بيت الشيخ اسد الفصل الخمسون 50 - بقلم Yaqin

#بيت_الشيخ_اسد
#يقين_التميمي

- سديت الاتصال وكعدنا نضحك احنا والاستقبال صار دخانه
ميسر " والعباس اذا اجه دمار هسه ..
نقره على ارواحنا الفاتحه ..

فارس " ماعلينا احنا نذبها براس فليفله "
فله " انجبببب لك تره كلكم مشتركين ويايه "
سيف " بس انتي صاحبة الخطة يعني انتي اكثر وحده يعاقبج "

مسلم " والله هسه دمار يلعب بيكم لعب"
ميسر " انه ختنكت من الدخان ولكم وهذا
بعده ماجاي ..
سيف " اجااااااا اجااااااا وعلييي يبووووووي

ماريا " اني شارده فوك ولج اميره امشينا فوك لانحصل رزاله "
فله " انجبن شنووو تعوفنييي وحدي هااا
ميسر " وياج وياج للموت بت عمي ماعوفج "
فله " بعد روحي انت الضلع الماينشلع ..

- ماريا واميره صعدن فوك خافن وره ريماس راحن "
واني بقيت اباوع لدمار جاب اطفاء وصار يرش بي من جوه الباب ..

دمار " ولكمممم ويييينكم تكدروون تفتحون الباب لو لااااا
ميسر " ولك خويااااا الحك اختنكنا ..
كح فارس وسيف وخبصوا البيت بالصياح

دمار " فلاااااااا وينج انتي الجهال وييييين
- سويت روحي مختنكه واكح
فله " فدوة افتح مو اختنكنا كلش رااااح ..
امووت .. بقيت اكح وميسر وياي

" دخل درغام وهو ودمار صاروا يدفعون بالباب يردون يكسروه
والباب حديد مينفتح وقوي مانحس غير
الباب نفتح ودمار ودرغام دخلوا
لگوا الصاله عباره عن دخان سيف وفارس
طلعوا يضحكون
وميسر كعد بالكاع ميت ضحك واني وياه

- دمار من شاف حالتنا ونضحك عرف ان احنا مسوين بي مصيبه
لزم گلبه وايده الثانيه خلاها على حايط ..
اتكئ عليه
ركض درغام جاب ماي اله شرب وكعد على
القنفه لازم گلبه "

درغام " انتم هاااااااااي سالفه سونهاااااااا
يعني بالشغل كاعدين نحقق
تتصلون تكولون احتركنا تالي تطلع سالفه
جذذذذذب "
فله " كلنا سكتنا وگوه ضامين ضحكتنا ..
درغام " انعل *** ال ****

- راح درغام لسيف وفارس موتهم موت ..
وهمه يضحكون
وضرب ميسر وياه گام دمار وصار يضرب
بيهم هم وذوله طلعوا للشارع يضحكون
التفتت عليه صاح "

دمار " ولا كلمة كداميييييي للغرفه يلاااااا "
فله " حبيبي بس خلي افهمك ..
- بعدني مكمله كلام تقدم عليه وشال وگع
لزم شعري بأيده ويجر بيه
دمار " انه اعلمج اليووووووم على هاي ..
دگتج الناقصه ولج انتي شوكت تعقليييين

- ماحجيت شي لأن فعلا صاير نار كبرى ..
دخلنا للغرفه وقفل الباب
دمار " گليلي هسه شلوووون اعاقبببج ..
فله " لحضه بس اسمعني تره اني فلايتك
دمار " خاب انعل ****

فله " لاتغلط خوووووووووش "
دمار " لاتعلين صووووتج لجح"
- لزمني من شعري وصار يصيح ويغلط ماحس غير اجاني طراك اذاني صارت ..
تصوفر منه "
دمار " حتى ماتسوين شي بعد وتذكرين هذا طراااااك "

- طلع من الغرفه واني بقيت لازمه خدي الجهال لكيتهم كاعدين
كمت سطرتهم على سرير وطلعت حلويات
اباوع عليهم واكل بحرگه وهم يضحكون ..

فله " شفتوااااا ابوكم شسوه بيه الحقييير
- صاروا يناغون ويضحكون
فله " هسه اني شسويتله حتى يضربنييييي
هااااا هو بس خابرنا ليش مايشاقه ابوكم ..
" اسمعوني ولكم مو طلعون على ابوكم ..مايشاقه خوووووش بعد عمري انتم "

" صار الليل مانزلت حتى اتعشى سويت
نفسي زعلانه "
بس ماخليت شي بالثلاجه مااكلته دخل
دمار للغرفه واني خذيت ملابس احلى ..
شي عندي دخلت للحمام

- غيرت ملابسي لبست برموده فتحت .. شعري وطلعت
هو كاعد يلعب بجهازه على سرير شافني
رفع عينه
وحركت شعري بغرور رحت خليت مكياج
وشيت عطر ..

" خذيت فراش فرشته بالگاع هو شافني وگف صاح بيه "
دمار " هاي شكو المن نايمة هنا "
رديت " ماعليييك بكيفيييي. لتدخل بيه "

دمار " چا المن محضره روحج ومتمكيجه
للحايط مثلا ..
- يحجي ومكتف اديه ويباوعلي من طول..
رديت " لا عدي موعد وي الجني وحضرت
روحي اله "

رد " حتى الجني مدلل احسن مني خوش والله "
فله " هسه انت شبيك داده روووح ناااام
رد " لا والله ترديني انام واعوف نعمة الله"
فله "عوف نعمة الله وروح نام تره اني بعد
زعلانه منك "

رد " يعني فوك عملتج وانتي الزعلانه صدك تحجين انتي "
رديت " مالي خلك اناقس طفي الضوة ونام
- التفتت اريد انام ماحس غير نسحبت من
قميص نوم ونومني يمه گال "

"حبج هدف اسباني "
" زعلج فلم أيراني "
" مشيتج رقص يوناني "
" جمالج حلو ألماني "
" خدج تفاح البناني "
" بس المشكلة گلبج عراقي بسرعه ينساني "

رديت عليه " هم سفن هم ليمون هم ببسي كولا كل ما افكر بيك انحصر بولا "

رد " طاح حضج على هذا شعر
- لعد يله اشعرلي شعر حلووو "
رد " چا سمعي بوية "

" تمطر عدس وهودم وترعد بجايم الدنية هيج تصير من انتة نايم "
لعد اسمعني " تدري شوكت انساك يل انته اني من تسمع الانوار تعرض اغاني "

دمار " بربج شكد تافهين احنا .."
فله " اي زين تعرف نفسك تافه "
دمار " نامي نامي احسن "
فله " بسته بخده لاتزعل مني بس حبيت اشاقه وياك "

دمار " لاتعيديها بعد خوش بوية وكفتي گلبي مساع من سمعت صاير حرك لوو
صاير شي
فله " خلص خلص ماعيدها بعد احبك
فايروس حياتي "
دمار " يابعد شعرات خشمي انتي "
فله " ايييييع شهل لعبان نفس شبيك "

- ضحك حضني ونمنا ومرت الايام عاديه قرب موعد الدوام
ودخلنا بسنة 2019 جهالي شوية كبروا ..
صار الدوام الالكتروني
وهذا كان من صالحي لان عندي جهال ..

- دخل الشيخ عقاب وعمو اسد بالبرلمان والكل فرح ودمار هم
والشيوخ هواي اجت وصاروا يهوسون اله
تشددت الحراسه على بيت اكثر
وصار محد يكدر يطلع اذا ماكو حراسه ..

- دخل دمار وياه وحده سمره حيل ومبين شكلها مو عراقيه ابد
دمار " فلااااااا ويييييينج تعالي "
- اجيت يمه مستغرفه وهو دخل البنيه وياه
دمار " جبتلج وحده تساعدج بالجهال حتى تدرسين براحتج "

- ركضت عليه حضنته وبسته
فله " خاب اروحلك فدوة دميران الاسمر ..
دمار " دكافي علميها شنو تسوي روحي ..
فله " خذيتها هي بنكلاشيه اسمها انشيكا
علمتها شنو تسوي وتتصرف

مرت الايام واني صرت ادرس كملت مرحله ونجحت منها
وانيشكا اذا رادت شي تصيح بابا دمار ماما فله لأن متحجي عربي كلش
وبيوم الي اجانا خبر نصدمنا "

ريماس " ريم كبرت ونجحت للخامس وطف كبر هم صار اول ابتدائي وفرحان
يداوم وشاطر حيل
شمس بنتي كبرت وصار عمرها ثلاث ..
سنين ..

- كاعدين كلنا مجتمعين دخل علينا دهام الوجهه ميتفسر
وعقاب كالو مسافر للخارج علمود شغله
كعد دهام يم عمو اسد مااعرف شنو گال
بس شهكت عمي وگف على حيله

اسد " من شوكتتت عقاب بييي كارونا ليش
ماندري احنااا هاا "
دهام " بويه هو ماقبل اكلكم ماادري ليش
وهسه هو راح للمستشفى فحص وطلع بي
كارونا وحالته خطره كلش "

- احس رجليه مايعينني بعد دهام وكل الولد رواحوا
ومن يومها عقاب ماشفته ماقبل يرجع
للبيت حالته خطره
خلصت وقتي كله ادعيله بالشفاء لأن ..
ماالي احد غيره ولجهاله
دخل طف هو وريم وشمس "

ريم " ماما بابا يرجع موو "
طف " اي يرجع عليمن تبجين ابوي سبع هسه يصير زين ويجي .."
ريم " بس حالته خطره ديكولون "
طف " الله المشافي "

- طف رغم صغر عمره بس عقله اكبر من عمره وكلامه احد كبير
خذيتهم ونزلنا جوه جان جهال دمار هستوهم بدوا يزحفون "
طف " عمه نطيني ملك اشيلها عنج "

فله " اخذ طف ملك بقى يشاقي بيها ويضحك وياها "
طف " عمه هاي بتج الي خوش الي
وحدي "
تهاني " يااا ولك دهر صابك بعدك صغير وتحجز مرة الك من هسه
طف " مو بيبي انه احبنها هههه "

- دخل حُر. الي صاير رجال عمره صار 17 سنه سلم وكعد يمنا "
حُر " ريم بله زحمه كلاص جاي اريد بسرعه
ريم " ماتكوم انت ماتشوفني جاي ادرس "
حُر " ولج شو انتي طالعلج لسان "

ريماس " شتريد منها خليها هي ام لسان تعيش اذا فقيره ماتعيش بهل وكت
حُر " اي والله ياعمه صدك كلامج المهم اكوم اصب جاي
الظاهر اظا نبقى وره ريم مانحصل شي "

- مرت الايام عاديه وكل الي بالبيت صار محد يطلع
الوضع تأزم كلش وصارت هواي ناس تموت بسبب كارونا
بيوم داانضف بالحديقه نفتح الباب ودخلت سيارات الولد وجان عقاب
وياهم واني احس روحي رجعت من
شفته نزل من سياره
وتلگاه طف حضنه وباسه براسه وشمس وريم هم بوسهن "

شافته عمتي تهاني شهكت وصارت تبجي وحضنته "
تهاني " ولك يمة ماتدري شكثر مشتاقتلك الحمد لله على سلامتك
- باسها براسها ويهدي بيها واني صعدت
فوك احضر ملابس اله
شوية ونفتح الباب دخل اول مادخل ركض
حضنته وصرت ابجي "

عقاب " كافي بجي بوية هاي رجعت وتشافيت مابيه شي "
ريماس " انت متدري شصار بيه من
سمعت ولحد هسه مشتاقتلك حيل
عقاب " انه هناك وماتمر ثانيه عليه
اذا ماافكر بيكم المهم رجعت سالم "

- عفته دخل يسبح واني نزلت احضر عشا وي البنات ثاني يوم
دخل عمو اسد وياه فلبينيات اثنين بقينااا
صافنين عليهن "

اسد " بوية انه جبت الجن فلبينيات عليهن
الشغل البيت لاتعبن نفسجن
انتن بس خلن الطبخ عليجن لأن طبخجن..
اطيب "

- من يومها صار شغل على فلبينيات وكان الهم مكان خاص
بيت وره البيت يكعدون بي واحنا صار كل
يوم وحده بينا عليها الغده والعشه ..

ماسة " بعد ماصرت اداوم بالكليه جان ..
ميسر هو ياخذني ويرجعني
نخلص الوقت كله شقى وضحك واغاني
ومطاعم يوم عن يوم صرت انعجب بي ..

بس كانت مشاعر ميعرف بيها
بيوم طلعت من كليه لكيته واكف منتضرني
اجيت يمه وسلمت صعدنا بالسياره وحرك

كالعاده مشغل اغاني ويركص لحد ماوكف گبال مطعم "
ميسر " يله نزلي خلي ناكل ونرجع للبيت ..
ماسه " لا يابه رجعني للبيت هناك اكل الوقت ضاع عليه "

ميسر " مو عندي موضوع وياج كومي يله
نزلي اكلج بي "
- نزلت وهو طلب الاكل كعدنا ناكل كملنا ..
ماسه " اي احجيلي شكو

حمحم ورد :
ميسر " شوفي يابت الناس بدون لف ودوران انه حبيتج ورايدج مره الي واعتقد انتي عرفتيني بهاي الفتره كلها جبتج هنا حتى اخذ رأيج اذا قبلتي افاتح اهلي بموضوع العرس شتكولين "

- بقيت صافنه بوجهه مصدومه ماعرف .. شجاوبه نخبطت مشاعر فرح صدمه كلها
ميسر " صفنه مو الج بويه ها شكلتي خاله
ماسه " خاله بعينك امم خلص اني موافقه

ميسر " بووووية جعل ناس كلهم تسوس بس انتي حشوااات خايبه احبج "
- ضحكت ورجعنا للبيت جان هو فرحان
رجعت نمت گبل "

ميسر " بوية عقاب دمار سمعوني زيييين
عقاب " فضها احجي شعدك "
ميسر " اريد اعرس انه "
دمار " خبل انت شيعرسولك دكووم مناااا
يريد يعرس هو
مسلم " هههههههه حيييل مايعرسوله .."

ميسر " بوية القرار الك انت هسه تعرس الي لو لا "
اسد " اذا عرستلك غير تشرد المره انت
من خبالك "
عقاب " احنا گلنا الك من تعقل يله نعرسلك
ميسر " خوش يصير خير يصير خير "

فله " ثاني يوم كعدنا ميسر ماموجود بالبيت
والولد يتصلون عليه مايرد عليهم مر
ثلاث ايام ومايرد هم
طلعوا الولد لجميع اصدقاء ميسر .."
هم ماكو خبر
عمتي تخبلت والوضع بالبيت تأزم كلش "

اسبوع كامل وميسر منعرف شي عنه لحد مابيوم الولد كاعدين
يتغدون ولو محد ياكل لان بالهم يم ميسر
ندك جهاز عمو اسد شافه گال هذا ميسر ..
رد عليه "

اسد " ولك ادبسزززز *** وييينك انت بالنا يمك ماكلت انطي خبر صخام "
ميسر " جيت اكلكم خلص اني مسافر لتركيا خابرت اودعكم وهناك ازوج وحده ..

عقاب " نجبببب شنوووو هذا الكلام ماتكلي اكل خراااا احسن "
- فتح وياه كامرا وطلع جواز سفر هم
ميسر " الله وياكم انه طالع انتم ماعرستوا اليه شسوي قابل يله باي ..
- راد يسده وصاح بي عمو

اسد " اوووووكف لاتسافر خلص ارجع للبيت واحنا نعرسلك "
ميسر " احلففففففف والله "
اسد " والله اذا ابالك بنيه من باجر نروح
ونمشي عليها يله ارجع للبيت
ميسر " خوش چم ساعه وانه يمكم جاي

- سد الاتصال والكل ماعلق على كلام عمو اسد واني خذيت جهالي وصعدت بيهم فوك دخل دمار
فله " دمار حباب شبيك طلعنا من بيت اني
والجهال مختنكه "

دمار " اطلعين تلبسين عبايه بكيفج بعد .."
فله " شنووو البس عبايه لو موت ماالبسها
دمار " چا ماكو طلعه "
فله " نرفزني كلش عافني ونام نومت جهال
ورحت خذيت صبغ رش لون ازرق
وطلعت لسيارة دمار رشيتها كلها
ضحكت تستاهل حل وياك دخلت نمت ثاني يوم مااسمع بس صياحه بالبيت "

دمار " منوووووو مسوي هيج بالسياره هاا
الكل رد " ماندري "
- اني واكفه اباوع عليهم من فوك رفع راسه شافني صعد سويت نفسي كلشي ماعرف ..

دمار " انتي مسويه بالسياره هيييج موووو
اعرف هاي سوالفج ماكو غيرها "
- كعدت بالكاع والطم
فله " الله اكببببر اي شي صار كلتوا فله شنو
بسسس اني بالبييييت "

دمار " اكص اديه اذا طلعتي مو انتي السبب
- ضحكت ماتحملت واني اشوفه عصبي ..
دمار " هااااا شكلت مو من وراج سالفه تعاي ولج انتي شنو كلشي مايفيد بيج شنوو من بشر انتي "

- لزم شعري ويهز بيه واني ميته ضحك وهو صار نار
ماحس غير ضربني سكتت وهو طلع من
الغرفه كعدت اضحك تستاهل حتى من
اكلك نطلع .. نطلع بدون ماتتشرط اووف

ريماس " مرت كم ساعه دخل ميسر وياه سيف وفارس
عقاب " هااا نوروا المخابيل "
فارس " مع الاسف عليك يبن عمي رجال طول بعرض تكلي مخبل
عقاب " بس لاتكول انت عاقل رحمة لأهلك

ميسر " اهووو يله عوفونا من مشاكلكم يله بوية بعدك على اتفاقكم موو
اسد " دتعال اكعد اول مره وكلي عدك وحده ابالك حتى نشوفها ونعرف اصلها

ميسر " احمم تعرفها ماكو داعي تسأل بويه اريد ماسه بت عمتي ..
اسد " هو ردت اكلك عليها طلعت حاط
عينك عليها ..
ميسر " اووووي تره اخجل اني لتحجون هيج "

عقاب " دشوف سوالفه وتريد تزوجه انت
اسد " يزوج ويعقل "
ريماس " ثاني يوم انطوا خبر لعمتي سعديه
ورحنا كلنا كانت عمتي موافقه
بعدها بأسبوع عقد ميسر على ماسه وهم..
صاروا يحضرون للعرس طلعت دورت السنه مال امي ورحنا للمقبره زرنا ورجعنا
والعرس صار بعد دورت السنه بأسبوع ..

فله " رحنا للصالون احنا والبنات كلنا كملنا مكياج اجه مسلم
رجعنا للبيت نبدل بيه وبعدها نروح ..
للقاعه
صعدت فوك بالغرفه ابدل للجهال ..

-لكيت دمار بالغرفه شافني بقى صافن
دمار " هاي انتي هيج تردين طلعين ها
فله " هسه البس نقاب والحفله بس ..
نسوان عادي يعني "
دمار " بس انه اغار عليج من كحل وحمرة "

فله " اهوو دمار شبيك يول تره هو بس نسوان يعني عادي "
دمار " يعني حتى لو قنعت ماراح تمسحين موو "
فله " لو مووت صارلي بالصالون كم ساعه
وتريد امسحه جؤؤؤ "

دمار " خوش يصير خير بس نقااااااب .. لبسي ياويلج اذا لمحتج
وطالع منج شي اموتج موت خوش بويه
- هزيت راسي
خذيت انيشكا وياي وخذينا الجهال ويانا
وصلنا للقاعه وصار ركص واغاني ماسه ..
طلعت كلش حلوة "

مشهد من بارت القادم "

فله " احس بلعومي تجرح من كد ماصيحت
وهو واكف گبالي ولازمها بأدينه ..
خلاها على بطني لو اني احس روحي طلعت من كد الخوف صرخت صرخه ..
ودخلوا علينا ..

يتبع ..