#بيت_الشيخ_اسد
#يقين_التميمي
أخذ دمي ..
اذا حچي القصايد برد بچفوفك
أخذ دمي
طلبتوا صورة للمعصورة 😂
هاي تشبهه معصورة بس عيونها سود
فلة - شتريد تسوي سوي اني لاخايفه منك ولا من اي احد المهم اني اعرف نفسي مامسوية شي غلط وحرامات بيك كل الحب انت متستاهل
دمار - اعلمج والله لاشوفج نجووووم ضهر
فلة - شتريد تسوي سوي
دمار - بسيطة بسيطة
فلة - كسر جهازي سواه طشار و طلع من الغرفة وقفل الباب وره اسمعه نزل يصيح ويغلط ماخله كلمة ماكالها
كعدت صافنه ابد مابجيت
صار ليل واني اسمع بس هوستهم جوة وكل شوي يصيح
سمعت باب ينفتح واشوف ريماس جتي
ريماس - متأذية موو
فلة - كسر بأيدة يارب
ريماس - تعالي تعشي يله
فلة - تعاي جيبي وانتي متعشيه لو بعدج
ريماس - لا جبت عشاي وياج
فلة - ديله تعالي وياي وخليهم هم شيسون خلي يسوو
ريماس - حتى بهاي حالتج تفكرين بالاكل
ههههه
فلة - اني اعرف نفسي مامسوية شي غلط ودمار ضربني وحوبت يتيم ماتخطي هووو
اتهمني بدون مايسمع مني خليه براحته
ريماس - اذا انتي على حق ليش ماحجيتيله
فلة - مو داكلج عليمن اتعب نفسي واحجي اذا هاي سعلوة المعصورة مدري شمسوية
اااااخخخ بس خلي تصبرلي الا اندمها تندك
بيه انيييي
ريماس - دمار راح يعقد عليج
فلة - خلي حتى اني اعرف شلون اخبله والله وخلي يتندم على كلشي سواه. بيه
ريماس - راح تبررين الهم
فلة - ترة اني بت شيوخ واخلاقي معروفة على شنو اروح ابرر الهم
اذا هم مصدكين خليهم
براحتهم خو ماروح واكلهم
تعالوا يابه ترة هيج وهيج
ريماس - محد صدك جوة وعقاب گاله ماتزوجها
فلة - اي بلة حجيلي شصار
ريماس - اني كاعده اسوي عشه واجت معصورة على كولتج الابتسامة شاكه حلكها شك شوية ونزل دمار يرعد
دمار - بوياااااااا وينك
اسد - ياستار شكو شبيك
دمار - مو تريد ازوج انه هاي هيه حضروا للخطوبة راح اعقد على فلة
عقاب - وشمعنى هسه البنية بعدهي تدرس مو وكت زواج
دمار - بكيفكم تحضرون للخطوبة وتسوها على حسب الاصول لو اخذها واعقد عليها
اسد - وشنووو هي تايهتلك
عقاب - لاعبالك ماعدها اهل وتريد تستغلها احناااا اهلها تره
دمار - خوووش جا تعالوا اشوفكم قبل لايجون عليكم بيت سعاد
عقاب - سعاد شدخلها
دمار - هاك بوية انت شوف بعينك حتى تصدك
اسد - لااله الا الله وانت صدكت موو
دمار - سمعتها بأذني تحجي وياه ويكلها احبج يعني شلون مااصدك
اسد - اي فلة بنتي تربيتي واعرفها مايحتاج توضحلي انه اعرفها شنو
وهاي انت ابن عمها الي لازم يكون سندها جا شخليت للغريب بعد
دمار - بت عمي گلت موو خوش وانه اريد استر على بت عمي طلعت سالفه عليها
اسد - مااجاوبك الا اخذ رأيها اذا هي قابله خيرا على خير وبنتي فلة تبقى يمي واذا ماقبلت باحلامك خليك ولو تأذي شعره منها فااااهم
دمار - تقبل وهي الممنونه فوك سالفتها ماتقبل حتى اموتها والله
عقاب - دروححح لاتاخذنا بصياحك مووو انت تقرر مصيرها هي راعيه وافهمه واليي
تختاره احنا وياها
ريماس - وهذا كل الي صار ودمار طلع من البيت عصبي والي يحجي وياه يمكن يكتله
فلة - شوفي عمو اسد وعقاب يعرفوني شنوو انه بدون ماوضحتلهم مع الاسف
دمار جنت اعتبرة كلشي بحياتي بسس
خلاص انتهى كلشي
ريماس - لاضوجين كلنا وياج وانتي قرري
براحتج لاتستعجلين بقرارج
فلة - لا على شنو اضوج اصلا شي عادي هذا الموقف عرفني منو الي وياي ومنوو
الي مو وياي
ريماس - اروح فدوة للفاهمة
فلة - شلون صرتي انتي
ريماس - والله بس احلام بعدهي وخايفه خاف ارجع مثل گبل ونوب اني حامل
فلة - لاتخافين ان شاء الله ماكو شيي
ريماس - ان شاء الله اني اعوفج تفكرين ومثل ماكتلج لاتستعجلين بقرارج
فلة - قراري واضح اني مايحتاج افكر
ريماس - يلة عيني اخذي راحتج
فلة - الله وياج
طلعت ريماس واني ابالي شي ان اذا وافقت على دمار راح اخبله ومن يعرف
الحقيقة خليه يتندم ومن جهه خايفه
ان الشي الي راح اسوية غلط خذبت نفس
ولبست شال وطلعت من الغرفة انزل جوه
ختنكت كلش مشيت للحديقة وكعدت وره البيت يمكن اذا اموت هنا هسه محد يدري بيه لزمت عصه صغيره وبقيت اخط بالكاع اشخبط ومااسمع بس صوت بجي ستغربت هاي شنو
وكفت ومسحت اديه بثوبي ورحت وره مصدر الصوت ضميت روحي وره شجرة
وطلعت عين وحدة اشوف شكو
وانصدم دمار لازم المعصورة وهي
تبجي بحضنه هزيت ايدي والله يالله ويحجون عليه ويكولون رخيصه ماغيركم رخاص
خليت وطلعت من وره شجرة مقابيلهم وهم بسرعه ابتعدوا عن بعض عقدت حواجبي وكتفت اديه بقيت صافنه عليهم
دمار من شافني خزرني وراح طلع
وهاي مسويه نفسها فقيرة وتبجي
- اي ياست المعصورة فهميني شنو هاي سالفة جديدة الي مسويتها
معصومة - مامسوية شي هذا قليل بحقج
فلة - ؏ فكࢪة لغيࢪة ولنفاق ما عليهن دࢪجات شدعوة شادين حيلكم؟
معصومة - اي ايييي اني اكرهج الج اموت منج انتي جيتي وخربتي كلشي بحياتي جنت مخططه اله خذتي دمار وصار يحبج هوااي
خذيتي مني اشياء لج اكرهججج
فلة - صفنت على حجيها وردة فعلها كتلها تعيشون وتحجون بضهࢪنا ونعيش ونحࢪك دمكم حࢪك
هجمت عليه تريد تكتلني واشوف طابوكة بالكاع ركضت عليها شلتها وفشختها بيها
ورجعت للبيت
خلاص هاي هيه اني قررت الي اريدة وراح
اسوي واحرك دمهم حرك
دصعد الدرج وماحس غير نسحبت وايده
سد حلكي بي دخلني لغرفته وسد الباب دفعني حيل وكعت بالكاع
دمار - سمعيني لج وفتحي عقلج وياي ان باجر ماقبلتي اعقد عليج شايفه هذا سلاح
افرغه براسج كله ومحد يمنعني
-حجيت بكل برود وياه والعب باضافري
فلة - لا شلون مااقبل بيك ابن عمي وتستر عليه مابيها شي
دمار - يعني فرحانه بسوالفج فوكها
- وكفت على حيلي وهو يخزر رجعت خزرته
فلة - يجي يوم وتتندم على الي سويته ساعتها اعذبك على نار هاديه
دمار - نجبيييي لج فوك عملتها تحجين هيج شكد كرهتج حتى معصومة احسن
منج طلعت
-كلامة مثل السم دينطيه الي بس مع كل هذا رديت برود
فلة - منو جابرك روح تزوجها
دمار - اكسر عينج بيها هم
فلة - الي تريدة سويه ماخايفه لا منك ولا من الاكبر منك بس من الله اخاف ومتأكدة يجي يوم وينكشف كلشي وحسبي الله ونعم الوكيل بيك وبهل معصورة
-هجم عليه ولزمني من شعري الي تكطع بايدة عيوني نترست دمع بس مابجيت صرت اضحك بهسترية وهو متفاجئ مني
من شافني اضحك عافني
دمار -شبيج شبيج تخبلتي انتيييي
فلة - اذا تخبلت ف السبب منك حبيبي ابن عمي الغالي الشريف وين اكو منك
دمار - شووو ماعاجبج انتي احجييي شتردين تسوين
فلة - ماسوي شي غير تريد تعقد عليه خلاص اني حوافق عليك مو هاي تريدها انت
-كعد على كرسي وخله ايده على عيونه يفرك بيهن للحضة شفت عيونه متروسه دمع بس مانزلن
دمار - ليش هيج سويتي
فلة - أني كسرت مية حاجز حتى أبقى وياك بس أنتَ مكسرت شي غيري
دمار - لييشش تنكرين ليشش ولج بعيني شفت الصور لو احد غيري جان ذبحججج
فلة - اصعب شي بالدنيا من يكون اغلى شخص عدك وتحبه تتفاجئ بي وشتحجي
محيصدكك هذا انت يادماري
دمار - ليش جذبتي عليه
فلة - ولك وانه من اجذب جذبه بيضه عليك اضل ارجف مو يله بهيج موضوع
وانت ماصدكت
- عفته وطلعت قبل لايجاوب دخلت لغرفتي بقيت ابجي وانفجرت بالبجي
اني بحياتي كلها مارتاحيت اخلص من
ايمان وسوالفه يرجعللي هل دمار هذا
خذيت نفس من بين شهكاتي ثوبي تنكع من البجي بقيت افكر ماجاني نوم ابد لحد
الفجر يله شوية غفيت
- كعدت الصبح غسلت وجهي عدلت الفراش جسمي مكسر من كتلة دمار
خليت شال على راسي وطلعت من الغرفة
واشوفه هو واگف باب غرفتة خزرته صاح بيه
دمار - عيونج لج لافكسن الج
فلة - بيك خير تعال
- ركض وراي واني شردت نزلت الدرج بسرعه
تهاني - الله الله يمة شبيج هيج تركضين لاتوكعين
فلة - خذيت نفس والله عمه ابنج المسودن يركض وراي
تهاني - يا يا ولج لايسمعج ويكتلج
فلة - واذا سمع شنو خايفه منه لو
-بعدني ممكمله كلامي وصاح
دمار - ايييي ايييي كملي بعد بعد
فلة - حقيررررر
- نزل على درج يركض واني شردت للاستقبال يم عمو اسد لكيته كاعد
ويمه شيخ عقاب
اسد - ياهلااااا بهل صباح بوية شلونج شنو من بارحة ماشايفينج ليش حابسه روحج بالغرفة
فلة - صباح نور عمو بعد تعرف الوضع انت
عقاب - احنا ندري بيج مو على غلط ومادامج انتي مو على غلط ليش حابسه روحج ولاتكولين ماعدي ابو او اخو انه اخوج وابوي ابوج
فلة - الله يحفضكم احسن من الي بالي
- نزلت معصورة من الدرج ودمار هم اجة حجت هيه وتعدل بشعرها
معصومة - والله زين هاي بدل ماتعاقبوها على سالفتها واكفين وياها
عقاب - معصومةةةة لاتدخلين انتي
معصومة - لان احجي الحق موو تريدني اسكت
عقاب - احترمي نفسج تره ساكت عنج هواي
فلة - سكتت معصورة ماعجبها الحجي وصار هدوء والكل كاعد يتريك حمحمت
وحجيت
- اء اء اء عمو اني موافقه
اسد - على شنو بوية
-باوعت لدمار الي رفع راسه وشيخ كذالك منتضريني احجي
فلة - عمو موافقه اتزوج دمار
اسد - بوية متأكدة من كلامج انه ماريد اجبرج هذا زواج مو لعب
فلة - لا عمو اني فكرت موافقه
معصومة - شنوووو شنوووو هاي شكو تزوج دمار فوك مامسوية مصيبه
دمار - معصومااااا اسكتييييي
فلة - رفعت حاجب وابتسمت بأستهزاء
اسد - بيها الخير بوية
عقاب - واحنا وياج لا عبالج واكفين وي دمار انتي اختي وانه وياج
فلة - الله يحفضك النا شيخ
- عفتهم وگمت اشرلي ميسر ويضحك ابتسمتله ورحت اله
ميسر - بسرعه روحي لبسي دشداشة من دشاديشي وتعالي ركضضضض
فلة - ضحكت .. ليش شكوو
ميسر - امشي ماكو وقت روحي بدلي وانتي تفهمين
فلة - خوش .. عفته وصعدت فوك دخلت لغرفت ميسر طلعت دشداشة من خانته لبستها وغطيت بيها رفعتها من جوة ولزمتها بأيدي ومشيت طلعت من الغرفة
وشافتني ريماس
ريماس - ها ولج لايكون حتسوين مصيبة جديدة
فلة - هههه لا لا بس هذا ميسر كلي مدري ليش
ريماس - خوش روحي تونسي وياه تلكينه شو راح يسوي هسه
فلة - اي اي يله خلي انزل ..نزلت وشافتني عمتي تهاني ضحكت ورحت للديوان دخلت ولكيت ميسر ومسلم كاعدين
الشباب - ياهلاااااا بفلة
فلة - ههلا بيكم ههههه
- وكف ميسر راح يم الباب وصاح
ميسر - كبير كهنه المعبد آل خمائو يتشرف في الدخول اموووون
فلة - فتح باب ميسر ودخلوا فارس وسيف لابسين كلبيات وسبح ولازمين عصا وشادين راسهم بوصلة سودة
فارس - لعنة اموووون عليكم
سيف - سلااام على امون الحبيب
ميسر - سلام على امون الكبير
فلة - كعدوا بالگاع مثل من يركعون بالصلاة وخلوا راسهم بالگاع بعدين
كعدوا وميسر كتف ادية وركع الهم
ميسر - سلام عليك ياامون كبير كهنه المعبد العزيز
فارس - وعليك السلام يا ميسرون
مسلم - اطلب منك السلام يااموون
فارس - لم نسامحك الان نسامحك بعدين
ميسر - لدي حلم ياامون اريدك ان تفسره لي ياامون
فارس - ماهو حلمك ياولدي العزيز
سيف - اهئ اهؤ اهئ
مسلم - خاب سويف شبيك انت شنو منبه كل شوي وكلت اهؤ اهئ شبيك
سيف - غير ابجي عليهم ههههه
فلة - نوب اني مخلين حارس على امون
مسلم - ههههه خوش حارس
فارس - وها انا اتيك لأفسر حلمك ماهو ياامون
ميسر - فل تغفر لي ياعزيز مصر
فلة - آل خمائو فسر حلمه عنده حلم
فارس - تكلم ماهو حلمك
ميسر - حلمت انني تزوجت ماهو تفسيره
فارس - طاح حضك شلون تزوج وال خمائو بعده مامزوج
ميسر - سامحني ياال خمائووو
سيف - لاااااا لم نسامحك ابدا
مسلم - ماذا يفعل الان
فارس - سوف نسامحه لكن لم يتزوج الا نحن نتزوج
فلة - لقد غضب ال خمائو ههههه
سيف - يحيى كبير مصر يحيى كبير الكهنه
فارس - لعنة اموون عليكم
مسلم - وكفوا فارس وسيف وصاروا يتعاركون بالعصص
فارس - وانت شعليك
سيف - اني ال خمائو الكبير
فارس - نجب انه ال خمائوو
فلة - يبووووي تعاركوا
مسلم - دخل ميسر واسطة خير بنهم فاككهم
فارس - والله ياسيف الا اكول لأمون عليك
فلة - ههههه شلون تگله
ميسر - لماذاااا تتشاجرون لقد غضب الاله منكم لماذاااا
فارس - هيا اشردوا
فلة - رفع دشداشته فارس وركض طلع برة وسيف لحكه وميسر ركض وراهم يريد يكتلهم شوية ورجعوا كلهم سوه
ميسر - لج فلة مرت اخوي راح اصير اشك هدوميييييي شلون
فلة - هههه لالا لتشك يطشر العرض
ميسر - فلة يابنت عمي العزيزة التي احبكي من كل قلبي ساقول لكي لاتحزني لأن سوف تتزوجين هذا المعقد افرحي وكأن الدنيا لم تحزنك يوما
فلة - خوش راح اخذ نصيتك ههههه
سيف - دكوموا خلي نركص احسن من ماكاعدين هنااا
فلة - ندفع الباب ودخلت ماريا
ماريا - ياخونه شلون تلعبون وماتكلولي
مسلم - هلا بگلبي هلا بعمري هلا بروحي
فارس - نجببببب لك تتغزل باختنا كدامنا اسكت لااكوملك
مسلم - نجب انت تعاي يبعدي تعاي يمنا
ماريا - دكافي يله شحتسون
فلة - يردون يركصون
ماريا - يااااااي يله فدوة
فارس - جبتلكم ديجي يله
فلة - شغلوا اغاني وصار ميسر ومسلم وفارس وسيف يطكون اصبع ويهزون بركبتهم ويطكون رجلهم بالگاع
ميسر - حبيبي وراح للبصرة
سيف - وخله بالگلب حصرة
مسلم - ولاعيني تنام الليل
فارس - ولاعيني تنام الليل
سيف - لاگلبي طفه ورتاح
ميسر - يسسس نوووو. يسسس حي
ثاكيوو جينكوو يسس نووووو
تدرووون يعني شنووو
وشلوووون ركص العمارة هيج وهيج
فلة - وكفوا وصاروا يركصون ورافعين دشاديشهم ويهوسون
سيف - يماااا يمااا دعمني الباص ماكل العفوووو
مسلم - تدروووون محمد سالم شگال
الولد - شگال
فلة - غنه مسلم وصار يأشر على ماريا
مسلم - اني احبج ليش ..ليش انتي بالذات
شنوو ماعدي اي نضر شنو ماعدي اي نضر
لو هي قلت بنات
كافي خليني استريح
جنت احبج اي صحيح
كافي خليني استريح
جنت احبج اي صحيح
ذاك ماضي ويكولون
ذاك ماضي ويكولون
الفات مات
الولد - الله الله اعد اعد بعد
مسلم - لا اغني غيرها
الولد - اطربنا
مسلم - اليوم من الصبح ..كاعد وافكر بيك
اني بتليت بعشك اي والله ..وادعي الله يبليك امييين
وهم مثلي تصحه الصبح
ماتعرف انت شبيك
متورط بهل عشك
من راسك لرجليك
اعترف كله جذب لو كلت انه ناسيك
اليوم من الصبح وكاعد واعد اجروح
مليون فكره تجي ومليون فكرة تروح
مو گلبي وحده نجرح
كلي احس مجروح
اختنك واتنفسك ..ترجع ترد تروح
مامتت بعدك انه بس انت عايش ومذبوح
غاب الگمر وثريته
كلمن رحل وي مريته
غاب الگمر وثريته
كلمن رحل وي مريته
وانه المگابل عمي
بلكي ينطيني مريته
وانه المكابل عمي
بلكي ينطيني بنيته
بلكي ينطيني بنيته
فلة - صاروا الولد يضحكون عله مسلم واني طلعت اغير ملابسي صعدت الدرج
واشوف معصومة واكفه باوعتلي بغضب
وجت عليه ركضت خلت اذيها على صدري
ودفعتني من الدرج وصرخت ...يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!