رواية داويتني فأحببتك الفصل العاشر 10 - بقلم HaboOoshy

السعادهه بالنسبه لي هي ان يكون لي شخص يفهمني أكثر من ان يُحبني وان يبقى بجانبي بكل حالاتي 3>

الساعه ثنتين ونص الفجر
(صحت وهي حاسه بتعب ...قامت من السرير وتوجهت للتسريحه ..شافت شكلهت حست بالأسى على نفسها صارت تتلمس وجهها ودموعها نزلت مره ثانيه )
.........: اللي تسويه ابدا مو عدل ...انتي قاعده تخربي حياتك مره ثانيه ..قاعده تخربين حياتك بعد ماصارت احسن ..مو هذا خالد اللي غيرك ...ليش ماتقولي إليه ..الحين اكيد زعلان مني ..."خطرت في بالها فكره " ايي أي راح اسويها ..ماابغى اخرب حياتي مره ثانيه هالمره فعلا راح انسى اللي صار والله يسامح اللي كانت السبب وانا لازم أتقدم بهالخطوه
...................................
الصباح
"قعدت من النوم كانت حاسه بالالم وهذا اللي صحاها من النوم "
....: حسن حسوني
حسن وهو مغمض عيونه : همممم
ساره: حسوني فتح عيونك
حسن وهو مازال مغمض: اسمعك تكلمي
ساره بألم : حسن قووم ..حدي تعبانه آآآه
حسن فتح عيونه وقام بسرعه: الحين تروحي المستشفى
"قام بسرعه ودخل الحمام كرمكم الله وغير ملابسه ..وبسرعه جاب عباتها ولبسها "
ساره ومتجمعه الدموعه في عيونها:حسن مو قادره أقوم
حسن :أصلا من قال بتقومي
"حملها بين يديه وهو خايف عليها ..خايف يفقدها ...حطها في السياره وبسرعه مجنونه وصل المستشفى ..أخذوها من عنده ودخلوا الغرفه وهو وقف برا ..رايح جاي مو عارف شنو يسوي غير ان يدعي ربه لها "
(بعد مرور نص ساه طلعت له الدكتوره ...توجه لها والخوف مبين عليه )
حسن: طمنيني ...ساره صار لها شي؟
الدكتوره بابتسامه: لا الحمدلله هالمره عدت على خير والبيبي بعد بخير الحمدلله
حسن بارتياح: طيب شنو صار لها ؟
الدكتوره :انا موصيتنها انها ماتتحرك كثير وهي عارفه وضعها فالمفروض تنتبه لنفسها لأكثر
حسن :راح أوصيها أكثر ان شاء الله ...طيب أقدر أشوفها الحين
الدكتوره : ايي طبعا وتقدر تأخذها بعد
حسن:طيب مشكوره ...
"ودخل الغرفه ,,,لقاها نايمه ..تقدم لها سحب يدها وطبع بوسها هادئه عليها " كذا تخوفيني عليك يا قلبي
حست ساره بوجوده فتحت عيونها بهدوء: حسن
حسن تقرب لها وهو ماسك يدها: عيون وقلب حسن ..آمري
ساره وبخوف : البيبي بخير؟ صار له شي
حسن بابتسامه : تطمني هو بخير ...بس انتي انتبهي لنفسك أكثر علشان لا تفقديه
ساره بخوف: لا لا ارح انتبه لنفسي
حسن : شطوره ..طيب تقدري تقومي "غمز لها" والا تبيني أحملك
ساره بحيا : هههههه لا اقدر أقوم
"ساعدها علشان تقوم إلين ما وصلوا السياره وركبها وبعدين هو ركب "
حسن بأمر: الليله مابتروحي بيت خالتي
ساره بزعل:طيب
حسن :وانا قررت بقرار بعد علشان راحتك وعلشان ماتتحركي أكثر
ساره باستغراب: شنو ؟
حسن:بنقعد في بيت أهلي هالفتره الى ماتصير في الشهر الخامس وعلشان بعد ماتركبي درج كثير مثل شقتنا
ساره :بس راح أضايق سلمان و
قاطعها حسن : لا ما راح يتضايق وأصلا هو مايقعد في البيت واجد ههههههههه
ساره/ ههههه طيب ...."سكتت شوي " تذكرت أمي الله يرحمها لو هي عايشه كان رحت قعدت معاها "تغير صوتها".... اشتقت لها "وبدأت تبكي "
حسن وقف السياره على جنب ولف لساره/ سارونتي لا تبكي ....ادعي لها بالرحمه "ضمها له وقام يهديها ولما حسها هدأت شوي قال بها بضحكه " ترى ما يصلح لولدنا أنك تبكي واجد تالي يصير نكدي ههههههه
ساره:ههههه ...لا ان شاء الله "حست لنفسها أنها بحضنه وابتعدت بسرعه وبحيا" حسن ترا احنا مو في البيت
حسن : ههههههه ما مسكت نفسي
ساره نزلت راسها بحيا
...........................................
العصر قريب المغرب
بيت ام خالد
(جالس مع امه ومو عارف كيف يبدأ معاها بالموضوع )
ام خالد: فهيد قول وش عندك صار لك ساعه وانت قاعد معاي وساكت
فهد بإحراج: ههههه ...وش رايك فيني ؟
ام خالد باستغراب: من أي ناحيه يعني ؟
فهد بإرتباك: طيب لو قلت لك إن أبغاك تخطبي لي ...بتوافقي
ام خالد:لا طبعا
فهد باستغراب:ليش يمه ؟
ام خالد: ماتنفع للزواج مع وضعك الحين
فهد:بس يمه ..
ام خالد قاطعته: لا بس ولا شي ...زواج الان مافيه
فهد وقف وحاول يمسك عصبيته: لا تنتظروني ع الفطور " وطلع "
ام خالد:كيف أزوجه وهو بهالتهور واصلا بعده يدرس ..بس لا يكون حاط في باله احد ..لا لا مااتوقع
"طلعت ام خالد من غرفتها وراحت لبناتها في المطبخ "
نوف: يمه ..وش فيه فهد طلع معصب ؟ وش عندك
ام خالد: يبغى يتزوج وانا ماوافقت
"نوف وليلى طلعوا في بعض ونزلوا عيونهم "
ام خالد: وش فيكم ؟
ليلى : مافينا شي يمه "وتذكرت وحبت تغير السالفه " صح يمه راح تجي الينا جمانه تفطر معانا
ام خالد: حياها الله ...خالد اللي قال لك ؟
ليلى بابتسامه: لا ...هي بنفسها ...تبغى تسوي مفاجاءة لخالد
ام خالد: ههههههههه يعني مانقول له
ليلى :هههه اييي
....../ عساها دوم هالضحكه
ام خالد بابتسامه: بوجودك
خالد: ها شنو فطورنا اليوم ؟
ام خالد: كل اللي تحبه
خالد يعني موجوده الهريس ههههههه
ام خالد: ايي هههههه
خالد وهو يبوس راس امه : الله يعطيك العافيه يمه ....انا رايح المسجد الحين قريب بيأذن وبرجع بسرعه علشان الهريسه ههههه "وطلع "
"رن جوال ليلى "
ليلى :هلا جمون
جمانه:هلا ليلى ...خالد موجود الحين ؟
ليلى : الحين طلع
جمانه:ايي تمام ...اني ثواني وبوصل
ليلى بضحكه: وشنو مسويه لينا ؟
جمانه: بيتزا وتبوله
ليلى : اووه حركات
.................................................. ...................
"من بعد ماطلع من عند امه وهو متضايق أكثر ..ركب سيارته ومشى وهو مو عارف وين يروح خايف حب حياته يروح منه ...مو عارف كيف يتصرف وهو عارف نظرة خاله إليه كيف بيقبل فيه لبنته "
"تنهد "
فهد : بكلم سلمان أشوفه في وين
"اخذ جواله من جيبه وضغط رقم سلمان وبعد رنتين جاه صوت سلمان"
سلمان:هلا والله
فهد:هلا سلوم ..ها وينك ؟
سلمان:في بيت خالتي
فهد:اووه خلاص عجل
سلمان باستغراب: فيك شي؟
فهد:لا ...اوكي اخليك الحين ...اكلمك بعدين
سلمان:اوكي
فهد:مع السلامه
سلمان: مع السلامه
.................................................. .......
بيت خت ام حسن
أم زياد
جالسه ومو حاسه باللي حوالينها و مو حابه تتكلم مع احد , جايه مجبوره ومااجبرتها الا الرساله اللي وصلتها من بسام واللي كان فيها
"أنا عارف يا بنت خالتي إنك تفكري ماتجي ليلة بكره بس حبيت أعطيك خبرإن لو جيتي راح تكون فرصه لي ان اجيك في بيتكم وفي غرفتك بعد ... بسام"
ريم بنفسها: معقوله يا ولد خالتي تسويها ...أكيد بسويها دام تجرأ وسوى اللي سواه أكيد راح يسوي أكثر .... اووف والله أحس نفسي مخنوقه واني قاعده هنا "
قطع عليها صوت بنت خالتها رهف: ريم ...ريوم
ريم: هلا
رهف: وينك أبدا مو معانا ههههه
ريم:ههههه سرحت شوي
رهف:ههههه طيب ...يالله قومي ترا أذن علشان شوي وبنحط الفطور والا مو جوعانه
ريم:هههههه الا ...يلا
رهف:روحي غرفتي علشان تصلي هنام واني ثواني ولاحقتنك
ريم بسرعه: لا لا بركب معاك
رهف باستغراب:ليش ؟
ريم بارتباك: هههه ...مااقدر ادخل غرفتك بدونك أحس بالوحشه ههههههه أصلا تظلم غرفتك بدونك
رهف اقتنعت شوي:هههههه
ريم في قلبها: مستحيل اخلي اليه أي فرصه ان أكون بروحي
,,,,,,,,,,,,,,,,,,,,,,,,,
بعد مرور نص ساعه
بيت ام خالد
ام خالد بخوف: مو كأن خالد وفهد تأخروا ؟
جمانه بخوف أكثر : الصلاه صار لها اكثر من نص ساعه من خلصت
ليلى : استهدوا بالله..كل غايب عذره معاك
نوف بفرحه : يمه ...رفع فهد
"اخذت ام خالد جوال نوف"
ام خالد: فهد ...انت وينك ...ننتظرك على الفطور
فهد:يمه انا في بيت صاحبي أفطر معاه ..انا قلت لك ان لا تنتظريني ع الفطور
ام خالد: خلاص ان شاء الله ...انتبه لنفسك ..مع السلامه
ليلى : مابجي فهد ..؟
ام خالد: ايي في بيت صاحبه ..حاولوا تتصلوا لخالد والله هذي مو عادته ان يتأخر
على كلمتها الاخيره دخل خالد وهو منزل راسه ...راحوا اليه كلهم
ام خالد شافت كدمه في وجهه قالت له بخوف: خالد وش فيك ؟
خالد بابتسامه : لا تخافي يمه حادث بسيط كنت سرحان شوي وماحسيت الا العمود قدامي بس شوفيني مافيني الا العافيه
"انتبه لوجود جمانه "
جمانه بهدوء عكس اللي داخلها: الحمدلله على سلامتك
خالد بابتسامه: الله يسلمك
ليلى غمزت لخالد: خربت مفاجاءه جمانه لك هههههه
خالد ابتسم فقط "لف لأمه ": يمه ميت جوع
ام خالد: خسى الجوع ...أكيد الحين برد الأكل ...انت استريح وبيكون كل شي جاهز
جت بتمشي جمانه معاهم للمطبخ بس
ليلى : خليك مع "حركت حواجبها بخبث" خالد ههههه
جمانه استحت
وراح الكل وبقى بس جمانه وخالد
ظلوا ثواني ساكتين وكل واحد منزل راه وما يطالع الثاني
قامت جمانه من مكانها وجلست جنبه
جمانه: خالد
خالد:هلا
جمانه تقربت منه أكثر وخالد مستغرب طبعت بوسه هادئه على خده: أني اسفه ع اللي صار البارحه
"وقامت تركض لهم بالمطبخ وهي مستحيه وخالد مازال مستغرب"
خالد وهو يتحسس مكان البوسه: فديتها بس ...عسل وربي عسل
"خمس دقايق وكان كل شي جاهز والتمو كلهم "
خالد: وينه فهد مااشوفه ؟
ام خالد: يفطر في بيت صاحبه
خالد: آآها ...من اللي سوت البيتزا ..شي خيال
نوف: هههه هذي جمانه
خالد بابتسامه : تسلم ايدك
جمانه بحيا: الله يسلمك
ليلى: نورتي سفرتنا جمانه
ام خالد بابتسامه: عقبال ماتكوني السنه الجايه معانا مثل هالوقت
ليلى : حددتوا زواجكم ؟
خالد : لـ
ماكمل لان قاطعته جمانه: ايي بعد شهرين ان شاء الله
خالد طلع فيها مستغرب وجمانه ابتسمت وحطت يدها على يده
ام خالد بفرح : الله يسهل اموركم ان شاء الله
نوف: ما باقي شي ..قريب مره
جمانه / أخوك اللي مستعجل ههههههه
خالد غمز لها : بس مو من حقي استعجل ههههههه
ليلى : ياعيني ههههههههه
"خلصوا الفطور وجلسوت يسولفوا يأكلوا الحلا "
خالد يكلم جمانه بهدوء لانها كانت قاعده جنبه : ابغاك شوي في الغرفه
جمانه ومنزله راسها: طيب
خالد مسك يد جمانه ووقف وهي بدورها وقفت معاه : عن إذمكم شوي وراجعين
ام خالد بابتسامه : خذوا راحتكم
"مشى خالد اللي مازال ماسك يد جمانه ..راح غرفته ...سكر الباب وخلاها تقعد على الكنبه وهو قعد جنبها "
خالد بهدوء:ليش قلتي لهم ان حددنا زواجنا بعد شهرين أنتي ماكنتي راضـــ
جمانه حطت يدها على شفايفه : كنت ...بس الحين اني موافقه "بمزح " و اذا تبغاه قبل ماعندي مانع
خالد صدق: صحيح ؟
جمانه:هههههههههه لا طبعا ...مااغير كلامي بعد شهرين
خالد:ههههه اووكي
جمانه نزلت راسها : وبالنسبه للي صار البـ
خالد قاطعها وهو يرفع راسها: اششش ..مايحتاج تقولي شي ..اذا حسيتي فعلا انك تبغي تتكلمي أعرفي ان راح أكون اسمعك
جمانه:بس
خالد:لا بس ولاشي ..انا حاس ان اللي تبكي علشانه شي صار من الماضي وهو سبب تغيرك في ثالث ثانوي مثل ما سمعت ,,,انا حاليا ماابغى اعرفه لان هو من الماضي بس ابغاك تشيليه من بالك انا مااعرف شنو هو بس مايصير تخربين حياتك الحاليه على شي صار قبل ومرت عليه سنوات ..انسي وعيشي حياتك ...الماضي ماراح ينفعك ابدا بالعكس راح يخرب عليك " مسك يدها وباسها" واريدك توعديني انك ما تكبي من اليوم وطالع ترا دموعك غاليه على قلبي
"ماكمل كلامه الا جمانه حضنته "
جمانه:الله لا يحرمني منك
خالد مستانس ع الوضع : ولا منك " ضغط عليها أكثر في الحضن"
.................................
بعد مرور خمسة أيام
ثاني يوم العيد الفطر المبارك
• بشاير وعبدالله ملكو ولحد الان هم مرتاحسن لبعض
• جمانه وخالد حياتهم احلى من قبل واعلنوا للكل ان زواجهم بعد شهرين وبدأوا يستعدوا
• فهد ماتكلم مع امه حول الموضوع مره ثانيه بس كان دائما ضايق خلقه
• ريم كانت تحمد ربها ان ماشافت بسام لما راحت لهم ولا رسل لهم شي
• ساره وحسن استقروا حاليا في بيت أبو حسن الين ما يثبت حمل ساره
...................................
بيت أبو محمد
هبه بفرح : ياليت كل الأيام عيد ههههههه
أبو محمد: الله يدوم علينا الأعياد يارب
بشاير: متحمسه مرره لروحة المنتجع
ام محمد: قلتي لعبدالله طبعا
بشاير بحيا : ايي قلت اليه
هبه: شوفوا وجهها هههههههههههههههه
بشاير ضربتها بالمخده
أبو محمد بابتسامه : هبه اتركي أختك في حالها ههههههههههه
هبه : هههههه طيب
ام محمد: أبو محمد اتصلت لمحمد ..؟
أبو محمد : لا تخافي يامره ..محمد رجال ههههه
هبه: ياليتني ولد علشان اروح وياهم
أبو محمد: ولا يهمك اسوي رحله لنا مثلهم
"الشباب كانوا في رحلة بحر ومستأجرين لهم يخت "
هبه: حممماس هههههههههههههه
...................................
بيت جدة تركي
واقف قدام المرايا يعدل شعره ,,,ابتسم لنفسه ....أخذ جواله ومفاتحيه وتوجه للباب بيطلع بس الباب انفتح قبل "
سيف: تروك وينك ؟؟ عيال خالك ينتظرونا
تركي: ههههه خلصت ..اووه نسيت جوازي ماطلعته
سيف يمثل العصبيه/ تركي
تركي: ههههههه لحظه ..انتوا ليش مستعجلين
"راح جهة دولابه ودور عليه وماشافه "
سيف:ماشفته ؟
تركي:لا ....شكله صار في غرفة امي لما عطيتها أوراق السفر
سيف/يالله روح جيبه بنتظرك في السياره
تركي: اووكي
"طلع من غرفته وراح غرفة أمه توجه لدرج التسريخحه اللي امه تحط فيه الأوراق المهمه ..بحث بسرعه شاف جوازه أخذه ...انتبه ان شي طاح كان بينزل يشوف شنو هو بس جاه صوت خاله وطلع بسرعه من الغرفه ونزل وراح لهم السياره "
صقر: ماتوقعتك من النوع اللي يتأخر ههههههههه
تركي: ماادري ليش انتوا مستعجلين
فارس: مستعجلين على الوناسه ههههههه
تركي: الوناسه وانت مو من زمان جاي من سفره بعد
فارس: بس هذي غير " بحماس " احنا رايحين الكويت
صقر : لا احد يسمعك حسيت بنروح باريس وانا ماادري
تركي: شباب كم بنقعد هناك ؟
سيف/ يومين وراجعين ما نتأخر ...ليش تسأل ؟
تركي برومانسيه مصطنعه: أخاف على حبيبتي يعذبها غيابي ههههه
الشباب: ههههههههههه
صقر: عاد الا انت مااتخيلك تحب
تركي: اشكرك ههههههههههههههههه
...............................................
بيت أبو حسن
ريم وساره : ههههههههههه
ريم: سارونه ليش ماتستقروا معانا هنا ..والله مسليتني بدل قعدتي كأني الهبله بروحي
ام حسن جايه بصينية الحلا: وانا ويني علشان تصيري بروحك ريم قامت أخذت الصينيه منها : انتي الكل بالكل يمه هههههههههه
ام حسن : ايي مشيها ليي
ساره وريم :ههههههه
ريم: بس يمه بصراحه من لما جوا صار بيتنا احلى
ام حسن:ايي اكيد
ساره : خالتي اقنعي حسن ان اروح معاكم المنتجع ...مو راضي ..كفايه ملكة بشاير مارحتها ولا رحت امس معاكم جمعة العيد
ام حسن : خايف عليك وعلى ولده من الحركه ههههه
ساره باندفاع : باروح هناك وبقعد مابتحرك
ام حسن : هههههه خلاص ولا يهمك أكلمه لك
ريم: صحيح هم متى بيرجعوا ؟
ام حسن : اكيد الليل
ريم انتبهت ان جوالها مو موجود : وين جوالي ؟
ساره : انتي ما جبتيه من غرفتك
ريم: اووه ههههه ..باروح اجيبه
ام حسن : ماتقدر تقعد بدونه
ريم وهي رايحه غرفتها : اكيد يمه هذا الحب ههههههههههه
"دخلت غرفتها واخذت جوالها من على السرير وانتبهت لوجود رساله من بسام "
"كل عام وانتي بخير يا الريم
كنت متمني إني أشوفك وأكحل عيوني فيك ..بس اوعدك راح أحصل هالفرصه في أقرب وقت ....أحبك "
ريم بعصبيه وهي تمسح الرساله : ما يستحي على وجهه هذا
"هدأت نفسها وسوت نفسها طبيعيه وطلعت لامها وساره علشان لا يحسو شي "
.................................................
عند الشباب
وسط البحر
محمد وهو يرفه السناره : شباب شوفوا السمكه اللي طلعتها
خالد: انا مايجوني الا الصغار
محمد: قول ماشاء الله هههههه
خالد: ماشاء الله ماقلنا شي هههههه
حسن :سكتوا بس بتطلع الحين اللي اكبر ههههههه
"فعلا ثواني بس وحسن طلع سمكه اكبر من سمكة محمد"
حسن:ههههههههه
خالد:ماشاء الله
محمد: اللي يشوفك وانت مستانس فيها كأنك تأكل سمك
حسن : هذا لانك غيران مني ههههههههههه
محمد: اغار علشان سمكه ههههههههه
"اما عند فهد وسلمان كانوا قاعدين عند زاويه من اليخت يسولفوا وهم مقابلين البحر "
سلمان بتنهيده : أحبها يافهد أحبها
فهد:سلمانو انا زعلان منك
سلمان:اقولك انا احب وانت تقول لي زعلان
فهد:أي زعلان لانك ما قلت لي من البدايه
سلمان غمز له: ليش انت قلت لي ..انت لحد الان ماقلت لي من اللي تحبها
فهد يسوي نفسه مستغرب: انا أحب؟ من قال
سلمان: هههههههههههه علينا
فهد يغير الموضوع: ما قلت لي من اللي تحبها
سلمان: غير غير الموضوع مصيرك بتقول لي ههههههههه
فهد انحرج: ههههههههه
سلمان:اللي احبها رهف
فهد باستغراب : من رهف ..؟
سلمان:بنت خالتي
فهد:ههههههههههههه
سلمان باستغراب: ليش تضحك ؟
فهد:علشان كذا تستانس لما تروحو بيت خالتك
سلمان انحرج: هههههههه
فهد:وهي تدري بحبك ؟
سلمان:لا ولا ابغاها تدري
فهد باستغراب: ليش؟
سلمان:أخاف ان يكون حبي من طرف واحد ..ذيك اللحظه ما أتخيل الصدمه اللي راح تصيبني
فهد:طيب ويمكن ان يكون الحب متبادل
سلمان:وهذا احتمال ضعيف
فهد:ليش انت يائس ..يمكن تحب ..طيب ليش ماتخلي ريم تعرف لك الخبر اليقين
سلمان: لا لا ماابغى احد يعرف.....وانا ان شاء الله باقي لي اقل من سنه واتخرج وبعدها راح اخطبها
فهد:حتى لو ماهي تحبك ؟
سلمان:ايي عادي مع الأيام راح تحبني
فهد:طيب يمكن تحب أحد غيرك
سلمان عوره كلام فهد : لا ان شاء الله "وسرح"
فهد ماحب يتكلم أكثر
جاهم محمد:شباب تعالوا معانا ليش قاعدين لوحدكم
فهد: الحين جايين ههههههه
.............,,,,,,,,,,,,,,,,,,..........
في الليل
سيارة عبدالله خطيب بشاير
عبدالله ماسك يد بشاير ويطلع وجه بشاير
بشاير بحيا:عبدالله انتبه للطريق
عبدالله : مااقدر صدقيني دامك جنبي
بشاير: ههههههه
عبدالله طبع بوسه هادئه على يدها:أحبك
بشاير ذابت من الحيا
عبدالله بابتسامه اللي تسحر بشاير: وما توقعت بحبك بهالسرعه ..بس رقتك وجمالك واسلوبك يخلي الواحد غصب عنه يحبك و ...
"قطع عليه صوت جواله "
عبدالله : من الفاضي اللي متصل الحين
بشاير: ههههه
عبد الله: الوو
صديق عبدالله : عبيد وينك ..ترا اليوم ثاني العيد وما شفناك...اووه صح كل عام وانت بخير ومن العايدين
عبدالله :هههههههههه وانت بألف خير
صديق عبدالله : هههه ها وينك ؟
عبدالله :مع المدام ..وتراك قطعت علي وقت جميل
صديق عبدالله :اووه نسينا سامحنا هههههههه
عبدالله : خلصت عجل ..مع السلامه
بشاير: هههههه
عبدالله: فديت هالضحكه ..انا ويني عنك طول هالسنين
.....................................
"شافت نفسها في المرايا للمره الاخيره.... تجهزت لان كلمته من شوي وعرفت ان هو في الطريق ....دقايق بس وانفتح الباب..رفع نظره للملاك اللي واقف قدامه ...كانت لابسه فستان سماوي وماسك ع الصدر وطويل وبارز بطنها الصغير ومسويه شعرها بالفير وجايبتنه على جنب ومسويه لها مكياج هادي وناعم ...حسن لما شافها تقدم لها وطبع بوسه على خد ساره "
حسن/ سارونتي ..انتظريني دقايق وراجع ...مو تتحركي اوكي ههههه
ساره/هههه طيب
(حسن أخذ ملابسه وراح الحمام عزكم الله واخذ اليه شاور سريع وطلع وكانت ساره تنتظره بالفوطه ..اخذته وقعدته على الكرسي وبدأت بهدوء تنشف شعره )
ساره بدلع: حبيبي كيف كانت الرحله
حسن قام وصار مقابلها ومسكها من خصرها: جميله بس مو اجمل منك
ساره:ههههه
حسن/ياويلي " حضنها وما قاوم ريحتها"
ساره بحيا/حسون
حسن :ياعيون حسون ناويه تجننيني انتي الليله
ساره: هههههه
" ماندخل نفسنا مع العشاق "
..............................
في سيارة خالد
"كان معاه فهد"
خالد: فهد
فهد:هلا
خالد: أحسك متغير هاليومين مو على بعضك ...فيك شي ؟
فهد ارتبك:هههه لا مافيني شي
خالد:انا اخوك ...قول لي
فهد تنهد تنهيده طلع شوي من اللي في قلبه
خالد: كل هذا و تقول ما فيك شي
فهد:ابغى اتزوج وامي مو راضيه
خالد ماحس لنفسه : ههههههههههههههههههههههه
فهد طلعه بنظرة يعني خير
خالد حس على نفسه: ايي وليش امي مارضت ؟
فهد:تقول ماتنفع للزواج مع وضعك الان
خالد:ايي عدل كلامها ...انت بعدك مو مجهز نفسك ومافيه أحد بيقبل يزوج بنته لواحد يدرس ومو مجهز نفسه
فهد:طيب ع الأقل نحجز البنت الين مااجهز نفسي
خالد وبابتسامه:اووه قول كذا ههههه ...من البنت وانا اوعدك اكلم امي
فهد ومنزل راسه:ريم بنت خالي
خالد تلاشت ابتسامته
فهد:ادري بتقول خالك مابيقبل فيني بس ما يضرنا لو جربنا
خالد:صحيح كلامك .."بجديه"فهد حاول ترتب وضعك وتترك الدخان و
فهد قاطعه: مايحتاج تكمل ..انا عارف كلامك وحافظه بعد
خالد بابتسامه: هههه شاطر ...ولا يهمك انا بكلم امي
فهد ابتسم
"رن جوال خالد وابتسم خالد وفهد حس اليه "
فهد: جمانه؟
خالد:ههههه ايي ...سكر اذنك لو سمحت
فهد:هههههههههه
خالد:هلا قلبي
جمانه:هلا خالد ..ها طلعتوا من البحر ؟
خالد:ايي ...والحين انا وصلت البيت
جمانه:تمام
خالد يكلم فهد: يلا فهد انزل
فهد:هههههه بنزل خذ راحتك بعد "ونزل لبيتهم"
خالد بعد مانزل فهد: وحشتيني يا قمر
جمانه بحيا: وانت أكثر
خالد:كيف استعدادك لبكره ؟
جمانه:عادي هههه بس صراحه متحمسه للاشياء اللي اتفقنا عليها احنا البنات
خالد:شنو هالاشياء
جمانه:ههههههه سر للبنات فقط
خالد:هههههههه
جمانه:خلودي
خالد:عيون وقلب خلودي
جمانه بحيا: ابغى صوره لك
خالد:بس هذا اللي تبغيه ..ولا يهمك تبغي صوره بالثوب والشماغ والا باللبس العادي ههههه
جمانه:ههههه بثوب وشماغ احلى
"وجلسو سوالف لمدة ربع ساعه وبعدين نزل خالد بيتهم"
..................................
الصباح
الساعه 8
بيت أبو محمد
(من جلس من النوم وهو حاس بضيقه ومو عارف سببها أخذ اليه شاور سريع لبس ملابسه واخذ شنطته اللي مجهزها للمنتجع وطلع من غرفته متجه لأهله اللي كانوا بانتظاره )
هبه بضحكه : ليش تأخرت "انتبهت لملامحه " فيك شي؟
محمد بابتسامه عكس اللي بداخله: لا مافيني شي .."لف لامه وابوه " ها يبه نمشي ؟
أبو محمد: ايي خلاص جهزنا كل شي "وقف علشان يطلع مع ولده "
محمد يكلم هبه وبشاير/ بروح اشغل السياره وبجي أخذ الأغراض "وطلع "
بشاير باستغراب: وش فيه محمد؟
هبه وهي تهز اكتافها بمعني ماادري : يمكن تعبان من البارحه لانهم مارجعوا الا متأخر
بشاير: ايي يصير
..................................
بيت أبو حسن
"عبست من الازعاج اللي تسمعه "
ساره وهي تهز حسن وهي مازالت مغمضه : حسن ..حسون
حسن: هممم
ساره : فيه احد يدق الباب
حسن وهو مغمض : قومي شوفيه
ساره : يمكن سلمان او عمي تخيل يشوفوني كذا
حسن قام وعيون مفتوحه وعيون مسكره
ساره بضحكه : البس ع الأقل بلوزتك
حسن انتبه لنفسه واخذ بلوزته ولبسها وفتح الباب ومازال عيون مفتوحه وعيون مسكره: نعم
ريم بصراخ: حسن الى متى احنا ننتظركم ...دقينا عليكم اكثر من مره ..الساعه 8 وربع وأبوي معصب منك
حسن انتبه واستوعب: خلاص خلاص ربع ساعه بالكثير واحنا عندكم
"سكر الباب ولف لساره مالقاها شوي وطلعت من الحمام عزكم الله ودخل بعدها حسن ودقايق وطلع شافها واقفه قدام المرايا راح لها ومسكها من خصرها "
حسن بابتسامه: شفتي سواتك البارحه وشو سوت فينا
ساره بدلع: ههههه انت اللي تهورت ,,,انا مالي شغل
حسن :لا والله ..ماادري من اللي بدلعه خلاني أتهور
ساره:هههههههه
حسن :ياويلي..."تذكر" صحيح مخليه امي واسطه علشان اخليك تروحي اليوم
ساره لفت له: يعني أهون عليك
حسن بابتسامه : لا طبعا ..بس يمكن
"ماكمل جملته الا دقت ريم عليهم الباب :
ريم : الى متى ترانا تأخرنا
"ساره تباعدت عنه وهي تضحك وراحت تجهز نفسها ... وحسن وده يقتل ريم لانها خربت عليه جوه "
.................................................. ....
نهاية البارت العاشر
توقعاتكم
وش ممكن يصير في المنتجع
...................