رواية بين الفقر والطغيان الفصل الحادي وثلاثون 31 - بقلم رونق

مساء الخير ع اجمل متابعين اتمنى لكم قراءه ممتعه

اجمل بارت واطول بارت لخاطر عيونكم بمناسبة وصول القصه للمركز الاول واكيد هذا كله بفضلكم فديتكم حبايبي 😘😘

🌹🦋 البارت 33 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

وجان تجي وجايبه الملابس وياها

كاويه البدلات العسكريه

كلتلي ذني وين اخليهن

كتلها خليهن هنا اني ارتبهن

بس البدلات انطينياهن

اخذتهن وعلكتهن بيهن عطرطيب

هذا شنو العطرالي مخليته للبدلات

هذا مو عطر

هذا معطر ملابس كمفورت

اول شي شكرا وعاشت ايدج

لا شكر ع واجب

وثاني شي هاي الفرشه منين

من عندي بس والله جديده لحد الان ممستعملتها

ومنو كلج تخلين جديده

مو مااندل الفرشات ملاتكم

وجانت مو نظيفه

اسفه اذا انصرفت بدون اذن منك

لا بالعكس اصلا فرحت بتصرفج

وهذا البيت بيتج انت والجهال

محد اله حق غيركم بي

بس لو مخليه فرشه مستعمله جان افضل

لويش كلت اخاف نفسك متتقبل الفرشه المستعمله

لا بالعكس جان ارتاحيت هواي

لان بيها من ريحتكم انت والجهال

تعرفين امنيتي يوم واحد انام وياكم

بنفس الغرفه

مو مهم اني وياج متصافين لو لا

اهم شي احس بيكم

واحس بشعور العائله من صدك

سكتت محجت شي

هاي الفرشه لو تشيلينها ومراح انام عليها

لو تخليها بس بشرط

شنو الشرط

اجيبلج وحده بمكانها وتاخذيها

عادي جيبلي وحده راح اتقبلها

اهم شي نام عليها لان ادري بيك

مترتاح للخربطه والوسخ

تعرفين اكثر شي جذبني الج شنو

انت الوحيده الي اجيتي ع مرامي

شنو الاريده قبل لا احجي

الكيج مسويته

عجبني بيج نظافتج ترتيبج اكلج الطيب

طيبة كلبج

خجلج

لهفتج الي وللجهال

حتى عنادج ويايه عشقته

للعلم اكره العناد واكره اليعاند

بس انتي لا غير

ليش واكفه متكعدين خلينه بس نحجي

لا عوفني هيج مرتاحه

لتخافين مراح اكلج ولا راح اعضج

مو اخاف يحتاجون شي مني رقاوي والجهال

روحي شوفيهم وتعالي نطلع بالحديقه شويه

اوك

راح اطلع انتظرج

سديت الشبابيك وفتحت السبلت

طلعنه سويه

صعدت بقيت منتظرها

تقريبا نص ساعه واجتي

جايبه وياها صينيه صغيره

بيها كرزات وجبس وعصير جايبه بس واحد

كعدت مقابيلي

عدنه بالحديقه طبله وكراسي

هاي الكرزات نفسهن الاشتريناهن

اي نفسهن

شعجب لهسه باقيه

الجهال ميحبونهن

واني صدفه اكل

ليش مجايبه الج عصير

مااكدر اشرب مااشتهي

مراح اكل اله تاكلين وياي

بدينه ناكل والصمت عم المكان

بعدين حجيت وياها

شلونهم اهلج

زينين

شراح تسوين للغده ناخذه ويانه

مراح اسوي شي

ليش

اخاف يزعلون مييقبلون

زين شنو الي ابالج ناخذه الهم هديه ع مود بيتهم

ماكو داعي والله

اخاف تزعلين شنو قابل الج وهيج تحجين

لعد ماادري بكيفك

مو مااعرف شنو الي محتاجينه وشنو العدهم نقص

اني هم ممنتبها والله

سبالت عدهم للبيت كله

لا مااعتقد للبيت كله مخلين

لعد ناخذلهم سبلت كنتوري

اني ابالي اخذلهم الطبله والكراسي للحديقه

بس مااعرف وين يبيعوهن

اكو شي ابالج لو اي شي عادي

لا ابالي صوره شفتها وعجبتني

فتحت جهازها وراوتني صوره 👇

شنو هالنراكه ياالله ع ذوقها

طبعا بكلبي حجيت

اكو مولات عدنه هواي هنا بس مااعتقد نلكي هيج

خل نخلي الجهال يمهم باجرونروح العصر اني وياج

ونشتري السبلت وذني ونرجع

اي والله ياريت

واريد بعد شغله

كولي

اريد هديه لفاطمه

اي عفيه همزين ذكرتيني

نسيت والله

شنو الي ابالج تاخذيلها

مااعرف والله

من نطلع نشوف اذا عجبني شي اشتري

اوك اتفقنه لعد

بيش الساعه نروح

بكيفك

شوكت متجهزون تعاي كعديني

اوك

شكو ماكو بالايام الماموجود بيهن

ماكو شي

كاعده وساكته

هم يتعبونج الجهال

لا ابد ولا احس بيهم

الكليجه تفيدك لو لا

شلون متفيدني غير بدونها ماارهم

وهذا الي تحشي بالكاكو حيل عاجبني اتريك بي

اذا تكدرين كثريلي منه

صدك عود هو شنو هذا وشسمه

كروسان اسمه

حيل عجبني طيب

من نرجع من اهلج نمر بالاسواق شنو الي تحتاجينه جيبي وسويلي

اوك

ليش لابسه ذني الدشاديش اذا محد يمج

سكتت

اني منعتج لان انت حلوه وتلبسين الوان جذابه

مترهم

بس هسه لان بوحدج وامير ماكو

البسي الي يعجبج

والالوان الي تعجبج

هههه تصدك نسيت هاي الالوان

والكنتور اذا تفتحه متلكي غير الجوزي والنيلي

ملات البيبيات

احجيلك الصراحه

انت دفنتني واني عدله

نسيت اني بنيه من حقي البس ومن حقي اطلع

انت موتت هذا الاحساس عندي

عبالك اني مو شريفه ومثل بنات الليل الي تنام وياهن

خليتني اكره الالوان واكره الطلعه

والله العظيم من البدايه اني مردت احد يشوفج مو لان انت مو شريفه

لا بالعكس بس اغار مااريد احد يشوفج باللون الاحمر

ولاحبيت احد يشوف وجهج

لان انت اليشوفج ينسطر سطر

تذكرين من شفتج اول مره من جنتي وي مروان الله يرحمه

كتله مستعد ادفع نص عمري حتى انام وياها ليله

بس هو الله يغفر ذنبه ابد مكلي زوجتي

رفض رفض نهائي

وكام يتعذر

انت الي يشوفج ميسيطر ع نفسه بعد

بقيت اتحلم بيج كل ليله

وصورتج مراحت من بالي

لهذا السبب محبيت احد يشوفج

لان كل الي يشوفج راح يفكر بيج مثل مااني فكرت بيج

سكتت محجت شي

شكد بعدلك وتخلص مهمتكم

بعد 4 اشهر

بس احتمال راح يدزونه لسامراء

مو خطره عليكم

اي اكيد خطره بعد داعش عبالج لعبه

ومهمتي حيل صعبه ومتعبه

تصدكين 10 ايام مااشوف الراحه

اكعد وي الاذان لحد ب8 بالليل

بس اخلي راسي ع المخده باللحضه انام

بس وراها يوم ريست النه

هم اكضيها نايم بس بالليل اراسلج

لعد وحنان متراسلها

هيي يالله لج ياحنان هاي

علاقتي وياها منتهيه تقريبا

لااخابرها ولا تخابرني بس من عدها مصلحه يمي

اني ماالي حق ادخل بينكم

بس البيت ابد معجبني

المفروض تعتني بي وترتبه

ميصير هيج هاملته

دائما اتعارك وياها واضربها

تجر عدل اسبوع بعدها ترجع مثل قبل

حتى بيت اهلها

ابد ممرتب ولا نظيف

واني اصلا اتخبل من الهوسه

والوسخ

تصدكين رغم ماتعبان اجيت واريد بس انام

بس متحملت انام بالغرفه

رحت للاستقبال ونمت

وحيل فرحت من لكيتج منظفه

والله اني بالنسبه الي الهي نفسي بالشغل والترتيب

اهم شي عدنه النظافه

ماما علمتنه واحنه اطفال

تصدك رغم ماجانت حالتنه الماديه توب

بس ابد منجيب خبز خباز

اله بالبيت

وماما علمتنه

كلنه نعرف نطبخ ونخبز

تكول ماما اهم شي النظافه والترتيب والاكل الطيب

هو هذا الصحيح

نفس تفكيري

اكول المرأه مهما تكون شهادتها

ومهما تكون مكانتها

تبقى ام بيت

لازم تعتني ابيتها وبالطبخ

لان الرجال يحب ياكل اكل طيب من ايد زوجته

ويحب يدخل للبيت يلكي نظيف

اي صحيح حجيك

بس هم ميصير المرأه تتعامل معاملة الخدامه

يعني تنظف وتخبز وتطبخ

وهاي هي

يعني متفتهم من حياتها شي

ضحكت عرفت قصدها

يابه والله اشاره منج لو تردين للمريخ اوديج بس احجي

ليادوله تعجبج نروح لاي مكان يجي ابالج اوديج

ههه شنو الفايده اطلع وامشي واني مبوشه

مثل العميه لا اشوف شي ولا احس بشي

افهم من كلامج تحبين تذبين البوشيه

عندك علم شجنت البس قبل لا اتزوج

مااجذب عليك واكلك اطلع هواي

بالعكس بابا جان يخاف علينه هواي

سيارتنه الخاصه وين منطلع اله بيها

جنت حتى قصير البس ويابوت يمكن اذا تشوفني هسه لابستهن تدفني عدله

رغم ماجنت مااطلع هواي

بس جنت اشوف اسمع

مو مثل هسه

احس بنفسي عايشه بسجن

لعد وين اوديج من عيون العالم

خل يكون بعلمك

الي يحترم نفسه مستحيل احد ينظرله بسوء

ولتنسى انت من شفتني ابيت اخوك

شفتني ع اساس بنت ساقطه

لو شايفني بالشارع واني محترمه نفسي

اتحداك ابقى ابالك

ولا راح تفكر بيه بالموزين

صفنت حجيها صحيح كله

اخوي خلاها بالنسبه الي مو شريفه وجايه يقضي وقت وياها

لهذا ظلت بنفسي

انطيني مهله خل افكر

اني مراح اطلب منك انزع العبايه

لان اني مرتاحه بيها

وعجبتني

بس البوشيه مااكدر ابقى بيها

والله صعبه عليه وكاعد اعاني منها

هم راح اجي وياج

اخليج تنزعيها بس بشرط

شنو الشرط

اول مره تنزعيها لمن نسافر

وانت راح تختارين المكان الي يعجب

وبعدها ابقي بدون بوشيه

خلي افكر وبعدين ارجعلك خبر

اني هم مااكدر هسه لازم لمن تخلص مهمتي

اوك منا لذاك الوقت افكر ع راحتي

زينب : حيل ارتبك من يحجي وياي حيدر

وبنفس الوقت احس براحه نفسيه

اجه وجايب عشه وحلويات وجايبلي موطا سلاش

حيل احبها

اتعشينا سويه بالحديقه

وبقوا يلعبون واني دخلت كضيتلي شكم شغله

كويت البدلات ملاته

بعدها دز عليه كلي جيبي الجاي وتعاي

الصراحه حيل خفت كلت خاف ميقبل ادخل للبيت

وانظف جنت حيل قلقه واتندمت صراحه

بعدين صعدت جبت ملابسه

حجه ويايه ع الفرشه

الصراحه يحجي واني منتهيه من الخجل

بعدين طلب مني اطلع للحديقه

صعدت شفت رقاوي والجهال

لكيتها تحجيلهم قصص بالايباد

كتلها راح انزل بالحديقه

بس تحتاجيني راسليني

الايباد مخلين بي فايبر

لان دائما يضيع 🤣🤣😂😂😂

ينسون وين يخلوا

كالت روحي معليج بيهم

اني انيمهم وانام وياهم

عندي جبس وكرزات

وخليتله عصير راني عندي

ونزلت

رغم ارتباكي اماما

بس احس براحه نفسيه

كلت بلكي يصحلي مجال واحجي ويا ع دوامي

فعلا جان هادئ وانسب وقت الي هسه

بقه يحجي

وقررنه ناخذ لاهلي هدايا

اني عاجبني هذا الكرسي والطبله

لان اصغار ع كد الحديقه مالتهم

وحبيت فكرت السبلت

قررنه نروح سويه

كلت ادور احاول اطلع

اغير من روتيني الممل

وين ميريد اطلع ويا

عادي ماعندي مانع

لازم اغير من حياتي ولو قليل

وفاجأني من كلي شلون يفكر بيه

الصراحه حيل احتقرت نفسي

كلت المفروض مااخلي نفسي بموقف يثير للشبها

عرفت شنو السبب الي يخلي يمنعني البس الالوان وملبسني البوشيه

بس مبين علي راح يخليني انزعها وهاي علامه زينه

طلب مني من تخلص المهمه مالته نسافر

اذا ردت اسافر

احب اروح لاربيل

مااحب اسافر خارج العراق

الصراحه حيل افرحت من كلي

محبيت احجي هسه ع الدراسه

كلت بيوم الي يلتحق اخبره

واخلي يفكر ع مهله

باوعت ع الساعه ب3 اله ربع

ب 4 الى ربع تقريبا ياذن

اني حاليا مجازه من الصلاه

كلت خلي انام من وكت واكعد من وكت حتى نروح يم اهلي

مخبرت ماما حتى متكلف نفسها وتحير شتطبخ

اباوع ع الكرزات والجبس

خلصناهن بدون منحس ع نفسنه 😂😂🤣🤣

كتله راح انام من وقت حتى اكعد ونتهيأ نروح

تعالي بعد وكت مظل شي للاذان صلي ونامي

اها مو اوقت المنبه واكعد

شريد اكله 🙈🙈

وعليمن بعد نص ساعه

مو نعست مااتحمل بعد

هاي شبيج مو كاعد نسولف شتنعسين بعد

انتي اول تالي تنامين قبل الصلاه

مو لازم اكعد من وكت

اها ع راحتج قفلتي

رحت للمطبخ اريد بس اشرد منه

غسلت المواعين مالت الجبس والكرزات

درت وجهي اريد اصعد

لكيته كبالي واكف

وعيونه حمر ويشرب جكاره

الصراحه خفت منه

كلت اخاف يتقربلي

ويكسر وعده

لان بعدني ممتقبلته نهائي

نظراته اكلتني اكل

حيل ارتبكت

ردت ادخل

بس سد الطريق عليه

وين تردين

اريد انام والله نعست

تعاي نامي وياي حبابه

لا مااكدر الجهال يتخبلون اذا ملكوني يمهم

باجر اذا طيبين انام يمكم

الله كريم

تعالي ويايه للغرفه بس دقيقه وحده

لا عفيه فدوه اروحلك خلي انام

مااريدك تخلف بوعدك

هاي شبيج والله مااسوي اي شي متقبلين بي ولا راح اجبرج ع شي

شنو معقوله متثقين بيه وتخافين مني

لا مو هيج السالفه بس اخاف تفقد السيطره ع نفسك

كام يضحك هههههههههههههههههههههه

لتخافين مستحيل افقد السيطره ع نفسي

لتخافين وامني

بس هنا اخاف تنزل رقيه

ابد مخايفه منه الصراحه

لان اذا جبرني ع شي راح يخسرني للابد

رحت ويا

دخلني للغرفه

لكيناها بارده الاناره خفيفه

كال شوكت انام سويه بغرفه وحده

تسامحيني وتنسين الماضي

سكتت لان الصراحه مااعرف شاكله

هل يجي يوم واسامحه

مااعرف ولا اتوقع ابد

كلي هسه اريد برضاتج

بوستين بس

😳😳😳😳 يعني بوستين مو وحده

لعد انت شكد طماع

لاوالله مو طماع لو طماع جان طلبت انام سويه

وهذا حقي بس مااحب اجبرج

واريد برضاتج ابوسج

شرط بوستين مو اكثر

بس مااريدج تزعجيني ابد من ابوسج

خليهن ع باجر حباب

لان نعست

راح ياذن مبقه شي

نسيت نفسي وجان اكله مو مااصلي اني مجازه

ها لا قصدي نعست اريد انام يبوووو شفلتت اني 🙈🙈🙈🙈

كام يضحك مو اكول مستحيل تفوتين الصلاه

يعني مجازه معناها اايس منج ماانام وياج

لعد تعالي وامني

وجهي صار احمر طماطا من الخجل والله

رفع راسي لفوك

لويش هالخجل

اني رجلج مو صاحبج شوكت تفتهمين هذا الشي

وهسه اريد ابوسج شلون

ع باجر

مااريد باجر اريد هسه

تدرين ع اعصابي مابستج من اجيت

والله حيل مشتاقلج

الوحيده الي اشتاقلها هي انت

سكتت حجيه يدوخني ويخليني مااعرف شاجاوبه

سكتت

عادي اذا باسني بس اكثر لا

كتله بس بوسه وحده وخليني انام

مااريد وحده

اريد اثنين وحده اشر ع حلكي هنا

والثانيه اشر ع ركبتي وحده هنا

سكتت

اتقرب عليه بهدوء

بس من هسه اكلج مااريد ادفريني

خليني ابوس ع راحتي

باسني ويمكن طول ربع ساعه

لمن انتهيت

من صدك النفس انقطع مني

كمت ادفر يله عافني

وخر مني

احنه شتفقنه

والله اختنكت متحمل بعد

لعد هاي ممحسوبه لان ضوجتيني وازعجتيني

لاعفيه والله نفسي انقطع

راح ابوسج بركبتج

لتكوليلي انكطع نفسي

باسني صحيح منقطع نفسي

بس وجعني حيل

بس عفته ع راحته

لمن هو تعب من كيفه

والله كاعد اتعب وياج

حيل اتاذيني من تصديني

بس وعد مني اله اخليج تحبيني مثل محبيتج

سكتت مااعرف شاكول

هسه اخذت البوستين اريد اصعد

بس وحده محسيت بيها

حباب خل اعيدها

والنبي تاذيني

وعد مااذيج هالمره

بس اتمنى تذوبين ابين اديه

يعني شلون اذوب

يعني اسكتي احسن

باسني بس هالمره احس بنفسي انتهيت اله شويه اوكع

ضحك كال هسه معناها من صدك ذبتي بين اديه 😜

وهسه روحي نامي لا اخلف بوعدي

صعدت واني فرحانه

احساس جميل احس بي

مااعرف اوصف شعوري

اتذكر واضحك

كوه نمت من التفكير

كعدت ثاني يوم لكيت الساعه ب1

متسوه بعد نتغده هناك

نزلت طلعت نواشف

كليت وكعدتهم كلهم

راسلته هواي ولا كانو

رحتله للبيت

بس خايفه اخاف هم يتحرش بيه 🤣🤣😂😂

دكيت باب الغرفه

ولا كانو

فتحتها وكعدته

كعد

يفرك بعيونه

كوم اتغده

كعد كلي بيش الساعه

راح تصير ب 2

كولي والله

اي والله

لعد واهلج

عيب نروحلهم بهيج وقت محرج

سويت اكل هنا

كوم غسل وتعال منتظريك

ردت اطلع سحبني

مسويه ريوك لو غده

غده بعد وينك وين الريوك

بس اني مشتهي عسل هسه قبل الغده

والله ماادري اكو لو لا خل اشوف واحضرلك

اويلي عالفهاوه

لج شلي بالعسل المغشوش

اذا اكو اصلي

مافهمت قصده والله

لعد اذا عندك الاصلي اخذ منه وتعال اتغده راح يبرد الاكل

اوك روحي دوري بالثلاجه

ع مااغسل واجي

اوك

رحت للثلاجه ادور من كل عقلي

بيها ريحه موطيبه كلش

متحملت

طلعت الفواكه المعفنه ذبيتها غسلت اسفنجه وكمت امسح بيها

اجه حيدر

هاي شدتسوين

عوفيها ليش نظفتيها

اريدها تبقى هيج لمن تجي حنان

حتى اعرف شغلي وياها

مترهم منا لمن تجي

ذبي البيدج وتعاي وكتنه راح

هسه خلصت

وين العسل لكيتي

لاوالله ابد ماكو بالثلاجه

راح اشوف هناك اذا عدنه انطيك

تعالي وهسه ادليج بي

سديتها الثلاجه ورحت غسلت اديه

ورحت يمه

جان يتقرب عليه

اشر ع شفتي

هذا العسل الاصلي

وانت الفاهيه من كل عقلج ادورين بالثلاجه

🙈🙈🙈🙈يبووو اني شكد غبيه عبالي صدك يريد عسل

لو ادري بقصده جان شردت 😂😂😂🤣🤣🤣

حيل اخجلت منه وردت اطلع بسرعه

سحبني وين تردين

والنبي الغده برد وانت متحبه اله حار

معليج بالغده راح اتعلم اكل بارد

اهم شي انطيني الريوك وروحي

منطاني مجال احجي

باسني ب 👈👄

لمن حسيت نفسي انقطع

كوه تركني

هاي انت لويش هيج تقطع نفسي

لج بابا حلاتها لمن ينكطع النفس

رحت للمطبخ لكيت رقيه والجهال متغدين

من اجيت كالت كملنه راح نصعد نجهز نفسنه

وانتوا اتغدوا ع راحتكم

والله عيب عفتهم ورحت عبالي اكعده بسرعه

ماادري بي راح يلزمني اكثر من نص ساعه

حميت الاكل بالمايكرو

والخبز حميت بالكابسه مالت الصاج

اجه كال وين رقيه والجهال

والله عيب من وراك

اتاخرت يمك

لكيتها متغديه ومغديتهم وياها

اروح فدوه لرقاوي العدها احساس

عود طفله بعدهي

والله احسن منج

كالت خل اخليهم ياخذون راحتهم ويتغدون بوحدهم

والله بعد ابد مااكعدك اني غبيه المفروض اتوب من اخر مره

هههههههههاي بعد ماكو داعي تكعديني

لان راح انام يمكم

😳😳😳😳😳 شنووووو

لعد شلون اامن واخليكم بوحدكم تنامون

لتخاف علينه والله منخاف نقفل الغرفه علينه

دصبي الغده وعود بعدين نتفاهم

خليت الاكل يمه

لج شنو هاي لعد ماكو تمن اليوم

لا مسويت كلت نواشف احسن

امري ل الله شاسوي

اول مره راح مااتغده تمن

اني بدون تمن ماارهم ابد

والله ماادري بيك

جان سويت

اكوم اسويلك بسرعه

لا عادي بس بالعشه عوضيني سوي تمن

مو كلت مشاوي وخبز حار

ها هم صدك

يله ع باجر ان شاء الله

هذا الصاج شلون تاكلونه

طيب والله جرب وشوف

شنو محشيته

كص لحم وكص دجاج

اني مسويتهم

والله يختلف عن الجاهز

صدك اكل منه

من صدك عاشت ايدج كلش طيب

☺️☺️☺️☺️ شكرا

كملنه ورحت ابدل

محتاره شالبس واخاف ميقبل

اخر شي اختاريت 👇

نظوري ونور ورقاوي مكملين وجاهزين

لو عندي مكياج جان خليت

اليوم اذا طلعت ولكيت كبالي اشتري

لان من اروح لاهلي لازم اخلي ماما دومها تاكل كلبي

حتى ع وجهي لان ممنضفته ماكله كلبي

كتلها اخاف يوجعني

وهو حيدر هم ميقبل

تحجي تحجي وبالاخير تسكت

عذرج اقبح من فعلج

لج اكو رجال ميحب مرته تنظف وجها

اي اني ميقبل

طلعت لكيته حيدر بعده بالمطبخ

حضرت عباتي وبوشيتي

باوع ع لبسي من فوك لجوه وطلع

وره دقايق طلع والعطر سابقه

جان كلش حلو طالع ونازك

اول مره اركز علي

لابس هيج 👇

لحضات ونزلت عيني

كال جاهزين

كتله اي ماعدنه شي

كام يباوع عليه ويباوع ع ملابسه

كال متوالمات لو ابدلهن

لا عفيه لاتبدل والله حلوات عليك طالع فد شي بيهن

كولي والله يعني اني عاجبج

انتبهت ع نفسي

وكتنه راح والله ورانه طلعه

كال يله

كتله خبرت محمد راح نطلع

كال اي خابرته

كتله اطلعوا قبلي بس اقفل البيبان

ماكو داعي راح يجي محمد بالطريق

اوك لعد يله

صعدنه وفتح التبريد جان الجوحار موت الساعه تقريبا ب 2 ونص

شغل  اغنية سيف نبيل عشك موت👇

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

شويه وكف نزل

كلت لرقيه وين راح

كالت هذا محل حلويات دخل اله

جنت حيل فرحانه

اتمنى اتباها بي كدام اهلي

مااريدهم يحسون بينه مو طبيعين

وراها هم مشينه واتوقف

رقاوي فديتها تعرف الي ابالي

كبل كلتلي هالمره نزل يم ابو الفواكه

وبعدها كالت دخل للسوبر ماركت

انطانه مي وعصائر

بعدها كال خل اوكلكم موطه

نور كامت تكمز اي بابا حباب

هم تردين سلاش

اي بس الموطه الجوه خليها بالتوفي

اوك

وانت رقاوي

اي شي عادي كلشي اكل

ونواره حبيبتي بكيفك

لحضات واجه جايب ويا

وحتى لاهلي جايب

مشه فتره وكال

صدك عود همه وين اشو اني نسيت وطلعت كبل

كتله ماادري والله اني مااندل

عفيه بالحبابه نفس ذيج المره

رقاوي تندلين

لا اول مره اطلع اجيكم

ممركزه

خل اخابر بابا كتله

اتصلت ابابا

كلي انطيني حيدر

حجه ويا وطبكه

وصلنه واتصل ابابا كله وصلت اي شفته يله لعد

كال هذا الفرع وراح يطلع ينتظرنه

اني كلشي مااشوف طبعا

وصلنه وجانوا مصدومين من جيتنه

لان مخبرتهم

كتله ع اساس نجي من الصبح

بس اخذتنه النومه ب1 كعدنه

اجتي ماما والبنات وسلمو علينه

ورقاوي بس يبوسون بيها لان اعز وحده

اول مره يفاركوها

انطيناهم الموطا

ونزل حيدر الغراض

جايب انواع الحلويات

وانواع الفواكه

وجايب من السوبر ماركت حلويات همين

مقبل بابا وبقه يحجي علي

اني نزعت العبايه والحجاب

لحضات وجان ماما تجيب صينيه مسويه دولمه

بعدهم لحد الان ممتغدين منتظرين بابا قبل شويه جاي من الدوام

جلبوا بينه كوه اله ناكل

كعدنه وياهم

ماما مخليه دجاجه

الريحه تموت بس اني مااشتهي حرامات

بدوا ياكلون بس اني مااكدر مااشتهي

ماما كامت تحجي ليش متغدين هناك

كمت قبلهم جهزت الجاي

كملو وصبيت الهم

كملوا

كلت لماما شوي بعد اخلي الجهال يمكم

نريد نروح اني وحيدر للمولات

كالت عادي

بس ماما طلعتلي بسالفه لا ع البال ولا ع الخاطر

كالت لحيدر

اريد احجي وياك ماما

لويش معارض زينب تروح تنظف وجها

هو بقه صافن

هاي منو كلج

هي كالت

اني هنا تذبحوني قطرة دم متلكون بيه

حيدر : من تكعد وياي وتحجي

احس براحه وامان

يكفيني هذا الشي وبس

مو اله اتقرب الها

وجودها امان الي وراحه نفسيه

بس هم اضعف امامها

واتمنى اتقرب الها

بس احسها متقبل واسحب نفسي

اليوم حيل اضعفت امامها وتمنيت انام سويه

كلت خل اطلب منها بوسه اذا شفتها متجاوبه وياي اطلب اكثر

واذا لا اعوفها ع راحتها

لان اني واعدتها ومستحيل اخلف بوعدي

اخذتها لغرفتي وبستها

بس ابد متجاوب وياي

ابد متضعف

اني هواي مقابل بنات

بلمسه مني تذوب

هاي لا ولا كانو

احسها تنجذب الي

بس اكو حاجز جبير ابيناتنه

كلت ع كيفي وياها اصبر لمن تسلمني نفسها بارادتها

راح اخليها تحبني مثل مااني احبها

اليوم اني واصله ويايه حدها

حيل ضعفت وقررت اتقربلها

بس همزين اعرفتها معذوره

وجانت حيل خجلانه مني

بس همزين هي الي نقذتني

لان فقدت السيطره ع نفسي

بوستها احسها غير تختلف عن كل بوسه

هالمره حسيتها ذايبه بين اديه

فقدت السيطره

بعدها خليته تروح تنام لان ورانه كعدنه

اني هم صليت ونمت

هالايام ملتزم بصلاتي

وقللت الشرب

اني جنت ماعندي ثقه بكل بنيه

اكول الكل تخون والكل مو شريفه

بس زينب ثبتتلي اني غلطان

لان مو كل الاصابع متساويه

تكدر توافق ع طلب اخويه بكل سهوله

وهي جانت محتاجه الفلوس

مقابل ليله وحده

رفضت

ودفعت الثمن غالي

بس اهم شي شرفها

مسلمته بسهوله

ثاني يوم كعدت ع صوتها

حيل اتفائل من اشوفها اول وحده

وجها خير الي بيومها

طلبت منها عسل وهاي ثوله ولا جنها عبالها صدك 😂😂😂🤣🤣

دخلت للحمام وسبحت ع السريع وفرشت اسناني

كلت هسه الكيها رايحه

اشو هاي كاعد تنظف الثلاجه

ومن كل عقلها ادور ع العسل

لعد انت شكد فطيره

بستها وكتلها هذا العسل الاصلي

اموت عليها من تخجل

رحت لكيتها مسويه نواشف

اني الصراحه ماارهم بدون تمن

حيل احبه ولازم يوميه اكل

بس كلت خطيه لو غير وقت جان مااكلت

جنت حيل اكره الصاج

وهاي مسويه صاج من كل عقلها اكله

مسويه ويا كباب وكبه وطماطه

بس من اكلتلي وحده حيل عجبني

صدك طيب

اكلها يختلف عن الكل

بعدها ردنه نطلع

شفت لبسها حلو وعجبني

رهمت لبس الي مو بالضبط بس حبيت البس هيج

طلعت ومخلي الاغنيه

اربط جهازي ع السياره

اني مدخل الاغاني اليعجبني حتى اشغلهن

كلت عيب ندخل هيج

اشتريتلهم شكم شغله

وطلعن محد تندل البيت

بعدين انطاني العنوان ابوها

ووصلنه

وجان البيت كلش حلو وبناءه حديث

دخلنه وجان انصدم بالنزاكه والترتيب والنظافه

واضح عليهم النزاكه

بقيت فاهي علي الصراحه

بعدها صبوا الغده

وجلبو النه

مجنت اشتهي لان اتغدينه بس كلت عيب منهم

طبعا لاحظت طبخ امها طيب حيل حتى اطيب من طبخ زينب

كلت شويه وانام لان نعسان وحتى ابوها لزينب هم ياخذ راحته خطيه

بس فاجأتني امها من كلتلي ليش متخليها تنظف وجها

اكيد هاي سوالفها وتكلهم ميخليني

كتلها والله ابد مامانعها ولا الي علاقه بيها

بس هي اشو عاجبها وجها هيج

جنها رجال

شفت وجها صار مثل 👈😲😲😲

اني كمت اضحك

والله يا خاله لبسها شوفت عينج جنه لبس بيبي

اكلها البسي اللوان حلوه وهي ولا كانو

ابد متاخذ الحجي

تصدكين ابد ماعدها مكياج

24 ساعه مبهذله نفسها

واني لان احبها مااضغط عليها ولا احجي وياها

بس اريدها تحس ماكو

اباوع ع وجها 👈😡😡😠😠😡😡😠😠

ضحكت 😂😂😂🤣🤣🤣

شوفيها خاله راح تنفجر

يعني انت ابد مامانعها

لا والله خاله هاي واساليها

زينب اكو مره ردتي تروحين تنظفين وجهج ومنعتج

كالت لا

ليش تجذبين ع امج

لو روحج بالجذب ضحكت و👈😜

تقبل اخذها هسه لمركز تجميل وانظفه لوجها

الله وايدج ياريت خاله

طفرت هي

كالت لا يوجعني خليني هيج احسن

اسكتي انت اني اعلمج

وجهج يفشل ولا عبالك متزوجه

خل ابدل ودزنه لاي وحده اذا تكدر

تدللين من عيوني

دزيتهن بيدي

اعرف مركز دائما اخواتي ادزهن اله

كتلها ميهمجن الوقت حتلو تتاخرن

ومن تكملن ارجع عليجن

كلتلي روح نام انت وارتاح

اوك

رجعت ولكيتهم مجهزين غرفه كلش حلوه

كالوا هاي الكم مجهزيها

من تجي زينب وتبقى تاخذ راحتها

ردت انام واجاني اشعار رساله

عبالي من الشركه

فتحته لكيته من زنوبه

اكص شعري واصبغه

دزيتلها يعني رايي يهمج

اي اكيد يهمني اخاف اسوي شي وميعجبك وتسويلي سالفه

يعني شنو من سالفه مثلا

مجاوبت

بعدها دزتلي هسه اكصه لو لا

اي عادي كصي بس مو هواي

مااحب الشعر الكصير

اخذي بس قليل

وبالنسبه للصبغ انت حره

شنو الي يعجبج سوي

بس الصراحه عاجبني لونه بس القرار الج

اوك

متلهف اشوف التغيرات الي حتسويهن

وجها ع الطبيعه لحد الان

نمت وكعدت جانت الساعه ب6 اتصلت بيه

كالت كملنه

رحت اجيبهن

رجعنه

ومتلهف تنزع البوشيه والعبايه

بس اختفت

دزيتلها تعاي صبيلي جاي

اجتي جايبه الجاي وجان انصدم بيها ........