بين أسوار الشيخ الفصل الثاني وثلاثون 32 - بقلم Esraa1289 #بين أسوار الشيخ

#بقلمesraa1289
#بين اسوار الشيخ

-----------

نور: بعد مارجعنا صعدت بدلت ونزلت اله.....
محتاج شيء حياتي.

سيف: محتاجج انتي

نور: ههههههههه لا صدك.

سيف: اريد فراش انام علي.

نور: هسه اجيبلك واجي......
رحت جبتله واجت فرشت اله وهو يباوع بالموبايل اصلا ما مهتملي......
سيف تراسل منو.

سيف: ها.

نور: تراسل منو.

سيف: ماراسل احد.

نور: سيف اطيني الموبايل اشوف منو تراسل.

سيف: هههههه لا والله.

نور: اي والله اني زوجتك والي حق اشوف كلشي يالله انطيني.

سيف: هاج شوفي.

نور: زهراء.

سيف: اي زهراء.

نور: وشعندك وياها(بغيره)

سيف: شنو تغارين.

نور: اي اكيد اغار.....
اجا تقرب مني وحضني بقينا شويه بعدين حجه...

سيف: الله لا يحرمني منج.

نور: ولا منك اني راح انام لان اليوم كلش تعبت تصبح على خير.

سيف: وانتي من اهله.

نور:...............................

------------

زهراء: عمر كام يغسل واني كمت احضرله ملابسه من طلع كام يلبس.......

عمر: مااتحرك مره ثانيه.

زهراء: لا مااتحرك.

عمر: اني راح انزل وانتي رنا تجيبلج الريوك ماشي حبي.

زهراء: اي بس والله مليت من الغرفه.

عمر: مو مانعتج الدكتوره من الحركه.

زهراء: اي بس مو هيج حتى حفظت الغرفه حفظ.

عمر: اصبري كم شهر وتخلصين والله.

زهراء: امري لله بس جيبلي شيء وياك من ترجع.

عمر: تدللين.

زهراء: راح عمر واني بقيت بالغرفه ورا شويه اجت رنا جايبه الريوك بقت يمي......................

----------

رزان: انقبلت تربيه انكليزي بديت احضر لزواجي كلش فرحانه وزواجي مابقاله شيء كم اسبوع بدينا نحضر كلشي علمود نروح هناك امتحاناتي كلش صعبه حتى ماادري انجح لولا.
الو ها حبي.

رعد: شلونج.

رزان: زينه وانته شلونك.

رعد: الحمدلله داسوين.

رزان: جاي اشتغل حتى العصر اطلع ويا ماما حتى نكمل.

رعد: لعد اليوم مو دوام.

رزان: شبيك حبيبي اليوم مو عطله البارحه خميس اخير امتحان.

رعد: اي والله نسيت.

رزان: بقيت احجي ويا من كملت رحت قريت من كملت تغديت ورجعت اقره هم ل3 كمت بدلت ونزلت جوه ماما مكمله طلعنا لليل يالله رجعنا بقينا هاي الايام نحضر ونجهز واجا اليوم الي نروح بي كعدنا من الصبح الطريق كل عاده كلش طويل وكلش تعبت عمامي ويانا هم من وصلنا عصر حيل نزلت رعد وعمر و.........

------------

زهراء: بديت كلش امل الغرفه اريد اطلع عمر مايقبل بيوم جنت متمدده على السرير دخل عمر........
شو راجع من وكت عمري.

عمر: اجيت ابدل لان دمرت.

زهراء: اكوم احضرلك ملابس.

عمر: لا كعدي عمري اني اطلع اليه ملابس.

زهراء: براحتك.

عمر: اليوم عندي الج مفاجأه.

زهراء: والله.

عمر: والله بس يجوز العصر بليل توصل ماادري بعد.

زهراء: انشالله.
طلع عمر واني نمت كعدت على صوت ميزته وعرفته ابويه...
بابا شوكت اجيت.

أبو زهراء: ها يروح ابوج شلونج.

زهراء: بخير ليش ماخابرتني من اجيت

أبو زهراء: مفاجأة الج شلونها.

زهراء: تخبل لعد وين ماما.

ابو زهراء: امج شويه وتجي شصاير بيج صايره بطه.

زهراء: ههههه غير من ورا حفيدك.

أبو زهراء: ههههه ماعرفتي جنسه حبيبتي.

زهراء: لا بعدني مااعرف.
بقيت احجي ويا وراها اجت ماما بجيت عليها لان صالي هواي ماشايفتها واجن نسوان عمامي غيرن اليه جوه واني كلش فرحت بيهن هنا كامن علمود يرتاحن ودخل عمر.....

عمر: ها شلونها المفاجأة.

زهراء: تخبل ليش ماكلتلي حتى احضر نفسي.

عمر: انتي بدون ماتحضرين نفسج انتي كمر.

زهراء:.............(لا رد)

عمر: بعدج تستحين مني.

زهراء: اي.

عمر: اروح فدوه لليستحي اني.

زهراء: عمر كافي.

عمر: يالله سكتت شنو هاي الجنطه.

زهراء: كوم من حضني واشوفك ياها.

عمر: يالله كمت.

زهراء: هذني ملابس لكيان ماما جابتهن تعال شوفهن.
حلوات مو.

عمر: يخبلن هو شوكت يجي ترا مليت.

زهراء: مابقى شيء ياروحي ويجي.

عمر: هسه انتي بنهايه الرابع مو.

زهراء: اي بنهايه الرابع.

عمر: وشوكت ينعرف جنس الطفل.

زهراء: هل المره اروح للدكتوره انشالله نعرف.

عمر: انشالله.

-----------

رنا: من اجوا اهل زهراء الرجال راحوا للمضيف والنسوان جوه قدمت الضيافه وراها راحن لزهراء اني عزلت البيت رحت للمطبخ وشفت علي واكف باب المطبخ................

علي: شلونج.

رنا: الحمدلله.

علي: اجيت اخذ ملابسي لان تدمرت.

رنا: هسه اني اجيبلك واجي.
رحت لخالتي حتى اندل جنطته اخذت ملابس وديتها اله لزم ايدي وقربني علي......
شسوي علي لا يجي احد.

علي: احبچ.

رنا: ها.

علي: هههههه اني راح اروح وحسابج بعدين.

رنا: راح واني دخلت جوه صار العشا صبينا وغسلنا مواعين صعدت فوك يم البنات ب11 دك علي عليه..
الو.

علي: تعالي جوه بالحديقه انتضرج.

رنا: هسه.

علي: اي هسه يالله تعاي.

رنا: اوك.

رشا: شنو شيريد.

رنا: يريدني جوه.
نزلت لكيته كاعد وصافن ويلعب بالزرع.
على شنو صافن.

علي: عليج.

رنا: هههه بشنو تفكر بيه.

علي: بكلشي بيج.

رنا: هممم.

علي: رنوو تحبيني.

رنا:..................(لا رد)

علي: ليش احسج ماتحبيني.

رنا: لا مو ما احبك بس انته جنت تحب زهراء وهي حبك الاول خايفه خاف تضحك عليه.

علي: اولا زهراء صدك حبيتها بس احسه هسه اعجاب فقط وهسه مااعتبرها غير اختي والله يوفقها وهسه انتي كل حياتي شلون اعوفج وانتي الروح مالتي يامريتي.

رنا: احبك.

علي: هههههه واخيراً واني اموت عليج.

رنا: بس اريد اسالك سؤال.

علي: سألي.

رنا: عود ليش بالموبايل تصير عصبي وتغار على كلشي.

علي: انتي كلتيها اغار على كلشي بيج.

رنا: بقيت ويا شويه بعدين دخلت حتى انام...........

----------

نور: خلصت امتحاناتي بس شلعان الكلب وتحضير لزواجي كملت كلشي من رحنا وصلت كل عاده تعبانه نزلت سلمت ودخلت صعدنا لزهراء بقينا شويه يمها ونزلت نمت بملابسي كعدت على لمسه بوجهي فتحت عيني شفته سيف.........
هههه شكو من الصبح.

سيف: اجيت اشوفج بعدج تعبانه.

نور: لا احسن.

سيف: يالله كومي حتى تتريكين وتتنشطين.

نور: اي هسه.
كمت غسلت وبدلت ونزلت جوه بقيت اليوم احجي واسولف ويا زهراء لان خطيه تعبانه ماشفت سيف لان يجهز للعرس لليل ورا العشا اجا سيف رحتله ركض.........
وينك اليوم ماشفتك.

سيف: كملت الغرفه وبقيت اجهز.

نور: وحتى رعد وعلاوي.

سيف: علي يدلع بس اني حرام.

نور: ههههه لا والله مو هيج.

سيف: يالله اني راح اروح بس اجيت اخذ الغراض واروح.

نور: ماشي الله وياك حبيبي............

-----------

زهراء: ايامي كلش حلوه ويا اهلي اليوم زواج الثلاثي المرح اني كلش فرحانه لان شويه راح اغير جو لبست فستان ضيق مبين بطني طلعت كلش حلوه عمر لحد الان مااجا حتى يبدل فتحت الباب وهو دخل.....
شو اتأخرت.

عمر: جنت اشتغل تعاي وين طالعه هيج.

زهراء: وشبي حلو والله.

عمر: هسه تعاي وبعدين احجي شايفه روحج بالمرايه ها.

زهراء: مو حلوه.

عمر: شبيج كلبي راح تبجين اني قصدي طالعه تخبلين وطالعه هيج.

زهراء: والله تجذب(بدموع)

عمر: ليش هل الدموع اني كلت ماشفتي نفسج بالمرايه طالعه حلوه واني مااقبل تطلعين هيج ياكلبي.

زهراء: بس هو كيان گالي لبسي هيج(بطفوليه)

عمر: هو گال هيج.

زهراء: اي وگال ممنوع بابا مايوافق.

عمر: ههههههه جديده هاي.

زهراء: عمر والله مابيه حيل ابدل.

عمر: بس هل المره لان كياني كايلج.

زهراء: اوكي ماشي اني محضره ملابس بس اسبح وبدل.

عمر: اوكي.

زهراء: نزلت جوه العروسات بعدهن ماجايات بقيت ويا رشا اعزل اجن العرايس طالعات يخبلن......................

------------

رنا: اليوم هو يوم الحنه مالتي كعدت من الصبح خابرني علي وگال هو يوديني بدلت على السريع وطلعت اله......
صباح الخير.

علي: صباح الفل والياسمين.

رنا: ههههه اليوم مزاجك رايق.

علي: اكيد غير باجر عرسي.

رنا: بقيت ساكته ماحجيت شيء وصلت ولكيت نور ورزان قبلي بقيت انتظر حتى يجي دوري من اجا دوري لبست بدله كلش حلوه وجبيره كملت واجا علي اله اخدني...................

علي: ماكو اكبر من هل البدله.

رنا: حلوه والله وبعدين غير حنتي وهي مره بالعمر.

علي: عمي سكتنا نكدر على السانج احنه.

رنا: راح ارجعلك رنا القديمه.

علي: هسه اني شورطني وزوجت.

رنا: حجيت شيء.

علي: لا ابدا ماحاجي اي شيء.

رنا: همممممممم.
وصلت لبيت دخلت جانت العالم كلش هواي والعرايس كل وحده بمكان لان بيت جدي كلش جبير وكل وحده صار بمكان...........................

------------

رزان: بعد مارجعت من الصالون وبدلتي كلش حلوه ولونها وردي رجعت لكيت الكوشه مرتبيها كعدت عليها والحفله بديت ناس هنا وناس يم نور ورزان ب4 اجا رعد علمود يحنيني.......

رعد: لج شنو هل الجمال هذا كله اليه.

رزان: عيونك الحلوه.

رعد: تغزلي بس باجر ياهو الج.

رزان: رعد(بخجل)

رعد: هههه يالله سكتت.

رزان: حناني واخذنا صور وراح بقيت احتفل واركص وياهن صار اليل اخذني رعد لبيت عمر علمود ابدل لان ملابسي كلها هناك بدلت وبقيت سهرانه ويا البنات............................

------------

نور: بعد ماراح سيف بقيت اشتغل ويا البنات الظهر اخذنا سيف جنت اعدل بحجابي لان بسرعه بدلت وطلعت شعري طلع هو انتبه ياريته ماانتبه الطريق كله بس يرزل بيه حتى ردت ابجي من وصلت للصالون مالي اي نفس اسوي شيء لبست البدله جان صدري طالع وظهري كله طالع من كملت غطيت نفسي حتى لا يطلع مني شيء وصلت للبيت الحفله بلشت من زمان انتظرته يجي بس فعلا ما اجا گايل بنات ونسوان شلون ادخل من كملت الحفله صعدت فوك علمود ابدل بس اني فعلا اريد ابجي دخلت للغرفه وكمت ابجي حسيت اكو وراي درت وشفته سيف مسحت دموعي...............
اريد ابدل ممكن تطلع.

سيف: اجيت احني مريتي.

نور: بعد وكت حتى تجي.

سيف: هسه متردين.

نور: اي مااريد اطلع سيف اريد ابدل.

سيف: بدلي كدامي اول وتالي باجر يمي واشوف كلشي.

نور: اني راح اطلع وابدل انته ابقى هنا.

سيف: تعاي وين طالعه هيج اريد احجي وياج.

نور: اريد ابدل لان حريت.

سيف: هسه راح اطلع وارجعلج بسرعه بدلي لان باي لحظه ادخل.

نور: اي.
طلع بدلت بسرعه لا يدخل فتحت الباب شفته يخابر اخذت البدله ونزلت رجعت للبيت عمر بسرعه حتى امي استغربت من وصلت شمرت البدله بالغرفه ورحت يم البنات لان مسويات سهره كلش حلوه بقيت كاعده وياهن للصبح....................

----------

زهراء: يمه ظهري عمر وجع بي مو طبيعي.

عمر: ركصتي مو.

زهراء: لا والله اصلا مابيه حيل اكوم.

عمر: لعد شلون كام يوجعج كلبي.

زهراء: مو قبل ماتبدي الحفله عزلت البيت ويا رشا وكم بنيه هم.

عمر: شلون ياكلبي اني هنا مااخليج تشتغلين وترحين تشتغلين بيت شكبره.

زهراء: ماكو هواي بنات والبيت هوسه اشتغلت.

عمر: تعاي ارتاحي ونامي بحضنج ومعليج باحد.

زهراء: باجر هم نفس الشيء ينعاد.

عمر: باجر ما تطلعين من الغرفه تبقين كاعده هنا ومرتاحه ماشي حياتي.

زهراء: شلون عيب حياتي شيكولون مرت الشيخ موجوده وما نطلع.

عمر: لج فديت اليحجي اني تنزلين بس ممنوع تلزمين شغله وحده.

زهراء: ماشي

عمر: يالله تعالي حبي بحضني خل نام.

----------

رنا: كمت بدلت ورحت للصالون بقيت ست ساعات يمها يالله خلصت رجعني ابويه الصراحه الزفه صارت سريعه كلش اني بجيت لا حافارق اهلي علي دخل بوسامته وهيبته لابس قاط يجننن كعد يمي شويه بقى خايف عليه لان ابجي طلعنا صعدنا السياره والزفه كلش طويله ونور ورزان ويانا هم بقيت 3 ساعات نفتر واخذنا صور هم من وصلنا للفندق اني توترت كلش دخلنا للغرفه جان سويت كامل متكون من غرفتين وصاله وحمام ومطبخ...............

علي: مبروك ياروحي.

رنا: الله يبارك بيك كلبي.

علي: مصليه.

رنا: لا.

علي: يالله كومي صلي ونتعشى ونام.

رنا: اوكي بس تعال افتح سحاب البدله.

علي: تعاي.

رنا: فتحلي السحاب ورحت للحمام لبست لبس نوم شويه مستور وفوكا روب طلعت بقى صافن عليه دار وجهه لبست لبس الصلاه صلينا وتعشينا.....................

------------

نور: كعدت الصبح نزلت جوه حتى اتريك واروح الصالون جاي اتريك بالمطبخ ودخل سيف ابتسملي اني درت وجهي عنه من كملت رحت اغسل بالمغاسل وهو وراي...........
وخر سيف.

سيف: ليش شردتي البارحه مني.

نور: زعلانه منك.

سيف: وشلون اراضيج هسه.

نور: ماارضى بسهوله.

سيف: ارضيج بليل مو هسه انتظري موعدنا بليل.

نور: يامنحررررف.

سيف: هههه باي حياتي.

نور: هو راح واني بدلت وهو وصلني سويت مكياج ناعم بس بنفس الوقت فخم كلش بدلتي لونها اوف وايت وتسريحه ناعمه من رجعت كعدت على الكوشه ورا ساعه تقريبا صارت الزفه بجيت من طلعنا ما خوفني غير صوت الطلق بقيت مجلبه بيد سيف اخذنا صور وافترينا جانت الزفه كلش حلوه من وصلنا للفندق(صاحبه القصه ذكرت ممنوع ذكر هذا المقطع).................

------------

رزان: زواجي جان كلش حلوه شنو جنت اتمنى رعد حققه اليه بدلتي كلش حلوه وضخمه الفندق من ما اتخيله ابالي من كعدت ثاني يوم الصبح شفت نفسي بحضن رعد بسته بخده وكمت على كيف لا يكعد سبحت ولبست فستان طويل كلش حلو لون ابيض وبي ورد احمر جاي اخلي مكياج وكعد رعد...........
صباحوو.

رعد: صباح الانوار شلونج.

رزان: زينه.

رعد: تتوجعين شيء.

رزان: لا احسن من البارحه بليل.

رعد: اني راح اسبح انتي بس حضري ملابسي.

رزان: اي هسه تدلل.
رحت حضرت ملابسه هو طلع بدل اني رتبت الغرفه ولميت غراضنا ورجعنا للبيت ايامي كلش حلو ويا رعد من بدا النصف الثاني رحت لبيت اهلي بقيت امتحن وصارت امتحاناتي نجحت الحمدلله مرحله اولى وهسه اني حامل باشهري الاولى ورعد طاير من الفرح وننتظر مولودنا يجي ويبشر حياتنا

-----------

نور: رضاني سيف بطريقته بدايه شهر من زواجي طلعت حامل مرات تصير مشاكل بيني وبين سيف ونتجاوزها الحمدلله اعترفنا لحبنا بعيد ميلاده سويت اله حفله واعترفت اله وكليتي رحنا لشقته ببغداد هو يشتغل واني ادرس حملي صعب نوعاً ما ودراستي اصعب طلعت اكمال بدرس امتحنت دور ثاني يالله نجحت بمساعده سيف اكيد هو درسني من كملت رجعنا حياتنا طبيعيه ونقل كليتي هنا صارت اقرب النا هنا...............................

-----------

رنا: بعد زواجي علي يغار عليه كلش رجعنا لبغداد عمتي دور مشاكل لو ما اشتغلت على ادنى شغله بس من شافتني اجاهل كامت شويه احسن هسه حامل بتوام اثنين ولد وجاي اجهز الهم الغرفه مالتي بس اشياهم........

----------

زهراء: طلعت من الدكتوره وعمر تلكاني......

عمر: ها بشري كيان راح يجي.

زهراء: اي بالطريق بس اكو شيء ثاني.

عمر: بي شيء.

زهراء: لا صمالله تعال بالسياره ونحجي.

عمر: يالله احجي.

زهراء: اني بطني مو واحد.

عمر: لعد شكد بطنج.

زهراء: اثنين راح تجي اخت لكيان.

عمر: كولي والله.

زهراء: والله العظيم.

عمر: جذب مو.

زهراء: والله العظيم بيه ولد وبنيه.

-----------

زهراء: لا ماما لا تسوي هيج(بعصبيه)

عمر: عوفي كيون يلعب براحته لا تصيحين علي.

زهراء: عمر شوفه مكياجي كله لعب بي لعب مو هاي عسوله هادئه شبي هو.

عمر: طفل يا روحي انتي.

زهراء: وشوكت يكبر ويصير مثل ابو.

-----------

نهايه سعيده
(وَعَسَىَ أَنَ تَکُرَهَّوَا شَيَّء وَهَوُ خَيَرَ لَكَمَُ)