رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الخامس عشر 15 - بقلم 🍃..شـمـس

محمد - گعدت الصبح من وكت لبست ملابسي العسكريه وجهزت نفسي ودعت اهلي وطلعت للدوام ماگدرت اروح اشوفها لان متاخر علدوام طلعت والطريق كله افكر بيها لحضه ما فارگت خيالي

بتول - گعدت الصبح جهزت نفسي وطلعت للدوام وصلت شفت زهراء وحجيتلها الصار البارحه وهيه هم حجتلي شمسوي البارحه وشلون اخذ الرقم منها گمنا لدروسنه وكملنه انتهه الدوام وطلعنه وصلت للبيت كلعاده بين الدوام والبيت والشغل مر يومين عادي ماكو شي لمن يروح للدوام اطمأن واهدئ شوي بس لمن يجي يبدي الموت الاحمر الخوف ياكلني مرتضئ راح لبغداد لعرس صديقه ورفل عندها دورات انگليزي يعني وكت بالجامعه والوكت الثاني تدخل بي دورات منشوفها بس بالليل الصبح گالت ماما راح يرحون هيه وبابا لبيت عمتي بغير منطقه راحوا وبقينه بس اني ورفل والولد طلعوا دائما ممتواجدين بالبيت رحنه لبيت عمي لان بابا ميقبل انضل بلبيت وحدنه وصلنه  گعدنه ماكو احد بس عمتي الولد طالعين وعمي هم ماكوا رفل راحت عمتي گالت امشي وياي انروح للسوگ گتلها مابيه اروح گالت لعد قفلي الباب عليج اني شوي واجي راحت وقفلت الباب ضليت افتر بالبيت بعدين اذكرت محمد من گال من ماكو احد نحجي ماعرف شنو الخلاني اجيب الفون واتصل عليه دگيت

محمد - وصلت للمقر مالي دخلت ورتاحيت وسوينه كم شغله اني والولد الي وياي الضهر كملنه ودخلت حتئ ارتاح لزمت الفون طلعت رقم بتول ردت اتصل بس گلت لا اخاف اهلها يمها بهلحجي دگت جاوبت راسا

محمد-الو هله بروحي شلونج

بتول- شنو لازم الفون اول مدگيت جاوبت

محمد ـ اوووف بتول متصدگين فرحتي بيج وبصوتج لج والله حبيتج. وحبيت كلشي بيج ورايدج بالحلال. بس مادري ليش القدر يلعب دور بحياتنه

بتول ـ الله كريم انشالله يوافقون ضلينه نحجي تعرفت عليه اكثر وصوته كلش حلو حجالي شگد اتقدم البنات قبلي بس ماصارت القسمه وحجالي علئ دوامه گأل 14 يوم بالدوام 8 ايام بالبيت سولفنه هواي اني استحي احجي بس اگول ها اي بس هيج بالاخير گتله لازم اروح توادعنه وگال ديري بالج علئ نفسج علمودي بالخير همس احبج ماعرف اشصار بيه لمن گال هاي الكلمه شعور كلش حلوو ممزوج بخوف وحزن وفرح سديته منه وصيته ميتصل ابد الا اني اتصل گعدت افكر واذكر كلامه الحلو وغزله واشعاره اشوي وجتي عمتي النوب اجت رفل والولد صار المغرب الكل التمو سوينه عشه واخواني هم جووي مدينه السفره وتعشينه.
وتعللنه(سهرنه)يمهم ورجعنه للبيت مشي. بالشارع اذكرت لمن محمد وگفني وذكرت كلامه ضحكت دنگت ومشيت وصلنه للبيت بدلنه وكل واحد لغرفته
قريت ونمت شفت بالحلم انو اني واگفه بمكان والخضار والزرع داير مدايري جان منضر طبيعي كلش حلو جنت واگفه وفرحانه اجت عليه مريه من بعيد اتقربت عليه جانت كلش حلوه من شدت جمالها وجها يشع نور اتقربت مني وفتحت ايدي وخلت بيها اشياء ازغار عباره عن نجوم كلش ناعمات ويطلع منهن ضوه وياهن هلال زغير خلتهن بأيدي وسدتها وگالتلي سدي ايدج زين وحافضي عليهن وديري بالج يوگعن من ايدج ومشت خطوات وجان يوگع مني الهلال والخضار والزرع كله تحول لنبات يابس ومحروگ صحت عليها التفتتلي گتلها وگع الهلال مني گالت لتخافين يجي يوم ويرجع لايدج وترجع هاي الخضره مثل قبل واحسن وبتسمتلي ومشت  
گعدت الصبح اذكرت الحلم ضليت صافنه شنؤ معناته وليش هيج حلم اجاني اني متاكده الئ تفسير  بس شنؤ استغفرت ربي وگمت. جان يوم جمعه عطله نزلت جوه البيت نضيف. واخواني گاعدين رواد وعلي ورفل ويسولفون صبحت عليهم وسويت ريوگ تريگنه وضلوا ايسولفون ويشاقون حاولوا يحجوني ويشاقون وياي بس اني لا قافله وارادتي اقوة من مشاعري العفويه عفتهم وگمت همه ستغربوا رحت ضليت الهي بنفسي مره اقره مره انضف
تسريع الاحداث
للعصر جوي اهلي مرت الايام بين الدراسه والبيت ومرات من الگي فرصه اتصل بمحمد ايضل يسولف ويشاقه ويتغزل ويشعر يعوضني عن ابتعادي من عائلتي جنت كل يوم اريد بس الگي فرصه علمود احجي وياه من نحجي انسه الدنيا وانصت اله احس روحي كل يوم اتعلق بي اكثر من القبله وهوه هم باجازته يضل يمشي بالسياره وراي وعيونه تراقبني من بعيد لبعيد من ارجع من المدرسه واحيانا يجي بالليل گدام البيت ويدزلي رساله اگوم يشوفني واشوفه واگوله روح مرات ميقبل يگول عاجبني اوگف گبال غرفت حبيبتي بس اگوله بداعتي يقبل ويروح حسيت نفسي گمت احبه اكثر واكثر وتعلق بي هو هم ضلت امه تروح وتجي علينه وهم يرفضون جان من يرفضون يخابرني ويصيح وعيط ويطلع كل عصبيته واني ساكته من يهده اگوله محمد اني احبك يضل يتغزل وينسه يگول صار شي عادي الرفض
مر علئ علاقتنه اربع اشهر.  بهاي الاشهر كملت متحانات نهايه السنه والحمدلله نجحت للرابع بمعدل
75 خواني گاموا يحجون عليه لان مو معدل الي يعجبهم مهتميت لكلامهم جان كل بالي بمحمد وشاغل تفكيري وماريد افكر بغيره بهاي الفتره حبيته لمحمد بشكل وتعلقت بي وبصوته وكل يوم اختل جوه الفراش بس علمود احجي وياه وسمع صوته وجان كل اسبوع ايدز جماعه لابويه علمود يوافقون
بس بابا معاند طبعا اتغيرت بشكل بهاي الفتره كلشي تغير اسلوبي اطباعي تعاملي وطبعا بتشجيع من محمد حيل ساعدني بهلشي بيوم عزمونه بيت عمتي علغده وراحوا اهلي كلهم لحوا عليه انو اروح بس جنت مريضه شويه وتعبانه مالي واهس اروح طلعوا الساعه 11 الضهر بقيت بس اني سديت الباب والبيت جان نضيف رحت اسوي اكل الي بالمطبخ واحجي ويه محمد بالفون جان وجهي علئ الطباخ جان محمد يقرالي شعر واني استمع واضحك ورايحه بالجو ومطمأنه  ماكو احد بالبيت فجا سمعت صوت رواد صاااح. ولج بتوول بصياح وعصبيه وعياط جمدت بمكاني التفتت ضليت صافنه بوجهه والفون بيدي گال هاي ويامن تحجين ولنار تطلع من عيونه گمت امتمت گوه احجي جر الفون مني گال الو منووو ااانت احجيي ولج منو هذا اني كاتبه علئ رقمه زهراء 2 گتله رواد هاي زهراء گال ليش متجاوب لعد وليش خايفه وترجفين وليش اتضحكين وتحجين همس بتول ياويلج وسواد ليلج اذا جنتي اتلعبين بذيلج گتله والله ماكو شي هاي زهراء بس اني خفت لان عطت بيه گال ليش متجاوب لعد دگي علرقم هسه وعلي الصوت بسرعه وحجي بشكل طبيعي ماردت اگوله لا لان خفت منه واعرف شگد شكوك وعصبي ولي براسه براسه  اتصلت واني ارجف گلت اكيد راح يجاوب محمد وراح يحجي بحبي وحياتي وراح اموت بهاي الحضه دگ اشوي وردت زهراء گالت ها ولج وينج ليش سديتي الخط بعدني ممكمله السالفه بتول بيج شي احجي صاير شي گتلها ها لا ماكو شي بس الرصيد خلص روحي زهراء بعدين احجي وياج اشوف رواد شيريد واجي گالت ها اوك سلميلي عله رواد بااي گلت اكيد محمد سمع عياط رواد وراح لزهراء  خلاها تحجي وياي گتله ها رواد بعدك شاك عندي شي او جنت اكذب عليك. گال بتول من زمان شاك بيج عندج شي من تغيرتي علينه بيوم وليلئ گتله رواد والله ماعندي شي شبيك ليش اشك  گال انطيني الفون بسررعه اخذه خفت لا يدخل للرسائل لان محمد دزلي رساله الصبح كاتب بيها صباح الخير حبيبتي شلونج مشتاقلج يبست بدمي وارجف سويت نفسي اسوي الاكل وهوه لازم الفون وگاعد علئ الكرويته. بالمطبخ(.......

للحكايه بقيه