رواية بين امسي والقدر خانها الحظ وغدر الفصل الثامن 8 - بقلم Sh

حكيها ياخذ حزني ويبدله بـِ فرح, الله يا حُلو حكيها .

تكت براسها على الطاوله بعجز
وهمست/س ل ط
......

..
..
... بعجز
فتح سلطان عينه على صوت
ذيب يناديه من مكانه
سلطان بدون مايلتفت ل اميرة/هــــلا!!
ذيب/كيف اميرة!!لا تكون اختنقت من الضغط الجوي
سلطان /هـا لا مــــــ......
فتح فمه بصدمه وتجمد وهو يشوف راسها على الطاوله
..ودم مغطي انفها وفمها ونزل على الطاوله...
وقف بسرعه وانحنى عليها رفع راسها
واسندها على المقعد كانت شبه فاتحه عيونها..
وبصراخ/امـيــــــــــــرة...

امـيـرة
تسمع احد يناديها صورة ضبابيه..
لحظه مرت وهي تسمع احد يناديها وصوت بكى..."ليش يبكون!!معقوله انا متت!!اكيد انا ما تنفس
وهم يبكون ..عظامها تنظغط بقوه..
...../اميرة تسمعيني!!!!
من هذا!! اسمعكم بس مقدر اتكلم
...../اميرة كحي
هذ ذيب!!هو دائم اذ اختنقت يقول كحي
ذيب ماقدر افتح عيوني..
ظلام انا اخاف من الظلام مـاما نـورة لا تخليني..
لاااااا
ليش اختفى الصوت ماعاد اقدر احس او اسمع..
سـ..سـ سـلـطـانـ...ـي لا تخليني
اءه احس جسمي وعظامي تنضغط اكثر..
في احد يهمس باذني
فتحت عيوني بس ماقدر اشوف..في شخص
مسك يدي ويتكلم..احاول اركز في حركة شفايفه..
يتكلم ابي اصارخ ابي اسمع صوت..انا وش صار لي!!
قدرة اسمع اخر همسه من كلمات هذا الشخص
....../بتــكونـيـن بــخيــر
بعدها حست جسمها يرتخي وتغوص في
الظلام

سلطــان
ما كانت تقدر تتنفس صرخة اناديها بس ماكانت تتحرك..
ابعدني ابوي عنها وذيب

ذيب عدل سدحتها وارخى المقعد و اخذ البخاخ رفع دقنها عشان يفتح مجرى الهواء
بخ ثلاث بخات
لكن مارجع تنفسها
تجمعو مشعل و نوف اللي تبكي بصوت عالي مصدومه من حالة اميرة اللي وجههز احمر وطايحه بدون حركه سلطان يناديها/اميرة تسمعيني!!!
ذيب يطقها على خدها/اميرة كحي..
اعلن كابتن الطيارة عن وصولهم..
و اول ما استقرت الطايرة وانفتح الباب
ابعد سلطان ابوه و ذيب شالها بين يديه
ونزل فيها بسرعه..
مشعل رفع جواله واتصل على عزام وطلبه ينتظرهم
ب الاسعاف...
ذيب ولمياء لحقو سلطان وهم معصبين..
عليه لان ما كان من المفروض يحركها...
اول ماستقرو على الارض وقف ذيب سلطان واخذ
اميرة منه. نزلها على الارض..
ولمياء بدات تسوي لها الاسعاف الاولي
وذيب يساعدها...
لمياء تظغط على صدرها 30 ظغطه وبعدها مسكت
ذقنها ورفعته واجرة لها التنفس الاصطناعي..3 نفخات بسيطه.
.وحطت اصبع يدها على رقبتها..
ابتسمت بإرتياح/اوه الحمد الله رجع لها التنفس ودقات قلبها بدات تستقر
ذيب رفع راسه لفوق وهو يتنهد براحه
سلطان جلس على ركبته جنبها رفعها لحضنة وضمها بقوه ابعدها عنه
وشافها تفتح عيونها على خفيف..
سلطان بهمس/كنتي بتموتين!!يا طفلتي..
قرب راسه منها وهمس لها/بتــكونـيـن بــخيــر
رفع راسها وشافها تغمض عيونها وارتخى جسمها ..
ذيب/بتصير بخير..ما دامها ماتشنجت..
نزلو الركاب..
وجاء الفريق الطبي وعزام معهم اخذوها على الاسعاف للمستشفى عشان يتطمنون عليها اكثر..
بعد ما انتهو من الإجراءات
اتجه الكل للمستشفى..
ودكتور طمنهم انها بخير وان نزيف انفها كان بسبب
الظغط الجوء ونخفض الاكسجين..
وبخلونها تتنوم في المستشفى اليوم وبكره تقدر تطلع اذ صحت...

.
سلطان ...
بعد ما تطمن عليها طلع بسرعه...
ركب سيارته واسند راسه على الدركسون..
غمض عيونه بهدوء ونزلة دمعه يتيمه سريع من عينه اليمين رفع كفه
مستغرب من نفسه مسحها قبل تكمل طريقها..
للحظه مر عليه شكل مها وهي في اخر لحظات
حياتها ..لثواني تخيل اميره تموت بين يدينه..
مهما كان مايتمنى حتى عدوه يموت قدامه..
رفع يده ومسح فيها على شعره وشده بقوه..
حس نفسه عايش في تناقض كبير وصراع
مع قلبه وعقله
مرات يرحمها ويشفق عليها ومرات
يكرها ويكره يسمع اسمها وشوفتها
تثير اشمئزازه وحقد على القدر اللي
حذفها بطريقة
يتمنى يرجع فيه الزمن ولا يحط
يده بيد فواز النجس الحقيير..
شغل السيارة وحركة للشركه يكمل
شغله اللي تركه له فتره..
رفع جواله اللي يدق وكان
عمه يوسف يتصل..
رد /الوو
العم يوسف/سلام عليكم
سلطان/وعليكم السلام
يوسف /الحمدالله على سلامتكم..
سلطان/الله يسلمك ياطويل العمر بشرني عنك
يوسف/حالي يسرك..يابوك وين اهلك!!تاخرو
سلطان/والله ياعمي اختي تعبت شوي و نقلوها المستشفى يتطمنون عليها
يوسف بقلق/عسى ماشر.وش فيها لمياء يابوك!!
سلطان/الشر ما يجيك لا مو لمياء يوسف يقاطعه/بنت فواز!!!
سلطان/ايه هي..بس صارت بخير بتطلع بكره
يوسف /الله يشفيها..كلم ابوك من المستشفى الى بيتي على طول..
سلطان/والله ياعمي انت كلمه ما ظنتي بيسمع لي..ويوافق
يوسف/غصب عنه يوافق الكل ضروري يسكن عندي القصر واسع يتسع لهم ..
سلطان/ماتقصر مير انت كلمه وشوف
يوسف /يصير خير..يالله ودعتك الله
سلطان/ف امان الله ....
...
اليوم الثاني..
في قصر ال يوسف..
وفي جناح الضيافه..
مشعل جالس والدنيا صاكه فيه..
مشعل بزعل/يا ابوي ابي افهم ليش وافقت له!!انا من اول كارهه السفره مع العائلة و الحين تبي نسكن معهم طول فترة السفر!!
عبدالعزيز/انت تعرف عمك يوسف اذ حط في راسه شي بيصير..وبعدين كلها كم اسبوع ..تحملها واركد خلك رجال ..وبيض الوجه "وبتهديد"والله يامشعل ان بينت ضيقتك منهم ماتلقى خير وان احرمك السفر مع ربعك هذاني قلت..

مشعل صد بضيق/يصير خير ..بس ترا والله مانتظم معك ف الروحات و الجيات الا بمزاجي..ولا بعد فوق هذا باقي اعمامي بيجون ويسكنون هنا هلا والله اجتمعت العشيره
نورة /خذ راحتك بس لا تضايق نفسك..وجامل وتجمل مع اعمامك و وعيالهم..
ذيب/اميرة بتطلع العصر باذن الله..وعزام بيجيبها هو
طلع عبدالعزيز ودخل غرفته..
لحقته نورة بقلق..
جلست جنبه/عسى ماشر ياالغالي علام خاطرك متكدر!؟لك فتره..
عبدالعزيز انسدح وغمض عيونه/موضوع اميرة شاغل بالي
نورة وقفة بعصبيه/الموضوع هذا بذات لا تفكر فيه لاني مسحيل اسمح لك او لهم هذي بنتي من قرب منها قطعته بضروسي تسمع

عبدالعزيز بعصبيه/بس هي لازم تعرف وانا بقول لها وهي تقرر

نورة جلست وهي تبكي/لااا تكفى ياعبدالعزيز لا تقول لها لا لا تقول لها والله العظيم اموت
حتى نرجع لـ السعوديه
...
عبدالعزيز هدا/انا بسكت عن الموضوع حتى نرجع ل السعوديه و وقتها ضروري تعرف...
نورة تبكي اكثر/لا مو ضروري.
عبدالعزيز يحضنها/خلاص يابنت الحلال بنسكت عنها
نورة رفعة راسها/صدق!!
عبدالعزيز بكذب/ايه صدق..
ابتسمة نورة برتياح ...
...
في المستشفى صحت
اميرة من ساعتين وهي متحسنه صحتها..
وجالسه تسوالف مع هاجر(زوجة عزام)
اميرة بعدم تصديق/ما اصدق انتي لو قلتي ذيب او سلطان ممكن لاكان عزام!!
هاجر/هههههه انتي مغشوشه ب عزام
اميرة/هههه مدري بس ما اتخيل شكل عزام وهو معصب متعوده عليه ينكت ويضحك طول الخط
هاجر/هو كذا طبعه بس اذ صحى من النوم او رجع من الدوام رعب شامل
دخل عزام عليها بصوته المرح/سلامو عليكم ياقدعان عملين ايه
اميرة وهاجر/ههههههههه
عزام سحب له كرسي وجلس عليه بالمقلوب (ظهر الكرسي على صدر عزام)
عزام بستغراب/ليش الضحك!!والله انكم كنتو تسبون فيني
اميرة بضحك/وش عرفك
عزام يطق صدره/حستي السابعه قالتي لي
هاجر توقف تصب له عصير/ها بدينا ب الغرور..هذا سلمك الله اميرة تقول انها متتخيل شكلك معصب
عزام عقد حواجبة ويمثل العصبيه..وبصراخ على اميرة/خييير يا الاميرة شايفتني مو رجال هااا مو مالي عيونك!!
اميرة تجمدة من صراخه وفتحت عيونها بخوف
هاجر انفجرة ضحك/هههههههههههههه خرشة البنت يا مهبول
عزام رجع على وراء وضحك بقوه على شكلها..اختل توازنه على الكرسي فطاح على ظهره والكرسي فوقه
اميرة استوعبة انه يمثل..من شافت ضحكته..
وانفجرة ضحك بصوت عالي على شكله
اميرة و هاجر/هههههههههههههههههههههههههههههههههههههههههههه...

..
عزام وقف وهو ينفض بنطلونه/ايه ضحكي انتي وياها....المهم ياجميله تجهزي عشان تخرجين..
اميرة تنزل من السرير /انا جاهزه يلا نطلع صرت بخير
ابتسم لها / ربي يحميك ويشفيك يارب..يلا انتظركم في السيارة.. في السيارة..
اميرة وهي فاتحه الشباك وتتنفس هواء لندن/اه يالندن ياجمال اجواءها
عزام بروقان فتح المسجل على اغنية اه يالندن(
ما وحشته ما طرى اسمي في باله ولا بالغربه بعيد صار عني اه يا لندن...)ورفع الصوت على اعلى شي
اميرة حطت يدها على اذونها/قصررر يا مجنون
عزام يقصر الصوت/لندن ترحب بك مدمزيل اميرة
اميرة تستعبط/وانا ارحب بها ..وبجديه..وين بنسكن !!هذا مو الشارع اللي يسكن فيه سلطان
هاجر/لا بنسكن في بيت العم يوسف
اميرة بزعل/لااااا ما نبي ياخي ما بناخذ راحتنا
عزام/وش سالفتك انتي و مشعل كل واحد يتحلطم..اهجدو لا تفضحونا كلها كم اسبوع بس

وصلو للقصر اللي كان بتصميم فرنسي عريق ..حديقة واسعه يتوسطها البيت ممر من الاشجار اللي تاخذ اشكال مختلفه من المجسمات..
نزلو وكان في استقبالهم
ام باسل (زوجة يوسف)
رحبت فيهم بكل لباقه..
ام باسل/يسعدك ربي والله وكبرتي يا اميرة..والحمدالله على سلامتك
اميرة بخجل/ربي يسلمك..
ام باسل/اكيد انك تعبانه ياقلبي تعالي باخذك لجناحكم ترتاحين فيه
اميرة /تسلمين
وصلتهم ام باسل للجناح الخاص فيهم اميرة
بعد ما استاذنت ام باسل ..
فتح عزام الباب ودخل ومعه هاجر/سلام عليكم
الكل /وعليكم السلام
دخلت اميرة بعدهم
وشافت الكل جالس يتقهوى
ونواف جالس على الارض يلعب
اميرة بدون ماتناظر سلطان/السلام عليكم
مشعل وقف بسرعه وراح لها وبمزح ثقيل/ارحبي "مسكها مع رقبتها وصار راسها تحت ذراعه وهو يشد شعرها من فوق الحجاب/ياكلبه خوفتينا عليك..
اميرة تحاول تحرر نفسها/فك يا متخلف انا تعبانه..
فكها وظربها على ظهرها/خوفتينا وهذا عقابك
اميرة تتالم من مزحه/اءه ..وجع ذيب فكني شره نخيتك(نخيتك=طلبتك)
ذيب يوقف/ابشري بعزك ..ويهجم على مشعل ويسدحه على الارض بحركه سريعه /يالله تعالي اكفخيه
اميرة بخبث تشمر عن ذراعها/والله وطحت محد سمى عليك
مشعل يحاول بيعد
ولمياء ونواف متحمسين،،
وعزام فتح الكاميرا ويصورهم
نورة /يويلي استخفو عيالي ..عبدالعزيز قوم هجدهم بيفضحونا..
عبدالعزيز يضحك وبصوت عالي/كفو وانا ابوك اكفخيه
نورة تضرب صدرها/الشايب استخف
اميرة مسكت شعر مشعل/من بيفكك مني هاا
مشعل يهدد/فكيني اميروه والله مايحصل....اخ
قاطعته اميرة وهي تشد شعره اكثر/لا تهدد مصيرك بين يدي
مشعل /ذيب فك لا تخرب بيننا بنت و انا اخوك
ذيب شد من مسكته/ههههههه والله ما افكك حتى تسامحك

..
مشعل /ذيب فك لا تخرب بيننا بنت و انا اخوك
ذيب شد من مسكته/ههههههه والله ما افكك حتى تسامحك الاميرة..هاه يا الاميرة اصدري حكمك وينفذ
اميرة فكة شعره ..وبغرور وصوت فخم/اقتله يا غلام
ذيب فك مشعل وقف بسرعه..
ظربها على راسها /وش غلاام ذي!! هذا جزاتي تسبيني!!
اميرة تمسك راسه/ياغبي ما اسبك غلام معناها يا فتى مير انت فاشل
نوف/هههههههههههههه
ذيب بغباء /اها ..
سلطان طول الوقت كان يهز رجله من المهزله اللي تصير قدامه ..كان ماسك نفسه لا يقوم ويحوسهم كلهم..وشكلها الاخت نست من تكون وانه مايحق لها
تحتك فيهم بهذا الشكل ..
بس واضح انها متعووده وبقوه..
نورة وقفت وابعدتهم عن بعض/فضحتوني يا المهبل..وانتي هذا وتوك طالعه من المستشفى مستخفه كذا
اميرة حضنت نورة /ماما نوره وحشتيني
نورة تبعدها/تلعبين بعقلي ..سحبتها وجلستها/وانتو تعالو اجلسو نتقهوى حشى بزران..وانت(تاشر على ذيب)اركد فشلتنا بنوف تقول مزوجين بزر
ذيب جلس جنب نوف/لا هي تعرف ان زوجها اكبر عاقل
نوف بهمس/قصدك اكبر داشر
ذيب ابتسم وقرصها بخفيف/عيديها وتتكفخين
لمياء وقفت وهي تصارخ/طلع المعدل طلع
نوف بحماس/صدق
لمياء تاشر على جوالها/ايه تو البنات مرسلين ف القروب معدلاتهم
اميرة بلعة ريقها مره متخوفه من المعدل هي عارفه نفسها ما ذاكرت زين...
سلطان /نيوف بابا جيب لابتوبي من الطاوله..
نواف ركض يجيب لاب واعطاه ابوه..
لمياء جلسة جنب سلطان/اول شي انا ..وها تراك وعدتني
سلطان ابتسم لها/ابشري نشوف اول معدلك ونقرر
فتح سلطان على موقع الجامعه دخل الرقم الجامعي و السجل المدني
لمياء رفعة كفها على عيونها ورصة على اسنانها /ها كم
مشعل طل براسه/اوب يادفره ..ظربها على كتفها ..
5،00بتقدير ممتاز
لمياء فتحت فمها مصدومه وحست نفسها بتبكي من الفرحه
سلطان حضنها من كتوفها وباس راسها/الف الف مبروك ياروح اخوك
عبدالعزيز وقف وفتح يده لها لمياء رمت نفسها عليه وهي تضحك وتبكي في نفس الوقت..
نوره تسحبها وتضمها/الف مبروك ياقلبي
نوف بحمس/مبرووك وعقبالي
ذيب يجلس جنب سلطان /دور نوف طلع معدلها
سلطان /تبشر مير اعطيني رقمك الجامعي وسجلك
نوف تمد جوالها لذيب /هذا هو في المذكره
خذاه ذيب ونقله ل سلطان
دخل سلطان على صفحتها..وابتسم لها/مبرووك 4,99 بتقدير ممتاز
نوف وقفت بفرحه/الحمدالله يارب ما كنت متوقعه
ذيب حضنها وباس جبينها وهمس لها/مبروك ياقلب ذيب
نوف ابتعدت عنه بسرعه ونزلت راسها بخجل..ضمتها نوره ولمياء وباركو لها
مشعل /مبروك نوف..ودورك يا اميرة..يلا طلع معدلها ياسلطان..
سلطان/اعطيني سجلك ورقمك الجامعي
اميرة بإرتباك"وبكذب"/مو حافظته

..
سلطان/اعطيني سجلك ورقمك الجامعي

اميرة برتباك "وبكذب"/مو حافظته
لمياء بلقافه/انا مسجلته عندي..ها خذ..واعطته الجوال
اميرة عضت فمها بقوه ..وعصبت على لمياء "لميوه وشدخلك ليش اللقافه.. يارب سترك"
مشعل/ماينخاف عليك ياسيد مصطفى اكيد
ك العاده 5
نورة/اذكر الله لا تنظرها
مشعل /ماشاء الله
سلطان وعيونه على لاب/نتشوف مصطفى على قولتك
اميرة رفعت عيونها تنتظر ردت فعله من معدلها"اكيد بيتمسخر علي ..فركت اصابعها بقوه تحس نفسها بتبكي من الفشله..
سلطان رفع حاجبة اول مطلع معدلها
رفع عيونه وابتسم لها بسخريه
اميرة ارتجفت اطرافها من نظرته الساخره لها ونزلت دمعه مسحتها بيدها بسرعه قبل تواصل طريقها على خدها..غمضت عيونها بقوه تكره تشوف النظرات هذي من عيونه هو بذات ما تعودت على نظرات الحنان و الحب والامان اللي يعوضها عن فقدان اهلها.
ذيب بحماس /ها كم معدلها الذيبه
سلطان هو مركز نظراته عليها..قفل الجهاز..و وقف/مبروك معدلك 5،15
اميرة تجمدة مكانها وفتحت عيونها على وسعها من الصدمه "هذا وش ي يقول !!مستحيل..انا ما حليت ""رفعت عيونها له بصدمه شافته ينظرها بنظرات ترعب حيل..نزلت عيونها بسرعه
ذيب بصراخ/كفوو والله
نوف كانت اقرب وحده لها حضنتها بقوه/مبرووك تساهلين اكثر
ذيب وقفها وباس جبينها/الف مبروك يا الذيبه
عبدالعزيز حضنها /مبرووك
لمياء مشعل باركو لها
لمياء /بهاذي المناسبه نبي هدايا
سلطان وعيونه مركزه على اميرة/هدية اميرة علي اناا ..و والله محد يهدي لها غيري .."بسخريه مبطنه"ما ابي احد ينافسني في الهديه
مشعل بهبال/اوووه من قدك سلطان بنفسه بيهدي لك
هاجر/الف مبروك لكم يابنات وانا وعزام لكم منا مفاجاءه
نوف ولمياء/تسلمون
اميرة جلست وهي ترجف مو فاهمه وش يقصد من الهديه معقوله اخيراً بيحن عليها!!؟
وقفت وهي تبتسم بتصنع/عن اذنكم بروح انام وارتاح
نورة /نوم العوافي ياقلبي..شوفي غرفتك اللي على اخر الممر على اليسار..
اميرة مشت بدون مترد فتحت الباب وعظامها ترتجف
دخلة وسكرت الباب وقبل تقفله ب المفتاح انفتح
بقوه لدرجة كان بيصك في وجهها
دخل سلطان وسكر الباب وراه

...
طلع من الجناح بعد ما تلقى اتصال من محمد..نزل تحت في حديقة القصر..ورجع اتصل في محمد
ذيب/هلا بو حميد
محمد/هلابك يا الذيب..العلم عفاك
ذيب /اسلم هات علمك
محمد/راشد قدر يهرب برا السعوديه..
ذيب بعصبيه/كيف قدر يهرب منكم صورته معممه ف كل مكان وعليه بلاغ في كل مراكز الشرطه
محمد/من خلال المعلومات اللي وصلت لنا قدر يطلع له هويه مزوره تزوير محترف..وغير من شكله..هو في طريقة الى تركيا ومن تركيا الى سوريا
ذيب عض شفايفه بقهر/والله ان اجيب راسه حي ولا ميت وانا ذيب
محمد/هدفنا مو راشد الهدف اللي وراء راشد..راشد مجرد آله وفيه من يتحكم فيه عن بعد
ذيب ابتسم بقهر/يبي لنا طعم نرجع فيه راشد ونقدر نعرف من يتحكم فيه
محمد /اتضح ان راشد مو من نفس المنظمه اللي كان ينتمي لها ابوه ..و ازيدك من الشعر بيت ..راشد من اتباع عصابة (آل كابوني)
ذيب بصدمه/آل كابوني!!مستحيل هذا من اخطر رجال المافيا!!كيف قدر راشد ينظم لهم!!..محمد انت تعرف خطورة كلامك
محمد تنهد/هذا اللي وصل لنا ومن مصدر موثوق
ذيب شد شعره بقوه /آلان متواجد ب ايطاليا ..بطريقتي الخاصه بجمع اكبر قدر من المعلومات في فترة تواجدي هنا
محمد بعصبيه/ذيب لا تجازف هذا خارج اطار عملنا هذا شغل الاستخبارات السريه المهم وكلتها الدوله للإنتربول (اكبر منظمة شرطية في العالم تتظمن 190 دوله تقريباً )

ذيب ابتسم بتحدي/ونصير من الانتربول ..
قفل ذيب من محمد
وجلس على الكرسي وتكى بيده على ذقنه..
معدله صعبه وش اللي قاعد يصير بظبط راشد يتبع ل خليه ارهابيه وبزعم ان هذي الخليه تحارب دول الخليج وتكفرهم على غير وجهه حق ..وفجاءه ينظم ل اخطر رجال المافيا آل كابوني!!!
فيه حلقه مفقوده في الموضوع..
من المعلومة اللي اعرفها عن آل كابوني انه رجل سعودي كبير ف السن وطرد من دخول السعوديه وشكل اعصابه من اقوى العصابات ولقبوه ب آل كابوني نسبة ل اخطر رجال العصابات في 1800م ..
اميرة تراجعت لوراء واعطته ظهرها/اعرف جاي تتشمت فيني
سلطان تكى على الباب،،وعقد يده /ليه اتشمت انا جاي ابارك لك
اميرة لفت له ورفعت حاجبها/كم معدلي!!؟
سلطان ابتسم بسخريه/يعني عارفه انك ما افلحتي!!رحم الله امرئً عرف قدر نفسه
اميرة تحاول تتظاهر ب القوه/بظبط اعرف اني ما سويت زين ف الاختبارات
سلطان تقدم منها وعلى شفايفه ابتسامه
غريبه/مبرووك معدلك 3،23
اميرة ارتجفت اطرافها ..قبضت كفها وهي تحاول تظبط اعصابها/لـ لـيش كـ گ كذبت عندهم
سلطان ابتسم اكثر ورفع حاجبه/اف تبـيـن مني افشل زوجتي العزيزه قدام اهلي لاا مايصير

...
.
اميرة شهقت برعب من ملامحه الهاديه/لا لاا تقول زوجتي انـ نـت مو زوجي
سلطان ضحك بقوه ومسك يدها وثبتها على الجدار/اجل وش اصير لك!!اخوك مثلاً
لاحظ ارتجافها بين يدينه ودموعها اللي تنزل بصمت..
رفع اصبعه الابهام ومسحها بهدو ورفع راسها..
سلطان بغربه/امسحي دموعك الان هذا مو وقتها..و بكره نروح ونعطيك هديتك ..ومره ثانيه مبروك..
ابتعد عنها وطلع..
جلست على الارض وضمت نفسها..وش قاعد يصير..
معقوله بيارك لي من قلبه!!! ايه اكيد وبيهدي لي بعد..أسندت راسها على ركبها..
وهي تحاول تسيطر على مشاعرها ..
رفعت راسها وبحماس ""اهدي يابنت هو ما هاوشك على درجتك المخيسه ""اكيد حن قلبه علي لما تعبت هههه لو ادري كان تعبت عليه من اول ما جاء
كود يحن..
ووقفت وسحبت المفرش و المخده وطلعت لغرفة لمياء..
دخلت شافته
شافتهم مبدلين ملابسهم ببجايم مريحه..
رمت مفرشها والمخده على الارض /بنام معكم
نوف /حياك
لمياء/ بنات انا مره متوتره ابوي يقول عمي عبدالله بيوصل بعد يومين
نوف بستغراب /واذا بيجي وش اللي موترك!!
وقفه على المراءه وفكت الحجاب /هذا يا عزيزتي السيد بدر بيجي
نوف صفقت بحماس/خطييبك صح
لمياء دفنت وجها ب المخده/اششش
نوف /اميرة بالله كيف شكله مزيون مثل ذيبي
اميرة رفعت حاجبها وبخبث/وييع لحجي بقوه بسم الله على ذيب منه
لمياء رفعت راسها وهي معصبه/اميرووه كل شي الا بدر مفهوم ..نوف لا تصدقينها بدر جنتل مان وخلوق وحنون و
اميرة /بس بس بس هههههههه مجنونه رسمي
نوف فتحت فمها متعجبه/ماشاء الله ماشاء الله تبارك الرحمن..اميرة واو من جد اول مره اشوفك فاتحه شعرك كذا
اميرة وهي تلعب بشعرها /مااحب افكه كذا ملموم افضل
نوف/ماتوقعته طويل مره كذا..ماتفكرين تقصينه
لمياء/ايوه عشان يقص سلطان رقبتها ههههه تذكرين لما كنت في ثالث متوسط وقصيتي غرتك
اميرة جلست وضحكت بقوه/هههههههههههههههههه كانت اول مره يصارخ علي
لمياء وهي تتربع/و اول مره يكفخني
نوف/هههههههههه وش له ذا كله بعدين انتي وش دخلك يكفخك
لمياء/ هذا سلمك الله انا اللي قصيت غرتها
اميرة/وبعدها توبه اقصه يادوب بين فتره وفتره احف اطرافه قدر انمله
نوف /بس ماشاء الله واصل الي نص فخذك وكثيف وطوله واحد
لمياء توقف/ يالله نامو بكره ورانا فرفره بشوارع لندن..
اميرة تنط فوق سرير لمياء/اشتقت انام جنبك
لمياء /بدون تقلب ورفس ف اشوتك
نوف تنط من الجهه الثانيه /وانا بعد بجرب انام جنب لمياء
اميرة تدفها/ضاقت فيك الوسيعه نامي على سريرك
لمياء /هههههه لا خليها محرم بينا
نوف تضربها/ههههه محرم في عيونك انتي وياها
يالله اهجدو
نامو البنات مشتركين سرير واحد ولكن لكل منهم
احلامها الخاصه

..
.....
الساعه 8:30 ص بتوقيت لندن
فتحت عيونها بكسل من صوت الشخص اللي يصحيها..
رفعة المفرش وتغطت فيه ..لكن نفس الشخص رجع يسحبه عنها بقوه..
اميرة ويدها على عيونها وبضجر/لميووه اطلعي برا لفقع وجهك
...../لمياء تفطر تحت وبعد انتي
اميرة جلست بسرعه من نبرة الصوت الغريب..وفتحت فمها بفهاوه..من جمال البنت اللي واقفه قدامها بشعرها الرصاصي الطويل وبشرتها الصافيه..
العنود دارت على نفسها
بغرور /وش رايك حلوه صح!!
اميرة ظبطت ملامح وجهها /انتي العنود
العنود وهي تسحبها توقف/ايوه اناا..ماشاء الله عليك قدرتي تعرفيني..انتي تغيرتي عن اخر مره شفتك فيها لو ما قالو ان اللي فوق اميرة ماكنت ميزتك..
اميرة بهمس /بلاها من صورك المنتشره
العنود ضيقت عيونها/نعم!!ايش قلتي!!
اميرة/هاا... لا لا
عنود مسكتها مع يدها ومشت فيها/اجل يلا ينتظرونك على الفطور..
اميرة تسحب يدها/لحظه ببدل اول واغسل وجهي اللبس حجابي
العنود تمسك شعر اميره /خليه كذا اجمل
اميرة تتوجه للحمام/ليه شايفتني فاصخه الحياء..وبهمس مثلك
دخلت الحمام(تكرمو)واخذت لها شور سريع..
لبست بنطلون جينز مريح وبلوزه طويله الى نص
الفخذ ولبست فوقه بالطو كبديل للعبايه..
طلعت وهي تلف الحجاب على راسها..
العنود/خلصتي
اميرة/ايوه .
نزلو تحت وكان الكل جالس على طاولة الطعام الطوويله.. اميرة بدون شعور رجعت وراء العنود ونزلت راسها بخجل..
العنود/وجبتها لكم
يوسف بصوت جهوري/الحمدالله على سلامتك
اميرة جلسة جنب لمياء/الله يسلمك
باسل/كيفك يا اميرة
ــــــــــــــ
عائلة ابو باسل (يوسف)
ام باسر(هند)
باسل 26
اريج22
العنود 18
ــــــــــــــ
بدون ماترفع راسها /بخيرر
كملت فطورها بصمت
وقف سلطان وهو يمسح فمه ب المنديل/الحمدالله..سفره دايمه..يلا يابنات!!
يوسف/ باالعافيه..وين يابوك
سلطان وهو يلبس نظارته الشمسيه/البنات انجحو بمعدل يرفع الراس و وعدت كل وحده ب هديه تناسبها
يوسف /يستاهلون..
طلعو لمياء و اميرة مع سلطان وذيب اما مشعل
رجع يكمل نوم
والعنود و اريج(بنات يوسف)
بيلحقونهم ب ساعه..
وصلو للسوق..
نزلو البنات
قبل تنزل اميرة
سلطان/اميرة انتي خليك..
اميرة بإستغراب/انا!! ليه
سلطان بجمود /بنروح مشوار ونرجع لهم..

..
سلطان بجمود /بنروح مشوار ونرجع لهم
ذيب /بطولون!!
سلطان /لا انتبه للبنات وحسابهم كله علي..
ذيب بمزح/تبيني مثلاً احلف اقول لا علي انا معصي
سلطان /بخيل
ابتعد ذيب عن السيارة وحرك سلطان
اميرة بستفسار/وين بنروح
سلطان ببرود/ بنروح نعطيك هديتك اللي تليق بمقامك
اميرة بفرحه/صدق ..حمستني
بعد نص ساعه وقف سلطان قدام عمااره كبيره ب 7 ادوار
سلطان يطفي السياره/انزلي
اميرة نزلت وهي مستغربه هذا المكان اللي يسكن فيه سلطان..مشت معه و الوضع مريب بالنسبه لها يمكن مسوي لي حفل خاص لي ومجهزها بشقته..
وصلو لدور 2
الدور الثاني كله ملك لسلطان
دخلو لشقه واميرة تناظرها بستغراب واضح من شكلها ان محد دخلها من فتره و الغبار مالي المكان ونص الاثاث مغطى بشراشف بيضاء

سلطان وهو يتكي على الجدار وبسخريه/هذي هديتك او اقصد عقابك
اميرة فتحت عيونها على وسعها/ما ما فهمت
سلطان بامر/انا بطلع اخلص شغلي و ابي ارجع احصل الشقه نظيفه والغرف مرتبه مفهوم..
اعطاها ظهره واتجه للباب بيطلع /هذي هديتك اللي تستاهلينها
اميرة مسكة يده ولفته عليها بصراخ/الى هنا وبس مستحيل تسوي فيني كذا..واذا حاب انظفها ف انتظر هنا اما تطلع وتتركني ف لا
سلطان ابعد يدها ولفها له حتى صار ظهرها لصق بصدره وهو يشد على يدها/صوتك لا يعلى هذا ..وبطلع وارجع اذا ما لقيت الشي اللي يرضيني..ورب اللي خلقك ما تطلعين من الشقه الا على السعوديه فاهمه

اميرة /ف فاهمه
طلع وسكر الباب وراه بقوه
اميرة جلست وظغطت على عيونها بقوه وشفايفها تهتز..بلعة غصتها وجسمها يرجف..
عضة شفايفها بقوه و وقفت
بغضب /الله يخذكك الله ياخذني يارب يارب خذني
ابي امي يمــه
شهقت بقوه /لا لا انا كـذابه العب على نفسي انـا
انـ...ـا معندي ام ولا ابو..يابووووي ابــيك لـيـش ليش تزوورني في احلامي ليش تمسح دموعي في احلامي و كوابيسي ابيك تمسح دموع واقعي
انسدحت على ظهرها وهي تبكي بصوت عالي
وتضرب برجولها الارض ماعاد تقدر تتحمل..
يا ابــوي رجيتك وينك عن دنياي انا أنـ..ـا اتألم مــحد يحس هو بس يــعرف ويتجاهل ..كلهم يقولون انا ماحس والله احس والله تعبت يابوي رجـيتك
شهقت بقوه وجلسة على ظاغطه على فمها بقوه..
ليش ليش اناديه!!! استغربت من نفسها اول مره تناديه ترتجيه بس
بــس هو ما يسمع صوتي ولا بيلبي لي هو مـيت..
وقفت وهي تترنح في مشيتها دخلت المطبخ واخذت المعقمات...والمنظف ..نزلت البالطو والحجاب
وشمرت عن يدها /والله ماتكسرني يا سلطان.. .

.. اصد عن كثر العتب والمشاريہ
وامشي طريق العافيه والسلامہ
اللي دعاني قلت له سم لبيہ
واللي جفاني مانشدته علامہ
النـفــس طـابـت ... والكرامه كرامه
ومن عافته نفسي حشا ماالتفت فيه
قلـبــك وروحـك ... رافقتهـا السلامه
وكـلـن عـلـى كـيـفـه ونـفـسـه تـوديـه
..
طلع من عندها وركب سيارته وتأفئف بضيق ..
حرك السيارة
**
في المجمع التجاري
جلست بتعب/ما عد اقدر امشي..تعبت
لمياء وهي تناوا اغراضها الشغاله تشيلها عنها..
لميا/امداك تتعبين !؟بالله احد يتعب من التسووق
نوف/ايه اناااا لنا ساعتين نفرفر وحضرتك ما تركتي شي ما قشيتيه
ذيب يجلس جنب نوف/لمياء اللي اخذتيه اليوم يكفي..لازم نرجع
لمياء بتحلطم/بنات عمي يوسف بيجون يكملون تسوق معنا وانت تقول لازم نرجع
ذيب/ما راح يجون عمي عبدالله وعمي عبدالرحمن وصلو واليوم عمي يوسف بسوي استقبال لنا كلنا
لمياء بتلعثم/بـ....ـس انتم تقلون بعد يومين بيجون!!؟
ذيب يوقف ويده في جيبوه /انتي تعرفين حركات عمي عبدالله له مليون راي وقرار
نوف بهدو ونعومه/خلاص نرجع عشان يمدينا نجهز..وذيب يرتاح
ذيب قرب منها وهمس في اذنها/ ‏أخذ قلبيّ صوتك ,من أبتديّ لين أنتهي ما أملّك.
نوف انخطف لونها وتجمدت مكانها
لمياء طيرت عيونها..وبصوت عالي/هــي مو وقت غزالاك شوف وجه البنت راح
ذيب رفع راسه وضحك بصوت عالي/ههههههههههههههه ليتها ي لمياء ضلت غريبه ليتني لمحتها ومشيت..قلبة حال اخوك نعنبو حباً جابها بدربي
لمياء صرخه/هيييييي يمه اخوك استخف هههههههه نويف قلبتي حال اخووي
نوف نزلة راسها تحس نفسها بتبكي في حياتها
ماتوقعة يكون نصيبها بهذا الجمال اصلاً الحب ما كان
في اكبر احلامها..والاهتمام ماكان شخص فيها ما كان جزاء من حياتها هي بس امها اللي كانت لها عمر
ماحست بدموعها اللي نزلت وصوت بكاها اللي يعلى
الا لمى احتضنها ذيب ضمته بقوه
بكت بصوت عالي...
معقوله هذا هو العوض اللي ربي كتبه لي بدل فقداني ل امي!!هذا استجابة دعائي!!ايه انا دعيت ربي اول ما استوعبت اني فقدت امي "ربي اجرني في مصيبتي و اخلاف لي خيراً منها" كانت اعتقد ما
في خلاف يعوض عن وجود امي..بس ربي عوضني بذيب ولا كل الشباب
ذيب نزل راسه ل اذنها وهمس/اششش قلب ذيب ما يبكي..فـ ليش دموعه!؟
نوف بصوت متقطع من البكى/أمـ..ـي ر ربــي استجاب دعـ...ـها انا انـ..ـا ربي عوضني برجل ارفع راسي فـيـ..ـه بدل ابوي واخوي
ذيب ابعدها عنه شوي ورفع راسها
يمسح دموعها/انا ابوك اللي تفتخرين فيه..وانا اخوك اللي تعتزين به..وانا زوجك اللي يحبك
نوف مسحت دموعها وبتعدت عنه
لميااء صارخه بحماس/واوووه اجمل مقطع فديو صورته..ولا لقطه من المسلسلات التركيه
نوف وذيب نظروها

..
ذيب سحب الجوال منها ..كانت مصورتهم مقطع فديو ..من لمى ضمها ذيب وحتى مسح دموعها..ارسل المقطع له على الواتس بحركه سريعه ومسحه من جوال لمياء ..التفت عليها وهو يمثل العصبيه/هذي المره بمسحه المره الثانيه بكسر الجوال على راسك
*****
..
الساعه 6:00م بتوقيت لندن
جلست بتعب على أرضية المطبخ..
من صباح وانا هنا وانظف و الاخ ما جاء.. ظغطت على بطنها من الجوع ما حصلت في الثلاجه الا مويه..
وقفت وهي تحرك رقبتها بتعب .."غسلت كل صحون المطبخ ونظفت الدروج المطبخ الداخليه والفرن"
اتجهت للباب الزجاجي في طرف المطبخ يفتح على البرنده(البلكونه+الشرفه)
في شي غريب مسلج الباب والارضيه اللي قدام الباب نظيفه من الغبار ومشكله قوس وكان في احد طلع لها قريب !!يمكن سلطان جاء امس هنا..
فتحت الباب وطلعت للبرنده كانت وسيعه وسورها سميك محجر وعلى جنب طاوله وعليها ثلاث كراسي واحواض الزرع ممتده بشكل مرتب فوق سور البرنده قربت لسور واستغربت في من الجهه الوسط في مساحه كبيره فاضيه من الاحواض!!ونظيفه من الغبار وسطح البيت جيران بشكل مستوي بدون اسوار موازي لرتفاع البرنده المكان المسافه بين البرنده والسطح متر ونص او اقل..ناظرت تحت في السيب الضيق بين البيتين كانت اربعه من الاحواض طايحه ومتكسره..عقدت حواجبها بضيق كيف طاحت!!يمكن من الرياح!!
رجعت للمطبخ وسكرت الباب الزجاجي واستغربت اكثر انا الباب الزجاجي للبرنده بشكل مربعات صغيره بحواف بيض وفيه زجاجه من المربعات مفقوده!!اللي تحت مقبض الباب!!
تراجعت على وراء بخوف"'لا الوضع مو طبيعي اكيد احد استغل غياب سلطان وسرق البيت
طلعت لصاله وهي تهدي نفسها ..جلست على الكنب وهي تدور بنظرها في المكان""شقة سلطان فخمه حيل و واسعه وكل ابواب الغرف تفتح على الصاله الكبيره معاد المطبخ كان منزوي شوي بحيث اللي
الكبيره معاد المطبخ كان منزوي شوي بحيث اللي في المطبخ مايشوف اللي في الصاله و العكس..وهذا غير تناسق اواني الاثاث ..وفي غرفتين بابها مقفل خمنت انها غرفة سلطان ومها الله يرحمها
والثانيه اكيد لنواف

..
في مكتب متوسط عليه جهاز الكبيوتر ملفات في زاوية الصاله وخلف المكتب ومكتبه كبييره ماخذه شكل الزاويه بادراج واسعه ويتوسطها تلفزيون بلازما..اتجهت له
وفتحت اول درج كان يمتد من اول المكتبه الى اسفلها الجزء العلوي منها رفوف واسعه وزجاجي والجزء السلفي منها مغطى ورف وحد كبير كان خالي من اي شي عكس الجزء العلوي
اللي يحتوي على كتب ومجسمات هندسيه..ومخطوطات رسم..خذت له مخطوطه وسكرت باب الدرج..
جلست على الكنبه وفتحت المخطوط كان رسم هندسي لمبناء تجاري..نزلتها ع الكنبه بظجر من عدم فهمها لها في نظرها مجرد خطوط وخربشات..اسندت راسها بتعب على الكنب..غمضت عيونها بإسترخاء
فتحت عيونها بخوف بعد دقايق..من صوت غريب مصدره المطبخ..
رفعة ساعتها كانت الساعه 7:00
تحركت بثقل للمطبخ وهي تسمي بالله وقلبها بيوقف من الخوف طلت براسها وفتحت عيونها على وسعها..
شافت سور البرنده يمتد عليه سلم حديد من بيت الجيران وفيه 3 اشخاص 2 واقفين على سطح الجيران والثالث يمشي فوق السلم..وصل للبرنده واتجه للباب الزجاجي دخل يده مع مربع المفقود من الباب الزجاجي وفتحه على اخره..
اميرة واقفه مصدومه وهي ترجف "ت تحركي اهربي بسرعه..بس ماقدر رجولي ماتشيلني "رجعت تراقبهم وهي ثابته في مكانها..شافت الشخص اللي نزل في البرنده يرجع بعد ما فتح الباب ويمسك السلم يثبته على السور عشان الثنين الباقين يقدرون يطلعون..وركب الشخص الثاني وتقدم على السلم وهو يمشي عليه بتوازن..
اميرة ترجعت للخلف بسرعه وهي تدور مكان تتخبى فيه..تجمدت مكانها وهي تشوف ظلال الاشخاص الثلاثه يتجه ل الصاله ....

في قصر الـ يوسف
الساعه 9:00م
جميع افراد العايله متجمعين..
رجال و نساء ....الرجال في جهه و الحريم في جهه..
شوق(اخت مها) تهمس لـ اسراء /سلطان كل ما يكبر يحلو اكثر الله يرحمك يامها كانتي تصبحين وتمسين ب الوجه الحسن
اسراء/اي والله كل عيال عمي عبدالله كل وحد يقول الزود عندي..و باسل مايقل عنهم
هيفاء/شويق لا تكونين حاطه عينك على سلطان!!وانتي يا اسراوه باسل ها
شوق/اكيد اذ خطب ما برفض الانه بيحبني من حبه ل مها وغير هذا اكيد انه بيوم بيتزوج وانا اولى من غيري..
سراء بستغراب/بس انتي تحبين ولد خالتك!!؟
شوق / ما اختلفنا بس اذ حصل لي سلطان كمان مابرفض
....
لمياء جالسه جنب نوف وهي تظغط في الجوال..
نوف بستغراب/لمياء اميرة وين!!!؟سلطان جالس هنا ..اذ ما كانت معه وينها
لمياء عقد حواجبها/اوه منتبهت على غيابها..لاحظه برسل لسلطان..""سلطان امـيـرة وين من خذيتها الصباح ما شفناها""
نوف وهي تناظر سلطان اللي جالس قدامهم ومندمج في السوالف مع عيال عمه وجواله في حضنه/لمياء منتبه لمسجك لهي بسوالف
لمياء اشارة لسلطان ..انتبه له واستغرب اشر بيده بمعنى وش فيه ..اشرة له على الجوال..
رفع سلطان جواله بهدو..
وفجاءه شهق بقوه وظرب جبينه بكفه رفع كفه وشد شعره بقوه
الكل انتبه له وبخوف من شهقته
بدر هز سلطان من كتفه/خير وش صابك!!؟
سلطان عض شفايفه بقوووه"يووه نسيتها راح بالي منها.."وقف بسرعه وبيطلع قطعه صوت الجوال اللي يدق..
(الحوار ب اللغه الفرنسيه)
...../مرحباً...السيد سلطان!!
سلطان رفع حاجبه بقلق/نعم!!
..../نحن رجال الشرطه لقد قمنا ب القبض على بغض اللصوص في منزلك في حي ......
سلطان بصدمه/ما الذي تقوله!!؟و الفتاه!!؟ماذا حصل لها
الشرطي بستغراب/لايوجد اي فتاه معهم
سلطان هو يركض/انا في الطريق إليكم..
الشرطي /نحن بنتظارك..
سلطان ركب سيارته وقبل يحرك انفتح الباب سياره وركب عبدالعزيز جنب سلطان
سلطان برتبك/ابوووي!!
عبدالعزيز بصراخ/حــرك..
حرك سلطان بسرعه مصدر صوت صرير ..
وصلو للعماره..
نزل سلطان وعبدالعزيز..
وهم مدهوشين من تجمع سكان الحي وسيارة اسعاف..وسيارت الشرطه
سلطان اتجه ل الشرطي..
سلطان وهو يمد بطاقته/انا صاحب الشقة سلطان..اين الفتاه!!؟
الشرطي اشر له عله اللصوص اللي جالسين في سيارة الشرطه..
سلطان فتح باب السيارة مسك اقرب شخص له من اللصوص من ياقته/اين الفتاااه تكلم
اللص يبكس سطان في بطنه/لم نعثر على احد ابتعد سحقن
العسكري وجه المسدس على راس اللص وابعد سلطان عنهم....
سلطان ابتعد عنه وتلفت يدور ابوه شافه يركض طالع العمره
لحقه سلطان..دخل عبدالعزيز الشقه وو
**

..
.. شبه معفوسه وباب غرفة سلطان مخلوع..
عبدالعزيز بصراخ/اميــرة..
دخل سلطان ورا ابوه وهو يدور لها
عبدالعزيز قرب من سلطان وشده من ياقة قميصه/وخالقك ياسلطان ان صار في بنتي شي انه اخر عهدك بي
سلطان ابعد يده ابوه وصد عنه بقهر"استهل..
غمض عيونه بقووه..وفتحها وانتبه على مخطوطه هندسيه من رسمه طايحه على الارض...
رفعها وقلبها بيده...رفع عينه للمكتبه...
واتجه لها بسرعه..فتح باب الدرج الطويل...
فتح عيونه بصدمه وهو يشوفها متخبيه في الرف السفلي ومتكوره على نفسها..
بهمس/ا ميرة!!
..
نرجع لقبل ساعه عند اميرة**
تجمدت مكانها وهي تشوف ظلال الاشخاص الثالثه يتجه ل الصاله..
تلفتت حولها بشكل سريع تدور مكان تتخبى فيه..اتجهت بسرعه للمكتبه وافتحت الدرج الطويل وتخبت في الرف السفلي وهي ترجف تكورة على نفسها وهي تقراء كل الدعيه اللي حافظتها
فتحت فتحه صغيره عشان تشوفهم كانو يقلبون في البيت بشكل سريع ..وحد منهم اتجه لغرفة سلطان وهو يحاول يفتحها..
والثاني اتجه للمكتب و قلب في دروج المكتب وحصل لاب توب صغير واخذه
اما الثالث اتجه للمكتبه وهو يفتح دروجها بشكل سريع ويقلب فيها..
وصل للمكان اللي تتخبى فيه اميرة..
اميرة كش شعر جسمها وغمضة عيونها وهي تردد
((وجعلنا من بين ايديهم سدا ومن خلفهم سدا فأغشيناهم فهم لا يبصرون ))
مسك مقبض الدرج وقبل يفتحه
صارخ الاول/لقد تمكنت من خلع باب الغرفه
تراجع الثالث وتجهو للغرفه..
اميرة شهقت بقوه وهي تخذ نفس عميق
ارخت راسها على ركبها وهي تتنفس براحه ومن دون ماتحس غفت بتعب
..
الوقت الحالي
سلطان بهمس/ا ميرة
جثا على ركبه سحبها من يدها وخرجها..
ضمها بقووه له /الحمدالله الحمدالله
ابعد راسها عنه ومسح وجهاا كانت مغمضه عيونها بهدو
سلطان ابتسم بحزن/اميرة!! اصحي
قرب راسه منها وهمس في اذنها/********

عقدت حواجبها بضيق وافتح عيونها بخفيف
عبدالعزيز جلس جنب سلطان وسحبها لحضنه
بقوه
عبدالعزيز/اميرة ياعين ابوك انتي بخير!!
اميرة اسندت راسها في حضن عبدالعزيز..
وكانت شبه فاتحه عيونها..وبهمس/نظفت البيت..صار نظيف..انا جوعانه..في رجال دخلو البيت....من السلم...على .....البرنده....خوفوني يابوي...انا انا تخبيت هنا..اشرة على الرف السفلي...
بـ...ـ بنـام
رجع حضنها عبدالعزيز وهو يسمي عليها..رفع عيونه لسلطان وفي عيونه نظرات غضب وعتاب..
...

..
انحنى لها عبدالعزيز وشالها..وسلطان طلع وراه وقفل الشقه..
فتح عبدالعزيز الباب الامامي ونيم اميرة عليه بعد ما نزل المقعد..
لتفت لسلطان وفتح يده/هات مفتاحت سيارتك بسوق
سلطان خرج المفتاح ورماه على عبدالعزيز اللي التقطه ..
ركب عبدالعزيز مكان السائق وفتح الشباك/دور لك تاكسي تجي فيه..
سلطان فتح عيونه بصدمه/ياابوي مو من جدك!!هذي سيارتي ..ترا عادي بركب ورا
عبدالعزيز حرك السيارة مطنش سلطان واقف وراه..
عبدالعزيز حرك السيارة مطنش سلطان واقف وراه..
سلطان ركل رجله ب الارض/هفف
وقف له اقرب تاكسي وهو يهيئ نفسه
ل عتاب ابوه..
وصلو لقصر ال يوسف
عبدالعزيز يهز كتف اميرة/اميرة بابا اصحي
فتحت عيونها بهدوء/وصلنا
عبدالعزيز/ايه
نزلو اول مادخلو كان مشعل وذيب ونوره في انتظارهم
ذيب اتجه ل اميرة بسرعه
ذيب وهو على اعصابه/وين كنتي!!؟
اميرة نزلت راسها وبإرتباك/انا ك ك ك نت في شقة سلط سلطان ا ن ن انظفها
مشعل وهو يرص على اسنانه/واذا تنظفينها ليش الشرطه متصله ف سلطان هاا تدرين الكل شك انك مسويه مصيبه
اميرة تراجعت على ورا بجمود وصدمة في عبدالعزيز اللي مسكها من كتوفها
عبدالعزيز بغضب/انكتم انت وياه..هذي تربيتكم وتشكون فيها!!؟
ذيب وهو يظرب على صدره/واثقين فيها مير ما نثق في ديرة مهب لنا
عبدالعزيز /فهم سلطان دررك يفهيم..منزلها في شقته تنظفها وطلع وتركها واقتحم البيت حراميه لولاً ستر ربك اللي حفظها و ما شافوها..والشرطه اتصلت ف سلطان تعطيه خبر ان بيته تعرض لمحاولة سرقه وقبضو عليهم..
نورة ضمت اميرة وبكت/بسم الله عليك ياقلبي
مشعل بعصبيه /كيف يترك بنت لحالها ذا انهبل!؟
اميرة ابتعدت عن نورة/انا انا طلبت منه اني انظف شقته
ذيب باس راسها/اعذريني ياخوك وخالق مبسمك فار دمي عليك من الخوف
اميرة /حصل خير ...انا استاذنكم بطلع انام.. طلعت اميرة وانظارهم عليها..
عبدالعزيز بصرامه/اذا وصل سلطان يانورة خليه يجيني الغرفه..انتو ان سالكم احد قولو ان اميرة تعبت ونقلها سلطان للمستشفى وما حب يشغل الاهل عليها ..علم!!
مشعل /صار
...