رواية بيت جنب المقابر الفصل الثامن والعشرون 28 - بقلم دانيا

رواية بيت جنب المقابر

الفصل الثامن والعشرون28

بقلم دانيا

قعدو في الهول يتونسو واسراء تشيل وتدعي ان شاء الله م يجي ان شاء الله م يجي قامت البت قالت ليهم ورح الغرفه ل ميار قاعده تجهز في نفسها ، مشن قعدن معاها يضحكو ويتونسو اسراء نست موضوع اخوهم داك زاتو ، قاعدات كدا امي اتصلت لإسراء قامت طلعت برا من الجوطه واتكلمت مع امي قالت ليها ارجعوا قبل المغرب لأنو ابوكي لو جاء لقاكم برا ح يجوط قالت ليها سمح خلصت المكالمه ولفت عاوزة ترجع جوا للبنات لقت اخوهم في وشها اتوترت ودنقرت راسها ولا عاينة ليهو قامت ماشه ، قال ليها شكراً وقفت مستغربه قالت ليهو على شنو قال ليها لأنك م خيبتي ظني وطلعتي قالت ليهو طلعت؟ قال ليها ااي امبارح كنت متأكد انك ح تطلعي السطح ، قاطعت كلامو قالت ليهو سطح شنو جنيت انت مصدق نفسك انا ح اطلع ليك قال ليها يابت الناس اهدي وانتي ليه بتعملي الحاجه وبتنكري هي حست بنفسها عاوزة تديهو كف من شدة الغضب لكن تاني قالت دا م وقتو مشت منو خشت جوا قالت لأمنيه ورح البيت يلا يابنات اعذرونا والف مبروك مقدم ، قالو ليها مالكم ماشين قالت ليهم جونا ضيوف.

طلعن من بيت الناس وامنيه مستغربه وفي راسها الف سؤال ، قالت ليها مالك يابت في شنو قالت ليها لمن تصل بحكي ليكي ، جو البيت لقونا قاعدين انا وامي وخالتي وملك امي قالت ليهم مالكم رجعتو انا قلت ليكم م تمغربو هناك م قلت ليكم قوموا تعالوا ، اسراء قالت ليها انا مصدعه عشان كدا جينا عاوزة اطلع ارتاح فوق آيه تعالي اديني البندول من عندك ، انا فهمت انو في شيء حاصل قمت مشيت ليهم فوق اسراء بقت تحكي لينا عن الحصل معاها انا قلت ليها الود دا شكله م نصيح اكيد كذاب وبقى يألف كلام امنيه قالت لينا يمكن بالجد شاف إسراء قلت ليها كيف يعني يابت جنيتي اسراء وفي السطوح بالليل مستحيل قالت لي انتي م فهمتيني .

قلت ليها ايواه ياداب فهمت قصدك لالا مستحيل الموضوع دا نحن مش حليناهو المره الفاتت ، اسراء قالت لينا قصدكم شنو ؟ قلت ليها انتي اخير م تعرفي قاصدين شنو ، قلت لأمنيه لو فعلا صاح استني هسي ح نعرف ، بقيت اتكلم انتوا العملتو كدا لو الموضوع دا ليكم علاقه فيهو اعملو اي حركه طوالي اللمبه طفت ونورت ، امنيه بقت تعاين لي بتفآجئ تاني قلت طيب انتوا ليه عملتو كدا نحن مش قلنا تخلو اسراء في حالها هسي لازم نحل الموضوع انتوا ح تساعدونا؟ الكتاب وقع من التربيزه ، اسراء عاوزة

الفصل التاسع والعشرون من هنا