رواية بين أسوار الشيخ الفصل الثامن والعشرون 28 - بقلم Esraa hussein

#بقلمesraa1289
#بين اسوار الشيخ

-----------

نور: كعدت متاخره لان البارحه عرس زهراء نمت متاخره غسلت وبدلت فتحت موبايلي لان جان مخلص شحن شفت رسائل من سيف اقره بيهن وابتسم لان مبين خايف عليه.....

💌 صباح الخير مريتي.
💌 وينج نوره.
💌 نور بيج شيء.
💌 ردي خوفتيني عليج.

صاحتني رنا عفت الموبايل ونزلت تريكت ورتبت البيت ويا البنات وسوينا غدا رحت اغسل بالمغاسل لان تعبت كلش غسلت درت وجهي طخيت بصدر سيف.....
يمممه.

سيف: ههه شبيج شفتي جني.

نور: خوفتني والله.

سيف: مو اراسلج ليش ماتردين.

نور: موبايلي جان طافي والله وبعدين ليش تكول مريتي حتى بعدنا ماعاقدين.

سيف: مابقى شيء وتصيرين بحضني.

نور: يالله وخر اريد اروح سيف شسوي.
بدا يتقرب مني وصاحت رنا عليه هو وخر وكام يستغفر ضحكت.

سيف: ضحكي خل تصير الخطوبه واني اعلمج والله.

نور: انشوف.
دخلت جوه صبينا غدا وغسلنا مواعين....

-----------

رنا: ورا الغدا رحت بدلت ونمت كعدت العصر نزلت جوه للمطبخ اندك الجرس رحت فتحته خمس نسوان تقريبا بس ماعرفتهن منو هنه.
اهلا خاله تفضلوا.

..: هلا حبيبتي ماما موجوده.

رنا: اي موجوده تفضلوا.
دخلوا للاستقبال وصحت امي قدمت الهم الضيافه وطلعت.....

----------

زهراء: صعدت للغرفه لان ميته تعب عزلت الملابس والهوسه الموجوده ونزلت ردت اشتغل ويا البنات خاله ماقبلت اشتغل بقيت كاعده يمهن صبينا غدا اكلت قليل لان مامشتهيه.....

ام عمر: خاله حبيبتي اكلي لا تستحين.

زهراء: خاله مامشتهيه.

ام عمر: بكيفج حبيبتي.

زهراء: كملت وصعدت فوك سبحت وتمددت على السرير صارت ب3 وعمر لحد هسه مارجع كمت اخابره دخل هو..
شو اتاخرت.

عمر: هسه يالله راحوا واجيت.

زهراء: احضرلك الحمام.

عمر: اي ياريت.

زهراء: اي هسه تدلل متغدي.

عمر: اي.

زهراء: سبح واجا تمدد على السرير بصفي.......

عمر: ليش مبينه خايفه مني حبي.

زهراء: لا ما خايفه.

عمر: تعالي بحضني خل نام.

زهراء:...........

————————————

...: ام عمر احنا اجينه عليكم نريد منكم طلب وانشالله ماتردونا.

ام عمر: انشالله اذا نكدر علي.

...: اجينا نطلب ايد بتكم رنا لابني محمد.

ام عمر: رنا.

...: اي رنا شفناها بفاتحه جدكم الله يرحمه.

ام عمر: الله يرحمه.

...: وعجبتنه ونريدها جنه النا.

ام عمر: انشالله يصير خير راح اشاور ابوها واخوانها ونردلكم خبر.

...: انشالله يالله عيني نستأذن.

ام عمر: وين بعد وكت.

...: لا تاخرنا وابني دك عليه هسه يالله مع السلامه.

ام عمر: الله وياج عيني.

———————————

رزان: العصر كاعده ويا البنات ودخلت ام عمر بعد ماراحوا الخطار.......

رشا: راحوا.

ام عمر: اي راحوا.

رنا: منو ماعرفتيهم.

ام عمر: لا والله ماعرفتهم عمر نزل.

رنا: لا بعده فوك يم العشق.

ام عمر: كومي رشا صيحي خل يروح لديوان بس ابوج هناك واجوا خطار.

رشا: اي حاضر.

ام عمر: ورنا تعاي يمي اريد احجي وياج.

رنا: خير يمه.

ام عمر: تعالي وتعرفين.

رنا: هاي اجيت يالله.

نور: اكو شيء مو زين خاله.

ام عمر: لا ماكو بس شوفي رنا انتي كبرتي وكمتي تعرفين كلشي مو صح.

رنا: اي بس ليش.

ام عمر: اليوم اچوج خطابه الج والولد زين واخلاقه زينه اني راح اكول لابوج وعمر ونشوف اذا انتي ماقبلتي مو مشكله عادي اني ماراح اخلي احد ياغصبج ماشي.

رنا: ماشي.

نور: الف مبروك حبي.

رزان: الف مبروك رنو.

رشا: عليمن مبروك ها.

رزان: انخطبت.

رشا: صدك (بصدمه) وشوكت.

نور: تعالن نصعد فوك ونحجي.

رزان: صعدنا وبقينا يم رنا بعدين طلعت زهراء وحجينا الها كلشي الصار دك عليه رعد طلعت من البنات ورفعت علي الخط.
هلو كلبي.

رعد: هلوات عشقي شلونج.

رزان: الحمدلله وانته.

رعد: دوم ماطول انتي بخير اني بخير تعالي نزلي اريدج.

رزان: هسه.

رعد: اي هسه ونروح نفتر يالله بسرعه.

رزان: هسه ابدل واجيك.

رعد: اجي اساعدج حبي.

رزان: ررررعد.

رعد: ههههههه اشاقه وياج حبي.

رزان: يالله باي حبيبي.

رعد: الله وياج.

رزان: رحت بدلت ونزلت لكيته واكف بالباب رحنه افترينه وتعشينا بمطعم ورجعنا حضرت غراضي علمود  نرجع باجر وسمعت عيطه كلش قويه نزلت اركض اشوف شنو..............................

———————————

زهراء: دخلت بحضنه حيل نبضات كلبه كلش قويه واني كمت احس بالإمان بوجوده وشعور غريب بقينا على هل الوضعيه اكثر من عشر دقايق هو وخرني ورفع راسي بقينا صافنين بوجه بعض تقرب وباسني بشفتي رفع راسه وهمس بإذني........

عمر: احبچ.

زهراء:..............(لا رد)

عمر: راح انتظرج تكولين هاي الكلمه.

زهراء: من كملنا الشغله نمنا كعدنا العصر على دكه باب هو بدل وطلع شافها رشا حجا وياها وراحت دخل سبح واني حضرتله ملابسه بدل وباسني براسي وطلع اني سبحت ورحت يم البنات عرفت بخطوبه رنا فرحتلها كلش بس هي مبينه مو فرحانه وما حجت شيء ورا العشا اجا عمي وعمر والولد وياهم علي هم عمر اجا كعد يمي......

عمر: شلونج حب.

زهراء: زينه وانته.

عمر: بشوفتج صرت زين.

زهراء: دوم انشالله.

عمر: شبيها امي جن بحلكها حجي.

زهراء: اي هو هيج.

عمر: شكو شصاير كلبي

زهراء: هسه تعرف.

عمر: الله يستر.

زهراء: ههههه لا شغله حلوه كلش.

عمر: فديت الضحكه وصاحبتها تخص منو الشغله.

زهراء: رنا.

عمر: رنا!!!!!!!!

زهراء: اي.
خالتي حجت كلشي الهم ما نحس علي كام وصاح...........................

علي: اني مموافق على هذا الزواج(بصياح)

عمر: ليش منو انته حتى ما توافق علي(بصياح)

علي: شنو هو اني منو (بصياح)

عمر: لا تصيح احترم الموجودين على الاقل(صياح)

ابو عمر: اهدوا صلوا على محمد.

عمر وعلي: الله مصلي على محمد وال محمد.

ابو عمر: ليش بويه مموافق على الزواج.

علي: اريدها الي.

ابو عمر: تريدها زوجه الك مو.

علي: اي اكيد.

ابو عمر: هاهيه ام عمر خابري الجماعه وكليلهم موافقين.

ام عمر: تدلل.

عمر: زهراء لحكيني للغرفه.

زهراء: اي هسه........

———————————

رنا: بعد ماامي حاجتني على موضوع الخطوبه ماادري اصار بيه بسرعه اجا بالي علي من راح يعرف الموضوع شنو رد فعله بقن البنات يمي وطلعت بقيت بالغرفه لحد ما اجا بابا عرفته راح يحجي عن هذا الموضوع اجا كعد يمي اني نزلن دموعي بسرعه هو حضني...............

ابو عمر: ليش تبجين ياروحي.

رنا: مااريد اتزوج.

ابو عمر: ليش بويه وين نلكه احسن منه.

رنا: بس اني مااريد اتزوج.

ابو عمر: بويه انتي كبرتي وبعدين قسمه زينه اني لو مااعرفه مااطيتج اله.

رنا: يعني كلتلهم موافق.

ابو عمر: اي.

رنا: اني حتى مااعرفه وانته وافقت بسرعه.

ابو عمر: ليش انتي ماتعرفين علي......................

رنا: علي.

ابو عمر: اي علي ابن عم زهوره.

رنا: بابا انته شنو تحجي.

ابو عمر: شوفي اني راح اخليج وطلع وانتي فكري اني بالنسبه اليه موافق واطيت الموافقه للرجال.

رنا: طلع بابا واني بقيت بحاله صدمه علي شوكت خطبني وشنو القصه صحت زهراء وحجت اليه كلشي يالله فتهمت كعدت يمي شويه واجا عمر............................

عمر: يالله تعالي نام.

رنا: عمر حباب عوفها اليوم تنام يمي فدوه.

عمر: دروحي بابا يالله زهراء تعالي وراي.

رنا: عمر فدوه زهراء روحي احجي ويا.

زهراء: هسه راجعتلج......................

——————————

زهراء: ورا ماتعارك عمر هدا الجو شويه عمر طلع بعصبيه كعدت يم خاله..................

ام عمر: مدري وين راح عمر.

زهراء: هسه يرجع خاله لا تخافين.

ام عمر: الله يسمع منج.

زهراء: كعدت اسولف وياها اجت رنا بقيت يمها لمن اجا عمر رنا رادت ابقا يمها................
عمر خل ابات يمها خطيه والله.

عمر: صالنا شكد متزوجين.

زهراء: البارحه.

عمر: يعني الناس شتكول مصالها يوم وتنام برا غرفتها.

زهراء: خطيه تبقى وحيده.

عمر: مابيها شيء وصيحي رشا خل تبقى يمها يالله.

زهراء: ماشي....
رحت لرنا وحجيت وياها بعدين رجعت لعمر متمدد على السرير ويلعب بموبايله...................
وين رحت قبل شويه.

عمر: افتريت بالسياره.

زهراء: ليش مبين ضايج.

عمر: بعد ممنوع تطلعين كدام اي احد.

زهراء: شلون يعني.

عمر: اي ولد وخاصه علي لو سامع شايفج ماتلومين نفسج والله.

زهراء: هو راح يتزوج بعد شعليه بي.

عمر: ميخالف.

زهراء: راح ابدل واجيك.

عمر: كون يعجبني.

زهراء: عمررر.

عمر: هههههه بسرعه يالله.

———————————

نور: ثاني يوم رجعنا لبغداد علاقتي اني وسيف قوت كالوا خطوبتنا بعد 3 اسابيع ويا علي ورنا بديت احضر للخطوبه ورزان وياي لعرسها مابقى عندي شيء وبعد يومين الخطوبه مالتي..........................

———————————

زهراء: بعد ماراحوا اهلي حسيت بالوحده صعدت فوك لغرفه عمر جان طالع بقيت ابجي كمت غسلت رتبت الغرفه ونزلت يم خالتي مشت ايامي ويا عمر ويوميه اكتشف شيء جديد منه كمت اعشقه وراسي الدوخه ما راحت مني والشهريه مااجتني واتقي..............

ام عمر: شبيج خاله يوجعج شيء.

زهراء: ماادري خاله.

ام عمر: خل نروح دكتوره نشوف شبيج.

زهراء: لا خاله مابيه شيء بس احس دوخه براسي واتقى.

ام عمر: بس لا خاله اذا طلع الشيء البالي.

زهراء: شنو خاله.

ام عمر: كومي البسي خل نروح لدكتوره.

زهراء: خاله والله ماب..........(مقاطعه)

ام عمر: معليج روحي بدلي وكلي لعمر هم.

زهراء: هسه خاله.
رحت خابرت عمر كوه قبل وضل يسال كلتله خاله تريدني اروح وياها يالله قبل بدلت ورحت من دخلنا للدكتوره رادت تحاليل سوينا ورجعنا الها فحصتني من كملنا ابتسمت..............

الدكتوره: مبروك حامل وصحه الجنين زينه كلش.

ام عمر: الحمدلله يارب الف مبروك ياروحي.

زهراء: الله يبارك بيج.

ام عمر: وشكد عمر الطفل.

الدكتوره: بعده ماصاير اسبوعين.

ام عمر: الحمدلله يا يمه خل نروح.

زهراء: خاله عمر يدك.

ام عمر: انتظري خل نوكف بمكان ورفعي.

زهراء: ها عمر.

عمر: ليش ماترفعين الخط(بعصبيه)

زهراء: جنت يم الدكتوره.

عمر: راح اجي اخذجن وين انتن.

زهراء: يم++++++++++
بقينا ننتظر عمر من اجا صعدنا ويا.........

عمر: شكو شصاير.

ام عمر: انتظر خل نرتاح ونحجي.

عمر: يالله هسه ارتاحيتن.

ام عمر: رحنا للدكتوره احس عندي وجع ماكو شيء كالت مجرد التهابات واخذت زهراء حتى تتونس صالها هواي ماطالعه هاي كل القصه.

عمر: يعني ماكو شيء ثاني.

ام عمر: اي ماكو.

زهراء: رجعنا للبيت وعمر طلع اني حضرت الغرفه ونزلت سويت عشه رنا ورشا غسلن مواعين صعدت فوك لبست سيت نوم لون بنفسجي فاتح وخليت مكياج خفيف وشعري رفعته كعكه وبقيت انتظره ل11 دخل بقا متفاجاه.........
شلونك حبيبي.

عمر: شبيج حبي.

زهراء: شبيه مثلا(بدلع)
شبيك كمت تستغفر وعركت هم.

عمر: اريد اسبح.

زهراء: هسه احضرلك الحمام..
رحت حضرت الحمام اله من طلع بدل واجا كعد يمي..........
حبيبي عندي الك مفاجأه.

عمر: شنيه هي.

زهراء: لا مو مفاجأه وحده اثنين.

عمر: الاولى شنيه.

زهراء: تقربت منه وهمست...........
احبك........
هو بقا صافن بوجهي راد يتقرب ابتعدت عنه...

عمر: خرررررب.

زهراء: المفاجاه الثانيه راح تعجبك اكثر من هاي وتفرح فرح مو طبيعي تريد تعرف.

عمر: اي اكيد.

زهراء: جبت ايده وخليتها على بطني وكلتله........
اني حامل.......
هههههههه شبيك مصدوم.

عمر: تحجين صدك

زهراء: اي والله.

عمر: زهراء اذا جذب احجي من هسه.

زهراء: والله ما اجذب وهسه اجيبلك التحاليل.

عمر: لج تعاي....
والله ممصدك راح يصير شيء يربطني بيج.

زهراء: حتى اني.

عمر: تدرين اليوم احلى يوم بحياتي.

زهراء: بوجودي اكيد مو.

عمر: اكيد.

زهراء: عشت احلى ليله ويا عمر حتى احلى من ليله زواجي مشت احلى ايام ويا عمر راحوا عيالي لبغداد علمود الخطوبه اني وعمر بقينا ماقبل اروح لان طريق وكذا..........................

———————————

رنا: وصلنا لبغداد بقينا بيت اهل زهراء امها وابوها طايرين من الفرح لان حامل رتبنا غراضنا بغرفه زهراء مشا اليوم عادي بين الضحك والسوالف نمت متاخره افكر باجر كعدت من وكت على الموبايل مالتي غسلت وصليت دعيت ربي علمود يسهلي طريقي نزلت اكلت لكمه حتى افتح ريجي ورحنا للصالون لبست فستان كلش ضيق وصدري شويه طالع منه من رجعنا كعدت على المكان المخصص الي ورا ساعتين كالوا اجوا اني كلش خفت......................

————————————

نور: اليوم احلى يوم بحياتي خطوبتي على حبيبي وداني انور لبست فستان كلش حلو من رجعنا انور اخذ البنات واني اخذني سيف........
شعجب اجيت.

سيف: اريد اشوف ملاكي اليوم شطالع.

نور: اكيد كيكه طالعه.

سيف: ههههه فديت الثقه اني.

نور: وين رايحين.

سيف: نجيب هديتج.

نور: واللله!!!!!!! شنو هي امانه سيف.

سيف: هي مفاجأه ميصير تنكول.

نور: سيف.

سيف: نور.........................

————————————

رزان: من رجعت من الصالون صعدت للغرفه حتى ابدل لكيت رعد موجود جو..........
ليش كاعد هنا.

رعد: اريد اشوفج شنو تلبسين.

رزان: هذا المعلك.

رعد: مو الون طوخ وهو ضيك.

رزان: كلشي مابي حبي وبعدين هي بس نسوان.........................................

———————————

اسفه على التاخير كلش اسفه لان جنت مريضه مو عبالكم كورونا وهسه كوه كتبت.........
وشكرا لكل السال عني وعن التعليقات الحلوه........
في امان الله.....💜