رواية بيت الشيخ اسد الفصل الرابع وأربعون 44 - بقلم yaqin_2004

#بيت_الشيخ_اسد
#يقين_التميمي

- وكع جهاز مني من سمعت صوته ورجفت من گال جايج .. جايج
بقيت اتألم وبالي كله يم دمار شنو حيسوي
اكيد هسه يعرف اني وين مرت ربع ساعه ..
واني احس روحي تطلع
تشاهدت وصرت عيوني كوه افتحهن سمعت صوت فتح الباب ودخول عمو ياسر وزوجته وهدى من شافوني ركضوا عليه وماعاد حسيت بشي بعد "

هدى " بعد ماشفنا حالة فله شلون واكعه بالگاع وبس عيونها كوه تفتحهن
شلناها اني وامي خليناها بالسياره ورحت..
جبت جهاز اطفالها
ورجعت وي ابويه وامي بالسياره رحنا سوه
خذناها للمستشفى

نزلنا بسرعه دخلوها للطوارئ والدكتوره ..
شافت حالتها گالت
دكتوره " لازمها عمليه نسوي مو ولاده طبيعيه "
اماني " ليش يمه مايصير تجيب طبيعي

الدكتوره " عيني حالتها خطره وهي عدها خفقان لازم عمليه احسن "
- راحت امي تخبر ابويه وفله مغمي عليها
اماني " ياسر يحتاج عمليه الها حالتها خطره البنيه شلون بينا "

ياسر " اصبري جاي ادك عليهم خلي ناخذ رايهم "
- صار ابويه يفتر بالممرات ويتصل ويفرك وجهه لحد ماردو عليه "

ياسر " وينك خويه اسد ادك وماكو "
اسد " اعذرني ابو ديسم بس هذا دمار تخبل علينا "
ياسر " مو وكتها خلي يجي انت وياه تره حالت البنيه خطره عدها خفقان "

اسد " هو جايين بالطريق احنا شويه ونوصل "
ياسر " يعني اكلهم يبدون بالعمليه ..
لو شلون
اسد " بس شلون مو لازم الا زوجها ..
يوقع يله يبدون بالعمليه

ياسر " خويه هاي ماعليك احنا نحلها شو المستشفى كلها نعرفها "
اسد " خوش باشرو  بالعمليه واحنا جايين

- راح ابويه وكمل اجراء العمليه ودخلوا ..
دكاتره يبدون بالعمليه
واحنا بقينا منتضرين على نار مرت كم ساعه ودخل دمار وعمو اسد وعقاب وتهاني اجو متلهفين حيل ..

دمار " وينهاااا شصاااار بيها شييي كولووو
عقاب " لاتصيح اهدي "
دمار " شلووووون ماصيح شلوووووووونن
وانتم ضاميييين مرتي عني سبع اشهر سبعه ولكم ماخفتوووو الله كدامكم اجيي
تعبان وادور عليها
تاليييي طلعوووون انتم وره اختفائها مووو

عقاب " ومنووو كلك تروووح تزوج هااااااا مو هيه بت عمك
من زوجت عبالك محد وراها لو شنو لاعبالك احنا اهلها تره ونوكف وياها ومنوكف وياك خليها حلقه بأذنكككك

اسد " كافيييي شبيييكم تتعاركون شوفوا العالم صارت تتفرج علينا
من وراكم فضحتونا خنشوف البت لاتموت وانتم باقين تتعاركون

- صار دمار يفتر باب غرفه العمليات منتضر
طلعت دكتوره وياها سستر اثنين هم
كل وحده شايله جاهل
كلنا باوعنه لدمار الي باقي مصدوم من شاف جهاله طلعوهم واحد بعد الثاني

دمار " ذولة منو ها "
اسد " جهالك بويه "
دمار " كلهم كلهم جهالي شنو احجولي "
عقاب " اي تؤام ثلاثي صاروا عدك "
- بقه صافن شويه مثل الي ستوعب ركض وره سستر يباوع من شباك للجهال

دمار " خاله اماني تدرين ماادري ماادري شسوي هسه
يعني اني صاروا عدي ثلاث جهال كلهم ..
الي ماجاي اصدك
اماني " يتبرون بعزكم يمه وهاي مريتك ديربالك عليها
ولو اني زعلانه منك بس بعد صاروا عدك جهال لازم تلتفت الهم

- هز راسه واجوا اخوانه ميسر ودهام ومسلم ورجعنا لغرفه فله الي طلعوها بعد ماكملوا عمليتها
تهذي بكلام ممفهوم ركض عليها دمار مسح على راسها وجها صار احمر وهي
صارت تحجي وياه
ميسر طلع جهازه وصار يصور بيها ويضحك

فله " خاب يغراب البين ماتوخر جنك غيمه سوده
وخر عني ماريد اشوف جهرتك الزفره
ميسر " ههههههه ولج فلفوله تعرفي
منو هذا لو لا
فله " اي هذا واحد كوا** مايستحي
ابو النسوان كل اسبوع ماخذله وحده

دمار " هاي انه هيج "
فله " اش اش ماريد اسمع صوتك غراب البين شعدك جيت "
- صرخت فله بصوت عالي ودمار خله ايده حتى صوتها ماينسمع
فله " ابووووووووو نسوااااااااااااان "
-بقى ساد حلكها لحد مادخلونا بغرفه ثانيه وبقينا بس احنا بيها

ميسر " فلفوله يله احجي اليوم انشرج بالفيس ..
فله " ب *** ***
تهاني " صخاااام نفضحنا ولكم سدوا حلكها ..
دمار " كافي فلاتي كافي نامي انتي تعبانه هسه يله حبيبي

فله " اشششش لاسمعني صوتك غراب البين تفتر عليه جنك ططوه "
ميسر " يابوووووويه ططوه متتتتتتت .."
مسلم " ولج فلافل دمار من سمع بيج اجه ركض وخلص طريقه بسرعه

فله " خبببببل دميران "
مسلم " هههههههههه "
فله " وامير المؤمنين خببببل "
دهام " ولج غير اجه علمودج "
فله " ياسوده عليه بس هو خبل مايفتهم دميران ماعنده عقل "

تهاني " كافي يمه سكتي شويه ستراحي "
فله " لعد غير دمار لبس ذشداشتي وطلع يركض وراي "
ميسر " هههههههه دشداشه نوووب ولك دمار صدككك "
دمار " جذب جاي تهذي غير مبنجه "

فله " شايفين هاي ايدي لو لا هاي عالجت هواي ناس خلتهم
يرجعون للدنيا بس هذا دميران خرب كلشي بطلني وكلي بعد ماتسوين عمليات للناس فد واحد حقيررررر
دمار " تره ساكت ومتحمل من مساع غلطج بسج شنو بالعه راديو "

فله " ميسر تدري اني عقلي جبير يعني فد وحده عاقله كلش وذكيه
بحيث امريكان دزوا عليه من كد ذكائي كالو ..نستفاد من ذكائج ونطوني مليارات
بس الحظ النحس غراب البين رفض ماخلاني هسه اني تلكاني اشرب ويسكو
واركص وي شباب

دمار " ولج بسسسس شنو هذا الحجيييي
ميسر " هههههه خلي تكمل جاي اسجلها..
دمار " نجببب انت طفي تصوير يله
فله " اريييد ماي فدوة عطشت بسرعه .. "
- طلع دمار بطل ماي وسندها يشربها ماي

دمار " جا مو سولفتيييي شكد حكج تعطشين "
فله " اكل خره لك لااسمطك هسه ..
ميسر " هذا دمار ولج
فله " بووووية دمار فد واحد ساااافل
مسلم " هااا صدك

فله " وداعت المختار ابن يزيد مدري منو يادمار صدك سافل
عقاب " تره يمج جاي يسمعج هو هههه .."
فله " بوووووية من الزمه هسه لو يجي حشد كامل وقوات فلا يطلع سالم من يمي

دمار " خلي تصحى وانه اعلمج .."
فله " انت غير زلمه "
دمار " ليش عدج شك زلمه وفوك "
فله " انه عدي سلاح ارميك بي "
دمار " ونعممم منج "
فله " نجببب ادبسززز **** لتكول ونعم نعم الله ضلوعك كون "

دمار " ولج كافي بسج شلون ماتسكتين "
فله " اسمعونييييييي "
الكل " هاااا
- رفت اديها وصارت تهز بيهن وتمايل براسها

فله " من بين اديه وراح مني .. المن بعد اسهر واغني .. كافي ياروحي الملامه .. الغايب يعود بسلامه .. هلااا هلاااا شدوها
ميسر " لك هلاااا بفلفول اي اي بعد روحي
دمار " ظاهر فلفله متأثره يساجده كلش

فله " اصلا ساجده دزت عليه كالت تعاي اريدج تغنين وياي
كتلها لا اشكرج ماريد كعدت تتوسل بيه ..تريد بس اشتغل وياها ماقبلت
ميسر " بويااااا الجووو صار حار كلش

- مرت كم ساعه وفله كعدت من النوم وصحت من البنج
فله " اااااخ وين جهالي وين "
- كوه افتح عيني واسدها واني اشوف خياله واكف وعيونه دم

دمار " الحمد لله على سلامتج "
- فتحت عيوني هزيت راسي بس والخوف تملكني دمار
شلون خاف ياخذ جهالي من عندي باوعت
عليه
فله " وين جهالي "

- تقدم عليه وبأيده اكل
دمار " بالعنايه بس يكملون فحص نجيبهم الج اكلي شي هسه على
فله " كعدت اكل لأن صدك ميته من جوع"
دمار " ليش سويتييي هيج "

فله " رفعت عيوني عليه شكله كله متغير مو مثل قبل تحت عيونه سواد وضعفان اكثر من قبل
دمار " سبع اشهر سبع انه لااعرف مكانج وين ولا ادري حامل بتؤام "

- عدلت كعدتي وهو ساعدني
فله " من ايدك تره اني لحد هسه ممتقبله وجودك ولاتضن راح ارجع الك
- رجع كعد على كرسي مقابيلي وطلع جداحه يطك بيها على ميز
دمار " كلتي ماترجعين موووو "

فله " ايىيي ماارجع كل الي صار بسببك انت كله من ايدك
عبالك ماوراي احد ورحت زوجت عليه هاااا
وياريت مزوج اي وحده زوجت معصووورة
دمار " ردت اشرحلج سبب مارضيتي "

- درت وجهي عنه وهو صار يحجي
دمار " انه ادري بروحي غلطان ولو يرجع بيه الزمن مااغلط هاي غلطه
بس احنا بشر مامعصومين عن الغلط ..

- قبل لتدخلين لبيتنا وتعيشين ويانا سوه
جانت معصومه
دوم عدنا بحجة تجي يم اختها جنت ارجع
الگاها بغرفتي لابسه ملابس فضيحه وتدلع

جنت دوم اطردها واطلعها من الغرفه وهي بقت على اسلوبها ماتغيرت
بيوم الي مرت ابوج رادت تزوجج هنا انه فقدت صح ضربناهم وطيحنا حضهم ..

بس حرگه بگلبي بقت لو جان ماملحكين جان جبرتج تزوجين
رحت بهذا اليوم وشربت رجعت للبيت دايخ وكالعاده دخلت لكيت معصومه..

- بس لأن دايخ ماجنت بوعيي صرت اشوفج بيها
وهي ماصدكت من اقتربتلها كعدت
الصبح لكيتها يمي وبفراشي تبجي ..

" بقيت مصدوم من الحاله احنا بيها وهي مكطعه روحها تكطع بالبجي سألتها شكو ..
وصدمتني رغم انه الوضع الي بي بس ماردت اصدك
معصومه " ولك انتتتتت كسرتنييي شلوون هسه شلوووون "

- كمت من مكاني وهي خلت وطلعت من الغرفه تبجي
بقيت ايام وانه افكر بالصار وتندمت كلش
حبيتج الج انتي وبس
بس قبل لانزوج دزت عليه امها رحت الهم
گالت ..

سعاد " انه عرفت بتي مكسوره وانت الكاسرها
ياتكمل الي سويته وتستر عليها ياافضحك فضيحه الله
رديت عليها " هي بتج كل ماارجع الگاها كدامي لاذبين صوج بيه صح غلطت بس هي غلطها اكبر "

سعاد " بتي من وراك تجي خطابه مااكدر اطيها لان مو بنيه
فهمنيييي شلووون على الاقل اتزوجها كم شهر وطلكها
دمار " وافقت زواجنا يكون على ورق وبس وكم شهر واطلكها "

- بديت احضر لعرسنا وكتلج العرس بعد اسبوع وانتي كلتي ليش مستعجل
جنت ماريد تعرفين قبل ماخليج بأسمي لأن ادري اذا عرفتي مستحيل تقبلين بيه بعد صح صرت اناني بس
مااكدر اعوفج واستغنى عنج انتي عندي مثل الهوى بهاي الدنيا "

دمار " انتي ماقصرتي بشي ابد انه القصرت وياج واحنا اثنينا غلطنا
انتي ختفيتي سبع اشهر وانه زوجت علييج "
خلي نصحح غلطنا
وننسا كلشي والتردينه يصير. "

- جان يحجي واني احس العبره خانكتني خنك وعيوني غوركن بالدمع
بس مابجيت التفتت عليه وهو يباوعلي .."
فله " تطلكها يله ارجعلك اني ماارجع للبيت اذا ماطلكت معصوره "

دمار " صار من عيوني طلاك اطلكها بعد "
فله " بهاي الفتره كلها ماريد اشوفك يمي لأن اني اصلا اكرهكككك "
دمار " المهم ترجعين للبيت والتردي يصير
فله " مصرف منك ماريد "

دمار " تره ذولة جهالي مثل ماجهالج انتي وباعتبار ابوهم انه من حقي اصرف عليهم
فله " تصرف عليهم ماعدي مشكله بسس عليه لا ماريد منك ربع
- هز راسه وكال
دمار " اجيبلج جهال شوفيهم ونسميهم "

- طلع وره شويه دخل شايل اثنين واحد عمتي تهاني شايلته
ضحكت وهنا احس دنيا مسايعتني من الفرحه واني اشوف جهالي الثلاثه
دمار " ليش عود ذولة من هسه وكحين حركيين كلش "

- تقدم انطاني واحد اشرت اله ينطيني .. الثاني
صغار وناعمين حيل وهو كعد خله بنتي بحضنه واني بحضني الولد
دمار " شوفي انه ابالي اسماء راح اسميهم الولد شهم وسهم والبنيه ملك

- ماحجيت شي لأن الاسماء حلوة هم عجبتني
رضعتهم واحد وره الثاني ودمار يلزمهم ومامصدك يضحك
دمار " تدرين لحد هسه مامصدك عدي ثلاث جهال شكد محضوظ انه "

- بقيت يومين بالمستشفى والاطفال بالعنايه هم
كملنا وياسر ماقبل نرجع بس عمو اسد اعتذر من عنده لان عدهم اشغال
" خذوا كل غراضي ورجعنا للبصره طريق جان متعب شويه وي الجهال "

" وصلنا للبيت نزلنا لكينا البنات منتضراتني سلمت عليهن وممصدكات بالجهال خذوهن مني يبوسون بيهم ..
والبنات مامصدكات اني رجعت

خذوني كعدت بغرفه عمتي لأن عمليه ومااكدر اصعد فوك بغرفتي
ودمار وياي بكل خطوه شوية طلع ماادري وين تقريبا ساعه ورجع جايب هزاز لكلهم

نصبوهن بغرفه وخليت الجهال بيهن ينامون
وهمه طلعوا كلهم علمود ارتاح طلعت
وراهم
اريد اشوف شنو راح يصير وصدك راح ..
يطلك معصوره لو لا

باوعت الهم من مكان محد يشوفني بي بس اني اشوفهم
جانت معصومة بأيدها جنط وهو يسحل
بيها يريد يطلعها من البيت صاحت بي ..

معصومة " ذبيتتييي لان ماجبتلك جهاااال موووو الله لايوفقها
ان شاء الله يموتون جهالكم وتحتركون نفس حركتي الله لايهنيكم
دمار " اول شي عرفي الله شنو بعدين تدعين بي ربج مايسمع دعائج لأنج وحده عار  "

معصومة " وخرررر عني وخررر مااطلع من البيت مثل ما فله مرتك اني مرتك هم
- هجم عليها دمار وصار يضرب بيه سحبها وطلعها من البيت
دعيت الله يوفقها ويسامحها على كلشي ..
سوته خليت ورجعت لغرفتي

" مرت الايام عاديه واني صرت اتحرك شويه ريماس والبنات كلهن وياي يساعدني بالجهال على رغم هنه هم عدهن جهال
انتقلت لغرفتي رجعت ودمار طلگ معصومه بس ابد مااشوفه وجهي ..
حتى هو من شافني ماريد اشوفه صار
يجي نص الليل عباله اني نايمه يشوف الجهال ويروح "

- بيوم كاعده بالحمام واغسل ملابس الجهال وهمه منومتهم
لابسه تراكسود برمودة قصير وملون ..
ودلعه لأن اني اختنك من ملابس الثكيله او الخنكه وشعري مسويته كبه
ماحس غير الباب نفتح التفتت اشوفه دمار

" وكفت ونشفت اديه بالتراك وهو دخل وسد الباب وقفله واخذ المفتاح بأيده ..
فله " هاي ليش قفلت الباب "
دمار " نريد نصفي كلشي بيناتنا يله افتحلج الباب "

فله " اعتقد مابينا شي حتى نصفيي اتمنى منك تطلع وتعوفني بحالي "
- قلص عيونه وعض شفته وعيونه صارت تتفحصني كلي "
دمار " بربج شلون ترديني اعوف هذا الكيك كله بحاله حتى الله مايرضى "

" رتبكت وهو صار يتقدم واني ارجع ليوره "
صار يطك اصبع ويغني "
دمار " يابو علي يابو علي اليوم اكضيها صلي "
- يحجي ويباوع عليه كصني كص بعيونه
فله " عيييب شنو هاي الهوسه استحييي

دمار " شبيج خايفه مني "
فله " افتح الباب حباب الجهال هسه كعدوا "
دمار " هسه شفتهم قبل لااجي وكالوا بابا انت شلون عايف امنا وحدها اخذ راحتك وياها واحنا راح انام مانزعجك "

- جذاب والله اصلا صغار هم وين يعرفون " دمار " والله خوش جهال مايزعجون احد
فله " كافي شبييك افتح الباب خلي اطلع
- بعدني ماكمله كلامي ..
ماحس غير ركض عليه ودفعني بالبانيو وهو صار فوكي يضحك ..

دمار " ولج احبچ انه يفزة روحي "
فله " بس وخر عني مو خنكتني خنك وخر "
- وخر عني وشمر مفاتيح عليه ملابسي نكعنن ماي فتحت الباب بعدني ماطالعه
ماحس غير نسحبت ونشك تراك كله من
طول للطول "

دمار " هاي سهلت الج عليمن بعد ترحين تنزعين شكيته الج "
فله " انت شبيك دوم عدك عركه وي الملابس وشكها دوم "
دمار " مو اريد اشوف ابداع الخالق وانتي ماحنيتي عليه شسوي سبع اشهر ونوب من رجعتي شعر صارن ثمن اشهر انتي حارمتني

فله " من ايدك كله لاتلومني ولو رجع بيه الزمن وغلطت نفس غلطتك هاي
هم ارجع اسوي الي سويته بيك واكثر هم
دمار " اوووووي شكد قاسي گلبج "

- تقدم عليه صار مقابيلي وهو طويل رفعت عيوني عليه "
دمار " شو بله غمضي هاي عينج مدري شبيها فوك جفن عينج "
- غمضت عيني بسرعه خفت لابي دوده او شي ثاني

فله " هااا هااا شبي احجييي ليش ساكتت "
- ماحس غير اديه صارت على خصري وباسني بكل قوه ادفع بي مايندفع قيد اديني وصارت لمساته جريئه اكثر ماخلاني اتحرك دفعني على سرير
وهو صار فوكي وخر شعري من وجهي باس
خدي گال ..

دمار " شگول عليج حارمتني من هذا العسل كله
- دفعته اريد اكوم ماخلاني لحد ماخلصت ساعه تقريب وشهم بچه
عفته وكملت عدلت روحي وخذيت شهم اسكته وهو كاعد وعيونه عليه "

- سويت ممه لشهم خذيت ملابس ورحت اسبح
طلعت وهو دخل وراي يسبح واني نمت ..
وهو اجه نام يمي على سرير
حضني واني غفيت بسرعه من نعاس .."

ريماس " ماما ريم كملتي دراستج بعد ماعندج شي مو "
ريم " اي ماما كملت كلشي شوفي هاي
الدروس كلها والكتابه هم "
ريماس " عفيه عليج يله روحي لغرفتج
نامي وباجر اكعدج ادرسج هم "

ريم " ماما خلي اخذ طف وياي هناك بالغرفه نلعب "
طف " اي اي اليد العب ويه ديم ( ريم)
عقاب " روحوا بابا بس ريم ديربالج على
اخوج ماشي بابا

- خذت ريم طف وراحت جنت ادرسها لصف الثالث
بالعطله واعلمها جدول الضرب وطف
مرات يكعد يمنا يستمع
وشمس كبرت شويه وصارت سمينه ..

عقاب " اگول رموسه تعالي يمي عدي حجي وياج "
ريماس " اي اجيت .. خليت شمس بالهزاز ورحت كعدت يم عقاب "

عقاب " صارلج شكد مامتواصله وي امج "
ريماس هواي تقريبا شهر حتى كلت لعمي اسد يشوف ليش ماكو مترد عليه "
عقاب " ها خوش شوفي انه ادري بيج انتي قوية وتحملتي اشكال "

- عقدت حواجبي واحس اكو خبر موزين
عقاب " ماادري شنو اكلج بس امج ماخذيها اخوانج للهند تسوي عمليه بيها
ذبحه صدريه
والعمليه بالهند ناجحه ان شاء الله ترجع
مابيها شي .. "

- وكفت وجسمي صار كله يرجف وهو وكف وياي
ريماس " هاي من شوكت ليش انه ماادريي
هاااا
عقاب " قبل اسبوع رايحه للهند تعاي كعدي لايصير بيج شي خليج قوية وادعيلها بالسلامه "

ريماس " لييييش محد كاليييي لييييييش"
عقاب " انتي تدرين بيه ماضم شي عنج بس
محد يدري اخوانج ماخذيها ورايحين
وانه اليوم عرفت وجيت اكلج لان سمعت من صديق اخوج كرار "

- كعدت بالكاع ابجي وهو اجه يمي حضني وصار يواسي بيه
ريماس " بلكي ماتتت وماشفتها شلون بله
هااااا هاي امي نحرمت منها بسبب اخواني
عقاب " لاتفاولين عليها هيج كومي ادعيلها مكان بجي هذا "

- كمت رحت للحمام توضيت وهو يترقبني
فرشت مصلايه وكعدت اقره قران وابجي ..
عقاب راح نام واني بقيت اقره كملت دعيت ربي الله يشافي امي ويجمعني بيها
كعدت شمس بجت
كمت خليتها بحضني وابجي واني اذكر كل كلمه كل لحضه جمعتني بأمي ..

" خليت شمس بمكانها واني ماادري شوكترنمت كعدت ثاني يووم على اتعس خبر سمعته بحياتي كلها
عقاب كعدني واني عبالي حلم ماريد اصدك الي يگوله

عقاب " كومي كومي بسرعه ناس نگلبت كلاب عدكم امج انتقلت لرحمه الله كومي
ريماس " فتحت عيوني واني دموعي تنزل
- بس كول جاي تشاقه وياي مو امي ماماتت مو هي عدله اي اي هيه عدله عايشه ماتعوفني "

عقاب " خليج قوية ام طف هذا امر ربج هم سابقون ونحن لاحقون يله كومي اخذج لبيت اهلج "
- كمت بسرعه وحتى شمس خذتها اميره
واني لبست عبايه وجسمي كله يرجف طلعت وره عقاب عمو اسد وكل الولد لكيتهم منتضرينا تقدم عمو اسد عليه حضني باسني براسي

اسد " بويه البقيه بحياتج خاتمت الاحزان صيري قويه بوية
صح موت العزاز صعب بس ميخالف هذا
امر ربج بعد مايصير نعترض على امر الرب

- هزيت راسي صعدنا بالسياره ودموعي تنزل لحد ماوصلنا للبيت
نزلت والبيت عبارة عن ناس تدخل وتطلع
دخلت للبيت واشوف نسوان تدك وتلطم
اني شفتهم واني بقيت ادك والطم شكيت
الثوب وصرت ادك على صدري
نسوان اجت كابلتني واني ملخت روحي تملخ. "

ريماس " ااااااخ ولج يمه مو كسره ضهر كسره عمر فركاج "
شلووووون عفتينيييي يمه شلون ماشفتج
ولج يمااااااا مامصدكه عفتيني كومي هاي
اني جيتج كومي تلكيني جيت لبيتج كومي

- ولج يمه ماشفتج ماشبعت منج كوميييي ولج كومييييي ااااخخخخ ولكم يتمتونيييي
انتي وابوي ولكم امييييييي ويين ويييييين

فله " من سمعنا بخبر موت ام ريماس كلنا بجينا رحنا اني وعمتي وراها
خذانا دمار لبيت اهلها وصلنا الهم دخلنا ..
لكينا ريماس صدرها صاير دم وتدك على
وجها دخلت عمتي تهاني وحضنتها. وهي شافتنا وملخت روحها دموعي صارت تنزل
على حالها "

تهاني " كافي يمه كافي مو هيج تسوين بروحج "
ريماس " ولج عماااااا راااااحت عافتنيي
ولج البارحه ادعيلها واكعد الصبح اسمع خبر موتها

ريماس " ولج يماااااا بعد المن اشكييي همي ولج عفتينييي وسويتيها صدددك
ولج اني وحيدج شلون عفتيني فدوة كومي

- ولج يمة بعد منو يكلي شبيج تعبانه هااا منووو يگلي بعد
منووو يدعيلييي بعد منو تفتح شيلتها بعد وتدعيلي الغروووب هااا ولج يمه بعازتج ..
بعدني والله بعازتج "

فله " دخلو بالتابوت وريماس شعرها كصير صارت تملخ بي شعرها وكع كله
بالگاع كسرت گلبي كسر
فتحت التابوت وحضنت امها وتصيح

لحد مااخذوا التابوت وطلعوا وهي ركضت سبحت هم وطلعت وراهم ركض
وعمتي تهاني وياها راحت للمگبره وياها ..
بقن نسوان يطبن ويطلعن ولطم خنكه ..
اتصلت على دمار ..
اجه ورجعنا للبيت

ريماس " مر اسبوع على وفاه امي واني احس روحي طلعت
فراك الام صعب كل ليليه اشعل شمعه
بغرفتها وادخل للغرفه احجي وياها وگان
احس هيه تسمعني
دخلوا اخواني للبيت شافوني ستغربوا ..

كرار " انتي شعدج بعد هناااا ماترجعين لعيالج فاتحه امج وخلصت
- مارديت عليهم بس اتمنى عندي اخ ..
يجي يحضني ويصبرني على فراك امي

سجاد " راح اتصل على رجلج يجي ياخذج لاتبقين هنااا بعد ماالج اي شي يمنا
امج وماتتت بعد شكوو باقيه هنااااا
- وكفت وصرت كبالهم ودموعي تنزل على
حالي
ريماس " انتم هم تنحسبون على زلم كل رجوله ماعدكم ياعارات

- ماحس غير داروا عليه كطعوني تكطع هم ثلاثه وضخمين واني صرت بينهم ناعمه مث الوحوش داروا على فريستهم
خشمي طك دم ماحس غير راسي طك
بحديده الدرج والدم صار ينزل على وجهي
فقدت بعد "

" كعدت الم براسي يمووت لكييت روحي اني بغرفتي
كمن كوه واشوف راسي ملفوف كله شوية
ودخل عقاب للغرفه
عقاب " الحمد لله على سلامتج كعدتي واخيرا "
ريماس " ليش شنو صار "

عقاب " خلي انطيج علاجج وبعدين نحجي
- نطاني علاج اخذته وهو خلاني بحضنه ..
وصار يحجي "
عقاب " اتصل عليه اخوج كال تعال اخذ مرتك كتله خوش على ماوصلت للبيت ..
اريد اخذج مااشوف بس هوسه وصياح
بالبيت

- دكيت الباب محد فتحه طلعت وحده من نسوان اخوج تصيح
.. الحك الحك كتلوا مرتك ودمها خلص
- انه سمعت هيج كتلها تسويلي طريق
دخلت لكيت خوانج كاعدين يتفرجوون
عليج وانتي دمج تارس الصاله

" صحت عليهم وغلطت "
عقاب " انتممم شنووو من بشرررر ولكم
اختكممم هاي اختكممم شلون تسوون
هيج بيها
علي " احنا ماعدنا اخت تريد تلحك عليها
اخذها هسه وروح

- ماحجيت وياهم لان انتي فاقده ركضت وجبتج للمستشفى
خيطوا راسج 6 خياطات ونوب صحيتي ..
ماادري تذكرين لو لا
رجعتج للبيت تاخذين راحتج احسن من هناك ...

" هزيت راسي ماحجيت شبي لان اخواني واعرفهم قبل
باعوني وخلو دمي بطولي هم ماعدهم رحمه الله يهديهم
- دخلت اميره وشمس بأيدها

اميره " جبت شموسه لان تبجي عليج "
ريماس " انطينياها "
- خذيتها بوستها وحضنتها وهي تضحك
وتباوع عليه
واميره عافتنا وراحت ندك الباب صاح عقاب ادخل

فله " احم هلو رموسه حمد لله على سلامتج
ريماس " الله يسلمج داده "
فله " هاي جبت الج غده تغدي حتى
تصحين شويه "
عقاب " تعاي دخلي انه طالع

فله " لالا شيخ اني رايحه جهالي خاف يكعدون محد يمهم
بس جبتلكم غده تغدوا هنا انتم خوش

اميره " بعد ماعفتهم مالي نفس حتى اتغده او شي
دخل دهام للغرفه ..
دهام " شبيها الحلوة زعلانه "
اميره " لا ماكو شي تغديت انت "

دهام " لا انه هم مااشتهي المهم شبيج "
اميره " انت تدري بهاي الفتره ماخلينا ..
دكتور ماراجعنا علمود طفل
بس ماكو دااخذ علاج بس ماكو فايده ..

- حضني وباسني براسي
دهام " الصبر حلو اميرتي انتي اصلا بعد وكت على جهال ..
اميره " بس شلون يعني بله ماصار عندي
جاهل هااا شلون

دهام " ماعوفج شبيج حتى لو ماصار عدنا انه وياج ماعوفج
واذا كلش كلش ماصر عدنا ناخذ من جهال دمار شتكولين ..
اميره " ابتسمت وهو لزم وجهي
دهام " اي هيج اريدج دوم مبتسمه لاصيرين ضعيفه والله هو الرازق بس لازم نصبر شوية والله يجازينا على صبرنا "

اميره " تمام "
دهام " ولج انه ليش احبج ام عيون "
اميره " لان انه اميرتك وتحبني غصب عنك
دهام " لا بويه انه احبج بدون غصب ههه "

ماريا " دخلت للغرفه وبأيدي ايهم ابني ومسلم كاعد يلعب بجهازه
جيت يمه وهو فاقد ماحاس عليه رفسته
بطنه وكع جهاز من ايده

مسلم " اخخخخ بطني ولج شنو عدج مداهمه اكو واحد يسوي هيج"
ماريا " دكوووم كووووم مخلصها سهر
للصبح واني ضيم عليه
هااااك ابنك لزمه شوية مو كله عليييه

مسلم " امداج .. انطيني ايهومي خلي ابوسه حبيب ابوه "
ماريا " اي هو انت بس بوسه ومخليه
عليه
مسلم " دطينييي طيييني
ماريا " خلي عدك على ماكمل شغل
واجي اخذه منك

ماريا " خليتهم يلعبون سوه واني رحت اكمل شغل البيت
بعدها رحت سبحت وغيرت ملابسي اجيت لكيتهم نايمين اثنينهم
خذيت دولكه ماي وذبيته على مسلم

مسلم " طيح الله حضج ولج تخبلتي انتي "
ماريا " كوووووم نام على سرير لاجسمك ..
يتكسر "
مسلم " رحم الله والديج گمت رحت تمددت على سرير
ماريا " اكوووووووووووول "

مسلم " كولي كولي "
ماريا " اريد نطلع عفيه مختنكه "
مسلم " خوش حضري روحج ..."
ماريا " عزاااااا صدك "

مسلم " اي "
ماريا " احبببك احببببك حبيبي "
مسلم " لوگيه "
ماريا " عفته وكمت بدلت وبدلت لايهم
خلصنا وطلعنا للمول "

- بقينا نفت وبعدها رحنا ناكل بمطعم .. واجه ولد شاب سلم على مسلم وعيونه
عليه
.. اكول مسلم هاي منو الحلوة الوياك .."
مسلم " اكل خره لك هاي مرتي شنو ماشوف ابني وياها "

- الولد تفشل وصار يعتذر ومسلم وجهه صار احمر
يريد بس كون صديقه يطلع بعدها راح هو
ومسلم صاح
مسلم " كوميييييي يللللللللااااااا "

ماريا " وجع كووون شبيك فززتني اني شعليه "
مسلم " انجبي يله كومييي "
ماريا " شنووو تغار عليه هاا"
مسلم " عليمن اغار على شكلج الازرك "

ماريا " يححح اني اني زركه ولك مسيلم "
مسلم " ههههه اشاقه يابه "
ماريا " امداك الازرك انت ابو الوصخ "
مسلم " ولج رجلج انه مو اخوج وتغلطين
ماريا " عادي عادي غير ميانه "

مادلين "  كاعده بالغرفه وابجي معقوله بعد هاي هيه
دخل ابني حُر شافني واجه مسح دموعي
حُ " افا عليج يمه تبجين علمود بعد مايصير عدج طفل جا انه وين رحت هاي
انه وياج

محمد " هاي شنو ناصبيها مناحه شكوو
حُر " مرتك مادلين تبجي لان مايصير عدها
بعد طفل
محمد " لا لا مامقبوله منج ام حُر هاي انتي تبجين علمود هيج

حُر " عفتهم وطلعت وهمه بقوا يسولفون كلت خلي ياخذون راحتهم "
مادلين " محمد انت لازم تزوج شنو يعني يبقى عدك بس واحد

محمد " وانه قابل بهل واحد انه مااخذ عليج انتي وبس ..
ماتملي عيني اي مره بعدج هذا حُر كافي
علينا شعدنا قابل

مادلين " حضنته وهو هم كذالك بعدين رحنا لبيت عمي اسد "

فله " صار العشه وتعشينا ريماس حالتها نفسيه تعبانه خليناها فوك بغرفته متنزل
مرت ايام وطلعت اربعين والده ريماس ..
والشيخ اخذها راحوا زاروا ورجعوا ماقبلت
نبقى بالاسود كالت ذبوه

جهال حتاريت وياهم ثلاثه وضهري نكسر ارضع بهذا يبجي ذاك اسكت ذاك خبلوني
لحد مانومتهم وخلصت
تمددت على سرير ضهري نكسر كسر دخل
دمار رجع من الطلعه ..

فله " دماااااااار بعد طلعه متطلع فاااااااهم
دمار " بسم الله شكو شبيج هاده عليه يوم
فله " يعني ميصير جهالك عليه وضهري مكسور شنووو تره لازم ساعدني بيييهم ..

دمار " ان شاء الله "
فله " مو احجييي وياك شنوو تحجي من وره خشمك صاير "
دمار " استغفر الله شتردين بويه فهميني
فله " لايكون تحب وحده ولك دمار خاف
من زوجت معصوره ماسويتلك شي بس
خليها ابالك تره اخنكك لو ادجك ارميك
تره مخبله وكلشي اسوي ..

دمار " بويه انتي طاكه فيوزاتج اليوم شنو احب وحده ومعصورة شجابها "
فله " هااااا يعني صدك تريد تضيع سالفه عليه موووو وعايف جهالك عليه
وانت تتونس ومخلصها طلعات

دمار " لاحول الله اروح انزل جوه احسلي "
فله " هااااي فوكها انت زعلان غير تجيييي
تراضيني وتكلي مشتاقلج "
دمار " شبيج شبيج اليوم
فله " مابيه شي "
دمار " خوش شنو رأيج اراضيج بغير شي .."

فله " شنوو بله "
دمار " تعالي اشاورج "
- رحت يمه شاورني فتحت عيني مصدومه
فله " عزاااااا انت متستحي كلش كلش
دمار " دكومييي يله انه راح احضر سهره وانتي روحي بدلي وتعالي "

فله " شوووف تره اني ماميته عليك بسس اني لأن ضايجه راح اگوم اركص
لأن مااخلص من الضوجه اذا مااركص واكل خوووش "
دمار " ايييي يله خوووش "

- رحت طلعت فستان طويل لونه برتقالي بي فتحات ومشرشب كله من طول للطول
وهو راح يحضر ميز وحلويات "
لبست الفستان ورحت خليت مكياج وعطر
وفتحت شعري شافني صفك "

- كعد على ميز وطلع الخشبه مالته صار ..
يدك عليها ويغني "

دمار " يالبرتقاله .. يالبرتقاله عذبتي حاله
" معلگه وتزهين .. معلگه وتزهين عذبتي
حاله .. عذبتي حاله .. شلج على ابن الناس
شلج على ابن الناس .. يالبرتقاله يالبرتقاله

" صرت اتمايل وهو يدك ويغني مسوي اجواء صدك حلوه .."

دمار " ايدج ايدج فوووووك ايييي روحييي "

- خد احلى من خد .. والوجه يامحلاه .. والوجه يامحلاه .. على الشفه ورد .. على الشفه ورد .. يالبرتقاله يالبرتقاله عذبتي حاله .. شلج على ابن ناس ..عذبتي حاله

دمار " يلااااا شديها شديها هلاااااا هلاااااااا
احوووووووو احاااااااااا "

- رحت على سرير صعدت عليه وضليت اهز متني واهز شعري وهو مستمر يغني "

- طوول الليالي.. طووول الليالي.. سهران افكر بيج ..سهران افكر بيج ....بس رحمي حالي ..ياحلوة الحلوات.. بس رحمي حالي يالبرتقاله يالبرتقاله.. معلگه وتزهين.. عذبتي حاله شلج على ابن ناس عذبتي حاله

دمار " دبجييي بووووويه دبجيييي هزززي"
- هلااااا بويه هلااااا روحي روحي بعد بعد "

- مثل الغزاله .. مكحله العينين يالبرتقاله
حيرت كل الناس ... حيرت كل الناس يالبرتقاله يالبرتقاله.. معلگه وتزهين عذبتي حاله ... شلج على ابن ناس ... عذبتي حاله

فله " رفعت ثوبي وطلعت رجليه وهو صوفر وصار يدك على خشبه اقوه حيل

دمار "  اويلييييي عليج ضيييييم هزززززي ركص ركص ركص ركص روحييييي شعرررر شعرررر اي اي عفييه "

فله " عاف الدك وكف كبالي وصرنا اثنينا نركص سوه "

دمار " لك يابه عميييييي احتركنااااا والله "

فله " بقيت اصفك بأيدي واهز بخصري. وبالشسمه وهو جاب الخشبه ويدك اقوى عليها "

- هي هي هي هيهيهي شدددد شددد اي "

فله " تعبت وكعدت اشرب عصير وهو يضحك عليه
بقيت اكل كملنا ورحنا نمنا .. ثاني يوم
هو ماموجود طالع بالشغل
نزلت كعدت يم الولد مجتمعين والبنات

- اكولكم ضوجة كلش كلش يعني "
اميره " اي والله حتى عمو اسد وعقاب وعمتي تهاني راحوا لفاتحه "
فله " اني عندي فكره شنو رأيكم "

ريماس " الله يستر من افكارج اني ماخذه جهالي وصاعده لايلوحني طشار
ماريا " ههههههع شبيج ولج هاي بعدهي
حتى ماحجت شي
ريماس " ولج ام مصايب اكيد ابالها شي ..

فله " لعد كلولييي وين نروح مثل خلي نتونس شبيها الدنيا "
ميسر " تعاي بس انه افهمج كولي شنو
فكرتج يبت عمي .. "

فله " باعو حجيبلكم ملابس منريدها تمام
سيف " شنسوي بالملابس "
فارس " ضربته على علباته.. دخلي تكمل حجي لاتلگف
سيف " طاح حضي وحضك "
ميسر " سكتووو لااكوملكم "

- اي شسمه شوفوا اجيبلكم ملابس ونخلي عليها نفط ونحركها
ونسد باب الاستقبال هم ونخابر على دمار
عود شكلك احتركنا "
ميسر " حلوة الفكره عجبتني كلش "
ماريا " كومييي خلي نجيب ملابس يله "
- صعدنا فوك طلعنا الملابس الي منريدها نزلناه جوه اتصلنا على دمار "

فله  " ولكككككك دماااااااااااااارررر الحك ..
احتركناااااا جهالك حتركووو والبييييت كله
والباب مقفووووول علينا حديد ميفتح اااااااخ ولج يماااااااااااا لحكييييي وقفلت
الجهاز بوجهه مااسمع بس صياحه .. "

يتبع ..