رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثالث عشر 13 - بقلم 🍃..شـمـس

شٍمََّس أّيِّلَوِلَ
ضّأّبِطّ بِهِيِّبِتّهِ وِعٌشٍگلَهِ طّفِّلَهِ
أّلَبِأّرتّ أّلَرأّبِعٌ عٌشٍر
بتول داومت ثاني يوم كلعاده وجانت زهراء تحجيلي عن محمد اشلون متمسك ويريدني ومصر عليه رجعت وبعدني علئ وعدي الاخذته علئ نفسي انو اغير اسلوبي رجعت بدلت وصبيت غده ونضفت البيت وصعدت نمت ماحجيت ويه احد علئ گد سؤال وجواب لا اكثر شقه سوالف ضحك حجي عادي ماكوا محيته من قاموسي اهلي كلهم ملاحضين عليه متغيره وماما ومرتضئ ورفل يسألؤني شبيج اگللهم مابيه شي بس تعبانه گعدت المغرب نضفت وسويت عشه تعشينه وعرفت الزلم جايين وبابا رافض ويگول بعدها طفله زعطوطه زاد اصراري انو اغير اسلوبي بس انقهرت ليش يرفض
شنو يعني الولد اكثر من مره مشه عليه ليش يصرف هيج بابا ومحمد ليش هيج متمسك بيه وبعد هلرفض كله يجي ويمشي ويجيب ناس خررب هذاك اليوم الي شفته بي خررب هذيج الساعه الركبت بيها بالسياره مالته صوجي اني ليش شوفته نفسي ليش جان هسه ماكوا شي جان هوه عايش حياته ومرتاح وجان اني ضليت مركزه بدراستي وبحياتي بس بعد شيفيد الندم. قريت وكملت ماعرف احس شي خلاني اروح للشباك واذكر محمد البارحه من جان واگف گدام البيت رحت وشفت نفس السياره بنفس المكان وجمره الجگاره مبينه محمد فدوه روح كافي تعذب بروحك وتعذبني وياك گلبي يوجعني عليك والله فدوه روح لا يشوفك احد ويسويلك مشكله جنت احجي واتوسل بي وعبالك واگف يمي انتضرته يروح واني اباوع من الشباك عليه وره فتره طويله راح حسيت اكو ادموع بخدي معقوله اني دابجي زين ليش وعلئ شنو ليش احس گلبي يريده ليش انقهر من اشوفه گدام الباب مسحت ادموعي وگلت لا بتول لا مو انتي التبجين بحياتج مابجيتي من وره شخص انتي قويه عوفي كلشي وفكري بمستقبلج ودراستج وهدفج انو تغيرين اسلوبج وطريقتج
واطباعج لتخلين المشاعر اتصيطر عليج رحت حطيت راسي ونمت

حنيتلك💙
بواهس غريب بديره
مابيها عرف

محمد- گعدت الصبح احس جسمي تعبان نحلان
گمت بدلت ونزلت تريگت وطلعت شفت زهراء راحت لدوامها صفنت هيه وبتول يداومن بنفس المدرسه يعني اكيد راح اشوفها يعني اني اذا اني رحت اكيد راح اشوفها اجتك الفرصه محمد طلعت ركبت السياره رحت يم الولد انتضرت الدوام يخلص رحت وگفت بعيد عن المدرسه شفتها طلعت ويه زهراء ماخليتها اشوفني اووف شوفتهة ردتلي عافيتي حسيت روحي فرحان والدنيه مواسعتني من الفرحه عبالك ام ولگت ابنها ضليت اباوع عليها وعلئ نعومتها ونزاكتها كلشي بيها احسه ملكي الي. مشت ويه صديقاتها ومشيت وراها بس علكيف ومن بعيد لبعيد عجبتني اكثر حبيتها اكثر زاد اصراري انو اخذها وحطها بيتي غصب علكل مارفعت عينها من الگاع جانت تمشي وساكته ومدنگه وصديقاتها يسولفن ويضحكن بس هيه لا صديقاتها دخلن لبيتهم وهيه ضلت تمشي وحدها الشارع يصفر طير البشر ماكوا بس اني وياها بالشارع ماعرف ليش رجليه سحبني الها مشيت سرعه وصلت يمها خففت نزلت الجامه جانت سيارتي برادوا عاليه وسوده مضلله تقربت عليها حسيتها خافت وگامت ترجف رفعت راسها شافتني شهگت

بتول:محمد هذا انت شدسوي روح فدوه ليشوفك احد الله يخليك هسه وكت رجعت اخواني وبابا فدوه روح وحل عني تره اهلي كلش شكوكين هسه عبالهم عندي شي وياك

محمد: ماخايف من احد وصح اكو شي بينه اكو حب اكو لهفه وشوگ وحنين بتول كلمتين بس لغيري مصيرين اكتل اذبح انهب واخذج فتهمتي ورفض ابوج خل يقنع نفسه بي ماعوفج لو علئ گطع هاي ويأشر علئ رگبته راح اروح هسه لان ماقبل
تنضرين بسببي وتتاذين اني رايح ديري بالج علئ نفسج يبت روحي شغلت السياره وطلعت للبيت

بتول-راح واني راسا مشيت واتلفت اخاف احد شافنه طبيت للبيت لوني مخطوف همزين مالگيت احد بس ماما وبالحمام دخلت لغرفتي ذبيت كتبي بدلت وغسلت ونزلت سالتني امي علدراسه وشلوني بالمواد احجي وياها واني بالي مو يمها ضل حجي محمد ابالي لمن گال اكو شي بينه الحب والشوگ والهفه والحنيه معقوله يحبني بس خفت لمن گال اذبح وانهب واخذج ياربي الخوف ماكلني ليش هيج ديصير ليش ويانه گمت توضيت وصليت اجه بابا وعلي وصبينه غده وتغدينه صعدت قريت واني الحجي الگاله يرن باذني....

محمد نزلت تغدينه خواني حجوا وياي وگالوا عوفها هاي مو اول بنيه مصير قسمتك وياها گتلهم اني غيرها ماريد اني هذني البنات رفضتهن لان ماشفت بيهن المره التناسبني بس بتول غير كلشي بداخلي يريدها وما راح اعوفها واخذها اخذها لو اعرف كل يوم امشي عليها لبين ميوافقون افتهمتوا وعوفوني لتدخلون هاي مشكتي واعرف اشلون احلها اني اصرف ماشي ترخصت وطلعت اتعمدت احجي هيج گدام زهراء علمود اتوصللها الحجي بس كل يوم راح اروح لمدرستها وتانيها حتئ تطلع واشوفها واصبر روحي بشوفتها وانتضر وكل فتره ادز جماعه عليهم انشالله يوافقون بس اني لازم احجي وياهه اريد اعرف هيه هم رايدتني لو لا بس هيه من حجيها خايفه من اهلها وتگول اهلي شكوكين. بس هذا الشي ميمنعني منها اوووف هيج واحصل عليج بتول واجي اخطبج واجي اشوفج واحطج بيتي وصيرين ام بيتي وام جهالي والله لگعدج ملكه علئ عرشي
يازينه البنات يااول بنيه حلت بعيني ودخلت گلبي واخذت كل مساحته ثاني يوم گعدت من الصبح رحت گدام المدرسه وگفت بمكان صفيت سياره بجهه وهيه مضلله ميبين اكو شخص بيها انتضرت بلشن البنات يجن جنت ادور بالوجوه عليها كل هذني البنات ماحلن بعيني بس هيه شفت زهراء اجت احمد مگعدها ليگدام يمه وصلها گلت هيج ويجي يوم واگعدج يمي واضرب علمقعد الي يمي....لمحتها من بين مجموعه بنات تمشي وعيونها بالگاع ضليت اباوعلها واتامل ملامحها صارت قريب عليه نزلت الجامه ومديت ايدي والجگاره بيها شفتها وگفت قريب بيني وبينها خطوات رفعت راسها باوعت بعيوني وباوعت للجگاره خافت وگامت ترجف گامت تتلفت وراها باوعت بعيوني بنضره توسل علئ خوف ودنگت ومشت انتضرتها دخلت ورحت رجعت للبيت دزيت امي گتلها روحي النوب خطبيها احتمال غيروا رائيهم وافقوا ماقبلت گالت ماقدرونه 3 مرات انضل انفشل بنفسنا هددتها اذب نفسي باخطر مكان بالدوام اذا ماراحت الهم وافقت لان كلش تخاف علينه وهيه ربتنا من احنا اصغار وراح ابويه وهيه اتحملت المسؤوليه طلعت للحلاق ورحت اسوگت للبيت وسويت كم شغله رجعت 12 گبل للمدرسه بنفس المكان شوي وطلعن. هيه اول ماطلعت باوعت للسياره مشت بسرعه وجانت علامات الخوف مبينه عليها مشيت وراهن علئ كيف هيه مرتين التفتت الي بخوف راحن صديقاتها وهيه مشت حيل اني نزلت الجامه گتلها امي جايتكم اليوم عسه ولعل توافقون ماحجت شي ضليت اباوع عليها طبت البيتهم واني رجعت للبيت ذبيت المسواگ ورحت الولد عمي جانوا عازميني علئ غده خابرت امي گالت اشوي ونروح الهم تغدينه وسولفنه صار العصر طلعت حاولت ارجع للبيت بس ماگدر اريد ارجع علمود اعرف همه وافقوا بس ماريد ارجع لان ماريد انصدم النوب خاف هم رفضوا دخلت للبيت

شمس ايلول