رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل الثامن والعشرون 28 - بقلم Somemon11

‎البـــــارت السادس والعشرون
و
‎الأخــــــيــر

‎دخلت غرفتها وهي مبهوره من تصميمها ومن اوجه كلها من زجاج مطله على البحر فتحت الباب البرنده الارضيه ..مع جلسه خشبيه..
‎فيه درج صغير مع باب بنفس اطار السور ينزل لارض ..
‎رجعت لداخل بسرعه
‎وبدلت ملابسها ب بنطول مريح مع بلازمه وكيمون زيتي طويل..ولفت الحجاب على راسها..
‎وطلعت من البرنده وهي تتنفس بعمق وريحت البحر تنعش..
‎توجهت للجسر الخشبي طويل اللي نهايته داخل البحر..
‎جلست في نهاية الجسر وهي دلي رجولها اللي يوصل لها موج البحر اذ ارتطم باعمدت الجسم..
‎والقمر في اكتماله منعكس على البحر..المكان بحد ذاته يبعث على الراحه خصوصاً مع الهدوء...
‎رفعت رجولها لتستند براسها عليها..مع الصمت والهدوء اخذتها الافكار لكلام نوف..وسؤال الاصعب لو ما كان سلطان في حياتي!؟ كيف بكون حالي لو كان مصير مثل كل طفلة تفـقـد اهلها ويكون مصيرها دار الايتام او ب الاصح دار الحرمان من الحنان والحـب والعاطفه والاهـل والاخوان!؟
‎هزت راسها بلا متقدر تتخيل حياتها بدون امها نورة وابوها عبدالعزيز وعزام وزوجته هاجر الهنوف وذيب ولمياء ومشعل و و و ســلـطان..
‎غمضت عيونها وهي تتخيل لو ان حياتها من البداية استمرت وامها وابوها عايشين وخصوصاً ضمن بيئة بيتهم اللي كانت فاسده كيف بتكون شخصيتي واخلاقي والاهم من هذا كله ديني!!
‎نزلت دمعه متمرده ..لمى الدموع!!
‎هل بسبب ذكريات الماضي التي عصفت برواحها وكانت
‎سبب لشقائها ..
‎ام وحشه وفراغ سكن قلبها..هل يرجع الماضي ويكرر نفسها!؟ ام استرجع الحاضر وارسم دربه..بدون تلك الخطوط السوداويه..••••
‎فتحت عيونها بعد ان كسر الصمت بتلك الخطوات القادمه من الخلفه..
‎حست فيه يوقف خلفها تماماً تميزه بصوت خطواته وايحة عطرة
‎طال الصمت..لتلفت له بهدو وترفع عيونها له لتلتقي بعيونه ذات البريق الخاص
‎جاءها صوته الهادي/ليش طلعتي الجو وانتي تبردين بسرعه..
‎صدت بعيونها عنه لترتكز على صورة القمر المنعكسه على البحر..
‎وصلت لمسامعها صوت تنهيدته/طال غيابك ما حنيتي!!متقبلتي اعتذاري وغفرتي زلتي وجنوني بك
‎رجعت ترفع عيونها له..
‎سلطان تقدم وتكى على السور/تخرجت من الثانوي وانا كل همي في الحياة هو دراستي وحلمي باني اكون طبيب..حياة هاديه جداً..وكانت اكبر همومي اما دراسه واختبارات وكيف ان ابوي يحقق طلباتي لا كان بيوم تخرجي اللي كنت انتظره من سنين انقلبت حياتي فوق تحت بسبب الطلب الاول من ابوي وكانت اني اتزوج بنت صديقه...من يكون صديقه هذا او كم عمر بنته ما كنت مهتم كل همي اني البي طلب ابوي اللي كان واضح عليها انه واثق فيني..رحت لابوها وتزوجتها وبعد ما تم الزواج صار همي انها تكون مزيونه وجميله..لاكان الصدمه ان الزوجه ما كانت الا طفله مزعجه بصراخها وخوفها غير طبيعي..وقتها تمنيت اني رفضت طلب ابوي..اخذنها للبيت وقلبته لنا فوق تحت
‎من بيت هادي الى بيت مزعج الكل كان يحول يكسب
‎رضها ويعودها عليها..لاكان مافيه فايده..
‎عكرة علي نومي كل صباح اصحى على صوت بكائه العالي والحاد..
‎قررت اعرف سبب حالتها اللي كانت مسببه لي الازعاج..
‎ركبت سيارتي ورحت للمستشفى اللي متنوم فيه ابوها..
‎سالته عن سبب حالتها الانه ما كانت مقتنع
‎ان خوفها الجنوني بسبب حادث سيارة..
‎بس ماقدرت اخذ منه لا حق ولا باطل هي
‎كلامه وحده اللي صارت مثل الحلق في اذني
‎اميرتك امانتك
‎نسب بنته لي
‎وفعلاً من يومها صارت هي اميرتي
‎وصرت انا سلطانها اللي قدرت تحس ب الامان معه..
‎ابتسم وهو يرفع عيونه لها/من يومها بس تغيرت حياتي صارت هي اكبر همومي وهدفي كيف احميها واسعدها كان لها الفضل في تغير سلطان
‎و وجود سبب لبتسمته كل ما شافها..
‎وصرت اغار عليها بجنون بعد محسيت ان فيه
‎شخص غيري قدر يخليها تضحك الاهو منصور
‎اللي كان بيوم اعز اصدقائي ..
‎جن حنوني وانا اشوفه يظفر شعرها..
‎من يومها اجبرتها على الحجاب وحتى سوالفها
‎مع ذيب ومشعل كانت تقهرني بس كان مهونها
‎انهم ما يعتبرونها الا مثل لمياء وهي نفس الشي
‎هه حتى يوم تزوجة قررت اخذها معي وتعيش معي في لندن وتكمل درستها هناك
‎بس ابوي كان لي بمرصاد ورفض..
‎كان صعب علي حيل فراقها واتعبني..
‎حتى كنت اعمل مها بنفس طريقتي اللي اعمل فيها
‎اميرتي كانت تعصب وتظن اني استصغرها وانتقصها..
‎ما قدرت تسد فراغ اميرتي..
‎وبيوم وحد بس انقلب كل شي
‎فيه انصدمت صدمه هزتني هدمت كل حصوني..
‎فيها عرفت ماضي اميرتي وجن جنوني وانا اتخيل
‎حياتها قبلي كيف كانت..وفي نفس اليوم ولدة مها ماتت
‎تاركه لي اكبر مسؤوليه وهو نواف..
‎""رفع عيونه لفوق هو يتامل القمر/حولت انزع اسمها من حياتي حولت اكرهه واتجهل وجودها واقنع نفسي اني قدرت اعيش بدون مها واقر اكمل واعيش بدون اميرة..
‎لاكان ماقدرت كان نزعها من حياتي صعب ما اقدر انام
‎الا قبل ما تخذني الافكار لها...
‎بذلت كل جهدي الاجل تكرهني
‎سوا بنظراتي او تجاهلي او كلامي او افعالي لها..
‎وفي كل مره كانت هي
‎الاقوه وهي اللي تهزني بنظرتها الذباحه
‎او كلامها اللي ما كان الاسهم بقلبي..
‎اعلانة استسلامي لها ورجع لعالمها
‎رغم كل الافكار الشيطانيه اللي ابعدتني عنها..
‎بلحظه اكتشفت اني ضيعت 3 سنوات من عمري..
‎بظلمي لها...
‎في وقتها انكشف السود اللي لفني في ثلاث سنوات وكان بمثابت السجن لي..
‎تنهد..وبزول السواد ..
‎انقلب الحال في فتره بسبطه وصارت هي اللي تعاقبني بفاعلي فيها..
‎اعتذرت لها اكثر من مره..
‎وتوسطة ب اهلي بس وقفو في وجهي..
‎ثلاث شهور ردت فيها دين ثلاث سنوات..لا بالله كانت عندي دهر مو ثلاث شهور ..
‎وقفت وهي ترتجف خلاص يكفي اللي قاله"وقف لا تكمل..
‎وقف سلطان قدامها وابتسم بحزن/متى يصدر عفوك!!اطوي معي صفحة الثلاث سنين ولا تفكرين في بكر خلينا نعيش اليوم انشهد انك خذيتي حقك وازود..مشتااق ايه بالله مشتاق لاميرتي اللي بجنوني حرمت نفسي منها..

‎صدت عنه ومشت وهي تعطيه ظهرها..
‎عض شفايفه بقهر وغيض..غمض عيونه حبس دمعه تحول تتمرد على رجولتيه......
‎وفــجـاءه
°
°
‎°اميرة
‎لتفت له بنظراتها
‎ولتستدير له بسرعه..لتحتضنه بدون مقدمات
‎بقوة..
‎ترجع بصدمه للخلف حتى استند على سور الجسر..
‎افق من صدمته من صوت بكاها العالي
‎س استوعب وابتسم بشوق وهو يلف يده حول خصرها النحيف..ويرفعها لمستوه..بشوق للحضن اللي افتقد فتره طويله..
‎طال الصمت الذي في طياته تترجم الكلمات..
‎سلطان/اششش يكفي بكي..من اليوم ندفن الدموع
‎اميرة بصوت باكي/اوعدني ما تكون انت في يوم سبب دموعي..حزتها والله ما اسمحك مره ثانيه
‎سلطان مسح دموعها/ يعني سامحتيني!؟
‎اميرة صدت عنه وهي تمسح دموعها
‎غمضت عيونها"اكتفيت مكابر انا ما كنت ولا صارت الا بفضل ربي وهو هذا هو اعتذر وبرر..ماكنت بيوم متصوره ان قدري بقلبه عالي الى هذا الحد..°هــي حـقـيق هــو حــظــي وانــا كانت لها الـقـــدر°
‎سحبها بقوه لحضنه
‎وبصوت مبحوح/للشوق جمر يشبّني
‎من مات وصلك والغرام !
‎وإن تبت قلّي خبّني
‎خجلان من كثر الملام
‎هاتي حبك هو اللي ارتجي

‎اميرة ابتعدت عنه بخجل
‎سلطان وهو يتنهد/يشهد الله اني في حبك مبتلي
‎اميرة ضحكت/الله يزيد بلوك اجل ههههه
-
-
‎بعد مرور عامين
‎الساعه 11:00 م
‎في قصر العم يوسف في السعوديه..
‎وتحديداً دخل الصاله الواسعه ...
‎وفوق الكوشه واقف بشموخ وهيبه ببشته الاسود..ومسك كفها بيده ويدخل الخاتم بصبعها الصغيره بنعومه..
‎رفع عيونه لها بعد ما استقر الخاتم في اصبعها..رفع كفها وباسها
‎مشعل/مبروك عليك انا
‎العنود بخجل/الله يبرك فيك
‎الهنوف بصوت عالي/كللووووووووش الف الصلاة وسلام عليك ياحبيب الله محمد

‎وقف بعبايتها وسلامته عليهم/الف مبروك.."رفعت جوالها/يالله ابتسمو لصورة
‎مشعل سحب جوالها/لااا ما احلل
‎اميرة سحبت جوالها/اقول ارتاح ولا افضحك
‎مشعل/اميرة ما ابي اكفخك قدام خلق الله وانتي قدك ام
‎اميرة تخصرت/لا والله بعد ما حققت لك اللي تبيه يا المصلحجي تر بفسخ خطوبتكم
‎مشعل بهمس/يالليل لا تقعدين تمنين علينا ياخي عشانك حققتي لي اللي ابيه لك مني اسمي بنتي باسمك ها وش رايك يا العنود
‎العنود بخجل/في ايش!؟
‎مشعل/اول بنت لنا بنسمها اميرة
‎اميرة ظربته على كتفه/ايه سلك لي والله ان انشب لك اذ ما سميتها باسمي هذاني قلت لك
‎مشعل /خهههههههههع
..
‎لمياء تنادي اميرة/اميرة تعالي
‎اميرة نزلت لها/هلا
‎لمياء بتعب/سلطان يدق عليك ماتردين!!؟يقول اطلعي
‎اميرة تشوف 3 مكلامات لم يرد عليها/يوم نسيته على الصامت...الا انتي وش فيك
‎لمياء بتعب/انهد حيلي من الرقص..
‎اميرة بحده/انتي مجنونه حامل وترقصين!؟
‎لمياء/ياختي افقد السيطره على نفسي اذ سمعة الدق لا ايرادي جسمي يهتز هههه
‎اميرة/ليت من يعلم بدر يهجدك محد يقدر فيك الا هو
‎لمياء/اقول اطلعي زوجك ولا يكثر....
‎اميرة /يالله..
‎لبست عبايتها وطلعت ..
‎صدفة عند الباب نواف اللي يركض..
‎نواف وهي يتنفس بسرعه/ماما وينك تاخرتي بابا معصب من نورة
‎اميرة مسكت يد نواف/الله يعينن على ابوك ونورة
‎طلعو لسيارة
‎وكان سلطان متكي على السيارة و يسوالف مع ذيب..
‎حطت يدها على صدرها وهي تشوف
‎بنتها نورة واقفه تبكي و عبدالعزيز ولد ذيب ماسك شعرها..
‎ركضت بسرعه وشلة بنتها وهي تحظنها..
‎لتفتت سلطان وذيب/البنت تبكي عندكم وانتم تسوالفون!؟
‎ذيب رفع ولده وهو يضحك/اولد عم ويتمزحون وش له نتدخل بينهم
‎سلطان/وهو صادق
‎اميرة /شف شف وانت تعزز لها هذا"تاشر على ذيب"ولده غول ما كان عمره سنه ونص
‎ذيب/قولي ماشاء الله على الشيخ عبدالعزيز
‎اميرة ترفع اصبها وهي تكلم عبدالعزيز/والله ان تجيني تخطب بنتي والله انه معصي ما تعرس بها وانت تكفخها..
‎سلطان وذيب/هههههههههههههههههههههههههههخ

‎ركبت السيارة وهي مبتسمه من ضحكهم..
‎ركب سلطان/وراك عصبتي على الشيخ عزوز يحب بنتك
‎اميرة اعطته نورة اللي تبكي/يحبها يكفخها!؟
‎سلطان خذه نورة وجلسها بحضنها وهو يضحك/هههههههه ومن الحب ما قتل
‎اميرة /قال قتال قال..
‎لتفت تنادي نواف اللي واقف عند المدخل القصر/نواف بسرعه تعال اركب بنمشي..
‎نواف ركض بسرعه وركب ورا/انتظرو عمتي لمياء بتركب معنا نوصلها لبيتها
‎وفعلاً طلعت لمياء وركبت معهم ورا..
‎لمياء بتعب/اه يا ظهري..
‎سلطان يحرك السيارة/وين بدر عنك ليش ما اخذك!؟
‎لمياء/يقول عنده شغل ما بيمرني الا على الساعه 2 وانا حدي تعبانه وابي انام
‎اميرة/والله من الرقص
‎سلطان/والله انك خبلة كرشتك سبقتك وترقصين
‎اميرة/بالله علم بدر عليها
‎لمياء/لاااا واللي يرحم ولديكم مو ناقصه..كل ما قال ارقصي اتعذر ب الحمل..والله لو يدري اني ارقص ان يكفخني صدق سلطان واميرة/هههههههههههههههه
‎سلطان قطع ضحكته /اششش قصرو الصوتكم
‎نواف بهمس/ليه!؟
‎سلطان ضحك بشويش وهو ياشر على نورة اللي نامت بحضنه
‎لمياء/يا حبيبتي هي نامت بسرعه
‎سلطان/ههههه مثل بعض الناس اول مالعبت بشعرها تخدرت ونامت
‎اميرة/هههههههه
‎لمياء/ههههه والي الحين بعد
‎سلطان/الي يومك هذا مبلشتني
‎اميرة قربت من سلطان وبهمس /بس عاد تراها بتنشب له وتمسكها علي انا وبنتي
‎لمياء قدمت بين المقعدين وابعدتهم عن بعض..وبفضول/في خاطري سؤال اموت وعرف اجابته ممكن ترضون فضولي!؟
‎سلطان واميرة ناظرو بعض/تفضلي !؟
‎لمياء بجديه/يوم شفت اميرة تهمس لك تذكرة شغله مهم ..
‎سلطان بستغراب من جديتها/اللي هي!؟
‎لمياء/اكثر من موقف شفتك تهمس لاميرة واذ همست لها تتغير ملامحها..مثل قبل سنتين يوم تعبت اميرة في الطيارة انت همست لها وعلى طول استرخت وهدت وموقف مامثل يوم كانت اميرة تولد وصوت صراخه واصل لاخر المستشفى
‎حولت اكثر من مره اهديها وانت جيت وبكل
‎بساطه همست لها وبهدها هدات وقل صراخها..وش تهمس لها به!؟؟؟؟
‎سلطان ارمش اكثر من مره وبتردد/اممم احم اقول لها اا
‎اميرة رفعت كفها بسرعه
‎وغطت فيه فم سلطان/اششش لا تقول لها
‎لمياء تبعد يد اميرة/ليه !!؟
‎اميرة وهي ترمش اكثر من مره وبدلع/هذا سررر بيننا
‎سلطان/هههههههه سر!!؟
‎اميرة هزت راسها بعفويه/ايه وشي خاص لذالك خلنا نحتفظ فيه لنفسنا..
‎سلطان مسك كفها وباسها بهدو/مثل ما تبين بيكون سر يا اجمل اسراري
------
‎بــوح سـلـطانـي
‎طفلتي من تربعت على عرش قلبي .. :
‎ليت بالامكان ان اضمك بين جفوني واخفيك عن الجميع ..
‎ليت بالامكان ان اراء كتيب حياتك واريح قلبي ..
‎ليت بالامكان ان تعودي طفلتي التي العبها بالامس بين احظاني ..
‎ليت بالامكان ان تعودي طفلتي البريئة التي كنت استميلها بلوح من الشوكلا ..
‎طفلتي من كانت عين لي لقد فقدت عيناي فلا تقسي علي ..

‎طفلتي عشقتك من نعومه اظافرك وسوف اعشقك حتى ابيضاض شعرك الخمري وسوف تكوني لي لوحدي..
-------
‎حـين ‏تُـخبر الله انـك رضـيت بقـدره، كن واثقـاً انه سيـرضيك بسعِـاده اكبـر ذات يَـَوم...
‎رواية بين امسي والقدر خانها الحظ وغدر..

‎الــــــــــنــــــــــــــــــــهـــــــــايــــــــــة

::::
::::
::::
::::
::::

انتهى البارت دمتم بود

تعليق

رايكم

تصويت للبارت