رواية بيت الشيخ اسد الفصل الحادي وأربعون 41 - بقلم yaqin_2004

#بيت_الشيخ_اسد
#يقين_التميمي

-دخلت عمتي تدك على وجها وتلطم بنص القاعه رجف كل جسمي من شفتها ركضت
ريماس عليها
ريماس " شبييج عمه شكوو شصاير "

تهاني " صخاااام صخمني كون ولج وااااحد من ولدي راح ماينعرف دمار لو ميسر الي ..
مسوي الحادث وماكو خبر عنهم
فله " هي كالت هيج واني رجليه ماعادت تحملني وكعدت بالگاع
ماسه " كومييي شبييج فبه ان شاء الله ماكو شي لاتخافين

فله " ماجاوبت بقيت ساكته وبس دموعي تنزل ونسوان كلها التمت واسمع حجيهن
.. خطيه هاي البنيه كل ماتريد تعرس يصير شي
ردت عليها ثانيه .. هيه وجها فگر
واسمع الكلام اشكال بقيت ساكته

شوية وماسمع بس صياح بره وناس نگلبت وكفت مسحت دموعي ورحت باب القاعه
واشوف عقاب وعمو اسد ودهام مخبوصين خباص
شوية ودخلت اربع سيارات عسكريه وحده
وره الثانيه دخلن

مشغلين اغاني والصوت حيييل عالي كلش
وجان اشوف دمار لابس دشداشه وجراويه
لاف وجهه وصاعد على سياره فوك
والسياره الثانيه درغام صاعد عليها
والثالثه ديسم وفهد صديق دمار ..
والرابعه ميسر صاعد عليها ويركص

دخلت وره اربع سيارات العسكريه سيارات سود مضلله بيهن بالثلاثين سياره تقريبا ..
ومشغلين اغاني
كل واحد من الولد صاعد بسياره وحده ..

الشيخ عقاب وعمو اسد بقوا صافنين شكو نزل دمار من على سياره وصار يركص هو ..
والولد البقيه ويهز متن بالدشداشه لابسها
ميسر بقى على سياره ويركص ..
صعدوا وياه فارس وسيق گابلوه

عقاب " هاييي شنووو والاتصال منوو هسه كالوا واحد بيكم مسوي حادث وحالته خطره
دمار " مقلب حبيبي بيكم "
اسد " من طاح حضك كون اذا انت ضابط وعريس شترجه منك بعد

ركض عقاب عليهم وصار يرزل بيهم ... ودخلو لقاعه الزلم
شوية وكالوا راح يدخل دمار اول مادخل
صار يركص
والولد يهوسون وياه ويركص

ميسر " زفيناه وخلصنا منه وبقى ميسر الاصغر منه كلوووشش "

عقاب "ها ها وعذرني يخويه موش حيلي لأوليي هاهاها "

محمد " وهاي فرحتنه الجبيره وفرحت كل العشيره وهاي فرحتنه التمام فرحت كل العمام "

دهام " مبارك عرسك ياخونه مبارك وربعه يزفونه "

فله " ماشوف شي لان مغطايه رفعت الغطه شوية واشوف ميسر وشبابنا ..
لابسين كلهم دشاديش
كعدوا بالكاع وسووا حلقه وخلو دمار
بالنص ويصفكون ودمار يركص

"واني متت بجي عليه قبل شويه عبالي بي شي بعدها عافونا وطلعوا ودمار اجه عليه
جان بس اهلنا موجودين بالقاعه
تقدم عليه حضني واني صرت اشهك وابجي وكعت بالگاع وهو وگع فوكي وعمتي
والبنات صارن يبجن علينا

دمار " اشش اشش اهدي والله ماردت هيج يصير ماعبالي هيج يصير بيج ....

فله " اكوووو احد يسوي هييج عبالي بيك شي لو صار نفس قبل
دمار " كافي ياعيني كافي بجي هاي انه يمج
" صار يهدي بيه بعدها غطاني وطلعنا بره
القاعه صعدني بالسياره وهو يسوق

صار رمي قوي خليت اديه على اذني ماريد اسمع صوت طلق
دمار من شافني قربني عليه وحضني طلع
من سياره صاح بيهم

دمار " انعل الخلفكم ***** كافي لاترمون
- كافي لاتخافين هاي انه يمج
فله " هزيت راسي .. وكفت السيارات كلها
التفت عليه گال
دمار " انه نازل مو تباوعين للشباك نزلي راسج

- نزل من سياره واني ذبيت الغطه باوعت من شباك اريد اشوف ليش نزل
واشوف ميسر مخلي جروايه على راسه ..
ورافع دشداشته ويذب دقلات بالشارع

راح دمار والولد الباقين صاروا يركصون ويهوسون بالاسلحه
ودمار وياهم بنصهم دخل يدبج ويهوس
شفته رجع
غطيت روحي ودنكت راسي صعد هو وحرك

شوية مشت سياره وهم وكفت
دمار " انزلي يله خلي ناخذ صور "
فله " نزلنا لقاعه تصوير اخذنا صور ورجعنا للسياره صعدنا طول الزفه ناس
كلها تركص ولدنا طالعين من سيارات ..

وصلنا للبيت اول مادخلت صارت هلاهل
وضكه نسوان
دخلنا اني ودمار كعدنا على كراسي بعدها
دمار يمسح عرك حبينه ومبتسم كرصته ..
دمار " اخخ شبيج "
فله" لاتبتسمممم "

التفت عليه وبحركه سريعه باسني بخدي ونسوان صارن يحجن
" لاتستعجل على رزقك لاحك "
خزرته وهو طلع يضحك بره صار وكت العشه جابوه واني جتي ريماس

ريماس " كومي صعدي لغرفتج يله "
- صعدت وعمتي تهاني وسعديه واماني هم وياي
دخلت للغرفه وصارن يحجن ويعلمني
جنت بس اهز راسي الهن

شوية وكالوا اجه العريس اجه لو اني احس روحي گلبي رجف
عمتي رجعت عليه
تهاني " يمه مثل ماوصيتج خوش انه طالعه "
- هزيت راسي وهيه طلعت واسمع هوساتهم لدمار لحد مافتح الباب ..
ودخل سده وقفله

ذب سترته على قنفه ورجع اتقدم عليه باسني براسي همس
-الف مبروك حريچ گلبي
رفعت عيوني عليه ..ليش حريچ گلبك
دمار " حارگه گلبي حرك انتي "

فله " هاي انييي حارگه گلبك شمسويتلك اشوو بنيه فقيره مامسويه شي
دمار " اي اي صح "
فله " شو حضرتك تستهزء "
- دفعته ورحت كعدت افتح بشعري "

دمار " انه سامع البنيه بليله عرسها تخجل شوو انتي لسانج شطولة "
- التفتت عليه سويت روحي مصدومه
فله " عليمن اخجل هو ابن عمي ويوميه اشوفك شنو الفرق "

دمار " لا اكو فرق كلتي جنت ابن عمج هسه زوجج "
فله " هزيت ايدي وكملت فتح شعري
كمت خذيت ملابس محضرتها ريماس
روب ابيض خذيته وهو باوعلي

" تحتاجين مساعده انه خادم تره "
- اشكرك يابه مايحتاج
هز ايده وراح كعد على سرير تمدد
واني دخلت للحمام ..
ذبيت البدله وغيرت ملابسي غسلت
وجهي من مكياج .. طلعت من الغرفه

- تعاي تعشي يله
" اي اجه بوكته ميييييته من جوووع "
-رحت كعدت كدامه على ميز صرت
اكل وهو صافن
"شبييك صافن "

-تدرين متعجب عليج انه سامع بنات حتى اكل ماياكلن بيهن بليله عرسهن
وانتي طحتي على صينيه
" هسه انت منتبهه على لگمه داده اهم شي بطني اني بالاكل مااستحي

" دكملي اكلج وراج شغل هواي "
- شغل شنو
"تعرفين بعدين يله كملي اكل ..

-بقيت اكل وهو اكل شوية روب جان كل مكان بي مفضوح واني ولا هامني
باقيه اكل وهو يباوع كملت كمت غسلت
ورجعت لكيته كاعد

" يله ركصي "
-عقدت حواجبي وانشف اديه بالخاولي
" شدتحجي انت اركصلك شنو "
- بكيفج انتي كلتي من ازوجك يله اركصلك وهسه انتي صرتي مرتي

- تره انت بطران كلش
" اي ادري "
- وخر خلي انام منعسه
" شنووو تنامين "

- ركض عليه واني صعدت على سرير صرت اطفر وهو وراي يريد يلزمني ..
" فلاااااا كاااافييي خبال شبيج
-بيه دم ولحم وشحم

بعدني مارايحه لجهه ثانيه لزمني من شعري سحبني عليه حضني وصار ..
يضحك
صرت ادفع بيه ماحس غير لزم شعري
حيل من وره قربني عليه انفاسه صارت
قريبه عليه واخذني وياه بغير عالم

"كعدت الصبح كفشتي شكبرها لكيته ماكو باوعت لروحي بالمرايا اذا يشوفني يختلس بس يله هذا اختياره
هو يتحمل نتيجة افعاله شعليه اني دخل للغرفه واني عدلت كفشتي

"صباح الخير بوية "
-ههلا صباح نور "
"اخذ خاولي خلاه على ركبته وغنه ويطك اصبع

عندك وجهه يضوي ويجه "
عندك وجهه يضوي ويجه "
مو راح اجن حبيبي گلبي هلك "
مو راح اجن حبيبي گلبي هلك "

- صوفرت اله وهو ضحك عليه غنيت
"بسكوت اون بسكوت "
"يمه ماورج احد "

دمار " اي صدك صرت اون بسكوت من وراج "
-تقربت يمه باوعتله بقيت صافنه عليه

فله " دهر فرك سيدي شهل جمال الله يستر عليك سيدي "
-سحبني وخلاني بحضنه
دمار " وانتي الله اكبر عليج وعلى هالعيون
فله "بووويه احتركت العشيررررررره "

- باسني بخدي وهمس
دمار " يبعد چبدي انتي وعرگه "
فله " حلغوووم بال عبااااااس "

دمار " دكومي يله حضري روحج حتى ننزل جوة ناس منتضرتنا
فله " دفعني وكعت بالگاع وصار يضحك "
-شبيييك اكو احد يسوي هيج "
دمار " نشاقه وياج فلاتي "

فله " دخل للحمام واني وكفت رحت سديت البوري عليه وجيت يم الباب ..
شويه وصاح
دمار " فلااااااا الماي شبيي ليش ماكو "

- ماادري ليش شبي
" كام يصب طين والمشكله غسلت شعري بي ونترس طين "
- طلع من حمام ضحكت على شكله كله ..
طين صاير

دمار " هذااا منووو ساد البوري "
فله " مدري "
دمار " اكص ايدي اذا ماطلع من وراج بس اعبرها الج اليوم صباحيه عرسج مااكدر سوي شي
فله " ياااااي يعني اسوي شي متحاجيني
دمار " دعيديها مره ثانيه اكسرج "

- راح فتح البوري ورجع للحمام يسبح حضرت ملابسي وهو طلع
دخلت للحمام سبحت ونشفت شعري
طلعت لكيته ديلبس محابسه وساعته

- رحت وكفت يمه اسرح شعري باوعتله
" اسم الله عوذه عوذه شنو هذا جمال "
-ضحك وكعد يلف جراويه
- مو بجمالج "
-لالا سيدي انت جمالك ينعبد كلش هههه "

طلعت فستان ابيض ومطرز بذهبي على طوله وهو كعد يلعب بجهازه
رحت ادخل للحمام صاح بيه
"عليمن رايحه تره البارحه شفت كلشي شبر شبر بيج
- عزااااا انت شنو متستحي

-رفع حاجب گال
دمار "وليش استحي تره مرتي عادي "
فله " هزيت ايدي دخلت لبست وطلعت
وكفت مقابيل الميز اخلي مكياج فززني "

دمار " عليمن هذا مكياج  لاتخلين خووش "
- انت شبيك وي المكياج هسه هو شبي "
دمار " هذا العدي "
فله " دشوف وجهي مسوي ازرك اطم زراك على الاقل
- باوعلي گال
دمار " يله خلي بس اليوم سماح "

-رجعت اكمل مكياج ولبست شال رشيت عطر وطلعنا اني وياه
اول مانزلنا صارت هلاهل هو طلع للديوان
واني بقيت كاعده كل شوي وحده جايه تتبارك "

-مرت ايام على زواجي من دمار احلى ايام عمري صار دوام وريم بت شيخ دااوومت
اول ابتدائي
وريماس ملتهيه تدرسها واني بديت اداوم
كليه

- جنت كاعده بقاعه الكليه اخذت الملازم وطلعت من كليه لعبت نفسي رغم مااكلت شي من الصبح دخلت للحمامات تقيأت
وجهي صار اصفر
طلعت من حمام ومدنكه راسي امشي ماحس غير انصدمت بواحد وكعت كتب مني

- ماشفته منو دنكت الم كتب وهو صار يلم وياي رفعت عيني عليه
واني شفته لو رجليه ماتن ..

.. شبيج عميه انتي ماتشوفين ..
- بقت ايدي ترجف وكفت وهو ابتسم تك خد خذيت كتبي وطلعت اركض

- شجابه هذا غسااان شلون طلع مو انحكم مؤبد هو
اجت ماسه تتمشى "
ماسه " ها لج شبيج وجهج اصفر مخطوف "
فله " ماكو شي يله امشي هذا ميسر اجه ..
- طلعنا من كليه ميسر واكف منتضرنا ..

ميسر " ادري ويين صرتن خادم خلفوجن انه صارلي ساعه منتضرجن
ماسه " وشصار عليك حضرة دكتور دسكت
ميسر " تعاي تعاي انتي صدك شنو هذا مكياج لاطخه بي عبالك عروس
ماسه " وانتتتت شعليييك يالله

فله " ذوله بس يلتقون لازم يتعاركون بقيت ساكته وخليت راسي على طرف شباك
لحد ماوصلنا للبيت نزلنا واني رحت دخلت
للغرفه حتى اكل مااكلت

- سمعت صوته يكعد بيه
دمار " فلايتي شبيج كومي صارلي ساعه اكعد بيج مريضه ..؟
- كعدت .. لا مابيه شي بس شويه تعبانه
من الدوام
دمار " اخذلج اجازه ترتاحين "
فله " لا مايحتاج "

دمار " كومي بدلي خلي نطلع نتعشى بره "
- مابيه حيل خليها غير مره "
دمار " دكومييي كوومييييي
- سحبني من ايدي رحت غيرت ملابسي اني لازم اكشخ ماعرف اطلع شلون ماجان
بقيت ساعه كامله بس ابدل

دمار " ادري شعدج كل هذا وكت هو شال لبسيه وخلي نروح "
فله " هاي خلصت .. خذيت جنطه ورحنا
ترخصنا من عمو اسد وطلعنا

- وصلنا للمطعم طلبت بيتزا مدري ليش اشتهيتها
شويه وجابوا الاكل لفات وبيتزا واشكال ..
بقيت كوه اكل كملنا وطلعنا من مطعم

دخلنا مجمع اسواق نفتر بي واشوف الاندومي
- دماري بربك جيبلي اندومي حباب ..
دمار " خوش "
- اشتره اندومي وحلويات طلعنا للمحلات اشتره ملابس اله واني كم قطعه خذيت

صعدنا بالسياره وهو حرك طلعت الاندومي من العلاكه فتحته وصرت اكله هيج بدون ماطبخه
- هاييي شنو خلي نوصل طبخي واكلي موزين عليج هيج
فله " ماادري شو شتهيته هييج خليني اكله "

وصلنا للبيت وصعدنا لغرفتنا شمر عليه علاكه
- هاي شنو
دمار " فتحيها وشوفي "
- فتحت العلاكه طلعته فستان مصري بي فتحات من جهتين وليرات على طول وبي
فتحه من يم صدر وهم بيها ليرات وياه وصله معزوله وحدها هم ليرات بيها ..

فله " هاي شنو "
دمار " مدري شفته عجبني بالمحل خذيته الج لبسي خلي اشوفه عليج
فله " كلش حلو
دمار " دروحي لبسي مااتحمل بعد تخيلته عليج بالمحل "

فله " ضحكت ودخلت للحمام لبسته وشديت الوصله على خصري وياه نقاب
من سلاسل لبسته طلع بس عيوني منه
عدلت شعري
وطلعت من حمام لكيته محضر سهره

- بس شافني بقى صافن صوفر وصار يصفك بأديه
دمار " لك ياااااابه شهل جماااال هذا "
- سحبني من ايدي وشغل ديجي طلع
اغنيه واني خذاني الواهس صرت اركص "

" كعد على ميز وصار يدك عليه وطلع اداه العزف يعزف ويغني سوه "

- الحفله والجو مشتعل .. من ركصك يشب الطفل .. بس انت وحدك بالحفل ..هززز يالگمر .. شعرر شعرر

"هوووي هووووي احااااا اويليييي عليج "

-خذاني الواهس وصرت اهز وصوت الليرات تسوي واهس للردح ..

- وي الهوه شعرك صعد .. كعد الناس وماگعد ..والمسرحي يكلك بعد ..هزززز يالگمر شعررر شعررر ... رووووحي ايييي

- هزيييي بوووويه هززززي حركتي الجو وحركتيني وحركتي كل العشيره صدك ..
شعلتي الحفله

"كعدت بالكاع خليت ايدي على صدري واهز بشعري وهو يدك

- مو كلمن يهز بالجتف .. مثلك بركصه محترف .. من الوصف عديت الوصف ..
هزززز يالگمر .. شعررر شعررر

دمار " يله ولج هزيهااااا هزيهاااااا شديهااا بعد شيبييييي الله اكبررررررر علييييييييج "

- وكفت وكمت اهز بشعري وركبتي وهو يصوفر وكف وياي وصار يركص كبالي
واني ماخذني الواهس

دمار " شعررررر شعررررر يبوووي مو شعر ضيم بالعباس روححححي هزييي شديها "

- لزم خصري وخله ضهري على بطنه گال

" هزي ولج هزي شدددد بعد روحييييي
لك وجتتتتتتتتت وجتتتتتتتتت اخخخ "

- صرت اركص وهو لازمني ويتحرك وياي صار يغني وهو لازمني "

دمار " مديت ايدي على شسمه  صاحت واوا.. جسمي ناعم مايتحمل قساوه  .. شويه شويه عالكيفك بالهدوه .. ماتتحمل
خطيه ام صدر رمان

- اهها اهها اي ولج روحي ردحي بعد بعد بوياااااااي حتركنا وعلي "

" صرت اتمايل لزمت الثوب من جوه رفعته شويه وصرت اهز بشعري وخصري وهو مستمر يغني ويدك "

" كل الهلا وبناها الجاني الزعلان .. ابوه مثلي حبيبي واجمل انسان "
" الله الله الله .. انعل ابو الخلفج وانعل انعل.. انعل ابو العشيره وانعل انعل ..

- التفتت عليه ودفعته هاي شبيك ليش دتغلط وتلعن
"چا مو شعلتيها شعل شلون ترديني ساكت وانه اشوفج كدامي

" سحبني من ايدي وكعت عليه صار يعدل خصلات شعري باسني وووو ونسد الباب ..

يتبع ... !!