها وغفت بـ نومه طوويلـه..
.
.
.
,
الله خلقني و هامتي فوقألامزان
و اخذ من الدنيا تجارب و اخلي
و اصبر على مر الليالي و الأحزان
وأرضا بما قدر من الله و حصلي
و اللي أشوفه مرخص الود منان
ما انسي و امسحه منسجلي
صبــاح يوم جديـــد ع عايلاتنا الموجوده ..
صباح يوم جديد وحياه تبداء جديده لـ بعض الشخصيات ..
صباح يوم ممتع .. ويوم ممتع لبعض الشخصيـات ..
.
فلـه نـايف ..
.
السـاعه 7:51 ص ..
.
نش بتعب وهو يمرر انامله الطويله بين خصلات شعره الناعم ..
ويقول : اصبحنا واصبح الملك لله .. ( عقبها تنهد بـ تعب ) ..
.
حدر الحمام ( وانتوا بـ كرامه ) .. خذله شو سـريع ..
وهو لاف الفوطه ع خصره ..
.
لبس بنلطون جينز اسود وعليـه بلوزه رمـاديـه ولف السكارف الاسـود بـ طريقه حلووه .. ولبس عليه بوت رمـادي عليه خطوط سوده ..
عقبها جرب من التسريحه وهو يطالع عمره .. ابتسم ابتسامه جانبيـه وهو يطالع شكلـه .. كان شعره مسرح بـ أهمال ومتطاير ع فووق .. مما زاده جاذبيه فووق جماله الذبوحي .. رش من عطـر ديور هوم
.
وعقبها مد ايده لـ فوناته والسوويج والنظاره الكلاسك ..
نزل بسرعه وهو يركض بـ الدري ..
كان بـ أنتظاره تحت الدري البشكارات اللي بـ الفله ..
اول ما وصل لـ تحت قالن البشكارات بـ صوت واحد :  good morning
ابتسم نـايف : good morning
.
كانً البشكارات مطيرات عيونهن ع نــايف ,, كان صج غرشووب..بـ كشــخته الزيــاده ..
.
ظهر من الفلـه وهو متوجه لـ أحد المولات عسب يتريق كـ العاده .. لانه مايحب يجابل ويوه البشكارات ..
.
دق ع روضــه عسب يطمن عليـها ..
نشت روضـه بـ سرعه من رقادها وهي تسمع فونها يصيــح .. لانها متأكده هـ الاغنيه لـ شخص واحد بـــس ..
أحبك واعشقك واهواءك وابقـى لك على ذكراكـ ..
رفعت فونها و طالعت ع الشــاشه مكتوب " أدمنت حبـكـ " >> يتصل بك ..
.
ابتسمت بـ فرحه وبسرعه ردت بـ صوتها اللي غلبه النعاس وبـ بحه : ألوووو
نـايف يبتسم وهو يبركن موتره فـ واحد من الباركنات الموجوده وبـ همسه المعتاد : هلا والله بـ صاحبه هـ الوووو..
ضحكه وقالت : هلابك زود والله
نـايف وهو مستانس حده : اقوول رواض نشي غسلي واشربي شي عسب تروح هـ البحه قســـــــــم بالله ذبحتيني ياا بووج ..
رووضه بـ سعاده ماتنوصف :هههههههههههه من عنووني طلباتك اوامر ..
حدر الموول وهو متوجه لـ ستار بوكس وبـ طريجه : فديت والله عنونج العسليه الحلووه ..
( مر من حذالـه شله بننات وهن يطالعن عليـه بنظرات تقطيـع ووحده قالت : من صباح الله خير يرمس .. انزين مب ازين لك تأخذ رقمـي ..
ضحكن كل البناات الموجودات ويـاها .. وطبعا نايف سمعها بس سوى طاااف ..ماتعيبه هـ النوعيه من البنات ... )
رووضه : وه وه لااااا نواافوه يتفداني شوو ابا بعد ..وبعدين تعال جنيه اسمع حس بنات حذالك ..وين انت ..ومنو هـ البنات يالمغازلجي هاه ؟
نايـف: هههههههههه رواض تغارين يالتيس انا خالج .. وبعدين انا ساير الستار بووكس ..
روضه : هههههههههههه هيه اغار ع خاليه .اخاف يخططفنك .. وبعدين اكيـد انك غرشوب شرات كل يوم لو مابيغازلنك يلااا طرشي لـ صورتك اشتقتلك ياا خي ..
نايف: اولا انا مب اخوج عسب تقوليلي يااخي .. وبعدين تعالي حتى انا مشتاقلج تعالي ويايه ..
روضه : لا نونو وربي مااقدر ..صعبه ..
نايف وهو يقعد بـ الكرسي ويلتفتت : صح مايستوي بعدين هني وايد شباب ما ابـاج تين ..
رووضه بـ لقافه : عيل احين بيي .. هههههههههه
نايف بـ عصبيه مصنعه :رواض يامسوده الوويه
روضه : هيه حلال عليك وحرام عليـه ..
نـايف : انزين رواضتي الحلـوه بودرج احين ونشي يلا .. وهيه شربتي دواءج ..
رووضه وهي تحط ايدها ع رأسها : ردينا ع زمان اووول ..
نــايف : هيه ترا انا رديت خلاص بدق عليج اربعه وعشرين ساعه اطمن ..
روضه : ههههههه فديتك والله .. الله لايحرمني منك ..
نايف بـ حب : ولا منج .. اوكي قلبو بخليج احين وانتبهي لنفسج ولاتظهرين فـ البرد جيه ..البسي ملابس ثجيله فاهمه .. وانا بدق ع بشكارتج ميشيل عسب ااكد عليها تنتبه لج ..
( بشكاره روضه ميشيل محطايه شرات الممرضه تتابعها وين ماتسير لانه بو سالم يخاف روضه فـجأه طيح عليهم ومحد يحس فيها )
روضه تحرك رأسها جنها هنديه : شي ماقلته بعد ..
نايف: ههههههه يالسباله من خوفي عليج اوكيك يلا مع السلامه
روضه : مع السلامه قلبي ..
.
نزلت ريولها من الشبريه وهي متوجه للحمام ( وانتوا بـ كرامه ) ..
خذتلها شور سريع .. عقب ظهرت بـ الرووب وهي متوجهه لـ حجره التبديل .. اختارت لها تنوره طويله ليلكيه ولبست لها بلوزه بيضه مشجره ..وخذتلها سكـارف ليلكي ولفته بـ الطريقه البريطانيـه ع عنقها .. ولبست صندل ابيض (وانتوا بـ كرامه ) ..
وحطت مكيـاج صباحي خفيف جدا وزيدت من الجحل شوي ..
وماحبت تتعطر لانه اكيد الشباب تحت ..
حطت الفون بـ جيبها وهي تحطه تذكرت امس قبل لاترقـد شو سووت ..
وهي ترجع بذاكرتها لوراء ..
رواضي ترمس يزوي وحمده : اول شي بـ سويه بـ رده الفون سالم غانم من ويا الحرامي .. بغير نغمه عنووني نوافـي ..
حمدوه : لاحول استغفر الله شو هـ المغازل ,,
يزووي : هههههههه اييه ( وتأشر ع رواضي ) لاترمسي جيه جدام بنيتيه تطالعينها تستحي ( وتأشر ع حمدوه )
( حمدوه من سمعت جيه السـالفه غطت عيونها بـ ادينها اونها مستحيه ) ..
طالعتهن رواضي بنظرات عقب سارت تغير نغمه نــايف ..ونكـه اللي بـ فونها ..
.
ردت للواقـع وهي متوجهه لـ جهت حجره التبديل وفجت الكبت ومدت ايدها لجاكيــت طوويل لحد الركب لونه أبيض ومخيوط بـ خيوط الصووف ..
كان شكله رووعه ومخصر ع جسمها ..
ظهرت من جناحها ونزلت تحت وهي متوجه لـ صاله المفتوحه ..
.
كانت بـ تظهر من الفله بس وقفتها بشكارتهم سـالي .. : miss rawth
روضه : yab
البشكاره سـالي : ( ((Everyone in the dining roomجميعهم في صـاله الطعام
روضه : (Means not abroad) يعني مب برع
البشكاره : ((No madam asked us to make  breakfast at home because the air outside is very cool ..)
لا المدام طلبت منا ان نضع الفطور بـ الداخل لانه الجو بـ الخارج جدا بارد ..
روضه : (Aha .. Well, thank youu) اها .. اوكي مشكوره سالي
(ابتسمت سـالي بـ ونـاسه )
.
وسارت لـ صاله الطعام .. اول ماحدرت سلمت وسارت تقعد مكــانها المعتاد ..
يزوي وحمدوه كانً تحت قبل ما روضه تنزل يعني نشن قبلها .. الكل كان متواجدين مـاعادا الشيوبه والعيايز كانو قاعدين بـ الميلس العوود ..
حمدوه :تأخرتي ..
روضه : خيبه السااعه 7 وتأخرت ..
يزووي تضحك : ههههه وياها الساعه 7
حمدوه : هيه والله صدقج وياها الساعه 7 .. عيل نحن ويانا الساعه 8 انسه روضه ..
سكتت روضه لانها تدري انهن يتمصخربها ..
يزووي بـ قهر : خاطريه اعرف متى بـ تودر هـ البرود لو انا قلتي لي جيه بنش اتوطى فـ كرشتج ,,
حمدوه : هيه واللله
روضه اونها مسويه عمرها عاقل : الناس ماتنجرف بـ العصبيه الناس تحكم اعصابها ..
حمدوه ويزووي تمن يطالعن ع بعض ع انه طالعو منو يرمس خخخ
.
مـي وهي ترمس رواضي: روضه ليش ماتفطرين ..؟!
روضه استحت شووو تقوول ماتدري ..
بس و بـ سرعه ردت حمدووه عسب لاتنجرح روضـه : روضه فطورها خـاص ..
مي استغربت ليش فطورها غير عن فطورنا ..
شووق بـ همس لـ اختها امل : ليش فطورها غير عن فطورنا..
امل : مااردي ..
روضه حست بـ تسأولاتهن فـ حبت ترد بـ طريقه غير مبـاشره يعني ماتبا تقولهن اني انا مريضه وفطوري لازم يكون كامل غير وبوصفه طبيه ..
روضه وهي تطالع بـ الفارغ : مممم فطوريـه غير لانه بـ وصفه طبيه ..
الكل ســكت ..حتى الشباب اللي كانو بـ أخر الطاوله يسولفون ..
وصلت آنـجي بشكاره روضه ..وحطت الفطور جدام روضـه..
روضه ترفع رأسها وبـ ابتسامه : شكرا انجـي
ابتسمت انجي بـ وناسه ,, محد يشكرهن غير روضه ..
عيون هـزاع كانت تراقب روضه .. وفـ خاطره يقول : علاج وفطور غير .. شو مرض روضـه .. غريبه والله ..
عبدالباسط بـ لعانه : اقووول محمد
محمد : خير
عبدالباسط : الخير بـ ويهي .. عيل انت وين فطورك ..
محمد جنه عيبته الفكره وفهم مقصد عبود وقال بـ خبث : احين بـ يوصل ..
محمد + عبدالباسط + سيف + حمد + عبدالله + هزاع =كلهم ضحكوا
.
طالعت عليهم روضه بـ نظرات كره وقالت بـ صوت عبدالباسط تقلده : اقوول حمدوه وين فطورج .. ها ها ها ماتضحك سخيـــــــف ..
.
عبدالباسط : لا لا لا شكلـه اليوم صج معصب ربيعنـــا
حمد : اباه كل يوم معصب
سيف يكمل بـقهر : عسب يتوب يجذب
( هزاع ما فاهم شي من رمستهم .. ليش روضه جيه محتقرتنهم وهم زوود محتقرينها )
هزاع بـ همس فأذون سيف : شو مستووي جيه تضاربون .. وبعدين احس روضه واايد وياكم عادي ..
سيف:امس ربيعتنا يقولك سارت وسوت سالفه عوده وورطتنا ..
عقب بقولك اياها .. اما عن ويانا فـ هي روضه شرات اختنا الصغيره ..وكلنا
معتبرينها اختنا الصغيره لانها هي تبا هـ الشي ..
رفع هزاع حيانه وقال بـ خاطره : يـ هالرووضه ..فارضه قوتها بـ كل جانب ..
سيف بـ لعانه : اقوول بسووط
عبدالباسط يمثل الحب : عيووني لك ( ويأشر ع عيونه )
روضه حطت ايدها ع حلجها ع انه خلاص برجع .. تلوعون بـ الجبد ..
سيف ويطالع ع روضه : شو رايك اليوم نعق فـ ربيعنا حيه .. مب احسن من العقرب ..
كــل الشباب طالعوا ع روضـه بـ قهر ..
وروضه ما ارمت تمسك عمرها ضحكه .: هههههههههه تستاهلوون عسب توبون تلعبون ويايه ..
( مي و امل و شوق مافاهمات شي خخخ )
.
مي تهمس لـ عواش : شو مستووي ..
عواش : عقب بقوولج ..
.
خلصت روضـه فطورها وعقبه بـ ثواني ييت بشكارتها ميشيل ومدت لها حبوب وقلاس ماي ..
مدت ايدها لـ ميشيل وشربت الحبوب .. وعقب قالتلها بـ همس : ماقلتلج
مليون مره لاتيـــبــيـن الدواء جدام احد ..
ميشيل يحليلها نست ..
.
ااما عن الشباب والبنات فـ الكل كان مشغول بـ شي وماانتبهوا ع روضـه ..
بس هزاع كان يراقب روضه عسب جيه انتبه عليــها ..
.
رفعت روضـه رأسها تدور ع شـخص مب موجود ولا سمعت حسه موول
وهي تجلب نظرها طاحت عينها بـ عين هزاع وهو كان يطالع عليـها ..
.
اول ما طاحت عينها بـ عينه .. هو ما التفت بـ العكس ثبت عيونه بـ عيونها
وعطها نظره متروسه من شحنات الغروور والثقه .. اما هي فـ حولت نظرها عنه ماتبا تطالع عليـه ,,
روضـه بـ خاطرها : قوووي العيــن .. عسب يحسسني انه هو شي عوود
وجيه ما خوز عيونه ..
نشت من الكرسي لانها خافت شي فيه .. لانه مب موجود وياهم بـ
الطاوله يعني وين ســار ,,,
حمـدوه تهمس لـ روضه : ع وين ..؟
روضه :احين بـيي ..
.
ظهرت روضـه من الفلـه وهي تدور منصوور
وكانت تمشي وتدور بين ارجـى
المزرعه .. خافت يكون مريض ولا شـي
رووضه وهي تمشي وبـ صوت مسموع : لاحوول احين شو ابا فيه انا مب زعلانه خلاص .. اوووف ابا افهم ياروضـه يوم زعلانه ليش خيفانه عليــه ..
ياها صووت من وراءها : لانه قلبـج عوود وابيــض ..
.
.
وبـ جيه نكوون خلصــنا البارت الـ (16 ) ..