#بيت_الشيخ_اسد
#يقين_التميمي
حرگناها الصور
ورمادهن يذري وبعد بس الذكر
شيفضهه ماندري
فلة - مرت الايام وصرت زينه كدرت امشي واتحرك جنت كاعده واغسل بوجهي على
المغسله وكمزت من مكاني من صوته
ميسر - بوووووووووو
فلة - لك ميسر ماتوب انت شسالفتك كمزتني عبالي شو شنو
ميسر - لاتخافين مايصير بيج شي ولج انتي طحتي من الدرج ماصار بيج شي وعشتي
فلة - عابتلك شتريد
ميسر - اريدج تلبسين احلى فستان عندج اريد كون طلعين مثل الگمر يلالي
فلة - هوب هوب شكو تتغزل خو مامصخن اليوم
ميسر - ثول ثولج فوك مااتغزل بيج انتي مال طيحان حظ المهم حوبي لبسي وتعالي بسرعه بالحديقه الي وره البيت
فلة - اي غير اعرف شكوو المن ابدل
- اجه سيف يركض
سيف - اهوو شبيج طالعه على ابن عمج دمار بس يحقق دروحي بدلي وتعالي يله
قبل لانتأخر
فلة - امري لله .. راحوا يركضون للحديقه واني صعدت فوك وصار بوجهي دمار عقد
حواجبه ومبتسم صفح
- خير شبيك
- هلاو
- الحمد لله
- ضحك واني عقدت حواجبي نتبهت لأن گلي هلاو كتله الحمد لله
- شلونج
- عليك الحسين ابو فاضل وخر منا خلي اصعد
- وين صايره هاي الحسين ابو فاضل بابا شبيج شكد تجفصين
- هزيت ايدي دفعته بأيدي صفح وعبرت
- والله لو مامريضه جان اعلمج شون تسوين هيج بس معذوره حبيبتي
- صحت بي ..حلم بليس بالجنه تصير حبيبي
- الاياااام جايه حبيبي ونشوف تحبيني لا
- دخلت للغرفة وسديت الباب طلعت فستان ابيض الي لبسته وعدلت وجهي
شوية بالمكياج سويت شعري كبايه وو
لبست حذاء ابيض هم ولبست شال هم
ونزلت رحت وره البيت للحديقه بعدني
ماداخله وصار الولد يطشون بوجهي ورد
ميسر - كلووووشوشش
سيف - بت عمي الغاليه هاي بمناسبه شفائج ماتدرين شكد ضجنا عليج
فارس - تعالي يله حتى تكصين الكيك
مسلم - خلي نركص بالاول
فلة - سحبوني الولد وكعدت على كرسي
مزينين الحديقه كلها ومخلين ميز عليه
كيك وحلويات وعصاير وهم لابسين كلهم
دشاديش وصاروا يركصون
صاروا ياخذون الديقة من الطول للطول يدبجون ويركصون ومشغلين ديجي ويركصون ويغنون
ميسر - جاهزيييييين
الولد - اييييييي
ميسر *?- اريدها قوية
الولد - جاهزييييييين
ميسر - على الشر نمشي و ننطي فلوس
وعدنا سيوف تكطع الروس
وين الزامط كون يحوس ...
كون يحوس نشلع عيونه ويرجع
الول - للا للا للا للا
سيف - بطكهن عوكرن الرجلين
بهدنه وعطوه ولا راضين
انريد المگبل عين بعين.
عين بعين نريد المگبل
الولد - للا للا للا للا
فارس - وموش بتالي الليل نريد العرگه
نريد العرگه مكابل
الولد - وموش بتالي الليل
فارس - نريد العرگه مكابل
مسلم - تشل ياطگه يمناكم
تندم كلمن عاداكم
فاز بربعه الماشاكم
والماينعد وياكم
والماينعد وياكم
غم كصته ورد باع سلاحه
الولد - باع سلاحه
مسلم - غم كصته ورد
فلة - كاعده واصفك ماخذني الواهس وياهم واجه دمار لازم بأيده عصه وركض
وراهم
دمار - نعلاااا عليكم فضحتونا كو*** س*** ماتستحون انتم زلم مشوربه
ميسر - اهووو شبيك تره جاي نحتفل
دمار - طفووو هذا الصخام
مسلم - يله راح نطفي بس اسكت
فلة - طفو الديجي وهو كعد على الكرسي المقابيلي يشرب جكاير ومخلي رجل على رجل وصافن
فارس - يله فلفوله تعاي قطعي الكيك
دمار - شنو فلفوله فلااااا اسمها
فارس - شبيك غير بت عمي وادلعها بكيفي
دمار - لا مو بكيفك
فلة - صار يخزر بفارس .. رحت قطعت الكيك وزعتهم كلهم وصلت يم دمار خليته اله على الميز مانطيته اله بأيده
دمار - شنو بوية احنا نكرص
فلة - زين تعرف نفسك
دمار - شكلتييي ولج
فلة - ماكلت شيي
شفت دمار وكف صار وره الكرسي ردت اكوم وماحس غير لزم راسي من وره وخله وجهي بالكيكه تلطخت شهكت ورفعت
راسي الولد صاروا كلهم يضحكون وهو هم
فلة - انتتتتت شلون تسوييي هيج
دمار - دنشاقه بابا شبيج متتحملين شقه
فلة - خبيث مو بيدك
ميسر - عادي فلفولة ماسك بالكيك هذا
فلة - ياماسك ذشوف شصار بوجهي
دمار - شوو بله باوعيلي
فلة - بعدني مارافعه راسي والكيكه بايد دمار لطخها بوجهي مره ثانية وصار يفرك
الكيكه بوجهي
- هايييييي شبيك اليوووووم تخبلت انت
دمار - شكلتييي ولج
- ركضت وهو وراي طلعت من الحديقة الوره وصا شيخ عقاب وعمو اسد بوجهي
تنهدت صرت بامان الحمد لله
اسد - هاي شكو شبيكم وانتي بوية شبي وجهج
فلة - عموو هذا ابنك دمار شوفه شسوه بيه لطخني تلطخ
عقاب - هاي عود انت الجبير يادمار جا شبقيت للصغار
دمار - غير نشاقه وياها
اسد - خوش يله تعالوا وراي عدي حجي وياكم وانتي بوية فلة روحي غسلي ولحكيني
فلة - حاضر عمو .. راح دمار وعقاب وره عمو اسد واني رحت اغسل وجهي غسلت
وكملت نشفت وجهي عدلت شالي ورحت
وراهم لكيتهم عقاب ودمار ودهام وعمتي تهاني وجدتي
اسد - هلا بوية تعالي يمي بحضني
فلة - رحت كعدت يمه خله اديه على متوني باسني براسي
اسد - بابا فلة انتي مثل بنيتي وتدرين بيه شكد احبج ومافرط بيج وتعرفون شنو صار
بذيج الايام الله لايعودها وهسه انه اريد اكلكم حددت موعد خطوبتكم سوه ماريد تطلع عليج سمعه موزينه انه اعرفج شنو
بس تدرين ناس ماتسكت اذا عرفت بسالفه الصور والمحادثات وانه ماريدج تتأذين وانه اعرفج انتي شنو ونعم منج بابا
فلة - هاي هيه عمو الي تشوفه صح اني متاكدة من قرارك واكيد ماالگه احسن منكم الله يحفضكم الي
اسد - فدوة اروح لبنيتي الفاهمة
تهاني - بالمبارك يمة الله شاهد انه جنت اتمنى تصيرين جنت ماكو احسن منج
عقاب - خطوبتكم راح تصير وره زواج درغام وزمرد
دمار - هاي هيه
فلة - بست راس عمتي صارت عيوني بعيون دمار رافع حاجب ومبتسم عفته وصعدت فوك لغرفتي
ريماس - مرت يومين عادية واليوم حنة درغام وزمرد عقاب كاعد على سرير صافن
واني احضر بنفسي شوية واسمعه عاط
عقاب - ريماااااااس هاي شبيج
ريماس - التفتت عليه بخوف باوعتله شكوو شبيك
عقاب - شوفييي الدم صار بفستانج ولج شبيججح شكوو
ريماس - باوعت فستاني بيجي وصاير بي بقع دم نزلت دموعي .. هاي شنو قبل شوية مابيه شي
عقاب - شو تعالي
ريماس - دخلني للحمام مكياج كله راح من البجي ذبيت ملابسي واشوف رجليه الدم ماليهن ملي وزدت بالبجي عقاب طلع ماعرف وين كملت غسل وطلعت للغرفة غيرت ملابسي ودخل عقاب وعمتي تهاني
تهاني - اسم الله يمة عليش البجي اهدي ان شاء الله ماكوو شي هسه خابرنه على دكتوره راح تجي
ريماس - كعدت والم بطني موتني عمتي مددتني على سرير وعقاب رايح جاي صار
بس يفتر وكل شوي يستغفر ... شوية واتصل تلفونه
عقاب - اي اي يلا جاييي
تهاني - ها اجت
عقاب - اي اجت نازل اجيبها واجي
ريماس - طلع من الغرفه شوية ورجع وياه الدكتورة طلع عقاب من الغرفة وهي صارت تفحصني كملت فحص واني كلبي نار خاف صاير شي
الدكتورة - بنتي لازم تنتبهين لنفسج تره انتي مهدده بالاسقاط لازم تبقين بالفراش
حتى يستقر الطفل اقل شي ثلاث اشهر
تهاني - ميخالف يمة اهم شي الطفل هسه مابيه شي
الدكتوره - انطيتها مثبتات وان شاء الله مابيها شي وربي يسعدكم
ريماس - دخل عقاب وصاروا يحجون وبعدها طلعت دكتورة وهو اجه يمي
عقاب - لاتكومين بعد ابقي لحد ميستقر الوضع خوش بنيتي
ريماس - هزيت راسي
عقاب - شلون هسه لازم اعوفج الشيوخ اجت هناك تكدرين وحدج لو ابقى يمج
ريماس - لالا روح ماعليه شي
عقاب - تلفون يمج اي شي تردي بس اتصلي عليه تلكيني يمج
ريماس - باسني براسي وطلع خليت ونمت
زمرد - كاعده ولابسة بدلة لون احمر البنات كلها تركص ومتونسه واني لازمة
گلبي حاسه راح تصير مصيبه مامعقولة
عمامي عرفوا اني مخطوبة ويسكتون
شوية ومانسمع بس صياح صار بره نسوان كلها سكتت واني كمت ارجف عرفت ماراح تعدي على خير اجت عمتي تهاني والبنات يمي يهدن بيه
سيف - كاعدين نهوس ونركص شوية وسيارات اجن ترسن الشارع ترس نزلوا
منها زلم كبار وياهم شباب هم وجوهم
مغضبه صاروا يصيحون ولعبوا لعب
اسد - كافيييييي عليمن هذا صيااااح
..انت بس گلي شلوووون بكيفكم تزوجون بتنا هسه اخذ بنات اخوييي ويرجعن وياي
وطلكونها وانتم الممنونين
درغام - دروحووو بابا يردون اطلكها مو هي بكيفكم هي صارت مرتي وبحمايتي واذا بيكم زلمة خلي يتجرأ يسوي شي كلكم بالسجن والله
دمار - اهدي لاتصيح هم يردون يستفزونك
درغام - انت ماتشوفهم شلوووون جايين هادين علينا
دمار - ميخالف جاوبهم برود
قاسم - انت راح تزوج زمرد مووو
درغام - لايكون ماعاجبك
قاسم - هاي بت عمي وانه ناهي عليها وهسه تطلكها وانه ازوجها
درغام - مو هو لعب وهي ماتريدك اصلا انه هسه صرت زوجها وهسه اكدر اخذها
واروح محد يمنعني
..انه عمها مسؤول عليها ورايدها لابني وهسه اخذهن وارجع يله صيحوهن
درغام - انتم بس تجرؤا واوصلوا لخيالهن حتى انااام وياكم واحد واحد
قاسم - انت شلوووون تحجي هيج ويانا ماتستحي
درغام - عفت المستحه الكم ويله بره يله
..شيخ اسد شنوو انت قابل بهل حجي
اسد - البنيه ماتريدكم واكيد ماراح اجبرها تجي وياكم انه خالها هم مسؤول عنها وهي موافقه بهذا زواج بكامل ارادتها
قاسم - مو بكيفها ماعدنا بنات تختار انه ابن عمها اوله بيها واخواني الباقين ياخذون البنات الباقيه
عقاب - اي مو هيه حاج وتوزعون بيهن بكيفكم انتم ماالكم بنات يمنا والبنات
خوات زمرد الباقيات كلهن هم خاطبيهن
قاسم - هيييي شنوو بكيفكم تره بنات عمناااا ذنييي
عقاب - بنات عمك جان حافضت عليهن مو مخليهن بالبيت وحابسيهن لاعبالك ماادري بيهن قبل
فارس - كلهم سكتوا وصار هدوء
اسد - البنات عاقدين الهن لولدنا وماعدكم بنات بعد هذولة الولد هنا وعسا ما كل واحد ياخذ مرته ويروح هسه محد يحاجي
ابو قاسم - يصير خير يصير خير كومواااا يله امشونااااا
درغام - عود لاتجييي بعد
دمار - خاب اسكت انت
ميسر - طلعوا الجماعه والحفلة صارت هدوء بعدها كلمن رجع لبيته
زمرد - الكل طلع من عرفت عمي طلعوا خلصت الحفله خواتي عزلن البيت ونضفنا واني بقيت منتضره على نار اتصل على درغام مايجاوبني دكيت عليه مرة الخ
- الوو
- شسالفتك وين انت اتصل عليك ماكو
- شنو بس لاشتاقتلي زيزي
- لا ممشتاقتلك بس اريد اعرف شنو صار
- مع الاسف كعدتي من نوم وانتي مامشتاقتلي حطمتي مشاعري
-هسهرتحجيلي لو شلون
- بربج هسه انتي جن وحدة باجر عرسها
حرمتيني حتى من رومانسيه
- اوووي اني ماعدي رومانسيه
- يعني بله احساس
- اي ماعندي احساس زين تعرف
- نزرعلج احساس شعدنا غير زيزي
- حباب احجيلي شصار
- لادوخين راسج سوالف زلم لاتفكرين بيها وهم بعد مايوصلون الكم لتخافين
- اوووف عود شكرا
- عود عفوا
- باي
- الله وياج عود اطلع ضيمج هذا كله باجر شعدنا نصبر كم ساعه
- درغاااام
- روحه وگلبه وعمره
- روووح نام
- عبالي تكولين احبك
- لاتحلم زايد ماگولها
- بسيطة نشوف الله وياج
فلة - كاعدين كلنا سوه عمو اسد وعمه تهاني يحجون بامور العشيرة شيخ عقاب صعد يم ريماس لان مريضه بقه دمار ودهام ومسلم وميسر كاعدين يلعبون سوه
لعبتهم ان واحد منهم يكعد على الكرسي والباقين يصيرون وراه والي يضربه على ركبته وهو يعرفه يجي بمكانه
دمار كاعد على كرسي ومسيم وميسر ودهام واكفين وراه ضرب ميسر دمار
على ركبته ودمار گال
دمار - هذا دهام
الولد - غلط
دمار - مسلم
الولد - صح
فلة - اجه مسلم كعد على كرسي صار بمكان دمار بعده ماكاعد مسلم وميسر
ضربه ضربه على ركبته من يمي شاغت روحي
مسلم - لاااا مايصير هيج شنوو
الولد - شبيك
مسلم - بطلت
دمار - من اول راشدي وبطلت امداك
دهام - يله يله بعد على كيف نضربك
تعال لاتزعل
مسلم - بس مو ضربون على اذاني صارت بيها وشه من صوت ضربكم
الولد - خوش
ميسر - ضربت مسلم حييل
مسلم - دمار
الولد - لا غلط
فلة - اشرولي الولد اجيت يمهم رفعت ايدي وضربت مسلم بكل قوة
دمار - بس ارفع راسك لاتنزله
مسلم - ميسر
الولد - غلط
دهام - ضربت مسلم على ركبته صارت حمرة من الضرب
مسلم - ميسر
الولد - غلط
فلة - اشرولي اضرب مرة الخ ضربته مرة ثانية
مسلم - ميسر
الولد - غلط
ميسر - ادري شبيك انت لزكت بميسر هلكد ضاغطك انه
مسلم - نجبب
دمار - ضربت مسلم حييل
مسلم - بطلت انه
دمار - نجب واكعد شبيك
ميسر - ضربت مسلم
مسلم - ميسر
الولد - صح
ميسر - يبووووي راح انكتل
فلة - هاي بدايتها وصرت تبجي هههه
مسلم - ضربت ميسر
ميسر - دهام
الولد - غلط
فلة - فركت ايدي وضربت ميسر حيييل
ميسر - دهام
الولد - غلط
دمار - ضربت ميسر
ميسر - دمار
الولد - صح
مسلم - يله دمار اكعد
فلة - كعد دمار وميسر اشرلي اضرب دمار ضربته باثنين اديه على ركبته
دمار - بطلتتتت شنوو اكو احد يضرب هيج
فلة - ههههه شبيك دكعد هي ضربه
دمار - انه اكبركم المفروض تحترموني
فلة - ضاعت الاحترامات ههههه
دهام - دكعد يله
ميسر - كعد دمار وضربته
دمار - مسلم
الولد - غلط
فلة - صاروا الولد يتعاركون بدون صوت اجيت وضربت دمار
دمار - ميسر
الولد - غلط
مسلم - رفعت ايدي وضربت دمار
دمار - مسلم
الولد - صح
مسلم - خرب حضي رحت وكعدت على كرسي
دهام - ضربت مسلم قوي
مسلم - ميسر
ميسر - فركت ايدي وضربت مسلم الخايس حييل
مسلم - ميسر
الولد - صحيح
ميسر - كعدت
فلة - رفعت ايدي وضربت ميسر
ميسر - دهام
الولد - غلط
مسلم - ضربت ميسر
ميسر - دمار
الولد - غلط
دهام - ضربت ميسر
ميسر - دهام
الولد - صحيح
دهام - لااا حراماترعاد انه لحد هسه مانضربت راشدي
دمار - كعد دهام وصفكته من وره على ركبته اذانه صارت دم حمرااااا
دهام - اخخخخخ شبيكم احد يضرب هيج
ميسر - يله يولد خلي نضربه ضربه جماعيه
فلة - التموا كلهم على دهام وصاروا يضربون بي شبعوه دك
اسد - ولكممم صايين نص ليل شعدكم وانت حضرت الضابط عود جبيرهم ضال
تلعب وياهم شبيكم تسودنتوا
دمار - ادري بوية ضابط شنو حرام عليه العب كلت اعيد طفولة
اسد - دكافييي لعب يله روحوا لغرفكم نريد نام احنا وانتم صوت ضحكهم مايخلينا ننام
الولد -حاضر بوية
فلة - عفتهم كلهم صعدوا لغرفهم واني رحت للمطبخ طلعت اكل جوعانه بله عشا
طلعت اكل من ثلاجة وكعدت اكل بالمطبخ وافكر بحياتي شنوو اني شنو
مصيري كملت اكل ورجعته للثلاجة غسلت اماعين وسمعت طكه باب مطبخ الخارجي الي يطل على حديقة وره البيت
ستغربت شنو هاي ماهتميت كلت هاي بزونه يمكن داامشي واسمع صوت طكه
ثانية عقدت حواجبي ورحت فتحت الباب
اشوف شكوو اول ماطلعت ماحس غير
احد سحبني من ايدي وو ....!!
يتبع ....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!