رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل العشرون 20 - بقلم Somemon11

‎البـــــــــــــــارت التاسع عشر

‎ما قلت لك ؟ إني بلا صوتك حزين
‎وإني سئمت الإنتظار ولا تعبت من الحنين
‎حاول تجي ! وإنسى إننا متفارقين

‎شدت من قبضها لكفها..ونزلت بثبات..
‎وصلت للاوبي وهي تشوف نظرات
‎الكل تتــوجه لها..
‎عبدالعزيز منزل راسه بتعب على الكنبه واخوانه من حوله..سلطان جالس قريب من مدخل الفندق الزجاجي
‎وفي حاله من ترقب
‎عبدالعزيز اشر لها تطلع
‎هزت راسها بلا
‎عبدالعزيز بتعب/مـشـعل خذ اختك وطلعها
‎فوق وجيب لي معك جاكـيت
‎مشعل وقف /ابـشـر
‎سلطان وقف واتجه لها/بسرعه اطلعي و يويلك تنــزلين
‎اميرة هزت راسها بلا/بنتــظره معكم
‎سلطان بهدو/ماتسمعين قلت لك اطلعي وجودك هنا
‎غلـط..بين الرجال وفي هذا الوقت المتأخر
‎اميرة بلعت ريقها/بيــرجع!!؟
‎سلطان ركز عيونه بعيونها وهو يلاحظ تجمع دموعها.
‎.تنهد بضيق/ بــيـرجــع
‎مشعل /اميرة يالله
‎اميرة رجعت على وراء
‎وبعناد/لا بجلس انتظره مقدر اطلع..تكفى بجلس
‎سلطان بامر/قلت اطلعي بسرعه..لطلعك انا بنفسي
‎نفخت فمها بعصبيه وطلعت مع مشعل..
‎اللي مافتح فمه بكلمه
‎وصلها لغرفة عبدالعزيز ونوره
‎مشعل /اجلسي مع امي والبنات اذ جاء قلت لكم
‎ابتعد عنها وفتح غرفته هو وذيب
‎اميرة لحقته ودخلت وراه وهي تشوفه يفتح الكبت ويطلع جاكيت
‎لفت وتفاجاء فيها واقفه وراه
‎مشعل/وشبك!!ليش مادخلتي
‎اميرة بترجي/تكفى برجع معك مقدر والله العظيم بموت من الخوف
‎مشعل تجاهلها وطلع/اذ طلعتي قفلي الغرفه وراك

‎ضربت برجلها الارض بقهر
‎"ابي انتظره تحت ما يفهمون"
‎تلفتت حولها بضيق..واتجهت للباب بتطلع..
‎وقفت بسرعه وهي تلتفت مره ثانيه
‎وعيونها مركزه على الكبت
‎وهو مــفتوح وطايح منه بنطلون اسود طويل..
‎رفعت حاجبها
‎وابتسمت من الفكره الجنــونيه اللي خطرت لها..
- -
‎مشعل اعطى ابوه الجاكيت
‎ولبسه بضيق وملامح التعب واضحه على وجهه من امس الظهر هو جالس هنا
‎تنهد بضيق
‎مو متخيل فكرت ان ذيب يصير له شي
‎ذيب غيــر
‎غمض عيونه بقوه وقهر من تهوره..
‎مافكر في امي ما فكر في ابوي و زوجته.. -

‎بدون تفكير في عواقب جنونها..
‎اتجهت للكبت واخذت البنطلون الاسود لمشعل وكنزه اسود
‎لبستها بسرعه وفكت الحجاب واستبدلته بـ كاب اسود(قبعه) واشارب طويل اسود
‎لفته على رقبتها وسحبت ياقت الكنزه الطويله وغطة فيها فمها وبدايت انفها..
‎وقفت امام المرايه
‎وهي تستعرض ..
‎اميرة/ههههه ولـــد 100% مستحيل احد يشك اني بــنــت..
‎او يميز ملامحي
‎بــلاك&بـلاك -

-
‎بگرهه بيجي الغيم ويهطل المطر بيضحگ
‎الحزين وتصبح الدنياا شتاء

‎نزلت تحـت ومرت من قدامهم بهدو بدون ماتثير
‎الشــك
‎ارخت راسها اكثر و هي تقرب من باب الفندق..
‎وتتجاوز سلطان
‎اللي نظـرها بدون اهــتمام..وعدم معرفه لها
‎طلعت برا و وقفت تحت مظلات واجهت الفندق.
‎.وصــوت الرعــد يملى المكان
‎ارتجفت من البرد
‎و وقفت على جنب وكل دقيقه والثانيه تناظر
‎ترفع معصمها تشوف الساعه
‎4:30صـ
‎5:00صـ
‎جالسه وهــي متكيه على العامود طويل وعريض
‎وتختبي خلفه من نظرات المــاره ونظرات سلـطـان ،وعيونها موجهه لشارع العام و مواقف السيارات..
‎التفتت وراها وهي تشوف سلطان
‎يوقف ويدخل داخل
‎"اوه الحين وقت صلاة الفـجر..اه ياربي رحمتك اذن
‎الفجر وهو مارجع يويل قـلبي عليك لذيب..
‎لا تفجعنا طلبتك.."
‎5:20س
‎رجع سلطان
‎لنفس مكانه وجلس
‎5:30ص
‎وقف سلطان وتقدم من المكان اللي هي فيه
‎اسندت ظهرها اكثر وثبتت الكاب عليها اكثر..
‎واقف وفي يده كوب قهوه تركيه..
‎بدات قطرات المطر ب الهطول
‎والرياح تشتد والغيوم تزداد كثافه لتحجب
‎نور الشمس لتترك المجال للبرق الذي يكاد
‎يخطف الابصار
‎ويخفي جمال الصباح..وصوت الرعد يهز
‎المكان اكثر..
‎سلطان غمض عيونه مد يده يتلامس قطرات
‎المطر التي تزداد
‎كثافه وقوه/يارب اخوي في ودايعك فـ احفظه يارب..يارب لا تفجعني فيه..يارب اخوي يارب اخوي
‎..مابي افقده مثل مافقدتها .. يـارب
‎فتح عيونه بضيق..انتبه لشخص جالس خلف العامود..
‎رفع حاجبه بااستغراب..احد يجلس برا في هذا الجو
‎صد عنه بدون اهتمام ورجع جلس مكانه
‎قدام باب الفندق ونظراته مركزه على زخات المطر
‎اللي اصبحت اكثر شده..
‎رفع عيونه للمكان اللي يجلس فيه الشخص
‎اللي ب الملابس السودا مستغرب عدم
‎دخلوه الى الان
‎سلطان يهمس/مــجنون
-
‎ما اهتمت للــبرد ولا هزها صــوت الرعــد
‎ولا اخافها بريق البــرق..ولا بظربات ب المــطر..
‎مركزه نظرها على مواقف السيارات تفكر في شي ..

‎الساعه 6:19 ص
‎وصلت سيارة سودا
‎وقفت في المواقف ..
‎اميرة وقفت بسرعه وهي تحضن نفسها وتترقب
‎صاحــب السيارة ينزل
‎وفي نفس اللحظه فز سلطان و وتقدم و وقف
‎يترقب في نفس مستوى خط وقوف اميره.. نزل صاحب
‎السيارة
‎وكان ..........

‎نزل صاحب السيارة
‎وكان شاب بشعر اشقر..
‎اميرة تنهدت بضيق وقهر استندت على العمود..
‎بس تفاجاة بسلطان ينزل بسرعه للمواقف..
‎واذا بشخص ثاني يفتح باب السياره الثانيه
‎وينزل..
‎تقدمت اكثر وهي تشوف سلطان يحضنه..
‎ويسنده يوقف معه
‎ابتسمت لانها عرفته من هئيته..
‎ركضت بإتجاههم ..
‎لاكان لااا
‎وقفت بسرعه وهي تناظر لبسها..خبطت جبينها على غبائها وتهورها ..ابتسمت براحه وهي تشوفهم يقربون
‎وفجاءه تلاشت ابتسامتها وتجمدت ملامحها
‎وشخصت عيونها..
‎بسبب البرق اللي اضئ المكان اكثر و وضح وجه ذيب وملابسه اللي يملاها الدم
‎ويمشي بعراج مع ان سلطان يسنده..
‎ماهي الا ثواني واجتمعو عليه كل الشباب وهم يحضنونه ويتحمدن لله ع سلامته
‎مشعل حضنه بقوه ودفن وجهه بصدره وبكى بقهر/انت بخير!؟
‎ذيب بصعوبه رفع يده وربت على
‎كتف مشعل وبهمس/اشش استح على وجهك رجال بشواربك وتبكي!!انا بخير
‎مشعل ابتعد عنه ومسح دموعه بسرعه/انا ما ابكي..ودم هذا كله من وين!
‎ذيب/هذا دم واحد من الكلاب ..هذا المطر غرقني مطولين
‎بندر/ههههه شكلك يرعب تروش قبل تدخل على اهلك..لا ينجلطون ويفضحونا بصياح .
‎سلطان /هههههه وتنجلط علينا اميره.
‎ذيب/اجل تدرون ببدل ملابسي تحت في الحمامات
‎بدر/الحين ادخلو المطر غرقنا وداخل نتفاهم
‎مرو من جنبها وهي على بعد ثلاث امتار
‎منهم ما انتبهو لوجودها او انتبهو بس ما اهتمو اهتمامهم مركز على ذيب
‎تسمع كلامهم بس ماتقدر تستوعب مضمونه
‎حروف تتردد باذنها لكن عقلها لا يستطيع الترجمه..كل مايصلها هو همسات وصوره
‎لأحدهم تتكرر امام عينيها .
‎جثت على الارض ودموعها تنزل بدون ماتحس فيها
‎مسكت راسها وصورة الشخص اللي ب احلامها تتردد امامها..رجل الدماء تغطيه و دماء تملى وجه طفله..لا لا هذي ليست المره الاولى اللي يتكرر لها نفس المشهد..ف كوابيسها لا تخلو من هذا المشهد..وحتى في صحوتها يتكرر لها نفس المشهد
‎جسمها ينتفض...
‎اميرة بهمس دون وعي/د د دم د د دم..م مات

‎يحتضنه بقوه/الحمدالله على سلامتك الحمدالله على سلااامتك..اشلغتنا يابوي
‎ذيب يربت على كتف ابوه/جعله بروحي يابوي..ليتني ما قلت لك..اشغلتكم معي
‎عبدالعزيز ابتعد عنه/وش يوجعك!!وش صار معك!؟
‎ذيب ابتسم بفخر/ابشرك قدرنا نقبض عليهم..وراشد مات..اما انا ف شويت رضوض بس..
‎عبدالعزيز/كفو ان شهد انك ذيب
‎عزام /بيض الله وجيهكم
‎ابو الوليد والشباب اثنو عليه وافتخو فيه..
‎مشعل/بجيب لك ملابسك تبدل وبعدها اطلع ل امي و البنات ينتظرونك
‎عبدالعزيز/كلكم اطلعو وارتاحو من امس ما نمتو..
‎ذيب /اعذروني اشغلتكم...اوه نسيت روبن وصلني وينه ما دخل

‎سلطان /بروح اشوفه
-
‎اخذ له مظلة يحتمي فيها من المطر اللي زاد قوه اتجهه للمواقف
‎هو يتلفت حوله ويتفقد مكان ااسيارة وكان خالي"شكله توكل..'نتفض من الهواء البرد "ايي بررد"
‎عقد حواجبه وضيق عيونه يحاول يركز
‎بشي اسود متكوم على الارض
‎تقدم اكثر منه هو يسمي بالله
‎فتح عيونه باستغراب بعد ما تاكد ان السواد ماكان الا لشخص جالس على الارض
‎رفع حاجبه بضيق/مو كانه اللي كان جالس تحت المظلات اللي برا من كم ساعه!؟ ليكون سكران او مجنون
‎قرب منه أكثر واستغرب هو يسمع صوت انين
‎سلطان هزه من كتفه/هل انت بخير!! اتحتاج للمساعده
‎سلطان تاكد ان الشخص اللي جالس يشتكي من شي..نزل لمستوى جلوسها
‎يحاول يميز الملامح بس ماقدر بسبب الكاب كل اللي يسمعه همهمات وبسبب صوت
‎البرق مكان يقدر يميز الصوت
‎سلطان مسكه من كتوفه/سأقوم بمساعتك ب الوقوف
‎رفع يدها فوق كتفه وبيده الثانيه شد من مسكته للمظله..
‎اميرة تمسكت فيه وراخت وجها على صدره بدون وعي..
‎سلطان حركها لأجل يساوي وقفتها..
‎ثانيه
‎ثانيتين
‎ثالث
‎اربع
‎خمس
‎انتفض بقوه وفتح عيونه بصدمه
‎ارتفع راسها لفوق و بسبب الريح الشديده اللي طيرت الكاب معها بانت ملامحها لسلطان..
‎بدون مايحس افلت المظلة..
‎ورفع كفه ببطى هو يتلمس وجها الاحمر لشفيفها المرتجفه وعيونها الدامعه..
‎سلطان بهمس /آمـ..ــيـرة!!لا لاااه
‎عض شفايفه بقوه وهو يحس فيها
‎ترخي راسها على كتفه وتشد نفسها له تدور الدفئ
‎ابعدها عنه ومسكها من كتوفها هزها بقوه
‎وصارخ بالم وقهر منها وعليها/وش تسوين يا مجنوووووونه..اوه يجنووووونك!! من الساعه 4 برا وش تسوين ليه لـ..ـيــه
‎اميرة تنتفض وبشفايف مرتجفه..
‎وبلا وعي/ذ ذ ذ ب ئ ذ ذئـ ب م مت دم..مات مثل ابــوي..ابـوي هـ..ـي قـ ت ت قـتـلته..د دم وجهه ک كله دم مـثـل ابوي"شهقت بقوه وبشكل متكرر..سلطانـ..ـي لا يموت
‎هز راسه بلا وسحبها بقوه لحضنه/اششش ما مات هو بخير حي ما مات والله العظيم بخير
‎اميرة غمضت عيونها وبهمس/مات ابوي مات..لا يموت..ذيب مـات

‎سلطان ابعدها عنه ومسك وجها وكانه يكلم طفلته اللي عمرها 10/ما مات اللي على وجهه ماكان دمه هو بخير..تعالي نروح له
‎هزت راسها بقوه/ايه ايه نروح
‎نـر روـح
‎ثبت يدها فوق كتفه ويده الثانيه حول خصرها..
‎مشى فيها هو مقهور
‎حيل كيف ماانتبه لها من البداية..بس لا هي كانت متنكره بهئية ولد..بس مايوصل فيها الجنون لدرجة تنتظره برا..
‎عض شفايفه بحرقة وقهر وهو يحس فيها تشد نفسها له وتدفى..بس انا مثلها مبلول..
‎دخل الاصنصير وطلع فيه..رفع عيونه للمرايه الموجوده ب الاصنصير وعاكسه صورتهم..
‎مبلولين ب الكامل..وشعره يقطر ماء..
‎دخل يده
‎بجيبه وطلع جواله اتصل عليه المره الاولى وما رد
‎اعاد الاتصال هو ينفخ بضيق..
‎........./الوووو
‎سلطان بضيق/وينك!!؟
‎ذيب يضحك/ههههههه لحظه لحظه اكلم سلطان..هاا في غرفة امي متجمعين تعال
‎سلطان بحده/انت اللي تعال انتظرك في غرفتي بسرعه
‎ذيب بجديه/وش فيه!!روبن فيه شي صار شي
‎سلطان /قلت تعال..قفل في وجهه -
‎ذيب وقف باستعجال
‎عبدالعزيز /خير وش صاير
‎ذيب /لا ابد بطلع انام من امس ما نمت..ونسيت اغراض مع روبن وصى سلطان يعطيني ايها..يالله عن اذنكم

‎قفل منه واتجه فيها
‎لغرفته هو يدعي ان ما احد من العايله يشوفهم ..
‎دخل الغرفه بدون م يقفل الباب
‎جلسها على الكرسي هو مغتض من صوت شهقاتها..ورجفتها..
‎ماهي الا دقيق وخل ذيب
‎ذيب بصوت عالي وقلق/سلطان"سكت لثواني مستغرب شكل سلطان المبلول" وش فيه وراك مبلول
‎سلطان هو عفس ملامحه اشر وراه
‎على اميرة اللي شهقت بقوه و وقفت
‎ذيب قرب اكثر وعقد حواجبه بقوه من شكلها هي الثانيه والغريبه انها بدون حجاب..وفوق هذا بملابس صبيانيه..رفع عيون لسلطان يطلب تفسير.. سلطان بتجهم/و هذا ذيب بخير
‎اميرة اتجهت لذيب بخطوات مهزوزه..متناسيه الحدود اللي انرسمت بينهم..
‎ذيب ابتسم بمرح/هاا اموره خفتي علي..ههه الذيب ما ينخاف عليه
‎شهقت بقوه وهي تسارع بخطواتها لها ترد تحضنه
‎لكان يد سلطان كانت اسرع مسكها و وقفها
‎قدامه .."ظهرها ملصق لصدر سلطان"
‎حوطها بيده..
‎ورفع عيونه لذيب
‎اللي عقد حواجبه بقلق وخوف من شكلها وانتفاضتها
‎سلطان/نزلت من الساعه 4 تحت في لاوبي تريد تنتظرك معنا..رفضنا..لكن هي وبكل جنون نزلت متنكره بملابس اولاد..وانتظرتك برا في المطر..واللي زد جنونها لم وصلت ومنظرك بالدم

-
‎ذيب تنهد بضيق..وقرب منها شوي ونزل لمستوها/اميرة انا بخير..افا وانا اخوك هذا وانا قلت لك اني برجع لك..مثل ماتبين وبفضل الله راشد مــات
‎اميرة رصت نفسها في حضن سلطان اكثر وغمضت عيونها ودموعها تنزل بهدو/ انـ..ـت بـخـير..مات!؟ عدل ذيب وقفته بتعب /خلاص بطلي دموع..ونامي.."رفع راسه لـ سلطان "انتبه لها وخلها تبدل بسرعه قبل تأخذ برد ..ويالله عن اذنكم ميت نوم..
‎سلطان هز راسه بهدو
‎اول ماطلع ذيب
‎ابتعد سلطان عنها بهدو
‎لكن تفاجاء فيها تلف له وهي تحضنه بقوه وتكتم صوت بكاءه على صدره
‎سلطان ربت على ظهرها/اشش خلاص تعالي بدلي ملابسك

‎جلسها ع السرير وطلع لها لبس ثقيل..
‎انسدحت على السرير بشكل مايل وهي تهذي بكلام مو مفهوم
‎سلطان جالس جنبها ورفعها/قومي بدلي..او ابدل لك
‎اميرة اخذت ملابسه ودخلت فيها الغرفه وهي تترنح بمشيتها..
‎بدلت بصعوبه وجلست على الرضيه..وهي تحاول تستوعب اللي صاير او اللي صار..
‎وقفت بصعوبه..الا ان الشي الوحيد اللي قدرت تستوعبه انها بغرفة سلطان.. تستوعبه انها بغرفة سلطان..
‎طلعت من غرفة التبديل واتجهت للباب بتطلع..
‎سلطان/ويـن
‎اميرة التفت له بالحالة
‎ها........لا لا بـروح غـ غـرفتي
‎سلطان تقدم منها/لا نامي هنا
‎هزت راسها بلا/ب ب ينام لا ابي غ غرفتي
‎سلطان بحنيه/بس انا اخاف انام لحالي
‎ارمشت اكثر من مره..من غرابة تصرفه..
‎سلطان ماترك لها مجال تفكر سحبها معه ونيمها
‎على ذراعه وبدا يلعب بشعرها بهدو..
‎اميرة الصداع والارهق ماترك لها فرصه ترفض او يكون لها حيل تطلع..
‎سلطان ابتسم هو يشوفها بدات تنام..وبهمس/قبل كنت العب بشعرك مو لأنك تتخدرين وتنامي الاا لأني انا كنت اتخدر وانام بعمق اكثر
‎وفعلاً مانر دقايق الا ونام ..
---
‎بعد ماطلع منهم بدل ملابسه و رمى نفسه على السرير وبإرهاق..اليوم يعادل سنه كامله
‎اللي صار ثقيل حيل
‎مسح على وجهه بعجز مو قدر يفسر تصرف
‎نوف..ابد ماكان متوقع تكون ردت فعلها كذا..
‎توقع تحقد عليه او يحز في خاطرها اللي صار لان مهما كان راشد يكون اخوها
‎وصعبه ان زوجها يكون قاتل اخوها..
‎غمض هو يتذكر ردت فعلها..
-
‎ذيب بعد ما سلم على اهله
‎التفت لها كانت جالسه بهدو غريب
‎ذيب عض شفايفه وبتوتر/نوف
‎نوف اتجهت له و وقفت قدامه مباشره/هات بشارتك يا الذيب
‎ذيب صد عنها/مـ مــات...راشد مات
‎نوف ابتسمت وقدمت فيه وبصوت مهزوز عكس وقفتها الثابته رفعت نفسها
‎و حبت ذيب فوق راسه/جعل ربي يبشرك
‎بجنته..فخوره فيك
‎ذيب ناظرها بصدمه كان متوقع تنهار..لأنه هو الوحيد اللي بقى لها..بس لا انا ايه انا بقيت لها وهي لي...
-
‎.لأنه هو الوحيد اللي بقى لها..بس لا انا ايه انا بقيت لها وهي لي...
‎نوره بهمس مسموع/الله يرحمه ويجبر قلبك
‎نوف قفت عنهم وبصوت ثابت/ما ينوخذ عزاه ولا يقبر مع المسلمين من خان دينه و وطنه واهله ف دمه مسفوك -
‎تنهد وجلس على حيله وبضيق/يارب تقدرني و اعوضها يارب يارب...واكون انا سندها وعصابة راسها وابوها واخوها

::::
::::
::::
::::
::::

انتهى البارت

دمتم بخير

تعليق

رايكم

تصويت للبارت