رواية بين امسي والقدر خانها الحظ وغدر الفصل الرابع عشر بقلم Sh

اميرة اول ما سمعته يقول حجز نطت تتسمع/قول له حجزين وحد لي وحد لنيوفي

سلطان غطى على سمعة الجوال بغيظ /ايوه معك يا ابو انس اوكي في انتظارك...
قفل منه وركل الباب /وبعدين معك!!!
اميرة/وانا صدقه ابي نيوف يروح معي الولد محتاج احد يهتم فيه وانت حضرتك نص اليوم في الدوام وراميه على الهنوف
سلطان بسخريه/اذ كان يهمك في اجلسي معه
اميرة/ايه يهمني ولانه يهمني في خله يروح معي اقلها هناك امك ولمياء وانا وكلنا حوله ونهتم لاكله وشربه ونومه

سلطان/وانا من يهتم لي!!وبنومي وشرب واكلي
اميرة طنشت كلامه/استعجل في الحجز الاني صدق احس شوي ويغمى على من الجوع
سلطان بضيق/افتحي الباب واكلي و اوعدك ان الحجز يتم
اميرة/لا مستحيل اكل شي الا اذ صرت في الطياره تسمع لذلك يا عزيزي استعجل
سلطان ابتعد عن الباب وجلس في الصاله..وهو يراجع افكاره ويرتبها..
قطعه اتصال ابو انس
سلطان/هلابك..حلو اجل احجز لشخصين ..ايه لأهل..ماقصرت..
وقف ودق عليها الباب/خلاص تم الحجز على الساعه 8م رتبي اغراضك واطلعي رتبي اغراض نيوف
اميرة بفرح/صدق!!اوكي برتبها من الحين وانتت رتب اغراض نيوف الاني مستحيل اطلع منها الا على المطار على طول***
وفعلاً وللمره الاول تكون هي من يصدر القرار ويتنفذ بحسب طلبها..
الساعه 7:50 م
وفي صالات الانتظار في مطار هيثرو الدولي••
وبعد علان رقم الرحله المتوجه لسعوديه ..
سلطان رفع عيونه لها جالسه ونواف في حضنها..من طلعو من البيت ما حول يكلمها وهي ما تعبت نفسها وكلمته..توجه لها وهو يمد لها التذكر
خذتها منه و وقفت
سلطان /ما بتودعيني
اميرة صدت عنه/لا ما اذكر انك كنت تودعني
سلطان ضيق عيونه/اهون عليك!!
اميرة مسكت يد نواف وتعدته بتمشي
سحبها من معصمها بسرعه وحضنها بقوه/بشتاقلك اشتاقي لي وفكري فيني
اميرة لثواني نست كل شي وهي تعيش لحضاتها في حضنه الدافي..غمضت عيونها وبتعدت عنه/الله لا يشغلني بك والله يشغلك بي..اول ما تنزل رجلي الرياض بنساك وكمل ايامي مثل ماكنت الثلاث السنين الاخيره
سلطان ابتسم لها وميل راسه قريب من اذنها
همس لها/........
اميرة شتت نظراتها وصدت عنه قبل تضعف اكثر
ابتسم بهم وهو يشوفها تقفي/ما بيطول غيابك عني كلها اسبوعين او اقل وترجعين
ما التفتت له ولا ردت عليه
-
صحت من تفكيرها على صوت لمياء
لمياء/ساعه اناديك وش كنتي تفكرين فيه!!
اميرة /ولا شي يالله جيتك
لفت الحجاب على راسها ونزلت مع لمياء..
ابتسمت وهي تشوف
ابوها جالس وفي يده الجريده وفنجال القهوه قدامه..على اني عتابنه عليها بس بس قلبي ما يقدر الا يشتاق له ولحنيته..
ضحكت وهي تسمع نوره تلتفت لها وترحب فيها/يالله انك تحيها
اميرة /يالله انك تبقيها..
قربت منها وحبت راسها..وبتردد تقدمت من عبدالعزيز اللي مبتسم لها بسته على ارسه
هو سحبها وجلسها جنبه وحضنها من كتوفها/كيفك يابوك
اميرة /يسرك حالي..دامني بينكم ف اكيد بخير
نوره تصب لها فنجال قهوه/سمي
خذته منها وهي تدور بعيونها/وين نواف!!
نورة /خذه مشعل يمشيه شوي
لمياء متخصره/الحين لي ساعه واقفه محد قال اجلسي ولا صب لي قهوه
نورة بامر/روحي جهزي الفطور لاختك وبلا كثرة حكي
لمياء فتحت فمها بتتكلم
عبدالعزيز غمز لها/روحي سوي مثل ما قالت امك
لمياء مافهمت غمزة ابوها بس راحت وهي تفكره
نورة/ههههه وراك غمزت لها
عبدالعزيز/اسلك لها الانها اذ تكلمة ما بتسكت ابد
اميرة/ههههههه...
كملو سوالفهم حتى اذن الظهر
وتغدو..
بعد الغداء
عبدالعزيز/اميرة الحقيني ف المجلس
اميرة وقفت /ابشر
لمياء تاشرها بيويلك
اميرة مدت لسانها بسخريه على لمياء..
لحقته للمجلس
وكان جالس في اوله
عبدالعزيز/قفلي الباب وتعالي
اميرة ققلت الباب..بتوتر..والف فكره وفكره في راسها عن سبب طلب ابوها لها..
جلست جنبه/امر يا ابوي
عبدالعزيز تنهد/اولاً انتي شيله بخاطرك علي!!
اميرة بسرعه/لاااا جعلني فداك يابوي وش له اشيل بخاطري على تاج راسي
عبدالعزيز ابتسم لها بحب/ريحتيني ياقلب ابوك
اميرة سحبت يده وبستها/جعلني ما اعدمك
عبدالعزيز بجديه/اميرة هو شي لازم تعرفينه..او خليني اقول لك اني بكمل حلقة الوصل المفقوده براسك
اميرة عدلت جلستها وركزت بهتمام
عبدالعزيز سرد لها قصتها من البداية وحتى النهايه وكيف كان اصرار ابوها على زواجها من سلطان وخوفه عليها
اميرة كنت ملامح الخزن مكتسيه وجها..وبصوت مرتجف/طيب امي ليش قتلة ابوي!!
عبدالعزيز/حسب كلام ابوك انهم اختلفو على موضوع تقفيل الملهى و المبالغ اللي طلعوها قرر ابوك يتبرع فيه لوحد من معارفه مريض ب الفشل الكلوي..لا كان حسب نتايج المختبر الجنائي اتضح انها كانت وقتها سكرانه ..و مو في وعيها..
اميرة غمضت عيونها بالم وقهر وحسره
عبدالعزيز ربت على كتفها /اميرة ابوك كان من اعز اصدقائي واغلهم على قلبي..لاكان بعد ما ابتعث لخارج المملكه الشيطان ظله عن الطريق وصار اللي صار..وفي ايامه الاخيره كان ندمان.. واخر كلامه من الدنيا كان يوصي عليك..اميرة ابوك كان يعشقك ويحبك انتي كنتي اجمل ما حصل له في حياته
اميرة ابتسمت بالم..وهي تحول تقوي نفسها/وانت اجمل ما حصل لي يا اجمل ابو
عبدالعزيز ابتسم لها وهو يحضنها بحنان/ههههه
-
-
-
بعد شهرين
الساعه 9:00 م
جالسين في الصاله..
كانت اجواء السوالف و الضحك هي اللي طغيه على الاجواء.
وكل مجتمع معاد ذاك البعيد "سلطان"
ذيب/ههههههههههه لك الله الى يومك هذا اهله يترجوني اعفو عنه
مشعل/احسن يستاهل خله يخيس بسجن
اميرة /لا حرام عليك له شهرين بسجن خلاص عاد اعفو عنه وسامحه
ذيب لف ذراعه على كتف نوف اللي جالسه جنبه/اذ عفت عنه نوف عفيت انا عنه هاا نوفي نسامحه!!
نوف هزت راسها بلا/لا مثل ما قال مشهل يستاهل السجن كان بيتسبب لنا في حادث
دخلت لمياء /وش السالفه!! من هو اللي بسجن!؟
نورة/هذا اللي كان يبي ينتقم من اخوك ذيب وعطل مكابح السيارة
لمياء/هاا هو على ما اظن خويك في الدوام ولا!!
ذيب /ايه هو صارت بيني وبينه مشكله قبل نسافر وبعد ما رجعت حول ينتقم
عبدالعزيز/الله المستعان هذولا ما يخافون ربهم
نورة/الحمدالله ان ربي ستر وحفظكم
قطعهم تلفون البيت اللي يدق..وكانت اقرب وحده له اميرة..
رفعت السماعه وردت/الووو
سلطان بشوق/يالله حيها
اميرة بلعت رقيها وبعد معرفة صوته/هلا من معي
سلطان بستغراب/اميرة وش بك معرفتي صوتي انا سلطان
اميرة بنذله/لا اخوي غلطان
سلطان/نعم!!!
اميرة قفلت في وجهه
لمياء /من اللي يدق!
اميرة هزت كتوفها بدون اهتمام/وحد غلطان
لمياء تهمس لها/وحد ولا سلطان
اميرة ابتسمت لها/ايه هو
لمياء/اللي مستغربته ان امي وابوي الى الان ما تدخلو
اميرة/امي كذا مره لمحت وحولت تسحب كلام بس ما استجوبت معها عطيتها وضعيت اللي مو فاهم
لمياء/اصلاً وضعكم واضح انكم متزاعلين
اميرة/احلى شي ان عايلتنا ديموقرطين ما تدخلو بشكل صريح
لمياء/حلالها من حشرك بزاويه وطلع الكلام من عيونك
رجع يدق مره ثانيه
اميرة ردت بسرعه/الوووووووو
سلطان بحده/اميرة بلا هبال ترا
اميرة قطعته بشهقته قوه
سلطان بخوف/وش فيك!!
اميرة بخبث/انـت سكران!!!مره ثانيه!!!
سلطان انفجع/ايش!!!من اللي سكران!!؟
اميرة تمثل البكى/انا تركتك كود ترجع و تتوب..لا كان بدون فايده
كل الموجدين طيرو عيونهم بصدمه..
سلطان/بنت انتي انهبلتي!!!؟
اميرة كتمت ابتسمتها وهي تشوف عبدالعزيز يوقف بغضب ويخذ السماعه منها
رد عبدالعزيز بغضب/وش انت مسويه!!!!هذي اخرتها بعد ذا العمر تسكر!!وتخون ثقتي فيك
سلطان بصدمه/يا ابوي استهد بالله وش اللي يصير
عبدالعزيز/انت اللي وش اللي صار لك غيرتك الغربه و ودتك للحرام
سلطان انهبل/يابوووووي وش اللي تقوله والله اني ما ذقته في حياتي..انا تربيتك يا ابوعزام
عبدالعزيز نرفع عيونه لاميرة اللي ابتسمت له.. نزل عبدالعزيز السماعه وناظرها
اميرة اشرت له قبل يتكلم/مقلب ههههه امزح والله
عبدالعزيز عض شفايفه بقهر منها
اميرة تقدمت منه وبهمس/هههه والله امزح ابي اعقبه شوي بس
عبدالعزيز مقدر قدام ضحكتها الانه يبتسم/نشفتي دمي يا ابوك
مشعل ظربها على كتفها بخفيف/وجع من متى تعرفين للمقلب
اميرة ترد له الظربه/منكم نتعلم
ذيب جلس وهي يتنهد/قسم يالله لو انه صدق كان رحت له على اقرب طيارة وسحبته ع وجهه
نورة مسحت دموعها وبصوت باكي/هذا سواه تسوينها كان قلبي بيوقف
اميرة حضنتها وهي تضحك..
عبدالعزيز ضحك عليها ورفع السماعه/الوو
سلطان وهو على اعصابه/الوو يابوي ورب البيت ايه
عبدالعزيز قاطعه/ارحب الله حيه بشرني عنك يابوك!!
سلطان توتر اكثر/يبه انت معي!!
عبدالعزيز ضحك/ههههه هي معك بس هذي اميرة الله يصلحها عرفة تمقلبنا
سلطان بزعل/وانت تصدق فيني !!على طول
عبدالعزيز/هههههههههه المهم ما علينا وش علومك
سلطان تنهد/ نحمدالله..بشرني عنكم
عبدالعزيز/.ابد والله كلهم بخير..ما نقصنا الاشوفتك
سلطان ابتسم/جايكم ان شاء الله بعد بكره نحضر زواج بنت عمي ابو الوليد
عبدالعزيز/توصل بسلامه..ما قلت لي عمك يوسف وش رسى عليه بيجي!!؟
سلطان/ايه باذن الله رحلتنا كلنا على نفس الطيارة على طول لدمام..بنوصل يوم الزواج في العصر
عبدالعزيز /بتطولون!!
سلطان/حسب كلام عمي يوسف بيقعد اسبوع وبمر فيها مكه و المدينه..اما انا في اذ خلاصت شغلي اللي عندكم رجعت ما برجع الا اذ خلصته
عبدالعزيز رفع عيونه لاميره/اجل على كذا بيكون شغلك طويل
سلطان ابتسم/دعواتك يا ابوي لي ان الله يعيني عليه
عبدالعزيز/ههههههههه الله ييسر لك امرك
سلطان /يالله في امان الله سلام على الاهل
عبدالعزيز/في امان الكريم يبلغ وانتبه
-
قفل منه ونظر اميرة اللي تحول تراضي نوره
عبدالعزيز/خلاص يا اميرة خليك منها شوي وترضى
اميرة تحب راس نوره/تعلمني فيها صاحبة القلب الحنون
نورة ابتسمت بزعل/هذي مشكلتي مقدر ازعل عليكم
مشعل/جعلني فداك..يارب زوجتي تكون مثلك
اميرة وقفت/هههههه مافيه امل من الحين اقول لك ف اذ حاب هون من الحين
مشعل قرب منها صوت منخفض/ما اهون عنها لو على رقبتي
اميرة /وين تهون وانت اجبرتها تغير طريقتها في حسابها
مشعل بأحراج/قالت لك عن اللي صار
اميرة ضيقت عيونها/وش سويت لها!!؟!؟ كيف اجبرتها
مشعل تنهد براحه/ما اجبرتها اقنعتها بطريقتي
اميرة/هذا اللي مخوفني طريقتك اخيرك جلف
لمياء قطعتهم /وش تسوالفون فيه!! من اللي اجبرها مشعل
مشعل وقف /يالله عن اذنكم انا طلع
لمياء لتفتت لاميرة/من تقصدون!!؟
اميرة سحبتها معها/خلي عنك اللقافه وامشي اختاري لي فستان ل الزواج
لمياء/بتحضرين!!
اميرة هزت كتوفها بمدري/من هنا الين نوصل لدمام افكر واقرر
نوف جات لمهم/ ياالله يا بنات عن اذنكم
لمياء/وين بعد بدري!!؟
نوف/لا لزم اروح لبيتي واجهز شنطتي وشنطة ذيب..الا متى بنمشي!؟
اميرة/بنمشي بكره العصر
نوف/ليش ما خلو الزواج هنا برياض
لمياء/بالله!!لمعرس اهله وربعه في الدمام ينقل العرس لرياض ليه!؟
نوف/من جد..المشكله مو مستوعبه ان شوق تتزوج وبهذي السرعه
اميرة بغيض/الا احسن خليها توسع علينا اوف ابركها من ساعه انها بتسكن بدمام اقلها نفتك منها
لمياء/خههههههه الى الان حقده عليها
نوف/يمه منك طلعتي شرسه وهذا انتي اللي مكفختها
اميرة تدف نوف وتمشها لذيب/ذيب خذ زوجتك وتوكل
ذيب/وفرتي علي سحبها منكم
اميرة/هههههههههه
نوف /لا والله خلاص زعلت
ذيب يمسكها من معصمها ويطلع فيها/في البيت اعرف ارضيك
نوف سكتت ومشت وهي منحرجه
-
اليوم زواج شوق في الدمام..
في الليل الساعه 11:00م
في قاعة الزواج
وفي الطرف الثاني من القاعه بعيد الجو صاخب بدق و الرقص
تجلس اميرة في الصاله الخارجيه..
وهي تقلب في جوالها بطفش وتدور على رسايل
سلطان ببرود من يوم رجعت لسعوديه وهو ما وقف مسجات و اتصلات وكلها مطنشتها
ما كلمته الا مرتين بصرار من لمياء وكلامها معه جاف وبارد وماتجوزته الدقيق ونص..
صحت من تفكرها بعد ماحست ب يد نوف على كتفها..
نوف تجلس جنبها/ليش جالسه لوحدك
اميرة/ابد ياختك بس ما اتحمل الازعاج
نوف/اشو حسبتك تعبتي..تصدقين ما توقعتك بتحضرين
اميرة/هههههه قصدك عشان اللي صار بيني وبين شوق!!يا شيخه ما همتني وحضوري لزواج كان عشان لمياء الان لو رفضت احضر الزواج كان ما حضرت وجلست معي
نوف/الا حلو انك حضرتي غيري جو وحولي تعودين نفسك على الزواجات
اميرة ضربتها على كتفها/الا تراك قهرتني ليش رفضتي يسون لك زواج بعد ما رجعتو من شهر العسل
نوف ابتسمت/لان جد مالها داعي كفايه العشاء اللي سواه عمي لنا بعد مارجعنا وش له الخربيط اللي مابتنقص ولا بتزيد
اميرة ابتسمت لها/مرتاحه مع ذيب
نوف بحراج/الحمدالله..
اميرة لكزتها من خصرها/تحبينه!!
نوف لفتت لها /خليك مني الانك تعرفين من يكون ذيب بنسبه لي..بس انـتـي
اميرة صدت عنها/وش فيني انا الحمدالله مرتاحه
نوف مسكت وجها ولفتها لها/اميرة من يكون سلطان بنسبه لك!!
اميرة/سلطان!! كان كل شي وصار ولا شي
نوف بجديه/اميرة اخر ايامنا في اسويسرا كنتي مبسوطه والكل لحظ تغير معملة سلطان لك ..وحسب كلام ذيب وقتها يقول..ان سلطان رجع لسلطان قبل 3 سنوات واللي يعشق اميرته ويخاف عليها..ليش انقلبت المعادله في اليوم الاخير لنا في سويسرا وش اللي صار بين اميرة سلطان!! وليش تحولة اميرة لشخصية سلطان في الثلاث سنوات الاخيره في برودها وكلامها وتعاملها!!؟وكانها ترد الدين لسلطان
اميرة امتلة عيونها دموع وصدت
نوف مسكت يد اميرة وشدت عليها/عرفتي سبب تعامل ان سلطان معك! و امنه كان ظلامك !!؟
اميرة هزت راسها ب ايه
نوف/ما بسالك سبب تعامله معك بس بقول لك شغله سلطان رجع لك ولك انتي وحدك..ابيك ترجعين معي بذاكره قبل 11 تخيلي لو ان ابوك ما اتصل في عمي عبدالعزيز ولا امنه عليك تخيلي لو ان سلطان ما وافق يتزوجك ورفض وقتها ما يقدر عمي عبدالعزيز يكون وصلي عليك و بتنحذفين في دار الايتام والله اعلم ب البلوي اللي تكون بدو الايتام..طيب وحتى لمى تزوجك سلطان ترا ما كان مجبور يهتم فيك لكويرعاك لو وحد ثاني مكان سلطان كان وكل رعايتك على امه وابوه ..بس سلطان كان غير حبك واهتم فيك وكان لك الام والابو والاخو والصديق..ربك وعلمك وكبرك وكان معك بكل لحظات حياتك حتى بعد زواجه ..ومتاكده ان سبب تغيره كان لشي غصب عنه
اميرة مع كل كلمه كنت تقولها نوف تنزل دموعها اكثر..
هذ اللي كانت تتجنب تفكر فيه وهو فضل سلطان
عليها واعترافها انها مدينه لسطان بكل شي حلو بحياتها..
لفت لنوف وحضنتها بقوه/ما اكرها ولا عمري اقدر اكرهه بس القلب عتبان عليه..نوف هو جرحني حيل..جرح القريب ماينبري بسهوله وصعب علاجه
نوف تبعدتها عنها ومسحت دموعها/له ثلاث شهور يحول يرضيك ويرسل لك تدرين انه استعان بعمي عبدالعزيز وخالتي نورة وذيب مشعل و الهنوف وحتى لمياء عشان يدخلون بس كلهم رفضو و وقفو ضده تركو الحريه لك
اميرة بستغراب/محد قالي هي كذا مره لمحت لي امي بس
نوف تنهدت/القرار لك بس ابيك تتذكرين انك صرتي زوجته رسمي وعلاني قدام الكل و فوق هذا حامل
اميرة مسحت دموعها بهدو بعناد/ينبري جرحه وحزتها بفكر في اللي قلتيه
وبتصريف/يالله بدات الزفه خلينا نلحق
تنهدت نوف بياس ودخلو..وكانت شوق بنص الممر في زفتها وبنات العايله يزفونها...
ويرقصون...
اميرة تكت على الجدار وهي تراقبهم من بعيد..بالها مو معها..سلطان وصل اليوم لسعوديه مع العم يوسف وعايلته..دق على لمياء يبيني اطلع اسلام عليه..لاكان لا مو مستعده اقببله ابد..نفخت شفايفها..اللي مهونها ان عمي
عبدالرحمن(ابو الوليد)استاجر شلايه لمدة ثلاث ايام..ابتسمت بفرح"من جد مشتاقه للبحر"
بعد ما انتهت الزفه و ودعو شوق..
نورة/يالله يا اميرة نادي البنات بنطلع
اميرة/بنات مشغولين في الرقص وش اللي ينزلهم الحين
نورة/استعجليهم سلطان معصب له ساعه ينتظر برا
اميرة/طيب
اتجهت للمنصه وشرت للمياء تنزل
لمياء وسوت نفسها مو فاهمه..
فظطرت اميرة
تصدعد لهم مسكت كتف لمياء وهي ترفع صوتها الاجل تسمعها لمياء وبسبب صوت الدق والمطربه العالي..
اميرة/سلطان برا تقول امي اطلعو
لمياء غمزة للعنود و البنات لتفو كلهم حول اميرة ورقصو
لمياء مسكت يد اميرة وهي ترقص..
الموقف كان محرج لاميرة وخصوصاً انها ما تعرف ترقص
العنود تشجعها ترقص
رقصت على خفيف وبتسليك للبنات..
البنات اول ماشفوها بدات ترقص صفرو بصوت عالي
وقفت رقص
وهي متحرجه اشرت لهم ينزلون ونزلت
بسرعه اتجهت لشنطتها عبايتها لبستها بسرعه..
شهقت بقوه من اللي حضنها من وراء
لمياء وهي حضنتها/دلبي انا على اللي يرقصون
اميرة فكت يدها/ماحبيت اكسر بخواطركم..يالله البسي عباتك
لبسو عباياتهم وطلعو مع بعض..
شافو سلطان متكي على السيارة و واضح عليه انه معصب..
رفع راسه واشفهم متجهين له
عدل وقفته وبحده/سنه منلطع هنا!!!ورا ما طلعتو مع امي هاا
اميرة تجهلته وركبت السيارة وراء
سلطان شد من قبضته بغيض
لمياء تهديه/لهينا مع البنات اعذرنا
سلطان ركل الكفر وركب
ركبت لمياء وقبل تقفل بابها زين حرك سلطان بسرعه..
نورة/هدا اعصابك يابوي..وانتم وراكم تاخرتو
اميرة تقدم بين المقعدين وتتكي بقصد تغيض سلطان/والله يا امي ناديتها وتسوين نفسها متسمع فطلعت لها على المرقص واللي الله قدرت اسحبها تنزل
لمياء/يوووه يمه فاتك تخيلي واخيراً اميرة رقصت هههههه
سلطان رفع حاحبه بصدمه ولتفت لها
اميرة و وجها نحيت نورة اللي راكبه قدام/لا مو رقص بس هزيت شوي اسلك لهم
نورة/ههههههه فاتني لزوم تعيدينها
لمياء/اكيد غصب تعيدها هههههه
سلطان /الا لو تنعاد حشيت رجولها
اميرة بعناد /ابشري ياقلبي ارقص لك احلى رقص هههه
سلطان رفع حاجبه من عنادها...
ونوره غيرت السالفه وهي تحول تهدي الجو/ابوك يقول تعالو نامو في الشلايه!؟
سلطان/ايه ارسلي من شوي العنوان على الواتس
لمياء/واغراضنا بعد في الفندق
سلطان بهدو/الخدم نقلوها كلها لشلايه..
دخلو الشلايه
اللي كان راقي في تصميمه الكلاسيكي
وممرات المياء اللي تخترقه من كل جهه وكانها نهر بئضاتها الملونه...
وقف السيارة قدام الشلايه خاص لعايلتهم
نزلت اميرة و لمياء ضمت كفوفها /واو المكان مره رايق
نورة نزلت وهي تنظر المكان بتقيم..رفعت عيونها لسلطان اللي جالس بسيارة/سلطان!!! ما بتنزل
سلطان هز راسه بلا/ادخلو انتي شوي وادخل
اميرة رفعت عيونها له وهي تلاحظ شحوب ملامحه..عقد حواجبها بستغراب "وش ممكن يكون مضايقه!!...وانا وش دخلني "صدت عنه في اللحظه اللي رفع عيونه لها وهو يشوفها تمشي مقفيه..تنهد
بضيق واسند راسه على الدركسون..
-

دخلت غرفتها وهي مبهوره من تصميمها ومن اوجه كلها من زجاج مطله على البحر فتحت الباب البرنده الارضيه ..مع جلسه خشبيه..
فيه درج صغير مع باب بنفس اطار السور ينزل لارض ..
رجعت لداخل بسرعه
وبدلت ملابسها ب بنطول مريح مع بلازمه وكيمون زيتي طويل..ولفت الحجاب على راسها..
وطلعت من البرنده وهي تتنفس بعمق وريحت البحر تنعش..
توجهت للجسر الخشبي طويل اللي نهايته داخل البحر..
جلست في نهاية الجسر وهي دلي رجولها اللي يوصل لها موج البحر اذ ارتطم باعمدت الجسم..
والقمر في اكتماله منعكس على البحر..المكان بحد ذاته يبعث على الراحه خصوصاً مع الهدوء...
رفعت رجولها لتستند براسها عليها..مع الصمت والهدوء اخذتها الافكار لكلام نوف..وسؤال الاصعب لو ما كان سلطان في حياتي!؟ كيف بكون حالي لو كان مصير مثل كل طفلة تفـقـد اهلها ويكون مصيرها دار الايتام او ب الاصح دار الحرمان من الحنان والحـب والعاطفه والاهـل والاخوان!؟
هزت راسها بلا متقدر تتخيل حياتها بدون امها نورة وابوها عبدالعزيز وعزام وزوجته هاجر الهنوف وذيب ولمياء ومشعل و و و ســلـطان..
غمضت عيونها وهي تتخيل لو ان حياتها من البداية استمرت وامها وابوها عايشين وخصوصاً ضمن بيئة بيتهم اللي كانت فاسده كيف بتكون شخصيتي واخلاقي والاهم من هذا كله ديني!!
نزلت دمعه متمرده ..لمى الدموع!!
هل بسبب ذكريات الماضي التي عصفت برواحها وكانت
سبب لشقائها ..
ام وحشه وفراغ سكن قلبها..هل يرجع الماضي ويكرر نفسها!؟ ام استرجع الحاضر وارسم دربه..بدون تلك الخطوط السوداويه..••••
فتحت عيونها بعد ان كسر الصمت بتلك الخطوات القادمه من الخلفه..
حست فيه يوقف خلفها تماماً تميزه بصوت خطواته وايحة عطرة
طال الصمت..لتلفت له بهدو وترفع عيونها له لتلتقي بعيونه ذات البريق الخاص
جاءها صوته الهادي/ليش طلعتي الجو وانتي تبردين بسرعه..
صدت بعيونها عنه لترتكز على صورة القمر المنعكسه على البحر..
وصلت لمسامعها صوت تنهيدته/طال غيابك ما حنيتي!!متقبلتي اعتذاري وغفرتي زلتي وجنوني بك
رجعت ترفع عيونها له..
سلطان تقدم وتكى على السور/تخرجت من الثانوي وانا كل همي في الحياة هو دراستي وحلمي باني اكون طبيب..حياة هاديه جداً..وكانت اكبر همومي اما دراسه واختبارات وكيف ان ابوي يحقق طلباتي لا كان بيوم تخرجي اللي كنت انتظره من سنين انقلبت حياتي فوق تحت بسبب الطلب الاول من ابوي وكانت اني اتزوج بنت صديقه...من يكون صديقه هذا او كم عمر بنته ما كنت مهتم كل همي اني البي طلب ابوي اللي كان واضح عليها انه واثق فيني..رحت لابوها وتزوجتها وبعد ما تم الزواج صار همي انها تكون مزيونه وجميله..لاكان الصدمه ان الزوجه ما كانت الا طفله مزعجه بصراخها وخوفها غير طبيعي..وقتها تمنيت اني رفضت طلب ابوي..اخذنها للبيت وقلبته لنا فوق تحت
من بيت هادي الى بيت مزعج الكل كان يحول يكسب
رضها ويعودها عليها..لاكان مافيه فايده..
عكرة علي نومي كل صباح اصحى على صوت بكائه العالي والحاد..
قررت اعرف سبب حالتها اللي كانت مسببه لي الازعاج..
ركبت سيارتي ورحت للمستشفى اللي متنوم فيه ابوها..
سالته عن سبب حالتها الانه ما كانت مقتنع
ان خوفها الجنوني بسبب حادث سيارة..
بس ماقدرت اخذ منه لا حق ولا باطل هي
كلامه وحده اللي صارت مثل الحلق في اذني
اميرتك امانتك
نسب بنته لي
وفعلاً من يومها صارت هي اميرتي
وصرت انا سلطانها اللي قدرت تحس ب الامان معه..
ابتسم وهو يرفع عيونه لها/من يومها بس تغيرت حياتي صارت هي اكبر همومي وهدفي كيف احميها واسعدها كان لها الفضل في تغير سلطان
و وجود سبب لبتسمته كل ما شافها..
وصرت اغار عليها بجنون بعد محسيت ان فيه
شخص غيري قدر يخليها تضحك الاهو منصور
اللي كان بيوم اعز اصدقائي ..
جن حنوني وانا اشوفه يظفر شعرها..
من يومها اجبرتها على الحجاب وحتى سوالفها
مع ذيب ومشعل كانت تقهرني بس كان مهونها
انهم ما يعتبرونها الا مثل لمياء وهي نفس الشي
هه حتى يوم تزوجة قررت اخذها معي وتعيش معي في لندن وتكمل درستها هناك
بس ابوي كان لي بمرصاد ورفض..
كان صعب علي حيل فراقها واتعبني..
حتى كنت اعمل مها بنفس طريقتي اللي اعمل فيها
اميرتي كانت تعصب وتظن اني استصغرها وانتقصها..
ما قدرت تسد فراغ اميرتي..
وبيوم وحد بس انقلب كل شي
فيه انصدمت صدمه هزتني هدمت كل حصوني..
فيها عرفت ماضي اميرتي وجن جنوني وانا اتخيل
حياتها قبلي كيف كانت..وفي نفس اليوم ولدة مها ماتت
تاركه لي اكبر مسؤوليه وهو نواف..
""رفع عيونه لفوق هو يتامل القمر/حولت انزع اسمها من حياتي حولت اكرهه واتجهل وجودها واقنع نفسي اني قدرت اعيش بدون مها واقر اكمل واعيش بدون اميرة..
لاكان ماقدرت كان نزعها من حياتي صعب ما اقدر انام
الا قبل ما تخذني الافكار لها...
بذلت كل جهدي الاجل تكرهني
سوا بنظراتي او تجاهلي او كلامي او افعالي لها..
وفي كل مره كانت هي
الاقوه وهي اللي تهزني بنظرتها الذباحه
او كلامها اللي ما كان الاسهم بقلبي..
اعلانة استسلامي لها ورجع لعالمها
رغم كل الافكار الشيطانيه اللي ابعدتني عنها..
بلحظه اكتشفت اني ضيعت 3 سنوات من عمري..
بظلمي لها...
في وقتها انكشف السود اللي لفني في ثلاث سنوات وكان بمثابت السجن لي..
تنهد..وبزول السواد ..
انقلب الحال في فتره بسبطه وصارت هي اللي تعاقبني بفاعلي فيها..
اعتذرت لها اكثر من مره..
وتوسطة ب اهلي بس وقفو في وجهي..
ثلاث شهور ردت فيها دين ثلاث سنوات..لا بالله كانت عندي دهر مو ثلاث شهور ..
وقفت وهي ترتجف خلاص يكفي اللي قاله"وقف لا تكمل..
وقف سلطان قدامها وابتسم بحزن/متى يصدر عفوك!!اطوي معي صفحة الثلاث سنين ولا تفكرين في بكر خلينا نعيش اليوم انشهد انك خذيتي حقك وازود..مشتااق ايه بالله مشتاق لاميرتي اللي بجنوني حرمت نفسي منها..

صدت عنه ومشت وهي تعطيه ظهرها..
عض شفايفه بقهر وغيض..غمض عيونه حبس دمعه تحول تتمرد على رجولتيه......
وفــجـاءه
°
°
°اميرة
لتفت له بنظراتها
ولتستدير له بسرعه..لتحتضنه بدون مقدمات
بقوة..
ترجع بصدمه للخلف حتى استند على سور الجسر..
افق من صدمته من صوت بكاها العالي
س استوعب وابتسم بشوق وهو يلف يده حول خصرها النحيف..ويرفعها لمستوه..بشوق للحضن اللي افتقد فتره طويله..
طال الصمت الذي في طياته تترجم الكلمات..
سلطان/اششش يكفي بكي..من اليوم ندفن الدموع
اميرة بصوت باكي/اوعدني ما تكون انت في يوم سبب دموعي..حزتها والله ما اسمحك مره ثانيه
سلطان مسح دموعها/ يعني سامحتيني!؟
اميرة صدت عنه وهي تمسح دموعها
غمضت عيونها"اكتفيت مكابر انا ما كنت ولا صارت الا بفضل ربي وهو هذا هو اعتذر وبرر..ماكنت بيوم متصوره ان قدري بقلبه عالي الى هذا الحد..°هــي حـقـيق هــو حــظــي وانــا كانت لها الـقـــدر°
سحبها بقوه لحضنه
وبصوت مبحوح/للشوق جمر يشبّني
من مات وصلك والغرام !
وإن تبت قلّي خبّني
خجلان من كثر الملام
هاتي حبك هو اللي ارتجي

اميرة ابتعدت عنه بخجل
سلطان وهو يتنهد/يشهد الله اني في حبك مبتلي
اميرة ضحكت/الله يزيد بلوك اجل ههههه
-
-
بعد مرور عامين
الساعه 11:00 م
في قصر العم يوسف في السعوديه..
وتحديداً دخل الصاله الواسعه ...
وفوق الكوشه واقف بشموخ وهيبه ببشته الاسود..ومسك كفها بيده ويدخل الخاتم بصبعها الصغيره بنعومه..
رفع عيونه لها بعد ما استقر الخاتم في اصبعها..رفع كفها وباسها
مشعل/مبروك عليك انا
العنود بخجل/الله يبرك فيك
الهنوف بصوت عالي/كللووووووووش الف الصلاة وسلام عليك ياحبيب الله محمد

وقف بعبايتها وسلامته عليهم/الف مبروك.."رفعت جوالها/يالله ابتسمو لصورة
مشعل سحب جوالها/لااا ما احلل
اميرة سحبت جوالها/اقول ارتاح ولا افضحك
مشعل/اميرة ما ابي اكفخك قدام خلق الله وانتي قدك ام
اميرة تخصرت/لا والله بعد ما حققت لك اللي تبيه يا المصلحجي تر بفسخ خطوبتكم
مشعل بهمس/يالليل لا تقعدين تمنين علينا ياخي عشانك حققتي لي اللي ابيه لك مني اسمي بنتي باسمك ها وش رايك يا العنود
العنود بخجل/في ايش!؟
مشعل/اول بنت لنا بنسمها اميرة
اميرة ظربته على كتفه/ايه سلك لي والله ان انشب لك اذ ما سميتها باسمي هذاني قلت لك
مشعل /خهههههههههع
..
لمياء تنادي اميرة/اميرة تعالي
اميرة نزلت لها/هلا
لمياء بتعب/سلطان يدق عليك ماتردين!!؟يقول اطلعي
اميرة تشوف 3 مكلامات لم يرد عليها/يوم نسيته على الصامت...الا انتي وش فيك
لمياء بتعب/انهد حيلي من الرقص..
اميرة بحده/انتي مجنونه حامل وترقصين!؟
لمياء/ياختي افقد السيطره على نفسي اذ سمعة الدق لا ايرادي جسمي يهتز هههه
اميرة/ليت من يعلم بدر يهجدك محد يقدر فيك الا هو
لمياء/اقول اطلعي زوجك ولا يكثر....
اميرة /يالله..
لبست عبايتها وطلعت ..
صدفة عند الباب نواف اللي يركض..
نواف وهي يتنفس بسرعه/ماما وينك تاخرتي بابا معصب من نورة
اميرة مسكت يد نواف/الله يعينن على ابوك ونورة
طلعو لسيارة
وكان سلطان متكي على السيارة و يسوالف مع ذيب..
حطت يدها على صدرها وهي تشوف
بنتها نورة واقفه تبكي و عبدالعزيز ولد ذيب ماسك شعرها..
ركضت بسرعه وشلة بنتها وهي تحظنها..
لتفتت سلطان وذيب/البنت تبكي عندكم وانتم تسوالفون!؟
ذيب رفع ولده وهو يضحك/اولد عم ويتمزحون وش له نتدخل بينهم
سلطان/وهو صادق
اميرة /شف شف وانت تعزز لها هذا"تاشر على ذيب"ولده غول ما كان عمره سنه ونص
ذيب/قولي ماشاء الله على الشيخ عبدالعزيز
اميرة ترفع اصبها وهي تكلم عبدالعزيز/والله ان تجيني تخطب بنتي والله انه معصي ما تعرس بها وانت تكفخها..
سلطان وذيب/هههههههههههههههههههههههههههخ

ركبت السيارة وهي مبتسمه من ضحكهم..
ركب سلطان/وراك عصبتي على الشيخ عزوز يحب بنتك
اميرة اعطته نورة اللي تبكي/يحبها يكفخها!؟
سلطان خذه نورة وجلسها بحضنها وهو يضحك/هههههههه ومن الحب ما قتل
اميرة /قال قتال قال..
لتفت تنادي نواف اللي واقف عند المدخل القصر/نواف بسرعه تعال اركب بنمشي..
نواف ركض بسرعه وركب ورا/انتظرو عمتي لمياء بتركب معنا نوصلها لبيتها
وفعلاً طلعت لمياء وركبت معهم ورا..
لمياء بتعب/اه يا ظهري..
سلطان يحرك السيارة/وين بدر عنك ليش ما اخذك!؟
لمياء/يقول عنده شغل ما بيمرني الا على الساعه 2 وانا حدي تعبانه وابي انام
اميرة/والله من الرقص
سلطان/والله انك خبلة كرشتك سبقتك وترقصين
اميرة/بالله علم بدر عليها
لمياء/لاااا واللي يرحم ولديكم مو ناقصه..كل ما قال ارقصي اتعذر ب الحمل..والله لو يدري اني ارقص ان يكفخني صدق سلطان واميرة/هههههههههههههههه
سلطان قطع ضحكته /اششش قصرو الصوتكم
نواف بهمس/ليه!؟
سلطان ضحك بشويش وهو ياشر على نورة اللي نامت بحضنه
لمياء/يا حبيبتي هي نامت بسرعه
سلطان/ههههه مثل بعض الناس اول مالعبت بشعرها تخدرت ونامت
اميرة/هههههههه
لمياء/ههههه والي الحين بعد
سلطان/الي يومك هذا مبلشتني
اميرة قربت من سلطان وبهمس /بس عاد تراها بتنشب له وتمسكها علي انا وبنتي
لمياء قدمت بين المقعدين وابعدتهم عن بعض..وبفضول/في خاطري سؤال اموت وعرف اجابته ممكن ترضون فضولي!؟
سلطان واميرة ناظرو بعض/تفضلي !؟
لمياء بجديه/يوم شفت اميرة تهمس لك تذكرة شغله مهم ..
سلطان بستغراب من جديتها/اللي هي!؟
لمياء/اكثر من موقف شفتك تهمس لاميرة واذ همست لها تتغير ملامحها..مثل قبل سنتين يوم تعبت اميرة في الطيارة انت همست لها وعلى طول استرخت وهدت وموقف مامثل يوم كانت اميرة تولد وصوت صراخه واصل لاخر المستشفى
حولت اكثر من مره اهديها وانت جيت وبكل
بساطه همست لها وبهدها هدات وقل صراخها..وش تهمس لها به!؟؟؟؟
سلطان ارمش اكثر من مره وبتردد/اممم احم اقول لها اا
اميرة رفعت كفها بسرعه
وغطت فيه فم سلطان/اششش لا تقول لها
لمياء تبعد يد اميرة/ليه !!؟
اميرة وهي ترمش اكثر من مره وبدلع/هذا سررر بيننا
سلطان/هههههههه سر!!؟
اميرة هزت راسها بعفويه/ايه وشي خاص لذالك خلنا نحتفظ فيه لنفسنا..
سلطان مسك كفها وباسها بهدو/مثل ما تبين بيكون سر يا اجمل اسراري
------
بــوح سـلـطانـي
طفلتي من تربعت على عرش قلبي .. :
ليت بالامكان ان اضمك بين جفوني واخفيك عن الجميع ..
ليت بالامكان ان اراء كتيب حياتك واريح قلبي ..
ليت بالامكان ان تعودي طفلتي التي العبها بالامس بين احظاني ..
ليت بالامكان ان تعودي طفلتي البريئة التي كنت استميلها بلوح من الشوكلا ..
طفلتي من كانت عين لي لقد فقدت عيناي فلا تقسي علي ..

طفلتي عشقتك من نعومه اظافرك وسوف اعشقك حتى ابيضاض شعرك الخمري وسوف تكوني لي لوحدي..
-------
حـين ‏تُـخبر الله انـك رضـيت بقـدره، كن واثقـاً انه سيـرضيك بسعِـاده اكبـر ذات يَـَوم...
رواية بين امسي والقدر خانها الحظ وغدر..

تمـــــــــــــت بـــــحـمــد الله

الــــــــــنـــــــــــــــــــــــــــــــــــــ ـــــــــــــــــــــــهـــــــــايـــــــــــــــ ـة