رواية بين آمسي والقدر خانها الحظ وغدر/ للكاتبة غلا g_rwa12@ / مكتملة❤💕 الفصل الثاني والعشرون 22 - بقلم Somemon11

‎البـــــــــــــــارت العشرون

‎الساعه 7:00
‎وقفة قدام الشباك اخذت نفس عميق وهي تتنهد براحه
‎اجواء ولا اروع ماتخيلت ان المفاجاهء بتكون بهذا الجمال
‎لنا اسبوع في سويسرا وبتحديد
‎في افضل منتجعات التزلج
‎كانت الرحله له ممتعه جداً خصوصاً انها كانت على القطار..
‎من بعد اللي صار لذيب ماشفت
‎فيها سلطان او بختصار صرت اتحاشاه بقوه..
‎عكس قبل كنت اصنع الصدف لأجل اشوفه..
‎امكن اللي اشغلني هو
‎محاولاتي الفاشله لتعلم التزلج..
-
‎صحت من تفكيرها على دق الباب
‎اميرة/تفضل
‎الهنوف تطل براسها بدون ماتدخل"وبحماس تروحين معنا!؟ انا وخالد ومشعل!؟
‎اميرة بحماس/وين!؟
‎الهنوف/بننزل للاسواق اللي تحت..فرصه حد اولادي نايمين عند لمياء وتقريباً الكل نايم
‎اميرة بدون ماترد عليها
‎توجهت للكبت واخذت بلطو ابيض طويل وشارب وردي فاتح مع قبوع صوف ابيض والحواف ورديه
‎وطلعت بتسبق الهنوف
‎الهنوف ضحكت على هبالها/هههههههه ذكرتيني ب الارنب
‎اميرة ترجع لها وتسحبها وبهمس/اشش لاترفعين صوتك فتحصى لمياء..
‎طلعو مع بعض للعربات المعلقه وكان بنتاظرهم خالد و مشعل..
‎خالد ياشر ل الهنوف بيده علامة القلب..
‎الهنوف تسوي نفسها متشوفه..حتى وصلو لهم
‎مشعل ضرب يد خالد/كان عرفنا انك تحبها..اثقل شوي يا المخفه
‎اميرة /هههههههه مشعل شكلنا خربنا عليهم الجو
‎مشعل رفع حواجبه بسخريه/الله وكيلك قفطتهم هم يتفقون يطلعون ونشبت الا اروح معهم..بس خساره طلعو اذكاء مني.. خساره طلعو اذكاء مني..
‎اميرة /ههههههههه ليه وش سووا
‎مشعل يمثل الجديه/انشبوني فيك..يقول حرام اميرة صاحيه خلوها تروح معنا..في نيتهم انشغل معك عنهم
‎اميرة تخصرة بعصبيه/الحين انا نشبه..هاا طيب طيب..هين يا مشعل اذ مقلبت اللي سويته لك فوق راسك
‎مشعل /اوه لااااالااا وشفيك امزح ههههههههه لاتكونين غبيه وتصدقين
‎اميرة /بالله طير بس خلاص زعلت
‎مشعل /اف وانا اخوك ابشري ب اللي يرضيك
‎اميرة /وقت المصلاح تجيك ال..... كمل انت
‎مشعل /اقول اركبي لكفخك وردمك في الثلج

‎خالد يطنشهم ويمد يده /هنوفتي تعالي اساعدك تركبين العربه..
‎الهنوف مدت يدها له وركبت بخجل من وجود اخوانها ..
‎هم خالد بركوب جنب الهنوف لاكن يد مشعل كانت اسرع.. مشعل مسك خالد وغمز لـ اميرة اللي فهمت عليه..
‎ـــ ـــ
‎مشعل هو يصرف خالد/الا اقول خالد
‎خالد ببلاهه/وش!؟
‎مشعل وعيونه على اميرة اللي تحركة بسرعه/ودي استشيرك في موضوع
‎خالد التفت وراه/اذ نزلنا تحت استشيرنــ..."قطع كلامه هو يشوف اميرة جلست جنب الهنوف ب العربه" اوو لاااا تمزحون
‎اميرة تتصنع البرائه/خالد معليش قدر انا متهاوش مع مشعل ف اذ ركبت معه ما اضمنه
‎صراحه اخاف على حياتي..كود يدفني من العربه..ترا عادي يسويها هرمونات الاجرام عنده مرتفعه
‎الهنوف ضحكت بقوه
‎من هبالهم/ههههههههه
‎نزلت اميرة و الهنوف في عربه
‎وخالد ومشعل في العربه الثانيه
-
‎في محل الاكسسورات اميرة تقلب فيها بملل/يوه مو جوي الخربيط هذي
‎الهنوف/هذا وتونا نقول اميرة بتصير سنعه
‎اميرة /ههههههه بحاول خلاص اختاري لي على ذوقك
‎الهنوف سحبتها وعلى قسم المكياج..
‎الهنوف /اول لازم يكون لك ادواتك الخاصه من ميك اب
‎اميرة/بس معرف لها
‎الهنوف وهي تختار لها الاشياء المناسبه/عندك خبيرة الميك اب لمياء بتعطيك دورات تخليك تفتحين مشغل كامل
‎اميرة/ههههه على الله مع الوقت اصير اهتم
‎الهنوف تشرح لها سبب اختيارها أنواع معينة واميرة تحاول تركز معها
‎دخل مشعل عليهم/ما خلصتو!؟
‎الهنوف وهي تجرب الروج على يدها/لا بعد
‎مشعل /اميرة انتي وش جايبك معها!!؟هذا مو جوك تعالي بس لقيت كوشك بيعجبك
‎اميرة بحماس/وش فيه!؟
‎مشعل /كل شي..تعالي بس
‎اميرة/قدام امش
‎الهنوف فتحت عيونها/هييي وش اللي قدام..تونا نتكلم في انك تتعدلين
‎اميرة قاطعتها/هنيف انتي اختاري اللي يناسبني..راضيه..يالله سيو
‎مشعل وهو طالع مع اميرة/الهنوف ألحقي على رجلك شفته واقف مع وحده
‎الهنوف بعصبيه تركت اللي بيدها وطلعت بسرعه
-
‎اميرة/ينصر دينكك..ههههه قسم اعتقتني
‎مشعل/ههههه شرهه عليها تبي تعلمك..هههه مسكين خالد ورطته
‎اميرة/هههه يعني تكذب!!مو واقف مع وحده
‎مشعل/ههههه ايه..وشوفي هذا الكشك
‎اميرة ابتسمت بقوه لكشك يبيع البطاطس..
‎وقفت عنده وطلبت ثنين..
‎اما مشعل ف وقف ببي غزل البنات وطلب لهم ثنين..
‎اخذو الطلب ومشوا يفرفرون في المكان وهم يطقطون على الماره..
‎جلسوا عند نافوره صغيره شبه متجمده..
‎يخلصون اكلهم
‎اميرة باستفسار/مشعل!! اممم صار شي! سويت شي
‎مشعل بدون مايلتفت لها /لا انتظر لي فرصه

‎سكتوا للحظات..
‎فجاءه وقفت اميرة وبصوت عالي/مشعل
‎مشعل فز/وش فيك!؟
‎اميرة بترجي/تكفى تعال
‎مشعل راح معها وهو مستغرب
‎دخلو محل مخصص للجوالات
‎اميرة تاشر له على الجوالات/اختار جوال لا ابيه يكون افضل جوال بنظرك
‎مشعل رفع جوال ايفون 6/حالياً ما فيه افضل من الايفون!!من تبينه له
‎اميرة بثقه/ لي انا
-
‎-مشعل عقد حواجبه باستغراب/لك!!!! و سلطان موافق!
‎اميرة/مو مهم هو يوافق المهم انا موافقه وابي اشتري لي جوال
‎مشعل ابتسم لها..واشر على خشمه/على ذا الخشم ابشري به و على حسابي انا
‎اميرة /عليه الشحم..تسلم ماتقصر بس انا ابيه من فلوسي انا..
‎مشعل/اجل ملحقاته علي انا..
‎اختارت ايفون 6 الفضي..ومشعل اشترى لها ملحقاته من حواف وشريحه وطلبهم يحفرون اسمها بخط صغير وينقش فوق الاسم بشكل التاج..
‎اطلعو من المحل واميرة راضيه عن تصرفها..
‎و هذا اول قانون اكسره يا سلطان
‎واتحرر من قوانينك
-
-
‎الساعه 11:00 ص
‎اتصل خالد على مشعل وطلب منه
‎يرجعون..لمكان العربات المعلقه
‎لأجل يطلعون..
‎فاتح عيونه بتعجب/هذا كله لك!!توك بروما مشتريه مكياج
‎الهنوف ناولته الاكياس يشيلها عنها/لا هذي لأميرة
‎خالد/هههههههه تستهبلي صح!!من متى اميرة تحط مكياج
‎الهنوف/وتجلس على الكراسي القريبه من العربات../من اليوم..الله والمكياج ترا كلها مسكره وروج وكحل
‎خالد/وكبتور
‎الهنوف/كبتور!!! تقصد الكنتور!! يافضيحتي وش عرفك به
‎خالد /هههههههه ايه هذا الكنتور اللي تغشونا فيه..عرفته من الانستقرام اكسبلور يطلع فضايحكم
‎الهنوف تتصنع العصبيه/انا اغشك!!من متى شفتني اسوي كنتور..هذا وانت اللي تموت اذا بس لبست عدسات
‎خالد يمسك مكان قلبه/اويل حااالي انتي تذبحين حتى لو ما حطيتي الا مرطب شفايف ف كيف ب العدسات و الروج
‎الهنوف صدت عنه بخجل..وبتصريف/هذا هم جو
‎خالد وقفها بسرعه واشر لمشعل واميرة
‎وهو يصوت بصوت عالي/بنركب قبلكم الحقونا
‎سحب الهنوف وركبها العربه
‎بعجله وركب بجنبها ورفع يده لمشعل بعلامة النصر
-
‎مشعل /ههههههههههههههه بيصير انهيار ثلجي من صوتك..شوي شوي على نفسك الهنوف ما بتطير
‎اميرة /هههههههههه شوي ويتكسر ما ألومه يخاف ناخذها منه مره ثانيه وما يصفى له الجو
‎مشعل تنهد برومانسيه/عقبالي يارب..بهج بها
‎اميرة تمثل الغيره/لا والله جعل ماتعرس اذا هذي سواتك يا الردي
‎مشعل نزل بسرعه وسوا كورة ثلج صغيره ورفعها يهدد فيها اميرة/استغفري
‎اميرة وعينها على يده/اول نزل الثلج و استغفر

‎مشعل نزل الثلج ونفض يده منه/يا الله استغفري
‎اميرة/ استغفر الله
‎مشعل قفا واتجه للعربه /ماتجون الا ب العين الحمرا ..يلا امشي تاخرنا
‎اميرة اول نزلت بسرعه ورمت عليه كورة ثلج صغيره/هههههههههههههه
‎مشعل انتفض من البرد/لااااا غش تطعنيني في ظهري"نزل بسرعه وسوا كورة ثلج كبيره
‎اميرة تراجعت /اوه لاااا والله لو تقرب ان افضحك هذاني قالت لك
--
‎مشعل /ههههههه ما تلاحظين انك صرتي تستقوين علي .مير شغلك عندي بس خليني اظمن الحب وظبط وضعي وبعدها اشوتكك
‎اميرة ركبت العربه/هههههه اركب اركب ينخاف منك..الحب يفرق بين الاخوان
‎ركب مشعل وسحب جوالها وفتح ع الكاميره/بستفتح جوالك بصورتي
‎تصور سلفي بطريقة استهبليه..وظبطها خلفيه لجوالها
‎اميرة /اكشخ واثق الاخ..شيلها ما ابي تنسد نفسي اذ فتحت الجوال
‎مشعل/لا على اساس اذ حطيتي خلفيتك صورة السيد سلطان بتنفتح نفسك
‎اميرة خذت نفس عميق وتنهدت..وبدون اهتمام/ما بقى الا هو..انتهت الخلفيات
‎مشعل /ههههههههههههههه لا لا صدق صدق مستقويه
-
‎وصلو لفوق للمنتجع وكان تقريبا الكل صاحي..
‎اميرة طلعت جوالها وصورت المنتجع..
‎اللي كان على شكل اكواخ من خشب.. متفرقه وفيه اربع اكواخ كبار قريبه من بعض كانت مخصص للعائله وكل عائله له كواخ خاص وجلسه واسعه في الوسط مشتركه بين الاكواخ الاربعه يمتد منها اربع ممرات لكل كوخ..توصل للجلسه الواسعه
‎وعلى الطرف الثاني تتوزع
‎اكواخ المنتجع وساحات التزلج
-
‎دخلت غرفتها وحدها ميته تعب تريد تنام لها ساعه اقل شي..
‎فتحت عيونها بصدمه وهي تشوف الغرفه مقلبه فوق تحت..
‎اميرة ضربت جبينها بحلطمه/لاااااااااا تكفين يرحم امك مو الحين بناااااااام
‎الهنوف بامر/تعاااالي في السوق سحبتي علي
‎اميرة جلست وهي تتحلطم..
‎بعد دقايق دخلت لمياء و العنود
‎لمياء فاتحه عيونها بدهشه/واووو
‎جلست بشغف وهي تقلب في المكياج
‎العنود جلست جنبها
‎اميرة نزلت حجابها وهي تشد شعرها /هلا هلا اكتملت
‎لمياء صارخه/اااااءءءءء
‎اميرة بعزع /وش فيه!؟
‎لمياء بحماس/العنود شوفي هذي الاضائه من سيفورا اللي كنت ادور عليها بروما
‎العنود /الهنوف وين حصلتيها!؟
‎الهنوف ضحكت/كانت اخر حبه ف المحل يقول بعد اسبوع بتوصل دفعه جديده
‎اميرة جالسه وهي حضنه نفسها ونفخه فمها تحس نفسها مثل الاطرش بزفه
‎لمياء مسكت يد الهنوف/تكفين عطيني ايها والله بعطيك قيمتها..وازيدك اذ تبين
‎العنود/لااا وش تعطيك انتي الا عطيني ايها انا بليز بعرضها لمتابعيني بسناب
‎الهنوف سحبت يدها/مو لي لو كانت لي ما تغالي عليكم.
‎لميا والعنود بصوت وحد/لمن!!!
‎الهنوف ابتسمت بفخر واشرت على اميرة/ل اميرة

‎لمياء فتحت فمها بصدمه/ل ل اااا م مي ر ه!!!!!
‎العنود بدهشه/مستحيل!!؟
‎اميرة عدلت جلستها وسحبت الاضاءه من يد لمياء/ايه لي اناااا..ومستحل اعطيه الاضاءه احد
‎وشلت المكياج بطريقة عشوائيه ودفشه
‎ورفعتها فوق التسريحه..
‎العنود/على اساس انتي تعرفين تسوين مكياج!؟
‎لمياء تعزز لها/اي صدق وبعدين ترا ماتحتاجين الاضاءه كثير
‎اميرة جلست على كرسي التسريحه/بتعلم وهذي مهمتكم علموني يا فشنيستا انتي وياها
‎العنود ولمياء شمرو يديهم و اتجهو لها
‎لمياء/انا بعلمك
‎العنود/لا انا بعلمها..
-
‎لمياء /نتفق انا بعلمها على الاساسيات وانتي الباقي
‎العنود غمزة لمياء/صار
‎بدو يسون لها مكياج ولمياء وقفه بينها وبين المرايه
‎العنود تظبط المسكره /المسكره روعه
‎الهنوف وهي ترتب الملابس /ايوه هذي المكسه الجديده من برجوا تكثف وتطول في نفس الوقت
‎لمياء ابتعدت عن المرايه وهي مبسوط/هاا بالله وش رايك
‎اميرة وفقت تشوف شكلها وافتحت عيونها
‎بصدمه وترمش اكثر من مره
‎العنود /واو تجننين
‎الهنوف قربت منهم وصفقت بيدها بعجاب/مره حلو غيرك بقوه
‎اميرة صارخت فيهم/لااااا لااا اءءء ليش ليش كذا تكذبون علي..ما اشوف الا زونبي
‎العنود/ههههههههههههههه حلوه زونبي على كذا اجمل زونبي

‎اميرة/سمجه.. لا صدق مره شكلي حفله
‎ابتعدت عنهم واتجهت للحمام بزعل
‎لحقتها العنود ومسكتها/وين وين!!
‎اميرة/ابعدي بغسل وجهي
‎لمياء وقفت على الباب الحمام..وبعصبيه/مستحيل اسمح لك تمسحينه كذا وبسهوله وانا لي ساعه اسويه
‎العنود رفعت جوالها/اقلها بصورك سناب عشان مايروح تعبنا على الفاضي
‎اميرة ابتعدت عنهم/خليك عند الحمام بروح لحمام الغرفه الثانيه
‎طلعت من الغرفه بسرعه وهي تتحلطم بزعل/هذا اللي ناقص تصورني سناب..
‎طخ
‎ترجعت على ورا وهي مسكن راسها بعد
‎مصدمت فــي .........
‎رفت راسها تشوف من صدمت فيه وكان
‎سـلــطـان !!!!
‎عفست فمها ورتجعت على ورا خطوه نزلت راسها..
‎ومشت بتتعده من االجهه اليسار تفجاءه فيه يتحرك للجه اليسار و يوقف في طريقها
‎تحركة للجه اليمين وذا به يتحرك معها للجه اليمين
‎ويوقف في طريقها..وتكررت نفس الحركه اكثر من مره..
‎وقفت واتاففت بنزعج ..حست فيه يقرب منها بخطوه ويمد يده له
‎وبحركه مفاجاه تغفلته وتحركة بسرعه ومن تحت يده..
‎مره من جنبه
‎وركضت متجهه للباب الخارجي
‎لاكان سراع ما مسكه من معصمها ولفها له
‎و وقفها على الجدار..
‎غمضت عيونها وهي تستجمع قوتها..بعد ما حست فيه يقرب لها..
‎سلطان بهمس/ليش تتهربين مني!!
‎اميرة فتحت عيونها بقوع ورفعت راسها له/الاني ابي يومي يكون جميل..وشوفتك تعكر لي يومي
‎سلطان فتح فمه من شكلها ب اميك اب..بدا يدور بعيونه على ملامحها بتامل
‎اميرة استغربت صمته..وماهي الا لحظات واستوعت ان سبب صمته هو شكلها..
‎انتفضت بخوف من ردت فعله غمضت عيونه
‎لثواني تحول تسيطر على خوفها
‎فتحت عيونها بعد ماحست بأصبعه الابهم تمسح على شفايفها
‎رفعت عيونها لها تحول تفسر ملامحه..لاكان ما شافت الجمود..
‎سلطان رفع اصبعه الابهم عن فمها وهو يشوف اللون انطبع على اصبعه
‎رفع حاجبه هو يشوف نظراتها تتحول من الضعف و الخوف الي القوه و الثقه..
‎اميرة بثقه مصطنعه/همم اكيف شكلي!؟حلوه صح
‎سلطان ابتسم بسخريه وقرب من اذنها وبهمس/ذباااح
-
-
‎اميرة شتت نظراتها برتبك..ورفعت يدها على صدرة تبعده عنها..
‎سلطان قرب منها وبنفس همسته الدائمه لها/...........
‎غمضت عيونها بقوه وارتبك من همسته
‎ابتعد عنها بهدو وعلى شفايفه ابتسمت راضى..
‎من طفلته اللي تحول تتجبر عليه وتبرز مخلبها المبتوره (المقطوعه)
-
‎فتحت عيونها وانفسها ترتجف رفعت عيونها له وهي تشوفه يمشي مبتعد عنها..
‎مستغربه منه "لا ما كنت تتوقع تكون ردت فعله كذا..واللي بموتها قهر ردته عليها لم سالته عن شكلها..كانت متوقعها يعصب ويسحبها لاقرب حمام ويغسل وجهها من الالون ..بس انه يمدحها هذا كان من سابع المستحيلات"
‎فيه شي خطاء قعد.يصير من اللي تغير انا او هو
‎لا انا ماتغيرت
‎الا تغيرة ما عاد.صرت اعرفه ولا افهم تصرفاته
‎جلست على الارض بضيق/الله يجلطه جلطني المتخلف
‎وقفت بسرعه ورجعت للغرفتها
‎واخذت مزيل المكياج وبدت تمسح وجها بسرعه
‎لمياء/بسم الله شوي شوي على وجهك قطعتيه..
‎العنود/ههههههه صدق اللي قال يشين السرج على....ولا ما بقول هههههههههههه
‎اميرة ما التفتت لهم
‎انتهت من مسح المكياج..وقلبت في اميك اب ..خذت لها مسكره وروج ..وبدات تحط المسكره وكثفتها..وحطت الروج..وبلاشر خفيف..
‎لتفتت عليهم وهي تلاحظ نظرات الاستغراب/هذا هو اميك اب الصح مو الحفله اللي سويتوها في وجهي
‎الهنوف ببتسمه/في كل حالتك حلوه
‎لمياء /ما تنعطين وجهه
‎العنود/اقلها كان تصورتي الاجل مايروح تعبنا على الفاضي
‎اميرة سفهتهم وفتحت الكبت وخذت نظرتها وقفزتها/مطولين!!يالله امشو نطلع ونتزلج
‎العنود لمياء نطو بحماس /يالله
‎الهنوف/روحو وانبسطو انا بشوف عيالي و ادخل انام
‎اميرة /ايه نامي بعد ما طيرتي النوم من عيوني
-
‎طلعو لساحة التزلج..والعنود دقت على البنات يلحقونهم..
‎اميرة طول الوقت تتجهل نظرات شوق الحاده له
-
‎الساعه 8:00 م
‎طلب عبد العزيز من الجميع ان يجتمعون
‎بحجات انه يبي الشباب يشوان لهم وتكون الجلسه مشتركه بينهم وبين الحريم قبل ما يرجعون لسعوديه بعد ثلاث ايام
..
‎وفعلاً اجتمع الكل في الجلسه المشتركه بين الاكواخ الاربع وكان المكان رايق ب الاضائه البنفسجيه والزراقا وغير
‎النار المتقده في حاملات له على الاطراف ب اربع اعمده
‎ويتوسط الجلسه طوله ملائيه بانواع المكولات الخفيفه..
‎وفي الجهه الثانيه كان عزام و بندر و مشعل وقفين على الشوي
-
‎كان اللي الاعمام يذكرون مواقفهم ايام الشباب ومواقفهم مع بعض وماسلمو من تعليقات الشباب اسخره وطقطقتهم..
‎وضحكهم ..
‎وتعليقات البنات الهمسه في مابينهم..
‎عبدالعزيز كان مركز نظراته على اميرة..قبض كفه بقوه وبتردد كبير من بوحه بسر اللي اثقل كهله..
‎غمض عيونه وبصوت جهوري/بعد اذنكم جميع انا جمعتكم اليوم لاجل موضوع مهم
‎ابو بدر/اسلم يا ابو عزام هات علمك
‎جميع الموجودين التزمو الصمت وركزو مع عبدالعزيز
‎اميرة بلعت ريقها بقوه وهي تحرك راسها بلا..
‎خايفه يكون موضوعه هو سالفتها مع سلطان.."لا تكفى يابوي طلبتك لا تقول ..لا لا "
‎عبدالعزيز حول مايرفع عيونه ل سلطان او اميرة /قبل 11 سنه كان لي اخو دنياء وكان كان من اقرب اصدقائي واعزهم وغلاته مثل غلاتكم يا اخواني وبيوم صار عليه حادث هو وزوجته قدر الله وماتو ما بقى خلفهم الا طفله وهذي الطفله كلكم تعرفونها هي بنتي اميرة
‎"الجميع رفع عيونه ل اميرة ..الكل يعرف ان اميرة ابوها كان صديق عبدالعزيز و انها تراضعت مع لمياء ومن ماتو اهلها عاشت عند عبدالعزيز وصار الوصي عليها"
‎يوسف بتوجس وهو يحث عبدالعزيز على الكلام الانه لحظ تردده/ونعم فيها ياخوك وكلنا عرفين ان اميرة بنتك 
‎عبدالعزيز تنهد/اللي ماتعرفونه فواز وهو يحتضر واصني على بنته طلبني ما تدخل دار لايتام..بس ما كنت املك اصلاحيه اني اكون وصي عليها وخاص............ و و وخاصه
‎ان بنته ما تمد لنا ب اي صله..وسالفته كونها اخت لمياء من الرضاع كانت مجرد كذبه نخفي خلفها سر ...
‎لمياء فتحت عيونها على وسعها بصدمه
‎بينما الباقيه وجهو نظراتهم الحارقة ل اميرة
‎ابو خالد بحده/وش تقول يا عبدالعزيز اذ كانت البنت ما تقرب لك كيف تسمح انها تعيش معكم وبين عيالك..ولا لك اي حق شرعي ب الوصيه عليها!!
‎تعالة اصوات الموجودين ب الاستنكار
‎واميرة في هذي للاحظه تمنت الارض تنشق
‎وتبلعها كرهت وجودها بينهم ک مسمى الغربيه
‎والدخيله..وكان المكان من حولها يضيق..تحيى وهي تنتظر الموت
‎نزلت راسها بقوه لتجد وجها بين الدموع غريق.
‎سلطان رفع عيونه لها والموقف اكبر منها ومنه..وقف واتجه لها
‎رفع راسها له ومسح دموعها تحت نظرات الجميع
‎وقفها معه ولف يده حول كتوفها..
‎سلطان بجمود وثقه/ابوي ما يملك الواصيه عليه او نقول ما كان له حق الواصيه عليها الا بعد ما تزوجتها "اعتلات اصوات الشهقات والصدمه على وجوه الجميع"اميرة ترجعت ورا وخبت راسها خلف ظهر سلطان اطلب الحمايه او شي من الامان..
‎سلطان يكمل/ايه تزوجتها من كان عمرها 9 سنوات وقبل وفات ابوها زوجني ايها على سنة الله ورسوله..وقتها كان من ضروري اخفي على الكل زواجي منها و غير كذا تعيش حياة طبيعيه بين ام واب واخوان وخوات..ولصغر سنها..ضروفي الدراسيه وعاشت معززه مكرمه..بين خوانها واهلها

‎سكت للحظات وسحبها من وراه و وققها امام الجميع/ وبتعيش معززه مكرمه مع زوجها وافتخر انها زوجتي وقدام الكل و قدام العالم كله بقولها اميرة زوجتي وبتكون ام لأخوان نواف
-
---
--
‎اميرة راسها لها بصدمه بخوف "هذا وش يقول لا ما كان هذا اتفاقنا هو قال بخيرنك اما تبقين زوجتي او تتطلقين ليش ليش اتخذ هو القرار.."
‎يوسف ربت على كتف عبدالعزيز/ارفع راسك يا عبدالعزيز لو كان صار معي او مع وحداً ثاني ما كان افضل واكفى منك ومن سلطان كفو والله..واميرة كانت ما زلات بنتنا ومنا وفينا..ولا وش رايكم يا جمعة الخير!؟
‎ابو خالد/انشهد
‎ابوالوليد/كفو يا خوك و سلطان يعرف رايي ب الموضوع من قبل 3 سنوات
‎سيطر على المجلس الهمسات
‎صدمه للجميع
‎البعض مستنكر و البعض لم يهتم
‎وقلب العشقين تمزقة
‎احدهم اصاب ب الخيبه لكون محبوبته التي اخفى حبه لها في قلبه لم تكون ولان تكون يوماً له {باسم)
‎وحدهم اشتغل قلبه حقد وكره وغيره بكشف هذا السر الذي كان على علم مسبق به وحول جاهداً تجهله واقناع نفسه انها له هو فهو من يستحق ان يمتلك فتاة بجملها ورقتها {وليد}

-
‎جلسها وهي تهز ركبتها بقوه من القهر و الغيض وش اللي قاعد يصير!!!
‎كيف كيفف ما تكون اختي!!!
‎كييييف..و وذيب و مشعل وعزام وش بيكون موقفهم!!
‎رفعت راسها لذيب وهي متاكده انها بيكون مقهور
‎او بيقل المكان عليهم..
‎فتحت عيونها بصدمه وهي تشوفه منزل راسه على الجوال و واضح انه في عالم اخر
‎لتفتت ل نوف اللي جالسه جنبها وكانت هي الثانيه مو مهتمه ومندمجه مع جوالها وفعلاً مثل ما توقعة تراسل ذيب واللي قدرت تميزه من المحادقه هو رمز القلب{}
‎رفعت راسها بقهر..تحس نفسها مخنوقه لو تكلمة بتبكي..
-
‎اميرة ابتعدت عن سلطان بهدو
‎وطلعت بسرعه لغرفتها...دخلت بسرعه
‎واتجهت ل الكبت اخذت شنطتها الصغيره وفتحتها بسرعه طلعت البخاخ
‎وبخت في فمها اكثر من ثلاث مرات
‎شهقت بقوه وهي تسترجع انفسها جلست على الارض وظهرها متكيه فيه على الكبت
‎وهي تتنفس بهدو
‎تسح جسمها يشتعل نار على ان الجو بارد
‎الموقف كان اكبر منها
‎لا هي ما تعودة تكون محط الانظار ومحور الحديث..
‎تتخبى في الظلام وتكره تكون هي الملفتته الانظار
‎بس اليوم كان غير كانت هي محور الحديث
‎ومحط الامظار
‎مقدرت ترفع عيونها لهم تخف من نظراتهم
‎تخاف تشوف
‎اكرهه الحقد الاستحقار الشفقه الرحمه
‎حركة راسها بخوف..
‎حست بخطوات احد يقترب منها
‎من يكون لمياء!!او الهنوف او امي ايه محتاجتهم محتاحه حضن يلمني.. 
‎فعلاً ما هي الا لحظات وكانت في حضن يلمها
‎ويحتويها وعن الكل يخبيها
-
‎ذيب استغل فرصة وجود الجميع
‎و ک محوله لتغير الجو اللي طغى على المكان..
‎ذيب بصوت جهوري/يابوي طلبتك ولا هنون الربع
‎عبدالعزيز/امر يا الذيب
‎ذيب ببتسمه واسعه/نوف مشترطه علي مايتم زواجي منها الا بعد ما نمسك راشد وينسفك دمه
‎ابي زواجي يكون من نوف قبل نرجع لسعوديه واذ رجعنا بسوي لها زواج لا راح ولا جاء
‎عبدالعزيز/اثقل ياولد كلها ثلاثه ايام ونرجع لسعوديه..و الشور ل نوف
‎نوف فتحه عيونها بصدمه من تهور ذيب وستعجاله..
‎ذيب/ساعدوني يا الجمعه في ابوي وبعدين انا ونوف متفقين نتزوح في سويسرا ومنها نروح نخذ شهر عسل واذ رجعنا نسوي زواج
‎يوسف/معليك من ابوك يا الذيب مدام انكم متفقين ب سوو اللي يريحكم وبعد بكره نسوي لكم حفله عايليه وخذ مرتك وتوكل
‎ذيب نط بسرعه وحب راس عمه يوسف/ينصر دينك هذا الكلام
‎لف ذيب ل ابوه وحب راسه
‎عبدالعزيز ضحك على هبال ذيب..
‎واول ما ابتعد ذيب ورجع مكانه
‎وقف بدر بسرعه ونط حب راس عبدالعزيز وعمه يوسف
‎يوسف /هههههههههه وش علمك انت الثاني!؟
‎بدر/طلبتكم خلو الفرح تصير فرحتين ومنها املك على لمياء
‎لمياء فتحت عيونها بقوه وصدمه "لا مستحيل وش يقول المطفوق ذا!!!جد مو ناقصه بلوي "
‎عبدالرحمن (ابو بدر)/ههههههههههههههه لا تكسرون خاطر ولدي
‎عبدالعزيز رفع عيونه للمياء/ها يا بوك وش رايك الشور لك
‎لمياء انعقد لسنها ونزلت راسها بقوه ورجفه"لا اكيدد لاات مستحل بعد ماتجهزت لاااااا تكفى يابوي"
‎بدر/هذا انت شفت ياعمي السكوت علامة الرضى موافق..اجل الله يقويك يا عم يوسف ويا كبير العايله انت تزوج ذيب وتملكني على لمياء
‎يوسف/هههههههههه صار
‎بندر/واناااا ابي اتزوج
‎عبدالرحمن/اقول خلاص دراستك وافلح وبعدها نفكر في وحده بيعه عمرها نزوجها لك
‎بندر بزعل/ياااابه كذا تفرقون بين عيالكم ويصير بينا حساسيه
‎خالد بضحك/ولا يهمك اذ جاك حساسيه بشتري لك الايكا(كريم للحساسيه)هههههههههههههههههه
‎الكل ضحك على بندر/ههههههههههههه
‎ذيب /تم قصف الجبها
‎بدر/قووووويه
‎مشعل كان في عالم ثاني مسك نفسه ب القوه لا يتهور ويطلب من عمه يوسف انه يزوجه العنود "صبرك يا مشعل صبرك
-

‎حضن يلمني.. 
‎فعلاً ما هي الا لحظات وكانت في حضن يلمها
‎ويحتويها وعن الكل يخبيها
..
‎اميرة ماكانت تقدر تتحرك او تبعد راسها عن اللي محتضنها الان حيلها مهدود
‎كل اللي قدرت تسويه تستنشق ريحة عطره ..
‎اميرة بهمس/سلطان!!
‎سلطان وهو حضنها/عيونه
‎اميرة فتحت عيونها علة وسعها ورفعت راسها له
‎اميرة بضيق/ليش سويت كذا!!ليش تكذب!؟
‎سلطان /اكذب!!!ما كذبت
‎اميرة تحول تبعد عنه /الا كذبت ليش!!ليش انت قلت انك بتترك الخيار لي..ليش تقول انـ نـ "عضت شفايفها بقهر"
‎سلطان فهم عليها..ومسك وجها بكفوفه وبحنيه/قصدك لم قلت تكونين ام لـ عيالي!! ما كذبت "وبحنيه اكبر"انتي لــى من انولدتي وانتي لي..امكن ماكــنت الاول
‎بس بظل الاخير ومستحيل تكونين لاحد غيري..
‎نصيبك معي انا وعشتي وبتعيشين معي..
‎على ايدي ربيتك وقدام عيني كبرتي..طفولتك ومراهقتك وشابابك..ناويه تحرميني فترة نضوجك وعجزك!! مستحيل اسمح لك
‎اميرة رفعت عيونها لعيونه "ما استوعبت قصده بـ انها (امكن ما كنت الاول)اعتقدت بانه يقصد ان بدايت حياتها ما كانت معه"'
‎اميرة بخوف/بس ا انــت تـ تـ تكرهني
‎سلطان ضمها له بقوه/يا جنونك وغباك من يكرهه امـيـرته !!

‎اميرة بصوت باكي/انت تصرفتك ونظراتك كانت تخوفني
‎سلطان تنهد وباس راسها/كنت زعلان من شغله بس طاح الحطب
‎اميرة رفعت راسها له مره ثانيه وبفرح مثل الطفله اللي كانت تخاف عقاب ابوها وسامحها /صـدق!!
‎سلطان مسك وجها وقربها منه يتامل ملامحها بهدو وصمت
‎اميرة عقدت حواجبها من نظراته لها
‎سلطان بهمس/اشتقت لفضاء عينك..
‎وباس عيونها بهدو ونزل على شفايفها...
‎واخذها معه لعالمه ..
‎حلق الاثنان في عالم من الانسجام والرومانسية عالم يسودة المودة والرحمة ...عالم لهم هما فقط
-
‎ساعه 3:30 ص
‎طلع من الحمام ولبس ملابسه بجمود قرب منها وهو يشوفها غرقانه بنوم..
‎اخذ بلطو طويل وانسحب بهدو من الغرفه..
‎طلع للخارج وكان المكان هادي جداً
‎ابتعد عن الاكواخ قدر الامكان حتى وصل لساحات التزلج الخاليه تماماً من الكل في الجميع يغترق بنوم...
‎جثى على الارض
‎وهو يرجف لا لا .."وش اللي صار وش اللي قاعد يصير..رفع راسه لفوق مخنوق مقهور..وش سويت وش سوووويت كنت ظالم طفلتك!!!بنتك تربيتك كنت يا حقير تشك فيها وهي طاهره وهي من البداية كانت لك وكنت الاول بحياتها!!!
‎بس
‎بس لا انـ انا ما كنت ادري الصور اللي شفتها و ماضي ابوها وامها البيئة اللي عاشت فيها طفولتها..بس مالك عذر مالــك عذررر "رفع راسه لفوق يمنع دموعه من اسقوط الالم اكبر منه..او قد تكون هي السعاده بـ طفلتها البرئيه من كل نقص وعيب..
‎نزل البلطو ورمى نفسه على الثلج
‎لعل شي من القهر والغيض من نفسه ينطفى..
‎للحظات حتى ..جلس وهو يضحكك/ هههههههههههههه هي من البداية كانت لي ااناا
‎سجد على الثلج سجود شكر لله ..
‎تنهد بقو وبراحه وبنفس الوقت ندم حيل..
‎رجع للمنتجع واخذ له لوح تزلج وبدا يتزلج من المنحدر بكل خفه ومهاره بقفزات احترافيه مع كل مرتفع او منحدر
-

‎الساعه 6:00 ص
‎صحت من النوم
‎بكسل ضلت لثواني تناظر السقف بنعاس
‎فجاءه فزت بقوه وهي تشهق..وتتذكر اللي صار البارح ..
‎غطت وجها بقوه وهي ترجف
‎بخوف ورهبه وخجل..شدت المفرش عليها بقوه وهي تسمع صوت الباب ينفتح بهدو ويتسكر
‎ما كانت تملك الجراه ترفع راسها ابد..

‎جلس على طرف السرير هو يشوفها متكوره على نفسها ودفنه وجها بين كفوفها والمفرش ملموم عليهت ورجفتها واضحه هذا غير اذنها المحمره بقوه
‎ابتسم لها بحب/اميرتي ارفعي راسك
‎اميرة تكورة على نفسها اكثر وصدا كلمته يتردد في ذهنها
‎امــيــرتي
‎امــيــرتي
‎امــيــرتي

‎تقدم منها ورفع راسها لها
‎ابتسم اكثر هو يشوف وجها احمر من الخجل و الاحراج
‎وفي محاوله انه يخفف احراجها/يالله قومي تروشي وبدلي بنتظرك برا لاجل ننزل نفطر تحت وبعدها عندي لك مفاجاءه
‎اميرة هزت راسها بـ ok
‎باس راسها وطلع
‎وقفت بسرعه وقلبها بخقق ومشاعر غريبه سيطرة على عقلها مابين الخوف والخجل و الاشتياق لشخصية سلطان الحنونه..
‎دخلت وتروشت على السريع طلعت وقلبت بين ملابسها بهتمام وحرص على اختيار الافضل
‎اختارة بلوفر رصاصي من اتش اند ام وكيب طويل من زار ب اللون البني مع بنطلون اسود
‎وقفت قدام المراية برضى تام عن شكلها..
‎لفت الحجاب على راسها وقبل تطلع توجهت لتسريحه بتردد
‎وهي تشوف اميك اب ..خذت لها روج وحطته بسرعه واخذت مسكره وكثفتها على رموشها ..
‎واخذت جوالها بتردد كبير وبخوف انها توجهاا فيه ..دسته في جيبها وطلعت
-
‎الساعه 7:30ص
‎نزلو ب العربات المعلق لتحت واتجهو للمطاعم..
‎وتحديداً مطعم ياباني
‎سلطان طول الوقت يسوالف واميرة متحفظه على الوضع شوي..تحس انها بحلم من تغير المفاجاء اللي طرا
‎تحس الفتره اللي تغير فيها سلطان محى بها كل حسناته وقربه منها والى الان تحس بحواجز وجدران بينها وبينه وحواجر من طرفها هي امكن اهو غير وسهل عنده يبني حواجز كبيره و وسهل جداً يهدمها بكل بساطه..
‎سلطان صحها من تفكيرها/ليش ما تكلين !!ما اعجبك الاكل!!
‎اميرة انتبهت عليه وبفهوه/هاا
‎سلطان ضحك بخفه/متى بتبطلين فهوتك!!
‎اميرة نفخت خدودها وهي تهز كتوفها بمدري
‎سلطان تكى على الطوله وهو يناظرها بتامل
‎اميرة ارمشت اكثر من مره برتبك..رفعت يدها
‎وغطت عيونه /لا تناظرني كذا
‎سلطان سحب يدها من على عيونه وبس كفها/كيفي زوجتي و نظرك متى ما ابي..بعدين الروج لونه عجيب حبيته
‎اميرة سحبت يدها منه ودستها بحضنها بزعل
‎سلطان ضحك/هههههههههههههههه خلاص خلاص اسفين سمو الاميرة
‎اميرة ماردت عليه ونزلت راسها وهي تاكل بسرعه من الارتباك و الانها حست فيه انه مزال يناظرها
‎سلطان ابتسم بقوه وبعد نظراته عنها وكمل اكله..
-
‎الساعه 9:00
‎طلع من الحمام
‎وهو ينشف وجهه ..رمى المنشفه على السرير
‎وجلس هو يخذ جواله و ك العاديه يشيك على الواتس اب
‎وخاصه قروب اصدقائه
‎بحكم اختلف التوقيت ف مايلحق على سوالفهم..
‎عقد حواجبه بستغراب هو يشوف عدد الرسايل من القروب فوق 1500 ب العاده ما تتعدا رسايلهم 400 او اقل ""وش عنهم!! اكيد كل هذي الرسايل على هوشه بينهم او موضوع خطير ..وراهم علم السلق ""
‎فتح القروب وبدا يقراء المسجات
‎وكل مله يزيد جنونه الكلام كله كان عن......
‎الـعـنود واخر شي نزلته بـ سناب
‎(محدثات القروب)
‎*عيال فاتكم ضحكتها يويل حالي
‎*خلك من الضحكه سمعت صوت البنات اللي عندها
‎*كلها هذا كوم ولبسها كوم ثاني الله يجعلني اسود
‎*البنت هذي جننتنها ولابسه اسود.على بيض بشرتها اه
‎*ولا سيقانها
‎*عيال ما لحظتو شي!!المكان اللي تصور العنود فيه سنابتها نفس المكان اللي مشعلوه فيه
‎*لحظه لحظه برجع اشوف سنابات مشعل وسنابتها
‎*ياعيال والله نفس المكان
‎*مشعل حضك يا شيخ تكفى روح لها وتصور معها
‎*وش يتصور معها لا الا يخذ رقمها
‎*وش رقمها وش يتصور معها الا يخطفها ههههه
‎*ياولد انا قايل لكم فيه تشابه ب الالقاب عايلة مشعل و عايلتها
‎*ااااااااااااااااااااااااااااااااااااااااا
‎*اااااااااااااااااااااااااااااااااااااااا

::::
::::
::::
::::
::::

انتهى البارت

دمتم بخير

تعليق

رايكم

تصويت للبارت